ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 12 > Хөх зул – Боржигон Ванжал –"Тав ᠂ Таван хошуу малын бүлэг " 12
293ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 12
ᠬᠣᠨᠢᠨ ᠦ ᠵᠢᠰᠦᠮ Хонины зүсэм
ᠴᠠᠭᠠᠨ ᠬᠤᠨ ᠴᠠᠭᠠᠨ ᠂ ᠴᠠᠢᠪᠤᠷᠬᠠᠨ᠃
ᠲᠤᠩ ᠴᠠᠭᠠᠨ ᠲᠤᠩ ᠮᠡᠲᠦ ᠴᠠᠭᠠᠨ᠂ ᠴᠠᠪ ᠴᠠᠭᠠᠨ᠃
ᠬᠤᠨ ᠴᠠᠭᠠᠨ ᠬᠤᠨ ᠰᠢᠪᠠᠭᠤ ᠮᠡᠲᠦ ᠴᠠᠭᠠᠨ᠃
ᠴᠢᠨᠳᠠᠭᠠᠨ ᠴᠠᠭᠠᠨ ᠴᠢᠨᠳᠠᠭᠠ ᠮᠡᠲᠦ ᠴᠠᠭᠠᠨ᠃
ᠴᠠᠰᠤ ᠴᠠᠭᠠᠨ ᠴᠠᠰᠤ ᠮᠡᠲᠦ ᠴᠠᠭᠠᠨ᠃
ᠮᠥᠩᠭᠥᠨ ᠴᠠᠭᠠᠨ ᠮᠥᠩᠭᠥ ᠮᠡᠲᠦ ᠴᠠᠭᠠᠨ᠃
ᠬᠥᠪᠥᠩ ᠴᠠᠭᠠᠨ ᠬᠥᠪᠥᠩ ᠮᠡᠲᠦ ᠴᠠᠭᠠᠨ᠃
ᠲᠠᠨᠠᠨ ᠴᠠᠭᠠᠨ ᠲᠠᠨᠠ ᠮᠡᠲᠦ ᠴᠠᠭᠠᠨ᠃
ᠰᠤᠪᠤᠳᠤᠨ ᠴᠠᠭᠠᠨ ᠰᠤᠪᠤᠳ ᠮᠡᠲᠦ ᠴᠠᠭᠠᠨ ᠭᠡᠬᠦ ᠮᠡᠲᠦ ᠪᠡᠷ ᠳᠦᠷᠰᠦᠯᠡᠨ ᠨᠡᠷᠡᠯᠡᠳᠡᠭ᠃
ᠮᠠᠩᠬᠠᠨ ᠴᠣᠯ ᠴᠠᠭᠠᠨ ᠂ ᠨᠢᠳᠦ ᠂ ᠬᠠᠮᠠᠷ ᠂ ᠤᠷᠤᠭᠤᠯ ᠤ᠋ᠨ ᠭᠠᠵᠠᠷ ᠤᠯᠠᠭᠠᠪᠲᠤᠷ ᠴᠠᠭᠠᠨ᠃
ᠬᠠᠷᠠ ᠴᠣᠯ ᠪᠠᠷᠠᠭᠠᠨ᠃
ᠬᠠᠯᠲᠠᠷ ᠨᠢᠳᠦ ᠪᠠ ᠡᠪᠦᠳᠦᠭ ᠪᠣᠷᠪᠢᠨ ᠳ᠋ᠠᠭᠠᠨ ᠤᠯᠠᠭᠠᠨ ᠬᠠᠷᠠ ᠬᠣᠯᠢᠯᠳᠤᠭᠰᠠᠨ ᠡᠷᠢᠶᠡᠨᠲᠡᠢ᠃
ᠬᠦᠷᠡᠩ ᠬᠠᠯᠲᠠᠷ ᠬᠠᠯᠲᠠᠷ ᠨᠢᠳᠦᠲᠡᠢ ᠬᠦᠷᠡᠩ ᠬᠣᠨᠢ᠃
ᠪᠥᠷᠲᠡ ᠬᠠᠯᠲᠠᠷ ᠬᠠᠯᠲᠠᠷ ᠨᠢᠳᠦᠲᠡᠢ ᠪᠦᠷᠢᠳᠦ ᠬᠣᠨᠢ᠃
ᠰᠢᠷᠠ ᠬᠠᠯᠲᠠᠷ ᠬᠠᠯᠲᠠᠷ ᠨᠢᠭᠤᠷᠲᠠᠢ ᠰᠢᠷᠠ᠃
ᠬᠠᠷᠠ ᠬᠠᠯᠲᠠᠷ ᠬᠠᠯᠲᠠᠷ ᠨᠢᠭᠤᠷᠲᠠᠢ ᠬᠠᠷᠠ᠃
ᠤᠯᠠᠭᠠᠨ ᠤᠯᠠᠭᠠᠪᠲᠤᠷᠬᠠᠨ᠃
ᠬᠣᠩᠭᠣᠷ ᠰᠢᠷᠠᠪᠲᠤᠷ ᠬᠤᠸᠠ ᠴᠠᠭᠠᠨ᠃
ᠬᠦᠷᠡᠩ ᠤᠯᠠᠭᠠᠨ ᠪᠤᠶᠤ ᠤᠯᠠᠭᠠᠨ ᠠ᠋ᠴᠠ ᠠᠷᠠᠢ ᠬᠠᠷᠠᠪᠲᠤᠷ ᠤᠯᠠᠭᠠᠨ᠃
ᠬᠠᠷᠠ ᠬᠦᠷᠡᠩ ᠬᠠᠷᠠᠪᠲᠤᠷ ᠤᠯᠠᠭᠠᠨ᠃
ᠤᠯᠠᠭᠠᠨ ᠬᠦᠷᠡᠩ ᠤᠯᠠᠭᠠᠨ ᠪᠤᠶᠤ ᠠᠷᠠᠢ ᠬᠦᠷᠡᠩᠳᠡᠭᠦᠦ ᠤᠯᠠᠭᠠᠨ᠃
ᠰᠢᠷᠠ ᠰᠢᠷᠠᠩᠭᠤᠢ᠂ ᠬᠠᠴᠠᠷ ᠨᠢᠭᠤᠷ ᠲᠣᠯᠣᠭᠠᠢ᠂ ᠬᠥᠯ ᠰᠢᠯᠪᠢ ᠨᠢ ᠰᠢᠷᠠ᠃
ᠪᠣᠷᠣ ᠪᠣᠷᠣᠪᠳᠤᠷᠬᠠᠨ᠂ ᠬᠥᠭᠡᠯᠵᠢᠨ᠃
ᠬᠥᠬᠡ ᠦᠨᠡᠰᠦᠨ ᠥᠩᠭᠡᠲᠡᠢ᠂ ᠬᠠᠷᠠ ᠬᠥᠬᠡ (ᠡᠭᠦᠯᠡᠨ ᠬᠥᠬᠡ ) ᠃
ᠴᠢᠷᠯᠠᠨ ᠬᠥᠬᠡ ᠲᠣᠯᠪᠣᠲᠠᠢ ᠪᠤᠶᠤ ᠪᠥᠷᠲᠡ ᠬᠥᠬᠡ᠃
ᠴᠢᠷᠯᠠᠨ ᠴᠠᠭᠠᠨ ᠳᠡᠭᠡᠷᠡ ᠡᠯᠳᠡᠪ ᠥᠩᠭᠡ ᠶ᠋ᠢᠨ ᠵᠢᠵᠢᠭ ᠳᠤᠰᠤᠯ ᠲᠣᠯᠪᠣ ᠨᠤᠭᠤᠳ ᠲᠠᠢ᠃
ᠬᠠᠷᠠ ᠴᠢᠷᠯᠠᠨ ᠬᠠᠷᠠ ᠲᠣᠯᠪᠣᠲᠠᠢ᠃
ᠪᠣᠷᠣ ᠴᠢᠷᠯᠠᠨ ᠪᠣᠷᠣ ᠲᠣᠯᠪᠣᠲᠠᠢ᠃
ᠬᠥᠬᠡ ᠴᠢᠷᠯᠠᠨ ᠬᠥᠬᠡ ᠲᠣᠯᠪᠣᠲᠠᠢ᠃
ᠠᠯᠠᠭ ᠡᠯᠳᠡᠪ ᠥᠩᠭᠡᠨ ᠳ᠋ᠦ᠍ ᠬᠡᠰᠡᠭ ᠴᠠᠭᠠᠨ ᠬᠣᠯᠢᠯᠳᠤᠭᠰᠠᠨ᠃
ᠬᠠᠷᠠ ᠠᠯᠠᠭ ᠬᠠᠷᠠ ᠳᠡᠭᠡᠷᠡ ᠴᠠᠭᠠᠨ᠃
ᠬᠦᠷᠡᠩ ᠠᠯᠠᠭ ᠬᠦᠷᠡᠩ ᠳᠡᠭᠡᠷᠡ ᠴᠠᠭᠠᠨ᠃
ᠪᠣᠷᠣ ᠠᠯᠠᠭ ᠪᠣᠷᠣ ᠳᠡᠭᠡᠷᠡ ᠴᠠᠭᠠᠨ᠃
ᠬᠥᠬᠡ ᠠᠯᠠᠭ ᠬᠥᠬᠡ ᠳᠡᠭᠡᠷᠡ ᠴᠠᠭᠠᠨ᠃
ᠬᠠᠯᠵᠠᠨ ᠮᠠᠩᠨᠠᠢ ᠠ᠋ᠴᠠ ᠬᠠᠮᠠᠷ ᠬᠦᠷᠲᠡᠯᠡ ᠵᠤᠷᠪᠤᠰ ᠴᠠᠭᠠᠨ᠃
ᠬᠠᠷᠠ ᠬᠠᠯᠵᠠᠨ
ᠬᠠᠮᠠᠷ ᠤᠷᠤᠭᠤ ᠪᠠᠨ ᠵᠤᠷᠪᠤᠰ ᠴᠠᠭᠠᠨ ᠲᠠᠢ ᠬᠠᠷᠠ ᠪᠤᠶᠤ ᠬᠠᠷᠠ ᠲᠦᠷᠦᠭᠦᠦ᠂ ᠬᠠᠷᠠ ᠬᠠᠴᠠᠷᠲᠠᠢ ᠬᠣᠨᠢ᠃
ᠬᠣᠩᠭᠣᠷ ᠬᠠᠯᠵᠠᠨ ᠬᠠᠮᠠᠷ ᠤᠷᠤᠭᠤ ᠪᠠᠨ ᠴᠠᠭᠠᠨᠲᠠᠢ ᠬᠤᠸᠠ ᠴᠠᠭᠠᠨ᠃
ᠬᠦᠷᠡᠩ ᠬᠠᠯᠵᠠᠨ ᠬᠠᠮᠠᠷ ᠤᠷᠤᠭᠤ ᠪᠠᠨ ᠴᠠᠭᠠᠨᠲᠠᠢ ᠬᠦᠷᠡᠩ᠃
ᠰᠢᠷᠠ ᠬᠠᠯᠵᠠᠨ ᠬᠠᠮᠠᠷ ᠤᠷᠤᠭᠤ ᠪᠠᠨ ᠴᠠᠭᠠᠨᠳᠠᠢ ᠰᠢᠷᠠ ᠪᠤᠶᠤ ᠰᠢᠷᠠ ᠲᠣᠯᠣᠭᠠᠢ᠂ ᠬᠠᠴᠠᠷᠲᠠᠢ ᠬᠣᠨᠢ᠃
ᠮᠤᠷᠤᠢ ᠬᠠᠯᠵᠠᠨ ᠴᠠᠭᠠᠨ ᠨᠢ ᠮᠤᠷᠤᠢ ᠪᠠᠭᠤᠭᠰᠠᠨ᠃
ᠵᠤᠷᠪᠤᠰ ᠬᠠᠯᠵᠠᠨ ᠴᠠᠭᠠᠨ ᠨᠢ ᠨᠠᠷᠢᠨ ᠤᠷᠲᠤ ᠪᠠᠭᠤᠭᠰᠠᠨ᠃
ᠪᠣᠷᠣ ᠬᠠᠯᠵᠠᠨ ᠬᠠᠮᠠᠷ ᠤᠷᠤᠭᠤ ᠪᠠᠨ ᠴᠠᠭᠠᠨᠲᠠᠢ ᠪᠣᠷᠣ ᠲᠦᠷᠦᠭᠦᠦ᠂ ᠪᠣᠷᠣ ᠬᠠᠴᠠᠷᠲᠠᠢ ᠪᠤᠶᠤ ᠪᠣᠷᠣ ᠬᠣᠨᠢ᠃
ᠬᠥᠬᠡ ᠬᠠᠯᠵᠠᠨ ᠬᠠᠮᠠᠷ ᠤᠷᠤᠭᠤ ᠪᠠᠨ ᠴᠠᠭᠠᠨᠳᠠᠢ ᠬᠥᠬᠡ ᠬᠣᠨᠢ᠃
ᠨᠢᠳᠦᠨ ᠨᠢᠳᠦ ᠪᠡᠨ ᠲᠣᠭᠣᠷᠢᠭᠠᠳ ᠡᠯᠳᠡᠪ ᠥᠩᠭᠡᠲᠡᠢ᠃
ᠬᠠᠷᠠ ᠨᠢᠳᠦᠨ ᠨᠢᠳᠦ ᠣᠷᠴᠢᠮ ᠬᠠᠷᠠ ᠪᠦᠬᠦᠢ᠃
ᠬᠦᠷᠡᠩ ᠨᠢᠳᠦᠨ ᠨᠢᠳᠦ ᠣᠷᠴᠢᠮ ᠬᠦᠷᠡᠩ ᠪᠦᠬᠦᠢ᠃
ᠰᠢᠷᠠ ᠨᠢᠳᠦᠨ ᠨᠢᠳᠦ ᠣᠷᠴᠢᠮ ᠰᠢᠷᠠ ᠪᠦᠬᠦᠢ᠃
ᠪᠣᠷᠣ ᠨᠢᠳᠦᠨ ᠨᠢᠳᠦ ᠣᠷᠴᠢᠮ ᠪᠣᠷᠣ ᠪᠦᠬᠦᠢ᠃
ᠬᠥᠬᠡ ᠨᠢᠳᠦᠨ ᠨᠢᠳᠦ ᠣᠷᠴᠢᠮ ᠬᠥᠬᠡ ᠪᠦᠬᠦᠢ᠃
ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠡᠯᠳᠡᠪ ᠥᠩᠭᠡᠲᠡᠢ᠃
ᠬᠠᠷᠠ ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠬᠠᠷᠠ᠃
ᠬᠣᠩᠭᠣᠷ ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠬᠤᠸᠠ᠃
ᠬᠦᠷᠡᠩ ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠬᠦᠷᠡᠩ᠃
ᠰᠢᠷᠠ ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠰᠢᠷᠠ᠃
ᠪᠣᠷᠣ ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠪᠣᠷᠣ᠃
ᠬᠥᠬᠡ ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠬᠥᠬᠡ᠃
ᠣᠬᠢ ᠲᠦᠷᠦᠭᠦᠦ ᠲᠣᠯᠣᠭᠠᠢ ᠨᠢ ᠴᠠᠭᠠᠨ ᠪᠤᠭᠤᠷᠤᠯ ᠪᠤᠶᠤ ᠴᠠᠭᠠᠨ᠃
ᠬᠠᠴᠠᠷᠲᠤ ᠬᠠᠴᠠᠷ ᠳᠠᠭᠠᠨ ᠡᠯᠳᠡᠪ ᠥᠩᠭᠡᠲᠡᠢ᠃
ᠬᠠᠷᠠ ᠬᠠᠴᠠᠷᠲᠤ ᠬᠠᠴᠠᠷ ᠨᠢ ᠬᠠᠷᠠ᠃
ᠰᠢᠷᠠ ᠬᠠᠴᠠᠷᠲᠤ ᠬᠠᠴᠠᠷ ᠨᠢ ᠰᠢᠷᠠ᠃
ᠪᠣᠷᠣ ᠬᠠᠴᠠᠷᠲᠤ ᠬᠠᠴᠠᠷ ᠨᠢ ᠪᠣᠷᠣ᠃
ᠬᠥᠬᠡ ᠬᠠᠴᠠᠷᠲᠤ ᠬᠠᠴᠠᠷ ᠨᠢ ᠬᠥᠬᠡ᠃
ᠬᠦᠷᠡᠩ ᠬᠠᠴᠠᠷᠲᠤ ᠬᠠᠴᠠᠷ ᠨᠢ ᠬᠦᠷᠡᠩ᠃
ᠪᠥᠷᠲᠡ ᠴᠠᠭᠠᠨ ᠳᠡᠭᠡᠷᠡ ᠡᠯᠳᠡᠪ ᠥᠩᠭᠡ ᠶ᠋ᠢᠨ ᠵᠢᠵᠢᠭ ᠲᠣᠯᠪᠣ ᠪᠦᠬᠦᠢ᠃
ᠬᠠᠷᠠ ᠪᠥᠷᠲᠡ ᠬᠠᠷᠠ ᠲᠣᠯᠪᠣ ᠪᠦᠬᠦᠢ᠃
ᠰᠢᠷᠠ ᠪᠥᠷᠲᠡ ᠰᠢᠷᠠ ᠲᠣᠯᠪᠣ ᠪᠦᠬᠦᠢ ᠪᠤᠶᠤ ᠰᠢᠷᠠ ᠬᠣᠨᠢ ᠪᠣᠷᠣ᠂ ᠬᠠᠷᠠ ᠲᠣᠯᠪᠣ ᠪᠦᠬᠦᠢ᠃
ᠪᠣᠷᠣ ᠪᠥᠷᠲᠡ ᠪᠣᠷᠣ ᠲᠣᠯᠪᠣ ᠪᠦᠬᠦᠢ ᠪᠤᠶᠤ ᠬᠠᠷᠠ ᠲᠣᠯᠪᠣ ᠪᠦᠬᠦᠢ ᠪᠣᠷᠣ ᠬᠣᠨᠢ᠃
ᠬᠥᠬᠡ ᠪᠥᠷᠲᠡ ᠬᠥᠬᠡ ᠲᠣᠯᠪᠣ ᠪᠦᠬᠦᠢ ᠪᠤᠶᠤ ᠬᠠᠷᠠ ᠲᠣᠯᠪᠣ ᠪᠦᠬᠦᠢ ᠬᠥᠬᠡ ᠬᠣᠨᠢ᠃
ᠬᠠᠷᠠ ᠭᠤᠶᠠᠲᠤ ᠭᠤᠶᠠ ᠨᠢ ᠬᠠᠷᠠ᠃
ᠡᠨᠳᠡ ᠲᠡᠨᠳᠡᠬᠢ ᠴᠠᠭᠠᠨ ᠢ᠋ᠶ᠋ᠠᠷ ᠨᠢ ᠲᠣᠳᠣᠳᠬᠠᠨ ᠨᠡᠷᠡᠯᠡᠭᠰᠡᠨ ᠨᠡᠷᠡ ᠨᠦ᠍ᠭᠦᠳ
ᠡᠷᠡᠦ ᠴᠠᠭᠠᠨ
ᠡᠷᠡᠦ ᠳᠡᠭᠡᠷᠡ ᠨᠢ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠥᠩᠭᠡ ᠵᠢᠰᠦᠮ᠃ ᠡᠷᠡᠦ ᠴᠠᠭᠠᠨ ᠬᠠᠷᠠ᠂ ᠡᠷᠡᠦ ᠴᠠᠭᠠᠨ ᠬᠥᠬᠡ᠂ ᠡᠷᠡᠦ ᠴᠠᠭᠠᠨ ᠬᠦᠷᠡᠩ ᠭᠡᠬᠦ ᠮᠡᠲᠦ᠃
ᠬᠠᠮᠠᠷ ᠴᠠᠭᠠᠨ
ᠬᠠᠮᠠᠷ ᠳᠡᠭᠡᠷᠡ ᠪᠡᠨ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃ ᠬᠠᠮᠠᠷ ᠴᠠᠭᠠᠨ ᠪᠣᠷᠣ᠃
ᠣᠷᠣᠢ ᠴᠠᠭᠠᠨ
ᠲᠣᠯᠣᠭᠠᠢ ᠶ᠋ᠢᠨ ᠣᠷᠣᠢ ᠨᠢ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃ ᠣᠷᠣᠢ ᠴᠠᠭᠠᠨ ᠪᠣᠷᠣ ᠬᠣᠨᠢ ᠭᠡᠬᠦ ᠮᠡᠲᠦ᠃
ᠴᠢᠬᠢ ᠴᠠᠭᠠᠨ ᠴᠢᠬᠢ ᠨᠢ ᠴᠠᠭᠠᠨ ᠡᠯᠳᠡᠪ ᠵᠢᠰᠦᠮ ᠪᠦᠬᠦᠢ᠃ ᠴᠢᠬᠢ ᠴᠠᠭᠠᠨ ᠬᠥᠬᠡ᠃
ᠰᠡᠭᠡᠷ ᠴᠠᠭᠠᠨ ᠰᠡᠭᠡᠷ ᠦ᠋ᠨ ᠳᠡᠭᠡᠷᠡ ᠨᠢ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃ ᠰᠡᠭᠡᠷ ᠴᠠᠭᠠᠨ ᠬᠠᠷᠠ ᠮᠡᠲᠦ᠃
ᠰᠢᠯᠢ ᠴᠠᠭᠠᠨ ᠰᠢᠯᠢᠨ ᠳᠡᠭᠡᠷᠡ ᠪᠡᠨ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃ ᠰᠢᠯᠢ ᠴᠠᠭᠠᠨ ᠬᠠᠷᠠ ᠮᠡᠲᠦ᠃
ᠰᠢᠭᠢᠷᠡ ᠴᠠᠭᠠᠨ ᠰᠢᠭᠢᠷᠡ ᠳ᠋ᠡᠭᠡᠨ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃ ᠰᠢᠭᠢᠷᠡ ᠴᠠᠭᠠᠨ ᠬᠦᠷᠡᠩ ᠮᠡᠲᠦ᠃
ᠬᠣᠰᠢᠭᠤ ᠴᠠᠭᠠᠨ
ᠬᠣᠩᠰᠢᠶᠠᠷ ᠴᠠᠭᠠᠨ ᠡᠯᠳᠡᠪ ᠵᠢᠰᠦᠮ᠃ ᠬᠣᠰᠢᠭᠤ ᠴᠠᠭᠠᠨ ᠬᠦᠷᠡᠩ ᠭᠡᠬᠦ ᠮᠡᠲᠦ ᠪᠡᠷ ᠡᠯᠡ ᠵᠢᠰᠦᠮ ᠳ᠋ᠦ᠍ ᠡᠨᠡ ᠬᠦ᠌ ᠴᠠᠭᠠᠨ ᠪᠤᠶᠤ ᠠᠯᠠᠭ ᠢ᠋ ᠲᠣᠳᠣᠳᠬᠠᠨ ᠨᠡᠷᠡᠯᠡᠪᠡᠯ ᠮᠥᠨ ᠴᠦ᠍ ᠬᠡᠳᠦᠨ ᠵᠠᠭᠤᠨ ᠵᠢᠰᠦᠮ ᠭᠠᠷᠴᠤ ᠪᠣᠯᠤᠨᠠ᠃
ᠰᠡᠭᠦᠯ ᠦ᠋ᠨ ᠬᠢᠨᠢ ᠪᠠᠢᠳᠠᠯ ᠢ᠋ᠶ᠋ᠠᠷ ᠨᠡᠷᠡᠯᠡᠬᠦ ᠵᠦᠢᠯ
ᠪᠦᠳᠦᠭᠦᠨ ᠰᠡᠭᠦᠯᠲᠦ
ᠰᠡᠭᠦᠯ ᠨᠢ ᠪᠦᠳᠦᠭᠦᠨ ᠡᠯᠳᠡᠪ ᠵᠢᠰᠦᠮ ᠪᠦᠬᠦᠢ ᠃ ᠰᠢᠯᠢ ᠶ᠋ᠢᠨ ᠭᠣᠣᠯ ᠂ ᠬᠥᠯᠥᠨ ᠪᠤᠢᠷ ᠲᠤ᠌ ᠪᠦᠳᠦᠭᠦᠨ ᠰᠡᠭᠦᠯᠲᠦ ᠬᠣᠨᠢ ᠪᠣᠢ᠃ ᠬᠡᠳᠦ ᠶᠤᠭᠤᠵᠤ ᠪᠠᠢᠵᠤ ᠰᠠᠶᠢ ᠪᠣᠰᠴᠤ ᠴᠢᠳᠠᠳᠠᠭ᠃ ᠴᠢᠨᠠᠭᠰᠠᠨ ᠬᠥᠯ ᠨᠢ ᠭᠠᠤᠯᠢᠨ ᠲᠠᠪᠠᠭ ᠤ᠋ᠨ ᠬᠢᠷᠢ ᠪᠠᠢᠳᠠᠭ᠃
ᠲᠠᠪᠠᠭ ᠰᠡᠭᠦᠯᠲᠦ ᠲᠠᠪᠠᠭ ᠬᠡᠯᠪᠡᠷᠢᠲᠡᠢ ᠰᠡᠭᠦᠯ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠲᠣᠭᠣᠷᠢᠭ ᠰᠡᠭᠦᠯᠲᠦ ᠲᠣᠪ ᠳᠤᠭᠤᠢ ᠬᠡᠯᠪᠡᠷᠢᠲᠡᠢ ᠰᠡᠭᠦᠯ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠤᠨᠵᠢᠭᠢᠷ ᠰᠡᠭᠦᠯᠲᠦ ᠤᠨᠵᠢᠢᠭᠰᠠᠨ ᠂ ᠤᠷᠲᠤᠯᠵᠢᠨ ᠬᠡᠯᠪᠡᠷᠢᠲᠦ ᠰᠡᠭᠦᠯ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠭᠣᠨᠵᠣᠭᠣᠷ ᠰᠡᠭᠦᠯᠲᠦ ᠤᠷᠲᠤᠯᠢᠭ ᠰᠡᠭᠦᠯ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠨᠣᠬᠠᠢ ᠰᠡᠭᠦᠯᠲᠦ ᠨᠣᠬᠠᠢ ᠶ᠋ᠢᠨ ᠰᠡᠭᠦᠯ ᠮᠡᠲᠦ ᠤᠷᠲᠤ ᠰᠡᠭᠦᠯ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠲᠤᠤᠰᠢᠩ ᠰᠡᠭᠦᠯᠲᠦ ᠰᠢᠯᠪᠢᠭᠦᠷ ᠲᠠᠰᠢᠭᠤᠷ ᠮᠡᠲᠦ ᠨᠠᠷᠢᠨ ᠤᠷᠲᠤ ᠰᠡᠭᠦᠯ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠣᠨᠴᠠᠭᠠᠢ ᠰᠢᠨᠵᠢ ᠲᠡᠮᠳᠡᠭ ᠪᠠ ᠲᠥᠷᠥᠴᠡ᠂ ᠵᠠᠩ ᠠᠷᠠᠨᠰᠢᠨ ᠢ᠋ᠶ᠋ᠠᠷ ᠨᠡᠷᠡᠯᠡᠬᠦ ᠵᠦᠢᠯ
ᠵᠠᠳᠠᠭᠠᠢ ᠰᠢᠯᠢᠲᠦ ᠰᠢᠯᠢ ᠴᠠᠭᠠᠨ ᠡᠯᠳᠡᠪ ᠵᠢᠰᠦᠮ ᠪᠦᠬᠦᠢ᠃
ᠬᠡᠷᠢᠶᠡᠨ ᠲᠣᠯᠣᠭᠠᠢᠲᠤ ᠪᠢᠲᠡᠭᠦᠦ ᠬᠠᠷᠠ ᠲᠦᠷᠦᠭᠦᠨ᠃
ᠪᠢᠲᠡᠭᠦᠦ ᠬᠠᠷᠠ ᠲᠦᠷᠦᠭᠦᠲᠦ ᠵᠢᠭᠠᠬᠠᠨ ᠴᠤ᠌ ᠲᠡᠮᠳᠡᠭ ᠦᠭᠡᠢ ᠬᠠᠷᠠ ᠲᠦᠷᠦᠭᠦᠨ᠃
ᠬᠤᠪᠤ ᠴᠢᠬᠢᠨ ᠣᠷᠣᠨᠴᠣᠭ᠂ ᠬᠤᠷᠤᠭᠤᠨ ᠤ᠋ ᠨᠢᠭᠡ ᠦᠶᠡ ᠲᠡᠳᠦᠢ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠮᠣᠨᠴᠣᠭᠲᠤ
ᠡᠷᠡᠦ᠂ ᠬᠦᠵᠦᠭᠦᠦ ᠶ᠋ᠢᠨ ᠵᠣᠯᠭᠠᠯᠲᠠ ᠶ᠋ᠢᠨ ᠲᠡᠨᠳᠡ ᠬᠣᠭᠣᠯᠠᠢ ᠶ᠋ᠢᠨ ᠬᠣᠶᠠᠷ ᠬᠠᠵᠠᠭᠤ ᠳ᠋ᠤ᠌ ᠤᠨᠵᠢᠢᠭᠰᠠᠨ ᠬᠥᠬᠥ ᠮᠡᠲᠦ ᠠᠰᠢᠭ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃ ᠪᠠᠰᠠ ᠰᠦᠢᠭᠡᠲᠤ ᠭᠡᠳᠡᠭ᠃
ᠯᠤᠤᠬᠠᠲᠤ ᠨᠢᠳᠦᠨ ᠦ᠌ ᠪᠡᠨ ᠡᠮᠦᠨᠡᠬᠡᠨ ᠵᠢᠵᠢᠭᠬᠡᠨ ᠡᠪᠡᠷ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠡᠪᠡᠷᠲᠦ ᠡᠪᠡᠷ ᠪᠦᠬᠦᠢ ᠬᠣᠨᠢ ᠶ᠋ᠢᠨ ᠡᠯᠳᠡᠪ ᠵᠢᠰᠦᠮ᠃
ᠤᠭᠠᠯᠵᠠᠨ ᠡᠪᠡᠷᠲᠦ ᠡᠪᠡᠷ ᠨᠢ ᠤᠭᠠᠯᠵᠠᠯᠠᠨ ᠤᠷᠭᠤᠭᠰᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠪᠦᠯᠡᠵᠡᠭᠲᠦ
ᠰᠢᠯᠪᠢ ᠪᠡᠨ ᠬᠠᠷᠠ ᠪᠤᠶᠤ ᠬᠦᠷᠡᠩ᠂ ᠰᠢᠷᠠ ᠦᠰᠦ ᠪᠡᠷ ᠨᠠᠷᠢᠬᠠᠨ ᠣᠷᠢᠶᠠᠭᠰᠠᠨ ᠪᠠᠭᠤᠤ ᠵᠡᠭᠦᠭᠰᠡᠨ ᠮᠡᠲᠦ ᠲᠡᠮᠳᠡᠭ ᠲᠡᠢ ᠡᠯᠡ ᠵᠢᠰᠦᠮ ᠦ᠋ᠨ ᠬᠣᠨᠢ ᠃
ᠮᠠᠢᠷᠠᠭ
ᠲᠥᠷᠥᠯᠬᠢ ᠬᠥᠯ ᠦ᠋ᠨ ᠦᠶᠡ ᠰᠤᠯᠠ ᠠ᠋ᠴᠠ ᠳᠠᠭᠠᠯᠴᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠠᠵᠠᠭᠠᠢ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃ ᠪᠠᠰᠠ ᠲᠤᠯᠠᠢ ( ᠡᠪᠡᠳᠴᠢᠨ ) ᠭᠡᠳᠡᠭ᠃
ᠢᠷᠡᠭ ᠬᠡᠪᠲᠡᠯᠭᠡᠨ ᠳ᠋ᠡᠭᠡᠨ ᠬᠡᠬᠢᠨᠡᠨ ᠢᠨᠴᠠᠭᠯᠠᠬᠤ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠢᠪᠡᠷᠬᠡᠢ
ᠦᠬᠡᠷ ᠲᠦ᠍ ᠮᠥᠷᠭᠥᠭᠳᠡᠭᠰᠡᠨ ᠪᠤᠶᠤ ᠪᠤᠲᠠ ᠳ᠋ᠤ᠌ ᠭᠢᠰᠬᠢᠭᠳᠡᠵᠦ ᠴᠣᠷᠣᠢ ᠨᠢ ᠴᠤᠭᠤᠷᠠᠵᠤ᠂ ᠭᠡᠳᠡᠰᠦ ᠨᠢ ᠭᠠᠷᠴᠤ ᠠᠷᠠᠰᠤ ᠨᠢ ᠪᠦᠯᠬᠦᠢᠵᠦ ᠪᠥᠨᠲᠥᠢᠭᠰᠡᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠭᠣᠯᠣᠩᠬᠠᠢ ᠲᠥᠯ ᠢ᠋ᠶ᠋ᠡᠨ ᠠᠮᠠᠷᠠᠭᠯᠠᠵᠤ ᠠᠪᠬᠤ ᠦᠭᠡᠢ ᠣᠷᠬᠢᠭᠠᠳ ᠶᠠᠪᠤᠳᠠᠭ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠳᠡᠯᠡᠦᠷᠡᠬᠡᠢ ᠣᠯᠠᠨ ᠲᠥᠯ ᠬᠠᠮᠢᠶᠠ ᠦᠭᠡᠢ ᠬᠥᠬᠥᠭᠦᠯᠳᠡᠭ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠬᠤᠯᠮᠠᠩ ᠬᠤᠯᠤᠭᠠᠷ ᠪᠤᠶᠤ ᠨᠤᠭᠤᠷᠬᠠᠢ ᠴᠢᠬᠢᠲᠡᠢ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠬᠣᠯᠪᠣᠭᠠ ᠴᠢᠬᠢ ᠨᠢ ᠬᠣᠯᠪᠣᠭᠠ᠃ ᠠᠷᠤ ᠲᠡᠢᠰᠢ ᠨᠠᠭᠠᠯᠳᠤᠩᠬᠠᠢ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠡᠷᠵᠢᠭᠡᠷ ᠦᠰᠦ ᠨᠢ ᠡᠷᠴᠢᠯᠡᠵᠦ ᠭᠣᠭᠴᠣᠭᠠᠷᠠᠭᠰᠠᠨ ᠰᠡᠩᠰᠡᠨ ᠦᠰᠦ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠪᠤᠷᠵᠢᠭᠢᠷ ᠦᠰᠦ ᠨᠢ ᠬᠣᠷᠪᠣᠢᠨ ᠬᠤᠭᠤᠷᠠᠭᠰᠠᠨ ᠡᠯᠳᠡᠪ ᠵᠢᠰᠦᠮ᠃
ᠢᠮᠠᠭᠠᠨ ᠦᠰᠦᠲᠦ ᠦᠰᠦ ᠨᠢ ᠡᠷᠴᠢᠯᠡᠭᠡ ᠦᠭᠡᠢ ᠰᠢᠭᠤᠳᠬᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠰᠣᠢᠷ ᠦᠰᠦᠲᠦ ᠡᠬᠢ ᠪᠡᠶᠡ ᠶ᠋ᠢᠨ ᠦᠰᠦ ᠡᠷᠴᠢᠯᠡᠭᠡ ᠦᠭᠡᠢ ᠮᠥᠷᠲᠡᠭᠡᠨ ᠠᠬᠤᠷᠬᠠᠨ ᠡᠯᠳᠡᠪ ᠵᠢᠰᠦᠮ ᠪᠦᠬᠦᠢ᠃
ᠰᠢᠭᠡᠭᠲᠦ ᠰᠢᠩᠬᠡᠭ ᠰᠢᠭᠡᠭ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ᠃
ᠬᠣᠩᠭᠣᠷᠴᠣᠭᠲᠤ
ᠰᠡᠭᠦᠯ ᠦ᠋ᠨ ᠳᠣᠣᠷᠠ ᠭᠤᠶᠠ ᠳᠠᠭᠠᠤ ᠦᠰᠦᠨ ᠳ᠋ᠦ᠍ ᠪᠠᠭᠠᠰᠤ ᠨᠢ ᠨᠠᠭᠠᠯᠳᠤᠨ ᠪᠠᠷᠢᠯᠳᠤᠵᠤ ᠲᠡᠮᠡᠭᠡᠨ ᠬᠣᠷᠭᠣᠯ ᠰᠢᠭ᠋ ᠪᠣᠯᠤᠭᠰᠠᠨ ᠡᠯᠳᠡᠪ ᠵᠢᠰᠦᠮ ᠪᠦᠬᠦᠢ᠃