ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 14 > Хөх зул – Боржигон Ванжал –"Тав ᠂ Таван хошуу малын бүлэг " 14 . ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠶᠠᠪᠤᠳᠠᠯ Таван хошуу малын явд
304ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 14
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠶᠠᠪᠤᠳᠠᠯ Таван хошуу малын явдал
ᠠᠳᠤᠭᠤᠨ ᠤ᠋ ᠶᠠᠪᠤᠳᠠᠯ
ᠠᠳᠤᠭᠤᠨ ᠤ᠋ ᠬᠥᠯ ᠦ᠋ᠨ ᠭᠢᠰᠬᠢᠳᠡᠯ ᠂ ᠬᠥᠳᠡᠯᠭᠡᠭᠡᠨ ᠢ᠋ ᠶᠠᠪᠤᠳᠠᠯ ᠭᠡᠵᠦ ᠬᠡᠯᠡᠳᠡᠭ ᠃ ᠠᠳᠤᠭᠤᠨ ᠤ᠋ ᠶᠠᠪᠤᠳᠠᠯ ᠢ᠋ ᠳᠣᠲᠣᠷᠠ ᠨᠢ ᠤᠭ ᠤ᠋ᠨ ᠪᠠ ᠰᠤᠷᠤᠭᠰᠠᠨ ᠭᠡᠵᠦ ᠬᠣᠶᠠᠷ ᠠᠩᠭᠢᠯᠠᠨᠠ ᠃ ᠠᠳᠤᠭᠤᠨ ᠳ᠋ᠤ᠌ ᠤᠤᠯ ᠠ᠋ᠴᠠ ᠪᠠᠢᠭᠰᠠᠨ ᠪᠥᠭᠡᠳ ᠬᠥᠮᠦᠨ ᠦ᠌ ᠣᠷᠣᠯᠴᠠᠭᠠ ᠦᠭᠡᠢ ᠪᠡᠷ ᠪᠣᠢ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ᠋ ᠤᠭ ᠤ᠋ᠨ ᠭᠡᠳᠡᠭ ᠃ ᠤᠭ ᠤ᠋ᠨ ᠶᠠᠪᠤᠳᠠᠯ ᠳ᠋ᠤ᠌ ᠠᠯᠬᠤᠭᠠ ᠂ ᠱᠣᠭᠱ᠌ᠢᠶᠠ ᠂ ᠬᠠᠲᠠᠷᠢ ᠂ ᠴᠣᠭᠭᠢᠶᠠ ᠂ ᠳᠠᠪᠬᠢᠶᠠ ᠂ ᠤᠨᠠᠭᠠᠨ ᠵᠢᠷᠣᠭᠠ ᠭᠡᠬᠦ ᠮᠡᠲᠦ ᠃ ᠬᠠᠷᠢᠨ ᠵᠣᠷᠢᠭᠤᠳᠠ ᠰᠤᠷᠭᠠᠬᠤ ᠵᠢᠷᠤᠮ ᠢ᠋ᠶ᠋ᠠᠷ ᠪᠣᠢ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ᠋ ᠰᠤᠷᠤᠭᠰᠠᠨ ᠭᠡᠳᠡᠭ᠃ ᠰᠤᠷᠤᠭᠰᠠᠨ ᠶᠠᠪᠤᠳᠠᠯ ᠳ᠋ᠤ᠌ ᠂ ᠳᠠᠷᠤᠮᠠᠯ ᠵᠢᠷᠣᠭᠠ ᠂ ᠠᠯᠪᠠ ᠶ᠋ᠢᠨ ᠰᠠᠢᠪᠤᠷ ᠂ ᠣᠷᠣᠮᠠᠯ ᠵᠢᠷᠣᠭᠠ ᠂ ᠡᠯᠭᠦᠭᠡ ᠵᠢᠷᠣᠭᠠ ᠭᠡᠬᠦ ᠵᠡᠷᠭᠡ ᠪᠣᠢ᠃
ᠠᠯᠬᠤᠭᠠ
ᠠᠯᠬᠤᠳᠠᠯ ᠃ ᠮᠣᠷᠢᠨ ᠤ᠋ ᠨᠢᠭᠡ ᠨᠢᠭᠡᠨ ᠠᠯᠬᠤᠮ ᠢ᠋ᠶ᠋ᠠᠷ ᠳᠠᠪᠰᠢᠯᠬᠢᠯᠠᠨ ᠶᠠᠪᠤᠬᠤ ᠲᠠᠢᠪᠤᠭᠤ ᠶᠠᠪᠤᠳᠠᠯ᠃
ᠬᠠᠷᠠ ᠠᠯᠬᠤᠭᠠ ᠡᠩ ᠦ᠋ᠨ ᠠᠯᠬᠤᠳᠠᠯ᠃
ᠴᠣᠭᠭᠢᠶᠠ ᠬᠠᠷᠠ ᠠᠯᠬᠤᠭᠠ
ᠬᠤᠷᠳᠤᠨ ᠬᠠᠷᠠ ᠠᠯᠬᠤᠭᠠ ᠃ ᠣᠨᠴᠠᠯᠢᠭ ᠨᠢ ᠲᠣᠯᠣᠭᠠᠢ ᠨᠢ ᠳᠡᠭᠡᠷᠡ ᠪᠠᠢᠵᠤ ᠠᠯᠬᠤᠬᠤ ᠪᠦᠷᠢ ᠲᠣᠯᠣᠭᠠᠢ ᠨᠢ ᠱᠤᠷᠤᠰ ᠱᠤᠷᠤᠰ ᠬᠥᠳᠡᠯᠳᠡᠭ᠃
ᠭᠦᠢᠮᠡ ( ᠭᠦᠶᠦᠮᠡ ) ᠬᠠᠷᠠ ᠠᠯᠬᠤᠭᠠ
ᠠᠯᠬᠤᠭᠠ ᠶ᠋ᠢᠨ ᠬᠠᠮᠤᠭ ᠬᠤᠷᠳᠤᠨ ᠠᠯᠬᠤᠳᠠᠯ ᠃ ᠤᠴᠠᠯᠢᠭ᠋ ᠨᠢ ᠲᠣᠯᠣᠭᠠᠢ ᠨᠢ ᠳᠣᠣᠷᠠ ᠳᠡᠭᠡᠷᠡ ᠶᠠᠮᠠᠷ ᠴᠤ᠌ ᠪᠠᠢᠵᠤ ᠪᠣᠯᠤᠨᠠ ᠃ ᠪᠠᠷᠤᠭ ᠰᠠᠢᠪᠤᠷ ᠲᠤ᠌ ᠣᠢᠷᠠᠲᠤᠮᠠ ᠬᠤᠷᠳᠤᠨ ᠠᠯᠬᠤᠳᠠᠯ᠃
ᠰᠠᠢᠪᠤᠷ ᠠᠯᠬᠤᠭᠠ
ᠰᠠᠢᠪᠤᠷ ᠲᠠᠢ ᠣᠢᠷᠠᠯᠴᠠᠭᠠ ᠠᠯᠬᠤᠭᠠ ᠃ ᠬᠠ ᠶ᠋ᠢᠨ ᠮᠥᠷ ᠡᠴᠡ ᠭᠤᠶᠠᠨ ᠤ᠋ ᠮᠥᠷ ᠨᠢ ᠡᠷᠬᠡᠪᠰᠢ ᠲᠥᠭᠡ ᠰᠥᠭᠥᠮ ᠳᠠᠪᠠᠵᠤ ᠡᠮᠦᠨᠡ ᠨᠢ ᠭᠢᠰᠬᠢᠳᠡᠭ ᠃ ᠶᠠᠭ ᠠᠯᠬᠤᠭᠠ ᠂ ᠰᠠᠢᠪᠤᠷ ᠬᠣᠶᠠᠷ ᠤ᠋ᠨ ᠳᠤᠮᠳᠠᠭᠤᠷ ᠶᠠᠪᠤᠵᠤ ᠪᠠᠢᠭᠠ ᠪᠠᠢᠳᠠᠯ᠃
ᠱᠣᠭᠰᠢᠶᠠ
ᠬᠠᠲᠠᠷᠢ ᠂ ᠶᠥᠷᠭᠡᠭᠡ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠳᠣᠣᠷᠠᠲᠤ ᠠᠭᠠᠵᠢᠮ ᠲᠣᠩᠰᠢᠯᠭᠠ ᠃ ᠢᠯᠭᠠᠭᠠ ᠨᠢ ᠬᠠᠲᠠᠷᠢ ᠂ ᠶᠥᠷᠭᠡᠭᠡ ᠶ᠋ᠢᠨ ᠭᠢᠰᠬᠢᠯᠲᠡ ᠪᠣᠯ ᠶᠡᠷᠦᠩᠬᠡᠢ ᠳ᠋ᠡᠭᠡᠨ ᠬᠠ ᠶ᠋ᠢᠨ ᠮᠥᠷ ᠳᠡᠭᠡᠷᠡ ᠭᠤᠶᠠᠨ ᠤ᠋ ᠮᠥᠷ ᠭᠢᠰᠬᠢᠭᠰᠡᠨ ᠪᠠᠢᠬᠤ ᠳ᠋ᠤ᠌ ᠂ ᠱᠣᠭᠰᠢᠶᠠ ᠨᠢ ᠬᠠ ᠶ᠋ᠢᠨ ᠮᠥᠷ ᠳᠡᠭᠡᠷᠡ ᠭᠤᠶᠠ ᠶ᠋ᠢᠨ ᠮᠥᠷ ᠭᠦᠢᠴᠡᠳ ᠭᠢᠰᠬᠢᠬᠦ ᠦᠭᠡᠢ ᠂ ᠬᠠᠷᠢᠨ ᠮᠤᠬᠤᠷ ᠰᠥᠭᠥᠮ ᠡᠴᠡ ᠲᠥᠭᠡ ᠬᠢᠷᠢ ᠬᠣᠢᠨᠠ ᠭᠢᠰᠬᠢᠳᠡᠭ᠃
ᠵᠥᠭᠡᠯᠡᠨ ᠱᠣᠭᠰᠢᠶᠠ ᠮᠣᠷᠢᠨ ᠤ᠋ ᠬᠣᠢᠲᠤ ᠬᠥᠯ ᠦ᠋ᠨ ᠭᠢᠰᠬᠢᠯᠲᠡ ᠂ ᠡᠮᠦᠨᠡ ᠬᠥᠯ ᠦ᠋ᠨ ᠭᠢᠰᠬᠢᠯᠲᠡ ᠳ᠋ᠦ᠍ ᠬᠦᠷᠦᠯ ᠦᠭᠡᠢ ᠂ ᠳᠣᠣᠷᠠ ᠳᠣᠣᠷᠠ ᠪᠠᠨ ᠭᠢᠰᠬᠢᠨ ᠱᠣᠭᠰᠢᠬᠤ ᠃ ᠢᠩᠭᠢᠬᠦ ᠳ᠋ᠦ᠍ ᠤᠨᠤᠭᠰᠠᠨ ᠬᠥᠮᠦᠨ ᠳᠣᠩᠰᠣᠯᠭᠠ ᠦᠭᠡᠢ ᠂ ᠨᠡᠮᠡᠰ ᠨᠡᠮᠡᠰ ᠭᠡᠳ ᠪᠡᠶᠡ ᠳ᠋ᠦ᠍ ᠲᠠᠭᠠᠯᠠᠲᠠᠢ ᠃ ᠢᠩᠭᠢᠵᠦ ᠱᠣᠭᠰᠢᠬᠤ ᠳ᠋ᠤ᠌ ᠡᠵᠡᠨ ᠳ᠋ᠦ᠍ᠨᠢ ᠮᠣᠷᠢᠨ ᠤ᠋ ᠠᠭᠠᠷᠴᠠᠭ ᠨᠢ ᠰᠠᠯᠤᠮᠠᠷ ᠰᠠᠨᠠᠭᠳᠠᠳᠠᠭ᠃
ᠬᠠᠲᠠᠭᠤ ᠱᠣᠭᠰᠢᠶᠠ
ᠮᠣᠷᠢᠨ ᠤ᠋ ᠬᠣᠢᠲᠤ ᠬᠥᠯ ᠦ᠋ᠨ ᠭᠢᠰᠬᠢᠯᠲᠡ ᠨᠢ ᠡᠮᠦᠨᠡ ᠬᠥᠯ ᠦ᠋ᠨ ᠭᠢᠰᠬᠢᠯᠲᠡ ᠳᠡᠭᠡᠷᠡ ᠪᠡᠨ ᠪᠠᠷᠤᠭ ᠭᠦᠢᠴᠡᠮᠡ ᠭᠢᠰᠬᠢᠳᠡᠭ᠃ ᠡᠢᠮᠦ ᠡᠴᠡ ᠳᠣᠩᠰᠣᠯᠭᠠ ᠶᠡᠬᠡ ᠲᠡᠢ ᠪᠠᠢᠳᠠᠭ ᠃ ᠡᠢᠨᠬᠦ ᠵᠠᠷᠢᠮ ᠭᠠᠵᠠᠷ ᠤ᠋ᠨ ᠬᠢᠨ ᠳᠤᠩᠰᠢᠶᠠ ᠭᠡᠵᠦ ᠪᠠᠰᠠ ᠬᠡᠯᠡᠳᠡᠭ᠃
ᠳ᠋ᠣᠩᠰᠢᠶᠠ ᠬᠠᠲᠠᠭᠤ ᠱᠣᠭᠰᠢᠭᠠ᠃
ᠶᠥᠷᠭᠡᠭᠡ ᠮᠣᠷᠢᠨ ᠤ᠋ ᠱᠣᠭᠰᠢᠬᠤ ᠬᠠᠲᠠᠷᠢᠬᠤ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣ ᠰᠢᠷᠦᠭᠦᠪᠳᠦᠷᠬᠡᠨ ᠱᠣᠭᠰᠢᠨ ᠶᠠᠪᠤᠬᠤ ᠶᠠᠪᠤᠳᠠᠯ ᠃ ᠮᠣᠷᠢᠨ ᠤ᠋ ᠰᠢᠷᠦᠭᠦᠨ ᠱᠣᠭᠰᠢᠶᠠ ᠃ ᠭᠡᠲᠡᠯᠡ ᠪᠠᠰᠠ ᠬᠠᠲᠠᠷᠢᠭᠠ ᠪᠢᠰᠢ᠃
ᠬᠠᠲᠠᠷᠢ ᠮᠣᠷᠢᠨ ᠤ᠋ ᠶᠠᠪᠤᠳᠠᠯ ᠃ ᠮᠣᠷᠢᠨ ᠤ᠋ ᠤᠷᠲᠤ ᠨᠢᠭᠡ ᠂ ᠬᠣᠢᠲᠤ ᠨᠢᠭᠡ ᠬᠥᠯ ᠨᠢ ᠨᠢᠭᠡᠨ ᠵᠡᠷᠭᠡ ᠪᠡᠷ ᠭᠠᠵᠠᠷ ᠭᠢᠰᠬᠢᠯᠡᠨ ᠶᠠᠪᠤᠬᠤ ᠶᠠᠪᠤᠳᠠᠯ ᠃ ᠶᠡᠷᠦᠨᠢ ᠶᠥᠷᠭᠡᠭᠡ ᠶ᠋ᠢᠨ ᠳᠡᠭᠡᠳᠦ ᠬᠤᠷᠳᠤᠴᠠ ᠶ᠋ᠢ ᠬᠡᠯᠡᠨᠡ ᠃
ᠬᠠᠷᠠ ᠬᠠᠲᠠᠷᠢ ᠡᠩ ᠦ᠋ᠨ ᠬᠠᠲᠠᠷᠢ ᠶ᠋ᠢ ᠬᠡᠯᠡᠵᠡᠢ᠃
ᠤᠲᠤᠭᠠᠨ ᠬᠠᠲᠠᠷᠢ ᠭᠤᠷᠪᠠᠨ ᠬᠥᠯ ᠨᠢᠭᠡᠨ ᠵᠡᠷᠭᠡ ᠭᠠᠵᠠᠷ ᠭᠢᠰᠬᠢᠨ᠂ ᠨᠢᠭᠡᠨ ᠵᠡᠷᠭᠡ ᠭᠠᠵᠠᠷ ᠠ᠋ᠴᠠ ᠬᠥᠨᠳᠡᠢᠷᠡᠨ ᠬᠠᠲᠠᠷᠢᠬᠤ ᠶᠠᠪᠤᠳᠠᠯ᠃
ᠵᠠᠳᠠᠭᠠᠢ ᠬᠠᠲᠠᠷᠢ
ᠤᠲᠤᠭᠠᠨ ᠬᠠᠲᠠᠷᠢ᠃ ᠣᠯᠠᠩᠬᠢ ᠮᠣᠩᠭᠣᠯᠴᠤᠳ ᠵᠠᠳᠠᠭᠠᠢ ᠬᠠᠲᠠᠷᠢ ᠭᠡᠳᠡᠭ ᠃ 《ᠵᠠᠳᠠᠭᠠᠢ ᠰᠤᠮᠤᠨ ᠬᠠᠲᠠᠷᠢ ᠲᠠᠢ ᠶᠠ 》 ᠭᠡᠳᠡᠭ ᠳᠠᠭᠤᠤ ᠴᠤ᠌ ᠪᠣᠢ ᠃
ᠠᠷᠠᠯᠵᠢᠭᠠ ᠬᠠᠲᠠᠷᠢ ᠤᠲᠤᠭᠠᠨ ᠬᠠᠲᠠᠷᠢ ( ᠰᠢᠨᠵᠢᠶᠠᠩ ᠳ᠋ᠤ᠌ ) ᠃
ᠰᠠᠯᠭᠠ ᠬᠠᠲᠠᠷᠢ ᠤᠲᠤᠭᠠᠨ ᠬᠠᠲᠠᠷᠢ ( ᠵᠣᠣ ᠤᠳᠠ ᠂ ᠵᠢᠷᠢᠮ ) ᠃
ᠳᠡᠷᠬᠢᠭᠡ (ᠳᠡᠷᠬᠢᠶᠡ ) ᠬᠠᠷᠠ ᠬᠠᠲᠠᠷᠢ ( ᠰᠢᠯᠢ ᠶ᠋ᠢᠨ ᠭᠣᠣᠯ ᠳ᠋ᠤ᠌ ) ᠃
ᠳᠠᠪᠬᠢᠭᠠ
ᠰᠡᠭᠡᠯᠭᠡ ᠡᠴᠡ ᠳᠡᠭᠡᠭᠰᠢᠬᠢ ᠮᠠᠰᠢ ᠬᠤᠷᠳᠤᠨ ᠳᠣᠪᠲᠣᠯᠬᠤ ᠬᠦᠷᠲᠡᠯᠡᠬᠢ ᠬᠤᠷᠳᠤᠴᠠ ᠶ᠋ᠢᠨ ᠶᠡᠷᠦᠩᠬᠡᠢ ᠨᠡᠷᠡ ᠃ ᠮᠣᠷᠢᠨ ᠤ᠋ ᠳᠡᠭᠡᠳᠦ ᠰᠢᠷᠦᠭᠦᠨ ᠶᠠᠪᠤᠳᠠᠯ ᠤ᠋ᠨ ᠶᠡᠷᠦᠩᠬᠡᠢ ᠨᠡᠷᠡ ᠭᠡᠵᠦ ᠴᠦ᠍ ᠬᠡᠯᠡᠵᠦ ᠪᠣᠯᠤᠨᠠ᠃
ᠳᠣᠪᠲᠣᠯᠬᠤ ᠳᠠᠪᠬᠢᠭᠠ ᠶ᠋ᠢᠨ ᠪᠢᠴᠢᠭ ᠦ᠋ᠨ ᠬᠡᠯᠡᠯᠭᠡ ᠃ ᠳᠠᠪᠬᠢᠬᠤ ᠂ ᠣᠨᠣᠯᠭᠠ ᠪᠠᠷ ᠲᠦᠷᠭᠡᠨ ᠶᠠᠪᠤᠬᠤ ᠶ᠋ᠢ ᠬᠡᠯᠡᠨᠡ᠃
ᠴᠣᠭᠭᠢᠶᠠ ᠮᠣᠷᠢᠨ ᠤ᠋ ᠡᠮᠦᠨᠡᠲᠦ ᠬᠣᠶᠠᠷ ᠬᠥᠯ ᠵᠡᠷᠭᠡᠪᠡᠷ ᠬᠣᠢᠲᠤ ᠬᠣᠶᠠᠷ ᠬᠥᠯ ᠵᠡᠷᠭᠡᠪᠡᠷ ᠡᠭᠡᠯᠵᠢᠯᠡᠨ ᠬᠠᠷᠠᠢᠯᠠᠵᠤ ᠲᠥᠭᠡᠯᠡᠵᠦ ᠶᠠᠪᠤᠬᠤ ᠨᠢᠭᠡᠨ ᠵᠦᠢᠯ ᠦ᠋ᠨ ᠶᠠᠪᠤᠳᠠᠯ᠃
ᠰᠡᠭᠡᠯᠭᠡ ᠴᠤᠭᠬᠢᠢᠡ ᠃
ᠲᠠᠪᠠᠷᠠᠬᠤ ᠰᠡᠭᠡᠯᠭᠡ ᠃
ᠲᠠᠪᠬᠢᠢᠡ ᠲᠡᠢ ᠮᠣᠷᠢ ᠬᠠᠮᠤᠭ ᠤ᠋ᠨ ᠬᠤᠷᠳᠤᠨ ᠶᠠᠪᠤᠳᠠᠯ ᠃
ᠭᠦᠶᠦᠳᠡᠯ ᠰᠠᠢᠲᠠᠢ ᠮᠣᠷᠢ ᠳᠠᠪᠬᠢᠶᠠ ᠰᠠᠢᠲᠠᠢ ᠃
ᠬᠠᠱᠠᠩ ᠮᠣᠷᠢᠨ ᠤ᠋ ᠶᠠᠪᠤᠬᠤ ᠳᠣᠪᠲᠣᠯᠬᠤ ᠨᠢ ᠳᠥᠭᠥᠰᠢ ᠮᠠᠭᠤᠲᠠᠢ ᠤᠳᠠᠭᠠᠨ᠃ ᠬᠣᠢᠷᠭᠣ ᠨᠠᠵᠠᠭᠠᠢ᠃
ᠬᠤᠷᠳᠤᠨ ᠮᠣᠷᠢ ᠳᠠᠪᠬᠢᠬᠤ ᠨᠢ ᠮᠠᠰᠢ ᠬᠤᠷᠳᠤᠴᠠ ᠲᠠᠢ᠃
ᠲᠦᠷᠭᠡᠴᠢ
ᠡᠬᠢᠯᠡᠵᠦ ᠳᠠᠪᠬᠢᠮᠠᠭᠴᠠ ᠮᠠᠰᠢ ᠬᠤᠷᠳᠤᠨ ᠶᠠᠪᠤᠬᠤ ᠲᠣᠰᠤᠮ ᠬᠤᠷᠳᠤᠴᠠ ᠨᠢ ᠪᠠᠭᠤᠷᠠᠬᠤ ᠶ᠋ᠢ ᠲᠦᠷᠭᠡᠴᠢ ᠭᠡᠳᠡᠭ᠃
ᠳᠠᠭᠠᠭᠠᠴᠠ ᠲᠠᠢ
ᠬᠣᠯᠠ ᠭᠦᠶᠦᠳᠡᠯ ᠲᠡᠢ ᠪᠤᠶᠤ ᠬᠣᠯᠠ ᠤᠨᠤᠬᠤ ᠳ᠋ᠤ᠌ ᠵᠣᠭᠰᠣᠬᠤ ᠦᠭᠡᠢ ᠂ ᠡᠴᠡᠬᠦ ᠦᠭᠡᠢ ᠳᠠᠭᠠᠭᠠᠮᠠᠭᠠᠢ ᠪᠠᠢᠳᠠᠭ᠃
ᠬᠣᠯᠠᠴᠢ ᠠᠯᠤᠰ ᠬᠣᠯᠠ ᠳ᠋ᠠᠭᠠᠨ ᠤᠯᠠᠮ ᠨᠡᠮᠡᠯᠲᠡᠲᠡᠢ ᠳᠠᠪᠬᠢᠳᠠᠭ ᠳᠠᠪᠬᠢᠶᠠ ᠳᠠᠭᠠᠭᠠᠴᠠᠲᠠᠢ ᠮᠣᠷᠢ᠃
ᠵᠢᠷᠣᠭᠠ
ᠮᠣᠷᠢᠨ ᠤ᠋ ᠬᠤᠸᠠᠷ ᠶᠠᠪᠤᠳᠠᠯ᠃ ᠨᠢᠭᠡᠨ ᠠᠯᠬᠤᠮ ᠳ᠋ᠠᠭᠠᠨ ᠵᠡᠭᠦᠨ ᠬᠣᠶᠠᠷ ᠬᠥᠯ᠂ ᠨᠥᠭᠦᠭᠡ ᠠᠯᠬᠤᠮ ᠳ᠋ᠠᠭᠠᠨ ᠪᠠᠷᠠᠭᠤᠨ ᠬᠣᠶᠠᠷ ᠬᠥᠯ ᠢ᠋ᠶ᠋ᠡ ᠲᠤᠰ ᠲᠤᠰ ᠵᠡᠷᠭᠡ ᠪᠡᠷ ᠭᠢᠰᠬᠢᠵᠦ ᠨᠡᠭᠦᠨ ᠲᠡᠯᠡᠮᠡᠭᠦᠯᠬᠦ ᠶᠠᠪᠤᠳᠠᠯ ᠃ ᠰᠠᠢᠪᠤᠷ ᠤ᠋ᠨ ᠳᠡᠭᠡᠳᠦ ᠣᠷᠭᠢᠯ ᠬᠤᠷᠳᠤᠴᠠ ᠶ᠋ᠢᠨ ᠶᠠᠪᠤᠳᠠᠯ᠃
ᠰᠠᠢᠪᠤᠷ
ᠵᠢᠷᠣᠭᠠ ᠲᠠᠢ ᠠᠳᠠᠯᠢ ᠭᠢᠰᠬᠢᠯᠲᠡᠲᠠᠢ ᠭᠡᠪᠡᠴᠦ ᠶᠠᠪᠤᠬᠤ ᠬᠤᠷᠳᠤᠴᠠ ᠨᠢ ᠠᠯᠭᠤᠷ ᠱᠤᠭᠱ᠌ᠢᠶᠠ ᠶ᠋ᠢᠨ ᠬᠢᠷᠢ ᠬᠣᠷᠳᠤᠴᠠᠳᠠᠢ ᠶᠠᠪᠤᠳᠠᠯ᠃
ᠬᠣᠨᠢᠨ ᠵᠢᠷᠣᠭᠠ
ᠬᠣᠨᠢᠨ ᠤ᠋ ᠵᠢᠷᠣᠭᠠ ᠲᠠᠢ ᠠᠳᠠᠯᠢᠪᠲᠤᠷ ᠵᠢᠷᠣᠭᠠ᠃ ᠡᠢᠮᠦ ᠵᠢᠷᠤᠬᠠ ᠨᠢ ᠵᠥᠭᠡᠯᠡᠨ ᠪᠠᠢᠳᠠᠭ᠃
ᠲᠡᠮᠡᠭᠡᠨ ᠵᠢᠷᠣᠭᠠ
ᠲᠡᠮᠡᠭᠡᠨ ᠦ᠌ ᠵᠤᠨᠵᠢᠯᠭᠠ ᠲᠠᠢ ᠠᠳᠠᠯᠢᠪᠲᠤᠷ ᠵᠢᠷᠣᠭᠠ᠃ ᠡᠢᠮᠦ ᠵᠢᠷᠤᠭᠠᠨ ᠤ᠋ ᠶᠠᠪᠤᠳᠠᠯ ᠬᠠᠲᠠᠭᠤ ᠪᠠᠢᠳᠠᠭ᠃
ᠤᠷᠤᠰᠤᠮᠠ ᠵᠢᠷᠣᠭᠠ
ᠤᠷᠤᠰᠬᠠᠯ ᠤᠰᠤ ᠰᠢᠭ᠋ ᠪᠡᠯᠡᠨ ᠵᠢᠷᠣᠭᠠ᠃ ᠰᠠᠢᠨ ᠬᠤᠷᠳᠤᠨ ᠵᠢᠷᠤᠬᠠ ᠮᠣᠷᠢᠨ ᠤ᠋ ᠡᠮᠦᠨᠡ ᠬᠣᠶᠠᠷ ᠲᠤᠭᠤᠷᠠᠢ ᠨᠢ ᠴᠢᠬᠢᠨ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠰᠠᠮᠤᠷᠳᠠᠵᠤ ᠪᠠᠢᠳᠠᠭ᠃
ᠤᠨᠠᠭᠠᠨ ᠵᠢᠷᠣᠭᠠ ᠲᠥᠷᠥᠯᠬᠢ ᠵᠢᠷᠣᠭᠠ᠃ ᠤᠨᠠᠭᠠᠨ ᠵᠢᠷᠣᠭᠠ ᠨᠡᠮᠡᠯᠲᠡ ᠦᠭᠡᠢ ᠭᠡᠳᠡᠭ᠃
ᠡᠯᠭᠦᠭᠡ ᠵᠢᠷᠣᠭᠠ
ᠥᠭᠡᠷᠡ ᠨᠢᠭᠡᠨ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠶᠠᠪᠤᠵᠤ ᠪᠠᠢᠭᠠᠳ ᠭᠡᠨᠡᠳᠲᠡ ᠲᠡᠭᠦᠨ ᠢ᠋ᠶ᠋ᠡᠨ ᠪᠠᠢᠵᠤ ᠵᠢᠷᠣᠭᠠᠯᠠᠬᠤ ᠶ᠋ᠢ ᠬᠡᠯᠡᠳᠡᠭ᠃ ᠡᠢᠮᠦ ᠵᠢᠷᠣᠭᠠ ᠨᠢ ᠴᠠᠭᠠᠷᠠᠬᠤ ᠲᠣᠰᠤᠮ ᠢ᠋ᠶ᠋ᠠᠨ ᠬᠤᠷᠳᠤᠴᠠ ᠨᠢ ᠨᠡᠮᠡᠭᠳᠡᠨᠡ ᠭᠡᠳᠡᠭ᠃
ᠲᠠᠯᠠᠮᠠᠨ ᠵᠢᠷᠣᠭᠠ ᠲᠡᠮᠡᠭᠡᠨ ᠵᠢᠷᠣᠭᠠ ᠶ᠋ᠢᠨ ᠳᠡᠭᠡᠳᠦ ᠬᠤᠷᠳᠤᠴᠠ᠃
ᠢᠯᠭᠤᠮ ᠵᠢᠷᠣᠭᠠ ᠤᠷᠤᠰᠤᠮᠠ ᠵᠢᠷᠣᠭᠠ᠃ ᠬᠤᠷᠳᠤᠨ ᠵᠢᠷᠣᠭᠠ᠃
ᠪᠤᠲᠠᠷᠠᠮᠠ ᠵᠢᠷᠣᠭᠠ ᠰᠡᠲᠡᠷᠡᠮᠡ ᠵᠢᠷᠣᠭᠠ᠃ ᠬᠤᠷᠳᠤᠨ ᠵᠢᠷᠣᠭᠠ᠃
ᠰᠡᠳᠡᠷᠡᠮᠡ ᠵᠢᠷᠣᠭᠠ
ᠤᠰᠤ ᠴᠠᠯᠭᠢᠯᠵᠤ ᠪᠠᠢᠭᠠ ᠮᠡᠲᠦ ᠶᠠᠪᠤᠬᠤ ᠪᠠᠢᠳᠠᠯ᠃ ᠬᠤᠷᠳᠤᠨ ᠵᠢᠷᠣᠭᠠ᠃
ᠠᠯᠪᠠ ᠶ᠋ᠢᠨ ᠵᠢᠷᠣᠭᠠ
ᠠᠮᠠ ᠶ᠋ᠢ ᠨᠢ ᠪᠠᠢᠨ ᠳᠠᠬᠢᠨ ᠲᠠᠲᠠᠰᠬᠢᠨ ᠂ ᠠᠷᠤᠨᠰᠢ ᠳᠠᠷᠤᠰᠬᠢᠨ ᠰᠠᠭᠤᠵᠤ ᠳᠥᠷᠥᠭᠡ ᠶᠦ᠍ᠭᠡᠨ ᠬᠥᠩᠭᠡᠨ ᠬᠥᠩᠭᠡᠨ ᠳᠠᠪᠢᠷᠠᠬᠤ ᠵᠡᠷᠭᠡ ᠪᠡᠷ ᠠᠯᠪᠠᠳᠠᠪᠠᠯ ᠰᠠᠢ ᠵᠢᠷᠣᠭᠠᠯᠠᠳᠠᠭ ᠢ᠋ ᠬᠡᠯᠡᠨᠡ᠃
ᠣᠷᠣᠮᠠᠯ ᠵᠢᠷᠣᠭᠠ ᠬᠥᠮᠦᠨ ᠦ᠌ ᠰᠤᠷᠭᠠᠯ ᠢ᠋ᠶ᠋ᠠᠷ ᠰᠤᠷᠴᠤ ᠵᠢᠷᠣᠭᠠᠯᠠᠵᠤ ᠶᠠᠪᠤᠬᠤ ᠶ᠋ᠢ ᠬᠡᠯᠡᠨᠡ᠃
ᠳᠡᠭᠡᠭᠦᠷ ᠵᠢᠷᠣᠭᠠ ᠮᠣᠷᠢᠨ ᠳᠠᠪᠬᠢᠭᠠ ᠲᠠᠢ ᠮᠥᠷᠥᠢᠴᠡᠬᠦ ᠵᠢᠷᠣᠭᠠ᠃
ᠳᠣᠣᠭᠤᠷ ᠵᠢᠷᠣᠭᠠ ᠮᠣᠷᠢᠨ ᠤ᠋ ᠶᠥᠷᠭᠡᠭᠡ ᠪᠤᠶᠤ ᠬᠠᠲᠠᠷᠢ ᠵᠠᠪᠳᠤᠭᠤ ᠶᠠᠪᠤᠬᠤ ᠵᠢᠷᠣᠭᠠ᠃
ᠦᠬᠡᠷ ᠦ᠋ᠨ ᠶᠠᠪᠤᠳᠠᠯ ᠤ᠋ᠨ ᠵᠦᠢᠯ
ᠬᠠᠱᠠᠩ
ᠠᠯᠬᠤᠭᠠ ᠠᠯᠬᠤᠳᠠᠯ ᠨᠢ ᠤᠳᠠᠭᠠᠨ ᠂ ᠲᠠᠰᠢᠭᠤᠷᠳᠠᠬᠤ ᠦᠭᠡᠢ ᠪᠣᠯ ᠶᠠᠪᠤᠬᠤ ᠦᠭᠡᠢ ᠬᠣᠢᠷᠭᠣ᠃
ᠠᠷᠪᠢ ᠦᠭᠡᠢ ᠠᠯᠬᠤᠭᠠ
ᠦᠵᠡᠪᠡᠯ ᠬᠤᠷᠳᠤᠨ ᠰᠢᠭ᠋᠂ ᠭᠡᠲᠡᠯᠡ ᠳᠥᠭᠥᠰᠢ ᠮᠠᠭᠤᠲᠠᠢ᠃ ᠡᠢᠮᠦ ᠦᠬᠡᠷ ᠦ᠋ᠨ ᠡᠮᠦᠨᠡ ᠬᠣᠶᠠᠷ ᠬᠥᠯ ᠦ᠋ᠨ ᠮᠥᠷ ᠲᠡᠭᠡᠨ ᠬᠣᠢᠨᠠ ᠬᠣᠶᠠᠷ ᠬᠥᠯ ᠦ᠋ᠨ ᠭᠢᠰᠬᠢᠯᠲᠡ ᠨᠢ ᠭᠦᠢᠴᠡᠳ ᠭᠢᠰᠬᠢᠳᠡᠭ ᠦᠭᠡᠢ ᠬᠡᠵᠢᠶᠡᠳᠡ ᠲᠥᠭᠡ ᠢᠯᠡᠭᠦᠦ ᠬᠣᠢᠨᠠ ᠭᠢᠰᠬᠢᠳᠡᠭ᠃
ᠬᠠᠶᠠᠯᠠᠭᠰᠠᠨ ᠠᠯᠬᠤᠭᠠᠲᠠᠢ
ᠡᠢᠮᠦ ᠦᠬᠡᠷ ᠬᠣᠢᠨᠠ ᠬᠣᠶᠠᠷ ᠬᠥᠯ ᠦ᠋ᠨ ᠭᠢᠰᠬᠢᠯᠲᠡ ᠨᠢ ᠡᠷᠬᠡᠪᠰᠢ ᠡᠮᠦᠨᠡ ᠬᠣᠶᠠᠷ ᠬᠥᠯ ᠦ᠋ᠨ ᠭᠢᠰᠬᠢᠯᠲᠡ ᠳᠡᠭᠡᠷᠡ ᠭᠦᠢᠴᠡᠳ ᠭᠢᠰᠬᠢᠳᠡᠭ ᠃ ᠡᠢᠨ ᠬᠦ᠌ ᠲᠣᠯᠣᠭᠠᠢ ᠬᠠᠶᠠᠯᠠᠬᠤ ᠨᠢ ᠢᠯᠡ ᠲᠣᠳᠣ ᠤᠴᠢᠷ ᠠ᠋ᠴᠠ ᠬᠠᠶᠠᠯᠠᠭᠰᠠᠨ ᠠᠯᠬᠤᠭᠠᠲᠠᠢ ᠭᠡᠳᠡᠭ᠃
ᠪᠦᠭᠰᠢᠶᠡ
ᠦᠬᠡᠷ ᠦ᠋ᠨ ᠪᠥᠭ ᠪᠥᠭ ᠭᠡᠵᠦ ᠱᠣᠭᠰᠢᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠡᠮᠡᠭᠡᠨ ᠦ᠌ ᠶᠠᠪᠤᠳᠠᠯ ᠤ᠋ᠨ ᠵᠦᠢᠯ
ᠠᠯᠬᠤᠭᠠᠲᠠᠢ ᠤᠷᠮᠠᠰ ᠲᠠᠢ ᠬᠥᠩᠭᠡᠨ ᠠᠯᠬᠤᠬᠤ ᠠᠯᠬᠤᠳᠠᠯ᠃
ᠵᠤᠨᠵᠢᠭᠠ ᠠᠳᠤᠭᠤᠨ ᠤ᠋ ᠬᠠᠲᠠᠭᠤ ᠰᠠᠢᠪᠤᠷ ᠮᠡᠲᠦ᠂ ᠠᠯᠬᠤᠭᠠ ᠠ᠋ᠴᠠ ᠲᠡᠬᠡᠭᠦᠨ ᠶᠠᠪᠤᠳᠠᠯ᠃
ᠲᠠᠪᠠᠷᠠᠬᠤ ᠮᠣᠷᠢᠨ ᠤ᠋ ᠰᠡᠭᠡᠯᠭᠡ ᠮᠡᠲᠦ ᠲᠥᠭᠡᠯᠡᠵᠦ ᠬᠠᠷᠠᠢᠯᠠᠨ ᠳᠠᠪᠬᠢᠬᠤ᠃
ᠲᠡᠰᠢᠬᠦ ᠠᠳᠤᠭᠤᠨ ᠤ᠋ ᠵᠢᠷᠣᠭᠠ ᠮᠡᠲᠦ ᠲᠡᠰᠢᠬᠦ᠃ ᠲᠡᠮᠡᠭᠡᠨ ᠦ᠌ ᠬᠠᠮᠤᠭ ᠤ᠋ᠨ ᠳᠡᠭᠡᠳᠦ ᠬᠤᠷᠳᠤᠴᠠ᠃
ᠭᠦᠶᠦᠳᠡᠭ ᠲᠡᠰᠢᠳᠡᠭ ᠂ ᠲᠡᠰᠢᠬᠦ ᠶ᠋ᠢᠨ ᠨᠥᠭᠦᠭᠡ ᠬᠡᠯᠡᠯᠭᠡ ᠃
ᠬᠣᠨᠢᠨ ᠤ᠋ ᠶᠠᠪᠤᠳᠠᠯ ᠤ᠋ᠨ ᠵᠦᠢᠯ
ᠲᠣᠵᠢᠷ ᠲᠣᠵᠢᠷ ᠠᠯᠬᠤᠭᠠ ᠵᠢᠬᠡᠷ ᠵᠢᠬᠡᠷ ᠠᠯᠬᠤᠬᠤ ᠠᠯᠬᠤᠳᠠᠯ᠃
ᠰᠠᠢᠪᠤᠷ ᠠᠯᠬᠤᠭᠠ ᠵᠢᠷᠣᠭᠠ ᠠᠯᠬᠤᠭᠠ ᠃
ᠲᠠᠭᠰᠢᠬᠤ
ᠬᠣᠨᠢᠨ ᠤ᠋ ᠶᠠᠭᠤᠮᠠᠨ ᠠ᠋ᠴᠠ ᠭᠡᠯᠮᠡᠨ ᠳᠥᠷᠪᠡᠨ ᠬᠥᠯ ᠢ᠋ᠶ᠋ᠡᠷ ᠲᠡᠭ ᠲᠡᠭ ᠭᠡᠲᠡᠯᠡ ᠳᠡᠭᠡᠷᠡ ᠳᠡᠭᠡᠷᠡ ᠦᠰᠦᠷᠬᠦ ᠶᠠᠪᠤᠳᠠᠯ᠃
ᠳᠠᠪᠬᠢᠬᠤ ᠬᠣᠨᠢ ᠠᠶᠤᠨ ᠲᠡᠩᠬᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠭᠦᠶᠦᠬᠦ ᠶ᠋ᠢ ᠳᠠᠪᠬᠢᠬᠤ ᠭᠡᠨᠡ᠃
ᠦᠷᠭᠦᠬᠦ ᠬᠣᠨᠢᠨ ᠤ᠋ ᠶᠠᠭᠤᠮᠠᠨ ᠠ᠋ᠴᠠ ᠠᠶᠤᠨ ᠰᠣᠴᠢᠨ ᠨᠢᠭᠡᠨ ᠲᠡᠢᠰᠢ ᠨᠠᠳᠬᠤᠨ ᠭᠦᠶᠦᠬᠦ ᠶ᠋ᠢ ᠬᠡᠯᠡᠨᠡ᠃
ᠢᠮᠠᠭᠠᠨ ᠤ᠋ ᠶᠠᠪᠤᠳᠠᠯ ᠤ᠋ᠨ ᠵᠦᠢᠯ
ᠵᠣᠷᠤᠭ ᠵᠣᠷᠤᠭ ᠠᠯᠬᠤᠬᠤ
ᠠᠯᠬᠤᠮ ᠪᠠᠭᠠᠲᠠᠢ ᠢᠮᠠᠭᠠ ᠪᠤᠶᠤ ᠪᠠᠭᠠ ᠪᠡᠶᠡ ᠲᠡᠢ ᠢᠮᠠᠭᠠᠨ ᠤ᠋ ᠶᠠᠪᠤᠬᠤ ᠪᠠᠢᠳᠠᠯ᠃
ᠴᠥᠷᠡᠭ ᠴᠦᠷᠡᠭ ᠠᠯᠬᠤᠬᠤ
ᠠᠯᠬᠤᠮ ᠶᠡᠬᠡᠲᠡᠢ ᠢᠮᠠᠭᠠ ᠪᠤᠶᠤ ᠪᠡᠶᠡ ᠪᠦᠳᠦᠭᠦᠨ ᠢᠮᠠᠭᠠᠨ ᠤ᠋ ᠶᠠᠪᠤᠬᠤ ᠪᠠᠢᠳᠠᠯ᠃
ᠱᠣᠭᠰᠢᠬᠤ
ᠠᠳᠤᠭᠤᠨ ᠤ᠋ ᠱᠣᠭᠰᠢᠶᠠ ᠳ᠋ᠤ᠌ ᠠᠳᠠᠯᠢ ᠶᠠᠪᠤᠬᠤ ᠶᠠᠪᠤᠳᠠᠯ᠃
ᠲᠠᠭᠰᠢᠬᠤ
ᠢᠮᠠᠭᠠᠨ ᠤ᠋ ᠳᠥᠷᠪᠡᠨ ᠬᠥᠯ ᠢ᠋ᠶ᠋ᠡᠷ ᠦᠰᠦᠷᠬᠢᠯᠡᠨ ᠶᠠᠪᠤᠬᠤ ᠪᠤᠶᠤ ᠬᠠᠳᠠᠨ ᠳ᠋ᠤ᠌ ᠬᠠᠷᠠᠢᠯᠠᠨ ᠶᠠᠪᠤᠬᠤ ᠶᠠᠪᠤᠳᠠᠯ᠃
ᠳᠠᠪᠬᠢᠬᠤ
ᠢᠮᠠᠭᠠ ᠠᠶᠤᠨ ᠰᠣᠴᠢᠵᠤ ᠳᠤᠲᠠᠭᠠᠬᠤ ᠳ᠋ᠠᠭᠠᠨ ᠠᠳᠤᠭᠤᠨ ᠤ᠋ ᠳᠠᠪᠬᠢᠭᠠ ᠠᠳᠠᠯᠢ ᠭᠦᠶᠦᠨ ᠶᠠᠪᠤᠬᠤ ᠶᠠᠪᠤᠳᠠᠯ᠃
ᠦᠷᠭᠦᠬᠦ
ᠢᠮᠠᠭᠠ ᠶᠠᠭᠤᠮᠠᠨ ᠠ᠋ᠴᠠ ᠰᠣᠴᠢᠨ ᠨᠢᠭᠡᠨ ᠲᠡᠢᠰᠢ ᠬᠤᠢᠯᠠᠷᠠᠨ ᠭᠦᠶᠦᠬᠦ ᠪᠠᠢᠳᠠᠯ᠃