ᠪᠢᠴᠢ᠁ ᠦᠷᠭᠦᠯᠵᠢ ᠪᠢᠴᠢ- ᠣᠳᠬᠣᠨᠴᠡᠴᠡᠭБич… үргэлж бич-Отгонцэцэг
528ᠪᠢᠴᠢ᠁ ᠦᠷᠭᠦᠯᠵᠢ ᠪᠢᠴᠢ
ᠣᠳᠬᠣᠨᠴᠡᠴᠡᠭ
ᠠᠪᠠᠬᠡ ᠶ᠋ᠢᠨ ᠠᠬᠠᠮᠠᠳ ᠠ᠊ ᠠ᠋ᠴᠠ
ᠠᠮᠢᠨᠴᠢᠯᠠᠵᠤ ᠬᠠᠢᠷᠠᠯᠠᠵᠤ ᠪᠢᠴᠢᠶᠡ
ᠠᠮᠢ ᠨᠠᠰᠤ ᠲᠠᠢ ᠪᠠᠨ ᠠᠳᠠᠯᠢᠳᠬᠠᠨ
ᠠᠪᠤᠷᠠᠵᠤ ᠲᠡᠩᠭᠡᠭᠡᠷᠡᠭᠦᠯᠵᠦ ᠪᠢᠴᠢᠶᠡ
ᠡᠷᠬᠡᠰ ᠳᠣᠯᠣᠭᠠᠨ ᠪᠤᠷᠬᠠᠳ ᠰᠢᠭ᠋
ᠡᠭᠡᠰᠢᠭ ᠳᠣᠯᠣᠭᠠ ᠪᠠᠨ ᠪᠢᠴᠢᠶᠡ
ᠡᠯᠡ ᠦᠨᠳᠦᠰᠦᠲᠡᠨ ᠲᠡᠢ ᠵᠡᠷᠭᠡᠴᠡᠨ
ᠡᠷᠬᠡ ᠲᠡᠭᠰᠢ ᠪᠡᠷ ᠪᠢᠴᠢᠶᠡ
ᠬᠡᠢᠮᠣᠷᠢᠯᠢᠭ ᠰᠤᠤᠲᠤ ᠪᠢᠴᠢᠭ ᠢ᠋ᠶ᠋ᠡᠨ
ᠬᠡᠵᠢᠶᠡ ᠴᠦ᠍ ᠪᠣᠯᠭᠠᠨ ᠪᠢᠴᠢᠶᠡ
ᠬᠡᠯᠡ ᠰᠣᠶᠣᠯ ᠢ᠋ᠶ᠋ᠠᠨ ᠪᠠᠲᠤᠳᠬᠠᠬᠤ ᠪᠠᠷ
ᠬᠡᠷᠡᠭᠯᠡᠵᠦ ᠦᠷᠭᠦᠯᠵᠢ ᠪᠢᠴᠢᠶᠡ
ᠮᠣᠩᠭᠣᠯ ᠰᠣᠶᠣᠯ ᠤ᠋ᠨ ᠢ᠋ᠶ᠋ᠠᠨ ᠢᠷᠡᠭᠡᠳᠦᠢ ᠶ᠋ᠢ
ᠮᠥᠩᠬᠡᠷᠡᠭᠦᠯᠬᠦ ᠠᠮᠢᠯᠠᠯ ᠲᠠᠢ ᠪᠢᠴᠢᠶᠡ
ᠮᠥᠩᠬᠡ ᠬᠥᠬᠡ ᠲᠩᠷᠢ ᠳ᠋ᠡᠭᠡᠨ
ᠮᠥᠷᠭᠥᠨ ᠳᠠᠭᠠᠳᠬᠠᠵᠤ ᠪᠢᠴᠢᠶᠡ
ᠪᠤᠭᠤᠷᠤᠯ ᠳᠡᠭᠡᠳᠦᠰ ᠡᠴᠡ ᠤᠯᠪᠠᠭᠠᠯᠠᠭᠰᠠᠨ
ᠪᠣᠰᠤᠭᠠ ᠦᠰᠦᠭ ᠢ᠋ᠶ᠋ᠡᠨ ᠪᠢᠴᠢᠶᠡ
ᠪᠤᠷᠤᠭᠤ ᠬᠠᠵᠠᠭᠠᠢ ᠪᠠᠨ ᠵᠠᠰᠠᠮᠵᠢᠯᠠᠨ
ᠪᠣᠳᠣᠯ ᠢ᠋ᠶ᠋ᠠᠨ ᠲᠥᠪᠯᠡᠷᠡᠭᠦᠯᠦᠨ ᠪᠢᠴᠢᠶᠡ
ᠥᠰᠪᠥᠷᠢ ᠪᠠᠭᠠ ᠬᠡᠦᠬᠡᠳ ᠦ᠋ᠳ ᠲᠡᠭᠡᠨ
ᠥᠪᠯᠡᠨ ᠵᠠᠯᠭᠠᠮᠵᠢᠯᠠᠭᠤᠯᠵᠤ ᠪᠢᠴᠢᠭᠦᠯᠦᠶᠡ
ᠥᠯ ᠬᠣᠭᠣᠯᠠ ᠪᠠᠨ ᠵᠠᠯᠬᠠᠭᠤ ᠰᠢᠭ᠋
ᠥᠲᠡᠯᠵᠦ ᠥᠭᠢᠷᠡᠲᠡᠯᠡ ᠪᠡᠨ ᠪᠢᠴᠢᠴᠢᠬᠡᠶᠡ
ᠪᠦᠷᠦᠭ ᠪᠠᠷᠤᠭ ᠠ᠋ᠴᠠ ᠭᠡᠭᠡᠷᠡᠵᠦ
ᠪᠦᠯᠬᠦᠮᠳᠡᠨ ᠨᠢᠭᠲᠠᠷᠠᠵᠤ ᠪᠢᠴᠢᠶᠡ
ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠳ᠋ᠦ᠍ ᠲᠦᠭᠡᠮᠡᠯᠵᠢᠭᠦᠯᠬᠦ ᠪᠡᠷ
ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠴᠢᠬᠤᠯᠠᠴᠢᠯᠠᠨ ᠪᠢᠴᠢᠶᠡ
2024. 1.10 ᠥᠷᠯᠥᠭᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠣᠳᠬᠤᠨᠴᠡᠴᠡᠭ