ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 16 > Хөх зул – Боржигон Ванжал –"Тав ᠂ Таван хошуу малын бүлэг " 16 . ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠭᠠᠷᠤᠯᠲᠠ Таван хошуу малын гар
305ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 15
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠭᠠᠷᠤᠯᠲᠠ Таван хошуу малын гаралт
ᠠᠳᠤᠭᠤᠨ ᠤ᠋ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠶ᠋ᠢᠨ ᠵᠦᠢᠯ
ᠳᠡᠯ
ᠠᠳᠤᠭᠤᠨ ᠤ᠋ ᠳᠡᠯ ᠪᠡᠶᠡ ᠶ᠋ᠢᠨ ᠢᠯᠴᠢ ᠶ᠋ᠢ ᠬᠠᠮᠠᠭᠠᠯᠠᠵᠤ ᠂ ᠪᠥᠬᠡ ᠮᠥᠷᠲᠡᠭᠡᠨ ᠬᠠᠷᠢᠮᠠᠭ ᠴᠢᠨᠠᠷ ᠢ᠋ᠶ᠋ᠠᠷ ᠰᠠᠢᠨ ᠂ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠠᠭᠤᠷᠠᠢ ᠨᠣᠢᠲᠠᠨ ᠳ᠋ᠤ᠌ ᠲᠡᠰᠪᠦᠷᠢᠲᠡᠢ ᠃ ᠮᠠᠯᠴᠢᠳ ᠨᠣᠭᠲᠣ ᠴᠤᠯᠪᠤᠭᠤᠷ ᠂ ᠭᠡᠷ ᠦ᠋ᠨ ᠳᠠᠷᠤᠭᠤᠯᠭᠠ ᠂ ᠪᠦᠰᠡᠯᠡᠭᠦᠷ ᠂ ᠣᠯᠣᠩ ᠂ ᠳᠡᠭᠡᠰᠦ ᠵᠡᠷᠭᠡ ᠲᠠᠮᠤᠬᠤ ᠠ᠋ᠴᠠ ᠭᠠᠳᠠᠨᠠ ᠲᠣᠬᠣᠮ ᠬᠢᠳᠡᠭ ᠃ ᠠᠳᠤᠭᠤᠨ ᠤ᠋ ᠳᠡᠯ ᠶᠡᠬᠡ ᠦᠨᠡᠲᠡᠢ ᠃ ᠨᠠᠷᠢᠨ ᠱᠠᠷᠢᠨ ᠦᠢᠯᠡᠳᠬᠦᠨ ᠬᠢᠵᠦ ᠤᠯᠤᠰ ᠠ᠋ᠴᠠ ᠭᠠᠷᠭᠠᠵᠤ ᠪᠣᠢ᠃
ᠰᠡᠭᠦᠯ
ᠠᠳᠤᠭᠤᠨ ᠤ᠋ ᠰᠡᠭᠦᠯ ᠤᠷᠲᠤ ᠮᠥᠷᠲᠡᠭᠡᠨ ᠰᠢᠯᠤᠭᠤᠨ ᠂ ᠭᠢᠯᠠᠭᠠᠷ ᠮᠥᠷᠲᠡᠭᠡᠨ ᠬᠠᠷᠢᠮᠠᠭ ᠴᠢᠨᠠᠷᠲᠠᠢ ᠂ ᠪᠥᠬᠡ ᠂ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠠᠭᠤᠷᠠᠢ ᠨᠣᠢᠲᠠᠨ ᠳ᠋ᠤ᠌ ᠲᠡᠰᠪᠦᠷᠢᠲᠡᠢ ᠂ ᠱᠦᠷᠭᠦᠭᠡᠯᠲᠡ ᠳ᠋ᠦ᠍ ᠳᠠᠭᠠᠭᠠᠴᠠᠲᠠᠢ ᠃ ᠳᠡᠯ ᠡᠴᠡ ᠨᠡᠩ ᠦᠨᠡᠲᠡᠢ ᠂ ᠠᠵᠤ ᠦᠢᠯᠡᠳᠪᠦᠷᠢ ᠂ ᠭᠠᠷ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠮᠠᠰᠢ ᠥᠷᠭᠡᠨ ᠢ᠋ᠶ᠋ᠡᠷ ᠱᠠᠭᠠᠷᠳᠠᠭᠳᠠᠭᠰᠠᠨ ᠥᠨᠳᠥᠷ ᠦᠨᠡ ᠥᠷᠲᠡᠭ ᠲᠡᠢ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠤ ᠂ ᠡᠯᠳᠡᠪ ᠵᠦᠢᠯ ᠦ᠋ᠨ ᠱᠤᠸᠠᠰᠠ ᠬᠢᠬᠦ ᠂ ᠪᠣᠭᠴᠣ ᠂ ᠵᠣᠭᠣᠰᠤᠨ ᠴᠦᠩᠬᠦ ᠂ ᠱᠤᠷᠠ ᠶ᠋ᠢᠨ ᠪᠦᠲᠡᠭᠡᠯᠭᠡ ᠂ ᠪᠥᠰ ᠂ ᠲᠣᠷ ᠂ ᠰᠠᠢᠵᠠ ᠵᠡᠷᠭᠡ ᠬᠢᠬᠦ ᠡᠴᠡ ᠭᠠᠳᠠᠨᠠ ᠬᠢᠮᠢ ᠶ᠋ᠢᠨ ᠵᠦᠢᠯ ᠢ᠋ ᠴᠦ᠍ ᠢᠯᠭᠠᠷᠠᠭᠤᠯᠵᠤ ᠠᠪᠳᠠᠭ ᠃ ᠡᠢᠨ ᠬᠦ᠌ ᠭᠠᠳᠠᠭᠠᠳᠤ ᠳ᠋ᠤ᠌ ᠭᠠᠷᠭᠠᠬᠤ ᠴᠢᠬᠤᠯᠠ ᠦᠢᠯᠡᠳᠬᠦᠨ ᠦ᠌ ᠨᠢᠭᠡ ᠨᠢ ᠪᠣᠯᠤᠨᠠ᠃
ᠠᠳᠤᠭᠤᠨ ᠤ᠋ ᠬᠥᠭᠡᠪᠦᠷ ᠰᠤᠷ
ᠰᠤᠷ ᠂ ᠬᠥᠭᠡᠪᠦᠷ ᠴᠦ᠍ ᠮᠠᠨ ᠤ᠋ ᠣᠷᠣᠨ ᠤ᠋ ᠨᠤᠲᠤᠭ ᠤ᠋ᠨ ᠴᠢᠬᠤᠯᠠ ᠭᠠᠷᠤᠯᠲᠠ ᠶ᠋ᠢᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠡᠭᠦᠨ ᠳ᠋ᠦ᠍ ᠭᠠᠭᠴᠠ ᠠᠳᠤᠭᠤᠨ ᠤ᠋ ᠪᠢᠰᠢ ᠂ ᠦᠬᠡᠷ ᠦ᠋ᠨ ᠬᠥᠬᠡᠪᠦᠷ ᠂ ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤ ᠂ ᠡᠪᠡᠷ ᠬᠣᠭᠣᠷᠣᠨᠳᠣᠬᠢ ᠦᠰᠦ ᠂ ᠴᠢᠬᠢᠨ ᠳᠣᠲᠣᠷᠠᠬᠢ ᠦᠰᠦ ᠂ ᠢᠮᠠᠭᠠᠨ ᠰᠠᠬᠠᠯ ᠂ ᠢᠮᠠᠭᠠᠨ ᠰᠡᠭᠦᠯ ᠦ᠋ᠨ ᠦᠰᠦ ᠂ ᠪᠤᠭᠤ ᠂ ᠬᠠᠨᠳᠠᠭᠠᠢ ᠶ᠋ᠢᠨ ᠳᠡᠯ ᠂ ᠰᠤᠷ ᠃ ᠴᠢᠨᠣᠠ ᠂ ᠨᠣᠬᠠᠢ ᠶ᠋ᠢᠨ ᠰᠡᠭᠦᠯ ᠦ᠋ᠨ ᠦᠵᠦᠭᠦᠷ ᠦ᠋ᠨ ᠦᠰᠦ ᠮᠡᠲᠦᠴᠢᠯᠡᠨ ᠪᠤᠰᠤᠳ ᠠᠩ ᠠᠮᠢᠲᠠᠨ ᠤ᠋ ᠬᠢ ᠪᠦᠷ ᠪᠠᠭᠲᠠᠨᠠ ᠃ ᠡᠢᠨ ᠬᠦ᠌ ᠡᠳᠡᠭᠡᠷ ᠨᠢ ᠲᠣᠭᠠ ᠂ ᠴᠢᠨᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠮᠠᠨ ᠤ᠋ ᠤᠯᠤᠰ ᠲᠤ᠌ ᠴᠢᠬᠤᠯᠠ ᠪᠠᠢᠷᠢ ᠶ᠋ᠢ ᠡᠵᠡᠯᠡᠵᠦ ᠪᠣᠢ ᠃ ᠠᠷᠠᠰᠤ ᠠᠳᠤᠭᠤᠨ ᠤ᠋ ᠠᠷᠠᠰᠤ ᠶ᠋ᠢ ᠡᠯᠳᠡᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠂ ᠨᠠᠷᠢᠯᠢᠭ ᠬᠢᠴᠡᠲᠡᠢ ᠬᠤᠪᠴᠠᠰᠤ ᠬᠤᠨᠠᠷ ᠂ ᠭᠤᠲᠤᠯ ᠱᠠᠬᠠᠢ ᠂ ᠭᠦᠮ ᠲᠠᠰᠠᠮᠠ ᠬᠢᠬᠦ ᠪᠥᠭᠡᠳ ᠤᠭᠠᠯᠵᠠ ᠰᠡᠢᠯᠪᠦᠷᠢ ᠬᠢᠬᠦ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠤ ᠪᠣᠢ᠃
ᠶᠠᠰᠤ
ᠠᠳᠤᠭᠤ ᠮᠠᠯ ᠤ᠋ᠨ ᠶᠠᠰᠤ ᠶᠡᠬᠡ ᠬᠡᠷᠡᠭᠴᠡᠭᠡᠲᠡᠢ ᠃ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠶᠠᠰᠤᠨ ᠤ᠋ ᠣᠬᠢ ᠪᠠᠷ ᠨᠢ ᠭᠡᠷᠡᠯ ᠵᠢᠷᠤᠭ ᠤ᠋ᠨ ᠢᠯᠲᠠᠰᠤ ᠬᠢᠬᠦ ᠪᠠ ᠳᠠᠷᠠᠭᠠᠯᠠᠪᠠᠯ ᠴᠠᠪᠠᠤ ( ᠴᠠᠷᠴᠠᠮᠠᠯ ᠴᠠᠪᠠᠤ ᠂ ᠶᠠᠰᠤᠨ ᠴᠠᠪᠠᠤ ) ᠬᠢᠵᠦ ᠂ ᠰᠢᠭᠠᠷᠤᠭ ᠪᠣᠯᠤᠭᠰᠠᠨ ᠶᠠᠰᠤᠨ ᠲᠠᠯᠬᠠ ᠪᠠᠷ ᠨᠢ ᠣᠷᠭᠠᠨᠢᠭ ᠪᠣᠷᠳᠣᠭᠤᠷ ᠬᠢᠵᠦ ᠲᠠᠷᠢᠶᠠᠯᠠᠩ ᠤ᠋ᠨ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶ᠋ᠢ ᠳᠡᠮᠵᠢᠳᠡᠭ ᠃ ᠮᠥᠨ ᠶᠠᠰᠤᠨ ᠲᠣᠰᠣ ᠪᠠᠷ ᠨᠢ ᠰᠠᠪᠤᠩ ᠬᠢᠳᠡᠭ᠃
ᠠᠳᠤᠭᠤᠨ ᠤ᠋ ᠮᠢᠬᠠ
ᠠᠳᠤᠭᠤᠨ ᠤ᠋ ᠮᠢᠬᠠ ᠨᠢ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠸᠢᠲ᠋ᠠᠮᠢᠨ ᠂ ᠢᠰᠬᠡᠭ ᠂ ᠡᠷᠦᠳᠡᠰᠦ ᠪᠣᠳᠠᠰ ᠢ᠋ᠶ᠋ᠠᠷ ᠡᠯᠪᠡᠭ ᠮᠥᠷᠲᠡᠭᠡᠨ ᠪᠢᠣᠯᠣᠭᠢ ᠶ᠋ᠢᠨ ᠥᠪᠡᠷᠮᠢᠴᠡ ᠢᠳᠡᠪᠬᠢᠲᠦ ᠪᠣᠳᠠᠰ ᠤ᠋ᠨ ᠬᠣᠷᠮᠣᠨ ᠠᠬᠤᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠡᠬᠡ ᠲᠤᠯᠠ ᠦᠨᠡᠲᠦ ᠲᠡᠵᠢᠭᠡᠯ ᠪᠣᠯᠬᠤ ᠶᠤᠮ ᠃ ᠡᠢᠨ ᠬᠦ᠌ ᠠᠳᠤᠭᠤᠨ ᠤ᠋ ᠮᠢᠬᠠ ᠶ᠋ᠢ ᠰᠢᠮᠡ ᠲᠡᠵᠢᠭᠡᠯ ᠥᠨᠳᠥᠷ ᠭᠡᠳᠡᠭ ᠃ ᠢᠳᠡᠬᠦ ᠳ᠋ᠦ᠍ ᠴᠦ᠍ ᠠᠮᠲᠠᠲᠠᠢ ᠃ ᠬᠥᠮᠦᠨ ᠦ᠌ ᠪᠡᠶᠡ ᠳ᠋ᠦ᠍ 95% ᠬᠤᠪᠢ ᠨᠢ ᠰᠢᠩᠭᠡᠳᠡᠭ᠃ ᠲᠡᠢᠨ ᠬᠦ᠌ ᠥᠯ ᠰᠠᠢᠲᠠᠢ ᠮᠢᠬᠠ ᠨᠢ ᠬᠠᠯᠠᠭᠤᠨ ᠴᠢᠨᠠᠷᠲᠠᠢ ᠲᠤᠯᠠ ᠥᠯᠴᠢᠷ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠪᠦᠯ ᠢᠳᠡᠬᠦ ᠳ᠋ᠦ᠍ ᠲᠣᠬᠢᠷᠠᠮᠵᠢᠲᠠᠢ᠃ ᠠᠳᠤᠭᠤᠨ ᠤ᠋ ᠮᠢᠬᠠᠨ ᠳ᠋ᠤ᠌ ᠦᠯᠦ ᠣᠷᠣᠯᠠᠭᠳᠠᠬᠤ ᠠᠮᠢᠨ ᠬᠦᠴᠢᠯ ᠡᠯᠪᠡᠭ ᠪᠠᠢᠳᠠᠭ᠃ ᠲᠡᠷᠡᠴᠢᠯᠡᠨ ᠠᠳᠤᠭᠤᠨ ᠤ᠋ ᠮᠢᠬᠠ ᠨᠢ ᠬᠡᠢ ᠡᠪᠡᠳᠴᠢᠨ ᠬᠢᠭᠡᠳ ᠬᠦᠢᠲᠡᠨ ᠬᠡᠢ ᠶ᠋ᠢ ᠵᠠᠰᠠᠳᠠᠭ ᠭᠡᠵᠦ ᠡᠮᠨᠡᠯᠭᠡ ᠶ᠋ᠢᠨ ᠤᠬᠠᠭᠠᠨ ᠳ᠋ᠤ᠌ ᠬᠡᠯᠡᠵᠦ ᠪᠣᠢ᠃
ᠥᠭᠡᠬᠦ
ᠠᠳᠤᠭᠤᠨ ᠤ᠋ ᠥᠭᠡᠬᠦ ᠶ᠋ᠢ ᠢᠳᠡᠬᠦ ᠡᠴᠡ ᠭᠠᠳᠠᠨᠠ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠃ ᠪᠠᠰᠠ ᠥᠭᠡᠬᠦ ᠨᠢ ᠦᠬᠡᠷ ᠢᠯᠢᠳᠦ ᠶ᠋ᠢ ᠵᠠᠰᠠᠨ ᠠᠷᠢᠯᠭᠠᠨᠠ ᠭᠡᠵᠦ 《ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠲᠡᠭᠦᠪᠦᠷᠢ 》 ᠳ᠋ᠦ᠍ ᠬᠡᠯᠡᠵᠦ ᠪᠣᠢ᠃
ᠠᠭᠤᠰᠬᠢ
ᠠᠳᠤᠭᠤᠨ ᠤ᠋ ᠠᠭᠤᠰᠬᠢ ᠂ ᠠᠭᠤᠰᠬᠢ ᠨᠡᠪᠴᠢᠭᠰᠡᠨ ᠢ᠋ ᠠᠨᠠᠭᠠᠵᠤ ᠴᠢᠳᠠᠨᠠ ᠭᠡᠵᠦ 《ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠲᠡᠭᠦᠪᠦᠷᠢ 》 ᠳ᠋ᠦ᠍ ᠪᠣᠢ᠃
ᠳᠡᠯᠢᠭᠦᠦ
ᠠᠳᠤᠭᠤᠨ ᠤ᠋ ᠳᠡᠯᠢᠭᠦᠦ ᠨᠢ ᠡᠷᠡᠬᠡᠭᠰᠡᠨ ᠶᠠᠷᠠ ᠰᠢᠷᠬᠠ ᠶ᠋ᠢ ᠨᠣᠮᠣᠬᠠᠳᠬᠠᠨ ᠪᠥᠭᠡᠷᠡ ᠶ᠋ᠢᠨ ᠬᠠᠯᠠᠭᠤᠨ ᠢ᠋ ᠠᠷᠢᠯᠭᠠᠨᠠ ᠭᠡᠵᠦ 《ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠲᠡᠭᠦᠪᠦᠷᠢ 》 ᠳ᠋ᠦ᠍ ᠪᠣᠢ᠃
ᠲᠣᠰᠣ
ᠲᠣᠰᠣ ᠶ᠋ᠢ ᠨᠢ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠠᠪᠳᠠᠭ ᠃ ᠪᠠᠷᠤᠭ ᠰᠠᠪᠤᠩ ᠮᠡᠲᠦᠰ ᠢ᠋ ᠬᠢᠳᠡᠭ ᠪᠠᠢᠬᠠ᠃
ᠱᠥᠯᠥ
ᠱᠥᠯᠥ ᠨᠢ ᠣᠨᠴᠠᠭᠠᠢ ᠳᠤᠯᠠᠭᠠᠨ ᠥᠯᠴᠢᠷ ᠪᠠᠢᠳᠠᠭ᠃ ᠡᠪᠦᠯ ᠂ ᠥᠷᠯᠥᠭᠡ ᠳ᠋ᠡᠭᠡᠨ ᠱᠥᠯᠥ ᠪᠡᠷ ᠴᠢᠷᠠᠢ ᠂ ᠨᠢᠭᠤᠷ ᠂ ᠴᠢᠬᠢ ᠂ ᠭᠠᠷ ᠢ᠋ᠶ᠋ᠠᠨ ᠰᠠᠢᠲᠤᠷ ᠤᠬᠢᠶᠠᠭᠠᠳ ᠭᠠᠷᠪᠠᠯ ᠲᠡᠰᠬᠢᠮᠡ ᠬᠦᠢᠲᠡᠨ ᠳ᠋ᠦ᠍ ᠴᠦ᠍ ᠮᠠᠯᠠᠭᠠᠢ ᠪᠦᠴᠡᠯᠡᠯ ᠦᠭᠡᠢ ᠬᠥᠳᠡᠭᠡ ᠭᠠᠳᠠᠨᠠ ᠡᠳᠦᠷᠵᠢᠨ ᠶᠠᠪᠤᠭᠠᠳ ᠬᠥᠯᠳᠡᠳᠡᠭ ᠦᠭᠡᠢ ᠪᠠᠢᠳᠠᠭ᠃
ᠰᠦ
ᠠᠳᠤᠭᠤᠨ ᠰᠦ ᠪᠡᠷ ᠴᠡᠭᠡ ᠬᠢᠵᠦ ᠤᠤᠭᠤᠳᠠᠭ ᠃ ᠳᠣᠲᠣᠷ ᠲᠠᠪᠤᠨ ᠴᠤᠯᠤ ᠶ᠋ᠢᠨ ᠡᠪᠡᠳᠴᠢᠨ ᠳ᠋ᠦ᠍ ᠰᠠᠢᠨ ᠪᠠᠢᠳᠠᠭ᠃ ᠨᠠᠢᠷ ᠨᠠᠭᠠᠳᠤᠮ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠴᠢᠬᠤᠯᠠ ᠤᠮᠳᠠᠭᠠᠨ᠃
ᠬᠣᠮᠣᠯ ᠲᠦᠯᠡᠰᠢ ᠬᠢᠬᠦ ᠡᠴᠡ ᠭᠠᠳᠠᠨᠠ᠂ ᠬᠠᠪᠤᠷ ᠦᠬᠡᠷ ᠲᠡᠵᠢᠭᠡᠬᠦ ᠬᠥᠬᠡ ᠡᠪᠡᠰᠦ ᠭᠡᠵᠦ ᠮᠡᠳᠡ᠃
ᠦᠬᠡᠷ ᠦ᠋ᠨ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠶ᠋ᠢᠨ ᠵᠦᠢᠯ
ᠦᠬᠡᠷ ᠦ᠋ᠨ ᠬᠥᠭᠡᠪᠦᠷ
ᠦᠬᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ ᠤᠷᠭᠤᠭᠰᠠᠨ ᠠᠬᠤᠷ ᠵᠥᠭᠡᠯᠡᠨ ᠨᠤᠤᠷᠬᠠᠭ ᠦᠰᠦ ᠃ ᠦᠬᠡᠷ ᠦ᠋ᠨ ᠬᠥᠭᠡᠪᠦᠷ ᠢ᠋ᠶ᠋ᠡᠷ ᠢᠰᠡᠭᠡᠢ ᠪᠤᠶᠤ ᠢᠰᠡᠭᠡᠢ ᠭᠤᠲᠤᠯ ᠬᠢᠬᠦ ᠳ᠋ᠦ᠍ ᠣᠨᠴᠠ ᠰᠠᠢᠨ ᠴᠢᠨᠠᠷᠲᠠᠢ ᠪᠠᠢᠵᠠᠢ ᠃ ᠣᠳᠣ ᠨᠡᠬᠡᠮᠡᠯ ᠦ᠋ᠨ ᠦᠢᠯᠡᠳᠪᠦᠷᠢ ᠪᠠ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠴᠢᠬᠤᠯᠠ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠠᠢ᠃ ᠪᠠᠰᠠ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠥᠮᠦᠨ ᠦ᠌ ᠡᠯᠢᠭᠡᠨ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠳᠠᠪᠤᠰᠠᠩ ᠠᠮᠢᠨ ᠬᠦᠴᠢᠯ ᠢ ᠦᠢᠯᠡᠳᠪᠦᠷᠢᠯᠡᠵᠦ ᠪᠣᠢ᠃
ᠦᠬᠡᠷ ᠦ᠋ᠨ ᠡᠪᠡᠷ ᠦ᠋ᠨ ᠬᠣᠭᠣᠷᠣᠨᠳᠣᠬᠢ ᠦᠰᠦ
ᠦᠬᠡᠷ ᠦ᠋ᠨ ᠬᠣᠶᠠᠷ ᠡᠪᠡᠷ ᠦ᠋ᠨ ᠬᠣᠭᠣᠷᠣᠨᠳᠣᠬᠢ ᠥᠨᠳᠥᠷ ᠰᠢᠭ ᠦᠰᠦ ᠃ ᠮᠥᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠦ᠋ᠨ ᠨᠢᠭᠡ ᠳᠡ᠃
ᠦᠬᠡᠷ ᠦ᠋ᠨ ᠴᠢᠬᠢᠨ ᠳ᠋ᠡᠬᠢ ᠦᠰᠦ
ᠦᠬᠡᠷ ᠦ᠋ᠨ ᠴᠢᠬᠢᠨ ᠳᠣᠲᠣᠷᠠ ᠤᠷᠭᠤᠭᠰᠠᠨ ᠥᠨᠳᠥᠷ ᠦᠰᠦ᠃ ᠶᠡᠬᠡ ᠬᠡᠷᠡᠭᠴᠡᠭᠡᠲᠡᠢ ᠭᠡᠵᠦ ᠪᠣᠢ᠃ ᠵᠢᠷᠤᠭ ᠤ᠋ᠨ ᠬᠡᠷᠡᠭᠯᠡᠯ ᠬᠢᠬᠦ ᠣᠬᠢ ᠰᠠᠢᠨ ᠲᠦᠭᠦᠬᠡᠢ ᠡᠳ᠋ ᠮᠥᠨ ᠃ ᠬᠠᠷᠢᠨ ᠡᠨᠡ ᠦᠰᠦ ᠶ᠋ᠢ ᠠᠪᠬᠤ ᠳ᠋ᠠᠭᠠᠨ ᠡᠷᠬᠡᠪᠰᠢ ᠨᠣᠭᠣᠭᠠ ᠭᠠᠷᠴᠤ ᠰᠠᠯᠬᠢ ᠨᠠᠮᠵᠢᠭᠰᠠᠨ ᠤ᠋ ᠳᠠᠷᠠᠭᠠ ᠰᠠᠶᠢ ᠠᠪᠤᠨᠠ᠃
ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤ
ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠦᠵᠦᠭᠦᠷ ᠲᠡᠬᠢ ᠤᠷᠲᠤ ᠬᠢᠯᠭᠠᠰᠤ᠃ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠮᠥᠨ ᠶᠡᠬᠡ ᠬᠡᠷᠡᠭᠴᠡᠭᠡᠲᠡᠢ ᠭᠡᠵᠦ ᠬᠤᠷᠢᠶᠠᠵᠤ ᠪᠣᠢ᠃
ᠦᠬᠡᠷ ᠦ᠋ᠨ ᠠᠷᠠᠰᠤ
ᠦᠬᠡᠷ ᠦ᠋ᠨ ᠪᠡᠶᠡ ᠶ᠋ᠢᠨ ᠭᠠᠳᠠᠭᠤᠷᠬᠢ ᠪᠦᠷᠬᠦᠭᠦᠯ ᠬᠥᠷᠥᠰᠥ᠃ ᠠᠩᠬᠠᠨ ᠳ᠋ᠠᠭᠠᠨ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠣᠨᠴᠠ ᠰᠠᠢᠨ ᠴᠢᠨᠠᠷ ᠤ᠋ᠨ ᠰᠤᠷ ᠬᠢᠵᠦ ᠡᠳ᠋ᠯᠡᠬᠦ ᠶᠦ᠍ᠮ ᠤᠤ ᠂ ᠡᠰᠡᠬᠦᠯᠡ ᠠᠵᠤ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠠᠪᠠᠴᠢᠵᠤ ᠪᠤᠯᠢᠭᠠᠷᠢ ᠬᠢᠵᠦ ᠡᠯᠡ ᠲᠥᠷᠥᠯ ᠦ᠋ᠨ ᠪᠤᠯᠢᠭᠠᠷᠢ ᠵᠣᠳᠣᠭ ᠂ ᠭᠤᠲᠤᠯ ᠂ ᠭᠥᠯᠢᠮ ᠲᠡᠷᠢᠭᠦᠲᠡᠨ ᠡᠴᠡ ᠬᠢᠲᠤᠭᠠ ᠶ᠋ᠢᠨ ᠬᠤᠢ ᠂ ᠳᠤᠬᠤᠨ ᠲᠥᠳᠦᠭ ᠲᠦ᠍ ᠬᠦᠷᠲᠡᠯᠡ ᠬᠢᠵᠦ ᠪᠠᠢᠯᠠ ᠃ ᠣᠳᠣ ᠠᠷᠠᠰᠤ ᠰᠢᠷᠢ ᠶ᠋ᠢᠨ ᠠᠵᠤ ᠦᠢᠯᠡᠳᠪᠦᠷᠢ ᠭᠡᠵᠦ ᠭᠠᠵᠠᠷ ᠰᠠᠢ ᠦᠭᠡᠢ ᠪᠠᠢᠭᠤᠯᠤᠭᠳᠠᠵᠤ᠂ ᠠᠷᠠᠰᠤ ᠰᠢᠷᠢ ᠭᠡᠭᠴᠢ ᠲᠡᠭᠦᠨ ᠦ᠌ ᠭᠣᠣᠯ ᠴᠢᠬᠤᠯᠠ ᠡᠳ᠋ ᠮᠠᠲ᠋ᠸᠷᠢᠶᠠᠯᠢᠭ ᠪᠣᠯᠵᠤ ᠪᠠᠢᠭᠠ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠤᠯᠤᠰ ᠠ᠋ᠴᠠ ᠭᠠᠷᠴᠤ ᠪᠣᠢ᠃ ᠣᠳᠣ ᠰᠣᠨᠣᠰᠬᠤᠯᠠ ᠨᠢᠭᠡ ᠦᠬᠡᠷ ᠦ᠋ᠨ ᠠᠷᠠᠰᠤ ᠶ᠋ᠢ ᠬᠡᠳᠦ ᠨᠢᠮᠭᠡᠯᠡᠵᠦ ᠥᠩᠭᠡᠯᠡᠭᠡᠳ ᠭᠦᠮ ᠬᠦᠷᠮᠡ᠂ ᠥᠮᠥᠳᠥ᠂ ᠰᠢᠨᠡ ᠮᠠᠶᠢᠭ ᠤ᠋ᠨ ᠰᠠᠪᠢᠬᠢᠨ ᠭᠤᠲᠤᠯ ᠂ ᠱᠠᠬᠠᠢ ᠂ ᠥᠭᠡᠳᠡᠰᠦ ᠪᠡᠷ ᠨᠢ ᠪᠡᠭᠡᠯᠡᠢ ᠵᠡᠷᠭᠡ ᠳ᠋ᠦ᠍ ᠬᠦᠷᠲᠡᠯᠡ ᠬᠢᠵᠦ ᠪᠣᠢ ᠭᠡᠨᠡ ᠃ ᠡᠨᠡ ᠮᠡᠲᠦᠴᠢᠯᠡᠨ ᠦᠢᠯᠡᠳᠪᠦᠷᠢᠯᠡᠭᠳᠡᠵᠦ ᠪᠣᠢ ᠲᠥᠷᠥᠯ ᠵᠦᠢᠯ ᠨᠢ ᠴᠦ᠍ ᠠᠷᠪᠢᠨ ᠂ ᠰᠠᠨᠠᠵᠤ ᠰᠡᠳᠬᠢᠵᠦ ᠲᠠᠢᠯᠤᠮᠠ ᠦᠭᠡᠢ ᠰᠠᠢᠬᠠᠨ ᠭᠣᠶᠣ ᠡᠳ᠋ᠯᠡᠯ ᠢ ᠬᠢᠵᠦ ᠪᠣᠢ᠃
ᠦᠨᠢᠶᠡᠨ ᠰᠦ
ᠦᠨᠢᠶᠡᠨ ᠦ᠌ ᠬᠥᠬᠥ ᠡᠴᠡ ᠭᠠᠷᠬᠤ ᠴᠠᠭᠠᠨ ᠰᠢᠷᠠᠩᠭᠤᠢᠪᠲᠤᠷ ᠥᠩᠭᠡᠲᠡᠢ ᠰᠢᠩᠭᠡᠨ ᠡᠳ᠋ ᠃ ᠦᠨᠢᠶᠡᠨ ᠰᠦ ᠪᠣᠯ ᠮᠣᠩᠭᠣᠯᠴᠤᠳ ᠤ᠋ᠨ ᠴᠠᠭᠠᠨ ᠢᠳᠡᠭᠡᠨ ᠣ ᠭᠣᠣᠯ ᠠᠭᠤᠷᠬᠠᠢ ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠢᠯᠡᠭᠦᠳᠡᠬᠦ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠃ ᠮᠠᠯᠴᠢᠳ ᠤ᠋ᠨ ᠨᠢᠭᠡᠨ ᠲᠠᠯᠠ ᠶ᠋ᠢᠨ ᠢᠳᠡᠰᠢ ᠶ᠋ᠢ ᠬᠠᠩᠭᠠᠵᠤ ᠢᠷᠡᠵᠡᠢ ᠃ ᠣᠳᠣ ᠴᠤ᠌ ᠭᠡᠰᠡᠨ ᠬᠠᠩᠭᠠᠵᠤ ᠪᠣᠢ ᠃ ᠦᠨᠢᠶᠡᠨ ᠰᠦᠨ ᠦ᠌ ᠴᠠᠭᠠᠨ ᠢᠳᠡᠭᠡᠨ ᠭᠡᠭᠴᠢ ᠲᠥᠷᠥᠯ ᠵᠦᠢᠯ ᠣᠯᠠᠨ ᠃ ᠡᠭᠦᠨ ᠢ᠋ ᠲᠤᠰᠬᠠᠢ ᠴᠠᠭᠠᠨ ᠢᠳᠡᠭᠡᠨ ᠦ᠌ ᠬᠡᠰᠡᠭ ᠲᠦ᠍ ᠶᠠᠷᠢᠬᠤ ᠪᠣᠯᠬᠣᠷ ᠡᠨᠳᠡ ᠳᠠᠪᠬᠤᠷ ᠨᠤᠷᠰᠢᠬᠤ ᠦᠭᠡᠢ᠃
ᠦᠬᠡᠷ ᠦ᠋ᠨ ᠮᠢᠬᠠ
ᠦᠬᠡᠷ ᠦ᠋ᠨ ᠮᠢᠬᠠ ᠰᠢᠮᠡ ᠲᠡᠵᠢᠭᠡᠯ ᠢ᠋ᠶ᠋ᠡᠷ ᠥᠨᠳᠥᠷ ᠲᠡᠭᠦᠯᠳᠡᠷ ᠂ ᠢᠳᠡᠬᠦ ᠳ᠋ᠦ᠍ ᠠᠯᠢᠪᠠ ᠮᠢᠬᠠᠨ ᠠ᠋ᠴᠠ ᠠᠮᠲᠠᠲᠠᠢ ᠃ ᠤᠳᠠᠭᠠᠨ ᠬᠠᠳᠠᠭᠠᠯᠠᠬᠤ ᠳ᠋ᠤ᠌ ᠲᠡᠰᠪᠦᠷᠢᠲᠡᠢ ᠃ ᠮᠣᠩᠭᠣᠯᠴᠤᠳ ᠤ᠋ᠨ ᠪᠣᠷᠴᠠᠯᠠᠨ ᠬᠠᠲᠠᠭᠠᠵᠤ ᠂ ᠨᠦᠳᠦᠨ ᠳᠠᠪᠤᠰᠤᠯᠠᠵᠤ ᠨᠥᠭᠡᠴᠡᠯᠡᠵᠦ ᠢᠳᠡᠬᠦ ᠭᠣᠣᠯ ᠬᠡᠷᠡᠭᠰᠡᠯ ᠦ᠋ᠨ ᠮᠢᠬᠠ ᠪᠣᠯᠤᠨᠠ ᠃ ᠢᠳᠡᠰᠢᠨ ᠦ᠌ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠳᠦᠨ ᠠᠷᠪᠠᠨ ᠵᠦᠢᠯ ᠦ᠋ᠨ ᠠᠮᠲᠠᠲᠤ ᠢᠳᠡᠭᠡᠨ ᠬᠢᠵᠦ ᠭᠠᠳᠠᠭᠰᠢ ᠭᠠᠷᠭᠠᠵᠤ ᠪᠣᠢ᠃
ᠦᠬᠡᠷ ᠡᠴᠡ ᠭᠠᠷᠬᠤ ᠡᠮ ᠦ᠋ᠨ ᠵᠦᠢᠯ
ᠦᠬᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ 26 ᠵᠦᠢᠯ ᠦ᠋ᠨ ᠨᠠᠢᠷᠠᠭ ᠬᠠᠳᠠᠭᠠᠯᠠᠭᠳᠠᠵᠤ ᠪᠣᠢ ᠭᠡᠮᠡᠨ 《ᠡᠮᠲᠦ ᠠᠮᠢᠲᠠᠨ 》 ᠳ᠋ᠤᠷ ᠥᠭᠦᠯᠡᠵᠦᠬᠦᠢ᠃ ᠲᠡᠭᠦᠨ ᠡᠴᠡ ᠬᠡᠰᠡᠭ ᠢ᠋ ᠵᠢᠭᠰᠠᠭᠠᠪᠠᠯ : ᠦᠬᠡᠷ ᠦ᠋ᠨ ᠥᠭᠡᠬᠦ ᠂ ᠮᠢᠬᠠ ᠂ ᠴᠢᠮᠥᠭᠡ ᠂ ᠲᠠᠷᠢᠬᠢ ᠂ ᠬᠣᠳᠣᠭᠣᠳᠣ ᠂ ᠶᠠᠰᠤ ᠂ ᠲᠤᠭᠤᠷᠠᠢ ᠂ ᠰᠦ ᠂ ᠴᠢᠰᠤ ᠂ ᠰᠥᠰᠥ ᠂ ᠡᠪᠡᠷ ᠂ ᠳᠡᠯᠢᠭᠦᠦ ᠂ ᠪᠥᠭᠡᠷᠡ ᠂ ᠰᠠᠷᠬᠢᠨᠠᠭ ᠵᠡᠷᠭᠡ ᠴᠥᠮ ᠡᠮ ᠳ᠋ᠦ᠍ ᠣᠷᠣᠨᠠ ᠃ ᠢᠯᠠᠩᠭᠤᠶᠠ ᠵᠠᠷᠢᠮ ᠦᠬᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ 《ᠭᠢᠸᠠᠩ 》ᠭᠡᠬᠦ ᠬᠣᠪᠣᠷ ᠴᠤᠬᠠᠭ ᠡᠮ ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠡᠳ᠋ ᠪᠣᠢ ᠃
ᠤᠷᠲᠤ ᠤᠳᠠᠭᠠᠨ ᠵᠢᠯ ᠦ᠋ᠨ ᠠᠮᠢᠳᠤᠷᠠᠯ ᠤ᠋ᠨ ᠲᠤᠷᠰᠢᠯᠭᠠ ᠠ᠋ᠴᠠ ᠦᠵᠡᠪᠡᠯ ᠂ ᠦᠬᠡᠷ ᠦ᠋ᠨ ᠠᠭᠤᠰᠬᠢ ᠶ᠋ᠢ ᠨᠢ ᠴᠢᠨᠠᠵᠤ ᠢᠳᠡᠬᠦ ᠶ᠋ᠢᠨ ᠵᠡᠷᠭᠡᠴᠡᠭᠡ ᠪᠡᠷ ᠱᠥᠯᠥ ᠶ᠋ᠢ ᠨᠢ ᠤᠤᠭᠤᠪᠠᠯ ᠠᠭᠤᠰᠬᠢ ᠶ᠋ᠢᠨ ᠬᠠᠨᠢᠶᠠᠳᠤ ᠶ᠋ᠢ ᠵᠠᠰᠠᠨᠠ ᠃ ᠦᠬᠡᠷ ᠦ᠋ᠨ ᠥᠯᠥᠨ ᠭᠡᠳᠡᠰᠦ ᠶ᠋ᠢ ᠨᠢ ᠴᠢᠨᠠᠵᠤ ᠢᠳᠡᠪᠡᠯ ᠱᠠᠮᠪᠠᠷᠠᠮ ᠤ᠋ᠨ ᠯᠡᠪᠡᠷᠬᠡᠢ ᠶ᠋ᠢ ᠠᠨᠠᠭᠠᠨᠠ ᠃ ᠦᠬᠡᠷ ᠦ᠋ᠨ ᠴᠢᠰᠤ ᠶ᠋ᠢ ᠬᠠᠭᠠᠷᠢᠵᠤ ᠢᠳᠡᠪᠡᠯ ᠰᠠᠭᠤᠯᠭᠠᠬᠤ ᠶ᠋ᠢ ᠵᠣᠭᠰᠣᠭᠠᠨᠠ ᠃ ᠴᠢᠮᠥᠭᠡ ᠨᠢ ᠳᠤᠰᠤᠯ ᠢ᠋ ᠨᠥᠬᠥᠪᠥᠷᠢᠯᠡᠵᠦ ᠂ ᠠᠭᠤᠰᠬᠢ ᠶ᠋ᠢ ᠵᠥᠭᠡᠯᠡᠷᠡᠭᠦᠯᠵᠦ ᠂ ᠳᠡᠯᠢᠭᠦᠦ ᠶ᠋ᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠨᠠ ᠃ ᠬᠣᠳᠣᠭᠣᠳᠣ ᠨᠢ ᠲᠠᠪᠤᠨ ᠴᠤᠯᠤ ᠶ᠋ᠢ ᠲᠡᠭᠰᠢᠯᠡᠨ ᠂ ᠶᠠᠰᠤ ᠨᠢ ᠬᠠᠮᠠᠷ ᠤ᠋ᠨ ᠶᠠᠷᠠ ᠶ᠋ᠢ ᠵᠠᠰᠠᠵᠤ ᠂ ᠬᠣᠭᠢᠰᠣ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠣ ᠤᠯᠠᠭᠠᠨ ᠴᠠᠭᠠᠨ ᠢ᠋ᠶ᠋ᠠᠷ ᠪᠠᠭᠤᠯᠭᠠᠬᠤ ᠶ᠋ᠢ ᠵᠠᠰᠠᠵᠤ ᠂ ᠰᠥᠰᠥ ᠨᠢ ᠰᠢᠷᠠ ᠡᠪᠡᠳᠴᠢᠨ ᠂ ᠪᠣᠭᠣᠮᠠ ᠬᠠᠪᠤᠳᠠᠷ ᠢ ᠵᠠᠰᠠᠵᠤ ᠂ ᠬᠠᠷᠪᠢᠰᠤ ( ᠭᠡᠭᠡᠰᠢ – ᠬᠣᠢᠲᠤᠬᠢ ) ᠨᠢ ᠡᠯᠢᠭᠡᠨ ᠦ᠌ ᠬᠠᠯᠠᠭᠤᠨ ᠢ᠋ ᠠᠷᠢᠯᠭᠠᠵᠤ ᠴᠢᠳᠠᠨᠠ ᠭᠡᠵᠡᠢ᠃
ᠦᠬᠡᠷ ᠦ᠋ᠨ ᠥᠭᠡᠬᠦ
ᠲᠣᠰᠣ ᠶ᠋ᠢ ᠨᠢ ᠢᠳᠡᠬᠦ ᠡᠴᠡ ᠭᠠᠳᠠᠨᠠ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠤ ᠰᠠᠪᠤᠩ ᠂ ᠠᠮᠲᠠᠯᠢᠭ ᠲᠣᠰᠣ ᠂ ᠣᠯᠠᠨ ᠵᠦᠢᠯ ᠦ᠋ᠨ ᠥᠭᠡᠬᠦᠨ ᠬᠦᠴᠢᠯ ᠂ ᠭᠤᠯᠭᠤᠭᠤᠷ ᠲᠣᠰᠣ ᠵᠡᠷᠭᠡ ᠶ᠋ᠢ ᠬᠢᠵᠦ ᠪᠣᠢ᠃
ᠦᠬᠡᠷ ᠦ᠋ᠨ ᠰᠤᠷ
ᠦᠬᠡᠷ ᠦ᠋ᠨ ᠠᠷᠠᠰᠤ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠵᠤ ᠬᠢᠭᠰᠡᠨ ᠰᠤᠷ ᠪᠣᠯ ᠪᠥᠬᠡ ᠮᠥᠷᠲᠡᠭᠡᠨ ᠵᠥᠭᠡᠯᠡᠨ ᠡᠳ᠋ᠯᠡᠬᠦ ᠳ᠋ᠦ᠍ ᠤᠷᠠᠨ ᠵᠣᠬᠢᠮᠵᠢᠲᠠᠢ᠃
ᠦᠬᠡᠷ ᠦ᠋ᠨ ᠭᠢᠸᠠᠩ ᠡᠮ ᠨᠠᠢᠷᠠᠯᠭᠠ ᠶ᠋ᠢᠨ ᠦᠨᠡᠲᠦ ᠡᠷᠬᠢᠮ ᠡᠳ᠋᠃
ᠦᠬᠡᠷ ᠦ᠋ᠨ ᠰᠥᠰᠥ
ᠠᠩᠬᠠᠨ ᠳ᠋ᠠᠭᠠᠨ ᠡᠮ ᠦ᠋ᠨ ᠨᠠᠢᠷᠠᠯᠭᠠ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠰᠢᠷᠠ ᠪᠣᠷᠣ ᠡᠪᠡᠳᠴᠢᠨ ᠪᠣᠯᠤᠨ ᠪᠣᠭᠣᠮᠠ ᠬᠠᠪᠤᠳᠠᠷ ᠢ᠋ ᠵᠠᠰᠠᠵᠤ ᠪᠠᠢᠵᠠᠢ᠃ ᠣᠳᠣ ᠤᠯᠤᠰ ᠠ᠋ᠴᠠ ᠶᠡᠬᠡ ᠪᠡᠷ ᠴᠤᠭᠯᠠᠭᠤᠯᠵᠤ ᠭᠢᠸᠠᠩ ᠵᠡᠷᠭᠡ ᠶ᠋ᠢᠨ ᠦᠨᠡᠲᠦ ᠵᠦᠢᠯ ᠢ᠋ ᠭᠠᠷᠭᠠᠨ ᠠᠪᠴᠤ ᠪᠣᠢ᠃
ᠦᠬᠡᠷ ᠦ᠋ᠨ ᠬᠢᠷᠵᠠᠩ
ᠡᠮ ᠨᠠᠢᠷᠠᠭᠤᠯᠵᠤ ᠡᠷᠡ ᠪᠡᠯᠬᠡᠰ ᠦ᠋ᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠳᠠᠭ᠃
ᠦᠬᠡᠷ ᠦ᠋ᠨ ᠶᠠᠰᠤ
ᠦᠬᠡᠷ ᠦ᠋ᠨ ᠶᠠᠰᠤ ᠶ᠋ᠢ ᠢᠳᠡᠰᠢᠨ ᠦ᠌ ᠪᠤᠶᠤ ᠡᠮ ᠪᠠ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠥᠮᠦᠨ ᠦ᠌ ᠶᠠᠰᠤ ᠶ᠋ᠢ ᠬᠠᠲᠠᠭᠤᠷᠠᠭᠤᠯᠬᠤ ᠲᠠᠷᠢᠯᠭᠠ ᠶ᠋ᠢᠨ ᠡᠮ ᠨᠠᠢᠷᠠᠭᠤᠯᠤᠨ᠂ ᠤᠷᠭᠤᠯᠲᠠ ᠶ᠋ᠢᠨ ᠴᠢᠨᠠᠷᠲᠠᠢ ᠦᠶᠡ ᠭᠡᠰᠢᠭᠦᠨ ᠦ᠌ ᠡᠪᠡᠳᠴᠢᠨ ᠪᠣᠯᠤᠨ ᠶᠠᠰᠤᠨ ᠤ᠋ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃ ᠪᠠᠰᠠ ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢᠨ ᠺᠠᠯᠼ ᠳᠤᠲᠠᠭᠳᠠᠬᠤ᠂ ᠬᠡᠦᠬᠡᠳ ᠦ᠋ᠨ ᠶᠠᠰᠤ ᠵᠥᠭᠡᠯᠡᠷᠡᠬᠦ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠡᠮ ᠨᠠᠢᠷᠠᠭᠤᠯᠳᠠᠭ᠃ ᠦᠬᠡᠷ ᠦ᠋ᠨ ᠶᠠᠰᠤᠨ ᠲᠠᠯᠬᠠ ᠨᠢ ᠴᠢᠰᠤ ᠭᠠᠷᠬᠤ ᠪᠠ ᠰᠠᠭᠤᠯᠭᠠᠬᠤ ᠶ᠋ᠢ ᠵᠣᠭᠰᠣᠭᠠᠬᠤ ᠂ ᠴᠢᠰᠤᠨ ᠳᠠᠷᠤᠯᠲᠠ ᠶ᠋ᠢ ᠪᠠᠭᠤᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠡᠢ ᠪᠢᠯᠡ ᠃ ᠦᠬᠡᠷ ᠦ᠋ᠨ ᠰᠢᠯᠪᠢ ᠪᠣᠯᠤᠨ ᠬᠠᠪᠢᠷᠭᠠ ᠶ᠋ᠢᠨ ᠶᠠᠰᠤ ᠪᠠᠷ ᠭᠠᠷ ᠤᠷᠠᠯᠠᠯ ᠤ᠋ᠨ ᠦᠢᠯᠡᠳᠬᠦᠨ ᠬᠢᠵᠦ ᠂ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠳ᠋ᠤ᠌ ᠥᠷᠭᠡᠨ ᠢ᠋ᠶ᠋ᠡᠷ ᠪᠣᠷᠣᠯᠠᠭᠤᠯᠤᠭᠳᠠᠵᠤ ᠪᠣᠢ ᠃ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠭᠣᠣᠯᠳᠠᠭᠤ ᠶᠠᠰᠤᠨ ᠴᠠᠪᠠᠤ ᠪᠣᠯᠤᠨ ᠴᠠᠷᠳᠠᠮᠠᠯ ᠴᠠᠪᠠᠤ ᠬᠢᠵᠦ ᠂ ᠴᠡᠷᠢᠭ ᠦ᠋ᠨ ᠦᠢᠯᠡᠳᠪᠦᠷᠢ ᠂ ᠬᠦᠨᠳᠦ ᠬᠥᠩᠭᠡᠨ ᠠᠵᠤ ᠦᠢᠯᠡᠳᠪᠦᠷᠢ ᠂ ᠬᠥᠳᠡᠭᠡ ᠠᠵᠤ ᠠᠬᠤᠢ ᠂ ᠭᠠᠷ ᠤᠷᠠᠯᠠᠯ ᠤ᠋ᠨ ᠦᠢᠯᠡᠳᠪᠦᠷᠢ ᠵᠡᠷᠭᠡ ᠳ᠋ᠦ᠍ ᠥᠷᠭᠡᠨ ᠳᠠᠯᠠᠢᠴᠠᠲᠠᠢ ᠬᠡᠷᠡᠭᠯᠡᠭᠳᠡᠵᠦ ᠪᠣᠢ ᠃ ᠲᠤᠬᠠᠢᠯᠠᠪᠠᠯ ᠂ ᠺᠢᠨᠣ᠋ ᠭᠡᠷᠡᠯ ᠵᠢᠷᠤᠭ ᠤ᠋ᠨ ᠢᠯᠲᠠᠰᠤ ᠂ X ᠰᠠᠴᠤᠷᠠᠭ ᠤ᠋ᠨ ᠭᠡᠷᠡᠯ ᠮᠡᠳᠡᠷᠡᠬᠦ ᠴᠠᠭᠠᠰᠤ ᠬᠢᠬᠦ ᠪᠥᠭᠡᠳ ᠭᠠᠳᠠᠷ ᠡᠮᠨᠡᠯᠭᠡ ᠳ᠋ᠦ᠍ ᠣᠷᠢᠶᠠᠯᠲᠠ ᠪᠣᠭᠣᠯᠲᠠ ᠬᠢᠨᠡ ᠃ ᠡᠭᠦᠨᠴᠢᠯᠡᠨ ᠵᠢᠭᠠᠰᠤᠨ ᠡᠯᠢᠭᠡᠨ ᠲᠣᠰᠣᠨ ᠤ᠋ ᠷᠢᠯᠦ ᠁ ᠮᠡᠲᠦ ᠶ᠋ᠢᠨ ᠣᠯᠠᠨ ᠵᠦᠢᠯ ᠦ᠋ᠨ ᠡᠮ ᠦ᠋ᠨ ᠬᠠᠯᠢᠰᠤ ᠂ ᠡᠮ ᠦ᠋ᠨ ᠬᠠᠨᠳᠠ ᠵᠡᠷᠭᠡ ᠶ᠋ᠢ ᠬᠢᠳᠡᠭ ᠃ ᠮᠥᠨ ᠬᠥᠮᠦᠨ ᠦ᠌ ᠴᠢᠰᠤ ᠭᠣᠭᠣᠵᠢᠮᠠᠲᠠᠭᠠᠢ ᠡᠪᠡᠳᠴᠢᠨ ᠂ ᠶᠠᠭᠠᠨ ᠲᠣᠯᠪᠣᠲᠤ ᠡᠪᠡᠳᠴᠢᠨ ᠂ ᠨᠢᠯᠬᠠᠰ ᠤ᠋ᠨ ᠪᠠᠭᠠᠰᠤ ᠬᠠᠷᠠᠯᠠᠬᠤ ᠡᠪᠡᠳᠴᠢᠨ ᠂ ᠯᠤᠭᠰᠢᠭᠤᠨ ᠪᠠ ᠨᠠᠮᠵᠢᠭᠤᠨ ᠰᠤᠳᠠᠯ ᠤ᠋ᠨ ᠡᠪᠡᠳᠴᠢᠨ ᠢ᠋ ᠴᠥᠮ ᠵᠠᠰᠠᠵᠤ ᠂ ᠣᠨᠴᠠᠭᠠᠢᠯᠠᠨ ᠴᠢᠰᠤ ᠭᠠᠷᠬᠤ ᠶ᠋ᠢ ᠵᠣᠭᠰᠣᠭᠠᠵᠤ ᠴᠢᠳᠠᠳᠠᠭ ᠴᠢᠳᠠᠯᠲᠠᠢ ᠵᠡᠷᠭᠡ 30 ᠭᠠᠷᠤᠢ ᠢᠵᠢᠯ ᠲᠥᠷᠥᠯ ᠦ᠋ᠨ ᠮᠢᠩᠭᠠ ᠭᠠᠷᠤᠢ ᠦᠢᠯᠡᠳᠬᠦᠨ ᠢ᠋ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠢᠨᠠ᠃
ᠢᠳᠡᠭᠡᠨ ᠦ᠌ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠥᠳᠬᠡᠨ ᠱᠥᠯᠥ ᠂ ᠮᠢᠬᠠᠨ ᠬᠥᠯᠳᠡᠮᠡᠭ ᠂ ᠱᠸᠯᠡ ᠂ ᠮᠥᠬᠥᠯᠢᠭᠲᠦ ᠰᠢᠬᠢᠷ ᠂ ᠵᠥᠭᠡᠯᠡᠨ ᠰᠢᠬᠢᠷ ᠂ ᠭᠦᠨ ᠰᠢᠬᠢᠷ ᠂ ᠱᠣᠺᠣᠯᠠᠳ᠋ ᠰᠢᠬᠢᠷ ᠵᠡᠷᠭᠡ ᠬᠢᠬᠦ ᠡᠴᠡ ᠭᠠᠳᠠᠨᠠ ᠠᠮᠲᠠᠲᠤ ᠵᠢᠶᠠᠩ ᠂ ᠪᠢᠩᠵᠢᠯᠢᠩ ᠂ ᠴᠢᠱᠦ᠋ᠢ ᠂ ᠫᠢᠸᠣ᠋ ᠵᠡᠷᠭᠡ ᠶ᠋ᠢ ᠬᠢᠬᠦ ᠳ᠋ᠦ᠍ ᠴᠦ᠍ ᠶᠠᠰᠤᠨ ᠤ᠋ ᠣᠷᠣᠯᠴᠠᠭᠠ ᠴᠢᠬᠤᠯᠠ ᠪᠠᠢᠳᠠᠭ ᠃ ᠦᠬᠡᠷ ᠦ᠋ᠨ ᠶᠠᠰᠤᠨ ᠤ᠋ ᠳᠠᠭᠠᠯᠲᠠ ᠪᠦᠲᠦᠭᠡᠭᠳᠡᠬᠦᠨ ᠡᠴᠡ ᠪᠠᠰᠠ ᠡᠳᠦᠢ ᠲᠡᠳᠦᠢ ᠦᠢᠯᠡᠳᠬᠦᠨ ᠢ᠋ ᠦᠢᠯᠡᠳᠪᠦᠷᠢᠯᠡᠳᠡᠭ ᠃ ᠨᠢᠭᠤᠷ ᠤ᠋ᠨ ᠰᠠᠪᠤᠩ ᠂ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠰᠠᠪᠤᠩ ᠂ ᠣᠯᠠᠨ ᠵᠦᠢᠯ ᠦ᠋ᠨ ᠨᠢᠭᠤᠷ ᠤ᠋ᠨ ᠲᠣᠰᠣ ᠬᠢᠳᠡᠭ ᠃ ᠪᠠᠰᠠ ᠰᠢᠭᠠᠷᠤᠭ ᠠ᠋ᠴᠠ ᠨᠢ ᠣ ᠂ ᠰᠦᠯᠢᠶᠣᠣ ᠶ᠋ᠢ ᠠᠭᠰᠢᠭᠠᠬᠤ ᠡᠮ ᠂ ᠲᠠᠷᠢᠶᠠᠯᠠᠩ ᠤ᠋ᠨ ᠪᠣᠷᠳᠣᠭᠤᠷ ᠵᠡᠷᠭᠡ ᠶ᠋ᠢ ᠬᠢᠳᠡᠭ ᠃
ᠶᠠᠰᠤᠨ ᠴᠢᠮᠥᠭᠡ ᠶ᠋ᠢᠨ ᠲᠣᠰᠣ ᠬᠢᠭᠡᠳ ᠨᠤᠭᠤᠰᠤᠨ ᠲᠣᠰᠣ ᠨᠢ ᠶᠡᠬᠡ ᠬᠡᠮᠵᠢᠶᠡᠨ ᠦ᠌ ᠢᠯᠴᠢ ᠭᠠᠷᠭᠠᠬᠤ ᠥᠭᠡᠬᠦ ᠠᠭᠤᠯᠤᠭᠳᠠᠳᠠᠭ ᠪᠣᠯᠬᠣᠷ ᠬᠥᠮᠦᠨ ᠦ᠌ ᠠᠭᠤᠰᠬᠢ ᠪᠥᠭᠡᠷᠡ ᠶ᠋ᠢ ᠨᠥᠬᠥᠪᠥᠷᠢᠯᠡᠬᠦ ᠂ ᠦᠷᠡ ᠶ᠋ᠢ ᠠᠷᠪᠢᠵᠢᠭᠤᠯᠤᠨ ᠲᠠᠮᠢᠷᠵᠢᠭᠤᠯᠬᠤ ᠡᠮ ᠢ᠋ ᠨᠠᠢᠷᠠᠭᠤᠯᠵᠤ ᠡᠪᠡᠳᠴᠢᠲᠡᠨ ᠢ᠋ ᠵᠠᠰᠠᠳᠠᠭ ᠃ ᠪᠠᠰᠠ ᠰᠢᠭᠡᠷᠡᠩ ᠢ᠋ ᠴᠦ᠍ ᠵᠠᠰᠠᠳᠠᠭ ᠃ ᠵᠢᠴᠢ ᠠᠷᠠᠰᠤ ᠮᠢᠬᠠᠨ ᠤ᠋ ᠣᠰᠴᠤ ᠬᠠᠭᠠᠷᠠᠬᠤ ᠶ᠋ᠢ ᠡᠮᠨᠡᠬᠦ ᠡᠮ ᠴᠦ᠍ ᠬᠢᠳᠡᠭ ᠃
ᠦᠬᠡᠷ ᠦ᠋ᠨ ᠴᠢᠰᠤ
ᠦᠬᠡᠷ ᠦ᠋ᠨ ᠴᠢᠰᠤᠨ ᠳᠣᠲᠣᠷᠠ ᠤᠭᠤᠷᠠᠭ ᠪᠠ ᠡᠷᠦᠳᠡᠰᠦ ᠪᠣᠳᠠᠰ ᠡᠯᠪᠡᠭ ᠠᠭᠤᠯᠤᠭᠳᠠᠵᠤ ᠢᠳᠡᠬᠦ ᠳ᠋ᠦ᠍ ᠠᠮᠠᠷᠬᠠᠨ ᠰᠢᠩᠭᠡᠳᠡᠭ ᠃ ᠮᠥᠨ ᠡᠮ ᠦ᠋ᠨ ᠪᠠ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠥᠷᠭᠡᠨ ᠢ᠋ᠶ᠋ᠡᠷ ᠬᠡᠷᠡᠭᠯᠡᠳᠡᠭ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠠᠢ ᠃
ᠢᠳᠡᠭᠡᠨ ᠦ᠌ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠰᠤᠨ ᠡᠭᠡᠳᠡᠮᠡᠭ ᠂ ᠴᠢᠳᠬᠤᠮᠠᠯ ᠭᠡᠳᠡᠰᠦ ᠂ ᠰᠢᠬᠢᠷ ᠂ ᠪᠣᠭᠣᠷᠰᠣᠭ ᠂ ᠭᠤᠸᠠᠨᠲᠤᠤ ᠵᠡᠷᠭᠡ ᠳ᠋ᠦ᠍ ᠴᠢᠬᠤᠯᠠ ᠮᠠᠲᠸᠷᠢᠶᠠᠯ ᠪᠣᠯᠭᠠᠵᠤ ᠪᠣᠢ ᠃
ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠰᠢᠭᠡᠬᠦ ᠡᠷᠬᠡᠲᠡᠨ ᠦ᠌ ᠰᠢᠷᠬᠠᠯᠠᠭᠠ ᠂ ᠴᠢᠰᠤ ᠳᠤᠲᠠᠬᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠡᠮ ᠬᠢᠳᠡᠭ ᠪᠥᠭᠡᠳ ᠪᠠᠰᠠ ᠬᠡᠦᠬᠡᠳ ᠪᠠᠭᠠᠴᠤᠳ ᠤ᠋ᠨ ᠪᠣᠢᠵᠢᠯᠲᠠ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ ᠬᠣᠷᠭᠣᠭᠴᠢ ᠰᠢᠪᠲᠦᠷᠲᠦ ᠬᠦᠴᠢᠯ ᠢ᠋ ᠬᠢᠳᠡᠭ ᠃ ᠪᠠᠰᠠ ᠭᠠᠯ ᠤᠨᠲᠠᠷᠠᠭᠠᠬᠤ ᠡᠮ ᠪᠣᠯᠤᠨ ᠬᠥᠭᠡᠰᠦᠷᠡᠭᠦᠯᠬᠦ ᠡᠮ ᠦᠢᠯᠡᠳᠪᠦᠷᠢᠯᠡᠳᠡᠭ ᠪᠥᠭᠡᠳ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠬᠢᠬᠦ ᠂ ᠲᠠᠷᠢᠶᠠᠯᠠᠩ ᠤ᠋ᠨ ᠪᠣᠷᠳᠣᠭᠤᠷ ᠬᠢᠵᠦ ᠲᠠᠷᠢᠶᠠᠨ ᠤ᠋ ᠤᠷᠭᠤᠯᠲᠠ ᠶ᠋ᠢ ᠰᠠᠢᠵᠢᠷᠠᠭᠤᠯᠳᠠᠭ ᠃ ᠵᠠᠰᠠᠭᠠ ᠪᠤᠬᠠ ᠶ᠋ᠢᠨ ᠦᠷᠡ ᠪᠣᠯᠪᠠᠰᠤᠷᠠᠭᠤᠯᠬᠤ ᠡᠷᠬᠡᠲᠡᠨ ᠮᠥᠨ᠃ ᠲᠡᠭᠦᠨ ᠢ᠋ ᠢᠳᠡᠳᠡᠭ ᠡᠴᠡ ᠭᠠᠳᠠᠨᠠ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠬᠤᠯᠠ ᠬᠡᠷᠡᠭᠯᠡᠳᠡᠭ ᠃ ᠲᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠮᠡᠳᠡᠷᠡᠯ ᠮᠠᠭᠤᠳᠠᠬᠤ ᠂ ᠡᠷᠲᠡ ᠥᠲᠡᠯᠬᠦ ᠂ ᠡᠷᠡᠭᠲᠡᠢᠴᠦᠳ ᠦ᠋ᠨ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠠᠵᠢᠯᠯᠠᠭᠠ ᠳᠣᠷᠣᠢᠲᠠᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃
ᠳᠠᠯᠠᠩ
ᠦᠨᠢᠶᠡᠨ ᠳ᠋ᠦ᠍ ᠪᠠᠢᠳᠠᠭ ᠃ ᠳᠠᠯᠠᠩ ᠢ᠋ ᠠᠪᠴᠤ ᠴᠡᠪᠡᠷᠯᠡᠭᠡᠳ ᠦᠨᠦᠷ ᠠᠮᠲᠠ ᠣᠷᠣᠭᠤᠯᠬᠤ ᠮᠠᠲ᠋ᠧᠷᠢᠶᠠᠯ ᠬᠢᠵᠦ ᠬᠠᠭᠤᠷᠴᠤ ᠢᠳᠡᠪᠡᠯ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠰᠢᠮᠡ ᠲᠡᠵᠢᠭᠡᠯᠲᠡᠢ ᠬᠠᠴᠢᠨ ᠰᠠᠢᠬᠠᠨ ᠦᠨᠦᠷ ᠠᠮᠲᠠᠲᠠᠢ ᠢᠳᠡᠭᠡᠨ ᠪᠣᠯᠳᠠᠭ᠃
ᠰᠡᠭᠦᠯ
ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤ ᠨᠢ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠤ ᠠᠷᠠᠰᠤ ᠨᠢ ᠴᠠᠪᠠᠤ ᠪᠤᠶᠤ ᠪᠣᠷᠳᠣᠭᠤᠷ ᠬᠢᠬᠦ ᠳ᠋ᠦ᠍ ᠴᠢᠬᠤᠯᠠᠴᠢᠯᠠᠭᠳᠠᠵᠤ᠂ ᠰᠡᠭᠦᠯ ᠦ᠋ᠨ ᠮᠢᠬᠠ ᠨᠢ ᠰᠢᠮᠡ ᠲᠡᠵᠢᠭᠡᠯ ᠰᠠᠢᠲᠠᠢ ᠂ ᠰᠠᠢᠬᠠᠨ ᠰᠣᠳᠣᠨ ᠦᠨᠦᠷ ᠠᠮᠲᠠᠲᠠᠢ ᠂ ᠳᠡᠯᠡᠬᠡᠢ ᠳᠡᠭᠡᠷᠡ ᠬᠣᠪᠣᠷᠬᠠᠨ ᠣᠯᠳᠠᠳᠠᠭ ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠭᠤᠸᠠᠨᠲᠤᠤ ᠬᠢᠬᠦ ᠳ᠋ᠦ᠍ ᠬᠡᠷᠡᠭᠯᠡᠵᠦ ᠪᠣᠢ ᠃ ᠥᠪᠡᠷ ᠲᠡᠭᠡᠨ ᠴᠢᠨᠠᠵᠤ ᠢᠳᠡᠬᠦ ᠳ᠋ᠦ᠍ ᠴᠦ᠍ ᠰᠠᠢᠬᠠᠨ ᠶᠤᠮ᠃
ᠰᠥᠰᠥ
ᠦᠬᠡᠷ ᠦ᠋ᠨ ᠰᠥᠰᠥ ᠂ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠬᠤᠯᠠ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠢ᠋ ᠬᠤᠷᠢᠶᠠᠵᠤ ᠪᠣᠢ ᠃ ᠲᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠲᠥᠪ ᠮᠡᠳᠡᠷᠡᠯ ᠪᠠ ᠤᠯᠠᠭᠠᠨ ᠂ ᠴᠠᠭᠠᠨ ᠬᠣᠭᠣᠯᠠᠢ ᠂ ᠡᠷᠭᠢᠯᠲᠡ ᠶ᠋ᠢᠨ ᠰᠢᠰᠲᠧᠮ ᠢ᠋ ᠮᠢᠨᠴᠦᠷᠡᠭᠦᠯᠬᠦ ᠂ ᠰᠢᠩᠭᠡᠯᠲᠡ ᠶ᠋ᠢ ᠲᠦᠷᠭᠡᠳᠬᠡᠬᠦ᠂ ᠬᠣᠳᠣᠭᠣᠳᠣᠨ ᠤ᠋ ᠠᠵᠢᠯᠯᠠᠭᠠ ᠮᠠᠭᠤᠳᠠᠬᠤ ᠂ ᠬᠣᠷᠭᠣᠰᠣᠯᠠᠬᠤ ᠶ᠋ᠢ ᠵᠠᠰᠠᠨᠠ ᠃ ᠪᠠᠰᠠ ᠬᠣᠣᠷ ᠢ᠋ ᠲᠠᠢᠯᠵᠤ ᠬᠠᠪᠤᠳᠠᠷ ᠢ᠋ ᠬᠠᠷᠢᠭᠤᠯᠬᠤ ᠂ ᠡᠯᠢᠭᠡ ᠨᠢᠳᠦ ᠶ᠋ᠢ ᠰᠡᠷᠢᠭᠦᠳᠬᠡᠨ ᠭᠡᠭᠡᠷᠡᠭᠦᠯᠬᠦ ᠂ ᠰᠥᠰᠥ ᠶ᠋ᠢ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠦᠢᠯᠡᠳᠦᠯ ᠲᠡᠢ ᠡᠮ ᠢ᠋ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠢᠳᠠᠭ᠃
ᠰᠥᠰᠥᠨ ᠦ᠌ ᠰᠢᠭᠦᠰᠦ
ᠰᠥᠰᠥᠨ ᠭᠡᠷ ᠳᠣᠲᠣᠷᠠ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠳᠠᠭ ᠰᠢᠷᠠᠪᠲᠤᠷ ᠨᠣᠭᠣᠭᠠᠨ ᠥᠩᠭᠡᠲᠡᠢ ᠰᠢᠩᠭᠡᠨ ᠢ᠋ ᠰᠢᠭᠦᠰᠦ ᠭᠡᠳᠡᠭ ᠃ ᠣᠳᠣ ᠰᠥᠰᠥᠨ ᠦ᠌ ᠰᠢᠭᠦᠰᠦ ᠶ᠋ᠢ ᠠᠪᠴᠤ ᠡᠮ ᠨᠠᠢᠷᠠᠭᠤᠯᠤᠭᠠᠳ ᠰᠢᠷᠠ ᠬᠢᠵᠢᠭ ᠂ ᠪᠠᠭᠠᠰᠤ ᠬᠠᠲᠠᠬᠤ ᠂ ᠰᠢᠭᠡᠷᠡᠩ ᠂ ᠡᠯᠢᠭᠡᠨ ᠦ᠌ ᠬᠠᠯᠠᠭᠤᠨ ᠂ ᠨᠢᠳᠦᠨ ᠡᠪᠡᠳᠴᠢᠨ ᠂ ᠬᠡᠦᠬᠡᠳ ᠦ᠋ᠨ ᠵᠠᠭᠤᠷᠠᠬᠤ ᠡᠪᠡᠳᠴᠢᠨ ᠪᠠ ᠬᠡᠦᠬᠡᠳ ᠦ᠋ᠨ ᠵᠠᠭᠤ ᠬᠣᠨᠣᠭ ᠤ᠋ᠨ ᠬᠠᠨᠢᠶᠠᠳᠤ ᠂ ᠱᠠᠮᠪᠠᠷᠠᠮ ᠂ ᠰᠢᠷᠭᠤᠯᠵᠢᠨ ᠬᠠᠲᠠᠭᠢ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ ᠃ ᠢᠯᠠᠩᠭᠤᠶᠠ ᠬᠢᠲᠠᠳ ᠡᠮ ᠦ᠋ᠨ ᠵᠣᠷ ᠲᠤ᠌ ᠨᠡᠩ ᠴᠢᠬᠤᠯᠠ ᠪᠣᠯᠵᠤ ᠪᠣᠢ᠃
ᠰᠥᠰᠥᠨ ᠭᠡᠷ
ᠰᠥᠰᠥᠨ ᠰᠢᠩᠭᠡᠨ ᠠᠬᠤᠭᠤᠯᠵᠤ ᠪᠣᠢ ᠭᠠᠳᠠᠭᠤᠷᠬᠢ ᠬᠠᠯᠢᠰᠤ ᠶ᠋ᠢ ᠨᠢ ᠰᠥᠰᠥᠨ ᠭᠡᠷ ᠭᠡᠳᠡᠭ ᠃ ᠰᠥᠰᠥᠨ ᠭᠡᠷ ᠢ᠋ ᠬᠢᠮᠢ ᠶ᠋ᠢᠨ ᠪᠠ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠬᠤᠯᠠ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠢ᠋ᠶ᠋ᠠᠷ ᠬᠡᠷᠡᠭᠯᠡᠵᠦ ᠪᠣᠢ ᠃ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠰᠥᠰᠥᠨ ᠭᠡᠷ ᠢ᠋ ᠨᠢ ᠨᠤᠯᠭᠤ ᠴᠢᠨᠠᠭᠠᠳ ᠠᠵᠤ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠲᠣᠰᠣ ᠬᠢᠳᠡᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠭᠣᠣᠯᠳᠠᠭᠤ ᠸᠢᠼᠢᠯᠢᠨ ᠬᠠᠨᠳᠠ ᠪᠣᠯᠪᠠᠰᠤᠷᠠᠭᠤᠯᠵᠤ ᠪᠣᠢ᠃
ᠵᠢᠷᠦᠬᠡ
ᠦᠬᠡᠷ ᠦ᠋ᠨ ᠵᠢᠷᠦᠬᠡ ᠶ᠋ᠢ ᠬᠥᠮᠦᠨ ᠢᠳᠡᠬᠦ ᠡᠴᠡ ᠭᠠᠳᠠᠨᠠ᠂ ᠭᠣᠣᠯᠳᠠᠭᠤ ᠡᠮ ᠨᠠᠢᠷᠠᠭᠤᠯᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠲᠠᠷᠢᠬᠢᠨ ᠳ᠋ᠤ᠌ ᠬᠦᠴᠢᠯᠳᠦᠷᠦᠭᠴᠢ ᠳᠤᠲᠠᠭᠳᠠᠬᠤ ᠶ᠋ᠢ ᠵᠠᠰᠠᠵᠤ ᠂ ᠨᠡᠭᠦᠷᠡᠰᠦᠳᠦᠷᠦᠭᠴᠢ ᠶ᠋ᠢᠨ ᠳᠠᠩ ᠢᠰᠦᠯ ᠦ᠋ᠨ ᠬᠣᠣᠷᠲᠠᠭᠳᠠᠯ ᠢ᠋ ᠲᠠᠢᠯᠳᠠᠭ᠃
ᠦᠩᠬᠦᠯᠴᠡᠭ
ᠦᠬᠡᠷ ᠦ᠋ᠨ ᠵᠢᠷᠦᠬᠡ ᠶ᠋ᠢ ᠪᠦᠷᠬᠦᠵᠦ ᠪᠠᠢᠭᠠ ᠨᠢᠮᠭᠡᠨ ᠬᠠᠯᠢᠰᠤ ᠪᠣᠯᠤᠨᠠ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮᠨᠡᠯᠭᠡ ᠶ᠋ᠢᠨ ᠬᠢᠨ ᠵᠢᠷᠦᠬᠡᠨ ᠲᠣᠯᠲᠣ ᠨᠢ ᠭᠡᠮᠲᠦᠭᠰᠡᠨ ᠬᠥᠮᠦᠨ ᠣ ᠵᠢᠷᠦᠬᠡᠨ ᠲᠣᠯᠲᠣ ᠶ᠋ᠢ ᠨᠢ ᠰᠣᠯᠢᠵᠤ ᠥᠭᠳᠡᠭ᠃
ᠤᠯᠠᠭᠠᠨ ᠰᠤᠳᠠᠯ ᠤ᠋ᠨ ᠴᠣᠷᠭᠣ
ᠵᠢᠷᠦᠬᠡᠨ ᠦ᠌ ᠭᠣᠣᠯ ᠰᠤᠳᠠᠯ ᠢ᠋ ᠬᠡᠯᠡᠨᠡ ᠃ ᠡᠭᠦᠨ ᠢ᠋ᠶ᠋ᠡᠷ ᠥᠭᠡᠬᠦ ᠬᠠᠢᠯᠤᠭᠤᠯᠬᠤ ᠲᠠᠷᠢᠯᠭᠠ ᠶ᠋ᠢᠨ ᠡᠮ ᠢ᠋ ᠨᠠᠢᠷᠠᠭᠤᠯᠳᠠᠭ ᠶᠤᠮ᠃
ᠡᠯᠢᠭᠡ
ᠦᠬᠡᠷ ᠦ᠋ᠨ ᠡᠯᠢᠭᠡ ᠶ᠋ᠢ ᠬᠥᠮᠦᠨ ᠢᠳᠡᠬᠦ ᠡᠴᠡ ᠭᠠᠳᠠᠨᠠ ᠂ ᠡᠮ ᠨᠠᠢᠷᠠᠭᠤᠯᠭᠠ ᠳ᠋ᠤ᠌ ᠬᠡᠷᠡᠭᠯᠡᠳᠡᠭ ᠶᠦ᠍ᠮ ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠡᠯᠢᠭᠡ ᠶ᠋ᠢ ᠠᠮᠤᠷᠵᠢᠭᠤᠯᠬᠤ ᠲᠠᠷᠢᠯᠭᠠ ᠶ᠋ᠢᠨ ᠡᠮ ᠂ ᠡᠯᠢᠭᠡᠨ ᠦ᠌ ᠬᠠᠨᠳᠠ ᠂ ᠠᠭᠤᠰᠤᠮᠠᠲᠠᠭᠠᠢ ᠡᠯᠢᠭᠡᠨ ᠦ᠌ ᠡᠳ᠋ ᠨᠠᠢᠷᠠᠭᠤᠯᠵᠤ ᠡᠯᠢᠭᠡᠨ ᠦ᠌ ᠦᠷᠪᠢᠰᠦᠯ ᠂ ᠬᠠᠲᠠᠭᠤᠷᠠᠯ ᠵᠡᠷᠭᠡ ᠶ᠋ᠢ ᠵᠠᠰᠠᠨᠠ ᠃ ᠪᠠᠰᠠ ᠦᠬᠡᠷ ᠦ᠋ᠨ ᠬᠠᠮᠠᠭᠤ ᠶ᠋ᠢ ᠵᠠᠰᠠᠳᠠᠭ᠃
ᠠᠭᠤᠰᠬᠢ
ᠦᠬᠡᠷ ᠦ᠋ᠨ ᠠᠭᠤᠰᠬᠢ ᠶ᠋ᠢ ᠬᠥᠮᠦᠨ ᠢᠳᠡᠬᠦ ᠪᠥᠭᠡᠳ ᠪᠠᠰᠠ ᠡᠮ ᠨᠠᠢᠷᠠᠭᠤᠯᠭᠠ ᠳ᠋ᠤ᠌ ᠣᠷᠣᠭᠤᠯᠵᠤ ᠪᠣᠯᠤᠨᠠ᠃ ᠠᠭᠤᠰᠬᠢ ᠡᠴᠡ ᠡᠯᠢᠭᠡᠨ ᠨᠠᠲᠷᠢ ᠢᠯᠭᠠᠷᠠᠭᠤᠯᠤᠨ ᠠᠪᠴᠤ ᠬᠥᠮᠦᠨ ᠦ᠌ ᠴᠢᠰᠤᠨ ᠡᠭᠡᠳᠡᠷᠡᠯ ᠢ᠋ ᠳᠠᠷᠤᠵᠤ ᠂ ᠴᠢᠰᠤᠨ ᠪᠦᠯᠦᠭᠯᠡᠯ ᠢ᠋ ᠬᠣᠷᠢᠭᠯᠠᠨ᠂ ᠵᠢᠷᠦᠬᠡᠨ ᠲᠢᠲᠢᠮᠯᠢᠭ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃ ᠵᠢᠴᠢ ᠴᠢᠰᠤ ᠡᠭᠡᠳᠡᠭᠦᠯᠦᠭᠴᠢ ᠫᠡᠺᠲᠧᠷᠲᠦ ᠢᠰᠦᠯ ᠢ᠋ ᠳᠠᠷᠤᠬᠤ ᠡᠮ ᠢ᠋ ᠨᠠᠢᠷᠠᠭᠤᠯᠵᠤ ᠂ ᠬᠥᠮᠦᠨ ᠦ᠌ ᠨᠣᠢᠷ ᠤ᠋ᠨ ᠨᠡᠭᠡᠳᠡᠰᠦᠨ ᠦ᠌ ᠢᠯᠵᠠᠷᠠᠯᠲᠠ ᠶ᠋ᠢ ᠵᠠᠰᠠᠵᠤ ᠪᠣᠢ᠃
ᠳᠡᠯᠢᠭᠦᠦ
ᠦᠬᠡᠷ ᠦ᠋ᠨ ᠳᠡᠯᠢᠭᠦᠦ ᠮᠥᠨ ᠡᠮ ᠨᠠᠢᠷᠠᠭᠤᠯᠭᠠ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠤᠨᠠ᠃ ᠳᠡᠯᠢᠭᠦᠦ ᠪᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠴᠢᠰᠤ ᠶ᠋ᠢ ᠨᠥᠬᠥᠬᠦ᠂ ᠰᠢᠩᠭᠡᠯᠲᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ᠂ ᠭᠠᠳᠠᠭᠰᠢᠯᠠᠭᠤᠯᠬᠤ ᠳ᠋ᠤ᠌ ᠲᠤᠰᠠᠯᠠᠬᠤ ᠦᠢᠯᠡᠳᠦᠯ ᠲᠡᠢ᠃
ᠨᠣᠢᠷ
ᠦᠬᠡᠷ ᠦ᠋ᠨ ᠨᠣᠢᠷ ᠢ᠋ᠶ᠋ᠠᠷ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠢᠰᠦᠯᠢᠨ ᠡᠳ᠋ ᠲᠡᠢ ᠡᠮ ᠨᠠᠢᠷᠠᠭᠤᠯᠳᠠᠭ᠃ ᠡᠨᠡ ᠨᠢ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ᠂ ᠰᠣᠯᠢᠶᠠ ᠡᠪᠡᠳᠴᠢᠨ ᠢ ᠵᠠᠰᠠᠨᠠ᠃ ᠪᠠᠰᠠ ᠴᠢᠰᠤᠨ ᠰᠢᠭᠦᠷᠡᠯ ᠢ ᠠᠬᠢᠭᠤᠯᠬᠤ ᠮᠢᠬᠠ ᠤᠷᠭᠤᠭᠤᠯᠬᠤ ᠡᠮ ᠬᠢᠳᠡᠭ᠃
ᠡᠪᠴᠢᠭᠦᠨ ᠦ᠌ ᠪᠤᠯᠴᠢᠷᠬᠠᠢ
ᠡᠪᠴᠢᠭᠦᠨ ᠪᠤᠯᠴᠢᠷᠬᠠᠢ ᠪᠣᠯ ᠦᠬᠡᠷ ᠦ᠋ᠨ ᠡᠪᠴᠢᠭᠦᠨ ᠬᠥᠨᠳᠡᠢ ᠂ ᠵᠢᠷᠦᠬᠡᠨ ᠳᠡᠭᠡᠳᠦ ᠲᠠᠯᠠ ᠳ᠋ᠤ᠌ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠲᠠᠢ ᠨᠠᠭᠠᠯᠳᠤᠵᠤ ᠪᠠᠢᠳᠠᠭ ᠪᠥᠭᠡᠳ ᠤᠯᠠᠭᠠᠪᠲᠤᠷ ᠪᠤᠶᠤ ᠴᠠᠭᠠᠨ ᠥᠩᠭᠡᠲᠡᠢ ᠪᠠᠢᠳᠠᠭ᠃ ᠡᠨᠡ ᠨᠢ ᠨᠢᠭᠡ ᠰᠢᠭᠦᠷᠡᠯ ᠦ᠋ᠨ ᠴᠣᠷᠭᠣ ᠲᠠᠢ ᠂ ᠭᠣᠣᠯ ᠨᠢ ᠨᠢᠭᠡ ᠮᠥᠷᠲᠡᠭᠡᠨ ᠬᠣᠶᠠᠷ ᠰᠠᠯᠠᠭᠠ ᠬᠠᠪᠲᠠᠭᠠᠢ ᠬᠡᠯᠡ ᠲᠡᠢ ᠪᠣᠯᠠᠢ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮ ᠨᠠᠢᠷᠠᠭᠤᠯᠪᠠᠯ ᠬᠠᠪᠤᠳᠠᠷ ᠂ ᠨᠣᠢᠲᠠᠨ ᠬᠠᠮᠠᠭᠤ ᠂ ᠤᠯᠠᠭᠠᠨ ᠲᠣᠯᠪᠣᠲᠤ ᠴᠢᠨᠣᠠ ᠶ᠋ᠢᠨ ᠶᠠᠷᠠ ᠵᠡᠷᠭᠡ ᠶ᠋ᠢ ᠡᠳᠡᠭᠡᠷᠡᠭᠦᠯᠳᠡᠭ᠃
ᠬᠣᠳᠣᠭᠣᠳᠣᠨ ᠤ᠋ ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ
ᠬᠣᠳᠣᠭᠣᠳᠣᠨ ᠤ᠋ ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ ᠶ᠋ᠢ ᠠᠪᠴᠤ ᠡᠮ ᠨᠠᠢᠷᠠᠭᠤᠯᠵᠤ ᠬᠥᠮᠦᠨ ᠦ᠌ ᠰᠢᠩᠭᠡᠯᠲᠡ ᠮᠠᠭᠤᠳᠠᠬᠤ ᠶ᠋ᠢ ᠵᠠᠰᠠᠵᠤ ᠪᠣᠯᠳᠠᠭ᠃ ᠪᠠᠰᠠ ᠡᠮ ᠨᠠᠢᠷᠠᠭᠤᠯᠵᠤ ᠬᠥᠮᠦᠨ ᠦ᠌ ᠬᠣᠳᠣᠭᠣᠳᠣ ᠪᠠ ᠨᠤᠭᠤᠯᠤᠭᠤᠷ ᠭᠡᠳᠡᠰᠦᠨ ᠦ᠌ ᠢᠯᠵᠠᠷᠠᠮᠠᠯ ᠦᠷᠪᠢᠰᠦᠯ ᠢ᠋ ᠵᠠᠰᠠᠳᠠᠭ᠃
ᠬᠣᠳᠣᠭᠣᠳᠣᠨ ᠤ᠋ ᠵᠠᠩᠭᠢᠷᠠᠭᠠ
ᠬᠠᠶᠠ ᠵᠠᠷᠢᠮ ᠦᠬᠡᠷ ᠦ᠋ᠨ ᠬᠣᠳᠣᠭᠣᠳᠣᠨ ᠳ᠋ᠤ᠌ ᠵᠠᠩᠭᠢᠷᠠᠭᠠ ᠪᠦᠷᠢᠯᠳᠦᠭᠰᠡᠨ ᠪᠠᠢᠵᠤ ᠮᠡᠳᠡᠨᠡ ᠃ ᠡᠨᠡ ᠨᠢ ᠮᠥᠨ ᠴᠦ᠍ ᠭᠢᠸᠠᠩ ᠲᠠᠢ ᠠᠳᠠᠯᠢ ᠬᠢᠲᠠᠳ᠂ ᠮᠣᠩᠭᠣᠯ ᠡᠮ ᠦ᠋ᠨ ᠨᠠᠢᠷᠠᠭᠤᠯᠭᠠ ᠳ᠋ᠤ᠌ ᠬᠣᠪᠣᠷ ᠴᠤᠬᠠᠭ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠲᠣᠭᠲᠠᠪᠤᠷᠢᠵᠢᠭᠤᠯᠤᠨ ᠂ ᠣᠭᠰᠢᠵᠤ ᠪᠥᠭᠡᠯᠵᠢᠬᠦ ᠶ᠋ᠢ ᠵᠣᠭᠰᠣᠭᠠᠬᠤ ᠬᠦᠴᠦᠨ ᠲᠡᠢ ᠪᠣᠯᠬᠣᠷ ᠤᠯᠠᠭᠠᠨ ᠬᠣᠭᠣᠯᠠᠢ ᠶ᠋ᠢᠨ ᠥᠮᠡᠨ ᠂ ᠬᠥᠯᠭᠡ ᠣᠩᠭᠣᠴᠠ ᠂ ᠲᠡᠷᠭᠡᠨ ᠳ᠋ᠦ᠍ ᠰᠠᠭᠤᠵᠤ ᠪᠥᠭᠡᠯᠵᠢᠰᠦ ᠬᠦᠷᠬᠦ ᠶ᠋ᠢ ᠰᠡᠷᠭᠡᠢᠯᠡᠵᠦ ᠴᠢᠳᠠᠨᠠ᠃
ᠪᠥᠭᠡᠷᠡ
ᠦᠬᠡᠷ ᠦ᠋ᠨ ᠪᠥᠭᠡᠷᠡ ᠨᠢ ᠬᠥᠮᠦᠨ ᠢᠳᠡᠬᠦ ᠳ᠋ᠦ᠍ ᠠᠮᠲᠠᠲᠠᠢ ᠪᠥᠭᠡᠳ ᠮᠥᠨ ᠡᠮ ᠦᠢᠯᠡᠳᠪᠦᠷᠢᠯᠡᠬᠦ ᠳ᠋ᠦ᠍ ᠳᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠨᠢᠭᠡᠨ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ᠃ ᠡᠮ ᠨᠠᠢᠷᠠᠭᠤᠯᠳᠠᠭ ᠃
ᠪᠥᠭᠡᠷᠡ ᠳᠡᠭᠡᠷᠡᠬᠢ ᠪᠤᠯᠴᠢᠷᠬᠠᠢ
ᠦᠬᠡᠷ ᠦ᠋ᠨ ᠪᠥᠭᠡᠷᠡ ᠶ᠋ᠢᠨ ᠥᠭᠡᠬᠦᠨ ᠳᠣᠲᠣᠷᠠ ᠪᠠᠭᠯᠠᠭᠳᠠᠵᠤ ᠪᠠᠢᠭᠠ ᠴᠣᠷᠭᠣ ᠦᠭᠡᠢ ᠵᠢᠵᠢᠭ ᠤᠯᠠᠭᠠᠨ ᠬᠦᠷᠡᠩ ᠬᠠᠪᠲᠠᠭᠠᠢᠯᠢᠭ᠋ ᠬᠠᠲᠠᠭᠤ ᠶᠠᠭᠤᠮᠠ ᠪᠢᠯᠡ ᠃ ᠡᠨᠡ ᠨᠢ ᠢᠬᠡᠷᠡ ᠪᠠᠢᠳᠠᠭ᠃ ᠪᠠᠷᠠᠭᠤᠨ ᠰᠦᠪᠡᠭᠡᠨ ᠦ᠌ ᠪᠤᠯᠴᠢᠷᠬᠠᠢ ᠨᠢ ᠪᠠᠷᠠᠭᠤᠨ ᠪᠥᠭᠡᠷᠡᠨ ᠦ᠌ ᠡᠮᠦᠨᠡ ᠦᠵᠦᠭᠦᠷ ᠲᠦ᠍ ᠣᠷᠣᠰᠢᠵᠤ ᠂ ᠬᠠᠲᠠᠭᠤᠷᠠᠪᠠᠯ ᠱᠣᠪᠣᠭᠣᠷ ᠪᠣᠯᠴᠢᠬᠠᠳᠠᠭ ᠃ ᠵᠡᠭᠦᠨ ᠰᠦᠪᠡᠭᠡᠨ ᠦ᠌ ᠪᠤᠯᠴᠢᠷᠬᠠᠢ ᠨᠢ ᠠᠷᠤ ᠬᠣᠩᠭᠢᠯ ᠤ᠋ᠨ ᠬᠥᠬᠡ ᠰᠤᠳᠠᠯ ᠤ᠋ᠨ ᠳᠣᠲᠣᠷᠠ ᠠᠷᠤ ᠪᠠᠷ ᠢ᠋ᠶ᠋ᠠᠨ ᠬᠠᠯᠢᠰᠤᠲᠤ ᠤᠯᠠᠭᠠᠨ ᠰᠤᠳᠠᠯ ᠲᠠᠢ ᠬᠣᠯᠪᠣᠭᠳᠠᠵᠤ ᠭᠤᠷᠪᠠᠯᠵᠢᠨ ᠪᠤᠶᠤ ᠡᠰᠡᠬᠦᠯᠡ ᠱᠣᠪᠣᠭᠣᠷ ᠬᠡᠯᠪᠡᠷᠢ ᠪᠡᠷ ᠪᠠᠢᠳᠠᠭ ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠵᠢᠷᠦᠬᠡ ᠶ᠋ᠢ ᠴᠢᠩᠭᠠᠷᠠᠭᠤᠯᠵᠤ᠂ ᠠᠮᠢᠰᠬᠤᠭᠠ ᠴᠢᠬᠤᠯᠳᠠᠬᠤ ᠪᠠ ᠲᠦᠷᠭᠡᠨ ᠬᠠᠷᠰᠢᠮᠠᠲᠠᠭᠠᠢ ᠤᠷᠪᠠᠯ ᠢ᠋ ᠵᠠᠰᠠᠳᠠᠭ ᠃ ᠪᠠᠰᠠ ᠨᠢᠭᠡ ᠵᠦᠢᠯ ᠦ᠋ᠨ ᠨᠠᠢᠷᠠᠭᠤᠯᠭᠠ ᠨᠢ ᠪᠥᠭᠡᠷᠡ ᠶ᠋ᠢᠨ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃
ᠭᠦᠵᠡᠭᠡ
ᠦᠬᠡᠷ ᠦ᠋ᠨ ᠭᠦᠵᠡᠭᠡ ᠶ᠋ᠢ ᠬᠥᠮᠦᠨ ᠢᠳᠡᠳᠡᠭ ᠪᠥᠭᠡᠳ ᠨᠡᠩ ᠴᠢᠬᠤᠯᠠ ᠨᠢ ᠠᠵᠤ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠨ ᠴᠠᠭ ᠠᠭᠤᠷ ᠤ᠋ᠨ ᠬᠡᠮᠵᠢᠭᠦᠷ ᠦ᠋ᠨ ᠪᠠᠭᠠᠵᠢ ᠪᠠ ᠲᠤᠷᠰᠢᠯᠲᠠ ᠶ᠋ᠢᠨ ᠨᠠᠷᠢᠨ ᠰᠢᠯᠭᠠᠭᠤᠷ ᠬᠢᠳᠡᠭ ᠃ ᠪᠠᠰᠠ ᠠᠩᠬᠢᠯᠤᠮᠠ ᠦᠨᠦᠷᠲᠡᠢ ᠬᠣᠪᠣᠷ ᠴᠤᠬᠠᠭ ᠭᠣᠶᠣᠯᠠᠯ ᠴᠢᠮᠡᠭᠯᠡᠯ ᠦ᠋ᠨ ᠡᠳ᠋ ᠬᠢᠬᠦ ᠡᠴᠡ ᠭᠠᠳᠠᠨᠠ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠦ᠍ ᠬᠡᠷᠡᠭᠯᠡᠵᠦ ᠪᠠᠢᠳᠠᠭ᠃
ᠮᠤᠬᠤᠷ ᠣᠯᠣᠭᠠᠢ
ᠦᠬᠡᠷ ᠦ᠋ᠨ ᠮᠤᠬᠤᠷ ᠣᠯᠣᠭᠠᠢ ᠶ᠋ᠢ ᠰᠠᠢᠲᠤᠷ ᠴᠡᠪᠡᠷᠯᠡᠭᠡᠳ ᠴᠢᠳᠬᠤᠮᠠᠯ ᠭᠡᠳᠡᠰᠦ ᠬᠢᠳᠡᠭ ᠃
ᠪᠦᠳᠦᠭᠦᠨ ᠂ ᠨᠠᠷᠢᠨ ᠭᠡᠳᠡᠰᠦ
ᠦᠬᠡᠷ ᠦ᠋ᠨ ᠪᠦᠳᠦᠭᠦᠨ᠂ ᠨᠠᠷᠢᠨ ᠭᠡᠳᠡᠰᠦ ᠶ᠋ᠢ ᠴᠢᠳᠬᠤᠵᠤ ᠢᠳᠡᠳᠡᠭ ᠡᠴᠡ ᠭᠠᠳᠠᠨᠠ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠳᠬᠤᠮᠠᠯ ᠮᠢᠬᠠᠨ ᠭᠡᠳᠡᠰᠦ ᠬᠢᠳᠡᠭ᠃
ᠥᠨᠳᠡᠭᠡᠪᠴᠢ
ᠥᠨᠳᠡᠭᠡᠪᠴᠢ ᠪᠣᠯ ᠦᠨᠢᠶᠡᠨ ᠳ᠋ᠦ᠍ ᠪᠠᠢᠳᠠᠭ᠃ ᠬᠡᠪᠡᠯᠢ ᠶ᠋ᠢᠨ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠲᠤᠰ ᠪᠦᠷᠢ ᠨᠢᠭᠡ ᠪᠠᠢᠬᠤ ᠪᠥᠭᠡᠳ ᠪᠠᠷᠤᠭ ᠨᠢ ᠵᠥᠭᠡᠢ ᠶ᠋ᠢᠨ ᠡᠭᠦᠷ ᠲᠡᠢ ᠲᠥᠰᠦᠭᠡᠲᠡᠢ᠂ ᠶᠠᠭᠠᠨ ᠥᠩᠭᠡᠲᠡᠢ ᠪᠠᠢᠳᠠᠭ ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮ ᠨᠠᠢᠷᠠᠭᠤᠯᠵᠤ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠡᠪᠡᠯᠢ ᠠᠭᠰᠢᠵᠤ ᠰᠤᠯᠠᠷᠠᠬᠤ ᠶ᠋ᠢ ᠵᠠᠰᠠᠨᠠ ᠃
ᠬᠠᠷᠪᠢᠰᠤ
ᠪᠠᠰᠠ ᠭᠡᠭᠡᠰᠢ ᠭᠡᠳᠡᠭ ᠃ ᠡᠨᠡ ᠨᠢ ᠦᠨᠢᠶᠡᠨ ᠳ᠋ᠦ᠍ ᠯᠡ ᠪᠠᠢᠳᠠᠭ᠃ ᠡᠨᠡ ᠪᠣᠯ ᠦᠨᠢᠶᠡᠨ ᠦ᠌ ᠬᠡᠪᠡᠯᠢ ᠳᠣᠲᠣᠷᠠ ᠦᠷᠡ ᠲᠣᠭᠲᠠᠵᠤ ᠲᠤᠭᠤᠯ ᠪᠣᠢᠵᠢᠵᠤ ᠪᠠᠢᠭᠠ ᠰᠠᠪᠠ ᠮᠥᠨ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠵᠢᠷᠦᠬᠡ ᠠᠭᠤᠰᠬᠢ ᠶ᠋ᠢ ᠲᠠᠮᠢᠷᠵᠢᠭᠤᠯᠵᠤ ᠂ ᠰᠠᠨᠠᠭᠠ ᠰᠡᠳᠬᠢᠯ ᠢ᠋ ᠠᠮᠤᠷᠵᠢᠭᠤᠯᠬᠤ ᠴᠢᠳᠠᠯᠲᠠᠢ ᠪᠠᠢᠳᠠᠭ᠃ ᠲᠤᠬᠠᠢᠯᠠᠪᠠᠯ ᠬᠦᠢᠲᠡᠨ ᠬᠥᠯᠥᠰᠥ ᠭᠠᠷᠬᠤ ᠂ ᠲᠠᠮᠢᠷᠳᠠᠬᠤ ᠂ ᠲᠤᠷᠠᠬᠤ ᠂ ᠡᠷᠡ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠠᠵᠢᠯᠯᠠᠭᠠ ᠳᠣᠷᠣᠢᠲᠠᠬᠤ ᠂ ᠳᠤᠰᠤᠯ ᠠᠯᠳᠠᠬᠤ ᠠᠮᠢᠰᠬᠤᠭᠠᠳᠠᠬᠤ ᠂ ᠡᠮᠡᠭᠲᠡᠢᠴᠦᠳ ᠦ᠋ᠨ ᠰᠦ ᠳᠤᠲᠠᠬᠤ ᠂ ᠵᠢᠷᠮᠦᠰᠦᠯᠡᠬᠦ ᠦᠭᠡᠢ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ ᠃ ᠪᠠᠰᠠ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠪᠣᠢᠵᠢᠯᠲᠠ ᠭᠦᠢᠴᠡᠳ ᠦᠭᠡᠢ ᠪᠣᠯᠬᠤ ᠂ ᠰᠠᠷᠠ ᠶ᠋ᠢᠨ ᠬᠬᠢᠷ ᠲᠡᠩᠴᠡᠭᠦᠷᠢ ᠦᠭᠡᠢ ᠪᠣᠯᠬᠤ ᠂ ᠴᠢᠰᠤ ᠪᠠᠭᠤᠯᠭᠠᠬᠤ ᠂ ᠭᠡᠳᠡᠰᠦ ᠡᠪᠡᠳᠬᠦ ᠵᠡᠷᠭᠡ ᠶ᠋ᠢ ᠵᠠᠰᠠᠳᠠᠭ ᠪᠥᠭᠡᠳ ᠬᠠᠮᠠᠷ ᠤ᠋ᠨ ᠦᠷᠪᠢᠰᠦᠯ ᠂ ᠰᠠᠯᠪᠤᠷᠢ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠶ᠋ᠢᠨ ᠦᠷᠪᠢᠰᠦᠯ ᠂ ᠬᠢᠲᠤᠭᠠ ᠶ᠋ᠢᠨ ᠰᠣᠷᠪᠢ ᠶ᠋ᠢᠨ ᠬᠠᠲᠠᠭᠤᠷᠠᠯ ᠵᠡᠷᠭᠡ ᠶ᠋ᠢ ᠴᠦ᠍ ᠵᠠᠰᠠᠨᠠ᠃
ᠳᠠᠪᠤᠰᠠᠩ
ᠦᠬᠡᠷ ᠦ᠋ᠨ ᠳᠠᠪᠤᠰᠠᠩ ᠢ᠋ ᠡᠯᠳᠡᠵᠦ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠤᠰᠤᠨ ᠤ᠋ ᠰᠠᠪᠠ ᠪᠤᠶᠤ ᠠᠶᠠᠯᠠᠨ ᠵᠣᠷᠴᠢᠭᠴᠢ ᠶ᠋ᠢᠨ ᠬᠦᠨᠡᠰᠦᠨ ᠦ᠌ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠬᠢᠵᠦ ᠪᠣᠯᠳᠠᠭ᠃
ᠳᠠᠪᠤᠰᠠᠩ ᠤ᠋ᠨ ᠴᠢᠯᠠᠭᠤᠵᠢᠯ
ᠳᠠᠪᠤᠰᠠᠩ ᠳᠣᠲᠣᠷᠠ ᠬᠠᠶᠠ ᠳ᠋ᠠᠭᠠᠨ ᠴᠢᠯᠠᠭᠤᠵᠢᠯ ᠪᠦᠷᠢᠯᠳᠦᠭᠰᠡᠨ ᠲᠣᠬᠢᠶᠠᠯᠳᠤᠳᠠᠭ᠃ ᠳᠠᠪᠤᠰᠠᠩ ᠤ᠋ᠨ ᠴᠢᠯᠠᠭᠤᠵᠢᠯ ᠨᠢ ᠪᠠᠰᠠ ᠨᠢᠭᠡ ᠶᠣᠰᠣᠨ ᠤ᠋ ᠭᠢᠸᠠᠩ ᠲᠠᠢ ᠠᠳᠠᠯᠢ ᠮᠣᠩᠭᠣᠯ ᠂ ᠬᠢᠲᠠᠳ ᠡᠮ ᠦ᠋ᠨ ᠨᠠᠢᠷᠠᠯᠭᠠ ᠶ᠋ᠢᠨ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠰᠢᠩᠭᠡᠯᠲᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠵᠤ ᠂ ᠬᠠᠪᠤᠳᠠᠷ ᠢ᠋ ᠲᠠᠷᠬᠠᠭᠠᠨ ᠭᠡᠳᠡᠰᠦ ᠬᠥᠭᠡᠭᠡᠬᠦ ᠶ᠋ᠢ ᠵᠠᠰᠠᠬᠤ ᠴᠢᠳᠠᠯᠲᠠᠢ ᠶ᠋ᠢᠨ ᠤᠴᠢᠷ ᠰᠢᠭᠡᠰᠦ ᠬᠣᠷᠢᠭᠳᠠᠬᠤ ᠶ᠋ᠢ ᠵᠠᠰᠠᠳᠠᠭ ᠃
ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠪᠤᠯᠴᠢᠷᠬᠠᠢ
ᠡᠨᠡ ᠨᠢ ᠦᠬᠡᠷ ᠦ᠋ᠨ ᠰᠢᠭᠡᠬᠦ ᠰᠦᠪᠡ ᠶ᠋ᠢᠨ ᠳᠡᠭᠡᠳᠦ ᠦᠵᠦᠭᠦᠷ ᠦ᠋ᠨ ᠠᠷᠤ ᠳ᠋ᠤ᠌ ᠪᠠᠢᠬᠤ ᠪᠥᠭᠡᠳ ᠴᠣᠷᠭᠣ ᠨᠢ ᠰᠢᠭᠡᠬᠦ ᠰᠦᠪᠡ ᠶ᠋ᠢᠨ ᠳᠣᠣᠷᠠ ᠲᠠᠯᠠ ᠲᠠᠢ ᠨᠡᠢᠯᠡᠵᠦ ᠪᠠᠢᠳᠠᠭ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮ ᠨᠠᠢᠷᠠᠭᠤᠯᠵᠤ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠡᠦᠬᠡᠳ ᠭᠠᠷᠬᠤ ᠶ᠋ᠢ ᠲᠦᠷᠭᠡᠳᠬᠡᠬᠦ ᠳ᠋ᠦ᠍ ᠤᠤᠭᠤᠯᠭᠠᠬᠤ ᠪᠤᠶᠤ ᠡᠮᠡᠭᠲᠡᠢᠴᠦᠳ ᠦ᠋ᠨ ᠦᠷᠡ ᠲᠣᠭᠲᠠᠬᠤ ᠶ᠋ᠢ ᠬᠣᠷᠢᠭᠯᠠᠬᠤ ᠳ᠋ᠤ᠌ ᠤᠤᠭᠤᠯᠭᠠᠳᠠᠭ᠃
ᠠᠳᠤᠭᠤᠨ ᠤ᠋ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠶ᠋ᠢᠨ ᠵᠦᠢᠯ
ᠳᠡᠯ
ᠠᠳᠤᠭᠤᠨ ᠤ᠋ ᠳᠡᠯ ᠪᠡᠶᠡ ᠶ᠋ᠢᠨ ᠢᠯᠴᠢ ᠶ᠋ᠢ ᠬᠠᠮᠠᠭᠠᠯᠠᠵᠤ ᠂ ᠪᠥᠬᠡ ᠮᠥᠷᠲᠡᠭᠡᠨ ᠬᠠᠷᠢᠮᠠᠭ ᠴᠢᠨᠠᠷ ᠢ᠋ᠶ᠋ᠠᠷ ᠰᠠᠢᠨ ᠂ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠠᠭᠤᠷᠠᠢ ᠨᠣᠢᠲᠠᠨ ᠳ᠋ᠤ᠌ ᠲᠡᠰᠪᠦᠷᠢᠲᠡᠢ ᠃ ᠮᠠᠯᠴᠢᠳ ᠨᠣᠭᠲᠣ ᠴᠤᠯᠪᠤᠭᠤᠷ ᠂ ᠭᠡᠷ ᠦ᠋ᠨ ᠳᠠᠷᠤᠭᠤᠯᠭᠠ ᠂ ᠪᠦᠰᠡᠯᠡᠭᠦᠷ ᠂ ᠣᠯᠣᠩ ᠂ ᠳᠡᠭᠡᠰᠦ ᠵᠡᠷᠭᠡ ᠲᠠᠮᠤᠬᠤ ᠠ᠋ᠴᠠ ᠭᠠᠳᠠᠨᠠ ᠲᠣᠬᠣᠮ ᠬᠢᠳᠡᠭ ᠃ ᠠᠳᠤᠭᠤᠨ ᠤ᠋ ᠳᠡᠯ ᠶᠡᠬᠡ ᠦᠨᠡᠲᠡᠢ ᠃ ᠨᠠᠷᠢᠨ ᠱᠠᠷᠢᠨ ᠦᠢᠯᠡᠳᠬᠦᠨ ᠬᠢᠵᠦ ᠤᠯᠤᠰ ᠠ᠋ᠴᠠ ᠭᠠᠷᠭᠠᠵᠤ ᠪᠣᠢ᠃
ᠰᠡᠭᠦᠯ
ᠠᠳᠤᠭᠤᠨ ᠤ᠋ ᠰᠡᠭᠦᠯ ᠤᠷᠲᠤ ᠮᠥᠷᠲᠡᠭᠡᠨ ᠰᠢᠯᠤᠭᠤᠨ ᠂ ᠭᠢᠯᠠᠭᠠᠷ ᠮᠥᠷᠲᠡᠭᠡᠨ ᠬᠠᠷᠢᠮᠠᠭ ᠴᠢᠨᠠᠷᠲᠠᠢ ᠂ ᠪᠥᠬᠡ ᠂ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠠᠭᠤᠷᠠᠢ ᠨᠣᠢᠲᠠᠨ ᠳ᠋ᠤ᠌ ᠲᠡᠰᠪᠦᠷᠢᠲᠡᠢ ᠂ ᠱᠦᠷᠭᠦᠭᠡᠯᠲᠡ ᠳ᠋ᠦ᠍ ᠳᠠᠭᠠᠭᠠᠴᠠᠲᠠᠢ ᠃ ᠳᠡᠯ ᠡᠴᠡ ᠨᠡᠩ ᠦᠨᠡᠲᠡᠢ ᠂ ᠠᠵᠤ ᠦᠢᠯᠡᠳᠪᠦᠷᠢ ᠂ ᠭᠠᠷ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠮᠠᠰᠢ ᠥᠷᠭᠡᠨ ᠢ᠋ᠶ᠋ᠡᠷ ᠱᠠᠭᠠᠷᠳᠠᠭᠳᠠᠭᠰᠠᠨ ᠥᠨᠳᠥᠷ ᠦᠨᠡ ᠥᠷᠲᠡᠭ ᠲᠡᠢ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠤ ᠂ ᠡᠯᠳᠡᠪ ᠵᠦᠢᠯ ᠦ᠋ᠨ ᠱᠤᠸᠠᠰᠠ ᠬᠢᠬᠦ ᠂ ᠪᠣᠭᠴᠣ ᠂ ᠵᠣᠭᠣᠰᠤᠨ ᠴᠦᠩᠬᠦ ᠂ ᠱᠤᠷᠠ ᠶ᠋ᠢᠨ ᠪᠦᠲᠡᠭᠡᠯᠭᠡ ᠂ ᠪᠥᠰ ᠂ ᠲᠣᠷ ᠂ ᠰᠠᠢᠵᠠ ᠵᠡᠷᠭᠡ ᠬᠢᠬᠦ ᠡᠴᠡ ᠭᠠᠳᠠᠨᠠ ᠬᠢᠮᠢ ᠶ᠋ᠢᠨ ᠵᠦᠢᠯ ᠢ᠋ ᠴᠦ᠍ ᠢᠯᠭᠠᠷᠠᠭᠤᠯᠵᠤ ᠠᠪᠳᠠᠭ ᠃ ᠡᠢᠨ ᠬᠦ᠌ ᠭᠠᠳᠠᠭᠠᠳᠤ ᠳ᠋ᠤ᠌ ᠭᠠᠷᠭᠠᠬᠤ ᠴᠢᠬᠤᠯᠠ ᠦᠢᠯᠡᠳᠬᠦᠨ ᠦ᠌ ᠨᠢᠭᠡ ᠨᠢ ᠪᠣᠯᠤᠨᠠ᠃
ᠠᠳᠤᠭᠤᠨ ᠤ᠋ ᠬᠥᠭᠡᠪᠦᠷ ᠰᠤᠷ
ᠰᠤᠷ ᠂ ᠬᠥᠭᠡᠪᠦᠷ ᠴᠦ᠍ ᠮᠠᠨ ᠤ᠋ ᠣᠷᠣᠨ ᠤ᠋ ᠨᠤᠲᠤᠭ ᠤ᠋ᠨ ᠴᠢᠬᠤᠯᠠ ᠭᠠᠷᠤᠯᠲᠠ ᠶ᠋ᠢᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠡᠭᠦᠨ ᠳ᠋ᠦ᠍ ᠭᠠᠭᠴᠠ ᠠᠳᠤᠭᠤᠨ ᠤ᠋ ᠪᠢᠰᠢ ᠂ ᠦᠬᠡᠷ ᠦ᠋ᠨ ᠬᠥᠬᠡᠪᠦᠷ ᠂ ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤ ᠂ ᠡᠪᠡᠷ ᠬᠣᠭᠣᠷᠣᠨᠳᠣᠬᠢ ᠦᠰᠦ ᠂ ᠴᠢᠬᠢᠨ ᠳᠣᠲᠣᠷᠠᠬᠢ ᠦᠰᠦ ᠂ ᠢᠮᠠᠭᠠᠨ ᠰᠠᠬᠠᠯ ᠂ ᠢᠮᠠᠭᠠᠨ ᠰᠡᠭᠦᠯ ᠦ᠋ᠨ ᠦᠰᠦ ᠂ ᠪᠤᠭᠤ ᠂ ᠬᠠᠨᠳᠠᠭᠠᠢ ᠶ᠋ᠢᠨ ᠳᠡᠯ ᠂ ᠰᠤᠷ ᠃ ᠴᠢᠨᠣᠠ ᠂ ᠨᠣᠬᠠᠢ ᠶ᠋ᠢᠨ ᠰᠡᠭᠦᠯ ᠦ᠋ᠨ ᠦᠵᠦᠭᠦᠷ ᠦ᠋ᠨ ᠦᠰᠦ ᠮᠡᠲᠦᠴᠢᠯᠡᠨ ᠪᠤᠰᠤᠳ ᠠᠩ ᠠᠮᠢᠲᠠᠨ ᠤ᠋ ᠬᠢ ᠪᠦᠷ ᠪᠠᠭᠲᠠᠨᠠ ᠃ ᠡᠢᠨ ᠬᠦ᠌ ᠡᠳᠡᠭᠡᠷ ᠨᠢ ᠲᠣᠭᠠ ᠂ ᠴᠢᠨᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠮᠠᠨ ᠤ᠋ ᠤᠯᠤᠰ ᠲᠤ᠌ ᠴᠢᠬᠤᠯᠠ ᠪᠠᠢᠷᠢ ᠶ᠋ᠢ ᠡᠵᠡᠯᠡᠵᠦ ᠪᠣᠢ ᠃ ᠠᠷᠠᠰᠤ ᠠᠳᠤᠭᠤᠨ ᠤ᠋ ᠠᠷᠠᠰᠤ ᠶ᠋ᠢ ᠡᠯᠳᠡᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠂ ᠨᠠᠷᠢᠯᠢᠭ ᠬᠢᠴᠡᠲᠡᠢ ᠬᠤᠪᠴᠠᠰᠤ ᠬᠤᠨᠠᠷ ᠂ ᠭᠤᠲᠤᠯ ᠱᠠᠬᠠᠢ ᠂ ᠭᠦᠮ ᠲᠠᠰᠠᠮᠠ ᠬᠢᠬᠦ ᠪᠥᠭᠡᠳ ᠤᠭᠠᠯᠵᠠ ᠰᠡᠢᠯᠪᠦᠷᠢ ᠬᠢᠬᠦ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠤ ᠪᠣᠢ᠃
ᠶᠠᠰᠤ
ᠠᠳᠤᠭᠤ ᠮᠠᠯ ᠤ᠋ᠨ ᠶᠠᠰᠤ ᠶᠡᠬᠡ ᠬᠡᠷᠡᠭᠴᠡᠭᠡᠲᠡᠢ ᠃ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠶᠠᠰᠤᠨ ᠤ᠋ ᠣᠬᠢ ᠪᠠᠷ ᠨᠢ ᠭᠡᠷᠡᠯ ᠵᠢᠷᠤᠭ ᠤ᠋ᠨ ᠢᠯᠲᠠᠰᠤ ᠬᠢᠬᠦ ᠪᠠ ᠳᠠᠷᠠᠭᠠᠯᠠᠪᠠᠯ ᠴᠠᠪᠠᠤ ( ᠴᠠᠷᠴᠠᠮᠠᠯ ᠴᠠᠪᠠᠤ ᠂ ᠶᠠᠰᠤᠨ ᠴᠠᠪᠠᠤ ) ᠬᠢᠵᠦ ᠂ ᠰᠢᠭᠠᠷᠤᠭ ᠪᠣᠯᠤᠭᠰᠠᠨ ᠶᠠᠰᠤᠨ ᠲᠠᠯᠬᠠ ᠪᠠᠷ ᠨᠢ ᠣᠷᠭᠠᠨᠢᠭ ᠪᠣᠷᠳᠣᠭᠤᠷ ᠬᠢᠵᠦ ᠲᠠᠷᠢᠶᠠᠯᠠᠩ ᠤ᠋ᠨ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶ᠋ᠢ ᠳᠡᠮᠵᠢᠳᠡᠭ ᠃ ᠮᠥᠨ ᠶᠠᠰᠤᠨ ᠲᠣᠰᠣ ᠪᠠᠷ ᠨᠢ ᠰᠠᠪᠤᠩ ᠬᠢᠳᠡᠭ᠃
ᠠᠳᠤᠭᠤᠨ ᠤ᠋ ᠮᠢᠬᠠ
ᠠᠳᠤᠭᠤᠨ ᠤ᠋ ᠮᠢᠬᠠ ᠨᠢ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠸᠢᠲ᠋ᠠᠮᠢᠨ ᠂ ᠢᠰᠬᠡᠭ ᠂ ᠡᠷᠦᠳᠡᠰᠦ ᠪᠣᠳᠠᠰ ᠢ᠋ᠶ᠋ᠠᠷ ᠡᠯᠪᠡᠭ ᠮᠥᠷᠲᠡᠭᠡᠨ ᠪᠢᠣᠯᠣᠭᠢ ᠶ᠋ᠢᠨ ᠥᠪᠡᠷᠮᠢᠴᠡ ᠢᠳᠡᠪᠬᠢᠲᠦ ᠪᠣᠳᠠᠰ ᠤ᠋ᠨ ᠬᠣᠷᠮᠣᠨ ᠠᠬᠤᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠡᠬᠡ ᠲᠤᠯᠠ ᠦᠨᠡᠲᠦ ᠲᠡᠵᠢᠭᠡᠯ ᠪᠣᠯᠬᠤ ᠶᠤᠮ ᠃ ᠡᠢᠨ ᠬᠦ᠌ ᠠᠳᠤᠭᠤᠨ ᠤ᠋ ᠮᠢᠬᠠ ᠶ᠋ᠢ ᠰᠢᠮᠡ ᠲᠡᠵᠢᠭᠡᠯ ᠥᠨᠳᠥᠷ ᠭᠡᠳᠡᠭ ᠃ ᠢᠳᠡᠬᠦ ᠳ᠋ᠦ᠍ ᠴᠦ᠍ ᠠᠮᠲᠠᠲᠠᠢ ᠃ ᠬᠥᠮᠦᠨ ᠦ᠌ ᠪᠡᠶᠡ ᠳ᠋ᠦ᠍ 95% ᠬᠤᠪᠢ ᠨᠢ ᠰᠢᠩᠭᠡᠳᠡᠭ᠃ ᠲᠡᠢᠨ ᠬᠦ᠌ ᠥᠯ ᠰᠠᠢᠲᠠᠢ ᠮᠢᠬᠠ ᠨᠢ ᠬᠠᠯᠠᠭᠤᠨ ᠴᠢᠨᠠᠷᠲᠠᠢ ᠲᠤᠯᠠ ᠥᠯᠴᠢᠷ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠪᠦᠯ ᠢᠳᠡᠬᠦ ᠳ᠋ᠦ᠍ ᠲᠣᠬᠢᠷᠠᠮᠵᠢᠲᠠᠢ᠃ ᠠᠳᠤᠭᠤᠨ ᠤ᠋ ᠮᠢᠬᠠᠨ ᠳ᠋ᠤ᠌ ᠦᠯᠦ ᠣᠷᠣᠯᠠᠭᠳᠠᠬᠤ ᠠᠮᠢᠨ ᠬᠦᠴᠢᠯ ᠡᠯᠪᠡᠭ ᠪᠠᠢᠳᠠᠭ᠃ ᠲᠡᠷᠡᠴᠢᠯᠡᠨ ᠠᠳᠤᠭᠤᠨ ᠤ᠋ ᠮᠢᠬᠠ ᠨᠢ ᠬᠡᠢ ᠡᠪᠡᠳᠴᠢᠨ ᠬᠢᠭᠡᠳ ᠬᠦᠢᠲᠡᠨ ᠬᠡᠢ ᠶ᠋ᠢ ᠵᠠᠰᠠᠳᠠᠭ ᠭᠡᠵᠦ ᠡᠮᠨᠡᠯᠭᠡ ᠶ᠋ᠢᠨ ᠤᠬᠠᠭᠠᠨ ᠳ᠋ᠤ᠌ ᠬᠡᠯᠡᠵᠦ ᠪᠣᠢ᠃
ᠥᠭᠡᠬᠦ
ᠠᠳᠤᠭᠤᠨ ᠤ᠋ ᠥᠭᠡᠬᠦ ᠶ᠋ᠢ ᠢᠳᠡᠬᠦ ᠡᠴᠡ ᠭᠠᠳᠠᠨᠠ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠃ ᠪᠠᠰᠠ ᠥᠭᠡᠬᠦ ᠨᠢ ᠦᠬᠡᠷ ᠢᠯᠢᠳᠦ ᠶ᠋ᠢ ᠵᠠᠰᠠᠨ ᠠᠷᠢᠯᠭᠠᠨᠠ ᠭᠡᠵᠦ 《ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠲᠡᠭᠦᠪᠦᠷᠢ 》 ᠳ᠋ᠦ᠍ ᠬᠡᠯᠡᠵᠦ ᠪᠣᠢ᠃
ᠠᠭᠤᠰᠬᠢ
ᠠᠳᠤᠭᠤᠨ ᠤ᠋ ᠠᠭᠤᠰᠬᠢ ᠂ ᠠᠭᠤᠰᠬᠢ ᠨᠡᠪᠴᠢᠭᠰᠡᠨ ᠢ᠋ ᠠᠨᠠᠭᠠᠵᠤ ᠴᠢᠳᠠᠨᠠ ᠭᠡᠵᠦ 《ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠲᠡᠭᠦᠪᠦᠷᠢ 》 ᠳ᠋ᠦ᠍ ᠪᠣᠢ᠃
ᠳᠡᠯᠢᠭᠦᠦ
ᠠᠳᠤᠭᠤᠨ ᠤ᠋ ᠳᠡᠯᠢᠭᠦᠦ ᠨᠢ ᠡᠷᠡᠬᠡᠭᠰᠡᠨ ᠶᠠᠷᠠ ᠰᠢᠷᠬᠠ ᠶ᠋ᠢ ᠨᠣᠮᠣᠬᠠᠳᠬᠠᠨ ᠪᠥᠭᠡᠷᠡ ᠶ᠋ᠢᠨ ᠬᠠᠯᠠᠭᠤᠨ ᠢ᠋ ᠠᠷᠢᠯᠭᠠᠨᠠ ᠭᠡᠵᠦ 《ᠮᠣᠩᠭᠣᠯ ᠡᠮᠨᠡᠯᠭᠡ ᠶ᠋ᠢᠨ ᠲᠡᠭᠦᠪᠦᠷᠢ 》 ᠳ᠋ᠦ᠍ ᠪᠣᠢ᠃
ᠲᠣᠰᠣ
ᠲᠣᠰᠣ ᠶ᠋ᠢ ᠨᠢ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠠᠪᠳᠠᠭ ᠃ ᠪᠠᠷᠤᠭ ᠰᠠᠪᠤᠩ ᠮᠡᠲᠦᠰ ᠢ᠋ ᠬᠢᠳᠡᠭ ᠪᠠᠢᠬᠠ᠃
ᠱᠥᠯᠥ
ᠱᠥᠯᠥ ᠨᠢ ᠣᠨᠴᠠᠭᠠᠢ ᠳᠤᠯᠠᠭᠠᠨ ᠥᠯᠴᠢᠷ ᠪᠠᠢᠳᠠᠭ᠃ ᠡᠪᠦᠯ ᠂ ᠥᠷᠯᠥᠭᠡ ᠳ᠋ᠡᠭᠡᠨ ᠱᠥᠯᠥ ᠪᠡᠷ ᠴᠢᠷᠠᠢ ᠂ ᠨᠢᠭᠤᠷ ᠂ ᠴᠢᠬᠢ ᠂ ᠭᠠᠷ ᠢ᠋ᠶ᠋ᠠᠨ ᠰᠠᠢᠲᠤᠷ ᠤᠬᠢᠶᠠᠭᠠᠳ ᠭᠠᠷᠪᠠᠯ ᠲᠡᠰᠬᠢᠮᠡ ᠬᠦᠢᠲᠡᠨ ᠳ᠋ᠦ᠍ ᠴᠦ᠍ ᠮᠠᠯᠠᠭᠠᠢ ᠪᠦᠴᠡᠯᠡᠯ ᠦᠭᠡᠢ ᠬᠥᠳᠡᠭᠡ ᠭᠠᠳᠠᠨᠠ ᠡᠳᠦᠷᠵᠢᠨ ᠶᠠᠪᠤᠭᠠᠳ ᠬᠥᠯᠳᠡᠳᠡᠭ ᠦᠭᠡᠢ ᠪᠠᠢᠳᠠᠭ᠃
ᠰᠦ
ᠠᠳᠤᠭᠤᠨ ᠰᠦ ᠪᠡᠷ ᠴᠡᠭᠡ ᠬᠢᠵᠦ ᠤᠤᠭᠤᠳᠠᠭ ᠃ ᠳᠣᠲᠣᠷ ᠲᠠᠪᠤᠨ ᠴᠤᠯᠤ ᠶ᠋ᠢᠨ ᠡᠪᠡᠳᠴᠢᠨ ᠳ᠋ᠦ᠍ ᠰᠠᠢᠨ ᠪᠠᠢᠳᠠᠭ᠃ ᠨᠠᠢᠷ ᠨᠠᠭᠠᠳᠤᠮ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠴᠢᠬᠤᠯᠠ ᠤᠮᠳᠠᠭᠠᠨ᠃
ᠬᠣᠮᠣᠯ ᠲᠦᠯᠡᠰᠢ ᠬᠢᠬᠦ ᠡᠴᠡ ᠭᠠᠳᠠᠨᠠ᠂ ᠬᠠᠪᠤᠷ ᠦᠬᠡᠷ ᠲᠡᠵᠢᠭᠡᠬᠦ ᠬᠥᠬᠡ ᠡᠪᠡᠰᠦ ᠭᠡᠵᠦ ᠮᠡᠳᠡ᠃
ᠦᠬᠡᠷ ᠦ᠋ᠨ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠶ᠋ᠢᠨ ᠵᠦᠢᠯ
ᠦᠬᠡᠷ ᠦ᠋ᠨ ᠬᠥᠭᠡᠪᠦᠷ
ᠦᠬᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ ᠤᠷᠭᠤᠭᠰᠠᠨ ᠠᠬᠤᠷ ᠵᠥᠭᠡᠯᠡᠨ ᠨᠤᠤᠷᠬᠠᠭ ᠦᠰᠦ ᠃ ᠦᠬᠡᠷ ᠦ᠋ᠨ ᠬᠥᠭᠡᠪᠦᠷ ᠢ᠋ᠶ᠋ᠡᠷ ᠢᠰᠡᠭᠡᠢ ᠪᠤᠶᠤ ᠢᠰᠡᠭᠡᠢ ᠭᠤᠲᠤᠯ ᠬᠢᠬᠦ ᠳ᠋ᠦ᠍ ᠣᠨᠴᠠ ᠰᠠᠢᠨ ᠴᠢᠨᠠᠷᠲᠠᠢ ᠪᠠᠢᠵᠠᠢ ᠃ ᠣᠳᠣ ᠨᠡᠬᠡᠮᠡᠯ ᠦ᠋ᠨ ᠦᠢᠯᠡᠳᠪᠦᠷᠢ ᠪᠠ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠴᠢᠬᠤᠯᠠ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠠᠢ᠃ ᠪᠠᠰᠠ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠥᠮᠦᠨ ᠦ᠌ ᠡᠯᠢᠭᠡᠨ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠳᠠᠪᠤᠰᠠᠩ ᠠᠮᠢᠨ ᠬᠦᠴᠢᠯ ᠢ ᠦᠢᠯᠡᠳᠪᠦᠷᠢᠯᠡᠵᠦ ᠪᠣᠢ᠃
ᠦᠬᠡᠷ ᠦ᠋ᠨ ᠡᠪᠡᠷ ᠦ᠋ᠨ ᠬᠣᠭᠣᠷᠣᠨᠳᠣᠬᠢ ᠦᠰᠦ
ᠦᠬᠡᠷ ᠦ᠋ᠨ ᠬᠣᠶᠠᠷ ᠡᠪᠡᠷ ᠦ᠋ᠨ ᠬᠣᠭᠣᠷᠣᠨᠳᠣᠬᠢ ᠥᠨᠳᠥᠷ ᠰᠢᠭ ᠦᠰᠦ ᠃ ᠮᠥᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠦ᠋ᠨ ᠨᠢᠭᠡ ᠳᠡ᠃
ᠦᠬᠡᠷ ᠦ᠋ᠨ ᠴᠢᠬᠢᠨ ᠳ᠋ᠡᠬᠢ ᠦᠰᠦ
ᠦᠬᠡᠷ ᠦ᠋ᠨ ᠴᠢᠬᠢᠨ ᠳᠣᠲᠣᠷᠠ ᠤᠷᠭᠤᠭᠰᠠᠨ ᠥᠨᠳᠥᠷ ᠦᠰᠦ᠃ ᠶᠡᠬᠡ ᠬᠡᠷᠡᠭᠴᠡᠭᠡᠲᠡᠢ ᠭᠡᠵᠦ ᠪᠣᠢ᠃ ᠵᠢᠷᠤᠭ ᠤ᠋ᠨ ᠬᠡᠷᠡᠭᠯᠡᠯ ᠬᠢᠬᠦ ᠣᠬᠢ ᠰᠠᠢᠨ ᠲᠦᠭᠦᠬᠡᠢ ᠡᠳ᠋ ᠮᠥᠨ ᠃ ᠬᠠᠷᠢᠨ ᠡᠨᠡ ᠦᠰᠦ ᠶ᠋ᠢ ᠠᠪᠬᠤ ᠳ᠋ᠠᠭᠠᠨ ᠡᠷᠬᠡᠪᠰᠢ ᠨᠣᠭᠣᠭᠠ ᠭᠠᠷᠴᠤ ᠰᠠᠯᠬᠢ ᠨᠠᠮᠵᠢᠭᠰᠠᠨ ᠤ᠋ ᠳᠠᠷᠠᠭᠠ ᠰᠠᠶᠢ ᠠᠪᠤᠨᠠ᠃
ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤ
ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠦᠵᠦᠭᠦᠷ ᠲᠡᠬᠢ ᠤᠷᠲᠤ ᠬᠢᠯᠭᠠᠰᠤ᠃ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠮᠥᠨ ᠶᠡᠬᠡ ᠬᠡᠷᠡᠭᠴᠡᠭᠡᠲᠡᠢ ᠭᠡᠵᠦ ᠬᠤᠷᠢᠶᠠᠵᠤ ᠪᠣᠢ᠃
ᠦᠬᠡᠷ ᠦ᠋ᠨ ᠠᠷᠠᠰᠤ
ᠦᠬᠡᠷ ᠦ᠋ᠨ ᠪᠡᠶᠡ ᠶ᠋ᠢᠨ ᠭᠠᠳᠠᠭᠤᠷᠬᠢ ᠪᠦᠷᠬᠦᠭᠦᠯ ᠬᠥᠷᠥᠰᠥ᠃ ᠠᠩᠬᠠᠨ ᠳ᠋ᠠᠭᠠᠨ ᠬᠥᠳᠡᠭᠡ ᠨᠤᠲᠤᠭ ᠲᠤ᠌ ᠣᠨᠴᠠ ᠰᠠᠢᠨ ᠴᠢᠨᠠᠷ ᠤ᠋ᠨ ᠰᠤᠷ ᠬᠢᠵᠦ ᠡᠳ᠋ᠯᠡᠬᠦ ᠶᠦ᠍ᠮ ᠤᠤ ᠂ ᠡᠰᠡᠬᠦᠯᠡ ᠠᠵᠤ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠠᠪᠠᠴᠢᠵᠤ ᠪᠤᠯᠢᠭᠠᠷᠢ ᠬᠢᠵᠦ ᠡᠯᠡ ᠲᠥᠷᠥᠯ ᠦ᠋ᠨ ᠪᠤᠯᠢᠭᠠᠷᠢ ᠵᠣᠳᠣᠭ ᠂ ᠭᠤᠲᠤᠯ ᠂ ᠭᠥᠯᠢᠮ ᠲᠡᠷᠢᠭᠦᠲᠡᠨ ᠡᠴᠡ ᠬᠢᠲᠤᠭᠠ ᠶ᠋ᠢᠨ ᠬᠤᠢ ᠂ ᠳᠤᠬᠤᠨ ᠲᠥᠳᠦᠭ ᠲᠦ᠍ ᠬᠦᠷᠲᠡᠯᠡ ᠬᠢᠵᠦ ᠪᠠᠢᠯᠠ ᠃ ᠣᠳᠣ ᠠᠷᠠᠰᠤ ᠰᠢᠷᠢ ᠶ᠋ᠢᠨ ᠠᠵᠤ ᠦᠢᠯᠡᠳᠪᠦᠷᠢ ᠭᠡᠵᠦ ᠭᠠᠵᠠᠷ ᠰᠠᠢ ᠦᠭᠡᠢ ᠪᠠᠢᠭᠤᠯᠤᠭᠳᠠᠵᠤ᠂ ᠠᠷᠠᠰᠤ ᠰᠢᠷᠢ ᠭᠡᠭᠴᠢ ᠲᠡᠭᠦᠨ ᠦ᠌ ᠭᠣᠣᠯ ᠴᠢᠬᠤᠯᠠ ᠡᠳ᠋ ᠮᠠᠲ᠋ᠸᠷᠢᠶᠠᠯᠢᠭ ᠪᠣᠯᠵᠤ ᠪᠠᠢᠭᠠ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠤᠯᠤᠰ ᠠ᠋ᠴᠠ ᠭᠠᠷᠴᠤ ᠪᠣᠢ᠃ ᠣᠳᠣ ᠰᠣᠨᠣᠰᠬᠤᠯᠠ ᠨᠢᠭᠡ ᠦᠬᠡᠷ ᠦ᠋ᠨ ᠠᠷᠠᠰᠤ ᠶ᠋ᠢ ᠬᠡᠳᠦ ᠨᠢᠮᠭᠡᠯᠡᠵᠦ ᠥᠩᠭᠡᠯᠡᠭᠡᠳ ᠭᠦᠮ ᠬᠦᠷᠮᠡ᠂ ᠥᠮᠥᠳᠥ᠂ ᠰᠢᠨᠡ ᠮᠠᠶᠢᠭ ᠤ᠋ᠨ ᠰᠠᠪᠢᠬᠢᠨ ᠭᠤᠲᠤᠯ ᠂ ᠱᠠᠬᠠᠢ ᠂ ᠥᠭᠡᠳᠡᠰᠦ ᠪᠡᠷ ᠨᠢ ᠪᠡᠭᠡᠯᠡᠢ ᠵᠡᠷᠭᠡ ᠳ᠋ᠦ᠍ ᠬᠦᠷᠲᠡᠯᠡ ᠬᠢᠵᠦ ᠪᠣᠢ ᠭᠡᠨᠡ ᠃ ᠡᠨᠡ ᠮᠡᠲᠦᠴᠢᠯᠡᠨ ᠦᠢᠯᠡᠳᠪᠦᠷᠢᠯᠡᠭᠳᠡᠵᠦ ᠪᠣᠢ ᠲᠥᠷᠥᠯ ᠵᠦᠢᠯ ᠨᠢ ᠴᠦ᠍ ᠠᠷᠪᠢᠨ ᠂ ᠰᠠᠨᠠᠵᠤ ᠰᠡᠳᠬᠢᠵᠦ ᠲᠠᠢᠯᠤᠮᠠ ᠦᠭᠡᠢ ᠰᠠᠢᠬᠠᠨ ᠭᠣᠶᠣ ᠡᠳ᠋ᠯᠡᠯ ᠢ ᠬᠢᠵᠦ ᠪᠣᠢ᠃
ᠦᠨᠢᠶᠡᠨ ᠰᠦ
ᠦᠨᠢᠶᠡᠨ ᠦ᠌ ᠬᠥᠬᠥ ᠡᠴᠡ ᠭᠠᠷᠬᠤ ᠴᠠᠭᠠᠨ ᠰᠢᠷᠠᠩᠭᠤᠢᠪᠲᠤᠷ ᠥᠩᠭᠡᠲᠡᠢ ᠰᠢᠩᠭᠡᠨ ᠡᠳ᠋ ᠃ ᠦᠨᠢᠶᠡᠨ ᠰᠦ ᠪᠣᠯ ᠮᠣᠩᠭᠣᠯᠴᠤᠳ ᠤ᠋ᠨ ᠴᠠᠭᠠᠨ ᠢᠳᠡᠭᠡᠨ ᠣ ᠭᠣᠣᠯ ᠠᠭᠤᠷᠬᠠᠢ ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠢᠯᠡᠭᠦᠳᠡᠬᠦ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠃ ᠮᠠᠯᠴᠢᠳ ᠤ᠋ᠨ ᠨᠢᠭᠡᠨ ᠲᠠᠯᠠ ᠶ᠋ᠢᠨ ᠢᠳᠡᠰᠢ ᠶ᠋ᠢ ᠬᠠᠩᠭᠠᠵᠤ ᠢᠷᠡᠵᠡᠢ ᠃ ᠣᠳᠣ ᠴᠤ᠌ ᠭᠡᠰᠡᠨ ᠬᠠᠩᠭᠠᠵᠤ ᠪᠣᠢ ᠃ ᠦᠨᠢᠶᠡᠨ ᠰᠦᠨ ᠦ᠌ ᠴᠠᠭᠠᠨ ᠢᠳᠡᠭᠡᠨ ᠭᠡᠭᠴᠢ ᠲᠥᠷᠥᠯ ᠵᠦᠢᠯ ᠣᠯᠠᠨ ᠃ ᠡᠭᠦᠨ ᠢ᠋ ᠲᠤᠰᠬᠠᠢ ᠴᠠᠭᠠᠨ ᠢᠳᠡᠭᠡᠨ ᠦ᠌ ᠬᠡᠰᠡᠭ ᠲᠦ᠍ ᠶᠠᠷᠢᠬᠤ ᠪᠣᠯᠬᠣᠷ ᠡᠨᠳᠡ ᠳᠠᠪᠬᠤᠷ ᠨᠤᠷᠰᠢᠬᠤ ᠦᠭᠡᠢ᠃
ᠦᠬᠡᠷ ᠦ᠋ᠨ ᠮᠢᠬᠠ
ᠦᠬᠡᠷ ᠦ᠋ᠨ ᠮᠢᠬᠠ ᠰᠢᠮᠡ ᠲᠡᠵᠢᠭᠡᠯ ᠢ᠋ᠶ᠋ᠡᠷ ᠥᠨᠳᠥᠷ ᠲᠡᠭᠦᠯᠳᠡᠷ ᠂ ᠢᠳᠡᠬᠦ ᠳ᠋ᠦ᠍ ᠠᠯᠢᠪᠠ ᠮᠢᠬᠠᠨ ᠠ᠋ᠴᠠ ᠠᠮᠲᠠᠲᠠᠢ ᠃ ᠤᠳᠠᠭᠠᠨ ᠬᠠᠳᠠᠭᠠᠯᠠᠬᠤ ᠳ᠋ᠤ᠌ ᠲᠡᠰᠪᠦᠷᠢᠲᠡᠢ ᠃ ᠮᠣᠩᠭᠣᠯᠴᠤᠳ ᠤ᠋ᠨ ᠪᠣᠷᠴᠠᠯᠠᠨ ᠬᠠᠲᠠᠭᠠᠵᠤ ᠂ ᠨᠦᠳᠦᠨ ᠳᠠᠪᠤᠰᠤᠯᠠᠵᠤ ᠨᠥᠭᠡᠴᠡᠯᠡᠵᠦ ᠢᠳᠡᠬᠦ ᠭᠣᠣᠯ ᠬᠡᠷᠡᠭᠰᠡᠯ ᠦ᠋ᠨ ᠮᠢᠬᠠ ᠪᠣᠯᠤᠨᠠ ᠃ ᠢᠳᠡᠰᠢᠨ ᠦ᠌ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠳᠦᠨ ᠠᠷᠪᠠᠨ ᠵᠦᠢᠯ ᠦ᠋ᠨ ᠠᠮᠲᠠᠲᠤ ᠢᠳᠡᠭᠡᠨ ᠬᠢᠵᠦ ᠭᠠᠳᠠᠭᠰᠢ ᠭᠠᠷᠭᠠᠵᠤ ᠪᠣᠢ᠃
ᠦᠬᠡᠷ ᠡᠴᠡ ᠭᠠᠷᠬᠤ ᠡᠮ ᠦ᠋ᠨ ᠵᠦᠢᠯ
ᠦᠬᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ 26 ᠵᠦᠢᠯ ᠦ᠋ᠨ ᠨᠠᠢᠷᠠᠭ ᠬᠠᠳᠠᠭᠠᠯᠠᠭᠳᠠᠵᠤ ᠪᠣᠢ ᠭᠡᠮᠡᠨ 《ᠡᠮᠲᠦ ᠠᠮᠢᠲᠠᠨ 》 ᠳ᠋ᠤᠷ ᠥᠭᠦᠯᠡᠵᠦᠬᠦᠢ᠃ ᠲᠡᠭᠦᠨ ᠡᠴᠡ ᠬᠡᠰᠡᠭ ᠢ᠋ ᠵᠢᠭᠰᠠᠭᠠᠪᠠᠯ : ᠦᠬᠡᠷ ᠦ᠋ᠨ ᠥᠭᠡᠬᠦ ᠂ ᠮᠢᠬᠠ ᠂ ᠴᠢᠮᠥᠭᠡ ᠂ ᠲᠠᠷᠢᠬᠢ ᠂ ᠬᠣᠳᠣᠭᠣᠳᠣ ᠂ ᠶᠠᠰᠤ ᠂ ᠲᠤᠭᠤᠷᠠᠢ ᠂ ᠰᠦ ᠂ ᠴᠢᠰᠤ ᠂ ᠰᠥᠰᠥ ᠂ ᠡᠪᠡᠷ ᠂ ᠳᠡᠯᠢᠭᠦᠦ ᠂ ᠪᠥᠭᠡᠷᠡ ᠂ ᠰᠠᠷᠬᠢᠨᠠᠭ ᠵᠡᠷᠭᠡ ᠴᠥᠮ ᠡᠮ ᠳ᠋ᠦ᠍ ᠣᠷᠣᠨᠠ ᠃ ᠢᠯᠠᠩᠭᠤᠶᠠ ᠵᠠᠷᠢᠮ ᠦᠬᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ 《ᠭᠢᠸᠠᠩ 》ᠭᠡᠬᠦ ᠬᠣᠪᠣᠷ ᠴᠤᠬᠠᠭ ᠡᠮ ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠡᠳ᠋ ᠪᠣᠢ ᠃
ᠤᠷᠲᠤ ᠤᠳᠠᠭᠠᠨ ᠵᠢᠯ ᠦ᠋ᠨ ᠠᠮᠢᠳᠤᠷᠠᠯ ᠤ᠋ᠨ ᠲᠤᠷᠰᠢᠯᠭᠠ ᠠ᠋ᠴᠠ ᠦᠵᠡᠪᠡᠯ ᠂ ᠦᠬᠡᠷ ᠦ᠋ᠨ ᠠᠭᠤᠰᠬᠢ ᠶ᠋ᠢ ᠨᠢ ᠴᠢᠨᠠᠵᠤ ᠢᠳᠡᠬᠦ ᠶ᠋ᠢᠨ ᠵᠡᠷᠭᠡᠴᠡᠭᠡ ᠪᠡᠷ ᠱᠥᠯᠥ ᠶ᠋ᠢ ᠨᠢ ᠤᠤᠭᠤᠪᠠᠯ ᠠᠭᠤᠰᠬᠢ ᠶ᠋ᠢᠨ ᠬᠠᠨᠢᠶᠠᠳᠤ ᠶ᠋ᠢ ᠵᠠᠰᠠᠨᠠ ᠃ ᠦᠬᠡᠷ ᠦ᠋ᠨ ᠥᠯᠥᠨ ᠭᠡᠳᠡᠰᠦ ᠶ᠋ᠢ ᠨᠢ ᠴᠢᠨᠠᠵᠤ ᠢᠳᠡᠪᠡᠯ ᠱᠠᠮᠪᠠᠷᠠᠮ ᠤ᠋ᠨ ᠯᠡᠪᠡᠷᠬᠡᠢ ᠶ᠋ᠢ ᠠᠨᠠᠭᠠᠨᠠ ᠃ ᠦᠬᠡᠷ ᠦ᠋ᠨ ᠴᠢᠰᠤ ᠶ᠋ᠢ ᠬᠠᠭᠠᠷᠢᠵᠤ ᠢᠳᠡᠪᠡᠯ ᠰᠠᠭᠤᠯᠭᠠᠬᠤ ᠶ᠋ᠢ ᠵᠣᠭᠰᠣᠭᠠᠨᠠ ᠃ ᠴᠢᠮᠥᠭᠡ ᠨᠢ ᠳᠤᠰᠤᠯ ᠢ᠋ ᠨᠥᠬᠥᠪᠥᠷᠢᠯᠡᠵᠦ ᠂ ᠠᠭᠤᠰᠬᠢ ᠶ᠋ᠢ ᠵᠥᠭᠡᠯᠡᠷᠡᠭᠦᠯᠵᠦ ᠂ ᠳᠡᠯᠢᠭᠦᠦ ᠶ᠋ᠢᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠤᠨᠠ ᠃ ᠬᠣᠳᠣᠭᠣᠳᠣ ᠨᠢ ᠲᠠᠪᠤᠨ ᠴᠤᠯᠤ ᠶ᠋ᠢ ᠲᠡᠭᠰᠢᠯᠡᠨ ᠂ ᠶᠠᠰᠤ ᠨᠢ ᠬᠠᠮᠠᠷ ᠤ᠋ᠨ ᠶᠠᠷᠠ ᠶ᠋ᠢ ᠵᠠᠰᠠᠵᠤ ᠂ ᠬᠣᠭᠢᠰᠣ ᠨᠢ ᠡᠮᠡᠭᠲᠡᠢ ᠬᠥᠮᠦᠨ ᠣ ᠤᠯᠠᠭᠠᠨ ᠴᠠᠭᠠᠨ ᠢ᠋ᠶ᠋ᠠᠷ ᠪᠠᠭᠤᠯᠭᠠᠬᠤ ᠶ᠋ᠢ ᠵᠠᠰᠠᠵᠤ ᠂ ᠰᠥᠰᠥ ᠨᠢ ᠰᠢᠷᠠ ᠡᠪᠡᠳᠴᠢᠨ ᠂ ᠪᠣᠭᠣᠮᠠ ᠬᠠᠪᠤᠳᠠᠷ ᠢ ᠵᠠᠰᠠᠵᠤ ᠂ ᠬᠠᠷᠪᠢᠰᠤ ( ᠭᠡᠭᠡᠰᠢ – ᠬᠣᠢᠲᠤᠬᠢ ) ᠨᠢ ᠡᠯᠢᠭᠡᠨ ᠦ᠌ ᠬᠠᠯᠠᠭᠤᠨ ᠢ᠋ ᠠᠷᠢᠯᠭᠠᠵᠤ ᠴᠢᠳᠠᠨᠠ ᠭᠡᠵᠡᠢ᠃
ᠦᠬᠡᠷ ᠦ᠋ᠨ ᠥᠭᠡᠬᠦ
ᠲᠣᠰᠣ ᠶ᠋ᠢ ᠨᠢ ᠢᠳᠡᠬᠦ ᠡᠴᠡ ᠭᠠᠳᠠᠨᠠ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠤ ᠰᠠᠪᠤᠩ ᠂ ᠠᠮᠲᠠᠯᠢᠭ ᠲᠣᠰᠣ ᠂ ᠣᠯᠠᠨ ᠵᠦᠢᠯ ᠦ᠋ᠨ ᠥᠭᠡᠬᠦᠨ ᠬᠦᠴᠢᠯ ᠂ ᠭᠤᠯᠭᠤᠭᠤᠷ ᠲᠣᠰᠣ ᠵᠡᠷᠭᠡ ᠶ᠋ᠢ ᠬᠢᠵᠦ ᠪᠣᠢ᠃
ᠦᠬᠡᠷ ᠦ᠋ᠨ ᠰᠤᠷ
ᠦᠬᠡᠷ ᠦ᠋ᠨ ᠠᠷᠠᠰᠤ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠵᠤ ᠬᠢᠭᠰᠡᠨ ᠰᠤᠷ ᠪᠣᠯ ᠪᠥᠬᠡ ᠮᠥᠷᠲᠡᠭᠡᠨ ᠵᠥᠭᠡᠯᠡᠨ ᠡᠳ᠋ᠯᠡᠬᠦ ᠳ᠋ᠦ᠍ ᠤᠷᠠᠨ ᠵᠣᠬᠢᠮᠵᠢᠲᠠᠢ᠃
ᠦᠬᠡᠷ ᠦ᠋ᠨ ᠭᠢᠸᠠᠩ ᠡᠮ ᠨᠠᠢᠷᠠᠯᠭᠠ ᠶ᠋ᠢᠨ ᠦᠨᠡᠲᠦ ᠡᠷᠬᠢᠮ ᠡᠳ᠋᠃
ᠦᠬᠡᠷ ᠦ᠋ᠨ ᠰᠥᠰᠥ
ᠠᠩᠬᠠᠨ ᠳ᠋ᠠᠭᠠᠨ ᠡᠮ ᠦ᠋ᠨ ᠨᠠᠢᠷᠠᠯᠭᠠ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠰᠢᠷᠠ ᠪᠣᠷᠣ ᠡᠪᠡᠳᠴᠢᠨ ᠪᠣᠯᠤᠨ ᠪᠣᠭᠣᠮᠠ ᠬᠠᠪᠤᠳᠠᠷ ᠢ᠋ ᠵᠠᠰᠠᠵᠤ ᠪᠠᠢᠵᠠᠢ᠃ ᠣᠳᠣ ᠤᠯᠤᠰ ᠠ᠋ᠴᠠ ᠶᠡᠬᠡ ᠪᠡᠷ ᠴᠤᠭᠯᠠᠭᠤᠯᠵᠤ ᠭᠢᠸᠠᠩ ᠵᠡᠷᠭᠡ ᠶ᠋ᠢᠨ ᠦᠨᠡᠲᠦ ᠵᠦᠢᠯ ᠢ᠋ ᠭᠠᠷᠭᠠᠨ ᠠᠪᠴᠤ ᠪᠣᠢ᠃
ᠦᠬᠡᠷ ᠦ᠋ᠨ ᠬᠢᠷᠵᠠᠩ
ᠡᠮ ᠨᠠᠢᠷᠠᠭᠤᠯᠵᠤ ᠡᠷᠡ ᠪᠡᠯᠬᠡᠰ ᠦ᠋ᠨ ᠲᠠᠮᠢᠷ ᠢ᠋ ᠰᠠᠢᠵᠢᠷᠠᠭᠤᠯᠳᠠᠭ᠃
ᠦᠬᠡᠷ ᠦ᠋ᠨ ᠶᠠᠰᠤ
ᠦᠬᠡᠷ ᠦ᠋ᠨ ᠶᠠᠰᠤ ᠶ᠋ᠢ ᠢᠳᠡᠰᠢᠨ ᠦ᠌ ᠪᠤᠶᠤ ᠡᠮ ᠪᠠ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠥᠮᠦᠨ ᠦ᠌ ᠶᠠᠰᠤ ᠶ᠋ᠢ ᠬᠠᠲᠠᠭᠤᠷᠠᠭᠤᠯᠬᠤ ᠲᠠᠷᠢᠯᠭᠠ ᠶ᠋ᠢᠨ ᠡᠮ ᠨᠠᠢᠷᠠᠭᠤᠯᠤᠨ᠂ ᠤᠷᠭᠤᠯᠲᠠ ᠶ᠋ᠢᠨ ᠴᠢᠨᠠᠷᠲᠠᠢ ᠦᠶᠡ ᠭᠡᠰᠢᠭᠦᠨ ᠦ᠌ ᠡᠪᠡᠳᠴᠢᠨ ᠪᠣᠯᠤᠨ ᠶᠠᠰᠤᠨ ᠤ᠋ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃ ᠪᠠᠰᠠ ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢᠨ ᠺᠠᠯᠼ ᠳᠤᠲᠠᠭᠳᠠᠬᠤ᠂ ᠬᠡᠦᠬᠡᠳ ᠦ᠋ᠨ ᠶᠠᠰᠤ ᠵᠥᠭᠡᠯᠡᠷᠡᠬᠦ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠡᠮ ᠨᠠᠢᠷᠠᠭᠤᠯᠳᠠᠭ᠃ ᠦᠬᠡᠷ ᠦ᠋ᠨ ᠶᠠᠰᠤᠨ ᠲᠠᠯᠬᠠ ᠨᠢ ᠴᠢᠰᠤ ᠭᠠᠷᠬᠤ ᠪᠠ ᠰᠠᠭᠤᠯᠭᠠᠬᠤ ᠶ᠋ᠢ ᠵᠣᠭᠰᠣᠭᠠᠬᠤ ᠂ ᠴᠢᠰᠤᠨ ᠳᠠᠷᠤᠯᠲᠠ ᠶ᠋ᠢ ᠪᠠᠭᠤᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠡᠢ ᠪᠢᠯᠡ ᠃ ᠦᠬᠡᠷ ᠦ᠋ᠨ ᠰᠢᠯᠪᠢ ᠪᠣᠯᠤᠨ ᠬᠠᠪᠢᠷᠭᠠ ᠶ᠋ᠢᠨ ᠶᠠᠰᠤ ᠪᠠᠷ ᠭᠠᠷ ᠤᠷᠠᠯᠠᠯ ᠤ᠋ᠨ ᠦᠢᠯᠡᠳᠬᠦᠨ ᠬᠢᠵᠦ ᠂ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠳ᠋ᠤ᠌ ᠥᠷᠭᠡᠨ ᠢ᠋ᠶ᠋ᠡᠷ ᠪᠣᠷᠣᠯᠠᠭᠤᠯᠤᠭᠳᠠᠵᠤ ᠪᠣᠢ ᠃ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠭᠣᠣᠯᠳᠠᠭᠤ ᠶᠠᠰᠤᠨ ᠴᠠᠪᠠᠤ ᠪᠣᠯᠤᠨ ᠴᠠᠷᠳᠠᠮᠠᠯ ᠴᠠᠪᠠᠤ ᠬᠢᠵᠦ ᠂ ᠴᠡᠷᠢᠭ ᠦ᠋ᠨ ᠦᠢᠯᠡᠳᠪᠦᠷᠢ ᠂ ᠬᠦᠨᠳᠦ ᠬᠥᠩᠭᠡᠨ ᠠᠵᠤ ᠦᠢᠯᠡᠳᠪᠦᠷᠢ ᠂ ᠬᠥᠳᠡᠭᠡ ᠠᠵᠤ ᠠᠬᠤᠢ ᠂ ᠭᠠᠷ ᠤᠷᠠᠯᠠᠯ ᠤ᠋ᠨ ᠦᠢᠯᠡᠳᠪᠦᠷᠢ ᠵᠡᠷᠭᠡ ᠳ᠋ᠦ᠍ ᠥᠷᠭᠡᠨ ᠳᠠᠯᠠᠢᠴᠠᠲᠠᠢ ᠬᠡᠷᠡᠭᠯᠡᠭᠳᠡᠵᠦ ᠪᠣᠢ ᠃ ᠲᠤᠬᠠᠢᠯᠠᠪᠠᠯ ᠂ ᠺᠢᠨᠣ᠋ ᠭᠡᠷᠡᠯ ᠵᠢᠷᠤᠭ ᠤ᠋ᠨ ᠢᠯᠲᠠᠰᠤ ᠂ X ᠰᠠᠴᠤᠷᠠᠭ ᠤ᠋ᠨ ᠭᠡᠷᠡᠯ ᠮᠡᠳᠡᠷᠡᠬᠦ ᠴᠠᠭᠠᠰᠤ ᠬᠢᠬᠦ ᠪᠥᠭᠡᠳ ᠭᠠᠳᠠᠷ ᠡᠮᠨᠡᠯᠭᠡ ᠳ᠋ᠦ᠍ ᠣᠷᠢᠶᠠᠯᠲᠠ ᠪᠣᠭᠣᠯᠲᠠ ᠬᠢᠨᠡ ᠃ ᠡᠭᠦᠨᠴᠢᠯᠡᠨ ᠵᠢᠭᠠᠰᠤᠨ ᠡᠯᠢᠭᠡᠨ ᠲᠣᠰᠣᠨ ᠤ᠋ ᠷᠢᠯᠦ ᠁ ᠮᠡᠲᠦ ᠶ᠋ᠢᠨ ᠣᠯᠠᠨ ᠵᠦᠢᠯ ᠦ᠋ᠨ ᠡᠮ ᠦ᠋ᠨ ᠬᠠᠯᠢᠰᠤ ᠂ ᠡᠮ ᠦ᠋ᠨ ᠬᠠᠨᠳᠠ ᠵᠡᠷᠭᠡ ᠶ᠋ᠢ ᠬᠢᠳᠡᠭ ᠃ ᠮᠥᠨ ᠬᠥᠮᠦᠨ ᠦ᠌ ᠴᠢᠰᠤ ᠭᠣᠭᠣᠵᠢᠮᠠᠲᠠᠭᠠᠢ ᠡᠪᠡᠳᠴᠢᠨ ᠂ ᠶᠠᠭᠠᠨ ᠲᠣᠯᠪᠣᠲᠤ ᠡᠪᠡᠳᠴᠢᠨ ᠂ ᠨᠢᠯᠬᠠᠰ ᠤ᠋ᠨ ᠪᠠᠭᠠᠰᠤ ᠬᠠᠷᠠᠯᠠᠬᠤ ᠡᠪᠡᠳᠴᠢᠨ ᠂ ᠯᠤᠭᠰᠢᠭᠤᠨ ᠪᠠ ᠨᠠᠮᠵᠢᠭᠤᠨ ᠰᠤᠳᠠᠯ ᠤ᠋ᠨ ᠡᠪᠡᠳᠴᠢᠨ ᠢ᠋ ᠴᠥᠮ ᠵᠠᠰᠠᠵᠤ ᠂ ᠣᠨᠴᠠᠭᠠᠢᠯᠠᠨ ᠴᠢᠰᠤ ᠭᠠᠷᠬᠤ ᠶ᠋ᠢ ᠵᠣᠭᠰᠣᠭᠠᠵᠤ ᠴᠢᠳᠠᠳᠠᠭ ᠴᠢᠳᠠᠯᠲᠠᠢ ᠵᠡᠷᠭᠡ 30 ᠭᠠᠷᠤᠢ ᠢᠵᠢᠯ ᠲᠥᠷᠥᠯ ᠦ᠋ᠨ ᠮᠢᠩᠭᠠ ᠭᠠᠷᠤᠢ ᠦᠢᠯᠡᠳᠬᠦᠨ ᠢ᠋ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠢᠨᠠ᠃
ᠢᠳᠡᠭᠡᠨ ᠦ᠌ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠥᠳᠬᠡᠨ ᠱᠥᠯᠥ ᠂ ᠮᠢᠬᠠᠨ ᠬᠥᠯᠳᠡᠮᠡᠭ ᠂ ᠱᠸᠯᠡ ᠂ ᠮᠥᠬᠥᠯᠢᠭᠲᠦ ᠰᠢᠬᠢᠷ ᠂ ᠵᠥᠭᠡᠯᠡᠨ ᠰᠢᠬᠢᠷ ᠂ ᠭᠦᠨ ᠰᠢᠬᠢᠷ ᠂ ᠱᠣᠺᠣᠯᠠᠳ᠋ ᠰᠢᠬᠢᠷ ᠵᠡᠷᠭᠡ ᠬᠢᠬᠦ ᠡᠴᠡ ᠭᠠᠳᠠᠨᠠ ᠠᠮᠲᠠᠲᠤ ᠵᠢᠶᠠᠩ ᠂ ᠪᠢᠩᠵᠢᠯᠢᠩ ᠂ ᠴᠢᠱᠦ᠋ᠢ ᠂ ᠫᠢᠸᠣ᠋ ᠵᠡᠷᠭᠡ ᠶ᠋ᠢ ᠬᠢᠬᠦ ᠳ᠋ᠦ᠍ ᠴᠦ᠍ ᠶᠠᠰᠤᠨ ᠤ᠋ ᠣᠷᠣᠯᠴᠠᠭᠠ ᠴᠢᠬᠤᠯᠠ ᠪᠠᠢᠳᠠᠭ ᠃ ᠦᠬᠡᠷ ᠦ᠋ᠨ ᠶᠠᠰᠤᠨ ᠤ᠋ ᠳᠠᠭᠠᠯᠲᠠ ᠪᠦᠲᠦᠭᠡᠭᠳᠡᠬᠦᠨ ᠡᠴᠡ ᠪᠠᠰᠠ ᠡᠳᠦᠢ ᠲᠡᠳᠦᠢ ᠦᠢᠯᠡᠳᠬᠦᠨ ᠢ᠋ ᠦᠢᠯᠡᠳᠪᠦᠷᠢᠯᠡᠳᠡᠭ ᠃ ᠨᠢᠭᠤᠷ ᠤ᠋ᠨ ᠰᠠᠪᠤᠩ ᠂ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠰᠠᠪᠤᠩ ᠂ ᠣᠯᠠᠨ ᠵᠦᠢᠯ ᠦ᠋ᠨ ᠨᠢᠭᠤᠷ ᠤ᠋ᠨ ᠲᠣᠰᠣ ᠬᠢᠳᠡᠭ ᠃ ᠪᠠᠰᠠ ᠰᠢᠭᠠᠷᠤᠭ ᠠ᠋ᠴᠠ ᠨᠢ ᠣ ᠂ ᠰᠦᠯᠢᠶᠣᠣ ᠶ᠋ᠢ ᠠᠭᠰᠢᠭᠠᠬᠤ ᠡᠮ ᠂ ᠲᠠᠷᠢᠶᠠᠯᠠᠩ ᠤ᠋ᠨ ᠪᠣᠷᠳᠣᠭᠤᠷ ᠵᠡᠷᠭᠡ ᠶ᠋ᠢ ᠬᠢᠳᠡᠭ ᠃
ᠶᠠᠰᠤᠨ ᠴᠢᠮᠥᠭᠡ ᠶ᠋ᠢᠨ ᠲᠣᠰᠣ ᠬᠢᠭᠡᠳ ᠨᠤᠭᠤᠰᠤᠨ ᠲᠣᠰᠣ ᠨᠢ ᠶᠡᠬᠡ ᠬᠡᠮᠵᠢᠶᠡᠨ ᠦ᠌ ᠢᠯᠴᠢ ᠭᠠᠷᠭᠠᠬᠤ ᠥᠭᠡᠬᠦ ᠠᠭᠤᠯᠤᠭᠳᠠᠳᠠᠭ ᠪᠣᠯᠬᠣᠷ ᠬᠥᠮᠦᠨ ᠦ᠌ ᠠᠭᠤᠰᠬᠢ ᠪᠥᠭᠡᠷᠡ ᠶ᠋ᠢ ᠨᠥᠬᠥᠪᠥᠷᠢᠯᠡᠬᠦ ᠂ ᠦᠷᠡ ᠶ᠋ᠢ ᠠᠷᠪᠢᠵᠢᠭᠤᠯᠤᠨ ᠲᠠᠮᠢᠷᠵᠢᠭᠤᠯᠬᠤ ᠡᠮ ᠢ᠋ ᠨᠠᠢᠷᠠᠭᠤᠯᠵᠤ ᠡᠪᠡᠳᠴᠢᠲᠡᠨ ᠢ᠋ ᠵᠠᠰᠠᠳᠠᠭ ᠃ ᠪᠠᠰᠠ ᠰᠢᠭᠡᠷᠡᠩ ᠢ᠋ ᠴᠦ᠍ ᠵᠠᠰᠠᠳᠠᠭ ᠃ ᠵᠢᠴᠢ ᠠᠷᠠᠰᠤ ᠮᠢᠬᠠᠨ ᠤ᠋ ᠣᠰᠴᠤ ᠬᠠᠭᠠᠷᠠᠬᠤ ᠶ᠋ᠢ ᠡᠮᠨᠡᠬᠦ ᠡᠮ ᠴᠦ᠍ ᠬᠢᠳᠡᠭ ᠃
ᠦᠬᠡᠷ ᠦ᠋ᠨ ᠴᠢᠰᠤ
ᠦᠬᠡᠷ ᠦ᠋ᠨ ᠴᠢᠰᠤᠨ ᠳᠣᠲᠣᠷᠠ ᠤᠭᠤᠷᠠᠭ ᠪᠠ ᠡᠷᠦᠳᠡᠰᠦ ᠪᠣᠳᠠᠰ ᠡᠯᠪᠡᠭ ᠠᠭᠤᠯᠤᠭᠳᠠᠵᠤ ᠢᠳᠡᠬᠦ ᠳ᠋ᠦ᠍ ᠠᠮᠠᠷᠬᠠᠨ ᠰᠢᠩᠭᠡᠳᠡᠭ ᠃ ᠮᠥᠨ ᠡᠮ ᠦ᠋ᠨ ᠪᠠ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠥᠷᠭᠡᠨ ᠢ᠋ᠶ᠋ᠡᠷ ᠬᠡᠷᠡᠭᠯᠡᠳᠡᠭ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠠᠢ ᠃
ᠢᠳᠡᠭᠡᠨ ᠦ᠌ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠰᠤᠨ ᠡᠭᠡᠳᠡᠮᠡᠭ ᠂ ᠴᠢᠳᠬᠤᠮᠠᠯ ᠭᠡᠳᠡᠰᠦ ᠂ ᠰᠢᠬᠢᠷ ᠂ ᠪᠣᠭᠣᠷᠰᠣᠭ ᠂ ᠭᠤᠸᠠᠨᠲᠤᠤ ᠵᠡᠷᠭᠡ ᠳ᠋ᠦ᠍ ᠴᠢᠬᠤᠯᠠ ᠮᠠᠲᠸᠷᠢᠶᠠᠯ ᠪᠣᠯᠭᠠᠵᠤ ᠪᠣᠢ ᠃
ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠰᠢᠭᠡᠬᠦ ᠡᠷᠬᠡᠲᠡᠨ ᠦ᠌ ᠰᠢᠷᠬᠠᠯᠠᠭᠠ ᠂ ᠴᠢᠰᠤ ᠳᠤᠲᠠᠬᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠡᠮ ᠬᠢᠳᠡᠭ ᠪᠥᠭᠡᠳ ᠪᠠᠰᠠ ᠬᠡᠦᠬᠡᠳ ᠪᠠᠭᠠᠴᠤᠳ ᠤ᠋ᠨ ᠪᠣᠢᠵᠢᠯᠲᠠ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ ᠬᠣᠷᠭᠣᠭᠴᠢ ᠰᠢᠪᠲᠦᠷᠲᠦ ᠬᠦᠴᠢᠯ ᠢ᠋ ᠬᠢᠳᠡᠭ ᠃ ᠪᠠᠰᠠ ᠭᠠᠯ ᠤᠨᠲᠠᠷᠠᠭᠠᠬᠤ ᠡᠮ ᠪᠣᠯᠤᠨ ᠬᠥᠭᠡᠰᠦᠷᠡᠭᠦᠯᠬᠦ ᠡᠮ ᠦᠢᠯᠡᠳᠪᠦᠷᠢᠯᠡᠳᠡᠭ ᠪᠥᠭᠡᠳ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠬᠢᠬᠦ ᠂ ᠲᠠᠷᠢᠶᠠᠯᠠᠩ ᠤ᠋ᠨ ᠪᠣᠷᠳᠣᠭᠤᠷ ᠬᠢᠵᠦ ᠲᠠᠷᠢᠶᠠᠨ ᠤ᠋ ᠤᠷᠭᠤᠯᠲᠠ ᠶ᠋ᠢ ᠰᠠᠢᠵᠢᠷᠠᠭᠤᠯᠳᠠᠭ ᠃ ᠵᠠᠰᠠᠭᠠ ᠪᠤᠬᠠ ᠶ᠋ᠢᠨ ᠦᠷᠡ ᠪᠣᠯᠪᠠᠰᠤᠷᠠᠭᠤᠯᠬᠤ ᠡᠷᠬᠡᠲᠡᠨ ᠮᠥᠨ᠃ ᠲᠡᠭᠦᠨ ᠢ᠋ ᠢᠳᠡᠳᠡᠭ ᠡᠴᠡ ᠭᠠᠳᠠᠨᠠ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠬᠤᠯᠠ ᠬᠡᠷᠡᠭᠯᠡᠳᠡᠭ ᠃ ᠲᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠮᠡᠳᠡᠷᠡᠯ ᠮᠠᠭᠤᠳᠠᠬᠤ ᠂ ᠡᠷᠲᠡ ᠥᠲᠡᠯᠬᠦ ᠂ ᠡᠷᠡᠭᠲᠡᠢᠴᠦᠳ ᠦ᠋ᠨ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠠᠵᠢᠯᠯᠠᠭᠠ ᠳᠣᠷᠣᠢᠲᠠᠬᠤ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃
ᠳᠠᠯᠠᠩ
ᠦᠨᠢᠶᠡᠨ ᠳ᠋ᠦ᠍ ᠪᠠᠢᠳᠠᠭ ᠃ ᠳᠠᠯᠠᠩ ᠢ᠋ ᠠᠪᠴᠤ ᠴᠡᠪᠡᠷᠯᠡᠭᠡᠳ ᠦᠨᠦᠷ ᠠᠮᠲᠠ ᠣᠷᠣᠭᠤᠯᠬᠤ ᠮᠠᠲ᠋ᠧᠷᠢᠶᠠᠯ ᠬᠢᠵᠦ ᠬᠠᠭᠤᠷᠴᠤ ᠢᠳᠡᠪᠡᠯ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠰᠢᠮᠡ ᠲᠡᠵᠢᠭᠡᠯᠲᠡᠢ ᠬᠠᠴᠢᠨ ᠰᠠᠢᠬᠠᠨ ᠦᠨᠦᠷ ᠠᠮᠲᠠᠲᠠᠢ ᠢᠳᠡᠭᠡᠨ ᠪᠣᠯᠳᠠᠭ᠃
ᠰᠡᠭᠦᠯ
ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤ ᠨᠢ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠤ ᠠᠷᠠᠰᠤ ᠨᠢ ᠴᠠᠪᠠᠤ ᠪᠤᠶᠤ ᠪᠣᠷᠳᠣᠭᠤᠷ ᠬᠢᠬᠦ ᠳ᠋ᠦ᠍ ᠴᠢᠬᠤᠯᠠᠴᠢᠯᠠᠭᠳᠠᠵᠤ᠂ ᠰᠡᠭᠦᠯ ᠦ᠋ᠨ ᠮᠢᠬᠠ ᠨᠢ ᠰᠢᠮᠡ ᠲᠡᠵᠢᠭᠡᠯ ᠰᠠᠢᠲᠠᠢ ᠂ ᠰᠠᠢᠬᠠᠨ ᠰᠣᠳᠣᠨ ᠦᠨᠦᠷ ᠠᠮᠲᠠᠲᠠᠢ ᠂ ᠳᠡᠯᠡᠬᠡᠢ ᠳᠡᠭᠡᠷᠡ ᠬᠣᠪᠣᠷᠬᠠᠨ ᠣᠯᠳᠠᠳᠠᠭ ᠦᠬᠡᠷ ᠦ᠋ᠨ ᠰᠡᠭᠦᠯ ᠦ᠋ᠨ ᠭᠤᠸᠠᠨᠲᠤᠤ ᠬᠢᠬᠦ ᠳ᠋ᠦ᠍ ᠬᠡᠷᠡᠭᠯᠡᠵᠦ ᠪᠣᠢ ᠃ ᠥᠪᠡᠷ ᠲᠡᠭᠡᠨ ᠴᠢᠨᠠᠵᠤ ᠢᠳᠡᠬᠦ ᠳ᠋ᠦ᠍ ᠴᠦ᠍ ᠰᠠᠢᠬᠠᠨ ᠶᠤᠮ᠃
ᠰᠥᠰᠥ
ᠦᠬᠡᠷ ᠦ᠋ᠨ ᠰᠥᠰᠥ ᠂ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠬᠤᠯᠠ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠢ᠋ ᠬᠤᠷᠢᠶᠠᠵᠤ ᠪᠣᠢ ᠃ ᠲᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠲᠥᠪ ᠮᠡᠳᠡᠷᠡᠯ ᠪᠠ ᠤᠯᠠᠭᠠᠨ ᠂ ᠴᠠᠭᠠᠨ ᠬᠣᠭᠣᠯᠠᠢ ᠂ ᠡᠷᠭᠢᠯᠲᠡ ᠶ᠋ᠢᠨ ᠰᠢᠰᠲᠧᠮ ᠢ᠋ ᠮᠢᠨᠴᠦᠷᠡᠭᠦᠯᠬᠦ ᠂ ᠰᠢᠩᠭᠡᠯᠲᠡ ᠶ᠋ᠢ ᠲᠦᠷᠭᠡᠳᠬᠡᠬᠦ᠂ ᠬᠣᠳᠣᠭᠣᠳᠣᠨ ᠤ᠋ ᠠᠵᠢᠯᠯᠠᠭᠠ ᠮᠠᠭᠤᠳᠠᠬᠤ ᠂ ᠬᠣᠷᠭᠣᠰᠣᠯᠠᠬᠤ ᠶ᠋ᠢ ᠵᠠᠰᠠᠨᠠ ᠃ ᠪᠠᠰᠠ ᠬᠣᠣᠷ ᠢ᠋ ᠲᠠᠢᠯᠵᠤ ᠬᠠᠪᠤᠳᠠᠷ ᠢ᠋ ᠬᠠᠷᠢᠭᠤᠯᠬᠤ ᠂ ᠡᠯᠢᠭᠡ ᠨᠢᠳᠦ ᠶ᠋ᠢ ᠰᠡᠷᠢᠭᠦᠳᠬᠡᠨ ᠭᠡᠭᠡᠷᠡᠭᠦᠯᠬᠦ ᠂ ᠰᠥᠰᠥ ᠶ᠋ᠢ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠦᠢᠯᠡᠳᠦᠯ ᠲᠡᠢ ᠡᠮ ᠢ᠋ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠢᠳᠠᠭ᠃
ᠰᠥᠰᠥᠨ ᠦ᠌ ᠰᠢᠭᠦᠰᠦ
ᠰᠥᠰᠥᠨ ᠭᠡᠷ ᠳᠣᠲᠣᠷᠠ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠳᠠᠭ ᠰᠢᠷᠠᠪᠲᠤᠷ ᠨᠣᠭᠣᠭᠠᠨ ᠥᠩᠭᠡᠲᠡᠢ ᠰᠢᠩᠭᠡᠨ ᠢ᠋ ᠰᠢᠭᠦᠰᠦ ᠭᠡᠳᠡᠭ ᠃ ᠣᠳᠣ ᠰᠥᠰᠥᠨ ᠦ᠌ ᠰᠢᠭᠦᠰᠦ ᠶ᠋ᠢ ᠠᠪᠴᠤ ᠡᠮ ᠨᠠᠢᠷᠠᠭᠤᠯᠤᠭᠠᠳ ᠰᠢᠷᠠ ᠬᠢᠵᠢᠭ ᠂ ᠪᠠᠭᠠᠰᠤ ᠬᠠᠲᠠᠬᠤ ᠂ ᠰᠢᠭᠡᠷᠡᠩ ᠂ ᠡᠯᠢᠭᠡᠨ ᠦ᠌ ᠬᠠᠯᠠᠭᠤᠨ ᠂ ᠨᠢᠳᠦᠨ ᠡᠪᠡᠳᠴᠢᠨ ᠂ ᠬᠡᠦᠬᠡᠳ ᠦ᠋ᠨ ᠵᠠᠭᠤᠷᠠᠬᠤ ᠡᠪᠡᠳᠴᠢᠨ ᠪᠠ ᠬᠡᠦᠬᠡᠳ ᠦ᠋ᠨ ᠵᠠᠭᠤ ᠬᠣᠨᠣᠭ ᠤ᠋ᠨ ᠬᠠᠨᠢᠶᠠᠳᠤ ᠂ ᠱᠠᠮᠪᠠᠷᠠᠮ ᠂ ᠰᠢᠷᠭᠤᠯᠵᠢᠨ ᠬᠠᠲᠠᠭᠢ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ ᠃ ᠢᠯᠠᠩᠭᠤᠶᠠ ᠬᠢᠲᠠᠳ ᠡᠮ ᠦ᠋ᠨ ᠵᠣᠷ ᠲᠤ᠌ ᠨᠡᠩ ᠴᠢᠬᠤᠯᠠ ᠪᠣᠯᠵᠤ ᠪᠣᠢ᠃
ᠰᠥᠰᠥᠨ ᠭᠡᠷ
ᠰᠥᠰᠥᠨ ᠰᠢᠩᠭᠡᠨ ᠠᠬᠤᠭᠤᠯᠵᠤ ᠪᠣᠢ ᠭᠠᠳᠠᠭᠤᠷᠬᠢ ᠬᠠᠯᠢᠰᠤ ᠶ᠋ᠢ ᠨᠢ ᠰᠥᠰᠥᠨ ᠭᠡᠷ ᠭᠡᠳᠡᠭ ᠃ ᠰᠥᠰᠥᠨ ᠭᠡᠷ ᠢ᠋ ᠬᠢᠮᠢ ᠶ᠋ᠢᠨ ᠪᠠ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠬᠤᠯᠠ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠢ᠋ᠶ᠋ᠠᠷ ᠬᠡᠷᠡᠭᠯᠡᠵᠦ ᠪᠣᠢ ᠃ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠰᠥᠰᠥᠨ ᠭᠡᠷ ᠢ᠋ ᠨᠢ ᠨᠤᠯᠭᠤ ᠴᠢᠨᠠᠭᠠᠳ ᠠᠵᠤ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠲᠣᠰᠣ ᠬᠢᠳᠡᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠭᠣᠣᠯᠳᠠᠭᠤ ᠸᠢᠼᠢᠯᠢᠨ ᠬᠠᠨᠳᠠ ᠪᠣᠯᠪᠠᠰᠤᠷᠠᠭᠤᠯᠵᠤ ᠪᠣᠢ᠃
ᠵᠢᠷᠦᠬᠡ
ᠦᠬᠡᠷ ᠦ᠋ᠨ ᠵᠢᠷᠦᠬᠡ ᠶ᠋ᠢ ᠬᠥᠮᠦᠨ ᠢᠳᠡᠬᠦ ᠡᠴᠡ ᠭᠠᠳᠠᠨᠠ᠂ ᠭᠣᠣᠯᠳᠠᠭᠤ ᠡᠮ ᠨᠠᠢᠷᠠᠭᠤᠯᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠲᠠᠷᠢᠬᠢᠨ ᠳ᠋ᠤ᠌ ᠬᠦᠴᠢᠯᠳᠦᠷᠦᠭᠴᠢ ᠳᠤᠲᠠᠭᠳᠠᠬᠤ ᠶ᠋ᠢ ᠵᠠᠰᠠᠵᠤ ᠂ ᠨᠡᠭᠦᠷᠡᠰᠦᠳᠦᠷᠦᠭᠴᠢ ᠶ᠋ᠢᠨ ᠳᠠᠩ ᠢᠰᠦᠯ ᠦ᠋ᠨ ᠬᠣᠣᠷᠲᠠᠭᠳᠠᠯ ᠢ᠋ ᠲᠠᠢᠯᠳᠠᠭ᠃
ᠦᠩᠬᠦᠯᠴᠡᠭ
ᠦᠬᠡᠷ ᠦ᠋ᠨ ᠵᠢᠷᠦᠬᠡ ᠶ᠋ᠢ ᠪᠦᠷᠬᠦᠵᠦ ᠪᠠᠢᠭᠠ ᠨᠢᠮᠭᠡᠨ ᠬᠠᠯᠢᠰᠤ ᠪᠣᠯᠤᠨᠠ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮᠨᠡᠯᠭᠡ ᠶ᠋ᠢᠨ ᠬᠢᠨ ᠵᠢᠷᠦᠬᠡᠨ ᠲᠣᠯᠲᠣ ᠨᠢ ᠭᠡᠮᠲᠦᠭᠰᠡᠨ ᠬᠥᠮᠦᠨ ᠣ ᠵᠢᠷᠦᠬᠡᠨ ᠲᠣᠯᠲᠣ ᠶ᠋ᠢ ᠨᠢ ᠰᠣᠯᠢᠵᠤ ᠥᠭᠳᠡᠭ᠃
ᠤᠯᠠᠭᠠᠨ ᠰᠤᠳᠠᠯ ᠤ᠋ᠨ ᠴᠣᠷᠭᠣ
ᠵᠢᠷᠦᠬᠡᠨ ᠦ᠌ ᠭᠣᠣᠯ ᠰᠤᠳᠠᠯ ᠢ᠋ ᠬᠡᠯᠡᠨᠡ ᠃ ᠡᠭᠦᠨ ᠢ᠋ᠶ᠋ᠡᠷ ᠥᠭᠡᠬᠦ ᠬᠠᠢᠯᠤᠭᠤᠯᠬᠤ ᠲᠠᠷᠢᠯᠭᠠ ᠶ᠋ᠢᠨ ᠡᠮ ᠢ᠋ ᠨᠠᠢᠷᠠᠭᠤᠯᠳᠠᠭ ᠶᠤᠮ᠃
ᠡᠯᠢᠭᠡ
ᠦᠬᠡᠷ ᠦ᠋ᠨ ᠡᠯᠢᠭᠡ ᠶ᠋ᠢ ᠬᠥᠮᠦᠨ ᠢᠳᠡᠬᠦ ᠡᠴᠡ ᠭᠠᠳᠠᠨᠠ ᠂ ᠡᠮ ᠨᠠᠢᠷᠠᠭᠤᠯᠭᠠ ᠳ᠋ᠤ᠌ ᠬᠡᠷᠡᠭᠯᠡᠳᠡᠭ ᠶᠦ᠍ᠮ ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠡᠯᠢᠭᠡ ᠶ᠋ᠢ ᠠᠮᠤᠷᠵᠢᠭᠤᠯᠬᠤ ᠲᠠᠷᠢᠯᠭᠠ ᠶ᠋ᠢᠨ ᠡᠮ ᠂ ᠡᠯᠢᠭᠡᠨ ᠦ᠌ ᠬᠠᠨᠳᠠ ᠂ ᠠᠭᠤᠰᠤᠮᠠᠲᠠᠭᠠᠢ ᠡᠯᠢᠭᠡᠨ ᠦ᠌ ᠡᠳ᠋ ᠨᠠᠢᠷᠠᠭᠤᠯᠵᠤ ᠡᠯᠢᠭᠡᠨ ᠦ᠌ ᠦᠷᠪᠢᠰᠦᠯ ᠂ ᠬᠠᠲᠠᠭᠤᠷᠠᠯ ᠵᠡᠷᠭᠡ ᠶ᠋ᠢ ᠵᠠᠰᠠᠨᠠ ᠃ ᠪᠠᠰᠠ ᠦᠬᠡᠷ ᠦ᠋ᠨ ᠬᠠᠮᠠᠭᠤ ᠶ᠋ᠢ ᠵᠠᠰᠠᠳᠠᠭ᠃
ᠠᠭᠤᠰᠬᠢ
ᠦᠬᠡᠷ ᠦ᠋ᠨ ᠠᠭᠤᠰᠬᠢ ᠶ᠋ᠢ ᠬᠥᠮᠦᠨ ᠢᠳᠡᠬᠦ ᠪᠥᠭᠡᠳ ᠪᠠᠰᠠ ᠡᠮ ᠨᠠᠢᠷᠠᠭᠤᠯᠭᠠ ᠳ᠋ᠤ᠌ ᠣᠷᠣᠭᠤᠯᠵᠤ ᠪᠣᠯᠤᠨᠠ᠃ ᠠᠭᠤᠰᠬᠢ ᠡᠴᠡ ᠡᠯᠢᠭᠡᠨ ᠨᠠᠲᠷᠢ ᠢᠯᠭᠠᠷᠠᠭᠤᠯᠤᠨ ᠠᠪᠴᠤ ᠬᠥᠮᠦᠨ ᠦ᠌ ᠴᠢᠰᠤᠨ ᠡᠭᠡᠳᠡᠷᠡᠯ ᠢ᠋ ᠳᠠᠷᠤᠵᠤ ᠂ ᠴᠢᠰᠤᠨ ᠪᠦᠯᠦᠭᠯᠡᠯ ᠢ᠋ ᠬᠣᠷᠢᠭᠯᠠᠨ᠂ ᠵᠢᠷᠦᠬᠡᠨ ᠲᠢᠲᠢᠮᠯᠢᠭ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃ ᠵᠢᠴᠢ ᠴᠢᠰᠤ ᠡᠭᠡᠳᠡᠭᠦᠯᠦᠭᠴᠢ ᠫᠡᠺᠲᠧᠷᠲᠦ ᠢᠰᠦᠯ ᠢ᠋ ᠳᠠᠷᠤᠬᠤ ᠡᠮ ᠢ᠋ ᠨᠠᠢᠷᠠᠭᠤᠯᠵᠤ ᠂ ᠬᠥᠮᠦᠨ ᠦ᠌ ᠨᠣᠢᠷ ᠤ᠋ᠨ ᠨᠡᠭᠡᠳᠡᠰᠦᠨ ᠦ᠌ ᠢᠯᠵᠠᠷᠠᠯᠲᠠ ᠶ᠋ᠢ ᠵᠠᠰᠠᠵᠤ ᠪᠣᠢ᠃
ᠳᠡᠯᠢᠭᠦᠦ
ᠦᠬᠡᠷ ᠦ᠋ᠨ ᠳᠡᠯᠢᠭᠦᠦ ᠮᠥᠨ ᠡᠮ ᠨᠠᠢᠷᠠᠭᠤᠯᠭᠠ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠤᠨᠠ᠃ ᠳᠡᠯᠢᠭᠦᠦ ᠪᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠴᠢᠰᠤ ᠶ᠋ᠢ ᠨᠥᠬᠥᠬᠦ᠂ ᠰᠢᠩᠭᠡᠯᠲᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ᠂ ᠭᠠᠳᠠᠭᠰᠢᠯᠠᠭᠤᠯᠬᠤ ᠳ᠋ᠤ᠌ ᠲᠤᠰᠠᠯᠠᠬᠤ ᠦᠢᠯᠡᠳᠦᠯ ᠲᠡᠢ᠃
ᠨᠣᠢᠷ
ᠦᠬᠡᠷ ᠦ᠋ᠨ ᠨᠣᠢᠷ ᠢ᠋ᠶ᠋ᠠᠷ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠢᠰᠦᠯᠢᠨ ᠡᠳ᠋ ᠲᠡᠢ ᠡᠮ ᠨᠠᠢᠷᠠᠭᠤᠯᠳᠠᠭ᠃ ᠡᠨᠡ ᠨᠢ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ᠂ ᠰᠣᠯᠢᠶᠠ ᠡᠪᠡᠳᠴᠢᠨ ᠢ ᠵᠠᠰᠠᠨᠠ᠃ ᠪᠠᠰᠠ ᠴᠢᠰᠤᠨ ᠰᠢᠭᠦᠷᠡᠯ ᠢ ᠠᠬᠢᠭᠤᠯᠬᠤ ᠮᠢᠬᠠ ᠤᠷᠭᠤᠭᠤᠯᠬᠤ ᠡᠮ ᠬᠢᠳᠡᠭ᠃
ᠡᠪᠴᠢᠭᠦᠨ ᠦ᠌ ᠪᠤᠯᠴᠢᠷᠬᠠᠢ
ᠡᠪᠴᠢᠭᠦᠨ ᠪᠤᠯᠴᠢᠷᠬᠠᠢ ᠪᠣᠯ ᠦᠬᠡᠷ ᠦ᠋ᠨ ᠡᠪᠴᠢᠭᠦᠨ ᠬᠥᠨᠳᠡᠢ ᠂ ᠵᠢᠷᠦᠬᠡᠨ ᠳᠡᠭᠡᠳᠦ ᠲᠠᠯᠠ ᠳ᠋ᠤ᠌ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠲᠠᠢ ᠨᠠᠭᠠᠯᠳᠤᠵᠤ ᠪᠠᠢᠳᠠᠭ ᠪᠥᠭᠡᠳ ᠤᠯᠠᠭᠠᠪᠲᠤᠷ ᠪᠤᠶᠤ ᠴᠠᠭᠠᠨ ᠥᠩᠭᠡᠲᠡᠢ ᠪᠠᠢᠳᠠᠭ᠃ ᠡᠨᠡ ᠨᠢ ᠨᠢᠭᠡ ᠰᠢᠭᠦᠷᠡᠯ ᠦ᠋ᠨ ᠴᠣᠷᠭᠣ ᠲᠠᠢ ᠂ ᠭᠣᠣᠯ ᠨᠢ ᠨᠢᠭᠡ ᠮᠥᠷᠲᠡᠭᠡᠨ ᠬᠣᠶᠠᠷ ᠰᠠᠯᠠᠭᠠ ᠬᠠᠪᠲᠠᠭᠠᠢ ᠬᠡᠯᠡ ᠲᠡᠢ ᠪᠣᠯᠠᠢ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮ ᠨᠠᠢᠷᠠᠭᠤᠯᠪᠠᠯ ᠬᠠᠪᠤᠳᠠᠷ ᠂ ᠨᠣᠢᠲᠠᠨ ᠬᠠᠮᠠᠭᠤ ᠂ ᠤᠯᠠᠭᠠᠨ ᠲᠣᠯᠪᠣᠲᠤ ᠴᠢᠨᠣᠠ ᠶ᠋ᠢᠨ ᠶᠠᠷᠠ ᠵᠡᠷᠭᠡ ᠶ᠋ᠢ ᠡᠳᠡᠭᠡᠷᠡᠭᠦᠯᠳᠡᠭ᠃
ᠬᠣᠳᠣᠭᠣᠳᠣᠨ ᠤ᠋ ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ
ᠬᠣᠳᠣᠭᠣᠳᠣᠨ ᠤ᠋ ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ ᠶ᠋ᠢ ᠠᠪᠴᠤ ᠡᠮ ᠨᠠᠢᠷᠠᠭᠤᠯᠵᠤ ᠬᠥᠮᠦᠨ ᠦ᠌ ᠰᠢᠩᠭᠡᠯᠲᠡ ᠮᠠᠭᠤᠳᠠᠬᠤ ᠶ᠋ᠢ ᠵᠠᠰᠠᠵᠤ ᠪᠣᠯᠳᠠᠭ᠃ ᠪᠠᠰᠠ ᠡᠮ ᠨᠠᠢᠷᠠᠭᠤᠯᠵᠤ ᠬᠥᠮᠦᠨ ᠦ᠌ ᠬᠣᠳᠣᠭᠣᠳᠣ ᠪᠠ ᠨᠤᠭᠤᠯᠤᠭᠤᠷ ᠭᠡᠳᠡᠰᠦᠨ ᠦ᠌ ᠢᠯᠵᠠᠷᠠᠮᠠᠯ ᠦᠷᠪᠢᠰᠦᠯ ᠢ᠋ ᠵᠠᠰᠠᠳᠠᠭ᠃
ᠬᠣᠳᠣᠭᠣᠳᠣᠨ ᠤ᠋ ᠵᠠᠩᠭᠢᠷᠠᠭᠠ
ᠬᠠᠶᠠ ᠵᠠᠷᠢᠮ ᠦᠬᠡᠷ ᠦ᠋ᠨ ᠬᠣᠳᠣᠭᠣᠳᠣᠨ ᠳ᠋ᠤ᠌ ᠵᠠᠩᠭᠢᠷᠠᠭᠠ ᠪᠦᠷᠢᠯᠳᠦᠭᠰᠡᠨ ᠪᠠᠢᠵᠤ ᠮᠡᠳᠡᠨᠡ ᠃ ᠡᠨᠡ ᠨᠢ ᠮᠥᠨ ᠴᠦ᠍ ᠭᠢᠸᠠᠩ ᠲᠠᠢ ᠠᠳᠠᠯᠢ ᠬᠢᠲᠠᠳ᠂ ᠮᠣᠩᠭᠣᠯ ᠡᠮ ᠦ᠋ᠨ ᠨᠠᠢᠷᠠᠭᠤᠯᠭᠠ ᠳ᠋ᠤ᠌ ᠬᠣᠪᠣᠷ ᠴᠤᠬᠠᠭ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠲᠣᠭᠲᠠᠪᠤᠷᠢᠵᠢᠭᠤᠯᠤᠨ ᠂ ᠣᠭᠰᠢᠵᠤ ᠪᠥᠭᠡᠯᠵᠢᠬᠦ ᠶ᠋ᠢ ᠵᠣᠭᠰᠣᠭᠠᠬᠤ ᠬᠦᠴᠦᠨ ᠲᠡᠢ ᠪᠣᠯᠬᠣᠷ ᠤᠯᠠᠭᠠᠨ ᠬᠣᠭᠣᠯᠠᠢ ᠶ᠋ᠢᠨ ᠥᠮᠡᠨ ᠂ ᠬᠥᠯᠭᠡ ᠣᠩᠭᠣᠴᠠ ᠂ ᠲᠡᠷᠭᠡᠨ ᠳ᠋ᠦ᠍ ᠰᠠᠭᠤᠵᠤ ᠪᠥᠭᠡᠯᠵᠢᠰᠦ ᠬᠦᠷᠬᠦ ᠶ᠋ᠢ ᠰᠡᠷᠭᠡᠢᠯᠡᠵᠦ ᠴᠢᠳᠠᠨᠠ᠃
ᠪᠥᠭᠡᠷᠡ
ᠦᠬᠡᠷ ᠦ᠋ᠨ ᠪᠥᠭᠡᠷᠡ ᠨᠢ ᠬᠥᠮᠦᠨ ᠢᠳᠡᠬᠦ ᠳ᠋ᠦ᠍ ᠠᠮᠲᠠᠲᠠᠢ ᠪᠥᠭᠡᠳ ᠮᠥᠨ ᠡᠮ ᠦᠢᠯᠡᠳᠪᠦᠷᠢᠯᠡᠬᠦ ᠳ᠋ᠦ᠍ ᠳᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠨᠢᠭᠡᠨ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ᠃ ᠡᠮ ᠨᠠᠢᠷᠠᠭᠤᠯᠳᠠᠭ ᠃
ᠪᠥᠭᠡᠷᠡ ᠳᠡᠭᠡᠷᠡᠬᠢ ᠪᠤᠯᠴᠢᠷᠬᠠᠢ
ᠦᠬᠡᠷ ᠦ᠋ᠨ ᠪᠥᠭᠡᠷᠡ ᠶ᠋ᠢᠨ ᠥᠭᠡᠬᠦᠨ ᠳᠣᠲᠣᠷᠠ ᠪᠠᠭᠯᠠᠭᠳᠠᠵᠤ ᠪᠠᠢᠭᠠ ᠴᠣᠷᠭᠣ ᠦᠭᠡᠢ ᠵᠢᠵᠢᠭ ᠤᠯᠠᠭᠠᠨ ᠬᠦᠷᠡᠩ ᠬᠠᠪᠲᠠᠭᠠᠢᠯᠢᠭ᠋ ᠬᠠᠲᠠᠭᠤ ᠶᠠᠭᠤᠮᠠ ᠪᠢᠯᠡ ᠃ ᠡᠨᠡ ᠨᠢ ᠢᠬᠡᠷᠡ ᠪᠠᠢᠳᠠᠭ᠃ ᠪᠠᠷᠠᠭᠤᠨ ᠰᠦᠪᠡᠭᠡᠨ ᠦ᠌ ᠪᠤᠯᠴᠢᠷᠬᠠᠢ ᠨᠢ ᠪᠠᠷᠠᠭᠤᠨ ᠪᠥᠭᠡᠷᠡᠨ ᠦ᠌ ᠡᠮᠦᠨᠡ ᠦᠵᠦᠭᠦᠷ ᠲᠦ᠍ ᠣᠷᠣᠰᠢᠵᠤ ᠂ ᠬᠠᠲᠠᠭᠤᠷᠠᠪᠠᠯ ᠱᠣᠪᠣᠭᠣᠷ ᠪᠣᠯᠴᠢᠬᠠᠳᠠᠭ ᠃ ᠵᠡᠭᠦᠨ ᠰᠦᠪᠡᠭᠡᠨ ᠦ᠌ ᠪᠤᠯᠴᠢᠷᠬᠠᠢ ᠨᠢ ᠠᠷᠤ ᠬᠣᠩᠭᠢᠯ ᠤ᠋ᠨ ᠬᠥᠬᠡ ᠰᠤᠳᠠᠯ ᠤ᠋ᠨ ᠳᠣᠲᠣᠷᠠ ᠠᠷᠤ ᠪᠠᠷ ᠢ᠋ᠶ᠋ᠠᠨ ᠬᠠᠯᠢᠰᠤᠲᠤ ᠤᠯᠠᠭᠠᠨ ᠰᠤᠳᠠᠯ ᠲᠠᠢ ᠬᠣᠯᠪᠣᠭᠳᠠᠵᠤ ᠭᠤᠷᠪᠠᠯᠵᠢᠨ ᠪᠤᠶᠤ ᠡᠰᠡᠬᠦᠯᠡ ᠱᠣᠪᠣᠭᠣᠷ ᠬᠡᠯᠪᠡᠷᠢ ᠪᠡᠷ ᠪᠠᠢᠳᠠᠭ ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠵᠢᠷᠦᠬᠡ ᠶ᠋ᠢ ᠴᠢᠩᠭᠠᠷᠠᠭᠤᠯᠵᠤ᠂ ᠠᠮᠢᠰᠬᠤᠭᠠ ᠴᠢᠬᠤᠯᠳᠠᠬᠤ ᠪᠠ ᠲᠦᠷᠭᠡᠨ ᠬᠠᠷᠰᠢᠮᠠᠲᠠᠭᠠᠢ ᠤᠷᠪᠠᠯ ᠢ᠋ ᠵᠠᠰᠠᠳᠠᠭ ᠃ ᠪᠠᠰᠠ ᠨᠢᠭᠡ ᠵᠦᠢᠯ ᠦ᠋ᠨ ᠨᠠᠢᠷᠠᠭᠤᠯᠭᠠ ᠨᠢ ᠪᠥᠭᠡᠷᠡ ᠶ᠋ᠢᠨ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃
ᠭᠦᠵᠡᠭᠡ
ᠦᠬᠡᠷ ᠦ᠋ᠨ ᠭᠦᠵᠡᠭᠡ ᠶ᠋ᠢ ᠬᠥᠮᠦᠨ ᠢᠳᠡᠳᠡᠭ ᠪᠥᠭᠡᠳ ᠨᠡᠩ ᠴᠢᠬᠤᠯᠠ ᠨᠢ ᠠᠵᠤ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠨ ᠴᠠᠭ ᠠᠭᠤᠷ ᠤ᠋ᠨ ᠬᠡᠮᠵᠢᠭᠦᠷ ᠦ᠋ᠨ ᠪᠠᠭᠠᠵᠢ ᠪᠠ ᠲᠤᠷᠰᠢᠯᠲᠠ ᠶ᠋ᠢᠨ ᠨᠠᠷᠢᠨ ᠰᠢᠯᠭᠠᠭᠤᠷ ᠬᠢᠳᠡᠭ ᠃ ᠪᠠᠰᠠ ᠠᠩᠬᠢᠯᠤᠮᠠ ᠦᠨᠦᠷᠲᠡᠢ ᠬᠣᠪᠣᠷ ᠴᠤᠬᠠᠭ ᠭᠣᠶᠣᠯᠠᠯ ᠴᠢᠮᠡᠭᠯᠡᠯ ᠦ᠋ᠨ ᠡᠳ᠋ ᠬᠢᠬᠦ ᠡᠴᠡ ᠭᠠᠳᠠᠨᠠ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠦ᠍ ᠬᠡᠷᠡᠭᠯᠡᠵᠦ ᠪᠠᠢᠳᠠᠭ᠃
ᠮᠤᠬᠤᠷ ᠣᠯᠣᠭᠠᠢ
ᠦᠬᠡᠷ ᠦ᠋ᠨ ᠮᠤᠬᠤᠷ ᠣᠯᠣᠭᠠᠢ ᠶ᠋ᠢ ᠰᠠᠢᠲᠤᠷ ᠴᠡᠪᠡᠷᠯᠡᠭᠡᠳ ᠴᠢᠳᠬᠤᠮᠠᠯ ᠭᠡᠳᠡᠰᠦ ᠬᠢᠳᠡᠭ ᠃
ᠪᠦᠳᠦᠭᠦᠨ ᠂ ᠨᠠᠷᠢᠨ ᠭᠡᠳᠡᠰᠦ
ᠦᠬᠡᠷ ᠦ᠋ᠨ ᠪᠦᠳᠦᠭᠦᠨ᠂ ᠨᠠᠷᠢᠨ ᠭᠡᠳᠡᠰᠦ ᠶ᠋ᠢ ᠴᠢᠳᠬᠤᠵᠤ ᠢᠳᠡᠳᠡᠭ ᠡᠴᠡ ᠭᠠᠳᠠᠨᠠ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠢᠳᠬᠤᠮᠠᠯ ᠮᠢᠬᠠᠨ ᠭᠡᠳᠡᠰᠦ ᠬᠢᠳᠡᠭ᠃
ᠥᠨᠳᠡᠭᠡᠪᠴᠢ
ᠥᠨᠳᠡᠭᠡᠪᠴᠢ ᠪᠣᠯ ᠦᠨᠢᠶᠡᠨ ᠳ᠋ᠦ᠍ ᠪᠠᠢᠳᠠᠭ᠃ ᠬᠡᠪᠡᠯᠢ ᠶ᠋ᠢᠨ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠲᠤᠰ ᠪᠦᠷᠢ ᠨᠢᠭᠡ ᠪᠠᠢᠬᠤ ᠪᠥᠭᠡᠳ ᠪᠠᠷᠤᠭ ᠨᠢ ᠵᠥᠭᠡᠢ ᠶ᠋ᠢᠨ ᠡᠭᠦᠷ ᠲᠡᠢ ᠲᠥᠰᠦᠭᠡᠲᠡᠢ᠂ ᠶᠠᠭᠠᠨ ᠥᠩᠭᠡᠲᠡᠢ ᠪᠠᠢᠳᠠᠭ ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮ ᠨᠠᠢᠷᠠᠭᠤᠯᠵᠤ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠡᠪᠡᠯᠢ ᠠᠭᠰᠢᠵᠤ ᠰᠤᠯᠠᠷᠠᠬᠤ ᠶ᠋ᠢ ᠵᠠᠰᠠᠨᠠ ᠃
ᠬᠠᠷᠪᠢᠰᠤ
ᠪᠠᠰᠠ ᠭᠡᠭᠡᠰᠢ ᠭᠡᠳᠡᠭ ᠃ ᠡᠨᠡ ᠨᠢ ᠦᠨᠢᠶᠡᠨ ᠳ᠋ᠦ᠍ ᠯᠡ ᠪᠠᠢᠳᠠᠭ᠃ ᠡᠨᠡ ᠪᠣᠯ ᠦᠨᠢᠶᠡᠨ ᠦ᠌ ᠬᠡᠪᠡᠯᠢ ᠳᠣᠲᠣᠷᠠ ᠦᠷᠡ ᠲᠣᠭᠲᠠᠵᠤ ᠲᠤᠭᠤᠯ ᠪᠣᠢᠵᠢᠵᠤ ᠪᠠᠢᠭᠠ ᠰᠠᠪᠠ ᠮᠥᠨ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠦ᠌ ᠵᠢᠷᠦᠬᠡ ᠠᠭᠤᠰᠬᠢ ᠶ᠋ᠢ ᠲᠠᠮᠢᠷᠵᠢᠭᠤᠯᠵᠤ ᠂ ᠰᠠᠨᠠᠭᠠ ᠰᠡᠳᠬᠢᠯ ᠢ᠋ ᠠᠮᠤᠷᠵᠢᠭᠤᠯᠬᠤ ᠴᠢᠳᠠᠯᠲᠠᠢ ᠪᠠᠢᠳᠠᠭ᠃ ᠲᠤᠬᠠᠢᠯᠠᠪᠠᠯ ᠬᠦᠢᠲᠡᠨ ᠬᠥᠯᠥᠰᠥ ᠭᠠᠷᠬᠤ ᠂ ᠲᠠᠮᠢᠷᠳᠠᠬᠤ ᠂ ᠲᠤᠷᠠᠬᠤ ᠂ ᠡᠷᠡ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠠᠵᠢᠯᠯᠠᠭᠠ ᠳᠣᠷᠣᠢᠲᠠᠬᠤ ᠂ ᠳᠤᠰᠤᠯ ᠠᠯᠳᠠᠬᠤ ᠠᠮᠢᠰᠬᠤᠭᠠᠳᠠᠬᠤ ᠂ ᠡᠮᠡᠭᠲᠡᠢᠴᠦᠳ ᠦ᠋ᠨ ᠰᠦ ᠳᠤᠲᠠᠬᠤ ᠂ ᠵᠢᠷᠮᠦᠰᠦᠯᠡᠬᠦ ᠦᠭᠡᠢ ᠵᠡᠷᠭᠡ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ ᠃ ᠪᠠᠰᠠ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠯᠭᠡ ᠶ᠋ᠢᠨ ᠡᠷᠬᠡᠲᠡᠨ ᠦ᠌ ᠪᠣᠢᠵᠢᠯᠲᠠ ᠭᠦᠢᠴᠡᠳ ᠦᠭᠡᠢ ᠪᠣᠯᠬᠤ ᠂ ᠰᠠᠷᠠ ᠶ᠋ᠢᠨ ᠬᠬᠢᠷ ᠲᠡᠩᠴᠡᠭᠦᠷᠢ ᠦᠭᠡᠢ ᠪᠣᠯᠬᠤ ᠂ ᠴᠢᠰᠤ ᠪᠠᠭᠤᠯᠭᠠᠬᠤ ᠂ ᠭᠡᠳᠡᠰᠦ ᠡᠪᠡᠳᠬᠦ ᠵᠡᠷᠭᠡ ᠶ᠋ᠢ ᠵᠠᠰᠠᠳᠠᠭ ᠪᠥᠭᠡᠳ ᠬᠠᠮᠠᠷ ᠤ᠋ᠨ ᠦᠷᠪᠢᠰᠦᠯ ᠂ ᠰᠠᠯᠪᠤᠷᠢ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠶ᠋ᠢᠨ ᠦᠷᠪᠢᠰᠦᠯ ᠂ ᠬᠢᠲᠤᠭᠠ ᠶ᠋ᠢᠨ ᠰᠣᠷᠪᠢ ᠶ᠋ᠢᠨ ᠬᠠᠲᠠᠭᠤᠷᠠᠯ ᠵᠡᠷᠭᠡ ᠶ᠋ᠢ ᠴᠦ᠍ ᠵᠠᠰᠠᠨᠠ᠃
ᠳᠠᠪᠤᠰᠠᠩ
ᠦᠬᠡᠷ ᠦ᠋ᠨ ᠳᠠᠪᠤᠰᠠᠩ ᠢ᠋ ᠡᠯᠳᠡᠵᠦ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠤᠰᠤᠨ ᠤ᠋ ᠰᠠᠪᠠ ᠪᠤᠶᠤ ᠠᠶᠠᠯᠠᠨ ᠵᠣᠷᠴᠢᠭᠴᠢ ᠶ᠋ᠢᠨ ᠬᠦᠨᠡᠰᠦᠨ ᠦ᠌ ᠬᠠᠲᠠᠭᠠᠭᠰᠠᠨ ᠮᠢᠬᠠ ᠬᠢᠵᠦ ᠪᠣᠯᠳᠠᠭ᠃
ᠳᠠᠪᠤᠰᠠᠩ ᠤ᠋ᠨ ᠴᠢᠯᠠᠭᠤᠵᠢᠯ
ᠳᠠᠪᠤᠰᠠᠩ ᠳᠣᠲᠣᠷᠠ ᠬᠠᠶᠠ ᠳ᠋ᠠᠭᠠᠨ ᠴᠢᠯᠠᠭᠤᠵᠢᠯ ᠪᠦᠷᠢᠯᠳᠦᠭᠰᠡᠨ ᠲᠣᠬᠢᠶᠠᠯᠳᠤᠳᠠᠭ᠃ ᠳᠠᠪᠤᠰᠠᠩ ᠤ᠋ᠨ ᠴᠢᠯᠠᠭᠤᠵᠢᠯ ᠨᠢ ᠪᠠᠰᠠ ᠨᠢᠭᠡ ᠶᠣᠰᠣᠨ ᠤ᠋ ᠭᠢᠸᠠᠩ ᠲᠠᠢ ᠠᠳᠠᠯᠢ ᠮᠣᠩᠭᠣᠯ ᠂ ᠬᠢᠲᠠᠳ ᠡᠮ ᠦ᠋ᠨ ᠨᠠᠢᠷᠠᠯᠭᠠ ᠶ᠋ᠢᠨ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ ᠃ ᠡᠭᠦᠨ ᠢ᠋ᠶ᠋ᠡᠷ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠰᠢᠩᠭᠡᠯᠲᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠵᠤ ᠂ ᠬᠠᠪᠤᠳᠠᠷ ᠢ᠋ ᠲᠠᠷᠬᠠᠭᠠᠨ ᠭᠡᠳᠡᠰᠦ ᠬᠥᠭᠡᠭᠡᠬᠦ ᠶ᠋ᠢ ᠵᠠᠰᠠᠬᠤ ᠴᠢᠳᠠᠯᠲᠠᠢ ᠶ᠋ᠢᠨ ᠤᠴᠢᠷ ᠰᠢᠭᠡᠰᠦ ᠬᠣᠷᠢᠭᠳᠠᠬᠤ ᠶ᠋ᠢ ᠵᠠᠰᠠᠳᠠᠭ ᠃
ᠦᠷᠡ ᠶ᠋ᠢᠨ ᠰᠢᠩᠭᠡᠨ ᠪᠤᠯᠴᠢᠷᠬᠠᠢ
ᠡᠨᠡ ᠨᠢ ᠦᠬᠡᠷ ᠦ᠋ᠨ ᠰᠢᠭᠡᠬᠦ ᠰᠦᠪᠡ ᠶ᠋ᠢᠨ ᠳᠡᠭᠡᠳᠦ ᠦᠵᠦᠭᠦᠷ ᠦ᠋ᠨ ᠠᠷᠤ ᠳ᠋ᠤ᠌ ᠪᠠᠢᠬᠤ ᠪᠥᠭᠡᠳ ᠴᠣᠷᠭᠣ ᠨᠢ ᠰᠢᠭᠡᠬᠦ ᠰᠦᠪᠡ ᠶ᠋ᠢᠨ ᠳᠣᠣᠷᠠ ᠲᠠᠯᠠ ᠲᠠᠢ ᠨᠡᠢᠯᠡᠵᠦ ᠪᠠᠢᠳᠠᠭ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮ ᠨᠠᠢᠷᠠᠭᠤᠯᠵᠤ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠡᠦᠬᠡᠳ ᠭᠠᠷᠬᠤ ᠶ᠋ᠢ ᠲᠦᠷᠭᠡᠳᠬᠡᠬᠦ ᠳ᠋ᠦ᠍ ᠤᠤᠭᠤᠯᠭᠠᠬᠤ ᠪᠤᠶᠤ ᠡᠮᠡᠭᠲᠡᠢᠴᠦᠳ ᠦ᠋ᠨ ᠦᠷᠡ ᠲᠣᠭᠲᠠᠬᠤ ᠶ᠋ᠢ ᠬᠣᠷᠢᠭᠯᠠᠬᠤ ᠳ᠋ᠤ᠌ ᠤᠤᠭᠤᠯᠭᠠᠳᠠᠭ᠃
ᠰᠢᠯᠢ
ᠦᠬᠡᠷ ᠦ᠋ᠨ ᠰᠢᠯᠢ ᠪᠡᠷ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠲᠣᠣᠷ ᠪᠥᠮᠪᠥᠭᠡ ᠪᠣᠯᠤᠨ ᠥᠲᠥᠨ ᠪᠥᠮᠪᠥᠭᠡ ᠶ᠋ᠢᠨ ᠰᠠᠪᠠᠭᠤᠷ ᠤ᠋ᠨ ᠥᠭᠡᠰᠢ ᠬᠢᠳᠡᠭ ᠶᠦ᠍ᠮ ᠃ ᠡᠨᠡ ᠨᠢ ᠪᠥᠬᠡ ᠮᠥᠷᠲᠡᠭᠡᠨ ᠬᠠᠷᠢᠮᠠᠭ ᠴᠢᠨᠠᠷᠲᠠᠢ ᠪᠠᠢᠳᠠᠭ᠃
ᠰᠢᠨᠳᠠᠰᠤ
ᠦᠬᠡᠷ ᠦ᠋ᠨ ᠰᠢᠨᠳᠠᠰᠤ ᠪᠣᠯ ᠦᠬᠡᠷ ᠦ᠋ᠨ ᠠᠷᠤ ᠴᠣᠬᠣ ᠠ᠋ᠴᠠ ᠬᠦᠵᠦᠭᠦᠦ ᠳᠠᠭᠠᠤ ᠦᠷᠭᠦᠯᠵᠢᠯᠡᠵᠦ ᠰᠡᠭᠡᠷ ᠦ᠋ᠨ ᠡᠮᠦᠨᠡ ᠦᠵᠦᠭᠦᠷ ᠬᠦᠷᠲᠡᠯᠡ ᠪᠠᠢᠭᠠ ᠰᠢᠷᠪᠥᠰᠥᠯᠢᠭ ᠡᠳ᠋ ᠪᠣᠯᠤᠨᠠ ᠃ ᠡᠭᠦᠨ ᠢ᠋ᠶ᠋ᠡᠷ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠵᠡᠷᠭᠡ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠶ᠋ᠢ ᠣᠷᠢᠶᠠᠬᠤ ᠪᠣᠭᠣᠬᠤ ᠳ᠋ᠤ᠌ ᠬᠡᠷᠡᠭᠯᠡᠪᠡᠯ ᠶᠡᠬᠡ ᠰᠠᠢᠨ ᠂ ᠪᠥᠬᠡ ᠪᠠᠢᠳᠠᠭ᠃
ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠂ ᠲᠥᠪᠥᠩᠬᠡᠢ
ᠡᠨᠡ ᠨᠢ ᠦᠬᠡᠷ ᠦ᠋ᠨ ᠬᠦᠵᠦᠭᠦᠨ ᠦ᠌ ᠳᠣᠣᠭᠤᠷ ᠤᠯᠠᠭᠠᠨ ᠬᠣᠭᠣᠯᠠᠢ ᠲᠠᠢ ᠬᠠᠮᠲᠤ ᠣᠷᠣᠰᠢᠬᠤ ᠪᠥᠭᠡᠳ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠶᠡᠬᠡ ᠬᠡᠷᠡᠭᠴᠡᠭᠡᠲᠡᠢ ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠥᠮᠦᠨ ᠣ ᠲᠣᠯᠣᠭᠠᠢ ᠡᠪᠡᠳᠬᠦ᠂ ᠮᠡᠳᠡᠷᠡᠯ ᠡᠪᠡᠳᠬᠦ ᠂ ᠡᠯᠡ ᠵᠦᠢᠯ ᠦ᠋ᠨ ᠡᠯᠢᠭᠡᠨ ᠦ᠌ ᠦᠷᠪᠢᠰᠦᠯ ᠂ ᠯᠤᠭᠰᠢᠭᠤᠨ ᠰᠤᠳᠠᠯ ᠤ᠋ᠨ ᠡᠪᠡᠳᠴᠢᠨ ᠂ ᠴᠢᠰᠤᠨ ᠠᠭᠰᠢᠯᠲᠠ ᠶ᠋ᠢ ᠵᠠᠰᠠᠬᠤ ᠪᠥᠭᠡᠳ ᠥᠲᠡᠯᠬᠦ ᠶ᠋ᠢ ᠤᠳᠠᠭᠠᠰᠢᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠡᠢ᠃
ᠪᠠᠮᠪᠠᠢ ᠪᠤᠯᠴᠢᠷᠬᠠᠢ
ᠦᠬᠡᠷ ᠦ᠋ᠨ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠲᠠᠢ ᠬᠣᠯᠪᠣᠯᠳᠤᠵᠤ ᠪᠠᠢᠳᠠᠭ ᠃ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠨᠢ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠶ᠋ᠢᠨ ᠬᠣᠶᠠᠷ ᠬᠠᠵᠠᠭᠤ ᠳ᠋ᠤ᠌ ᠲᠤᠰ ᠪᠦᠷᠢ ᠨᠢᠭᠡ ᠪᠠᠢᠵᠤ ᠂ ᠬᠦᠷᠡᠩ ᠤᠯᠠᠭᠠᠨ ᠥᠩᠭᠡᠲᠡᠢ ᠪᠠᠢᠳᠠᠭ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠮᠥᠨ ᠡᠮ ᠨᠠᠢᠷᠠᠭᠤᠯᠭᠠ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠂ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠶ᠋ᠢᠨ ᠠᠵᠢᠯᠯᠠᠭᠠ ᠮᠠᠭᠤᠳᠠᠭᠰᠠᠨ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃
ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠶ᠋ᠢᠨ ᠬᠠᠵᠠᠭᠤ ᠶ᠋ᠢᠨ ᠪᠤᠯᠴᠢᠷᠬᠠᠢ
ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠶ᠋ᠢᠨ ᠬᠠᠵᠠᠭᠤ ᠶ᠋ᠢᠨ ᠪᠤᠯᠴᠢᠷᠬᠠᠢ ᠪᠣᠯ ᠭᠠᠳᠠᠷ ᠳᠣᠲᠣᠷᠠ ᠲᠤᠰ ᠪᠦᠷᠢ ᠨᠢᠭᠡ ᠬᠣᠣᠰ ᠪᠠᠢᠳᠠᠭ ᠃ ᠭᠠᠳᠠᠷ ᠨᠢᠭᠡ ᠬᠣᠣᠰ ᠨᠢ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠶ᠋ᠢᠨ ᠡᠮᠦᠨᠡ ᠲᠠᠯᠠ ᠳ᠋ᠠᠬᠢ ᠭᠣᠣᠯ ᠴᠢᠰᠤᠨ ᠰᠤᠳᠠᠯ ᠤ᠋ᠨ ᠣᠢᠷᠠᠯᠴᠠᠭᠠ ᠣᠷᠣᠰᠢᠵᠤ ᠪᠠᠢᠳᠠᠭ ᠃ ᠳᠣᠲᠣᠷᠠ ᠨᠢᠭᠡ ᠬᠣᠣᠰ ᠨᠢ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠶ᠋ᠢᠨ ᠳᠣᠲᠣᠷᠠ ᠲᠠᠯᠠ ᠳ᠋ᠤ᠌ ᠣᠷᠣᠰᠢᠵᠤ ᠪᠠᠢᠬᠤ ᠪᠥᠭᠡᠳ ᠭᠠᠳᠠᠷ ᠪᠣᠯᠴᠢᠷᠠᠬᠠᠢ ᠠ᠋ᠴᠠ ᠪᠠᠭᠠ ᠪᠠᠢᠳᠠᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠭᠠᠳᠠᠭ᠃
ᠲᠠᠷᠢᠬᠢ
ᠦᠬᠡᠷ ᠦ᠋ᠨ ᠲᠠᠷᠢᠬᠢ ᠨᠢ ᠭᠠᠪᠠᠯᠠ ᠶᠠᠰᠤᠨ ᠳᠣᠲᠣᠷᠠ ᠪᠠᠢᠳᠠᠭ ᠃ ᠰᠢᠮᠡ ᠲᠡᠵᠢᠭᠡᠯ ᠦ᠋ᠨ ᠠᠭᠤᠯᠤᠭᠳᠠᠴᠠ ᠡᠯᠪᠡᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠰᠥᠰᠥᠨ ᠣ ᠠᠯᠺᠣᠣᠯ ᠢ᠋ ᠢᠯᠭᠠᠷᠠᠭᠤᠯᠤᠨ ᠠᠪᠴᠤ ᠴᠢᠳᠡᠮᠵᠢᠭᠦᠯᠦᠭᠴᠢ ᠬᠢᠵᠦ ᠪᠠᠢᠬᠤ ᠪᠠ ᠵᠣᠬᠢᠶᠠᠮᠠᠯ ᠭᠢᠸᠠᠩ ᠦᠢᠯᠡᠳᠪᠦᠷᠢᠯᠡᠬᠦ ᠳ᠋ᠦ᠍ ᠲᠦᠭᠦᠬᠡᠢ ᠡᠳ᠋ ᠪᠣᠯᠭᠠᠵᠤ ᠪᠣᠢ᠃ ᠪᠠᠰᠠ ᠬᠢᠮᠢ ᠶ᠋ᠢᠨ ᠲᠤᠷᠰᠢᠯᠲᠠ ᠶ᠋ᠢᠨ ᠤᠷᠪᠠᠯ ᠭᠠᠷᠭᠠᠬᠤ ᠡᠮ ᠬᠢᠬᠦ ᠪᠥᠭᠡᠳ ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢᠨ ᠬᠡᠰᠡᠭ ᠭᠠᠵᠠᠷ ᠤ᠋ᠨ ᠴᠢᠰᠤ ᠶ᠋ᠢ ᠵᠣᠭᠰᠣᠭᠠᠬᠤ ᠡᠮ ᠨᠠᠢᠷᠠᠭᠤᠯᠳᠠᠭ᠃ ᠵᠢᠴᠢ ᠬᠥᠮᠦᠨ ᠣ ᠰᠠᠯᠪᠤᠷᠢ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠰᠦᠢᠯᠡᠩᠨᠡᠬᠦ ᠂ ᠮᠡᠳᠡᠷᠡᠯ ᠮᠠᠭᠤᠳᠠᠬᠤ ᠂ ᠬᠠᠷᠰᠢᠮᠠᠲᠠᠭᠠᠢ ᠬᠠᠮᠠᠷ ᠤ᠋ᠨ ᠦᠷᠪᠢᠰᠦᠯ ᠢ᠋ ᠵᠠᠰᠠᠳᠠᠭ᠃
ᠲᠠᠷᠢᠬᠢᠨ ᠳᠣᠲᠣᠷᠠᠬᠢ ᠪᠤᠯᠴᠢᠷᠬᠠᠢ
ᠲᠠᠷᠢᠬᠢᠨ ᠳᠣᠲᠣᠷᠠᠬᠢ ᠪᠤᠯᠴᠢᠷᠬᠠᠢ ᠪᠣᠯ ᠶᠡᠬᠡ ᠲᠠᠷᠢᠬᠢᠨ ᠤ᠋ ᠳᠣᠣᠷᠠᠲᠤ ᠂ ᠮᠡᠳᠡᠷᠡᠯ ᠦ᠋ᠨ ᠬᠡᠰᠡᠭ ᠪᠠ ᠨᠢᠳᠦᠨ ᠦ᠌ ᠮᠡᠳᠡᠷᠡᠯ ᠦ᠋ᠨ ᠬᠡᠰᠡᠭ ᠦ᠋ᠨ ᠵᠠᠪᠰᠠᠷ ᠲᠤ᠌ ᠣᠷᠣᠰᠢᠳᠠᠭ ᠵᠢᠵᠢᠭ ᠪᠥᠮᠪᠥᠭᠡᠯᠢᠭ ᠪᠤᠯᠴᠢᠷᠬᠠᠢ ᠪᠣᠯᠤᠨᠠ᠃ ᠪᠠᠭᠠ ᠲᠠᠷᠢᠬᠢᠨ ᠤ᠋ ᠳᠣᠣᠷᠠ ᠣᠷᠣᠰᠢᠨᠠ᠃ ᠬᠡᠯᠪᠡᠷᠢ ᠨᠢ ᠳᠣᠯᠢᠶᠠᠪᠤᠷ ᠬᠤᠷᠤᠭᠤ ᠶ᠋ᠢᠨ ᠥᠨᠳᠡᠭᠡ ᠰᠢᠭ ᠪᠥᠮᠪᠥᠭᠡᠷ ᠬᠠᠪᠳᠠᠭᠠᠢᠯᠢᠭ ᠪᠥᠭᠡᠳ ᠭᠠᠳᠠᠭᠤᠷ ᠨᠢ ᠨᠢᠮᠭᠡᠨ ᠮᠥᠭᠡᠷᠰᠦ ᠪᠦᠷᠬᠦᠵᠦ ᠪᠠᠢᠳᠠᠭ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠡᠮ ᠨᠠᠢᠷᠠᠭᠤᠯᠵᠤ ᠬᠥᠩᠭᠡᠵᠢᠭᠰᠡᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠴᠢᠰᠤ ᠶᠡᠬᠡ ᠭᠠᠷᠬᠤ ᠪᠠ ᠰᠢᠭᠡᠰᠦ ᠠᠷᠪᠢᠳᠬᠤ ᠡᠪᠡᠳᠴᠢᠨ ᠢ ᠵᠠᠰᠠᠳᠠᠭ ᠪᠥᠭᠡᠳ ᠪᠠᠰᠠ ᠬᠥᠳᠡᠯᠦᠮᠡᠲᠡᠭᠡᠢ ᠬᠤᠶᠠᠩ ᠂ ᠦᠶᠡ ᠭᠡᠰᠢᠭᠦᠨ ᠣ ᠬᠤᠶᠠᠩᠯᠢᠭ ᠦᠷᠪᠢᠰᠦᠯ ᠢ᠋ ᠵᠠᠰᠠᠳᠠᠭ᠃
ᠪᠣᠭᠣᠷᠴᠣᠭ ᠤ᠋ᠨ ᠪᠤᠯᠴᠢᠷᠬᠠᠢ
ᠪᠣᠭᠣᠷᠴᠣᠭ ᠤ᠋ᠨ ᠪᠤᠯᠴᠢᠷᠬᠠᠢ ᠪᠣᠯ ᠲᠠᠷᠢᠬᠢᠨ ᠤ᠋ ᠭᠤᠷᠪᠠᠳᠤᠭᠠᠷ ᠭᠡᠷ ᠦ᠋ᠨ ᠳᠡᠭᠡᠲᠡᠢ ᠂ ᠳᠣᠪᠣ ᠲᠠᠷᠢᠬᠢ ᠪᠠ ᠰᠡᠭᠡᠷ ᠦ᠋ᠨ ᠵᠠᠪᠰᠠᠷ ᠲᠠᠬᠢ ᠬᠣᠩᠭᠢᠯ ᠳ᠋ᠤ᠌ ᠣᠷᠣᠰᠢᠳᠠᠭ ᠃ ᠥᠨᠳᠡᠭᠡᠯᠢᠭ ᠬᠡᠯᠪᠡᠷᠢᠲᠡᠢ ᠂ ᠤᠯᠠᠭᠠᠪᠲᠤᠷ ᠥᠩᠭᠡᠲᠡᠢ ᠵᠢᠵᠢᠭ ᠶᠠᠭᠤᠮᠠ ᠪᠣᠯᠤᠨᠠ᠃ ᠠᠨᠠᠭᠠᠬᠤ ᠤᠬᠠᠭᠠᠨ ᠤ᠋ ᠰᠤᠳᠤᠯᠭᠠᠨ ᠳ᠋ᠤ᠌᠂ ᠥᠮᠡᠨ ᠢ ᠰᠡᠷᠭᠡᠢᠯᠡᠬᠦ ᠡᠮ ᠦᠢᠯᠡᠳᠪᠦᠷᠢᠯᠡᠬᠦ ᠳ᠋ᠦ᠍ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠪᠣᠯᠭᠠᠳᠠᠭ ᠭᠡᠵᠦ ᠬᠡᠯᠡᠵᠦ ᠪᠣᠢ᠃
ᠨᠢᠳᠦ
ᠦᠬᠡᠷ ᠦ᠋ᠨ ᠨᠢᠳᠦ ᠪᠣᠯ ᠤᠬᠤᠷᠬᠠᠢ ᠳᠣᠲᠣᠷᠠ ᠣᠷᠣᠰᠢᠵᠤ ᠪᠠᠢᠳᠠᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠨᠢ ᠨᠢᠳᠦᠨ ᠦ᠌ ᠪᠦᠱᠦᠭᠦᠷᠭᠡᠬᠦ ᠡᠳ᠋ ᠪᠣᠯᠤᠨ ᠨᠢᠳᠦ ᠬᠤᠷᠴᠠᠳᠬᠠᠬᠤ ᠲᠠᠷᠢᠯᠭᠠ ᠶ᠋ᠢᠨ ᠡᠮ ᠬᠢᠵᠦ ᠪᠣᠯᠤᠨᠠ᠃
ᠬᠡᠯᠡ
ᠦᠬᠡᠷ ᠦ᠋ᠨ ᠬᠡᠯᠡ ᠨᠢ ᠰᠢᠮᠡ ᠲᠡᠵᠢᠭᠡᠯ ᠡᠯᠪᠡᠭ ᠮᠥᠷᠲᠡᠭᠡᠨ ᠨᠠᠷᠢᠯᠢᠭ ᠵᠥᠭᠡᠯᠡᠨ ᠰᠢᠷᠭᠡᠭᠲᠡᠢ ᠂ ᠰᠢᠷᠡᠭᠡᠨ ᠦ᠌ ᠬᠦᠢᠲᠡᠨ ᠨᠣᠭᠣᠭᠠᠨ ᠳ᠋ᠤ᠌ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠬᠣᠯᠢᠰᠢᠨ ᠢᠳᠡᠭᠡᠨ ᠭᠡᠮᠡᠨ ᠠᠯᠳᠠᠷᠰᠢᠵᠤ ᠪᠣᠢ ᠃ ᠢᠳᠡᠰᠢᠨ ᠦ᠌ ᠦᠢᠯᠡᠳᠪᠦᠷᠢ ᠭᠣᠣᠯᠳᠠᠭᠤ ᠭᠠᠳᠠᠭᠠᠳᠤ ᠳ᠋ᠤ᠌ ᠭᠠᠷᠭᠠᠬᠤ ᠭᠤᠸᠠᠨᠲᠤᠤ ᠬᠢᠬᠦ ᠶ᠋ᠢᠨ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠭᠠᠵᠤ ᠪᠠᠢᠨᠠ᠃
ᠴᠢᠬᠢ
ᠦᠬᠡᠷ ᠦ᠋ᠨ ᠴᠢᠬᠢ ᠶ᠋ᠢ ᠢᠳᠡᠰᠢᠨ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠡᠴᠡ ᠭᠠᠳᠠᠨᠠ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠴᠠᠪᠠᠤ ᠵᠡᠷᠭᠡ ᠶ᠋ᠢ ᠬᠢᠳᠡᠭ᠃
ᠡᠪᠡᠷ
ᠮᠣᠩᠭᠣᠯ ᠦᠬᠡᠷ ᠪᠣᠯᠤᠨ ᠤᠰᠤᠨ ᠦᠬᠡᠷ ᠦ᠋ᠨ ᠡᠪᠡᠷ ᠨᠢ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠢᠰ ᠦ᠋ᠨ ᠡᠪᠡᠷ ᠢ᠋ ᠣᠷᠣᠯᠠᠨ ᠡᠮ ᠨᠠᠢᠷᠠᠭᠤᠯᠵᠤ ᠪᠠᠢᠨᠠ ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠬᠠᠯᠠᠭᠤᠨ ᠢ᠋ ᠳᠠᠷᠤᠵᠤ ᠴᠢᠰᠤ ᠶ᠋ᠢ ᠰᠡᠷᠢᠭᠦᠳᠬᠡᠬᠦ ᠦᠢᠯᠡᠳᠦᠯ ᠲᠡᠢ ᠪᠣᠯᠬᠣᠷ ᠬᠥᠮᠦᠨ ᠦ᠌ ᠬᠠᠯᠠᠭᠤᠷᠠᠬᠤ ᠂ ᠰᠣᠯᠢᠶᠠ ᠦᠭᠡ ᠶᠠᠷᠢᠬᠤ ᠂ ᠶᠠᠷᠠ ᠶ᠋ᠢᠨ ᠬᠣᠣᠷ ᠂ ᠴᠢᠰᠤ ᠪᠠᠷ ᠪᠥᠭᠡᠯᠵᠢᠬᠦ ᠂ ᠬᠠᠮᠠᠷ ᠠ᠋ᠴᠠ ᠴᠢᠰᠤ ᠭᠠᠷᠬᠤ ᠂ ᠴᠢᠰᠤ ᠪᠠᠷ ᠪᠠᠭᠤᠯᠭᠠᠬᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠨᠠ᠃ ᠬᠢᠮᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠦᠬᠡᠷ ᠦ᠋ᠨ ᠡᠪᠡᠷ ᠢ᠋ᠶ᠋ᠡᠷ ᠭᠡᠷᠡᠯ ᠵᠢᠷᠤᠭ ᠤ᠋ᠨ ᠢᠯᠲᠠᠰᠤ ᠬᠢᠳᠡᠭ᠃
ᠮᠢᠬᠠᠨ ᠡᠪᠡᠷ
ᠦᠬᠡᠷ ᠦ᠋ᠨ ᠮᠢᠬᠠᠨ ᠡᠪᠡᠷ ᠪᠣᠯ ᠶᠠᠰᠤᠨ ᠡᠪᠡᠷ ᠦ᠋ᠨ ᠳᠣᠲᠣᠷᠠ ᠨᠢ ᠪᠠᠢᠳᠠᠭ ᠃ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠡᠭᠦᠨ ᠢ᠋ᠶ᠋ᠡᠷ ᠡᠮ ᠨᠠᠢᠷᠠᠭᠤᠯᠵᠤ ᠂ ᠡᠮᠡᠭᠲᠡᠢᠴᠦᠳ ᠦ᠋ᠨ ᠴᠢᠰᠤ ᠪᠠᠭᠤᠬᠤ ᠂ ᠤᠯᠠᠭᠠᠨ ᠴᠠᠭᠠᠨ ᠬᠬᠢᠷ ᠢᠷᠡᠬᠦ ᠂ ᠬᠥᠮᠦᠰ ᠦ᠋ᠨ ᠴᠢᠰᠤ ᠪᠠᠷ ᠰᠠᠭᠤᠯᠭᠠᠬᠤ ᠂ ᠬᠠᠮᠠᠷ ᠠ᠋ᠴᠠ ᠴᠢᠰᠤ ᠭᠠᠷᠬᠤ ᠂ ᠴᠢᠰᠤ ᠪᠠᠷ ᠰᠢᠭᠡᠬᠦ ᠵᠡᠷᠭᠡ ᠶ᠋ᠢ ᠵᠠᠰᠠᠳᠠᠭ ᠃ ᠳᠠᠭᠠᠯᠴᠠᠭ ᠤ᠋ᠨ ᠰᠢᠷᠪᠥᠰᠥ ᠦᠬᠡᠷ ᠦ᠋ᠨ ᠳᠠᠭᠠᠯᠴᠠᠭ ᠤ᠋ᠨ ᠰᠢᠷᠪᠥᠰᠥ ᠪᠣᠯ ᠮᠠᠰᠢ ᠪᠠᠶᠠᠯᠢᠭ ᠰᠢᠮᠡ ᠲᠡᠵᠢᠭᠡᠯᠲᠡᠢ ᠢᠳᠡᠭᠡᠨ ᠦ᠌ ᠵᠦᠢᠯ ᠪᠣᠯᠤᠨᠠ᠃
ᠲᠣᠢᠭ
ᠦᠬᠡᠷ ᠦ᠋ᠨ ᠲᠣᠢᠭ ᠢ᠋ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠭᠤᠯᠭᠤᠭᠤᠷ ᠲᠣᠰᠣ ᠬᠢᠬᠦ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠭᠠᠳᠠᠭ᠃
ᠲᠤᠭᠤᠷᠠᠢ ᠦᠬᠡᠷ ᠦ᠋ᠨ ᠬᠣᠭᠢᠰᠣ ᠪᠠᠷ ᠶᠠᠰᠤᠨ ᠲᠤᠭᠤᠷᠠᠢ ᠶ᠋ᠢᠨ ᠲᠠᠯᠬᠠ ᠬᠢᠵᠦ ᠪᠣᠢ᠃
ᠠᠷᠭᠠᠯ
ᠦᠬᠡᠷ ᠦ᠋ᠨ ᠠᠷᠭᠠᠯ ᠨᠢ ᠲᠤᠢᠯ ᠤ᠋ᠨ ᠰᠠᠢᠬᠠᠨ ᠲᠦᠯᠡᠰᠢ ᠪᠣᠯᠳᠠᠭ ᠃ ᠲᠡᠷᠡᠴᠢᠯᠡᠨ ᠪᠣᠯᠪᠠᠰᠤᠷᠠᠭᠤᠯᠤᠭᠠᠳ ᠪᠣᠷᠳᠣᠭᠤᠷ ᠬᠢᠵᠦ ᠴᠦ᠍ ᠪᠣᠯᠤᠨᠠ᠃ ᠪᠠᠭᠴᠠᠯᠠᠪᠠᠯ ᠂ ᠦᠬᠡᠷ ᠦ᠋ᠨ ᠠᠷᠠᠰᠤ ᠮᠢᠬᠠ ᠂ ᠠᠭᠤᠰᠬᠢ ᠂ ᠳᠡᠯᠢᠭᠦᠦ ᠡᠴᠡ ᠡᠬᠢᠯᠡᠨ ᠠᠷᠭᠠᠯ ᠪᠠᠭᠠᠰᠤᠨ ᠳ᠋ᠤ᠌ ᠬᠦᠷᠲᠡᠯᠡ ᠴᠥᠮ ᠬᠡᠷᠡᠭᠴᠡᠭᠡᠲᠡᠢ ᠡᠷᠳᠡᠨᠢ ᠭᠡᠳᠡᠭ ᠢ ᠮᠡᠳᠡᠬᠦ ᠬᠡᠷᠡᠭᠲᠡᠢ᠃
ᠲᠡᠮᠡᠭᠡᠨ ᠣ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠶ᠋ᠢᠨ ᠵᠦᠢᠯ
ᠲᠡᠮᠡᠭᠡᠨ ᠨᠣᠣᠰᠣ
ᠲᠡᠮᠡᠭᠡᠨ ᠦ᠌ ᠪᠡᠶᠡ ᠳ᠋ᠦ᠍ ᠤᠷᠭᠤᠭᠰᠠᠨ ᠤᠷᠲᠤ ᠵᠥᠭᠡᠯᠡᠨ ᠤᠩᠭᠠᠷᠢᠯ ᠦᠰᠦ ᠃ ᠤᠭ ᠨᠢ ᠳᠡᠭᠡᠰᠦ ᠲᠠᠮᠤᠬᠤ ᠂ ᠭᠠᠷ ᠨᠣᠣᠰᠣᠨ ᠨᠡᠬᠡᠮᠡᠯ ᠳ᠋ᠦ᠍ ᠬᠡᠷᠡᠭᠯᠡᠵᠦ ᠪᠠᠢᠯᠠ ᠃ ᠣᠳᠣ ᠶᠡᠬᠡ ᠶᠡᠬᠡ ᠨᠣᠣᠰᠣᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠤ ᠂ ᠰᠠᠨᠠᠵᠤ ᠳᠡᠢᠯᠦᠰᠢ ᠦᠭᠡᠢ ᠣᠯᠠᠨ ᠪᠠᠷᠠᠭᠠ ᠬᠢᠭᠳᠡᠵᠦ ᠪᠣᠢ᠃
ᠲᠡᠮᠡᠭᠡᠨ ᠵᠣᠭᠳᠣᠷ
ᠲᠡᠮᠡᠭᠡᠨ ᠬᠦᠵᠦᠭᠦᠨ ᠦ᠌ ᠡᠩᠭᠡᠯᠵᠡᠭᠦᠷ ᠪᠠ ᠡᠪᠦᠳᠦᠭ ᠢ᠋ᠶ᠋ᠡᠷ ᠤᠷᠭᠤᠳᠠᠭ ᠤᠷᠲᠤ ᠦᠰᠦ ᠃ ᠳᠡᠭᠡᠰᠦ ᠲᠠᠮᠤᠬᠤ ᠳ᠋ᠤ᠌ ᠵᠥᠭᠡᠯᠡᠨ ᠮᠥᠷᠲᠡᠭᠡᠨ ᠪᠥᠬᠡ ᠪᠠᠢᠳᠠᠭ ᠃ ᠣᠳᠣ ᠮᠥᠨ ᠨᠣᠣᠰᠣᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋ ᠪᠣᠯᠵᠠᠢ᠃
ᠲᠡᠮᠡᠭᠡᠨ ᠠᠷᠠᠰᠤ ᠲᠡᠮᠡᠭᠡᠨ ᠣ ᠪᠡᠶᠡ ᠶ᠋ᠢᠨ ᠭᠠᠳᠠᠭᠤᠷᠬᠢ ᠪᠦᠷᠬᠦᠭᠦᠯ ᠬᠥᠷᠥᠰᠥ᠃
ᠲᠡᠮᠡᠭᠡᠨ ᠰᠤᠷ ᠲᠡᠮᠡᠭᠡᠨ ᠠᠷᠠᠰᠤ ᠪᠠᠷ ᠬᠢᠭᠰᠡᠨ ᠰᠤᠷ ᠂ ᠭᠡᠷ ᠦ᠋ᠨ ᠦᠳᠡᠭᠡᠷᠢ ᠬᠢᠬᠦ ᠳ᠋ᠦ᠍ ᠪᠥᠬᠡ ᠪᠠᠢᠳᠠᠭ᠃
ᠲᠡᠮᠡᠭᠡᠨ ᠮᠢᠬᠠ
ᠲᠡᠮᠡᠭᠡᠨ ᠦ᠌ ᠶᠠᠰᠤ ᠠᠷᠠᠰᠤ ᠬᠣᠶᠠᠷ ᠤ᠋ᠨ ᠵᠠᠪᠰᠠᠷ ᠲᠠᠬᠢ ᠨᠡᠬᠡᠳᠡᠰᠦ ᠃ ᠪᠠᠩᠰᠢ ᠪᠤᠤᠰᠠ ᠶ᠋ᠢᠨ ᠰᠢᠶᠠᠨᠽᠢ ᠬᠢᠬᠦ ᠳ᠋ᠦ᠍ ᠣᠨᠴᠠ ᠰᠠᠢᠬᠠᠨ ᠪᠠᠢᠳᠠᠭ ᠃ ᠪᠣᠲᠣᠭᠣ ᠶ᠋ᠢᠨ ᠰᠢᠨᠡ ᠮᠢᠬᠠ ᠰᠢᠷᠠ ᠠ᠋ᠴᠠ ᠣᠯᠤᠭᠰᠠᠨ ᠰᠣᠯᠢᠶᠠ ᠡᠪᠡᠳᠴᠢᠨ ᠢ᠋ ᠵᠠᠰᠠᠨᠠ ᠃ ᠴᠠᠭ ᠳᠣᠳᠣᠮ ᠭᠡᠮ ᠦᠭᠡᠢ ᠳᠤᠷᠠ ᠪᠠᠷ ᠢᠳᠡᠪᠡᠯ ( ᠲᠡᠮᠡᠭᠡᠨ ᠮᠢᠬᠠ ) ᠴᠢᠬᠢ ᠳᠦᠭᠦᠷᠬᠦ ᠮᠠᠰᠢᠭᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠴᠢᠳᠠᠯᠲᠠᠢ ᠭᠡᠵᠦ 《ᠡᠮᠲᠦ ᠠᠮᠢᠲᠠᠨ 》 ᠳ᠋ᠤ᠌ ᠥᠭᠦᠯᠡᠵᠡᠢ᠃
ᠲᠡᠮᠡᠭᠡᠨ ᠥᠭᠡᠬᠦ
ᠲᠡᠮᠡᠭᠡᠨ ᠦ᠌ ᠪᠡᠶᠡ ᠳ᠋ᠦ᠍ ᠮᠢᠬᠠ ᠲᠠᠢ ᠠᠯᠠᠭᠯᠠᠨ ᠪᠠᠢᠭᠠ ᠪᠤᠶᠤ ᠭᠡᠳᠡᠰᠦᠨ ᠳᠡᠭᠡᠷᠡ ᠨᠥᠮᠥᠷᠦᠨ ᠪᠠᠢᠭᠠ ᠲᠣᠰᠣᠷᠬᠠᠭ ᠵᠦᠢᠯ ᠃ ᠪᠣᠭᠣᠷᠰᠣᠭ ᠬᠠᠭᠠᠷᠢᠬᠤ ᠳ᠋ᠤ᠌ ᠲᠤᠩ ᠰᠠᠢᠨ ᠃ ᠲᠡᠮᠡᠭᠡᠨ ᠥᠭᠡᠬᠦ ᠪᠣᠯ ᠪᠤᠷᠤᠩᠬᠤᠢ ᠰᠡᠭᠦᠳᠡᠷ ᠡᠪᠡᠳᠴᠢᠨ ᠂ ᠮᠠᠭᠤ ᠶᠠᠷᠠ ᠬᠣᠣᠷᠲᠤ ᠬᠠᠪᠤᠳᠠᠷ ᠵᠡᠷᠭᠡ ᠶ᠋ᠢ ᠵᠠᠰᠠᠬᠤ ᠳ᠋ᠤ᠌ ᠮᠠᠰᠢ ᠰᠠᠢᠨ ᠲᠤᠯᠠ ᠬᠣᠪᠣᠷ ᠨᠠᠨᠳᠢᠨ ᠡᠮ ᠦ᠋ᠨ ᠨᠠᠢᠷᠠᠯᠭᠠ ᠪᠣᠯᠠᠢ᠃ ᠢᠯᠠᠩᠭᠤᠶᠠ ᠬᠠᠪᠲᠠᠭᠠᠢ （ ᠵᠡᠷᠯᠢᠭ ᠲᠡᠮᠡᠭᠡ ) ᠶ᠋ᠢᠨ ᠲᠣᠰᠣ ᠶ᠋ᠢ ᠬᠠᠭᠠᠰ ᠬᠠᠯᠪᠠᠭᠠ ᠰᠢᠷᠭᠠᠭᠠᠳ ᠂ ᠲᠠᠪᠤᠨ ᠭᠷᠠᠮ ᠤᠰᠤ ᠪᠠᠷ ᠳᠠᠷᠤᠭᠤᠯᠵᠤ᠂ ᠥᠯᠥᠨ ᠢ᠋ᠶ᠋ᠡᠷ ᠤᠤᠭᠤᠪᠠᠯ ᠨᠠᠰᠤᠲᠠᠢ ᠬᠥᠮᠦᠨ ᠦ᠌ ᠬᠥᠯ ᠭᠠᠷ ᠮᠢᠨᠴᠦᠭᠦᠷᠡᠬᠦ ᠡᠮᠵᠡᠭ ᠢ᠋ ᠠᠯᠳᠠᠷᠠᠭᠠᠨᠠ ᠭᠡᠵᠦ 《ᠡᠮᠲᠦ ᠠᠮᠢᠲᠠᠨ 》 ᠳ᠋ᠤ᠌ ᠲᠡᠮᠳᠡᠭᠯᠡᠵᠡᠢ᠃
ᠲᠡᠮᠡᠭᠡᠨ ᠣ ᠶᠠᠰᠤ
ᠲᠡᠮᠡᠭᠡᠨ ᠮᠢᠬᠠᠨ ᠤ᠋ ᠳᠣᠲᠣᠭᠠᠳᠤ ᠳ᠋ᠠᠬᠢ ᠬᠠᠲᠠᠭᠤ ᠵᠦᠢᠯ᠃ ᠲᠡᠮᠡᠭᠡᠨ ᠣ 《ᠶᠠᠰᠤ ᠨᠢ ᠰᠢᠭᠡᠰᠦ ᠬᠠᠭᠠᠭᠳᠠᠭᠰᠠᠨ ᠢ᠋ ᠵᠠᠰᠠᠨᠠ 》ᠭᠡᠵᠦ 《ᠡᠮᠲᠦ ᠠᠮᠢᠲᠠᠨ 》 ᠳ᠋ᠤ᠌ ᠲᠡᠮᠳᠡᠭᠯᠡᠵᠦ ᠪᠣᠢ ᠃ ᠥᠩᠭᠡᠷᠡᠭᠰᠡᠨ ᠳ᠋ᠦ᠍ ᠲᠡᠮᠡᠭᠡᠨ ᠶᠠᠰᠤ ᠶ᠋ᠢ ᠴᠠᠭᠠ ᠪᠤᠶᠤ ᠰᠦᠨ ᠳ᠋ᠦ᠍ ᠳᠡᠪᠲᠦᠭᠡᠵᠦ ᠬᠠᠯᠪᠠᠭᠠ ᠂ ᠰᠠᠪᠬᠠ ᠂ ᠬᠤᠭᠤᠷ ᠤ᠋ᠨ ᠲᠣᠯᠣᠭᠠᠢ ᠂ ᠡᠮᠡᠭᠡᠯ ᠦ᠋ᠨ ᠬᠢᠷᠠ ᠂ ᠬᠢᠲᠤᠭᠠᠨ ᠰᠢᠭᠢᠳᠬᠡᠭᠦᠷ ᠭᠡᠬᠦ ᠮᠡᠲᠦ ᠶ᠋ᠢᠨ ᠬᠡ ᠤᠭᠠᠯᠵᠠ ᠭᠣᠶᠣᠯᠠᠯ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ ᠃ ᠣᠳᠣ ᠦᠢᠯᠡᠳᠪᠦᠷᠢᠯᠡᠵᠦ ᠂ ᠣᠬᠢ ᠰᠠᠢᠨ ᠢ᠋ᠶ᠋ᠠᠷ ᠨᠢ ᠡᠯᠡ ᠲᠥᠷᠥᠯ ᠦ᠋ᠨ ᠭᠡᠷᠡᠯ ᠵᠢᠷᠤᠭ ᠤ᠋ᠨ ᠢᠯᠲᠠᠰᠤ ᠬᠢᠵᠦ ᠳᠠᠷᠠᠭᠠᠯᠠᠪᠠᠯ ᠴᠠᠪᠠᠤ ᠬᠢᠵᠦ ᠂ ᠭᠤᠳᠠᠭᠠᠷᠯᠠᠪᠠᠯ ᠭᠣᠶᠣᠯᠠᠯ ᠬᠢᠵᠦ ᠂ ᠬᠠᠮᠤᠭ ᠰᠢᠭᠠᠷᠤᠭ ᠢ᠋ᠶ᠋ᠠᠷ ᠨᠢ ᠪᠣᠷᠳᠣᠭᠤᠷ ᠬᠢᠨᠡ᠃
ᠲᠡᠮᠡᠭᠡᠨ ᠪᠦᠬᠦ
ᠲᠡᠮᠡᠭᠡᠨ ᠦ᠌ ᠨᠢᠷᠤᠭᠤᠨ ᠳ᠋ᠤ᠌ ᠤᠷᠭᠤᠭᠰᠠᠨ ᠬᠣᠶᠠᠷ ᠭᠣᠨᠵᠣᠭᠣᠷ ᠬᠡᠦᠬᠡᠳ ᠰᠠᠭᠤᠭᠰᠠᠨ ᠮᠡᠲᠦ ᠥᠭᠡᠬᠦᠯᠢᠭ ᠮᠢᠬᠠ᠃ ᠲᠡᠮᠡᠭᠡᠨ ᠪᠦᠬᠦ ᠨᠢ ᠪᠤᠰᠤᠳ ᠮᠠᠯ ᠤ᠋ᠨ ᠡᠪᠴᠢᠭᠦᠨ ᠬᠡᠷᠰᠡᠩ ᠰᠢᠭ ᠥᠭᠡᠬᠦᠯᠢᠭ ᠢ᠋ᠶ᠋ᠡᠷ ᠪᠦᠷᠢᠯᠳᠦᠭᠰᠡᠨ ᠪᠥᠭᠡᠳ ᠪᠦᠬᠦ ᠲᠤᠰ ᠪᠦᠷᠢ 30 -50 ᠵᠢᠩ ᠬᠦᠨᠳᠦ ᠪᠠᠢᠳᠠᠭ᠃ ᠲᠡᠮᠡᠭᠡᠨ ᠪᠦᠬᠦ ᠨᠢ ᠬᠡᠳᠦᠢ ᠪᠡᠷ ᠥᠭᠡᠬᠦᠯᠢᠭ ᠪᠣᠯᠪᠠᠴᠤ ᠢᠳᠡᠬᠦ ᠳ᠋ᠦ᠍ ᠱᠠᠩᠳᠠᠭᠤᠨ ᠦᠭᠡᠢ᠂ ᠨᠢᠮᠭᠡᠨ ᠬᠠᠪᠢᠰᠤᠯᠠᠨ ᠬᠡᠷᠴᠢᠵᠦ ᠪᠤᠴᠠᠯᠭᠠᠭᠠᠳ ᠳᠠᠬᠢᠨ ᠲᠣᠰᠣᠨ ᠳ᠋ᠤ᠌ ᠪᠣᠯᠭᠣᠵᠤ ᠠᠪᠤᠭᠠᠳ ᠴᠠᠭᠠᠨ ᠰᠢᠬᠢᠷ ᠬᠢᠵᠦ ᠲᠡᠪᠰᠢᠯᠡᠵᠦ ᠢᠳᠡᠪᠡᠯ ᠶᠡᠬᠡ ᠠᠮᠲᠠᠲᠠᠢ ᠃ ᠮᠥᠨ ᠬᠠᠯᠠᠭᠤᠨ ᠲᠣᠭᠣᠭᠠᠨ ᠤ᠋ ᠰᠦᠪᠡᠭᠡ ( ᠬᠡᠭᠡᠰᠦ ) ᠬᠢᠵᠦ ᠪᠣᠯᠤᠨᠠ ᠃ ᠪᠠᠩᠰᠢ ᠪᠤᠤᠰᠠ ᠬᠢᠪᠡᠯ ᠲᠣᠰᠣᠷᠬᠠᠭ ᠠᠮᠲᠠᠲᠠᠢ ᠪᠣᠯᠳᠠᠭ᠃
ᠲᠡᠮᠡᠭᠡᠨ ᠲᠠᠪᠠᠭ ( ᠲᠠᠪᠠᠬᠠᠢ )
ᠲᠡᠮᠡᠭᠡᠨ ᠦ᠌ ᠬᠥᠯ ᠦ᠋ᠨ ᠠᠯᠠᠭᠠ᠃ ᠲᠡᠮᠡᠭᠡᠨ ᠲᠠᠪᠠᠬᠠᠢ ᠶ᠋ᠢᠨ ᠥᠭᠡᠬᠦᠯᠢᠭ ᠮᠢᠬᠠ ᠨᠢ ᠢᠮᠠᠬᠤ ᠢᠯᠡᠭᠦᠦ ᠵᠤᠵᠠᠭᠠᠨ ᠪᠠᠢᠳᠠᠭ ᠃ ᠪᠠᠷᠤᠭ 20- 25 ᠺᠦᠪ ᠰᠡᠨᠲ᠋ᠢᠮᠧᠲ᠋ᠷ ᠮᠢᠬᠠ ᠲᠠᠢ ᠪᠠᠢᠳᠠᠭ᠃ ᠲᠡᠮᠡᠭᠡᠨ ᠲᠠᠪᠠᠬᠠᠢ ᠶ᠋ᠢᠨ ᠵᠠᠭᠤᠰᠢ ᠨᠢ ᠥᠲᠡᠭᠡ ᠶ᠋ᠢᠨ ᠵᠠᠭᠤᠰᠢ ᠲᠠᠢ ᠲᠡᠩᠴᠡᠬᠦ ᠦᠨᠦᠷ ᠠᠮᠲᠠᠲᠠᠢ ᠲᠤᠯᠠ ᠤᠯᠤᠰ ᠤ᠋ᠨ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠳᠠᠢᠯᠠᠯᠭᠠ ᠶ᠋ᠢᠨ ᠰᠢᠷᠡᠭᠡᠨ ᠳ᠋ᠦ᠍ ᠣᠷᠣᠳᠠᠭ ᠪᠢᠯᠡ᠃
ᠲᠡᠮᠡᠭᠡᠨ ᠦ᠌ ᠰᠢᠯᠢ ᠰᠢᠷᠪᠥᠰᠥ
ᠲᠡᠮᠡᠭᠡᠨ ᠦ᠌ ᠪᠡᠶᠡ ᠳ᠋ᠦ᠍ ᠪᠠᠢᠳᠠᠭ ᠪᠤᠯᠴᠢᠩ ᠤ᠋ᠨ ᠪᠦᠯᠡᠬᠡ ᠰᠢᠨᠳᠠᠰᠤ᠂ ᠰᠢᠯᠢ ᠰᠢᠷᠪᠥᠰᠥ ᠲᠡᠮᠡᠭᠡᠨ ᠦ᠌ ᠲᠡᠭ᠍ᠵᠡᠨ ᠳ᠋ᠡᠬᠢ ᠲᠠᠬᠢᠯ ᠰᠢᠯᠢ ᠡᠴᠡ ᠵᠣ ᠶ᠋ᠢᠨ ᠰᠢᠷᠪᠥᠰᠥ ᠬᠦᠷᠲᠡᠯᠡ 6 ᠂ 7 ᠲᠣᠬᠣᠢ ᠤᠷᠲᠤ ᠂ 2 ᠢᠮᠠᠬᠤ ᠥᠷᠭᠡᠨ᠂ ᠢᠮᠠᠬᠤ ᠢᠯᠡᠭᠦᠦ ᠵᠤᠵᠠᠭᠠᠨ ᠰᠢᠷᠪᠥᠰᠥ ᠪᠠᠢᠳᠠᠭ᠃ ᠥᠩᠭᠡᠷᠡᠭᠰᠡᠨ ᠳ᠋ᠦ᠍ ᠪᠣᠯᠪᠠᠰᠤᠷᠠᠭᠤᠯᠵᠤ ᠡᠯᠳᠡᠭᠡᠳ ᠨᠤᠮᠤ ᠶ᠋ᠢᠨ ᠬᠥᠪᠴᠢ ᠬᠢᠬᠦ ᠪᠤᠶᠤ ᠶᠠᠭᠤᠮᠠ ᠣᠶᠣᠬᠤ ᠵᠡᠷᠭᠡ ᠬᠠᠲᠠᠭᠤ ᠰᠢᠨᠳᠠᠰᠤᠲᠠᠢ ᠶᠠᠭᠤᠮᠠᠨ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃ ᠣᠳᠣ ᠲᠡᠭᠦᠨ ᠢ᠋ ᠴᠠᠭᠠᠯᠠᠵᠤ ᠨᠤᠯᠲᠤ ᠴᠢᠨᠠᠵᠤ ᠬᠡᠷᠴᠢᠭᠡᠳ ᠦᠨᠦᠷ ᠠᠮᠲᠠᠲᠠᠨ ᠢ᠋ ᠬᠠᠴᠢᠷᠯᠠᠭᠠᠳ ᠬᠠᠭᠤᠷᠪᠠᠯ ᠨᠢᠭᠡᠨ ᠵᠦᠢᠯ ᠦ᠋ᠨ ᠠᠮᠲᠠᠲᠠᠢ ᠵᠠᠭᠤᠰᠢ ᠪᠣᠯᠳᠠᠭ ᠃ ᠠᠰ ᠲᠤᠨᠢ ᠴᠢᠨᠠᠵᠤ ᠢᠳᠡᠪᠡᠯ ᠬᠦᠴᠦᠨ ᠲᠠᠮᠢᠷ ᠨᠡᠮᠡᠭᠳᠡᠵᠦ ᠭᠡᠵᠢᠭᠡ ᠦᠰᠦᠨ ᠥᠩᠭᠡᠲᠡᠢ ᠪᠣᠯᠳᠠᠭ᠃
ᠲᠡᠮᠡᠭᠡᠨ ᠰᠡᠭᠦᠯ
ᠲᠡᠮᠡᠭᠡᠨ ᠪᠡᠶᠡ ᠶ᠋ᠢᠨ ᠲᠡᠭᠦᠰᠬᠡᠯ ᠬᠡᠰᠡᠭ᠃ ᠨᠢᠭᠡᠨ ᠲᠣᠬᠣᠢ ᠬᠠᠭᠠᠰ ᠤᠷᠲᠤ᠂ ᠢᠮᠠᠬᠤ ᠵᠤᠵᠠᠭᠠᠨ᠃ ᠬᠣᠨᠢᠨ ᠰᠡᠭᠦᠯ ᠲᠡᠢ ᠠᠳᠠᠯᠢ ᠥᠭᠡᠬᠦᠯᠢᠭ᠃ ᠴᠢᠨᠠᠵᠤ ᠢᠳᠡᠬᠦ ᠳ᠋ᠦ᠍ ᠲᠣᠰᠣᠯᠢᠭ ᠮᠥᠷᠲᠡᠭᠡᠨ ᠱᠠᠩᠳᠠᠬᠤ ᠦᠭᠡᠢ᠂ ᠣᠨᠴᠠ ᠱᠠᠩᠳᠠᠭᠤᠨ ᠠᠮᠲᠠᠲᠠᠢ᠃ ᠲᠡᠭᠦᠨ ᠢ᠋ ᠬᠡᠰᠡᠭᠯᠡᠨ ᠬᠡᠷᠴᠢᠵᠦ᠂ ᠦᠷᠡ ᠶ᠋ᠢᠨ ᠲᠤᠰᠤᠨᠠ ᠪᠣᠯᠭᠣᠵᠤ ᠰᠢᠬᠢᠷ ᠦ᠋ᠨ ᠵᠦᠢᠯ ᠬᠠᠴᠢᠷᠯᠠᠪᠠᠯ ᠨᠢᠭᠡᠨ ᠣᠨᠴᠠ ᠰᠠᠢᠬᠠᠨ ᠠᠮᠲᠠ ᠪᠦᠬᠦᠢ ᠵᠠᠭᠤᠰᠢ ᠪᠣᠯᠳᠠᠭ᠃
ᠲᠡᠮᠡᠭᠡᠨ ᠭᠦᠵᠡᠭᠡ
ᠲᠡᠮᠡᠭᠡᠨ ᠦ᠌ ᠢᠳᠡᠭᠰᠡᠨ ᠶᠠᠭᠤᠮᠠ ᠶ᠋ᠢ ᠠᠭᠤᠯᠳᠠᠭ ᠰᠠᠪᠠ᠃ ᠲᠡᠮᠡᠭᠡᠨ ᠭᠦᠵᠡᠭᠡ ᠨᠢ ᠨᠢᠭᠡᠨ ᠳᠠᠪᠬᠤᠷᠭᠠ ᠬᠤᠵᠢᠷᠬᠠᠢ᠂ ᠨᠢᠭᠡᠨ ᠳᠠᠪᠬᠤᠷᠭᠠ ᠥᠭᠡᠬᠦ ᠮᠡᠲᠦ ᠪᠡᠷ 4 ᠂ 5 ᠳᠠᠪᠬᠤᠷ ᠠᠯᠬᠠᠯᠠᠨ ᠪᠦᠲᠦᠭᠰᠡᠨ ᠪᠠᠢᠳᠠᠭ᠃ ᠴᠡᠪᠡᠷᠯᠡᠭᠡᠳ ᠴᠢᠨᠠᠵᠤ ᠦᠨᠦᠷ ᠠᠮᠲᠠᠲᠠᠨ ᠢ᠋ ᠬᠠᠴᠢᠷᠯᠠᠪᠠᠯ ᠣᠳᠣᠬᠢ ᠶ᠋ᠢᠨ ᠪᠠᠰᠠ ᠨᠢᠭᠡᠨ ᠠᠮᠲᠠᠲᠠᠢ ᠵᠠᠭᠤᠰᠢ ᠪᠣᠯᠳᠠᠭ᠃ ᠲᠡᠮᠡᠭᠡᠨ ᠬᠣᠳᠣᠭᠣᠳᠣ᠂ ᠭᠦᠵᠡᠭᠡ ᠶ᠋ᠢ ᠴᠢᠨᠠᠵᠤ ᠢᠳᠡᠪᠡᠯ ᠡᠰᠡ ᠰᠢᠩᠭᠡᠭᠰᠡᠨ ᠬᠣᠣᠷ ᠢ᠋ ᠠᠯᠳᠠᠷᠠᠭᠠᠵᠤ ᠰᠢᠩᠭᠡᠯᠲᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠡᠢ ᠭᠡᠵᠦ ᠪᠣᠢ᠃
ᠲᠡᠮᠡᠭᠡᠨ ᠰᠦ
ᠲᠡᠮᠡᠭᠡᠨ ᠦ᠌ ᠰᠦ ᠪᠡᠷ ᠴᠠᠭᠠᠨ ᠢᠳᠡᠭᠡ ᠬᠢᠳᠡᠭ ᠃ ᠴᠠᠢ ᠨᠡᠢᠯᠡᠭᠦᠯᠬᠦ ᠳ᠋ᠦ᠍ ᠬᠤᠪᠠᠨ ᠰᠢᠷᠠ ᠪᠣᠯᠵᠤ ᠬᠣᠷᠣᠬᠠᠢ ᠪᠣᠰᠬᠠᠳᠠᠭ᠃ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ ᠨᠢ ᠲᠡᠮᠡᠭᠡᠨ ᠠᠭᠠᠷᠤᠤᠯ ᠪᠣᠯᠤᠨᠠ᠃ ᠬᠡᠵᠢᠶᠡᠳᠡ ᠬᠠᠲᠠᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠲᠣᠰᠣ ᠳᠠᠭᠠᠭᠠᠭᠠᠳ ᠢᠳᠡᠬᠦ ᠳ᠋ᠦ᠍ ᠬᠡᠦᠷᠡᠭ ᠪᠠᠢᠳᠠᠭ᠃
ᠲᠡᠮᠡᠭᠡᠨ ᠬᠣᠷᠭᠣᠯ ᠠᠷᠭᠠᠯ ᠠ᠋ᠴᠠ ᠳᠤᠲᠠᠬᠤ ᠦᠭᠡᠢ ᠲᠦᠯᠡᠰᠢ ᠪᠣᠯᠳᠠᠭ ᠃
ᠬᠣᠨᠢᠨ ᠤ᠋ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠶ᠋ᠢᠨ ᠵᠦᠢᠯ
ᠬᠣᠨᠢᠨ ᠤᠩᠭᠠᠰᠤ
ᠬᠣᠨᠢᠨ ᠤ᠋ ᠪᠡᠶᠡ ᠳ᠋ᠦ᠍ ᠤᠷᠭᠤᠭᠰᠠᠨ ᠤᠷᠲᠤ ᠵᠥᠭᠡᠯᠡᠨ ᠨᠣᠣᠰᠣ᠃ ᠡᠷᠲᠡ ᠳ᠋ᠡᠭᠡᠨ ᠢᠰᠡᠭᠡᠢ ᠬᠢᠬᠦ᠂ ᠳᠡᠭᠡᠰᠦ ᠲᠠᠮᠤᠬᠤ ᠵᠡᠷᠭᠡ ᠪᠡᠷ ᠭᠡᠷ ᠪᠦᠷᠢᠵᠦ᠂ ᠳᠡᠪᠢᠰᠴᠦ ᠡᠳ᠋ᠯᠡᠵᠦ ᠪᠠᠢᠵᠠᠢ᠃ ᠣᠳᠣ ᠨᠣᠣᠰᠣᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠪᠠᠶᠠᠯᠢᠭ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠠᠢ᠃
ᠠᠬᠤᠷ ᠤ᠋ᠨ ᠤᠩᠭᠠᠰᠤ
ᠬᠣᠨᠢᠨ ᠤ᠋ ᠨᠠᠮᠤᠷ ᠲᠤ᠌ ᠬᠢᠷᠭᠠᠭᠳᠠᠭᠰᠠᠨ ᠤᠩᠭᠠᠰᠤ ᠂ ᠮᠠᠰᠢ ᠰᠠᠢᠨ ᠴᠢᠨᠠᠷ ᠤ᠋ᠨ ᠤᠩᠭᠠᠰᠤ᠃
ᠤᠷᠲᠤ ᠶ᠋ᠢᠨ ᠤᠩᠭᠠᠰᠤ ᠬᠠᠪᠤᠷ ᠤ᠋ᠨ ᠰᠡᠭᠦᠯ ᠂ ᠵᠤᠨ ᠤ᠋ ᠡᠬᠢᠨᠡ ᠬᠢᠷᠭᠠᠭᠳᠠᠭᠰᠠᠨ ᠤᠩᠭᠠᠰᠤ᠃
ᠤᠩᠭᠠᠰᠤ ᠰᠠᠪᠠᠬᠤ ᠤᠩᠭᠠᠰᠤ ᠶ᠋ᠢ ᠰᠠᠪᠠᠭᠠ ᠪᠠᠷ ᠲᠡᠯᠡᠳᠦᠯᠬᠢᠯᠡᠨ ᠬᠥᠪᠦᠩᠵᠢᠭᠦᠯᠬᠦ᠃
ᠤᠩᠭᠠᠰᠤ ᠨᠤᠮᠤᠳᠠᠬᠤ
ᠲᠤᠰᠬᠠᠢ ᠬᠢᠭᠰᠡᠨ ᠬᠥᠪᠴᠢᠬᠦᠷ ᠢ᠋ᠶ᠋ᠡᠷ ᠤᠩᠭᠠᠰᠤ ᠶ᠋ᠢ ᠬᠥᠪᠴᠢᠳᠡᠨ ᠬᠥᠪᠦᠩᠵᠢᠭᠦᠯᠬᠦ᠃
ᠤᠩᠭᠠᠰᠤ ᠤᠷᠠᠬᠤ ᠨᠣᠣᠰᠣ ᠶ᠋ᠢ ᠭᠠᠷ ᠢ᠋ᠶ᠋ᠠᠷ ᠰᠡᠮᠡᠴᠢᠬᠦ ᠃
ᠤᠩᠭᠠᠰᠤ ᠵᠣᠯᠠᠬᠤ
ᠢᠰᠡᠭᠡᠢ ᠬᠢᠬᠦ ᠪᠡᠷ ᠨᠢᠮᠭᠡᠨ ᠵᠤᠵᠠᠭᠠᠨ ᠢ᠋ ᠨᠢ ᠲᠠᠭᠠᠷᠠᠭᠤᠯᠵᠤ ᠤᠷᠠᠵᠤ ᠲᠠᠯᠪᠢᠬᠤ ᠃
ᠲᠡᠬᠢ ( ᠳᠠᠭᠠᠬᠢ ) ᠰᠢᠷᠢᠯᠳᠦᠭᠰᠡᠨ ᠦᠰᠦ ᠤᠩᠭᠠᠰᠤ ᠪᠤᠶᠤ ᠬᠢᠯᠭᠠᠰᠤ ᠵᠡᠷᠭᠡ᠃
ᠲᠡᠬᠢ ᠪᠡᠨ ᠭᠡᠭᠡᠬᠦ
ᠮᠠᠯ ᠭᠥᠷᠦᠭᠡᠰᠦᠨ ᠦ᠌ ᠬᠠᠭᠤᠴᠢᠨ ᠬᠠᠭᠳᠠ ᠦᠰᠦ ᠪᠡᠨ ᠬᠠᠯᠠᠬᠤ᠃ ᠲᠡᠬᠢ ᠳᠣᠲᠣᠷᠠ ᠬᠦᠯᠦᠭ ᠂ ᠳᠠᠬᠤ ᠳᠣᠲᠣᠷᠠ ᠪᠠᠭᠠᠲᠤᠷ ᠂ ᠠᠭᠲᠠ ᠶ᠋ᠢ ᠪᠦᠦ ᠴᠢᠮᠠᠯᠠ ᠂ ᠡᠷᠡ ᠶ᠋ᠢ ᠪᠦᠦ ᠪᠠᠰᠤ ᠭᠡᠰᠡᠨ ᠵᠦᠢᠷ ᠦᠭᠡ ᠪᠣᠢ᠃
ᠬᠣᠨᠢᠨ ᠠᠷᠠᠰᠤ
ᠬᠣᠨᠢᠨ ᠤ᠋ ᠪᠡᠶᠡ ᠶ᠋ᠢᠨ ᠭᠠᠳᠠᠭᠤᠷᠬᠢ ᠪᠦᠷᠬᠦᠭᠦᠯ ᠬᠥᠷᠥᠰᠥ ᠃ ᠢᠳᠡᠭᠡᠯᠡᠵᠦ ᠡᠯᠳᠡᠭᠡᠳ ᠮᠠᠯᠠᠭᠠᠢ ᠳᠡᠪᠡᠯ ᠂ ᠥᠮᠥᠳᠥ᠂ ᠬᠥᠨᠵᠢᠯᠡ ᠵᠡᠷᠭᠡ ᠶ᠋ᠢ ᠦᠢᠯᠡᠳᠴᠦ ᠡᠳ᠋ᠯᠡᠳᠡᠭ ᠃ ᠣᠳᠣ ᠪᠣᠯ ᠡᠯᠳᠡᠪ ᠵᠢᠰᠦᠮ ᠢ᠋ᠶ᠋ᠡᠷ ᠦᠢᠯᠡᠳᠴᠦ ᠰᠣᠨᠢᠨ ᠰᠡᠪᠡᠭᠦᠨ ᠡᠳ᠋ᠯᠡᠯ ᠬᠢᠵᠦ ᠪᠣᠢ ᠃ ᠠᠷᠠᠰᠤ ᠰᠢᠷᠢ ᠶ᠋ᠢᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠪᠠᠶᠠᠯᠢᠭ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠤ ᠪᠣᠢ᠃
ᠬᠣᠨᠢᠨ ᠮᠢᠬᠠ
ᠬᠣᠨᠢᠨ ᠤ᠋ ᠶᠠᠰᠤ ᠂ ᠠᠷᠠᠰᠤ ᠬᠣᠶᠠᠷ ᠤ᠋ᠨ ᠵᠠᠪᠰᠠᠷ ᠲᠠᠬᠢ ᠨᠡᠬᠡᠳᠡᠰᠦ᠃ ᠬᠣᠨᠢᠨ ᠮᠢᠬᠠ ᠪᠣᠯ ᠮᠢᠬᠠᠨ ᠳᠣᠲᠣᠷᠠ ᠬᠠᠮᠤᠭ ᠤ᠋ᠨ ᠠᠮᠲᠠᠲᠠᠢ᠂ ᠬᠠᠮᠤᠭ ᠤ᠋ᠨ ᠡᠷᠬᠢᠮ ᠪᠣᠯᠵᠤ ᠪᠡᠯᠡᠭ᠂ ᠳᠠᠢᠯᠠᠯᠭᠠ ᠶ᠋ᠢᠨ ᠡᠮᠦᠨᠡ ᠶᠠᠪᠤᠳᠠᠭ᠃ ᠭᠠᠭᠴᠠ ᠬᠣᠨᠢᠨ ᠤᠭᠤᠴᠠᠨ ᠳ᠋ᠤ᠌ 7 - 8 ᠵᠦᠢᠯ ᠪᠠᠢᠳᠠᠭ᠃ ᠬᠣᠨᠢᠨ ᠮᠢᠬᠠ ᠱᠥᠯᠥ ᠳ᠋ᠡᠭᠡᠨ ᠲᠤᠯᠲᠠᠯᠠ ᠬᠥᠮᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠰᠢᠮᠡ ᠠᠴᠢ ᠪᠣᠯᠳᠠᠭ᠃ ᠤᠯᠠᠭᠠᠨ ᠢᠳᠡᠭᠡᠨ ᠳ᠋ᠦ᠍ ᠨᠠᠷᠢᠨ ᠶᠠᠷᠢᠭᠰᠠᠨ ᠲᠤᠯᠠ ᠡᠨᠳᠡ ᠣᠯᠠᠨ ᠳᠠᠪᠲᠠᠬᠤ ᠦᠭᠡᠢ᠃
ᠬᠣᠨᠢᠨ ᠥᠭᠡᠬᠦ
ᠬᠣᠨᠢᠨ ᠤ᠋ ᠪᠡᠶᠡ ᠳ᠋ᠦ᠍ ᠮᠢᠬᠠ ᠲᠠᠢ ᠠᠯᠬᠠᠯᠠᠨ ᠪᠠᠢᠭᠠ ᠪᠤᠶᠤ ᠭᠡᠳᠡᠰᠦᠨ ᠳᠡᠭᠡᠷᠡ ᠨᠥᠮᠥᠷᠴᠦ ᠪᠦᠬᠦᠢ ᠨᠢᠮᠭᠡᠨ ᠪᠠᠢᠭᠠ ᠲᠣᠰᠣᠯᠢᠭ ᠵᠦᠢᠯ᠃ ᠰᠢᠮᠡ ᠲᠡᠵᠢᠭᠡᠯ ᠢ᠋ᠶ᠋ᠡᠷ ᠪᠠᠶᠠᠯᠢᠭ ᠡᠳ᠋᠂ ᠲᠣᠰᠣ ᠶ᠋ᠢ ᠨᠢ ᠰᠢᠬᠠᠨ ᠠᠪᠴᠤ ᠂ ᠪᠣᠭᠣᠷᠰᠣᠭ ᠬᠠᠭᠠᠷᠢᠬᠤ ᠂ ᠨᠣᠭᠣᠭᠠ ᠴᠠᠭᠠ ᠬᠠᠭᠤᠷᠬᠤ ᠵᠡᠷᠭᠡ ᠳ᠋ᠦ᠍ ᠡᠷᠬᠢᠮ ᠡᠳ᠋᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠰᠠᠪᠤᠩ ᠂ ᠭᠠᠨᠶᠢᠤ ᠂ ᠡᠯᠡ ᠵᠦᠢᠯ ᠦ᠋ᠨ ᠥᠭᠡᠬᠦᠨ ᠬᠦᠴᠢᠯ ᠂ ᠳᠤᠰᠤᠯᠠᠬᠤ ᠲᠣᠰᠣ ᠬᠢᠬᠦ ᠴᠢᠬᠤᠯᠠ ᠲᠦᠭᠦᠬᠡᠢ ᠡᠳ᠋ ᠪᠣᠯᠤᠨᠠ᠃
ᠬᠣᠨᠢᠨ ᠰᠦ
ᠬᠣᠨᠢᠨ ᠤ᠋ ᠬᠥᠬᠥᠨ ᠡᠴᠡ ᠭᠠᠷᠬᠤ ᠴᠠᠭᠠᠨ ᠰᠢᠷᠠᠩᠭᠤᠢᠪᠲᠤᠷ ᠥᠩᠭᠡᠲᠡᠢ ᠰᠢᠩᠭᠡᠨ ᠵᠦᠢᠯ᠃ ᠮᠠᠨ ᠤ᠋ ᠮᠣᠩᠭᠣᠯᠴᠤᠳ ᠰᠦᠨ ᠢ᠋ ᠡᠷᠬᠢᠮᠯᠡᠨ ᠰᠠᠭᠠᠵᠤ ᠲᠡᠭᠦᠨ ᠢ᠋ᠶ᠋ᠡᠷ ᠬᠤᠷᠤᠳ ᠂ ᠰᠢᠷᠠ ᠲᠣᠰᠣ ᠂ ᠡᠭᠡᠵᠡᠭᠡᠢ ᠂ ᠠᠭᠠᠷᠤᠤᠯ ᠂ ᠴᠠᠭᠠᠨ ᠲᠣᠰᠣ ᠂ ᠵᠥᠭᠡᠬᠡᠢ ᠂ ᠥᠷᠥᠮᠡ ᠂ ᠪᠢᠰᠢᠯᠡᠭ ᠂ ᠠᠢᠷᠠᠭ ᠂ ᠲᠠᠷᠠᠭ ᠬᠢᠵᠦ ᠴᠠᠢ ᠰᠦᠯᠡᠬᠦ ᠮᠡᠲᠦ ᠪᠡᠷ ᠢᠳᠡᠰᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠭᠠᠰ ᠢ᠋ ᠬᠠᠩᠭᠠᠳᠠᠭ ᠃ ᠪᠠᠰᠠ ᠠᠷᠠᠰᠤ ᠰᠢᠷᠢ ᠢᠳᠡᠭᠡᠯᠡᠬᠦ ᠂ ᠣᠳᠣ ᠪᠣᠯ ᠰᠦ ᠶ᠋ᠢᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠤ ᠪᠣᠢ᠃
ᠬᠣᠨᠢᠨ ᠤᠭᠤᠴᠠ
ᠨᠢᠷᠤᠭᠤᠨ ᠤ᠋ ᠰᠡᠭᠡᠷᠲᠦ ᠰᠦᠪᠡᠷᠭᠡ ᠡᠴᠡ ᠠᠬᠤᠷ ᠰᠡᠭᠦᠯ ᠬᠦᠷᠲᠡᠯᠡᠬᠢ ᠬᠡᠰᠡᠭ᠃ ᠳᠠᠢᠯᠠᠯᠭᠠ ᠶ᠋ᠢᠨ ᠣᠬᠢ ᠂ ᠡᠷᠬᠢᠮ ᠬᠦᠨᠳᠦᠲᠦ ᠢᠳᠡᠭᠡᠨ᠃
ᠬᠣᠨᠢᠨ ᠡᠪᠴᠢᠭᠦᠦ
ᠴᠡᠭᠡᠵᠢᠨ ᠦ᠌ ᠳᠣᠣᠷᠠᠲᠤ ᠬᠡᠰᠡᠭ ᠂ ᠬᠡᠦᠬᠡᠨ ᠡᠷᠭᠢᠬᠦ ᠂ ᠡᠮᠡᠭᠲᠡᠢ ᠬᠥᠮᠦᠰ ᠢ᠋ ᠳᠠᠢᠯᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠡᠷᠬᠢᠮ ᠮᠢᠬᠠ᠃
ᠬᠣᠨᠢᠨ ᠰᠡᠭᠦᠯ
ᠬᠣᠨᠢᠨ ᠤ᠋ ᠬᠣᠢᠲᠤ ᠲᠡᠭᠦᠰᠬᠡᠯ ᠦ᠋ᠨ ᠥᠭᠡᠬᠦᠯᠢᠭ ᠬᠡᠰᠡᠭ᠃ ᠤᠭᠤᠴᠠ ᠶ᠋ᠢᠨ ᠨᠡᠷᠡ ᠲᠥᠷᠥ ᠶ᠋ᠢ ᠠᠪᠴᠤ ᠭᠠᠷᠬᠤ ᠬᠡᠰᠡᠭ᠃ ᠮᠣᠩᠭᠣᠯ ᠬᠣᠨᠢᠨ ᠤ᠋ ᠰᠡᠭᠦᠯ ᠭᠡᠭᠴᠢ ᠲᠠᠪᠠᠭ᠂ ᠰᠢᠷᠡᠭᠡ ᠳᠠᠪᠠᠵᠤ ᠪᠠᠭᠤᠭᠰᠠᠨ ᠪᠠᠢᠳᠠᠭ᠃
ᠬᠣᠨᠢᠨ ᠶᠠᠰᠤ
ᠬᠣᠨᠢᠨ ᠮᠢᠬᠠᠨ ᠤ᠋ ᠳᠣᠲᠣᠭᠠᠳᠤ ᠳ᠋ᠠᠬᠢ ᠬᠠᠲᠠᠭᠤ ᠵᠦᠢᠯ ᠃ ᠶᠠᠰᠤᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠪᠠᠶᠠᠯᠢᠭ ᠮᠠᠲ᠋ᠧᠷᠢᠶᠠᠯ ᠃ ᠬᠣᠭᠢᠰᠣ ᠨᠢ ᠬᠦᠷᠲᠡᠯᠡ ᠭᠡᠭᠡᠭᠳᠡᠰᠢ ᠦᠭᠡᠢ ᠡᠷᠭᠢᠮᠨᠡᠭᠳᠡᠵᠦ ᠪᠠᠢᠨᠠ᠃
ᠬᠣᠨᠢᠨ ᠬᠣᠷᠭᠣᠯ
ᠲᠦᠯᠡᠰᠢ ᠪᠣᠯᠭᠠᠬᠤ ᠠ᠋ᠴᠠ ᠭᠠᠳᠠᠨᠠ ᠲᠠᠷᠢᠶᠠᠯᠠᠩ ᠤ᠋ᠨ ᠣᠨᠴᠠ ᠰᠠᠢᠨ ᠪᠣᠷᠳᠣᠭᠤᠷ ᠪᠣᠯᠳᠠᠭ᠃
ᠴᠢᠰᠤ ᠂ ᠰᠥᠰᠥ ᠂ ᠨᠣᠢᠷ ᠂ ᠲᠠᠷᠢᠬᠢ
ᠬᠣᠨᠢ ᠢᠮᠠᠭᠠᠨ ᠤ᠋ ᠴᠢᠰᠤ ᠂ ᠰᠥᠰᠥ ᠂ ᠨᠣᠢᠷ ᠂ ᠲᠠᠷᠢᠬᠢᠨ ᠤ᠋ ᠠᠰᠢᠭ ᠰᠢᠮᠡ ᠬᠢᠭᠡᠳ ᠬᠡᠷᠡᠭᠴᠡᠭᠡ ᠨᠢ ᠦᠬᠡᠷ ᠦ᠋ᠨ ᠬᠢ ᠲᠡᠢ ᠦᠨᠳᠦᠰᠦᠨ ᠳ᠋ᠡᠭᠡᠨ ᠠᠳᠠᠯᠢ ᠲᠤᠯᠠ ᠡᠨᠳᠡ ᠨᠤᠷᠰᠢᠬᠤ ᠦᠭᠡᠢ᠃
ᠡᠯᠢᠭᠡ
ᠬᠣᠨᠢ᠂ ᠢᠮᠠᠭᠠᠨ ᠤ᠋ ᠡᠯᠢᠭᠡ ᠪᠣᠯ ᠪᠡᠶᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠤᠨ ᠲᠡᠵᠢᠭᠡᠯ ᠨᠥᠬᠥᠪᠥᠷᠢᠯᠡᠬᠦ ᠪᠠ ᠨᠢᠳᠦ ᠶ᠋ᠢ ᠲᠣᠳᠣᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠡᠢ᠃ ᠲᠡᠢᠨ ᠬᠦ᠌ ᠨᠢᠳᠦᠨ ᠬᠠᠷᠠᠩᠭᠠ᠂ ᠴᠢᠰᠤ ᠳᠤᠲᠠᠬᠤ ᠪᠠ ᠪᠡᠶᠡ ᠲᠠᠮᠢᠷᠳᠠᠬᠤ ᠂ ᠡᠴᠡᠵᠦ ᠲᠤᠷᠠᠬᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠪᠣᠢ ᠃ ᠡᠯᠢᠭᠡ ᠪᠣᠯ ᠰᠢᠮᠡ ᠲᠡᠵᠢᠭᠡᠯ ᠢ᠋ᠶ᠋ᠡᠷ ᠪᠠᠶᠠᠯᠢᠭ ᠢᠳᠡᠭᠡᠨ᠃
ᠡᠪᠡᠷ
ᠬᠣᠨᠢᠨ ᠤ᠋ ᠡᠪᠡᠷ᠂ ᠵᠢᠷᠦᠬᠡᠨ ᠪᠤᠯᠴᠢᠩ ᠢ᠋ ᠬᠥᠭᠡᠷᠦᠭᠦᠯᠵᠦ ᠴᠢᠰᠤᠨ ᠳᠠᠷᠤᠯᠲᠠ ᠶ᠋ᠢ ᠪᠠᠭᠤᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠡᠢ᠃ ᠡᠢᠨ ᠬᠦ᠌ ᠬᠡᠷᠢᠰ ᠦ᠋ᠨ ᠡᠪᠡᠷ ᠢ᠋ ᠣᠷᠣᠯᠠᠭᠤᠯᠤᠨ ᠡᠮ ᠳ᠋ᠦ᠍ ᠣᠷᠣᠵᠤ ᠪᠣᠢ᠃ ᠢᠮᠠᠭᠠᠨ ᠤ᠋ ᠡᠪᠡᠷ ᠨᠢ ᠲᠠᠢᠳᠬᠤᠷᠠᠭᠤᠯᠤᠨ ᠠᠮᠤᠷᠵᠢᠭᠤᠯᠬᠤ ᠦᠢᠯᠡᠳᠦᠯ ᠢ᠋ᠶ᠋ᠡᠷ ᠰᠠᠢᠨ ᠤᠴᠢᠷ ᠤᠨᠠᠳᠠᠭ ᠡᠪᠡᠳᠴᠢᠨ ᠢ᠋ ᠵᠠᠰᠠᠬᠤ ᠡᠮ ᠨᠠᠢᠷᠠᠭᠤᠯᠵᠤ ᠪᠣᠢ᠃
ᠭᠡᠳᠡᠰᠦ
ᠬᠣᠨᠢ ᠢᠮᠠᠭᠠᠨ ᠤ᠋ ᠭᠡᠳᠡᠰᠦ ᠨᠢ ᠴᠢᠳᠬᠤᠵᠤ ᠢᠳᠡᠬᠦ ᠳ᠋ᠦ᠍ ᠰᠠᠢᠬᠠᠨ ᠠ᠋ᠴᠠ ᠭᠠᠳᠠᠨᠠ᠂ ᠣᠳᠣ ᠢᠳᠡᠭᠡᠨ ᠦ᠌ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠢᠮᠠ ᠪᠠ ᠪᠣᠷᠳᠣᠭᠰᠠᠨ ᠭᠡᠳᠡᠰᠦᠨ ᠣ ᠬᠠᠯᠢᠰᠤ ᠬᠢᠬᠦ ᠵᠢᠴᠢ ᠴᠢᠪᠬᠠᠲᠠᠰᠤᠨ ᠤ᠋ ᠤᠲᠠᠰᠤ᠂ ᠪᠥᠮᠪᠦᠭᠡᠨ ᠲᠣᠣᠷ ᠂ ᠬᠥᠪᠥᠩ ᠦ᠋ᠨ ᠨᠤᠮᠤᠳᠠᠭᠤᠷ᠂ ᠬᠥᠭᠵᠢᠮ ᠦ᠋ᠨ ᠪᠠᠭᠠᠵᠢ᠂ ᠬᠤᠢᠪᠢ ᠵᠡᠷᠭᠡ ᠶ᠋ᠢ ᠬᠢᠵᠦ ᠪᠣᠢ᠃ ᠡᠮᠨᠡᠯᠭᠡ ᠳ᠋ᠦ᠍ ᠰᠢᠷᠬᠠ ᠣᠶᠣᠬᠤ ᠤᠲᠠᠰᠤ ᠬᠢᠳᠡᠭ᠃
ᠬᠡᠪᠡᠯᠢ ᠳ᠋ᠡᠬᠢ ᠬᠤᠷᠠᠭᠠ ᠢᠰᠢᠭᠡ
ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠠᠭᠤᠰᠬᠢᠨ ᠤ᠋ ᠰᠦᠷᠢᠶᠡ ᠪᠠ ᠲᠠᠮᠢᠷᠳᠠᠨ ᠮᠠᠭᠤᠵᠢᠷᠠᠵᠤ ᠬᠠᠨᠢᠶᠠᠬᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃
ᠶᠠᠰᠤ
ᠬᠣᠨᠢ ᠢᠮᠠᠭᠠᠨ ᠤ᠋ ᠶᠠᠰᠤ ᠨᠢ ᠡᠮ ᠦ᠋ᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠳᠠᠭ᠃ ᠨᠠᠢᠷᠠᠭᠤᠯᠤᠭᠰᠠᠨ ᠡᠮ ᠨᠢ ᠨᠢᠷᠤᠭᠤ ᠡᠪᠡᠳᠬᠦ᠂ ᠰᠢᠷᠪᠥᠰᠥ ᠲᠠᠲᠠᠯᠳᠤᠬᠤ᠂ ᠨᠢᠷᠤᠭᠤ ᠡᠪᠦᠳᠦᠭ ᠬᠦᠴᠦ ᠥᠬᠡᠢ᠂ ᠴᠢᠰᠤᠨ ᠢᠯᠲᠠᠰᠤ ᠪᠠᠭᠠᠰᠬᠤ ᠴᠢᠨᠠᠷ ᠪᠦᠬᠦᠢ ᠪᠤᠶᠤ ᠲᠣᠯᠪᠣ ᠭᠠᠷᠬᠤ ᠪᠠ ᠲᠥᠷᠥᠬᠦ ᠨᠢ ᠮᠠᠭᠤᠳᠠᠬᠤ ᠴᠢᠰᠤ ᠳᠤᠲᠠᠬᠤ ᠡᠪᠡᠳᠴᠢᠨ ᠢ᠋ ᠵᠠᠰᠠᠳᠠᠭ᠃ ᠪᠤᠰᠤᠳ ᠨᠢ ᠦᠬᠡᠷ ᠦ᠋ᠨ ᠬᠢ ᠲᠡᠢ ᠠᠳᠠᠯᠢ᠃
ᠢᠮᠠᠭᠠᠨ ᠤ᠋ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠶ᠋ᠢᠨ ᠵᠦᠢᠯ
ᠢᠮᠠᠭᠠᠨ ᠤ᠋ ᠪᠡᠶᠡ ᠡᠴᠡ ᠭᠠᠷᠬᠤ ᠭᠠᠷᠤᠯᠲᠠ ᠨᠢ ᠦᠨᠳᠦᠰᠦᠨ ᠳ᠋ᠡᠭᠡᠨ ᠬᠣᠨᠢᠨ ᠠ᠋ᠴᠠ ᠭᠠᠷᠬᠤ ᠭᠠᠷᠤᠯᠲᠠ ᠲᠠᠢ ᠠᠳᠠᠯᠢ ᠪᠠᠢᠳᠠᠭ᠃ ᠲᠡᠢᠨ ᠬᠦ᠌ ᠡᠨᠳᠡ ᠢᠯᠡᠭᠦᠦ ᠨᠤᠷᠰᠢᠬᠤ ᠦᠭᠡᠢ ᠃ ᠭᠡᠪᠡᠴᠦ ᠬᠣᠨᠢᠨ ᠳ᠋ᠤ᠌ ᠪᠠᠢᠬᠤ ᠦᠭᠡᠢ ᠣᠨᠴᠠᠭᠠᠢ ᠭᠠᠷᠤᠯᠲᠠ ᠶ᠋ᠢ ᠨᠢ ᠡᠨᠳᠡ ᠨᠥᠬᠥᠶᠡ᠃
ᠢᠮᠠᠭᠠᠨ ᠰᠤᠷ
ᠢᠮᠠᠭᠠᠨ ᠤ᠋ ᠨᠣᠣᠯᠣᠭᠤᠷ ᠠ᠋ᠴᠠ ᠳᠡᠭᠡᠭᠰᠢ ᠭᠠᠷᠴᠤ ᠤᠷᠭᠤᠭᠰᠠᠨ ᠤᠷᠲᠤ ᠰᠢᠷᠦᠭᠦᠨ ᠦᠰᠦ᠃ ᠡᠨᠡ ᠮᠥᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠦᠭᠦᠬᠡᠢ ᠡᠳ᠋᠃
ᠢᠮᠠᠭᠠᠨ ᠤ᠋ ᠨᠣᠣᠯᠣᠭᠤᠷ
ᠢᠮᠠᠭᠠᠨ ᠤ᠋ ᠪᠡᠶᠡ ᠳ᠋ᠦ᠍ ᠤᠷᠭᠤᠭᠰᠠᠨ ᠨᠠᠷᠢᠨ ᠵᠥᠭᠡᠯᠡᠨ ᠨᠢᠭᠲᠠ ᠦᠰᠦ᠃ ᠨᠣᠣᠰᠣᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠡᠷᠬᠢᠮ ᠨᠠᠨᠳᠢᠨ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ᠃
ᠢᠮᠠᠭᠠᠨ ᠰᠠᠬᠠᠯ
ᠢᠮᠠᠭᠠᠨ ᠤ᠋ ᠡᠷᠡᠦ ᠳᠣᠣᠷᠠ ᠤᠷᠭᠤᠭᠰᠠᠨ ᠤᠷᠲᠤ ᠦᠰᠦ᠃ ᠦᠢᠯᠡᠳᠪᠦᠷᠢ ᠶ᠋ᠢᠨ ᠡᠷᠬᠢᠮ ᠴᠢᠬᠤᠯᠠ ᠲᠦᠭᠦᠬᠡᠢ ᠡᠳ᠋᠃
ᠢᠮᠠᠭᠠᠨ ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤ
ᠢᠮᠠᠭᠠᠨ ᠰᠡᠭᠦᠯ ᠳ᠋ᠦ᠍ ᠤᠷᠭᠤᠭᠰᠠᠨ ᠤᠷᠲᠤ ᠦᠰᠦ᠃ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠬᠣᠪᠣᠷ ᠴᠤᠬᠠᠭ ᠲᠦᠭᠦᠬᠡᠢ ᠡᠳ᠋ ᠦ᠋ᠨ ᠨᠢᠭᠡ᠃