ᠡᠬᠡ ᠬᠡᠯᠡ ᠮᠢᠨᠢ- ᠪᠠᠲᠤᠪᠤᠶᠠᠨЭх хэл минь-Батбуяан
563ᠡᠬᠡ ᠬᠡᠯᠡ ᠮᠢᠨᠢ
ᠪᠠᠲᠤᠪᠤᠶᠠᠨ
ᠡᠨᠡ ᠳᠡᠯᠡᠬᠡᠢ ᠳ᠋ᠦ᠍ ᠡᠵᠢ ᠳᠠᠭᠤᠳᠠᠭᠤᠯᠤᠭᠰᠠᠨ ᠡᠭᠡᠰᠢᠭ ᠠᠶᠠᠯᠭᠤ
ᠡᠨᠡᠷᠢᠯ ᠬᠠᠢᠷᠠ ᠶ᠋ᠢ ᠵᠢᠷᠦᠬᠡᠨ ᠳ᠋ᠦ᠍ ᠤᠶᠠᠩᠭᠠᠯᠠᠬᠤ ᠰᠡᠳᠬᠢᠯ ᠦ᠋ᠨ ᠲᠡᠩᠬᠡᠭᠡ
ᠡᠷᠡ ᠪᠣᠰᠤᠭᠠ ᠣᠮᠣᠭ ᠰᠢᠪᠡᠨᠡᠭᠰᠡᠨ ᠬᠦᠰᠡᠯ ᠦ᠋ᠨ ᠳᠠᠭᠤᠯᠠᠯ
ᠶᠡᠬᠡ ᠳᠠᠯᠠᠢ ᠠ᠋ᠴᠠ ᠡᠷᠳᠡᠨᠢ ᠱᠦᠭᠦᠬᠦ ᠣᠶᠤᠨ ᠤ᠋ ᠲᠦᠯᠬᠢᠭᠦᠷ
ᠡᠬᠡ ᠬᠡᠯᠡ ᠮᠢᠨᠢ!
ᠵᠣᠪᠠᠬᠤ ᠴᠠᠭ ᠲᠤ ᠵᠣᠷᠢᠭ ᠨᠡᠮᠡᠬᠦ ᠠᠮᠤ ᠬᠦᠨᠡᠰᠦ
ᠵᠢᠷᠭᠠᠯᠲᠠᠢ ᠨᠠᠰᠤᠨ ᠳ᠋ᠤ᠌ ᠵᠢᠭᠦᠷ ᠳᠡᠯᠭᠡᠬᠦ ᠮᠣᠩᠭᠣᠯ ᠠᠭᠠᠷ
ᠵᠡᠭᠦᠳᠦᠨ ᠶᠢᠷᠲᠢᠨᠴᠦ ᠳ᠋ᠦ᠍ ᠰᠠᠨᠠᠭᠰᠠᠨ ᠢ᠋ᠶ᠋ᠠᠨ ᠪᠡᠶᠡᠯᠡᠭᠦᠯᠬᠦ ᠰᠣᠯᠣᠩᠭᠠ ᠭᠡᠭᠡ
ᠵᠢᠷᠦᠬᠡᠨ ᠡᠴᠡ ᠰᠠᠴᠤᠷᠠᠬᠤ ᠮᠣᠩᠭᠣᠯ ᠨᠠᠢᠷᠠᠭ—
ᠡᠬᠡ ᠬᠡᠯᠡ ᠮᠢᠨᠢ!
ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠶ᠋ᠢᠨ ᠢᠷᠠᠭᠤ ᠨᠤᠭᠤᠯᠭᠠᠨ ᠳ᠋ᠤ᠌
ᠬᠦᠰᠡᠯ ᠳᠠᠯᠠᠯᠤᠨ ᠳᠠᠭᠰᠢᠭᠰᠠᠨ
ᠪᠣᠷᠣᠬᠠᠨ ᠬᠠᠢᠷᠠ ᠶ᠋ᠢᠨ ᠮᠢᠨᠢ ᠬᠦᠯᠦᠭ
ᠪᠣᠳᠣᠯ ᠭᠣᠶᠣᠯᠠᠭᠰᠠᠨ ᠰᠣᠯᠣᠩᠭᠠᠨ ᠮᠥᠷᠥᠭᠡᠳᠦᠯ—
ᠡᠬᠡ ᠬᠡᠯᠡ ᠮᠢᠨᠢ!
ᠲᠩᠷᠢ ᠡᠴᠡ ᠬᠡᠷᠡᠯᠳᠦᠵᠦ ᠪᠠᠭᠤᠬᠤ
ᠳᠡᠭᠡᠳᠦᠰ ᠦ᠋ᠨ ᠠᠮᠢᠰᠬᠤᠭᠠ ᠲᠠᠢ᠂
ᠳᠤᠷᠠᠯᠠᠯ ᠰᠤᠳᠠᠯ ᠢ᠋ᠶ᠋ᠠᠷ ᠯᠤᠭᠰᠢᠬᠤ
ᠳᠣᠯᠣᠭᠠᠨ ᠪᠤᠷᠬᠠᠨ ᠭᠡᠢᠭᠦᠯᠦᠭᠴᠢ ᠲᠡᠢ
ᠵᠦᠩ ᠰᠣᠪᠢᠩ ᠭᠠᠳᠠᠷᠯᠠᠬᠤ
ᠵᠦᠢᠯ ᠦ᠋ᠨ ᠮᠢᠩᠭᠠᠨ ᠠᠪᠢᠶᠠ ᠲᠠᠢ
ᠵᠢᠷᠦᠬᠡᠨ ᠦ᠌ ᠳᠣᠯᠭᠢᠶᠠ ᠴᠢᠩᠨᠠᠬᠤ
ᠵᠡᠭᠦᠳᠦ ᠠᠨᠢᠷᠯᠠᠭᠰᠠᠨ ᠡᠭᠡᠰᠢᠭ ᠲᠡᠢ᠁
ᠡᠬᠡ ᠬᠡᠯᠡ ᠮᠢᠨᠢ!
ᠶᠠᠭᠤ ᠪᠠᠷ ᠴᠤ᠌ ᠰᠣᠯᠢᠵᠤ ᠪᠣᠯᠣᠰᠢ ᠦᠭᠡᠢ ᠰᠡᠳᠬᠢᠯ ᠦ᠋ᠨ ᠳᠠᠭᠤᠯᠠᠯ
ᠶᠡᠷᠦᠳᠡᠭᠡᠨ ᠥᠲᠡᠯᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠳᠤᠷᠠᠯᠠᠯ ᠤ᠋ᠨ ᠠᠮᠢᠰᠬᠤᠭᠠ—
ᠡᠬᠡ ᠬᠡᠯᠡ ᠮᠢᠨᠢ!
ᠠᠯᠠᠱᠠ ᠠᠢᠮᠠᠭ ᠤ᠋ᠨ ᠡᠵᠡᠨᠡ ᠬᠤᠰᠢᠭᠤᠨ ᠤ᠋ ᠮᠥᠩᠭᠦᠲᠦ ᠭᠠᠴᠠᠭᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ