ᠬᠠᠮᠲᠤ ᠶ᠋ᠢᠨ ᠭᠡᠵᠦ ᠬᠠᠮᠠᠭᠠᠯᠠᠭᠠᠷᠠᠢ ᠥᠪ ᠰᠣᠶᠣᠯ ᠢ᠋ᠶ᠋ᠠᠨ ᠮᠣᠩᠭᠣᠯᠴᠤᠳХамтын гэж хамгаалаарай өв соёлоо монголчууд
368ᠬᠠᠮᠲᠤ ᠶ᠋ᠢᠨ ᠭᠡᠵᠦ ᠬᠠᠮᠠᠭᠠᠯᠠᠭᠠᠷᠠᠢ ᠥᠪ ᠰᠣᠶᠣᠯ ᠢ᠋ᠶ᠋ᠠᠨ ᠮᠣᠩᠭᠣᠯᠴᠤᠳ
ᠵᠠ ·ᠤᠷᠭᠤᠮᠠᠯ( ᠰᠢᠨᠵᠢᠶᠠᠩ ᠪᠣᠷᠣᠳᠠᠯᠠ)
ᠠᠯᠠᠭ ᠳᠡᠯᠡᠬᠡᠢ ᠶ᠋ᠢᠨ ᠠᠯᠲᠠᠨ ᠨᠠᠷᠠᠨ ᠤ᠋ ᠳᠣᠣᠷᠠ
ᠠᠶᠠᠯᠭᠤ ᠨᠢᠭᠡᠲᠡᠢ ᠥᠨᠢᠷ ᠤᠭᠰᠠᠭᠠ ᠶᠠᠰᠤᠲᠠᠨ ᠮᠢᠨᠢ
ᠠᠵᠠ ᠶ᠋ᠢᠨ ᠵᠢᠷᠭᠠᠯ ᠲᠠᠢ ᠡᠨᠡᠬᠡᠨ ᠬᠣᠷᠸᠠ ᠳ᠋ᠤ᠌
ᠡᠶᠡ ᠨᠠᠢᠷ ᠲᠠᠢ ᠠᠮᠢᠳᠤᠷᠠᠬᠤ ᠤᠳᠤᠮ ᠴᠡᠪᠡᠷ ᠣᠯᠠᠨ ᠮᠢᠨᠢ
ᠲᠩᠷᠢ ᠶ᠋ᠢᠨ ᠪᠣᠱᠣᠭ ᠲᠠᠢ ᠵᠠᠷᠯᠢᠭ ᠢ᠋ ᠲᠣᠰᠴᠤ
ᠳᠡᠭᠡᠳᠦᠰ ᠡᠴᠡ ᠥᠪᠯᠡᠭᠦᠯᠦᠭᠰᠡᠨ ᠥᠪ ᠲᠡᠢ ᠪᠢᠯᠡ ᠪᠢᠳᠡ
ᠲᠦᠮᠡ ᠮᠢᠩᠭᠠᠨ ᠭᠣᠣᠯ ᠤ᠋ᠨ ᠤᠷᠤᠰᠬᠠᠯ ᠳ᠋ᠤ᠌ ᠨᠡᠢᠯᠡᠬᠦ
ᠳᠦᠭᠦᠷᠡᠩ ᠣᠮᠣᠭᠯᠠᠩ ᠰᠥᠰᠥ ᠲᠡᠢ ᠦᠨᠳᠦᠰᠦᠲᠡᠨ ᠪᠢᠯᠡ ᠪᠢᠳᠡ
ᠠᠽᠢᠶᠠ ᠧᠦ᠋ᠷᠣᠫᠠ ᠠᠯᠲᠠᠢ ᠬᠠᠩᠭᠠᠢ ᠬᠡᠨᠲᠡᠢ ᠶ᠋ᠢ ᠰᠤᠨᠳᠠᠯᠠᠭᠰᠠᠨ
ᠠᠤᠭᠠ ᠬᠦᠴᠦᠷᠬᠡᠭ ᠠᠪᠤᠷᠭᠤ ᠪᠠᠭᠠᠲᠤᠷᠴᠤᠳ ᠪᠢᠯᠡ ᠪᠢᠳᠡ
ᠠᠭᠤᠯᠠ ᠤᠰᠤ ᠠᠭᠤᠳᠠᠮ ᠲᠠᠯᠠ ᠶ᠋ᠢ ᠳᠠᠪᠠᠭᠤᠯᠤᠨ ᠴᠤᠤᠷᠢᠶᠠᠲᠤᠭᠰᠠᠨ
ᠤᠷᠲᠤ ᠶ᠋ᠢᠨ ᠰᠢᠷᠤᠩᠬᠠᠢ ᠲᠠᠢ ᠨᠡᠭᠦᠳᠡᠯᠴᠢᠳ ᠪᠢᠯᠡ ᠪᠢᠳᠡ
ᠨᠠᠷᠠᠨ ᠰᠠᠷᠠᠨ ᠤ᠋ ᠡᠭᠡᠯᠵᠢᠶᠡᠨ ᠲᠡᠢ ᠬᠣᠷᠸᠠ ᠳ᠋ᠤ᠌
ᠳᠡᠯᠭᠡᠷ ᠵᠠᠶᠠᠭᠠ ᠲᠠᠢ ᠲᠩᠷᠢᠯᠢᠭ ᠤᠭᠰᠠᠭᠠᠲᠠᠨ ᠪᠢᠯᠡ ᠪᠢᠳᠡ
ᠨᠠᠰᠤᠨ ᠲᠤᠷᠰᠢ ᠳ᠋ᠤ᠌ ᠪᠠᠨ ᠳᠡᠭᠡᠳᠦᠯᠡᠬᠦ ᠰᠢᠲᠦᠭᠡᠨ ᠲᠡᠢ
ᠲᠡᠦᠬᠡ ᠰᠤᠳᠤᠷ ᠦᠯᠢᠭᠡᠷ ᠳᠠᠭᠤᠯᠠᠯ ᠴᠠᠳᠢᠭ ᠲᠠᠢ ᠪᠢᠯᠡ ᠪᠢᠳᠡ
ᠬᠣᠯᠠ ᠶ᠋ᠢᠨ ᠡᠷᠬᠡ ᠪᠡᠷ ᠬᠣᠯᠠᠳᠬᠤ ᠦᠭᠡᠢ
ᠬᠣᠪᠣᠷᠬᠠᠨ ᠪᠠᠢᠳᠠᠭ ᠡᠷᠳᠡᠨᠢ ᠰᠢᠭ ᠮᠣᠩᠭᠣᠯᠴᠤᠳ ᠮᠢᠨᠢ
ᠬᠣᠨᠣᠭ ᠤ᠋ᠨ ᠵᠡᠭᠦᠳᠦᠨ ᠳ᠋ᠦ᠍ ᠬᠣᠷᠭᠣᠳᠠᠨ ᠰᠠᠨᠠᠭᠳᠠᠳᠠᠭ
ᠬᠣᠯᠪᠣᠭᠠ ᠨᠢᠭᠡᠲᠡᠢ ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ ᠮᠢᠨᠢ
ᠥᠨᠢᠳᠡ ᠮᠥᠩᠬᠡ ᠶ᠋ᠢᠨ ᠨᠥᠮᠥᠷᠢ ᠲᠦᠰᠢᠭ ᠪᠣᠯᠤᠭᠰᠠᠨ
ᠥᠷᠯᠥᠭ ᠶᠡᠬᠡ ᠥᠨᠳᠥᠷᠯᠢᠭ ᠦ᠋ᠨ ᠬᠠᠯᠠᠭᠤᠨ ᠣᠷᠣᠨ ᠮᠢᠨᠢ
ᠥᠪᠥᠷ ᠠᠷᠤ ᠪᠠᠷᠠᠭᠤᠨ ᠵᠡᠭᠦᠨᠰᠢ ᠪᠡᠨ ᠰᠠᠴᠤᠭᠳᠠᠭᠰᠠᠨ
ᠥᠩᠭᠡ ᠰᠣᠯᠣᠩᠭᠠᠷᠠᠭᠰᠠᠨ ᠳᠠᠯᠠᠯᠭᠠ ᠲᠠᠢ ᠮᠣᠩᠭᠣᠯᠴᠤᠳ ᠮᠢᠨᠢ
ᠡᠪ ᠦ᠋ᠨ ᠳᠡᠯᠡᠬᠡᠢ ᠳ᠋ᠦ᠍ ᠭᠠᠯ ᠰᠢᠭ᠋ ᠢ᠋ᠶ᠋ᠡᠨ ᠳᠦᠷᠡᠯᠵᠡᠵᠦ
ᠠᠶᠠ ᠪᠠᠲᠤ ᠵᠢᠷᠭᠠᠯ ᠳᠦᠭᠦᠷᠡᠩ ᠢ᠋ᠶ᠋ᠡᠷ ᠪᠢᠯᠬᠠᠭᠠᠷᠠᠢ
ᠡᠬᠡ ᠪᠠᠢᠭᠠᠯᠢ ᠶ᠋ᠢᠨ ᠲᠣᠷᠭᠠᠨ ᠡᠩᠭᠡᠷ ᠳᠡᠭᠡᠷᠡ
ᠡᠩᠬᠡᠵᠢᠨ ᠪᠡᠶᠡ ᠪᠡᠶᠡ ᠪᠡᠨ ᠬᠠᠢᠷᠠᠯᠠᠨ ᠶᠠᠪᠤᠭᠠᠷᠠᠢ
ᠤᠬᠠᠭᠠᠨ ᠪᠣᠳᠣᠯ ᠢ᠋ ᠠᠷᠢᠭᠤᠰᠬᠠᠨ ᠴᠢᠮᠡᠭᠯᠡᠭᠰᠡᠨ
ᠣᠷᠴᠢᠯᠠᠩ ᠤ᠋ᠨ ᠭᠠᠭᠴᠠᠬᠠᠨ ᠪᠣᠰᠤᠭᠠ ᠪᠢᠴᠢᠭ ᠲᠡᠢ ᠪᠢᠯᠡ ᠪᠢᠳᠡ
ᠥᠭᠡᠷᠡ ᠬᠡᠨ ᠳ᠋ᠦ᠍ ᠴᠦ᠍ ᠪᠠᠢᠬᠤ ᠦᠭᠡᠢ ᠣᠬᠢ ᠰᠣᠶᠣᠯ
ᠣᠨᠴᠠᠭᠠᠢ ᠭᠠᠢᠬᠠᠮᠰᠢᠭ ᠰᠣᠳᠣᠨ ᠰᠤᠷᠭᠠᠯ ᠲᠠᠢ ᠪᠢᠯᠡ ᠪᠢᠳᠡ
ᠬᠠᠢᠷᠠᠲᠠᠢ ᠭᠡᠵᠦ ᠬᠠᠢᠷᠠᠯᠠᠭᠠᠷᠠᠢ ᠪᠡᠶᠡ ᠪᠡᠶᠡ ᠪᠡᠨ
ᠬᠠᠨᠠᠭᠠᠷ ᠭᠡᠵᠦ ᠣᠮᠣᠭᠰᠢᠭᠠᠷᠠᠢ ᠨᠤᠲᠤᠭ ᠤᠰᠤ ᠪᠠᠨ
ᠬᠠᠯᠠᠭᠤᠨ ᠭᠡᠵᠦ ᠲᠡᠪᠡᠷᠢᠭᠡᠷᠡᠢ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ
ᠬᠠᠮᠲᠤ ᠶ᠋ᠢᠨ ᠭᠡᠵᠦ ᠬᠠᠮᠠᠭᠠᠯᠠᠭᠠᠷᠠᠢ ᠥᠪ ᠰᠣᠶᠣᠯ ᠢ᠋ᠶ᠋ᠠᠨ ᠮᠣᠩᠭᠣᠯᠴᠤᠳ ᠠ᠋!
2023᠂12᠂26
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ