ᠰᠢᠯᠢᠳᠡᠭ ᠪᠢᠴᠢᠯᠭᠡ④ ᠬᠣᠯᠪᠣᠭᠠ- ᠪᠣᠷᠵᠢᠭᠢᠨ ᠨᠠᠢᠷᠠᠯᠲᠤШилдэг бичлэг④ холбоо-Боржгин Найралд
429ᠰᠢᠯᠢᠳᠡᠭ ᠪᠢᠴᠢᠯᠭᠡ④ ᠬᠣᠯᠪᠣᠭᠠ
ᠪᠣᠷᠵᠢᠭᠢᠨ ᠨᠠᠢᠷᠠᠯᠲᠤ
ᠰᠢᠯᠢᠳᠡᠭ ᠪᠢᠴᠢᠯᠭᠡ ᠬᠣᠯᠪᠣᠭᠠ ᠶ᠋ᠢ
ᠰᠢᠨᠵᠢᠨ ᠰᠢᠨᠵᠢᠨ ᠰᠠᠭᠤᠬᠤ ᠳ᠋ᠤ᠌
ᠰᠢᠵᠢᠷ ᠲᠤᠶᠠᠭᠠ ᠰᠠᠴᠤᠷᠠᠬᠤ ᠰᠢᠭ᠋
ᠰᠡᠳᠬᠢᠯ ᠰᠠᠨᠠᠭᠠ ᠮᠢᠨᠢ ᠰᠡᠷᠭᠦᠳᠡᠭ ᠠ᠋
ᠡᠩ ᠦ᠋ᠨ ᠨᠢᠭᠡᠨ ᠬᠣᠯᠪᠣᠭᠠ ᠠᠲᠠᠯᠠ
ᠡᠳᠦᠷ ᠪᠦᠷᠢ ᠳᠠᠭᠠᠭᠠᠯᠭᠠᠪᠤᠷᠢ ᠲᠠᠢ
ᠡᠨᠳᠡ ᠰᠠᠭᠤᠭᠠ ᠬᠥᠮᠦᠰ ᠨᠢ
ᠡᠭᠦᠷᠭᠡ ᠪᠡᠨ ᠪᠡᠶᠡᠯᠡᠭᠦᠯᠦᠭᠡᠳ ᠠᠨᠢᠷ ᠦᠭᠡᠢ
ᠦᠭᠡ ᠴᠥᠭᠡᠨ ᠠᠵᠢᠯ ᠶᠡᠬᠡ
ᠥᠪᠡᠷᠮᠢᠴᠡ ᠰᠣᠨᠢᠨ ᠬᠣᠯᠪᠣᠭᠠ ᠭᠡᠲᠡᠯᠡ
ᠥᠩᠭᠡ ᠢᠷᠠᠭᠤ ᠰᠢᠯᠦᠭ ᠳᠠᠭᠤᠤ
ᠦᠶᠡᠷ ᠰᠢᠭ ᠭᠡᠨᠡᠳᠲᠡ ᠴᠢᠳᠬᠤᠯᠠᠨᠠᠮ
ᠵᠢᠩᠬᠢᠨᠢ ᠬᠦᠴᠦ ᠨᠢ ᠬᠢᠷᠢ ᠶᠡᠬᠡ ᠶ᠋ᠢ
ᠵᠢᠱ᠌ᠢᠵᠦ ᠵᠢᠩᠯᠡᠬᠦ ᠶ᠋ᠢᠨ ᠠᠷᠭᠠ ᠦᠭᠡᠢ
ᠵᠢᠵᠢᠭᠬᠡᠨ ᠡᠨᠡ ᠬᠣᠯᠪᠣᠭᠠ ᠴᠢᠨᠢ
ᠵᠢᠵᠢᠭᠷᠡᠭᠰᠡᠨ ᠥᠪᠥᠷ ᠮᠣᠩᠭᠣᠯ ᠪᠢᠰᠢ ᠭᠡᠵᠢ ᠤᠤ
ᠶᠠᠮᠠᠷ ᠴᠠᠭ ᠲᠤ ᠠᠮᠢᠳᠤᠷᠠᠭᠠ ᠪᠠᠨ
ᠶᠠᠰᠤ ᠴᠢᠮᠣᠭᠡᠨ ᠡᠴᠡ ᠪᠡᠨ ᠮᠡᠳᠡᠷᠡᠭᠡᠳ
ᠢᠯᠠᠯᠲᠠ ᠶ᠋ᠢ ᠬᠡᠷᠬᠢᠨ ᠠᠪᠴᠢᠷᠠᠬᠤ ᠪᠠᠨ
ᠶᠠᠭ ᠵᠥᠪ ᠰᠣᠩᠭᠣᠭᠠᠳ
ᠲᠠᠩᠰᠤᠭ ᠪᠠᠶᠠᠨ ᠨᠤᠲᠤᠭ ᠲᠠᠭᠠᠨ
ᠲᠠᠮᠢᠷ ᠲᠠᠢ ᠡᠵᠡᠳ ᠯᠡ ᠬᠡᠷᠡᠭ ᠲᠡᠢ ᠭᠡᠵᠦ
ᠲᠠᠮᠢᠷ ᠲᠠᠢ ᠮᠣᠩᠭᠣᠯ ᠡᠵᠡᠳ ᠲᠤᠨᠢ
ᠲᠠᠷ ᠲᠠᠢ ᠰᠣᠶᠣᠯ ᠨᠢ ᠯᠡ ᠲᠦᠰᠢᠭ ᠲᠡᠢ ᠭᠡᠵᠦ
ᠡᠳᠦᠷ ᠪᠦᠷᠢ ᠶ᠋ᠢ ᠠᠯᠳᠠᠯ ᠦᠭᠡᠢ
ᠥᠷᠯᠥᠭᠡ ᠡᠷᠲᠡᠯᠡᠨ ᠪᠣᠯᠪᠠᠰᠤᠷᠠᠵᠤ
ᠦᠯᠦ ᠮᠡᠳᠡᠬᠦ ᠢᠷᠡᠭᠡᠳᠦᠢ ᠪᠡᠨ
ᠥᠪᠡᠷ ᠦ᠋ᠨ ᠭᠠᠷ ᠲᠤ᠌ ᠪᠠᠨ ᠠᠳᠬᠤᠵᠤ
ᠴᠠᠭ ᠮᠢᠨᠦ᠋ᠲ ᠢ᠋ ᠠᠯᠳᠠᠯ ᠦᠭᠡᠢ
ᠴᠠᠭᠠᠷᠠᠵᠤ ᠮᠡᠷᠭᠡᠰᠢᠲᠡᠯᠡ ᠰᠤᠷᠤᠯᠴᠠᠵᠤ
ᠴᠢᠩᠭᠠ ᠬᠠᠲᠠᠭᠤ ᠲᠠᠪᠢᠯᠠᠩ ᠲᠠᠢ
ᠴᠢᠭᠲᠠᠭᠠ※ ᠰᠢᠭ᠋ ᠪᠠᠭᠤᠷᠢ ᠲᠠᠢ ᠲᠡᠮᠡᠴᠡᠵᠦ
ᠭᠦᠨ ᠦᠨᠳᠦᠰᠦᠯᠡᠭᠰᠡᠨ ᠮᠣᠳᠣ
ᠣᠢᠴᠢᠰᠢ ᠦᠭᠡᠢ ᠪᠠᠢᠳᠠᠭ ᠢ᠋ ᠬᠠᠷᠠᠭᠤᠯᠵᠤ
ᠭᠦᠶᠦᠯᠭᠡᠭᠡ ᠤᠬᠠᠭᠠᠨ ᠲᠠᠢ ᠮᠣᠩᠭᠣᠯ
ᠮᠥᠬᠥᠰᠢ ᠦᠭᠡᠢ ᠪᠠᠢᠳᠠᠭ ᠢ᠋ ᠭᠠᠢᠬᠠᠭᠤᠯᠵᠤ
ᠵᠢᠵᠢᠭᠬᠡᠨ ᠨᠢᠭᠡᠨ ᠬᠣᠯᠪᠣᠭᠠ
ᠵᠢᠷᠭᠢᠨ ᠵᠢᠷᠭᠢᠨ ᠣᠷᠣᠰᠢᠭᠠᠳ
ᠵᠢᠷᠪᠢᠯᠵᠡᠭᠰᠡᠨ ᠮᠣᠩᠭᠣᠯ ᠪᠢᠴᠢᠭ
ᠲᠠᠲᠠᠯᠠᠨ ᠲᠠᠲᠠᠯᠠᠨ ᠪᠠᠭᠤᠭᠠᠳ
ᠴᠢᠩ ᠵᠢᠷᠦᠬᠡᠨ ᠦ᠌ ᠨᠢᠭᠡᠳᠦᠯ
ᠴᠡᠨᠡᠭ ᠳᠦᠭᠦᠷᠡᠩ ᠠᠮᠢᠯᠠᠭᠠᠳ
ᠴᠢᠮᠡᠭᠲᠦ ᠮᠣᠩᠭᠣᠯ ᠪᠢᠴᠢᠭ
ᠴᠡᠴᠡᠭᠡᠰ ᠢ᠋ ᠭᠤᠲᠤᠭᠠᠨ ᠳᠡᠯᠭᠡᠷᠡᠭᠡᠳ
ᠴᠠᠭᠠᠨ ᠲᠣᠯᠣᠭᠠᠢ ᠶ᠋ᠢᠨ ᠳᠠᠭᠤᠤ
ᠬᠡᠦᠬᠡᠳ ᠤᠶᠠᠩᠭᠠᠯᠠᠬᠤ ᠰᠢᠭ᠋ ᠰᠣᠨᠣᠰᠳᠠᠨᠠᠮ
ᠴᠠᠭᠠᠨ ᠮᠣᠷᠢᠨ ᠵᠢᠯ
ᠴᠠᠭ ᠲᠡᠭᠰᠢᠷᠡᠭᠰᠡᠨ ᠰᠢᠭ ᠪᠣᠳᠣᠭᠳᠠᠨᠠᠮ
ᠬᠥᠮᠦᠨ ᠴᠥᠭᠡᠲᠡᠢ ᠮᠣᠩᠭᠣᠯ
ᠰᠣᠶᠣᠯ ᠨᠢ ᠬᠦᠴᠦᠲᠡᠢ ᠪᠠᠢᠳᠠᠭ ᠶᠤᠮ
ᠬᠦᠴᠦᠲᠡᠢ ᠰᠣᠶᠣᠯ ᠤ᠋ᠨ ᠡᠷᠴᠢ ᠨᠢ
ᠬᠦᠴᠦ ᠪᠡᠷ ᠲᠤᠯᠭᠠᠳᠠᠭ ᠦᠭᠡᠢ ᠳ᠋ᠡᠭᠡᠨ ᠪᠠᠢᠳᠠᠭ ᠶᠤᠮ
ᠬᠡᠯᠡ ᠣᠭᠲᠣᠯᠬᠤ ᠰᠣᠶᠣᠯ
ᠮᠠᠨ ᠤ᠋ ᠲᠡᠦᠬᠡᠨ ᠳ᠋ᠦ᠍ ᠪᠠᠢᠭᠠ ᠦᠭᠡᠢ
ᠬᠡᠳᠦᠨ ᠲᠣᠮᠣ ᠱᠠᠰᠢᠨ
ᠬᠠᠷᠠᠬᠣᠷᠣᠮ ᠳ᠋ᠤ᠌ ᠮᠢᠨᠢ ᠨᠥᠬᠥᠷᠯᠡᠭᠡ ᠶᠦᠮ
ᠬᠡᠷᠡᠮ ᠪᠤᠰᠬᠠᠳᠠᠭ ᠰᠣᠶᠣᠯ
ᠮᠠᠨ ᠤ᠋ ᠬᠢᠵᠠᠭᠠᠷ ᠲᠤ᠌ ᠡᠭᠦᠰᠦᠭᠡ ᠦᠭᠡᠢ
ᠬᠡᠳᠦᠨ ᠶᠡᠬᠡ ᠲᠢᠪ ᠢ᠋
ᠥᠪᠡᠷ ᠦ᠋ᠨ ᠬᠢᠨ ᠰᠣᠶᠣᠯ ᠢ᠋ᠶ᠋ᠠᠷ ᠵᠠᠰᠠᠭᠯᠠᠭᠰᠠᠨ ᠶᠤᠮ
ᠬᠠᠨᠠᠭᠠᠷ ᠢᠲᠡᠭᠡᠯᠲᠦ ᠰᠣᠶᠣᠯ ᠢ᠋ᠶ᠋ᠠᠨ
ᠬᠠᠢᠷᠠᠯᠠᠬᠤ ᠠ᠋ᠴᠠ ᠥᠭᠡᠷᠡ ᠶᠠᠭᠠᠬᠢᠬᠤ ᠪᠣᠢ
ᠬᠠᠢᠷᠠᠲᠠᠢ ᠮᠣᠩᠭᠣᠯ ᠦᠷᠡᠰ ᠲᠡᠭᠡᠨ
ᠥᠪᠯᠡᠬᠦ ᠡᠴᠡ ᠥᠭᠡᠷᠡ ᠡᠢᠬᠦ ᠪᠣᠢ
ᠳᠡᠩᠳᠡᠭᠦᠦ ᠠᠭᠤᠤ ᠰᠡᠳᠬᠢᠯ ᠢ᠋ ᠴᠢᠨᠢ
ᠳᠡᠭᠡᠷᠡ ᠡᠴᠡ ᠲᠩᠷᠢ ᠬᠠᠷᠠᠵᠤ ᠪᠣᠢ
ᠳᠡᠩᠳᠡᠭᠦᠦ ᠦᠨᠡᠨᠴᠢ ᠵᠣᠷᠢᠭ ᠢ᠋ ᠴᠢᠨᠢ
ᠳᠡᠷᠭᠡᠳᠡᠬᠢ ᠬᠡᠦᠬᠡᠳ ᠴᠢᠨᠢ ᠮᠥᠷᠳᠡᠵᠦ ᠪᠣᠢ
ᠲᠠ ᠨᠠᠷ ᠤ᠋ᠨ ᠮᠢᠨᠢ ᠵᠢᠳᠬᠦᠯ ᠳ᠋ᠦ᠍
ᠪᠣᠰᠤᠭᠠ ᠪᠢᠴᠢᠭ ᠮᠢᠨᠢ ᠤᠰᠠᠳᠬᠤ ᠦᠭᠡᠢ
ᠲᠠ ᠨᠠᠷ ᠤ᠋ᠨ ᠮᠢᠨᠢ ᠤᠭᠰᠢᠯ ᠳ᠋ᠤ᠌
ᠪᠤᠶᠠᠨᠲᠤ ᠨᠤᠲᠤᠭ ᠮᠢᠨᠢ ᠡᠵᠡᠭᠦᠢᠷᠡᠬᠦ ᠦᠭᠡᠢ
ᠵᠢᠵᠢᠭᠬᠡᠨ ᠲᠣᠰᠤᠮ ᠢ᠋ᠶ᠋ᠠᠨ ᠦᠨᠡᠲᠡᠢ
ᠡᠷᠳᠡᠨᠢ ᠶ᠋ᠢᠨ ᠰᠠᠢᠬᠠᠨ ᠴᠢᠯᠠᠭᠤ ᠰᠢᠭ᠋
ᠵᠢᠵᠢᠭᠬᠡᠨ ᠠᠲᠠᠯᠠ ᠪᠠᠨ ᠬᠦᠴᠦᠲᠡᠢ
《 ᠰᠢᠯᠢᠳᠡᠭ ᠪᠢᠴᠢᠯᠭᠡ》 ᠭᠠᠢᠬᠠᠯᠲᠠᠢ
ᠬᠥᠮᠦᠨ ᠪᠦᠷᠢ ᠨᠢ ᠪᠠᠭᠠᠲᠤᠷ
ᠬᠥᠬᠡ ᠮᠣᠩᠭᠣᠯ ᠭᠡᠵᠦ ᠡᠨᠡ ᠠ᠋
ᠬᠥᠭᠵᠢᠨ ᠳᠦᠷᠡᠯᠵᠡᠬᠦ ᠭᠠᠯ ᠰᠢᠭ᠋
ᠴᠢᠩᠭᠢᠰ ᠦ᠋ᠨ ᠮᠣᠩᠭᠣᠯ ᠭᠡᠵᠦ ᠡᠢᠮᠦ ᠠ᠋
《 ᠰᠢᠯᠢᠳᠡᠭ ᠪᠢᠴᠢᠯᠭᠡ④》 ᠬᠣᠯᠪᠣᠭᠠ ᠶ᠋ᠢ
ᠰᠢᠨᠵᠢᠨ ᠰᠢᠨᠵᠢᠨ ᠰᠠᠭᠤᠬᠤ ᠳ᠋ᠤ᠌
ᠰᠢᠵᠢᠷ ᠲᠤᠶᠠᠭᠠ ᠰᠠᠴᠤᠷᠠᠬᠤ ᠰᠢᠭ᠋
ᠰᠢᠨᠡ ᠮᠠᠷᠭᠠᠰᠢ ᠲᠣᠳᠣᠷᠠᠨᠠᠮ!
2023.12.25. ᠨᠣᠷᠸᠠᠢ ᠤᠯᠤᠰ ᠲᠤ᠌
※ ᠴᠢᠭᠲᠠᠭᠠ ᠭᠡᠵᠦ ᠮᠣᠩᠭᠣᠯ ᠭᠡᠷ ᠦ᠋ᠨ ᠲᠣᠭᠣᠨᠣ ᠠ᠋ᠴᠠ ᠴᠠᠭᠠᠷᠢᠭ ᠲᠠᠲᠠᠵᠤ᠂ ᠮᠣᠩᠭᠣᠯ ᠭᠡᠷ ᠦ᠋ᠨ ᠪᠠᠭᠤᠷᠢ ᠶ᠋ᠢ ᠬᠥᠳᠡᠯᠭᠡᠬᠦ ᠦᠭᠡᠢ ᠪᠡᠷ ᠵᠣᠬᠢᠶᠠᠭᠰᠠᠨ ᠴᠠᠭᠠᠷᠢᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠳᠣᠭᠡᠷᠡᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ