ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 11 > Хөх зул – Боржигон Ванжал –"Тав ᠂ Таван хошуу малын бүлэг " 11
232ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ –11
ᠲᠡᠮᠡᠭᠡᠨ ᠦ ᠵᠢᠰᠦᠮ Тэмээний зүсэм
ᠥᠩᠭᠡ ᠪᠡᠷ ᠨᠡᠷᠡᠯᠡᠬᠦ ᠵᠦᠢᠯ
ᠴᠠᠭᠠᠨ ᠴᠠᠭᠠᠪᠲᠤᠷᠬᠠᠨ᠂ ᠰᠤᠷ᠂ ᠨᠣᠣᠯᠣᠭᠤᠷ ᠪᠦᠷ ᠴᠠᠭᠠᠨ᠃
ᠬᠣᠭᠣᠯᠵᠠᠭᠤᠷ ᠴᠠᠭᠠᠨ ᠡᠷᠡᠦ ᠶ᠋ᠢᠨ ᠳᠣᠣᠷᠠ᠂ ᠬᠠᠮᠠᠷ ᠢ᠋ᠶ᠋ᠠᠷ ᠴᠠᠭᠠᠨ ᠪᠦᠬᠦᠢ᠃
ᠯᠡᠭ ᠴᠠᠭᠠᠨ ᠯᠩ ᠪᠥᠬᠦᠲᠡᠢ ᠴᠠᠭᠠᠨ᠃
ᠰᠢᠷᠡᠭᠡ ᠴᠠᠭᠠᠨ ᠰᠢᠷᠡᠭᠡ ᠪᠥᠬᠦᠲᠡᠢ ᠴᠠᠭᠠᠨ᠃
ᠬᠣᠯᠪᠣᠭᠠ ᠴᠠᠭᠠᠨ ᠬᠣᠯᠪᠣᠭᠠ ᠪᠥᠬᠦᠲᠡᠢ ᠴᠠᠭᠠᠨ᠃
ᠬᠠᠩᠭᠠᠢ ᠴᠠᠭᠠᠨ ᠴᠠᠯᠠᠭᠠᠢ ᠪᠥᠬᠦᠲᠡᠢ ᠴᠠᠭᠠᠨ᠃
ᠰᠣᠯᠪᠢ ᠴᠠᠭᠠᠨ ᠬᠣᠶᠠᠷ ᠪᠦᠬᠦ ᠨᠢ ᠬᠣᠶᠠᠷ ᠲᠡᠢᠰᠢ ᠡᠰᠡᠷᠭᠦ ᠤᠨᠠᠭᠰᠠᠨ ᠴᠠᠭᠠᠨ᠃
ᠠᠶᠠᠰ ᠴᠠᠭᠠᠨ ᠬᠣᠶᠠᠷ ᠪᠦᠬᠦ ᠨᠢ ᠨᠢᠭᠡ ᠯᠡ ᠲᠡᠢᠰᠢ ᠤᠨᠠᠭᠰᠠᠨ ᠴᠠᠭᠠᠨ᠃
ᠬᠡᠶᠡᠭᠦᠦ ᠴᠠᠭᠠᠨ ᠬᠠᠨᠠᠨ ᠰᠠᠷᠠᠪᠴᠢ ᠪᠥᠬᠦᠲᠡᠢ ᠴᠠᠭᠠᠨ᠃
ᠬᠠᠪᠲᠠᠭᠠᠢ ᠴᠠᠭᠠᠨ ᠪᠦᠬᠦ ᠨᠢ ᠤᠨᠠᠭᠰᠠᠨ ᠡᠴᠡᠩᠬᠡᠢ ᠴᠠᠭᠠᠨ ᠪᠤᠶᠤ ᠴᠠᠭᠠᠨ ᠵᠢᠰᠦᠮ ᠦ᠋ᠨ ᠵᠡᠷᠯᠢᠭ ᠲᠡᠮᠡᠭᠡ᠃
ᠰᠡᠪᠡᠯᠭᠡ ᠴᠠᠭᠠᠨ ᠰᠣᠷᠮᠤᠤᠰᠤ ᠦᠰᠦ ᠨᠢ ᠣᠨᠴᠠ ᠤᠷᠲᠤ᠂ ᠦᠰᠦᠯᠢᠭ ᠴᠠᠭᠠᠨ᠃
ᠮᠠᠭᠠᠭ ᠴᠠᠭᠠᠨ ᠮᠠᠭᠠᠵᠢᠭᠤᠷ᠂ ᠡᠨᠳᠡ ᠲᠡᠨᠳᠡ ᠪᠡᠨ ᠬᠠᠯᠴᠠᠷᠠᠬᠤ ᠡᠪᠡᠳᠴᠢᠨ ᠲᠡᠢ ᠴᠠᠭᠠᠨ᠃
ᠭᠤᠪᠤᠷᠤᠤᠲᠠᠢ ᠴᠠᠭᠠᠨ ᠭᠤᠪᠤᠷᠤᠤ ᠡᠪᠡᠳᠴᠢᠨ ᠣᠯᠵᠤ ᠥᠩᠭᠡᠷᠡᠭᠰᠡᠨ ᠴᠠᠭᠠᠨ᠃
ᠠᠴᠢᠶᠠᠨ ᠤ᠋ ᠴᠠᠭᠠᠨ ᠠᠴᠢᠶᠠᠨ ᠳ᠋ᠤ᠌ ᠶᠠᠪᠤᠳᠠᠭ ᠴᠠᠭᠠᠨ᠃
ᠤᠷᠢᠯᠠᠭᠠ ᠴᠠᠭᠠᠨ
ᠣᠷᠢᠯᠠᠵᠤ ᠪᠠᠷᠬᠢᠷᠠᠭᠠᠳ ᠪᠠᠢᠳᠠᠭ ᠴᠠᠭᠠᠨ ᠭᠡᠬᠦ ᠮᠡᠲᠦ ᠡᠯᠡ ᠨᠡᠷᠡ ᠳ᠋ᠦ᠍ ᠬᠠᠲᠠᠪᠠᠯ ᠪᠠᠰᠠ ᠬᠣᠷᠢ ᠭᠤᠴᠢᠨ ᠵᠢᠰᠦᠮ ᠴᠦ᠍ ᠪᠠᠷᠲᠠᠭᠠ ᠪᠠᠷ ᠪᠣᠢ᠃
ᠰᠢᠷᠠ ᠰᠢᠷᠠᠪᠲᠤᠷᠬᠠᠨ ᠂ ᠰᠢᠷᠠ ᠰᠤᠷ ᠂ ᠬᠤᠸᠠ ᠰᠢᠷᠠ ᠨᠣᠣᠯᠣᠭᠤᠷ ᠲᠠᠢ᠃
ᠴᠠᠭᠠᠨ ᠰᠢᠷᠠ ᠴᠠᠢᠪᠤᠷᠳᠠᠭᠤ ᠰᠢᠷᠠ᠂ ᠨᠣᠣᠯᠣᠭᠤᠷ ᠨᠢ ᠴᠠᠢᠪᠤᠷ᠂ ᠰᠤᠷ ᠨᠢ ᠰᠢᠷᠠ᠃
ᠬᠤᠸᠠ ᠰᠢᠷᠠ ᠨᠣᠣᠯᠣᠭᠤᠷ ᠨᠢ ᠬᠤᠸᠠ᠂ ᠰᠤᠷ ᠨᠢ ᠰᠢᠷᠠ᠃
ᠭᠠᠤᠯᠢᠨ ᠰᠢᠷᠠ ᠭᠠᠪ ᠰᠢᠷᠠ᠃
ᠤᠯᠠᠭᠠᠨ ᠰᠢᠷᠠ
ᠤᠯᠠᠭᠠᠪᠲᠤᠷ ᠰᠢᠷᠠ ᠭᠡᠬᠦ ᠮᠡᠲᠦ ᠴᠠᠭᠠᠰᠢ ᠪᠡᠶᠡ ᠪᠠᠢᠳᠠᠯ ᠤ᠋ᠨ ᠨᠡᠷᠡ ᠳ᠋ᠦ᠍ ᠵᠠᠯᠭᠠᠪᠠᠯ ᠮᠥᠨ ᠬᠡᠳᠦᠨ ᠠᠷᠪᠠᠨ ᠨᠡᠷᠡᠲᠦ ᠵᠢᠰᠦᠮ ᠭᠠᠷᠴᠤ ᠢᠷᠡᠨᠡ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠯᠡᠭ ᠰᠢᠷᠠ – ᠯᠡᠭ ᠪᠦᠭᠦᠳᠦ ᠰᠢᠷᠠ᠂ ᠬᠣᠯᠪᠣᠭᠠ ᠰᠢᠷᠠ᠃
ᠬᠣᠯᠪᠣᠭᠠ ᠰᠢᠷᠠ ᠬᠣᠯᠪᠣᠭᠠ ᠪᠥᠬᠦᠲᠡᠢ ᠰᠢᠷᠠ ᠭᠡᠬᠦ ᠮᠡᠲᠦ᠃
ᠤᠯᠠᠭᠠᠨ ᠤᠯᠠᠪᠲᠤᠷᠬᠠᠨ᠃ ᠤᠯᠠᠭᠠᠨ ᠰᠤᠷ ᠲᠠᠢ᠂ ᠤᠯᠠᠭᠠᠪᠲᠤᠷ ᠬᠦᠷᠡᠩ ᠨᠣᠣᠯᠣᠭᠤᠷ ᠲᠠᠢ᠃
ᠬᠦᠷᠡᠩ ᠤᠯᠠᠭᠠᠨ ᠭᠦᠨᠡ ᠤᠯᠠᠭᠠᠨ᠂ ᠤᠯᠠᠭᠠᠨ ᠠ᠋ᠴᠠ ᠠᠷᠠᠢ ᠬᠦᠷᠡᠩᠳᠡᠭᠦᠦ᠃
ᠪᠣᠷᠣ ᠤᠯᠠᠭᠠᠨ ᠰᠠᠭᠠᠷᠠᠯᠳᠠᠭᠤ ᠨᠣᠣᠯᠣᠭᠤᠷ ᠤ᠋ᠨ ᠦᠵᠦᠭᠦᠷ ᠨᠢ ᠤᠯᠠᠪᠤᠷ᠂ ᠰᠤᠷ ᠨᠢ ᠤᠯᠠᠭᠠᠨ᠃
ᠬᠥᠭᠡᠯᠵᠢᠨ ᠤᠯᠠᠭᠠᠨ
ᠪᠣᠷᠣ ᠰᠠᠭᠠᠷᠠᠯ ᠨᠣᠣᠯᠣᠭᠤᠷ ᠲᠠᠢ᠂ ᠬᠦᠷᠡᠩ ᠬᠥᠬᠡᠪᠲᠦᠷ ᠰᠤᠷ ᠲᠠᠢ᠂ ᠮᠥᠨ ᠣᠯᠠᠨ ᠨᠡᠷᠡ ᠳᠡᠭᠡᠷᠡ ᠴᠢᠨᠠᠭᠰᠢᠯᠠᠨ ᠨᠡᠮᠡᠪᠡᠯ ᠪᠠᠰᠠ ᠴᠤ᠌ ᠣᠯᠠᠨ ᠨᠡᠷᠡᠲᠦ ᠵᠢᠰᠦᠮ ᠪᠣᠢ ᠪᠣᠯᠤᠨᠠ᠃
ᠬᠦᠷᠡᠩ ᠤᠯᠠᠭᠠᠨ ᠠ᠋ᠴᠠ ᠪᠠᠬᠠᠨ ᠬᠠᠷᠠᠪᠲᠤᠷ ᠤᠯᠠᠭᠠᠨ᠃
ᠤᠯᠠᠭᠠᠨ ᠬᠦᠷᠡᠩ ᠤᠯᠠᠭᠠᠨ ᠰᠤᠷ ᠲᠠᠢ᠂ ᠬᠠᠷᠠ ᠬᠦᠷᠡᠩᠳᠡᠭᠦᠦ ᠨᠣᠣᠯᠣᠭᠤᠷ ᠲᠠᠢ᠃
ᠬᠠᠷᠠ ᠬᠦᠷᠡᠩ ᠰᠤᠷ ᠨᠢ ᠬᠠᠷᠠᠪᠲᠤᠷ ᠤᠯᠠᠭᠠᠨ᠂ ᠨᠣᠣᠯᠣᠭᠤᠷ ᠨᠢ ᠬᠦᠷᠡᠩᠳᠡᠭᠦᠦ᠃
ᠬᠥᠭᠡᠯᠵᠢᠨ ᠬᠦᠷᠡᠩ
ᠬᠦᠷᠡᠩ ᠨᠣᠣᠯᠣᠭᠤᠷ ᠲᠠᠢ᠂ ᠪᠣᠷᠣ ᠰᠤᠷ ᠲᠠᠢ᠃ ᠴᠠᠭᠠᠰᠢ ᠡᠨᠡ ᠬᠦᠷᠡᠩ ᠢ᠋ ᠡᠯᠡ ᠨᠡᠷᠡ ᠳ᠋ᠦ᠍ ᠬᠠᠲᠠᠵᠤ ᠨᠡᠷᠡᠲᠦ ᠵᠢᠰᠦᠮ ᠪᠣᠯᠭᠠᠪᠠᠯ ᠲᠠᠲᠠᠵᠤ ᠬᠡᠯᠡᠬᠦ ᠳ᠋ᠦ᠍ ᠲᠠᠪᠢ ᠵᠢᠷᠠ ᠪᠣᠢ ᠪᠣᠯᠤᠨᠠ᠃
ᠪᠣᠷᠣ
ᠬᠥᠭᠡᠯᠵᠢᠨ᠂ ᠡᠨᠡ ᠪᠣᠷᠣ ᠶ᠋ᠢ ᠴᠠᠭᠠᠰᠢ ᠨᠢ ᠡᠯᠡ ᠨᠡᠷᠡ ᠳ᠋ᠦ᠍ ᠬᠠᠲᠠᠵᠤ ᠨᠡᠷᠡ ᠳ᠋ᠦ᠍ ᠵᠢᠰᠦᠮ ᠪᠣᠯᠭᠠᠪᠠᠯ ᠮᠥᠨ ᠬᠡᠳᠦᠨ ᠠᠷᠪᠠ ᠴᠤ᠌ ᠠᠰᠠᠭᠤᠳᠠᠯ ᠦᠭᠡᠢ ᠶ᠋ᠢ ᠰᠠᠨᠠ᠃
ᠬᠠᠷᠠ ᠦᠯᠦ ᠪᠠᠷᠠᠭᠠᠬᠠᠨ᠃ ᠬᠠᠷᠠ ᠰᠤᠷ᠂ ᠬᠠᠷᠠᠪᠲᠤᠷ ᠨᠣᠣᠯᠣᠭᠤᠷ ᠲᠠᠢ᠃
ᠬᠦᠷᠡᠩ ᠬᠠᠷᠠ ᠬᠦᠷᠡᠪᠲᠦᠷ ᠬᠠᠷᠠ᠃
ᠫᠠᠳ ᠬᠠᠷᠠ
ᠬᠡᠯᠡᠬᠦ ᠨᠢ ᠫᠠᠳ ᠬᠠᠷᠠ᠂ ᠭᠡᠪᠡᠴᠦ ᠶᠠᠭ ᠲᠡᠢᠮᠦ ᠳᠡᠰ ᠬᠠᠷᠠ ᠪᠢᠰᠢ ᠨᠡᠯᠢᠶᠡᠳ ᠭᠦᠨᠡ ᠬᠠᠷᠠᠪᠲᠤᠷ᠃
ᠥᠭᠡᠳᠡᠩ ᠬᠠᠷᠠ
ᠦᠯᠦ ᠪᠠᠷᠠᠭᠠᠬᠠᠨ ᠃ ᠡᠨᠡ ᠬᠠᠷᠠ ᠶ᠋ᠢ ᠲᠡᠮᠡᠭᠡᠨ ᠦ᠌ ᠡᠯᠡ ᠨᠡᠷᠡ ᠳᠡᠭᠡᠷᠡ ᠲᠣᠳᠣᠳᠬᠠᠯ ᠪᠣᠯᠭᠠᠨ ᠬᠠᠲᠠᠵᠤ ᠨᠡᠷᠡᠲᠦ ᠵᠢᠰᠦᠮ ᠪᠣᠯᠭᠠᠪᠠᠯ ᠮᠥᠨ ᠬᠡᠳᠦᠨ ᠠᠷᠪᠠᠨ ᠵᠢᠰᠦᠮ ᠪᠣᠢ ᠪᠣᠯᠤᠨᠠ ᠳᠠ᠃
ᠪᠦᠬᠦ ᠶ᠋ᠢᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠨᠡᠷᠡᠯᠡᠬᠦ ᠵᠦᠢᠯ
ᠰᠢᠷᠡᠭᠡ
ᠬᠣᠶᠷ ᠪᠦᠬᠦ ᠨᠢ ᠪᠣᠰᠤᠭᠠ᠃ ᠡᠨᠡ ᠰᠢᠷᠡᠭᠡ ᠳᠡᠭᠡᠷᠡ ᠲᠡᠮᠡᠭᠡᠨ ᠦ᠌ ᠡᠯᠳᠡᠪ ᠵᠢᠰᠦᠮ ᠢ᠋ ᠨᠡᠮᠡᠵᠦ ᠨᠡᠷᠡᠲᠦ ᠵᠢᠰᠦᠮ ᠪᠣᠯᠭᠠᠪᠠᠯ ᠮᠥᠨ ᠬᠡᠳᠦᠨ ᠠᠷᠪᠠ ᠪᠣᠯᠬᠤ ᠮᠠᠭᠠᠳ᠃
ᠲᠤᠭ ᠰᠢᠷᠡᠭᠡ
ᠬᠣᠶᠠᠷ ᠪᠦᠬᠦ ᠨᠢ ᠠᠪ ᠠᠰᠬᠠᠨ ᠥᠴᠦᠬᠡᠨ ᠴᠦ᠍ ᠭᠠᠵᠢᠶᠠ ᠦᠭᠡᠢ ᠪᠣᠰᠤᠭᠠ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠪᠣᠰᠤᠭᠠ ᠪᠥᠬᠦᠲᠡᠢ ᠰᠢᠷᠡᠭᠡ ᠪᠥᠬᠦᠲᠡᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠰᠤᠪᠤᠷᠭᠠᠨ ᠪᠥᠬᠦᠲᠡᠢ ᠥᠨᠳᠥᠷ ᠰᠢᠷᠡᠭᠡ ᠪᠥᠬᠦᠲᠡᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠱᠠᠮᠠᠨ ᠪᠥᠬᠦᠲᠡᠢ ᠡᠮᠦᠨᠡ ᠪᠦᠬᠦ ᠨᠢ ᠦᠵᠦᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠷᠣᠭᠰᠢ ᠬᠡᠬᠦᠭᠡᠷ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠬᠠᠨᠠᠨ ᠰᠢᠷᠡᠭᠡᠲᠡᠢ
ᠬᠣᠶᠠᠷ ᠪᠦᠬᠦ ᠨᠢ ᠦᠵᠦᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠢᠭᠡ ᠲᠡᠢᠰᠢ ᠳ᠋ᠤᠯᠢ ᠬᠡᠶᠡᠭᠦᠦ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠬᠠᠩᠭᠠᠢ ᠪᠥᠬᠦᠲᠡᠢ
ᠴᠠᠯᠠᠭᠠᠢ ᠪᠥᠬᠦᠲᠡᠢ᠂ ᠬᠣᠶᠠᠷ ᠪᠦᠬᠦ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠨᠢ ᠠᠭᠤᠵᠢᠮ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠬᠣᠯᠪᠣᠭᠠ ᠪᠥᠬᠦᠲᠡᠢ
ᠬᠣᠶᠠᠷ ᠪᠦᠬᠦ ᠨᠢ ᠬᠣᠭᠣᠷᠣᠨᠳᠣ ᠪᠠᠨ ᠵᠠᠢ ᠪᠠᠭᠠ ᠲᠠᠢ ᠪᠤᠶᠤ ᠦᠵᠦᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠢᠷᠠᠬᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠨᠠᠪᠰᠢᠭᠠᠢ ᠬᠣᠶᠠᠷ ᠪᠦᠬᠦ ᠨᠢ ᠴᠥᠮ ᠤᠨᠠᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠨᠤᠭᠤᠷᠬᠠᠢ ᠡᠮᠦᠨᠡ ᠪᠦᠬᠦ ᠨᠢ ᠤᠨᠠᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠰᠣᠶᠣᠭᠠ ᠪᠥᠬᠦᠲᠡᠢ ᠠᠷᠤ ᠪᠦᠬᠦ ᠤᠨᠠᠩᠬᠠᠢ᠂ ᠡᠮᠦᠨᠡ ᠪᠦᠬᠦ ᠨᠢ ᠪᠣᠰᠤᠭᠠ᠃ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡ᠃
ᠬᠠᠨᠠᠨ ᠰᠠᠷᠠᠪᠴᠢ
ᠪᠦᠬᠦ ᠶ᠋ᠢᠨ ᠳᠡᠭᠡᠳᠦ ᠦᠵᠦᠭᠦᠷ ᠢ᠋ᠶ᠋ᠡᠷ ᠠᠯᠢ ᠨᠢᠭᠡ ᠲᠠᠯᠠ ᠲᠠᠢᠰᠢ ᠦᠯᠦ ᠮᠡᠳᠡᠭ ᠬᠠᠵᠠᠢᠭᠰᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠬᠡᠶᠡᠭᠦᠦ
ᠬᠠᠵᠠᠭᠤ᠂ ᠬᠠᠨᠠᠨ ᠰᠠᠷᠠᠪᠴᠢ᠃ ᠬᠣᠶᠠᠷ ᠪᠦᠬᠦ ᠨᠢ ᠠᠯᠢ ᠨᠢᠭᠡ ᠲᠠᠢᠰᠢ ᠦᠯᠦ ᠮᠡᠳᠡᠭ ᠬᠠᠵᠠᠢᠭᠰᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠠᠶᠠᠰ
ᠬᠣᠶᠠᠷ ᠪᠦᠬᠦ ᠨᠢ ᠨᠢᠭᠡᠨ ᠲᠡᠢᠰᠢ ᠤᠨᠠᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠂ ᠵᠠᠷᠢᠮ ᠭᠠᠵᠠᠷ ᠬᠠᠵᠠᠭᠤ ᠭᠡᠳᠡᠭ᠃
ᠬᠠᠵᠠᠭᠤ ᠠᠶᠠᠰ ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠰᠣᠯᠪᠢ ᠬᠣᠶᠠᠷ ᠪᠦᠬᠦ ᠨᠢ ᠬᠣᠶᠠᠷ ᠲᠡᠢᠰᠢ ᠡᠰᠡᠷᠭᠦ ᠤᠨᠠᠭᠰᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠵᠥᠪ ᠠᠶᠠᠰ ( ᠬᠠᠵᠠᠭᠤ )
ᠬᠣᠶᠠᠷ ᠪᠦᠬᠦ ᠨᠢ ᠬᠣᠶᠠᠭᠤᠯᠠ ᠪᠠᠨ ᠵᠥᠪ ᠲᠡᠢᠰᠢ ᠤᠨᠠᠭᠰᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠪᠤᠷᠤᠭᠤ ᠠᠶᠠᠰ ( ᠬᠠᠵᠠᠭᠤ )
ᠪᠤᠷᠤᠭᠤ ᠲᠡᠢᠰᠢ ᠬᠣᠶᠠᠭᠤᠯᠠ ᠪᠠᠨ ᠤᠨᠠᠭᠰᠠᠨ᠃ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠬᠠᠪᠲᠠᠭᠠᠢ
ᠬᠣᠶᠠᠷ ᠪᠦᠬᠦ ᠨᠢ ᠠᠷᠠᠰᠤ ᠰᠢᠬᠠᠭᠤ ᠪᠣᠯᠵᠤ ᠤᠨᠠᠭᠰᠠᠨ ᠡᠴᠡᠩᠬᠡᠢ ᠡᠯᠡ ᠵᠦᠢᠯ ᠦ᠋ᠨ ᠲᠡᠮᠡᠭᠡᠳ᠃ ᠪᠠᠰᠠ ᠵᠡᠷᠯᠢᠭ ᠲᠡᠮᠡᠭᠡ ᠶ᠋ᠢ ᠬᠠᠪᠲᠠᠭᠠᠢ ᠭᠡᠳᠡᠭ᠃
ᠬᠡᠪᠲᠡᠭᠡ ᠪᠥᠬᠦᠲᠡᠢ ᠤᠨᠠᠩᠬᠠᠢ ᠶᠡᠷᠦ ᠪᠣᠰᠳᠠᠭ ᠦᠭᠡᠢ ᠂ ᠨᠠᠪᠰᠢᠭᠠᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠯᠡᠭ ᠪᠥᠬᠦᠲᠡᠢ
ᠪᠦᠬᠦ ᠨᠢ ᠪᠦᠳᠦᠭᠦᠨ ᠪᠥᠭᠡᠳ ᠬᠡᠵᠢᠶᠡᠳᠡ ᠥᠭᠡᠳᠡ ᠪᠡᠨ ᠪᠣᠰᠬᠤ ᠦᠭᠡᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠰᠣᠵᠣᠩ ᠪᠥᠬᠦᠲᠡᠢ ᠪᠣᠭᠣᠨᠢ ᠪᠥᠭᠡᠳ ᠨᠠᠷᠢᠬᠠᠨ ᠪᠦᠬᠦ᠃
ᠣᠨᠴᠠ ᠲᠡᠮᠳᠡᠭ ᠪᠣᠯᠤᠨ ᠲᠥᠷᠥᠴᠡ ᠣᠨᠣᠰᠢ ᠬᠡᠷᠡᠭᠯᠡᠬᠦᠨ ᠢ᠋ᠶ᠋ᠡᠷ ᠨᠡᠷᠡᠯᠡᠬᠦ ᠵᠦᠢᠯ
ᠰᠡᠪᠡᠯᠭᠡᠲᠡᠢ ᠰᠣᠷᠮᠤᠤᠰᠤ᠂ ᠦᠰᠦ ᠨᠢ ᠣᠨᠴᠠ ᠤᠷᠲᠤ ᠦᠰᠦᠯᠢᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠳᠠᠪᠬᠤᠷ ᠵᠣᠭᠳᠤᠷᠲᠠᠢ
ᠬᠦᠵᠦᠭᠦᠨ ᠦ᠌ ᠵᠣᠭᠳᠣᠷ ᠠ᠋ᠴᠠ ᠭᠠᠳᠠᠨᠠ ᠬᠠᠴᠠᠷ ᠪᠠ ᠭᠤᠶᠠᠨ ᠳ᠋ᠠᠭᠠᠨ ᠪᠠᠰᠠ ᠵᠣᠭᠳᠣᠷ ᠲᠠᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠬᠤᠯᠤᠤ ᠲᠠᠢ
ᠬᠥᠭᠰᠢᠨ ᠲᠡᠮᠡᠭᠡᠨ ᠦ᠌ ᠬᠥᠯ ᠳ᠋ᠦ᠍ ᠬᠣᠶᠠᠩ ᠰᠢᠷᠠ ᠤᠰᠤ ᠰᠠᠭᠤᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠬᠥᠬᠡᠷᠡᠭᠰᠡᠨ ᠲᠠᠷᠭᠤᠯᠠᠳᠠᠭ ᠦᠭᠡᠢ ᠨᠢᠭᠡ ᠵᠦᠢᠯ ᠦ᠋ᠨ ᠭᠡᠮ ᠪᠦᠬᠦᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠰᠢᠪᠬᠠᠢ ᠲᠥᠷᠥᠯᠬᠢ ᠳᠥᠷᠪᠡᠨ ᠬᠥᠯ ᠦ᠋ᠨ ᠪᠡᠷᠪᠡᠬᠡᠢ ᠪᠡᠷ ᠬᠣᠢᠰᠢ ᠨᠤᠭᠤᠷᠠᠭᠰᠠᠨ ᠢ᠋ ᠬᠡᠯᠡᠨᠡ᠃
ᠴᠣᠩᠨᠠᠭᠤᠷ ᠬᠦᠵᠦᠭᠦᠦ ᠤᠷᠲᠤ᠂ ᠴᠡᠡᠭᠡᠵᠢ ᠳᠡᠭᠡᠷᠡ ᠰᠡᠩᠨᠡᠢᠭᠰᠡᠨ᠃
ᠲᠣᠭᠣᠷᠴᠣᠭᠲᠤ
ᠥᠪᠥᠭ ᠨᠢ ᠤᠭ ᠲᠠᠭᠠᠨ ᠲᠣᠮᠣ᠂ ᠦᠵᠦᠭᠦᠷ ᠵᠦᠭ ᠢ᠋ᠶ᠋ᠡᠨ ᠱᠣᠪᠬᠣ᠂ ᠶᠠᠭ ᠲᠣᠭᠣᠷᠴᠣᠭ ᠵᠡᠭᠦᠭᠰᠡᠨ ᠮᠡᠲᠦ ᠲᠡᠮᠡᠭᠡᠳ᠃
ᠬᠠᠮᠠᠭᠤᠲᠠᠢ
ᠦᠰᠦ ᠨᠢ ᠵᠤᠯᠭᠠᠷᠠᠬᠤ ᠠᠷᠠᠰᠤ ᠮᠢᠬᠠᠨ ᠤ᠋ ᠡᠪᠡᠳᠴᠢᠨ ᠪᠦᠬᠦᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠮᠠᠭᠠᠭᠲᠠᠢ
ᠮᠠᠭᠠᠵᠢᠭᠤᠷ ᠡᠨᠳᠡ ᠲᠡᠨᠳᠡ ᠨᠢ ᠬᠠᠯᠴᠠᠷᠠᠬᠤ ᠡᠪᠡᠳᠴᠢᠨ ᠪᠦᠬᠦᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠭᠤᠪᠤᠷᠤᠤᠲᠠᠢ
ᠭᠤᠪᠤᠷᠤᠤ ᠡᠪᠡᠳᠴᠢᠨ ᠲᠡᠢ ᠪᠤᠶᠤ ᠣᠯᠵᠤ ᠥᠩᠭᠡᠷᠡᠭᠰᠡᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠠᠯᠬᠤᠭᠠᠲᠠᠢ
ᠤᠷᠮᠠᠲᠠᠢ ᠬᠥᠩᠭᠡᠨ ᠰᠢᠯᠤᠭᠤᠨ ᠠᠯᠬᠤᠳᠠᠯ ᠪᠦᠬᠦᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠵᠤᠨᠵᠢᠭᠠᠲᠠᠢ ᠲᠡᠮᠡᠭᠡᠨ ᠦ᠌ ᠰᠠᠢᠪᠤᠷ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠲᠡᠰᠢᠳᠡᠭ
ᠠᠳᠤᠭᠤᠨ ᠤ᠋ ᠵᠢᠷᠣᠭᠠ ᠮᠡᠲᠦ ᠲᠡᠰᠢᠬᠦ᠂ ᠲᠡᠮᠡᠭᠡᠨ ᠦ᠌ ᠬᠠᠮᠤᠭ ᠬᠤᠷᠳᠤᠨ ᠶᠠᠪᠤᠳᠠᠯ ᠪᠦᠬᠦᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠤᠨᠤᠭᠠᠷᠢ ᠣᠨᠣᠯᠭᠠ ᠳ᠋ᠤ᠌ ᠬᠤᠪᠢᠳᠠᠭᠰᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠠᠴᠢᠶᠠᠨ ᠤ᠋ ᠠᠴᠢᠶᠠ ᠵᠥᠭᠡᠭᠡᠪᠦᠷᠢ ᠳ᠋ᠦ᠍ ᠰᠤᠷᠲᠠᠯ ᠲᠠᠢ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠵᠢᠩ ᠦ᠋ᠨ ᠬᠣᠯᠠ ᠶ᠋ᠢᠨ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠳ᠋ᠦ᠍ ᠬᠤᠪᠢᠳᠠᠭᠰᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠯᠤᠤᠭᠠᠷ ᠤ᠋ᠨ ᠵᠢᠩ ᠦ᠋ᠨ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠵᠠᠩ ᠠᠷᠠᠨᠰᠢᠨ ᠢ᠋ᠶ᠋ᠠᠷ ᠨᠡᠷᠡᠯᠡᠬᠦ ᠵᠦᠢᠯ
ᠠᠭᠤᠷᠲᠤ ᠠᠮᠠᠨ ᠳ᠋ᠠᠭᠠᠨ ᠬᠥᠭᠡᠰᠦ ᠰᠠᠭᠭᠠᠭᠤᠯᠤᠨ ᠴᠡᠭᠡᠵᠢ ᠨᠢ ᠳᠦᠩᠭᠢᠨᠡᠳᠡᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠳᠦᠩᠭᠢᠨᠡᠭᠦᠷ ᠠᠭᠤᠷᠯᠠᠬᠤ ᠳ᠋ᠠᠭᠠᠨ ᠴᠡᠭᠡᠵᠢ ᠨᠢ ᠬᠦᠷᠴᠢᠭᠢᠨᠡᠨ ᠳᠦᠩᠭᠢᠨᠡᠵᠦ ᠳᠤᠤᠭᠠᠷᠬᠤ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠡᠢᠯᠳᠡᠭ ᠰᠦᠷᠦᠭ ᠡᠴᠡ ᠪᠡᠨ ᠰᠠᠯᠤᠨ ᠭᠠᠭᠴᠠᠭᠠᠷ ᠳᠤᠲᠠᠭᠠᠳᠠᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠢᠳᠡᠳᠡᠭ ( ᠢᠳᠡᠮᠡᠬᠡᠢ ) ᠪᠤᠷᠠᠨᠲᠠᠭ ᠪᠤᠶᠤ ᠭᠠᠩᠰᠢᠨ ᠢ᠋ᠶ᠋ᠠᠨ ᠢᠳᠡᠵᠦ ᠲᠠᠰᠤᠯᠳᠠᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠤᠷᠢᠯᠠᠭᠠ ᠤᠨᠤᠬᠤ ᠪᠤᠶᠤ ᠣᠢᠷᠠᠲᠤᠬᠤ ᠪᠦᠷᠢ ᠪᠠᠷᠬᠢᠷᠠᠳᠠᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠪᠠᠷᠬᠢᠷᠠᠭᠠ ᠤᠷᠢᠯᠠᠭᠠ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠬᠠᠮᠤᠳᠠᠭ ᠡᠮᠦᠨᠡ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠠᠮᠤᠷᠳᠠᠨ ᠳᠡᠪᠰᠡᠬᠦ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠬᠣᠷᠭᠣᠳᠠᠭᠠ
ᠢᠵᠢᠯᠢ ᠪᠤᠶᠤ ᠠᠢᠯ ᠠ᠋ᠴᠠ ᠰᠠᠯᠤᠨ ᠭᠠᠷᠴᠤ ᠢᠷᠡᠬᠦ ᠦᠭᠡᠢ ᠂ ᠡᠰᠡᠬᠦᠯᠡ ᠠᠢᠯ ᠦᠵᠡᠭᠰᠡᠭᠡᠷ ᠠᠪᠴᠤ ᠣᠷᠣᠬᠤ ᠭᠡᠳ ᠪᠠᠢᠳᠠᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠳᠠᠪᠠᠴᠢᠳᠠᠭ
ᠲᠠᠪᠠᠷᠠᠨ ᠬᠠᠷᠠᠢᠬᠤ᠂ ᠦᠰᠦᠷᠬᠢᠯᠡᠨ ᠮᠣᠷᠢ ᠰᠢᠭ᠋ ᠳᠠᠪᠬᠢᠬᠤ ᠭᠡᠬᠦ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠲᠤᠢᠯᠠᠳᠠᠭ ( ᠲᠤᠢᠯᠠᠬᠤ )
ᠲᠡᠮᠡᠭᠡ ᠂ ᠤᠨᠤᠭᠰᠠᠨ ᠬᠥᠮᠦᠨ ᠢ᠋ ᠤᠨᠠᠭᠠᠬᠤ ᠭᠡᠵᠦ ᠪᠡᠶᠡ ᠪᠡᠨ ᠰᠢᠯᠭᠡᠭᠡᠨ ᠵᠠᠢᠮᠤᠷᠠᠭᠤᠯᠵᠤ ᠦᠰᠦᠷᠦᠨ ᠲᠣᠭᠯᠠᠬᠤ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃ ᠰᠢᠯᠢ ᠶ᠋ᠢᠨ ᠭᠣᠣᠯ ᠮᠡᠲᠦ ᠵᠠᠷᠢᠮ ᠭᠠᠵᠠᠷ ᠮᠣᠷᠢ ᠶ᠋ᠢ ᠪᠠᠰᠠ ᠲᠤᠢᠯᠠᠨᠠ ᠭᠡᠵᠦ ᠬᠡᠯᠡᠭᠡᠳ ᠵᠠᠩᠰᠢᠴᠢᠬᠠᠵᠠᠢ᠃ ᠶᠣᠰᠣ ᠨᠢ ᠠᠩᠬᠠ ᠡᠷᠲᠡ ᠳ᠋ᠡᠭᠡᠨ ᠮᠣᠷᠢ ᠶ᠋ᠢ ᠪᠤᠯᠭᠢᠨᠠ ᠭᠡᠵᠦ ᠂ ᠲᠡᠮᠡᠭᠡ ᠶ᠋ᠢ ᠲᠣᠢᠯᠠᠨᠠ ᠭᠡᠵᠦ ᠢᠯᠭᠠᠭᠠᠲᠠᠢ ᠬᠡᠯᠡᠵᠦ ᠪᠠᠢᠵᠠᠢ᠃
ᠳᠠᠭᠠᠷᠢᠳᠠᠭ
ᠣᠢᠷᠠᠲᠤᠭᠰᠠᠨ ᠬᠥᠮᠦᠨ ᠢ᠋ ᠰᠢᠭᠤᠳ ᠥᠭᠡᠳᠡ ᠡᠴᠡ ᠨᠢ ᠨᠥᠷᠢᠨ ᠳᠠᠭᠠᠷᠢᠵᠤ ᠢᠷᠡᠳᠡᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠳᠡᠭᠳᠡᠳᠡᠭ
ᠲᠤᠰᠢᠶᠠ ᠲᠠᠢ ᠪᠠᠨ ᠪᠠᠷᠢᠭᠳᠠᠬᠤ ᠦᠭᠡᠢ ᠭᠡᠵᠦ ᠳᠡᠪᠬᠡᠷᠦᠨ ᠳᠡᠪᠡᠷᠡᠵᠦ ᠳᠤᠲᠠᠭᠠᠬᠤ᠂ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠰᠠᠭᠤᠳᠠᠭ ᠤᠶᠠᠭᠠ ᠪᠠᠨ ᠲᠠᠰᠤᠯᠬᠤ ᠪᠠᠷ ᠬᠣᠢᠰᠢ ᠱᠣᠩᠰᠢᠷᠠᠬᠤ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃
ᠰᠡᠪᠡᠰᠦᠯᠡᠳᠡᠭ ᠬᠥᠮᠦᠨ ᠦ᠌ ᠥᠭᠡᠳᠡ ᠰᠡᠪᠡᠰᠦ ᠪᠡᠨ ᠳᠣᠷᠭᠢᠨ ᠦᠯᠢᠶᠡᠳᠡᠭ ᠡᠯᠡ ᠵᠢᠰᠦᠮ ᠦ᠋ᠨ ᠲᠡᠮᠡᠭᠡᠳ᠃