ᠰᠢᠨᠡ ᠵᠢᠯ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠬᠣᠣᠰ ᠤᠶᠠᠩᠭᠠ(ᠭᠤᠷᠪᠠ)Шинэ жил, цагаан сарын хос уянга
1999ᠰᠢᠨᠡ ᠵᠢᠯ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠬᠣᠣᠰ ᠤᠶᠠᠩᠭᠠ(ᠭᠤᠷᠪᠠ)
ᠪᠠᠶᠠᠷ ᠴᠡᠩᠭᠡᠯ ᠢ᠋ᠶ᠋ᠡᠷ ᠪᠢᠯᠬᠠᠭᠰᠠᠨ ᠪᠠᠶᠠᠨ ᠡᠯᠪᠡᠭ ᠵᠢᠯ
ᠪᠠᠶᠠᠵᠢᠯ ᠤ᠋ᠨ ᠢᠷᠦᠭᠡᠯ ᠰᠢᠩᠭᠡᠭᠰᠡᠨ ᠪᠠᠶᠠᠷᠲᠤ ᠰᠠᠢᠬᠠᠨ ᠣᠨ
ᠴᠠᠭ ᠤ᠋ᠨ ᠪᠠᠢᠳᠠᠯ ᠡᠩᠬᠡ ᠲᠦᠪᠰᠢᠨ ᠵᠢᠯ ᠦ᠋ᠨ ᠥᠩᠭᠡ ᠲᠡᠭᠰᠢ
ᠴᠠᠭᠯᠠᠰᠢ ᠦᠭᠡᠢ ᠪᠠᠶᠠᠷ ᠴᠡᠩᠭᠡᠯ ᠤᠯᠠᠷᠢᠯ ᠤ᠋ᠨ ᠪᠠᠢᠳᠠᠯ ᠨᠠᠮᠵᠢᠭᠤᠨ
ᠮᠣᠩᠭᠣᠯ ᠤ᠋ᠨ ᠰᠠᠢᠬᠠᠨ ᠵᠠᠩᠰᠢᠯ ᠢ᠋ᠶ᠋ᠠᠷ ᠬᠠᠳᠠᠭ ᠳᠡᠯᠭᠡᠨ ᠵᠣᠯᠭᠠᠶᠠ
ᠮᠡᠨᠳᠦ ᠶ᠋ᠢᠨ ᠰᠠᠢᠬᠠᠨ ᠶᠣᠰᠣ ᠪᠠᠷ ᠬᠦᠬᠦᠷ ᠰᠣᠯᠢᠯᠴᠠᠨ ᠮᠡᠨᠳᠦᠴᠢᠯᠡᠶᠡ
ᠰᠠᠮᠪᠠᠢ ᠬᠠᠳᠠᠭ ᠢ᠋ᠶ᠋ᠠᠨ ᠳᠡᠯᠭᠡᠨ ᠪᠠᠢᠵᠤ ᠬᠠᠭᠤᠴᠢᠨ ᠣᠨ ᠢ᠋ᠶ᠋ᠠᠨ ᠦᠳᠡᠶᠡ
ᠰᠠᠭᠠᠯᠢ ᠶ᠋ᠢᠨ ᠠᠷᠢᠬᠢ ᠪᠠᠨ ᠡᠷᠭᠦᠨ ᠪᠠᠢᠵᠤ ᠰᠢᠨᠡ ᠵᠢᠯ ᠢ᠋ᠶ᠋ᠡᠨ ᠤᠭᠲᠤᠶᠠ
ᠬᠥᠬᠡ ᠮᠣᠩᠭᠣᠯ ᠤ᠋ᠨ ᠣᠨᠳᠣᠷᠣᠯ ᠮᠢᠩᠭᠠᠨ ᠮᠢᠩᠭᠠᠨ ᠬᠠᠪᠤᠷ
ᠬᠥᠳᠡᠭᠡ ᠨᠤᠲᠤᠭ ᠤ᠋ᠨ ᠠᠮᠢᠳᠤᠷᠠᠯ ᠵᠢᠯ ᠵᠢᠯ ᠳᠡᠯᠭᠡᠷ
ᠠᠮᠵᠢᠯᠲᠠ ᠪᠦᠲᠦᠭᠡᠯ ᠲᠡᠢ ᠬᠠᠭᠤᠴᠢᠨ ᠵᠢᠯ ᠢ᠋ᠶ᠋ᠡᠨ ᠦᠳᠡᠮᠦᠢ
ᠠᠬᠢᠨ ᠳᠠᠪᠰᠢᠬᠤ ᠰᠢᠨᠡ ᠵᠢᠯ ᠢ᠋ᠶ᠋ᠡᠨ ᠤᠭᠲᠤᠮᠤᠢ
ᠭᠡᠷᠡᠯᠲᠦ ᠨᠠᠷᠠᠨ ᠲᠤᠶᠠᠭᠠᠷᠠᠵᠤ ᠭᠡᠷ ᠬᠣᠲᠠᠯᠠᠭᠠᠷ ᠪᠠᠶᠠᠰᠬᠤᠯᠠᠩ
ᠭᠡᠢᠴᠢᠨ ᠵᠣᠴᠢᠨ ᠨᠠᠢᠷᠯᠠᠵᠤ ᠰᠢᠨᠡ ᠵᠢᠯ ᠳᠦᠭᠦᠷᠡᠩ
ᠮᠢᠩᠭᠠᠨ ᠲᠦᠮᠡᠨ ᠵᠣᠭᠣᠰ ᠲᠠᠢ ᠪᠣᠯ
ᠮᠠᠨᠳᠤᠬᠤ ᠪᠠᠶᠠᠨ ᠠᠮᠢᠳᠤᠷᠠᠯ ᠲᠠᠢ ᠪᠣᠯ
ᠪᠣᠭᠳᠠ ᠡᠵᠡᠨ ᠦ᠌ ᠢᠪᠡᠭᠡᠯ ᠳ᠋ᠦ᠍ ᠪᠤᠶᠠᠨ ᠬᠡᠰᠢᠭ ᠬᠤᠷᠠᠮᠤᠢ
ᠪᠡᠯᠭᠡᠲᠦ ᠣᠨ ᠤ᠋ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠶᠠᠨ ᠡᠷᠬᠢᠮ ᠣᠷᠣᠰᠢᠮᠤᠢ
ᠥᠯᠵᠡᠢ ᠵᠢᠷᠭᠠᠯ ᠳᠡᠯᠭᠡᠷᠡᠨ ᠪᠠᠳᠠᠷᠠᠬᠤ ᠰᠢᠵᠢᠷ ᠠᠯᠲᠠᠨ ᠣᠨ
ᠥᠷᠭᠡᠨ ᠬᠡᠰᠢᠭ ᠪᠠᠳᠠᠷᠠᠨ ᠠᠷᠪᠢᠵᠢᠬᠤ ᠰᠢᠨᠡ ᠴᠠᠭᠠᠨ ᠰᠠᠷᠠ
ᠪᠠᠶᠠᠷ ᠤ᠋ᠨ ᠠᠭᠤᠷ ᠪᠢᠯᠬᠠᠭᠰᠠᠨ ᠥᠯᠵᠡᠢᠲᠦ ᠴᠠᠭᠠᠨ ᠰᠠᠷᠠ
ᠪᠠᠶᠠᠵᠢᠯ ᠤ᠋ᠨ ᠵᠠᠮ ᠳᠤᠷᠠᠢᠭᠰᠠᠨ ᠪᠡᠯᠭᠡᠲᠦ ᠰᠢᠨᠡ ᠵᠢᠯ
ᠰᠢᠨᠡ ᠵᠢᠯ ᠦ᠋ᠨ ᠬᠡᠰᠢᠭ ᠭᠦᠷᠦᠨ ᠦ᠌ ᠪᠠᠢᠳᠠᠯ ᠠᠮᠤᠭᠤᠯᠠᠩ
ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠪᠤᠶᠠᠨ ᠬᠥᠮᠦᠨ ᠦ᠌ ᠴᠢᠷᠠᠢ ᠦᠵᠡᠰᠬᠦᠯᠡᠩ
ᠠᠭᠤᠯᠠ ᠦᠵᠡᠰᠬᠦᠯᠡᠩ ᠤᠰᠤ ᠲᠤᠩᠭᠠᠯᠠᠭ ᠰᠢᠨᠡ ᠬᠠᠪᠤᠷ ᠤ᠋ᠨ ᠲᠡᠮᠳᠡᠭ
ᠤᠶᠠᠩᠭᠠ ᠢᠷᠠᠭᠤ ᠨᠠᠢᠷ ᠬᠥᠭᠵᠢᠭᠦᠨ ᠰᠢᠨᠡ ᠵᠢᠯ ᠦ᠋ᠨ ᠪᠡᠯᠭᠡ
ᠥᠩᠭᠡᠲᠦ ᠣᠨ ᠤ᠋ ᠲᠠᠩᠰᠤᠭ ᠠᠮᠢᠳᠤᠷᠠᠯ ᠰᠢᠵᠢᠷ ᠪᠠᠶᠠᠨ
ᠥᠯᠵᠡᠢᠲᠦ ᠵᠢᠯ ᠦ᠋ᠨ ᠥᠨᠢᠷ ᠵᠢᠷᠭᠠᠯ ᠳᠡᠯᠭᠡᠷ ᠪᠠᠶᠠᠨ
ᠵᠢᠯ ᠵᠢᠯ ᠳ᠋ᠡᠭᠡᠨ ᠳᠡᠭᠵᠢᠷᠡᠬᠦ ᠡᠷᠦᠬᠡ
ᠣᠨ ᠣᠨ ᠳ᠋ᠠᠭᠠᠨ ᠥᠭᠡᠳᠡᠯᠡᠬᠦ ᠠᠢᠯ
ᠣᠨ ᠵᠢᠯ ᠦ᠋ᠨ ᠲᠡᠦᠬᠡᠨ ᠬᠦᠷᠳᠦᠨ ᠳ᠋ᠦ᠍ᠷ ᠮᠢᠩᠭᠠᠨ ᠮᠢᠩᠭᠠᠨ ᠬᠠᠪᠤᠷ
ᠣᠳᠣᠨ ᠭᠠᠷᠠᠭ ᠤ᠋ᠨ ᠣᠷᠴᠢᠯ ᠮᠠᠨᠳᠤᠯ ᠳ᠋ᠤᠷ ᠲᠦᠮᠡᠨ ᠲᠦᠮᠡᠨ ᠨᠠᠮᠤᠷ
ᠬᠠᠰ ᠤ᠋ᠨ ᠮᠣᠳᠣᠨᠠ ᠪᠠᠶᠠᠷ ᠤ᠋ᠨ ᠱᠠᠭᠠᠵᠠᠭᠠᠢ ᠱᠠᠭᠰᠢᠨᠠᠮ
ᠬᠠᠪᠤᠷ ᠤ᠋ᠨ ᠤᠷᠢᠨᠠ ᠰᠢᠨᠡ ᠶ᠋ᠢᠨ ᠳᠠᠭᠤᠤ ᠬᠠᠩᠭᠢᠨᠠᠨᠠᠮ
ᠬᠡᠢ ᠮᠣᠷᠢ ᠮᠠᠨᠳᠤᠭᠰᠠᠨ ᠥᠯᠵᠡᠢᠲᠦ ᠭᠡᠷ ᠬᠠᠭᠤᠴᠢᠨ ᠵᠢᠯ ᠢ᠋ᠶ᠋ᠡᠨ ᠦᠳᠡᠨᠡᠮ
ᠬᠡᠰᠢᠭ ᠪᠤᠶᠠᠨ ᠬᠤᠷᠠᠭᠰᠠᠨ ᠵᠢᠷᠭᠠᠯᠲᠤ ᠡᠷᠦᠬᠡ ᠰᠢᠨᠡ ᠵᠢᠯ ᠢ᠋ᠶ᠋ᠡᠨ ᠤᠭᠲᠤᠨᠠᠮ
ᠲᠦᠮᠡᠨ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠪᠠᠶᠠᠨ ᠡᠷᠬᠢᠮ ᠬᠠᠪᠤᠷ
ᠮᠢᠩᠭᠠᠨ ᠪᠠᠶᠠᠷ ᠳᠠᠪᠬᠤᠴᠠᠭᠰᠠᠨ ᠪᠡᠯᠭᠡᠲᠦ ᠴᠠᠭᠠᠨ ᠰᠠᠷᠠ
ᠬᠠᠳᠠᠭ ᠬᠦᠬᠦᠷ ᠰᠣᠯᠢᠯᠴᠠᠭᠰᠠᠨ ᠬᠠᠯᠠᠭᠤᠨ ᠨᠠᠢᠷ ᠲᠠᠢ ᠴᠠᠭᠠᠨ ᠰᠠᠷᠠ
ᠬᠠᠩᠭᠢᠨᠠᠮᠠ ᠳᠠᠭᠤᠤ ᠠᠶᠠᠯᠤᠭᠤᠯᠤᠭᠰᠠᠨ ᠬᠠᠪᠤ ᠴᠡᠩᠭᠡᠯᠲᠦ ᠰᠢᠨᠡ ᠣᠨ
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠡᠷᠳᠡᠮ ᠮᠡᠷᠭᠡᠵᠢᠯ ᠢᠷᠡᠬᠦ ᠣᠨ ᠤ᠋ ᠬᠦᠯᠦᠭ
ᠰᠢᠨᠡ ᠬᠥᠭᠵᠢᠯ ᠶᠡᠬᠡ ᠮᠠᠨᠳᠤᠯ ᠤᠭᠲᠤᠬᠤ ᠵᠢᠯ ᠦ᠋ᠨ ᠪᠡᠯᠡᠭ
ᠬᠣᠲᠠ ᠳᠦᠭᠦᠷᠡᠩ ᠬᠤᠭᠤᠷ ᠬᠦᠩᠭᠢᠨᠡᠭᠰᠡᠨ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠪᠠᠶᠠᠷ
ᠬᠤᠨᠳᠠᠭᠠ ᠳᠦᠭᠦᠷᠡᠩ ᠠᠷᠠᠵᠠ ᠪᠢᠯᠬᠠᠭᠰᠠᠨ ᠡᠯᠪᠡᠭ ᠵᠢᠯ ᠦ᠋ᠨ ᠨᠠᠢᠷ
ᠤᠷᠤᠭᠰᠢᠯᠠᠵᠤ ᠲᠠᠪᠰᠢᠬᠤ ᠠᠯᠬᠤᠭᠠ ᠪᠠᠨ ᠤᠯᠠᠮ ᠬᠤᠷᠳᠤᠳᠬᠠᠬᠤ ᠵᠢᠯ
ᠥᠭᠡᠷᠡᠴᠢᠯᠡᠯᠲᠡ ᠬᠢᠬᠦ ᠨᠠᠢᠷᠠᠯ ᠢ᠋ᠶ᠋ᠠᠨ ᠳᠠᠶᠠᠭᠠᠷ ᠢ᠋ᠶ᠋ᠠᠨ ᠬᠥᠭᠵᠢᠮᠳᠡᠬᠦ ᠣᠨ
ᠰᠢᠯᠢᠳᠡᠭ ᠠᠮᠵᠢᠯᠲᠠ ᠪᠠᠷ ᠢ᠋ᠶ᠋ᠠᠨ ᠰᠢᠨᠡ ᠵᠢᠯ ᠢ᠋ᠶ᠋ᠡᠨ ᠤᠭᠲᠤᠶᠠ
ᠰᠢᠷᠭᠠᠭᠤ ᠬᠥᠳᠡᠯᠮᠦᠷᠢ ᠪᠡᠷ ᠢ᠋ᠶ᠋ᠡᠨ ᠰᠢᠨᠡ ᠡᠭᠦᠷᠭᠡ ᠪᠡᠨ ᠪᠡᠶᠡᠯᠡᠭᠦᠯᠦᠶᠡ
ᠲᠠᠪᠤᠨ ᠲᠠᠷᠢᠶᠠ ᠬᠠᠯᠢᠭᠤᠷᠠᠭᠠᠳ ᠵᠢᠯ ᠵᠢᠯ ᠡᠯᠪᠡᠭ
ᠲᠠᠩᠰᠤᠭ ᠠᠮᠢᠳᠤᠷᠠᠯ ᠰᠠᠢᠵᠢᠷᠠᠭᠠᠳ ᠣᠨ ᠣᠨ ᠡᠰᠡᠷᠡᠭ
ᠮᠥᠴᠢᠷ ᠰᠣᠶᠣᠭᠠᠯᠠᠵᠤ ᠨᠠᠪᠴᠢ ᠨᠠᠬᠢᠶᠠᠯᠠᠭᠠᠳ ᠬᠥᠳᠡᠭᠡ ᠳᠦᠭᠦᠷᠡᠩ ᠰᠢᠨᠡ
ᠮᠥᠰᠥ ᠬᠠᠢᠯᠵᠤ ᠴᠠᠰᠤ ᠬᠡᠰᠦᠭᠡᠳ ᠲᠠᠯᠠ ᠳᠦᠭᠦᠷᠡᠩ ᠬᠠᠪᠤᠷ
ᠰᠠᠮᠪᠠᠢ ᠬᠠᠳᠠᠭ ᠰᠢᠨᠡ ᠶ᠋ᠢᠨ ᠵᠣᠯᠭᠠᠯᠲᠠ ᠰᠠᠷᠠᠨ ᠳᠠᠭᠢᠨᠢ ᠶ᠋ᠢ ᠪᠠᠶᠠᠰᠬᠠᠪᠠᠢ
ᠰᠠᠨᠠᠯ ᠤ᠋ᠨ ᠰᠣᠯᠣᠩᠭᠠ ᠰᠡᠳᠬᠢᠯ ᠦ᠋ᠨ ᠵᠡᠷᠭᠡᠯᠭᠡᠨ ᠨᠠᠷᠠᠨ ᠠᠪᠠᠬᠠᠢ ᠶ᠋ᠢ ᠮᠦᠰᠢᠶᠡᠯᠬᠡᠪᠡᠢ
ᠥᠯᠵᠡᠢ ᠪᠤᠶᠠᠨᠲᠤ ᠰᠢᠨᠡ ᠵᠢᠯ ᠬᠠᠳᠠᠭ ᠳᠦᠭᠦᠷᠡᠩ ᠢᠷᠦᠭᠡᠯ
ᠥᠭᠡᠳᠡ ᠡᠰᠡᠷᠡᠭ ᠣᠨ ᠵᠢᠯ ᠬᠠᠨᠳᠢᠪ ᠪᠢᠯᠬᠠᠮᠠ ᠦᠢᠯᠡᠰ
ᠮᠥᠩᠭᠥᠨ ᠲᠠᠭᠲᠠᠭᠠ ᠣᠭᠲᠠᠷᠭᠤᠢ ᠳ᠋ᠤᠷ ᠨᠢᠰᠦᠯᠴᠡᠨ ᠲᠦᠪᠰᠢᠨ ᠵᠢᠯ ᠢ᠋ ᠪᠡᠯᠭᠡᠳᠡᠨᠡᠮ
ᠠᠯᠲᠠᠨ ᠪᠡᠴᠢᠨ ᠠᠭᠤᠯᠠᠨ ᠳ᠋ᠤᠷ ᠲᠣᠭᠯᠠᠯᠴᠠᠨ ᠠᠮᠤᠭᠤᠯᠠᠩ ᠣᠨ ᠢ᠋ ᠵᠥᠩᠨᠡᠨᠡᠮ
ᠴᠠᠴᠤᠭᠲᠤ ᠳ᠋ᠧᠩᠯᠦ ᠳᠤᠸᠠᠯᠠᠭᠰᠠᠨ ᠰᠥᠨᠢ ᠦᠭᠡᠢ ᠪᠢᠲᠡᠭᠦᠨ
ᠴᠡᠩᠭᠡᠯᠲᠦ ᠨᠠᠢᠷ ᠥᠨᠳᠥᠷᠯᠡᠭᠰᠡᠨ ᠨᠣᠢᠷ ᠦᠭᠡᠢ ᠦᠳᠡᠰᠢ
ᠴᠠᠭᠯᠠᠰᠢ ᠦᠭᠡᠢ ᠡᠷᠢᠨ ᠴᠠᠭ ᠤ᠋ᠨ ᠴᠠᠭᠠᠨ ᠰᠠᠷᠠ ᠪᠠᠨ ᠪᠡᠯᠭᠡᠯᠡᠮᠦᠢ
ᠴᠢᠰᠤ ᠮᠢᠬᠠᠨ ᠤ᠋ ᠪᠠᠷᠢᠯᠳᠤᠯᠭᠠ ᠲᠠᠢ ᠳᠠᠢᠴᠢᠨ ᠴᠡᠷᠢᠭ ᠢ᠋ᠶ᠋ᠡᠨ ᠬᠦᠷᠢᠶᠡᠯᠡᠮᠦᠢ
ᠪᠤᠶᠠᠨᠲᠤ ᠴᠠᠭᠠᠨ ᠰᠠᠷᠠ ᠳ᠋ᠤ᠌ ᠪᠠᠶᠠᠷ ᠤ᠋ᠨ ᠳᠠᠭᠤᠨ ᠬᠠᠩᠬᠢᠨᠠᠩᠭᠤᠢ
ᠪᠤᠭᠤᠷᠤᠯ ᠬᠠᠢᠷᠬᠠᠨ ᠤ᠋ ᠡᠩᠭᠡᠷ ᠲᠦ᠍ ᠲᠡᠷᠢᠭᠦᠯᠡᠭᠴᠢ ᠴᠡᠴᠡᠭ ᠮᠦᠰᠢᠶᠡᠩᠭᠦᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰ ᠳᠠᠯᠠᠨᠪᠠᠶᠠᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠸᠠ
2024.1.21