ᠰᠢᠨᠡ ᠵᠢᠯ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠬᠣᠣᠰ ᠤᠶᠠᠩᠭᠠ(ᠨᠢᠭᠡ)Шинэ жил, цагаан сарын хос уянга
1904ᠰᠢᠨᠡ ᠵᠢᠯ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠬᠣᠣᠰ ᠤᠶᠠᠩᠭᠠ 01
ᠰᠢᠨᠡ ᠵᠢᠯ᠂ ᠰᠢᠨᠡ ᠬᠠᠪᠤᠷ᠂ ᠰᠢᠨᠡ ᠨᠠᠢᠷ ᠰᠠᠢᠬᠠᠨ
ᠰᠢᠨᠡ ᠴᠠᠭ᠂ ᠰᠢᠨᠡ ᠶᠣᠰᠣ᠂ ᠰᠢᠨᠡᠴᠢᠯᠡᠯ ᠥᠭᠡᠷᠡᠴᠢᠯᠡᠯ ᠰᠠᠢᠨ
ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠪᠡᠯᠭᠡᠲᠦ ᠴᠡᠴᠡᠭ ᠰᠢᠨᠡ ᠵᠢᠯ ᠢ᠋ ᠤᠭᠲᠤᠨᠠᠮ
ᠮᠣᠩᠭᠣᠯ ᠨᠤᠲᠤᠭ ᠤ᠋ᠨ ᠬᠥᠭᠵᠢᠯ ᠪᠠᠳᠠᠷᠠᠯ ᠰᠢᠨᠡ ᠡᠷᠢᠨ ᠢ᠋ ᠭᠠᠢᠬᠠᠭᠤᠯᠤᠨᠠᠮ
ᠥᠷᠯᠥᠭᠡ ᠪᠣᠰᠤᠮᠠᠭᠴᠠ ᠪᠠᠶᠠᠷᠯᠠᠯᠳᠤᠨ ᠵᠣᠯᠭᠠᠬᠤ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠪᠡᠯᠭᠡᠳᠡᠯ
ᠡᠭᠦᠳᠡ ᠭᠠᠷᠤᠮᠠᠭᠴᠠ ᠪᠠᠶᠠᠷ ᠤᠴᠠᠷᠠᠬᠤ ᠥᠯᠵᠡᠢᠲᠦ ᠡᠳᠦᠷ ᠦ᠋ᠨ ᠤᠴᠠᠷᠠᠯ
ᠣᠨ ᠵᠢᠯ ᠦ᠋ᠨ ᠰᠢᠨᠡ ᠬᠦᠷᠳᠦᠨ ᠳ᠋ᠦ᠍ ᠮᠢᠩᠭᠠᠨ ᠮᠢᠩᠭᠠᠨ ᠬᠠᠪᠤᠷ
ᠣᠳᠣᠨ ᠭᠠᠷᠠᠭ ᠤ᠋ᠨ ᠤᠴᠠᠷᠠᠯ ᠮᠠᠨᠳᠤᠯ ᠳ᠋ᠤ᠌ ᠲᠦᠮᠡᠨ ᠲᠦᠮᠡᠨ ᠨᠠᠮᠤᠷ
ᠭᠡᠷᠡᠯᠲᠦ ᠳᠡᠯᠡᠬᠡᠢ ᠶ᠋ᠢᠨ ᠪᠡᠯᠭᠡᠲᠦ ᠴᠠᠰᠤᠨ ᠰᠢᠨᠡ ᠬᠠᠪᠤᠷ ᠢ᠋ ᠤᠭᠲᠤᠨᠠᠮ
ᠭᠡᠭᠡᠨ ᠡᠷᠢᠨ ᠦ᠌ ᠴᠠᠭᠠᠨ ᠲᠠᠤᠯᠠᠢ ᠰᠢᠨᠡ ᠬᠥᠭᠵᠢᠯ ᠢ᠋ ᠰᠣᠨᠢᠷᠬᠠᠨᠠᠮ
ᠰᠢᠵᠢᠷ ᠨᠠᠷᠠᠨ ᠤ᠋ ᠮᠥᠩᠬᠡ ᠭᠡᠷᠡᠯ ᠳ᠋ᠦ᠍ ᠡᠭᠦᠳᠡ ᠡᠷᠦᠬᠡ ᠭᠡᠭᠡᠨ
ᠰᠢᠨᠡ ᠣᠨ ᠤ᠋ ᠪᠠᠶᠠᠷᠲᠤ ᠮᠥᠴᠡ ᠳ᠋ᠦ᠍ ᠠᠳᠠᠯ ᠦᠢᠯᠡᠰ ᠥᠷᠨᠢᠭᠦᠨ
ᠣᠨ ᠣᠨ ᠣᠷᠣᠯᠭᠠ ᠨᠡᠮᠡᠭᠳᠡᠵᠦ ᠪᠠᠶᠠᠨ ᠲᠠᠩᠰᠤᠭ
ᠡᠳᠦᠷ ᠡᠳᠦᠷ ᠦᠢᠯᠡᠰ ᠥᠭᠡᠳᠡᠯᠡᠵᠦ ᠬᠥᠮᠦᠨ ᠠᠵᠢᠯᠰᠠᠭ
ᠲᠦᠮᠡᠨ ᠥᠯᠵᠡᠢ ᠮᠢᠩᠭᠠᠨ ᠪᠤᠶᠠᠨ ᠤᠯᠠᠷᠢᠬᠤ ᠡᠷᠦᠬᠡ
ᠲᠦᠪᠰᠢᠨ ᠵᠢᠷᠭᠠᠯ ᠲᠡᠷᠢᠭᠦᠨ ᠪᠠᠶᠠᠷ ᠲᠥᠪᠯᠡᠷᠡᠬᠦ ᠭᠡᠷ
ᠡᠩᠬᠡ ᠵᠢᠷᠭᠠᠯ ᠢ᠋ ᠣᠷᠣᠭᠤᠯᠤᠭᠠᠴᠢ ᠡᠪᠲᠡᠢ ᠰᠠᠢᠬᠠᠨ ᠡᠭᠦᠳᠡ
ᠡᠯᠪᠡᠭ ᠪᠤᠶᠠᠨ ᠢ᠋ ᠡᠳ᠋ᠯᠡᠭᠦᠯᠦᠭᠴᠢ ᠢᠷᠦᠭᠡᠯ ᠲᠡᠢ ᠰᠠᠢᠬᠠᠨ ᠡᠷᠦᠬᠡ
ᠪᠣᠷᠣ ᠲᠣᠬᠣᠢ ᠳ᠋ᠠᠭᠠᠨ ᠰᠦᠯᠳᠡ ᠲᠡᠢ ᠵᠢᠪᠬᠤᠭᠠ ᠲᠦᠰᠢᠭᠰᠡᠨ ᠥᠷᠭᠥᠭᠡ
ᠪᠤᠷᠬᠠᠨ ᠱᠠᠰᠢᠨ ᠳ᠋ᠠᠭᠠᠨ ᠢᠪᠡᠭᠡᠯ ᠲᠡᠢ ᠵᠠᠶᠠᠭᠠ ᠲᠡᠳᠬᠦᠭᠰᠡᠨ ᠡᠷᠦᠬᠡ
ᠠᠢᠯ ᠰᠠᠭᠠᠬᠠᠯᠲᠠ ᠨᠠᠢᠷᠠᠮᠳᠠᠯ ᠲᠠᠢ ᠬᠥᠮᠦᠨ ᠪᠦᠬᠦᠨ ᠴᠡᠩᠭᠡᠯᠲᠡᠢ
ᠠᠵᠢᠯ ᠦᠢᠯᠡᠰ ᠠᠮᠵᠢᠯᠲᠠ ᠲᠠᠢ ᠡᠷᠦᠬᠡ ᠪᠣᠯᠭᠠᠨ ᠵᠢᠷᠭᠠᠯᠲᠠᠢ
ᠳᠡᠭᠵᠢᠷᠡᠨ ᠮᠠᠨᠳᠤᠬᠤ ᠮᠣᠩᠭᠣᠯ ᠠᠮᠢᠳᠤᠷᠠᠯ ᠪᠤᠶᠠᠨ ᠵᠤᠵᠠᠭᠠᠨ
ᠳᠡᠯᠭᠡᠷᠡᠨ ᠴᠡᠴᠡᠭᠯᠡᠬᠦ ᠰᠢᠨᠡ ᠵᠢᠯ ᠬᠡᠰᠢᠭ ᠳᠦᠭᠦᠷᠡᠩ
ᠴᠠᠰᠤᠲᠤ ᠬᠠᠢᠷᠬᠠᠨ ᠤ᠋ ᠣᠷᠭᠢᠯ ᠳ᠋ᠤᠷ ᠲᠡᠷᠢᠭᠦᠯᠡᠭᠴᠢ ᠴᠡᠴᠡᠭ ᠮᠦᠰᠢᠶᠡᠩᠭᠦᠢ
ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠪᠠᠶᠠᠷ ᠢ᠋ᠶ᠋ᠠᠷ ᠢᠯᠭᠤᠭᠰᠠᠨ ᠳᠠᠭᠤᠨ ᠬᠠᠩᠭᠢᠨᠠᠩᠭᠤᠢ
ᠮᠥᠴᠢᠷ ᠳᠠᠭᠠᠭᠠᠮᠠ ᠬᠥᠬᠡ ᠬᠦᠢᠰ ᠰᠢᠨᠡ ᠬᠠᠪᠤᠷ ᠢ᠋ ᠪᠡᠯᠭᠡᠳᠡᠨᠡᠮ
ᠮᠥᠷᠡᠨ ᠪᠢᠯᠬᠠᠮᠠ ᠤᠯᠠᠭᠠᠨ ᠲᠤᠶᠠᠭᠠ ᠰᠢᠨᠡ ᠣᠨ ᠢ᠋ ᠤᠭᠲᠤᠨᠠᠮ
ᠬᠠᠭᠤᠴᠢᠨ ᠵᠢᠯ ᠢ᠋ ᠲᠡᠦᠬᠡ ᠶ᠋ᠢᠨ ᠥᠯᠥᠭᠡᠢ ᠳ᠋ᠦ᠍ ᠵᠢᠷᠭᠠᠭᠤᠯᠤᠨᠠᠮ
ᠰᠢᠨᠡ ᠣᠨ ᠤ᠋ ᠡᠰᠡᠨᠢᠯ ᠦ᠋ᠨ ᠮᠠᠨᠴᠤᠢ ᠳ᠋ᠤ᠌ ᠪᠦᠪᠡᠢᠯᠡᠨᠡᠮ
ᠠᠯᠲᠠᠨ ᠯᠤᠤ ᠬᠣᠷᠸᠠ ᠳ᠋ᠤ᠌ ᠲᠣᠭᠯᠠᠭᠠᠳ ᠰᠢᠨᠡ ᠵᠢᠯ ᠢ᠋ᠶ᠋ᠡᠨ ᠠᠮᠢᠯᠠᠭᠤᠯᠤᠨᠠᠮ
ᠬᠠᠰ ᠤ᠋ᠨ ᠲᠠᠤᠯᠠᠢ ᠰᠠᠷᠠᠨ ᠳ᠋ᠤ᠌ ᠪᠥᠵᠢᠭᠯᠡᠭᠡᠳ ᠬᠠᠭᠤᠴᠢᠨ ᠣᠨ ᠢ᠋ᠶ᠋ᠠᠨ ᠦᠳᠡᠨᠡᠮ
ᠲᠡᠭᠷᠢ ᠰᠢᠨᠡ ᠣᠨ ᠰᠠᠷᠠ ᠶ᠋ᠢ ᠡᠷᠭᠢᠯᠡᠭᠰᠡᠨᠡ ᠬᠥᠮᠦᠨ ᠳ᠋ᠦ᠍ᠷ ᠨᠠᠰᠤᠨ ᠥᠯᠵᠡᠢ ᠨᠡᠮᠡᠭᠳᠡᠮᠦᠢ
ᠭᠠᠵᠠᠷ ᠪᠡᠯᠭᠡᠲᠦ ᠴᠠᠭ ᠤᠯᠠᠷᠢᠯ ᠳ᠋ᠤ᠌ ᠣᠷᠣᠭᠰᠠᠨᠠ ᠬᠦᠷᠢᠶᠡᠨ ᠳ᠋ᠦ᠍ᠷ ᠬᠡᠰᠢᠭ ᠪᠤᠶᠠᠨ ᠠᠷᠪᠢᠳᠤᠮᠤᠢ
ᠪᠠᠶᠠᠷ ᠨᠠᠢᠷ ᠪᠢᠯᠬᠠᠵᠤ ᠴᠠᠯᠭᠢᠭ᠌ᠰᠠᠨ ᠴᠠᠭᠠᠨ ᠰᠠᠷᠠ
ᠪᠠᠯ ᠪᠤᠷᠠᠮ ᠠᠭᠤᠰᠴᠤ ᠰᠢᠩᠭᠡᠭᠰᠡᠨ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ
ᠠᠮᠢᠯᠠᠭᠴᠢ᠄ ᠰ ᠳᠠᠯᠠᠨᠪᠠᠶᠠᠷ
2023.12.30