ᠪᠢᠴᠢ-ᠰᠠᠢᠨᠵᠢᠷᠭᠠᠯБич-Сайнжаргал
284ᠪᠢᠴᠢ
ᠪᠢᠴᠢ ᠪᠢᠴᠢ ᠪᠢᠴᠢ
ᠪᠢᠷ ᠴᠠᠭᠠᠰᠤ ᠪᠠᠨ ᠰᠠᠯᠭᠠᠯ ᠦᠭᠡᠢ ᠪᠢᠴᠢ
ᠪᠢᠯᠢᠭ ᠣᠶᠤᠨ ᠢ᠋ᠶ᠋ᠠᠨ ᠬᠤᠷᠴᠠᠯᠠᠵᠤ ᠪᠢᠴᠢ
ᠪᠣᠰᠤᠭᠠ ᠮᠣᠩᠭᠣᠯ ᠢ᠋ᠶ᠋ᠠᠷ ᠤᠷᠤᠰᠲᠠᠯᠠ ᠪᠢᠴᠢ
ᠪᠢᠴᠢ ᠪᠢᠴᠢ ᠪᠢᠴᠢ
ᠠᠬᠠᠮᠠᠳ ᠪᠤᠭᠤᠷᠤᠯ ᠢ᠋ᠶ᠋ᠠᠨ ᠬᠦᠨᠳᠦᠯᠡᠵᠦ ᠪᠢᠴᠢ
ᠠᠭᠤᠤ ᠲᠡᠦᠬᠡ ᠪᠡᠨ ᠳᠠᠭᠤᠯᠠᠵᠤ ᠪᠢᠴᠢ
ᠠᠴᠢᠷ ᠦᠷᠡ ᠳ᠋ᠡᠭᠡᠨ ᠤᠯᠠᠮᠵᠢᠯᠠᠵᠤ ᠪᠢᠴᠢ
ᠪᠢᠴᠢ ᠪᠢᠴᠢ ᠪᠢᠴᠢ
ᠥᠪ ᠰᠣᠶᠣᠯ ᠢ᠋ᠶ᠋ᠠᠨ ᠥᠪᠯᠡᠵᠦ ᠪᠢᠴᠢ
ᠦᠨᠳᠦᠰᠦ ᠤᠳᠤᠮ ᠢ᠋ᠶ᠋ᠠᠨ ᠦᠨᠡᠯᠡᠵᠦ ᠪᠢᠴᠢ
ᠦᠰᠦᠭ ᠪᠢᠴᠢᠭ ᠢ᠋ᠶ᠋ᠡᠨ ᠥᠮᠥᠭᠯᠡᠵᠦ ᠪᠢᠴᠢ
ᠪᠢᠴᠢ ᠪᠢᠴᠢ ᠪᠢᠴᠢ
ᠪᠠᠢᠭᠠᠯᠢ ᠨᠤᠲᠤᠭ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠵᠤ ᠪᠢᠴᠢ
ᠪᠣᠳᠣᠯ ᠰᠡᠳᠬᠢᠯ ᠢ᠋ᠶ᠋ᠡᠨ ᠳᠤᠰᠬᠠᠵᠤ ᠪᠢᠴᠢ
ᠪᠢᠯᠳᠠᠤᠴᠢ ᠵᠠᠯᠢᠬᠠᠢ ᠶ᠋ᠢ ᠢᠯᠡᠴᠢᠯᠡᠵᠦ ᠪᠢᠴᠢ
ᠪᠢᠴᠢ ᠪᠢᠴᠢ ᠪᠢᠴᠢ
ᠭᠠᠯ ᠭᠣᠯᠣᠮᠲᠠ ᠪᠠᠨ ᠪᠠᠳᠠᠷᠠᠭᠠᠵᠤ ᠪᠢᠴᠢ
ᠭᠠᠷᠤᠯᠲᠠ ᠣᠷᠣᠯᠭᠠ ᠪᠠᠨ ᠵᠥᠩᠨᠡᠵᠦ ᠪᠢᠴᠢ
ᠭᠠᠳᠠᠨᠠ ᠶ᠋ᠢᠨ ᠴᠠᠭᠠᠴᠢᠨ ᠢ᠋ ᠦᠯᠳᠡᠵᠦ ᠪᠢᠴᠢ
ᠪᠢᠴᠢ ᠪᠢᠴᠢ ᠪᠢᠴᠢ
ᠮᠠᠯ ᠰᠦᠷᠦᠭ ᠢ᠋ᠶ᠋ᠡᠨ ᠬᠤᠷᠤᠢᠯᠠᠵᠤ ᠪᠢᠴᠢ
ᠮᠠᠯᠴᠢᠨ ᠲᠦᠮᠡᠨ ᠢ᠋ᠶ᠋ᠡᠨ ᠥᠮᠥᠭᠡᠷᠡᠵᠦ ᠪᠢᠴᠢ
ᠮᠠᠷᠭᠠᠰᠢ ᠨᠥᠭᠥᠭᠡᠳᠦᠷ ᠵᠠᠯᠭᠠᠭᠠᠳ ᠪᠢᠴᠢ᠁
2024.1.9
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠣᠳᠬᠣᠨᠴᠡᠴᠡᠭ