ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠠᠷᠪᠠᠨ ᠬᠣᠶᠠᠷ ᠂ ᠶᠠᠰᠤ ᠮᠢᠬᠠᠨ ᠤ᠋ ᠨᠡᠷᠡᠰ ᠤᠨ ᠪᠦᠯᠦᠭ 2-2 > Хөх зул – Боржигон Ванжал –" Арван хоёр ᠂ яс махны нэрсийн бүлэг 2-2 "
431ᠠᠷᠪᠠᠨ ᠬᠣᠶᠠᠷ ᠂ ᠶᠠᠰᠤ ᠮᠢᠬᠠᠨ ᠤ᠋ ᠨᠡᠷᠡᠰ ᠤᠨ ᠪᠦᠯᠦᠭ 2-2
ᠬᠠ ᠶ᠋ᠢᠨ ᠬᠡᠰᠡᠭ
ᠬᠠ ᠮᠠᠯ ᠤ᠋ᠨ ᠡᠮᠦᠨᠡ ᠬᠣᠶᠠᠷ ᠬᠥᠯ ᠃
ᠳᠠᠯᠤ ᠬᠠ ᠶ᠋ᠢᠨ ᠨᠢᠭᠡᠳᠦᠭᠡᠷ ᠦᠶᠡ ᠶ᠋ᠢᠨ ᠭᠤᠷᠪᠠᠯᠵᠢᠨᠳᠠᠭᠤ ᠬᠠᠪᠲᠠᠭᠠᠢ ᠦᠶᠡ᠃
ᠬᠠᠷᠢᠲᠤ
ᠬᠠ ᠶ᠋ᠢᠨ ᠬᠣᠶᠠᠳᠤᠭᠠᠷ ᠴᠢᠮᠥᠭᠡᠲᠦ ᠦᠶᠡ ᠃ ᠪᠠᠰᠠ 《ᠠᠳᠬᠤᠭᠠᠯ ᠴᠢᠮᠥᠭᠡ 》᠂ 《ᠬᠠᠢᠨ ᠴᠢᠮᠥᠭᠡ 》᠂ 《ᠪᠤᠭᠤᠯᠤᠭ ᠴᠢᠮᠥᠭᠡ 》 ᠭᠡᠬᠦ ᠮᠡᠲᠦ ᠣᠯᠠᠨ ᠨᠡᠷᠡᠰ ᠪᠠᠢᠳᠠᠭ᠃
ᠪᠣᠭᠲᠣ ᠴᠢᠮᠥᠭᠡ
ᠬᠠ ᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠴᠢᠮᠥᠭᠡᠲᠦ ᠦᠶᠡ ᠃ ᠪᠠᠰᠠ 《ᠪᠣᠭᠲᠣᠰ 》᠂ 《ᠪᠣᠭᠲᠣᠭᠣᠰᠣ 》ᠭᠡᠳᠡᠭ᠃
ᠡᠪᠦᠳᠦᠭ
ᠪᠣᠭᠲᠣᠭᠣᠰᠣ ᠴᠢᠮᠥᠭᠡ ᠬᠢᠭᠡᠳ ᠰᠢᠯᠪᠢ ᠬᠣᠶᠠᠷ ᠤ᠋ᠨ ᠨᠡᠢᠯᠡᠭᠰᠡᠨ ᠦᠶᠡ ᠳ᠋ᠡᠬᠢ ᠲᠥᠪᠥᠭᠡᠷ ᠃ ᠪᠠᠰᠠ ᠬᠠᠭᠳᠠ ᠦᠶᠡ ᠭᠡᠳᠡᠭ᠃
ᠰᠢᠯᠪᠢ ᠬᠠ ᠶ᠋ᠢᠨ ᠳᠥᠷᠪᠡᠳᠦᠭᠡᠷ ᠴᠢᠮᠥᠭᠡᠲᠦ ᠦᠶᠡ᠃
ᠪᠡᠷᠪᠡᠬᠡᠢ ᠰᠢᠯᠪᠢ ᠰᠢᠮᠰᠡᠭᠡ ᠬᠣᠶᠠᠷ ᠤ᠋ᠨ ᠨᠡᠢᠯᠡᠪᠦᠷᠢ ᠦᠶᠡ ᠶ᠋ᠢᠨ ᠣᠯᠠᠨ ᠶᠠᠰᠤᠲᠤ ᠬᠡᠰᠡᠭ᠃
ᠰᠢᠮᠰᠡᠭᠡ ( ᠴᠥᠮᠥᠭᠡ )
ᠪᠡᠷᠪᠡᠬᠡᠢ ᠦᠶᠡ ᠬᠢᠭᠡᠳ ᠲᠠᠪᠠᠭ ᠤ᠋ᠨ ᠳᠤᠮᠳᠠ ᠪᠠᠢᠭᠠ ᠦᠶᠡ᠃ ᠡᠭᠦᠨ ᠢ᠋ ᠵᠠᠷᠢᠮ ᠨᠢ 《ᠪᠡᠷᠪᠡᠬᠡᠢ 》᠂ ᠵᠠᠷᠢᠮ ᠨᠢ 《ᠳᠠᠭᠠᠯᠴᠠᠭ 》( ᠰᠠᠯᠪᠠᠭ ᠲᠭᠣᠷᠠᠢᠢᠲᠠᠨ ᠳ᠋ᠤ᠌ ᠬᠡᠯᠡᠬᠦ ) ᠴᠦ᠍ ᠭᠡᠵᠦ ᠶᠠᠩᠵᠤ ᠶᠠᠩᠵᠤ ᠪᠠᠷ ᠨᠡᠷᠡᠯᠡᠳᠡᠭ ᠃ ᠮᠠᠨ ᠤ᠋ ᠤᠷᠠᠳᠴᠤᠳ : 《ᠮᠣᠷᠢᠨ ᠤ᠋ ᠰᠢᠮᠰᠡᠭᠡ ᠨᠢ ᠠᠬᠤᠷ ᠪᠥᠭᠡᠳ ᠪᠣᠰᠤᠭᠠ ᠨᠢ ᠰᠠᠢᠨ ᠂ ᠬᠣᠯᠠ ᠳᠠᠪᠬᠢᠬᠤ ᠳ᠋ᠤ᠌ ᠵᠣᠬᠢᠮᠵᠢᠲᠠᠢ ᠂ ᠬᠥᠯ ᠭᠡᠮᠲᠦᠬᠦ ᠦᠭᠡᠢ ᠵᠡᠷᠭᠡ ᠰᠠᠢᠨ ᠲᠠᠢ 》ᠭᠡᠳᠡᠭ᠃
ᠲᠤᠭᠤᠷᠠᠢ ᠮᠣᠷᠢᠨ ᠤ᠋ ᠬᠥᠯ ᠦ᠋ᠨ ᠡᠪᠡᠷᠯᠢᠭ ᠬᠡᠰᠡᠭ᠃
ᠬᠣᠭᠢᠰᠣ ᠦᠬᠡᠷ ᠂ ᠬᠣᠨᠢ ᠂ ᠢᠮᠠᠭᠠᠨ ᠤ᠋ ᠬᠥᠯ ᠦ᠋ᠨ ᠡᠪᠡᠷᠯᠢᠭ ᠬᠡᠰᠡᠭ᠃
ᠲᠠᠪᠠᠭ ᠪᠠᠰᠠ ᠲᠠᠪᠠᠬᠠᠢ ᠭᠡᠳᠡᠭ᠃ ᠲᠡᠮᠡᠭᠡᠨ ᠦ᠌ ᠭᠠᠵᠠᠷ ᠭᠢᠰᠬᠢᠳᠡᠭ ᠰᠠᠯᠪᠠᠭ ᠠᠯᠠᠭᠠ᠃
ᠬᠢᠮᠤᠰᠤ
ᠲᠡᠮᠡᠭᠡᠨ ᠦ᠌ ᠲᠠᠪᠠᠭ ᠤ᠋ᠨ ᠡᠮᠦᠨᠡ ᠦᠵᠦᠭᠦᠷ ᠲᠦ᠍ ᠪᠣᠢ ᠪᠢᠴᠢᠬᠠᠨ ᠡᠪᠡᠷᠯᠢᠭ ᠬᠢᠮᠤᠰᠤ᠃
ᠭᠠᠬᠠᠢ ᠲᠤᠭᠤᠷᠠᠢ ᠶ᠋ᠢᠨ ᠠᠯᠠᠭᠠᠨ ᠳ᠋ᠠᠬᠢ ᠭᠤᠷᠪᠠᠯᠵᠢᠨ ᠡᠪᠡᠷᠯᠢᠭ᠃
ᠭᠤᠶᠠ ᠶ᠋ᠢᠨ ᠬᠡᠰᠡᠭ
ᠭᠤᠶᠠ ᠮᠣᠷᠢ ᠮᠠᠯ ᠤ᠋ᠨ ᠬᠣᠢᠲᠤ ᠬᠣᠶᠠᠷ ᠬᠥᠯ ᠃
ᠰᠡᠭᠦᠵᠢ
ᠭᠤᠶᠠ ᠶ᠋ᠢᠨ ᠨᠢᠭᠡᠳᠦᠭᠡᠷ ᠦᠶᠡ ᠶ᠋ᠢᠨ ᠣᠯᠠᠨ ᠲᠠᠯᠠᠲᠤ ᠬᠠᠪᠲᠠᠭᠠᠢ ᠶᠠᠰᠤᠲᠤ ᠦᠶᠡ᠃
ᠳᠤᠮᠳᠠ ᠴᠢᠮᠥᠭᠡ
ᠭᠤᠶᠠ ᠶ᠋ᠢᠨ ᠬᠣᠶᠠᠳᠤᠭᠠᠷ ᠴᠢᠮᠥᠭᠡᠲᠦ ᠦᠶᠡ ᠃ ᠪᠠᠰᠠ ᠵᠠᠷᠢᠮ ᠭᠠᠵᠠᠷ 《ᠬᠣᠩᠲᠣ ᠴᠢᠮᠥᠭᠡ 》ᠭᠡᠳᠡᠭ ᠃
ᠱᠠᠭᠠᠢᠲᠤ
ᠭᠤᠶᠠ ᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠴᠢᠮᠥᠭᠡᠲᠦ ᠦᠶᠡ ᠃ ᠪᠠᠰᠠ ᠱᠠᠭᠠᠨᠲᠤ ᠭᠡᠳᠡᠭ᠃
ᠲᠣᠢᠭ
ᠱᠠᠭᠠᠨᠲᠤ ᠶ᠋ᠢᠨ ᠲᠣᠯᠣᠭᠠᠢ ᠬᠢᠭᠡᠳ ᠳᠤᠮᠳᠠ ᠴᠢᠮᠥᠭᠡ ᠶ᠋ᠢᠨ ᠨᠡᠢᠯᠡᠪᠦᠷᠢ ᠦᠶᠡ ᠶ᠋ᠢᠨ ᠡᠮᠦᠨᠡ ᠨᠢ ᠨᠠᠭᠠᠯᠳᠤᠭᠠ ᠲᠥᠪᠥᠭᠡᠷ ᠶᠠᠰᠤ᠃
ᠪᠣᠷᠪᠢ
ᠱᠠᠭᠠᠲᠤ ᠪᠠ ᠰᠢᠯᠪᠢ ᠶ᠋ᠢᠨ ᠨᠡᠢᠯᠡᠪᠦᠷᠢ ᠦᠶᠡ ᠶ᠋ᠢᠨ ᠬᠣᠢᠲᠤ ᠲᠠᠯᠠ ᠳ᠋ᠤ᠌ ᠪᠠᠢᠭᠠ ᠲᠠᠬᠢᠷᠯᠢᠭ ᠦᠶᠡ᠃
ᠰᠢᠯᠪᠢ
ᠭᠤᠶᠠ ᠶ᠋ᠢᠨ ᠳᠥᠷᠪᠡᠳᠦᠭᠡᠷ ᠴᠢᠮᠥᠭᠡᠲᠦ ᠦᠶᠡ ᠶ᠋ᠢᠨ ᠬᠠᠩᠭᠢᠷᠴᠠᠭᠲᠤ ᠶᠠᠰᠤ᠃
ᠪᠡᠷᠪᠡᠬᠡᠢ
ᠰᠢᠯᠪᠢ ᠂ ᠰᠢᠮᠰᠡᠭᠡ ᠶ᠋ᠢᠨ ᠨᠡᠢᠯᠡᠪᠦᠷᠢ ᠦᠶᠡ᠃ ᠮᠣᠷᠢᠨ ᠳ᠋ᠤ᠌ 《ᠰᠠᠭᠠᠭ 》ᠴᠤ᠌ ᠭᠡᠳᠡᠭ᠃
ᠰᠢᠮᠰᠡᠭᠡ ᠪᠡᠷᠪᠡᠬᠡᠢ ᠂ ᠲᠠᠪᠠᠬᠠᠢ ᠶ᠋ᠢᠨ ᠳᠤᠮᠳᠠ ᠳ᠋ᠤ᠌ ᠪᠠᠢᠭᠠ ᠦᠶᠡ᠃
ᠰᠥᠭᠡᠢ
ᠬᠥᠮᠦᠨ ᠳ᠋ᠦ᠍ ᠬᠡᠯᠡᠪᠡᠯ ᠥᠰᠥᠭᠡᠢ ᠪᠣᠯᠠᠢ᠃ ᠬᠥᠯ ᠲᠠᠪᠠᠭ ᠤ᠋ᠨ ᠬᠣᠢᠲᠤ ᠬᠡᠰᠡᠭ᠃
ᠲᠤᠭᠤᠷᠠᠢ
ᠲᠤᠭᠤᠷᠠᠢ - ᠠᠳᠤᠭᠤᠨ ᠤ᠋ ᠂
ᠬᠣᠭᠢᠰᠣ - ᠬᠣᠨᠢ ᠢᠮᠠᠭᠠ ᠦᠬᠡᠷ ᠦ᠋ᠨ ᠂
ᠲᠠᠪᠠᠬᠠᠢ - ᠲᠡᠮᠡᠭᠡᠨ ᠦ᠌ ᠭᠠᠵᠠᠷ ᠭᠢᠰᠬᠢᠳᠡᠭ ᠡᠪᠡᠷᠯᠢᠭ ᠪᠤᠶᠤ ᠲᠠᠪᠠᠭ᠃
ᠵᠤᠷᠠᠭᠠ
ᠠᠳᠤᠭᠤᠨ ᠤ᠋ ᠭᠤᠶᠠ ᠶ᠋ᠢᠨ ᠠᠷᠤ ᠬᠡᠰᠡᠭ ᠢ᠋ᠶ᠋ᠡᠷ ᠪᠠᠢᠬᠤ᠂ ᠳᠣᠷᠣᠭᠰᠢ ᠵᠢᠷᠤᠭᠠᠰᠤᠯᠠᠨ ᠲᠣᠭᠲᠠᠭᠰᠠᠨ ᠨᠠᠷᠢᠨ ᠵᠢᠷᠤᠭᠠᠳᠠᠰᠤ ᠰᠢᠭ᠋ ᠭᠣᠪᠢᠯ᠃
ᠬᠠᠰᠠ
ᠬᠣᠶᠠᠷ ᠭᠤᠶᠠ ᠶ᠋ᠢᠨ ᠳᠣᠲᠣᠷ ᠲᠠᠯᠠ ᠶ᠋ᠢᠨ ᠳᠡᠭᠡᠷᠡ ᠬᠡᠰᠡᠭ ᠦ᠋ᠨ ᠪᠣᠨᠲᠣᠭᠣᠷ ᠪᠤᠯᠴᠢᠩᠲᠤ ᠬᠡᠰᠡᠭ ᠃ ᠴᠠᠪᠢ
ᠬᠣᠶᠠᠷ ᠭᠤᠶᠠ ᠶ᠋ᠢᠨ ᠭᠡᠳᠡᠰᠦ ᠲᠡᠢ ᠨᠡᠢᠯᠡᠵᠦ ᠪᠦᠬᠦᠢ ᠬᠡᠰᠡᠭ ᠦ᠋ᠨ ᠳᠣᠲᠣᠷ ᠵᠠᠪᠰᠠᠷ᠃
ᠰᠠᠯᠲᠠᠭᠠ ᠬᠣᠶᠠᠷ ᠭᠤᠶᠠ ᠶ᠋ᠢᠨ ᠠᠭᠤᠯᠵᠠᠷ ᠵᠠᠪᠰᠠᠷ᠃
ᠬᠦᠢᠯᠡᠭᠦᠷ ᠦ᠋ᠨ ᠬᠡᠰᠡᠭ
ᠬᠦᠢᠯᠡᠭᠦᠷ
ᠡᠪᠴᠢᠭᠦᠨ ᠦ᠌ ᠬᠣᠷᠮᠣᠢ ᠶ᠋ᠢᠨ ᠭᠣᠣᠯ ᠠ᠋ᠴᠠ ᠤᠮᠠᠳᠠᠭ ᠬᠦᠷᠲᠡᠯᠡᠬᠢ ᠨᠠᠷᠢᠨ ᠭᠦᠪᠡᠷᠡᠦᠲᠦᠭᠰᠡᠨ ᠣᠷᠣᠮ᠃ ᠡᠷᠡ ᠬᠦᠢᠰᠦᠨ ᠦ᠌ ᠦᠬᠡᠷ ᠦ᠋ᠨ ᠬᠢ ᠬᠢᠷᠵᠠᠩ ᠪᠠᠢᠬᠤ ᠪᠣᠯᠬᠣᠷ ᠨᠡᠩ ᠲᠣᠳᠣᠷᠬᠠᠢ᠃
ᠦᠷᠦ ᠡᠪᠴᠢᠭᠦᠨ ᠦ᠌ ᠠᠶᠤᠮᠠᠬᠠᠢ ᠶ᠋ᠢᠨ ᠳᠣᠤᠭᠤᠬᠠᠨᠳᠠᠢ ᠲᠡᠭᠰᠢᠬᠡᠨ ᠬᠡᠰᠡᠭ ᠃
ᠬᠦᠢᠰᠦ
ᠮᠠᠯ ᠤ᠋ᠨ ᠡᠬᠡ ᠡᠴᠡ ᠲᠥᠷᠥᠬᠦ ᠳ᠋ᠡᠭᠡᠨ ᠡᠢ᠍ᠭᠡᠰ ᠲᠡᠢ ᠬᠣᠯᠪᠣᠭᠠ ᠲᠠᠢ ᠭᠠᠷᠳᠠᠭ ᠰᠤᠳᠠᠯ ᠬᠦᠢ ᠃
ᠰᠤᠷ ᠡᠷᠡ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ᠃ ᠪᠠᠰᠠ ᠬᠢᠷᠵᠠᠩ ᠭᠡᠳᠡᠭ᠃
ᠤᠮᠠᠳᠠᠭ ᠬᠡᠪᠡᠯᠢ ᠶ᠋ᠢᠨ ᠳᠣᠣᠷᠠᠲᠤ ᠬᠡᠰᠡᠭ ᠲᠦ᠍ ᠪᠠᠢᠭᠠ ᠣᠪᠣᠭᠣᠷ ᠭᠠᠵᠠᠷ ᠃
ᠳᠠᠯᠠᠩ ᠡᠮᠡ ᠬᠦᠢᠰᠦᠨ ᠦ᠌ ᠮᠠᠯ ᠤ᠋ᠨ ᠰᠦ ᠱᠦᠭᠦᠷᠡᠭᠦᠯᠬᠦ ᠡᠷᠬᠡᠲᠡᠨ᠃
ᠴᠢᠪᠢ ᠡᠷᠡ ᠠᠳᠤᠭᠤᠨ ᠤ᠋ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠃
ᠬᠤᠤᠬᠠᠨᠠᠭ ᠡᠷᠡ ᠮᠠᠯ ᠤ᠋ᠨ ᠦᠷᠡ ᠶ᠋ᠢᠨ ᠪᠤᠯᠴᠢᠷᠬᠠᠢ ᠶ᠋ᠢᠨ ᠤᠭᠤᠲᠠ᠃
ᠳᠡᠭᠡᠷᠡᠬᠢ ᠡᠷᠬᠡᠲᠡᠨ ᠦ᠌ ᠨᠡᠷᠡ ᠡᠴᠡ ᠬᠣᠰᠢᠭᠤ ᠬᠣᠩᠰᠢᠶᠠᠷ ᠂ ᠮᠤᠨᠳᠠᠭᠠ ᠂ ᠰᠡᠷᠪᠡᠭᠡ ᠂ ᠣᠮᠣᠷᠤᠤ ᠂ ᠡᠭᠡᠮ ᠂ ᠬᠠᠷᠭᠠᠮ ᠂ ᠬᠣᠨᠳᠣᠯᠠᠢ ᠂ ᠲᠡᠰᠢᠶᠡ ᠂ ᠰᠠᠮᠠᠢ ᠂ ᠵᠤᠷᠠᠭᠠ ᠂ ᠬᠠᠰᠠ ᠂ ᠰᠤᠭᠤ ᠂ ᠴᠠᠪᠢ ᠂ ᠰᠦᠪᠡᠭᠡ ᠂ ᠬᠦᠢᠯᠡᠭᠦᠷ ᠂ ᠡᠪᠡᠷ ᠂ ᠥᠷᠪᠡᠯᠭᠡ ᠂ ᠭᠠᠬᠠᠢ ᠂ ᠲᠤᠭᠤᠷᠠᠢ ᠂ ᠬᠢᠮᠤᠰᠤ ᠭᠡᠬᠦ ᠮᠡᠲᠦ ᠴᠥᠭᠡᠬᠡᠨ ᠨᠡᠷᠡ ᠶ᠋ᠢ ᠬᠠᠰᠤᠵᠤ ᠦᠯᠡᠳᠡᠭᠰᠡᠨ ᠡᠷᠬᠡᠲᠡᠨ ᠦ᠌ ᠨᠡᠷᠡ ᠳ᠋ᠦ᠍ 《ᠮᠢᠬᠠ 》ᠭᠡᠰᠡᠨ ᠦᠭᠡ ᠨᠡᠮᠡᠪᠡᠯ ᠳᠠᠷᠤᠢ ᠮᠢᠬᠠᠨ ᠤ᠋ ᠨᠡᠷᠡ ᠪᠣᠯᠬᠤ ᠶ᠋ᠢ ᠡᠨᠳᠡ ᠮᠡᠳᠡᠭᠳᠡᠶᠡ᠃