ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 10 > Хөх зул – Боржигон Ванжал –"Тав ᠂ Таван хошуу малын бүлэг " 10
263ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ –10
ᠦᠬᠡᠷ ᠦᠨ ᠵᠢᠰᠦᠮ Үхрийн зүсэм
ᠥᠩᠭᠡ ᠪᠡᠷ ᠨᠡᠷᠡᠯᠡᠬᠦ ᠵᠦᠢᠯ
ᠬᠠᠷᠠ ᠮᠠᠰᠢ ᠪᠠᠷᠠᠭᠠᠨ᠃
ᠤᠯᠠᠭᠠᠨ ᠵᠡᠭᠡᠷᠳᠡᠭᠦᠦ ᠤᠯᠠᠭᠠᠨ᠃
ᠬᠦᠷᠡᠩ ᠤᠯᠠᠭᠠᠨ ᠭᠦᠨᠡ ᠤᠯᠠᠭᠠᠨ᠃
ᠶᠠᠭᠠᠨ ᠤᠯᠠᠭᠠᠨ ᠤᠯᠠᠭᠠᠨ ᠠ᠋ᠴᠠ ᠦᠯᠦ ᠮᠡᠳᠡᠭᠳᠡᠮᠡ ᠰᠢᠩᠭᠡᠨ᠂ ᠬᠡᠢᠪᠦᠷᠳᠡᠭᠦᠦ ᠤᠯᠠᠭᠠᠨ᠃
ᠬᠤᠸᠠ ᠤᠯᠠᠭᠠᠨ ᠴᠠᠭᠠᠪᠲᠤᠷ ᠤᠯᠠᠭᠠᠨ ᠃
ᠬᠦᠷᠡᠩ ᠭᠦᠨᠡ ᠤᠯᠠᠭᠠᠨ ᠠ᠋ᠴᠠ ᠪᠠᠬᠠᠨ ᠬᠠᠷᠠᠪᠲᠤᠷ ᠤᠯᠠᠭᠠᠨ᠃
ᠬᠠᠷᠠ ᠬᠦᠷᠡᠩ ᠨᠡᠯᠢᠶᠡᠳ ᠬᠠᠷᠠᠪᠲᠤᠷ ᠬᠦᠷᠡᠩ᠃
ᠤᠯᠠᠭᠠᠨ ᠬᠦᠷᠡᠩ ᠬᠦᠷᠡᠩ ᠨᠢ ᠤᠯᠠᠭᠠᠨ ᠳ᠋ᠤ᠌ ᠣᠢᠷᠠᠲᠠᠭᠤ᠃
ᠬᠠᠯᠲᠠᠷ ᠬᠦᠷᠡᠩ ᠠᠮᠠ ᠴᠠᠭᠠᠨ ᠬᠦᠷᠡᠩ᠃
ᠰᠤᠳᠠᠯᠲᠤ ᠬᠦᠷᠡᠩ ᠬᠦᠷᠡᠩ ᠳᠡᠭᠡᠷᠡ ᠬᠠᠷᠠ ᠬᠠᠷᠠ ᠨᠠᠷᠢᠨ ᠵᠤᠷᠪᠤᠰ ᠪᠦᠬᠦᠢ᠃
ᠰᠢᠷᠠ ᠰᠢᠷᠠᠪᠲᠤᠷᠬᠠᠨ᠃
ᠬᠠᠯᠲᠠᠷ ᠠᠮᠠ ᠴᠠᠭᠠᠨ᠂ ᠬᠦᠷᠡᠩ᠂ ᠬᠠᠯᠢᠭᠤᠨ᠂ ᠤᠯᠠᠭᠠᠨ ᠵᠡᠷᠭᠡ᠃
ᠤᠯᠠᠭᠠᠨ ᠬᠠᠯᠲᠠᠷ ᠠᠮᠠ ᠴᠠᠭᠠᠨ ᠤᠯᠠᠭᠠᠨ᠃
ᠬᠦᠷᠡᠩ ᠬᠠᠯᠲᠠᠷ ᠠᠮᠠ ᠴᠠᠭᠠᠨ ᠬᠦᠷᠡᠩ᠃
ᠶᠠᠭᠠᠨ ᠬᠠᠯᠲᠠᠷ ᠠᠮᠠ ᠴᠠᠭᠠᠨ ᠶᠠᠭᠠᠨ᠃
ᠰᠢᠷᠠ ᠬᠠᠯᠲᠠᠷ ᠠᠮᠠ ᠴᠠᠭᠠᠨ ᠰᠢᠷᠠ᠃
ᠬᠤᠸᠠ ᠴᠠᠭᠠᠪᠲᠤᠷ ᠤᠯᠠᠪᠤᠷ᠃
ᠶᠠᠭᠠᠨ ᠤᠯᠠᠭᠠᠨ ᠠ᠋ᠴᠠ ᠠᠷᠠᠢ ᠰᠢᠩᠭᠡᠨ ᠭᠡᠭᠡᠪᠲᠦᠷ ᠤᠯᠠᠭᠠᠨ᠃ ᠶᠠᠭᠠᠨ ᠬᠠᠯᠲᠠᠷ᠃
ᠡᠷᠢᠶᠡᠨ ᠡᠬᠢ ᠵᠢᠰᠦᠮ ᠳᠡᠭᠡᠷᠡ ᠥᠭᠡᠷᠡ ᠥᠩᠭᠡ ᠶ᠋ᠢᠨ ᠰᠤᠳᠠᠯᠲᠤ ᠪᠢᠳᠡᠷᠲᠡᠢ᠃
ᠬᠦᠷᠡᠩ ᠡᠷᠢᠶᠡᠨ ᠬᠦᠷᠡᠩ ᠳᠡᠭᠡᠷᠡ ᠵᠤᠷᠪᠤᠰ ᠵᠤᠷᠪᠤᠰ ᠬᠠᠷᠠ ᠲᠠᠢ᠃
ᠬᠥᠬᠡ ᠡᠷᠢᠶᠡᠨ ᠪᠣᠷᠣ ᠴᠠᠢᠪᠤᠷ ᠳᠡᠭᠡᠷᠡ ᠪᠣᠷᠣ ᠬᠠᠷᠠ ᠬᠣᠯᠢᠯᠳᠤᠭᠰᠠᠨ ᠬᠠᠷᠠᠪᠲᠤᠷ ᠵᠤᠷᠪᠤᠰ ᠤ᠋ᠳ ᠲᠠᠢ᠃
ᠰᠢᠷᠠ ᠠᠷᠢᠶᠠᠨ ᠰᠢᠷᠠᠪᠲᠤᠷ ᠤᠯᠠᠭᠠᠨ ᠳᠡᠭᠡᠷᠡ ᠬᠦᠷᠡᠪᠲᠦᠷ ᠵᠤᠷᠪᠤᠰ ᠤ᠋ᠳ ᠲᠠᠢ᠃
ᠶᠠᠭᠠᠨ ᠡᠷᠢᠶᠡᠨ ᠶᠠᠭᠠᠨ ᠳᠡᠭᠡᠷᠡ ᠬᠦᠷᠡᠪᠲᠦᠷ ᠵᠤᠷᠪᠤᠰ ᠤ᠋ᠳ ᠲᠠᠢ᠃
ᠬᠠᠯᠢᠭᠤᠨ ᠲᠣᠯᠣᠭᠠᠢ ᠨᠢ ᠬᠠᠷᠠᠪᠲᠤᠷ᠂ ᠡᠬᠢ ᠪᠡᠶᠡ ᠨᠢ ᠤᠯᠠᠪᠲᠤᠷᠬᠠᠨ᠃
ᠬᠠᠷᠠ ᠬᠠᠯᠢᠭᠤᠨ ᠬᠠᠷᠠᠪᠲᠤᠷ ᠳᠡᠢᠯᠦᠩᠭᠦᠢ ᠬᠠᠯᠢᠭᠤᠨ᠃
ᠰᠢᠷᠠ ᠬᠠᠯᠢᠭᠤᠨ ᠰᠢᠷᠠ ᠳᠡᠢᠯᠦᠩᠭᠦᠢ ᠬᠠᠯᠢᠭᠤᠨ᠃
ᠬᠥᠬᠡ ᠦᠨᠡᠰᠦᠨ ᠥᠩᠭᠡᠲᠡᠢ᠃
ᠬᠥᠬᠡ ᠪᠤᠭᠤᠷᠤᠯ ᠰᠠᠭᠠᠷᠠᠯᠳᠠᠭᠤ ᠬᠥᠬᠡ᠃
ᠪᠤᠭᠤᠷᠤᠯ ᠤᠤᠯ ᠥᠩᠭᠡᠨ ᠳ᠋ᠦ᠍ ᠴᠠᠭᠠᠨ ᠦᠰᠦ ᠬᠣᠯᠢᠯᠳᠤᠭᠰᠠᠨ᠃
ᠤᠯᠠᠭᠠᠨ ᠪᠤᠭᠤᠷᠤᠯ ᠤᠯᠠᠭᠠᠨ ᠳᠡᠢᠯᠦᠩᠭᠦᠢ ᠪᠤᠭᠤᠷᠤᠯ᠃
ᠬᠦᠷᠡᠩ ᠪᠤᠭᠤᠷᠤᠯ ᠬᠦᠷᠡᠩ ᠳᠡᠢᠯᠦᠩᠭᠦᠢ ᠪᠤᠭᠤᠷᠤᠯ᠃
ᠶᠠᠭᠠᠨ ᠪᠤᠭᠤᠷᠤᠯ ᠶᠠᠭᠠᠨ ᠳᠡᠢᠯᠦᠩᠭᠦᠢ ᠪᠤᠭᠤᠷᠤᠯ᠃
ᠬᠥᠬᠡ ᠪᠤᠭᠤᠷᠤᠯ ᠪᠣᠷᠣ ᠳᠡᠢᠯᠦᠩᠭᠦᠢ ᠪᠤᠭᠤᠷᠤᠯ᠂ ᠪᠠᠰᠠ ᠬᠥᠬᠡ ᠴᠠᠢᠪᠤᠷ ᠭᠡᠳᠡᠭ᠃
ᠴᠠᠭᠠᠨ ᠪᠤᠭᠤᠷᠤᠯ ᠴᠠᠭᠠᠨ ᠳᠡᠢᠯᠦᠩᠭᠦᠢ ᠪᠤᠭᠤᠷᠤᠯ᠂ ᠪᠠᠰᠠ ᠴᠠᠢᠪᠤᠷ ᠭᠡᠳᠡᠭ᠃
ᠮᠠᠷᠯᠠᠨ
ᠡᠷᠢᠶᠡᠨ ᠨᠢᠭᠤᠷ ᠲᠠᠢ᠃ ᠴᠣᠬᠣᠷ ᠴᠠᠭᠠᠨ ᠳᠡᠭᠡᠷᠡ ᠥᠭᠡᠷᠡ ᠥᠩᠭᠡ ᠶ᠋ᠢᠨ ᠵᠢᠵᠢᠭᠬᠡᠨ ᠲᠣᠯᠪᠣ ᠳᠤᠰᠤᠯ ᠤ᠋ᠳ ᠲᠠᠢ᠃
ᠬᠠᠷᠠ ᠴᠣᠬᠣᠷ
ᠴᠠᠭᠠᠨ ᠳᠡᠭᠡᠷᠡ ᠬᠠᠷᠠ ᠲᠣᠯᠪᠣᠲᠠᠢ ᠪᠤᠶᠤ ᠬᠠᠷᠠ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣ ᠲᠠᠢ᠃ ᠤᠯᠠᠭᠠᠨ ᠴᠣᠬᠣᠷ ᠴᠠᠭᠠᠨ ᠳᠡᠭᠡᠷᠡ ᠤᠯᠠᠭᠠᠨ ᠲᠣᠯᠪᠣᠲᠠᠢ ᠪᠤᠶᠤ ᠤᠯᠠᠭᠠᠨ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣᠲᠠᠢ᠃
ᠬᠦᠷᠡᠩ ᠴᠣᠬᠣᠷ
ᠬᠦᠷᠡᠩ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣᠲᠠᠢ ᠪᠤᠶᠤ ᠴᠠᠭᠠᠨ ᠳᠡᠭᠡᠷᠡ ᠬᠦᠷᠡᠩ ᠲᠣᠯᠪᠣᠲᠠᠢ᠃ ᠰᠢᠷᠠ ᠴᠣᠬᠣᠷ ᠴᠠᠭᠠᠨ ᠳᠡᠭᠡᠷᠡ ᠵᠡᠭᠡᠷᠳᠡ ᠲᠣᠯᠪᠣᠲᠠᠢ ᠪᠤᠶᠤ ᠡᠰᠡᠬᠦᠯᠡ ᠰᠢᠷᠠ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣᠲᠠᠢ᠃ ᠴᠠᠭᠠᠨ ᠴᠣᠬᠣᠷ ᠴᠠᠭᠠᠨ ᠳᠡᠭᠡᠷᠡ ᠬᠠᠷᠠ ᠵᠡᠭᠡᠷᠳᠡ ᠲᠣᠯᠪᠣᠲᠠᠢ᠃
ᠴᠠᠭᠠᠨ ᠭᠢᠯᠤᠭᠠᠨ᠃ ᠴᠠᠰᠤ ᠮᠡᠲᠦ ᠥᠩᠭᠡᠲᠡᠢ᠃
ᠮᠠᠩᠬᠠᠨ ᠴᠠᠭᠠᠨ ᠨᠢᠭᠤᠷ ᠲᠠᠢ ᠪᠤᠶᠤ ᠴᠠᠭᠠᠨ ᠲᠣᠯᠣᠭᠠᠢᠲᠠᠢ ᠦᠬᠡᠷ᠃ ᠠᠯᠠᠭ ᠶᠠᠮᠠᠷᠪᠠ ᠥᠩᠭᠡᠨ ᠳ᠋ᠦ᠍ ᠴᠠᠭᠠᠨ ᠥᠩᠭᠡ ᠬᠡᠰᠡᠭ ᠬᠡᠰᠡᠭ ᠢ᠋ᠶ᠋ᠡᠷ ᠬᠣᠯᠢᠯᠳᠤᠭᠰᠠᠨ᠃
ᠬᠠᠷᠠᠯᠠᠭ ᠬᠠᠷᠠ ᠳᠡᠭᠡᠷᠡ ᠴᠠᠭᠠᠨ᠃
ᠤᠯᠠᠭᠠᠨ ᠠᠯᠠᠭ ᠤᠯᠠᠭᠠᠨ ᠳᠡᠭᠡᠷᠡ ᠴᠠᠭᠠᠨ᠃
ᠬᠦᠷᠡᠩ ᠠᠯᠠᠭ ᠬᠦᠷᠡᠩ ᠳᠡᠭᠡᠷᠡ ᠴᠠᠭᠠᠨ᠃
ᠰᠢᠷᠠ ᠠᠯᠠᠭ ᠰᠢᠷᠠ ᠳᠡᠭᠡᠷᠡ ᠴᠠᠭᠠᠨ᠃
ᠶᠠᠭᠠᠨ ᠠᠯᠠᠭ ᠶᠠᠭᠠᠨ ᠳᠡᠭᠡᠷᠡ ᠴᠠᠭᠠᠨ᠃
ᠬᠥᠬᠡ ᠠᠯᠠᠭ ᠬᠥᠬᠡ ᠳᠡᠭᠡᠷᠡ ᠴᠠᠭᠠᠨ᠃
ᠴᠠᠭᠠᠨ ᠠᠯᠠᠭ ᠴᠠᠭᠠᠨ ᠳᠡᠭᠡᠷᠡ ᠬᠠᠷᠠ ᠪᠤᠶᠤ ᠤᠯᠠᠭᠠᠨ᠃
ᠪᠡᠯᠬᠡᠭᠦᠰᠦ ᠠᠯᠠᠭ ᠪᠡᠯᠭᠡᠭᠦᠰᠦᠨ ᠳᠡᠭᠡᠷᠡ ᠪᠡᠨ ᠴᠠᠭᠠᠨᠲᠠᠢ᠃
ᠬᠤᠳᠠᠷᠭᠠ ᠠᠯᠠᠭ ᠬᠤᠳᠠᠷᠭᠠ ᠬᠢᠳᠡᠭ ᠪᠥᠭᠰᠡᠨ ᠦ᠌ ᠲᠡᠷᠡ ᠬᠡᠰᠡᠭ ᠲᠦ᠍ ᠴᠠᠭᠠᠨᠲᠠᠢ᠃
ᠱᠠᠭᠠᠵᠠᠭᠠᠢ ᠠᠯᠠᠭ ᠱᠠᠭᠠᠵᠠᠭᠠᠢ ᠮᠡᠲᠦ ᠠᠯᠠᠭ᠃
ᠬᠤᠸᠠᠷᠲᠤ ᠠᠯᠠᠭ ᠬᠤᠸᠠᠷ ᠮᠡᠲᠦ ᠡᠯᠳᠡᠪ ᠠᠯᠠᠭ᠃
ᠲᠡᠷᠯᠡᠨ
ᠠᠯᠢᠪᠠ ᠵᠢᠰᠦᠮ ᠦ᠋ᠨ ᠦᠬᠡᠷ ᠦ᠋ᠨ ᠨᠢᠷᠤᠭᠤ ᠳᠠᠭᠠᠤ ᠪᠠᠷ ᠴᠠᠭᠠᠨ ᠵᠤᠷᠪᠤᠰ ᠪᠦᠬᠦᠢ᠃
ᠬᠠᠷᠠ ᠲᠠᠷᠯᠠᠨ
ᠬᠠᠷᠠ ᠦᠬᠡᠷ ᠨᠢᠷᠤᠭᠤᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠠᠭᠠᠨ ᠵᠣᠷᠪᠦᠰᠲᠠᠢ᠃
ᠤᠯᠠᠭᠠᠨ ᠲᠠᠷᠯᠠᠨ ᠤᠯᠠᠭᠠᠨ ᠦᠬᠡᠷ ᠨᠢᠷᠤᠭᠤᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠠᠭᠠᠨ ᠵᠣᠷᠪᠣᠰᠲᠠᠢ᠃
ᠬᠦᠷᠡᠩ ᠲᠠᠷᠯᠠᠨ ᠬᠦᠷᠡᠩ ᠦᠬᠡᠷ ᠨᠢᠷᠤᠭᠤᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠠᠭᠠᠨ ᠵᠣᠷᠪᠣᠰᠲᠠᠢ᠃
ᠰᠢᠷᠠ ᠲᠠᠷᠯᠠᠨ ᠰᠢᠷᠠ ᠦᠬᠡᠷ ᠨᠢᠷᠤᠭᠤ ᠵᠣ ᠪᠠᠷ ᠢ᠋ᠶ᠋ᠠᠨ ᠴᠠᠭᠠᠨ ᠵᠣᠷᠪᠣᠰᠲᠠᠢ᠃
ᠶᠠᠭᠠᠨ ᠲᠠᠷᠯᠠᠨ ᠶᠠᠭᠠᠨ ᠦᠬᠡᠷ ᠨᠢᠷᠤᠭᠤ ᠵᠣ ᠪᠠᠷ ᠢ᠋ᠶ᠋ᠠᠨ ᠴᠠᠭᠠᠨᠲᠠᠢ᠃
ᠴᠠᠭᠠᠨ ᠲᠠᠷᠯᠠᠨ
ᠴᠠᠭᠠᠨ ᠦᠬᠡᠷ ᠵᠣ ᠨᠢᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠤᠯᠠᠭᠠᠨ ᠪᠤᠶᠤ ᠬᠦᠷᠡᠩ ᠵᠣᠷᠪᠣᠰᠲᠠᠢ᠃ ᠪᠠᠷᠤᠭ ᠬᠣᠪᠣᠷ᠃
ᠪᠥᠭᠡᠷᠡ ᠠᠯᠠᠭ ( ᠪᠥᠭᠡᠷᠡᠯᠡᠭ ) ᠪᠥᠭᠡᠷᠡ ᠶ᠋ᠢᠨ ᠬᠡᠰᠡᠭ ᠲᠡᠭᠡᠨ ᠴᠠᠭᠠᠨᠲᠠᠢ᠃
ᠬᠠᠷᠠ ᠪᠥᠭᠡᠷᠡ ᠠᠯᠠᠭ ᠪᠥᠭᠡᠷᠡᠨ ᠬᠡᠰᠡᠭ ᠲᠡᠭᠡᠨ ᠴᠠᠭᠠᠨᠲᠠᠢ ᠬᠠᠷᠠ ᠦᠬᠡᠷ᠃
ᠤᠯᠠᠭᠠᠨ ᠪᠥᠭᠡᠷᠡ ᠠᠯᠠᠭ ᠪᠥᠭᠡᠷᠡᠨ ᠳ᠋ᠡᠭᠡᠨ ᠴᠠᠭᠠᠨᠲᠠᠢ ᠤᠯᠠᠭᠠᠨ ᠦᠬᠡᠷ᠃
ᠬᠦᠷᠡᠩ ᠪᠥᠭᠡᠷᠡ ᠠᠯᠠᠭ ᠪᠥᠭᠡᠷᠡᠨ ᠳ᠋ᠡᠭᠡᠨ ᠴᠠᠭᠠᠨᠲᠠᠢ ᠬᠦᠷᠡᠩ ᠦᠬᠡᠷ᠃
ᠶᠠᠭᠠᠨ ᠪᠥᠭᠡᠷᠡ ᠠᠯᠠᠭ ᠪᠥᠭᠡᠷᠡᠨ ᠳ᠋ᠡᠭᠡᠨ ᠴᠠᠭᠠᠨᠲᠠᠢ ᠶᠠᠭᠠᠨ ᠦᠬᠡᠷ᠃
ᠬᠥᠬᠡ ᠪᠥᠭᠡᠷᠡ ᠠᠯᠠᠭ ᠪᠥᠭᠡᠷᠡᠨ ᠳ᠋ᠡᠭᠡᠨ ᠴᠠᠭᠠᠨᠳᠠᠢ ᠬᠥᠬᠡ ᠴᠠᠢᠪᠤᠷ ᠦᠬᠡᠷ᠃
ᠡᠨᠡ ᠮᠡᠲᠦ ᠪᠡᠷ ᠡᠯᠳᠡᠪ ᠠᠯᠠᠭ ᠢ᠋ ᠡᠯᠡ ᠵᠢᠰᠦᠮ ᠳ᠋ᠦ᠍ ᠳᠤᠲᠤᠤᠳᠬᠠᠯ ᠪᠣᠯᠭᠠᠨ ᠨᠠᠷᠢᠨ ᠵᠢᠰᠤᠮᠯᠡᠪᠡᠯ ᠬᠡᠴᠢᠨᠡᠨ ᠵᠠᠭᠤ ᠳ᠋ᠤ᠌ ᠬᠦᠷᠴᠦ ᠪᠣᠯᠬᠤ ᠶ᠋ᠢ ᠠᠩᠬᠠᠷᠤᠮᠤ᠃
ᠰᠠᠷᠠᠲᠢ ᠮᠠᠩᠨᠠᠢ ᠳ᠋ᠠᠭᠠᠨ ᠵᠢᠵᠢᠭᠡᠪᠲᠦᠷ ᠴᠠᠭᠠᠨᠲᠠᠢ᠃
ᠬᠠᠯᠵᠠᠨ ᠳᠤᠬᠤ ᠠ᠋ᠴᠠ ᠬᠠᠮᠠᠷ ᠤ᠋ᠨ ᠦᠵᠦᠭᠦᠷ ᠬᠦᠷᠲᠡᠯᠡᠬᠢ ᠵᠠᠢ ᠳ᠋ᠤ᠌ ᠴᠠᠭᠠᠨ᠃
ᠮᠡᠯᠵᠡᠨ ( ᠮᠠᠯᠵᠠᠩ ) ᠮᠠᠩᠨᠠᠢ ᠶ᠋ᠢᠨ ᠬᠡᠰᠡᠭ ᠲᠦ᠍ ᠮᠠᠰᠢ ᠥᠷᠭᠡᠨ ᠬᠠᠯᠵᠠᠨ ( ᠴᠠᠭᠠᠨ ᠦᠰᠦᠲᠡᠢ ) ᠃
ᠮᠠᠩᠬᠠᠨ ᠦᠬᠡᠷ
ᠡᠬᠡ ᠪᠡᠶᠡ ᠬᠠᠷᠠ᠂ ᠨᠢᠭᠤᠷ ᠲᠣᠯᠣᠭᠠᠢ ᠨᠢ ᠯᠡ ᠴᠠᠭᠠᠨ ᠥᠩᠭᠡᠲᠡᠢ ᠶ᠋ᠢ ᠮᠠᠩᠬᠠᠨ ᠦᠬᠡᠷ ᠭᠡᠨᠡ᠃
ᠠᠮᠠ ᠴᠠᠭᠠᠨ ᠠᠮᠠᠨ ᠳᠡᠭᠡᠷᠡ ᠪᠡᠨ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠮᠠᠩᠨᠠᠢ ᠴᠠᠭᠠᠨ
ᠴᠠᠭᠠᠨ ᠨᠢ ᠬᠠᠮᠠᠷ ᠤᠷᠤᠭᠤ ᠪᠠᠭᠤᠭᠰᠠᠨ ᠦᠭᠡᠢ ᠵᠥᠪᠬᠡᠨ ᠮᠠᠩᠨᠠᠢ ᠶ᠋ᠢᠨ ᠬᠡᠰᠡᠭ ᠲᠡᠭᠡᠨ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠬᠥᠮᠥᠰᠬᠡ ᠴᠠᠭᠠᠨ ᠬᠥᠮᠥᠰᠬᠡ ᠳᠡᠭᠡᠷᠡ ᠪᠡᠨ ᠴᠠᠭᠠᠨ ᠪᠦᠬᠦᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠣᠮᠤᠯᠤᠤᠷ ᠴᠠᠭᠠᠨ
ᠦᠬᠡᠷ ᠦ᠋ᠨ ᠬᠦᠵᠦᠭᠦᠦ ᠳᠣᠣᠭᠤᠷ ᠳᠠᠭᠠᠤ ᠤᠨᠵᠢᠭᠠᠷ ᠠᠷᠠᠰᠤ ᠰᠢᠭ᠋ ᠬᠡᠰᠡᠭ ᠢ᠋ ᠤᠮᠤᠯᠤᠤᠷ ᠭᠡᠳᠡᠭ᠃ ᠲᠡᠨᠳᠡ ᠪᠡᠨ ᠴᠠᠭᠠᠨᠲᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ ᠢ᠋ ᠣᠮᠤᠯᠤᠤᠷ ᠴᠠᠭᠠᠨ ᠭᠡᠨᠡ᠃ ᠪᠠᠰᠠ ᠲᠤᠭᠤᠯᠭᠠ ᠪᠤᠶᠤ ᠬᠡᠷᠰᠡᠩ ᠭᠡᠵᠦ ᠬᠡᠯᠡᠳᠡᠭ ᠭᠠᠵᠠᠷ ᠪᠣᠢ᠃
ᠰᠦᠪᠡᠭᠡ
ᠨᠢᠷᠤᠭᠤᠨ ᠤ᠋ ᠬᠠᠵᠠᠭᠤ ᠬᠠᠷᠴᠠᠭᠠ ᠶ᠋ᠢᠨ ᠬᠥᠨᠳᠡᠯᠡᠨ ᠰᠡᠷᠪᠡᠭᠡ ( ᠵᠢᠭᠦᠷ ) ᠦ᠋ᠨ ᠦᠵᠦᠭᠦᠷ ᠰᠢᠬᠠᠭᠤ ᠬᠡᠰᠡᠭ ᠢ᠋ ᠰᠦᠪᠡᠭᠡ ᠭᠡᠳᠡᠭ᠃ ᠲᠡᠨᠳᠡ ᠪᠡᠨ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ ᠢ᠋ ᠰᠦᠪᠡᠭᠡ ᠴᠠᠭᠠᠨ ᠭᠡᠨᠡ᠃
ᠭᠡᠳᠡᠰᠦ ᠴᠠᠭᠠᠨ ᠭᠡᠳᠡᠰᠦᠨ ᠬᠡᠰᠡᠭ ᠲᠡᠭᠡᠨ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠠᠯᠠᠩ ᠴᠠᠭᠠᠨ ᠳᠠᠯᠠᠩ ᠳᠡᠭᠡᠷᠡ ᠪᠡᠨ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠨᠢᠶᠡᠳ᠃
ᠴᠠᠪᠢ ᠴᠠᠭᠠᠨ ᠴᠠᠪᠢᠨ ᠳ᠋ᠠᠭᠠᠨ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠤᠭᠤ ᠴᠠᠭᠠᠨ ᠰᠤᠭᠤᠨ ᠳ᠋ᠠᠭᠠᠨ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ ᠦ᠋ᠳ᠃
ᠳᠠᠯᠤ ᠴᠠᠭᠠᠨ ᠲᠠᠯᠤᠨ ᠳ᠋ᠠᠭᠠᠨ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠬᠦᠢᠯᠡᠭᠦᠷ ᠴᠠᠭᠠᠨ ᠬᠦᠢᠰᠦ ᠬᠠᠪᠢ ᠴᠠᠭᠠᠨᠳᠠᠢ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠡᠭᠦᠯ ᠴᠠᠭᠠᠨ
ᠰᠡᠭᠦᠯ ᠦ᠋ᠨ ᠬᠢᠯᠭᠠᠰᠤᠨ ᠬᠡᠰᠡᠭ ᠲᠡᠭᠡᠨ ᠴᠠᠭᠠᠨ ᠡᠯᠳᠡᠪ ᠵᠢᠰᠦᠮ ᠦ᠋ᠨ ᠦᠬᠡᠷ᠃ ᠡᠨᠳᠡ ᠴᠠᠭᠠᠨ ᠪᠣᠯᠤᠨ ᠠᠯᠠᠭ ᠬᠣᠶᠠᠷ ᠤ᠋ᠨ ᠢᠯᠭᠠᠭᠠ ᠨᠢ ᠴᠠᠭᠠᠨ ᠤ᠋ ᠶᠡᠬᠡ ᠪᠠᠭᠠ ᠪᠠᠷ ᠲᠣᠭᠲᠠᠭᠠᠭᠳᠠᠨᠠ᠃ ᠪᠠᠭᠠ ᠪᠣᠯ ᠴᠠᠭᠠᠨ ᠭᠡᠭᠳᠡᠵᠦ᠂ ᠶᠡᠬᠡ ᠪᠣᠯ ᠠᠯᠠᠭ ᠭᠡᠭᠳᠡᠨᠡ᠃ ᠡᠨᠡ ᠬᠦ᠌ ᠴᠠᠭᠠᠨ ᠭᠡᠰᠡᠨ ᠵᠢᠰᠦᠮ ᠢ᠋ ᠡᠯᠡ ᠵᠢᠰᠦᠮ ᠳ᠋ᠦ᠍ ᠲᠣᠳᠣᠳᠬᠠᠯ ᠪᠣᠯᠭᠠᠵᠤ ᠨᠠᠷᠢᠨ ᠵᠢᠰᠦᠮᠯᠡᠪᠡᠯ ᠮᠥᠨ ᠥᠴᠢᠨᠡᠨ ᠵᠠᠭᠤᠨ ᠵᠢᠰᠦᠮ ᠪᠣᠯᠬᠤ ᠶ᠋ᠢ ᠬᠢᠨᠠᠨ ᠤᠬᠠᠮᠤ᠃
ᠡᠪᠡᠷ ᠦ᠋ᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠨᠡᠷᠡᠯᠡᠬᠦ ᠵᠦᠢᠯ
ᠮᠤᠬᠤᠷ ᠡᠪᠡᠷ ᠦᠭᠡᠢ᠂ ᠲᠣᠢᠮᠣᠭ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠮᠣᠭᠣᠳᠣᠭ ᠮᠣᠭᠵᠣᠭᠣᠷ᠂ ᠡᠪᠡᠷ ᠦ᠋ᠨ ᠦᠵᠦᠭᠦᠷ ᠮᠣᠬᠣᠭᠣ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠲᠣᠢᠮᠣᠭ ᠮᠤᠬᠤᠷ᠂ ᠡᠪᠡᠷ ᠦᠭᠡᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠲᠦᠵᠢᠭᠡᠷ ᠮᠥᠨ ᠲᠣᠢᠮᠣᠭ ᠤ᠋ᠨ ᠨᠢᠭᠡᠨ ᠳᠠᠭᠤᠳᠠᠯᠭᠠ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠦᠰᠦᠨ ᠡᠪᠡᠷᠲᠦ
ᠡᠪᠡᠷ ᠦ᠋ᠨ ᠣᠷᠣᠮ ᠳ᠋ᠤ᠌ ᠥᠪᠥᠭᠡᠷ ᠦᠰᠦᠲᠡᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠤᠨᠵᠢᠭᠠᠷ
ᠤᠨᠵᠢᠭᠠᠢ᠂ ᠡᠪᠡᠷ ᠨᠢ ᠳᠣᠷᠣᠭᠰᠢ ᠤᠨᠵᠢᠭᠤ ᠤᠷᠭᠤᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠪᠠᠢᠯᠠᠨ
ᠡᠪᠡᠷ ᠨᠢ ᠬᠣᠶᠠᠷ ᠲᠡᠢᠰᠢ ᠪᠡᠨ ᠬᠥᠨᠳᠡᠯᠡᠨ ᠤᠷᠭᠤᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃ ᠪᠠᠰᠠ ᠮᠢᠯᠠᠩ ᠭᠡᠳᠡᠭ᠃
ᠬᠠᠩᠭᠠᠢ ᠬᠣᠶᠠᠷ ᠡᠪᠡᠷ ᠦ᠋ᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠠᠭᠤᠵᠢᠮ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠬᠣᠯᠪᠣᠭᠠ ᠬᠣᠶᠠᠷ ᠡᠪᠡᠷ ᠦ᠋ᠨ ᠦᠵᠦᠭᠦᠷ ᠨᠡᠢᠯᠡᠭᠰᠡᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠬᠣᠮᠣᠭᠣᠷ
ᠬᠣᠶᠠᠷ ᠡᠪᠡᠷ ᠦ᠋ᠨ ᠬᠤᠮᠢᠭᠰᠠᠨ ᠪᠠᠢᠳᠠᠯ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃ ᠪᠠᠰᠠ ᠬᠣᠮᠪᠣᠩ ᠭᠡᠳᠡᠭ᠃
ᠬᠣᠮᠣᠭᠣᠷᠬᠠᠨ
ᠡᠪᠡᠷ ᠦ᠋ᠨ ᠪᠠᠢᠳᠠᠯ ᠬᠣᠮᠣᠭᠣᠷ ᠠ᠋ᠴᠠ ᠪᠠᠭᠠᠬᠠᠨ ᠠᠭᠤᠵᠢᠪᠳᠤᠷ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠬᠣᠶᠠᠷ ᠡᠪᠡᠷ ᠦ᠋ᠨ ᠦᠵᠦᠭᠦᠷ ᠦ᠋ᠨ ᠠᠭᠤᠯᠵᠠᠯᠲᠠ ᠶ᠋ᠢᠨ ᠵᠠᠢ ᠨᠢ ᠬᠣᠯᠠ ᠰᠢᠭ᠋᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠬᠤᠷᠤᠭᠤ ᠡᠪᠡᠷᠲᠦ ᠡᠪᠡᠷ ᠨᠢ ᠲᠤᠢᠯ ᠤ᠋ᠨ ᠣᠬᠣᠷᠬᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠬᠥᠮᠦᠷᠢᠭᠡᠨ ᠡᠪᠡᠷ ᠨᠢ ᠮᠠᠩᠨᠠᠢ ᠵᠦᠭ ᠢ᠋ᠶ᠋ᠡᠨ ᠬᠥᠮᠥᠢᠵᠦ ᠤᠷᠭᠤᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠠᠩᠬᠠᠭᠠᠷ ᠡᠪᠡᠷ ᠨᠢ ᠬᠠᠩᠭᠠᠢ ᠪᠥᠭᠡᠳ ᠥᠨᠳᠥᠷᠬᠡᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠲᠠᠬᠠᠢ ᠡᠪᠡᠷ ᠦ᠋ᠨ ᠵᠠᠢ ᠳᠠᠯᠪᠢᠭᠠᠷ ᠠᠭᠤᠳᠠᠮ᠂ ᠳᠠᠩᠬᠠᠭᠠᠷ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠠᠯᠢᠤ ᠨᠢᠭᠡᠨ ᠡᠪᠡᠷ ᠳᠣᠷᠣᠭᠰᠢ ᠬᠠᠵᠠᠭᠠᠢ ᠳᠠᠯᠵᠢᠩ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠠᠯᠪᠢᠭᠠᠷ ᠳᠠᠯᠪᠢᠩ᠃ ᠬᠣᠶᠠᠷ ᠡᠪᠡᠷ ᠠᠯᠴᠠᠢᠨ ᠳᠡᠯᠪᠡᠢᠨ ᠤᠷᠭᠤᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠠᠯᠵᠢᠭᠠᠷ ᠳᠠᠯᠵᠢᠷ᠂ ᠳᠠᠯᠵᠢᠭᠠᠢ᠂ ᠲᠠᠯᠢᠪᠲᠦᠷ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠣᠯᠵᠢᠷ ᠳᠠᠯᠢᠤ᠂ ᠰᠣᠯᠵᠢᠷ᠂ ᠳᠠᠯᠢᠪᠲᠤᠷ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠣᠯᠵᠢᠷ
ᠬᠣᠶᠠᠷ ᠡᠪᠡᠷ ᠨᠢ ᠬᠠᠷᠢᠯᠴᠠᠨ ᠳᠡᠭᠡᠭᠰᠢ ᠳᠣᠷᠣᠭᠰᠢ ᠪᠤᠶᠤ ᠨᠠᠭᠠᠰᠢ ᠴᠠᠭᠠᠰᠢ ᠳᠣᠯᠵᠢᠷ ᠤᠷᠭᠤᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠣᠯᠵᠢᠭᠠᠷ ᠰᠣᠯᠵᠢᠷᠳᠠᠭᠤ ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠣᠶᠣᠭᠠ ᠠᠰᠬᠠᠪᠲᠤᠷ ᠭᠣᠵᠢᠭᠢᠷ ᠡᠪᠡᠷᠳᠡᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠶᠠᠷᠭᠠᠢ ᠪᠠᠢᠯᠠᠨ ᠮᠡᠲᠦ ᠵᠠᠳᠠᠭᠠᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠶᠣᠵᠣᠭᠣᠷ
ᠡᠪᠡᠷ ᠨᠢ ᠤᠭ ᠣᠷᠣᠨᠴᠣᠭ ᠶᠣᠵᠤᠢᠬᠰᠠᠨᠨ ᠪᠣᠭᠣᠨᠢᠬᠠᠨ ᠪᠥᠭᠡᠳ ᠪᠦᠳᠦᠭᠦᠪᠲᠦᠷ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠡᠷᠡᠭᠡᠷ
ᠳᠠᠷᠠᠭᠠᠷ ᠳᠡᠷᠪᠡᠭᠡᠷ ( ᠴᠠᠯᠠᠭᠠᠢᠪᠲᠣᠷ ᠮᠥᠷᠲᠡᠭᠡᠨ ᠪᠢᠷᠠ ᠮᠠᠭᠤᠲᠠᠢ ) ᠡᠯᠡ ᠵᠢᠰᠦᠮ ᠦ᠋ᠨ ᠮᠠᠯ᠃
ᠲᠥᠷᠥᠴᠡ ᠪᠡᠷ ᠨᠡᠷᠡᠯᠡᠬᠦ ᠵᠦᠢᠯ
ᠭᠤᠷᠪᠠᠨ ᠬᠥᠬᠥᠲᠦ
ᠲᠥᠷᠥᠯᠬᠢ ᠭᠤᠷᠪᠠᠨ ᠬᠥᠬᠥᠲᠦ ᠪᠤᠶᠤ ᠨᠢᠭᠡ ᠬᠥᠬᠥ ᠨᠢ ᠰᠢᠷᠭᠢᠭᠰᠡᠨ ᠢ᠋ ᠬᠡᠯᠡᠨᠡ ᠃ ᠵᠠᠷᠢᠮ ᠦᠨᠢᠶᠡ ᠲᠥᠷᠥᠯᠬᠢ ᠲᠠᠪᠤᠨ ᠬᠥᠬᠥ ᠲᠡᠢ ᠪᠠᠢᠳᠠᠭ ᠪᠤᠶᠤ ᠵᠢᠷᠭᠤᠭᠠᠨ ᠬᠥᠬᠥ ᠲᠡᠢ ᠪᠠᠢᠳᠠᠭ᠃ ᠲᠠᠪᠤᠨ ᠬᠥᠬᠥᠲᠦ ᠪᠤᠶᠤ ᠵᠢᠷᠭᠤᠭᠠᠨ ᠬᠥᠬᠥᠲᠦ ᠭᠡᠵᠦ ᠨᠡᠷᠡᠯᠡᠳᠡᠭ᠃
ᠱᠥᠪᠥᠭᠡᠷ ᠬᠣᠩᠰᠢᠶᠠᠷ ᠨᠢ ᠨᠠᠷᠢᠪᠲᠤᠷ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠡᠭᠰᠡᠭᠡᠷ ᠦᠰᠦᠯᠢᠭ ᠭᠠᠨᠵᠤᠭᠠ ᠦᠰᠦᠲᠡᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠲᠡᠵᠢᠭᠡᠷ
ᠲᠣᠯᠣᠭᠠᠢ ᠶ᠋ᠢᠨ ᠦᠰᠦ ᠨᠢ ᠣᠬᠣᠷ ᠲᠠᠴᠢᠷᠬᠠᠨ ᠪᠤᠶᠤ ᠴᠠᠬᠠᠯᠠᠢᠲᠤᠭᠰᠠᠨ ᠬᠣᠵᠢᠭᠢᠷ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠲᠣᠵᠢᠭᠠᠷ
ᠰᠡᠭᠦᠯ ᠣᠬᠣᠷᠬᠠᠨ ᠬᠡᠳᠦᠨ ᠰᠢᠩᠭᠡᠨ ᠬᠢᠯᠭᠠᠰᠤᠲᠠᠢ᠂ ᠣᠭᠣᠳᠣᠩ ᠪᠣᠯ ᠬᠢᠯᠭᠠᠰᠤᠨ ᠰᠡᠭᠦᠯ ᠨᠢ ᠤᠨᠠᠵᠠᠢ᠃ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠣᠭᠣᠳᠣᠩ ᠬᠢᠯᠭᠠᠰᠤᠨ ᠰᠡᠭᠦᠯ ᠨᠢ ᠤᠨᠠᠭᠰᠠᠨ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠨᠤᠭᠳᠤᠭᠤᠷ ᠬᠦᠵᠦᠭᠦᠦ ᠨᠢ ᠣᠬᠣᠷᠬᠠᠨ ᠮᠥᠷᠲᠡᠭᠡᠨ ᠬᠣᠲᠣᠭᠣᠷᠳᠠᠭᠤ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠨᠦᠭᠲᠦᠭᠡᠷ ᠨᠤᠭᠳᠤᠭᠤᠷ ᠤ᠋ᠨ ᠡᠰᠡᠷᠭᠦ ᠲᠦᠭᠳᠦᠭᠡᠷᠳᠡᠭᠦᠦ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠲᠦᠭᠳᠦᠭᠡᠷ
ᠬᠥᠲᠥᠬᠡᠷ᠂ ᠪᠥᠭᠲᠥᠷᠳᠡᠭᠦᠦ᠂ ᠪᠠᠰᠠ ᠪᠦᠳᠦᠭᠦᠨ ᠪᠥᠭᠡᠳ ᠣᠬᠣᠷᠬᠠᠨ ᠢ᠋ ᠲᠦᠭᠳᠦᠭᠡᠷ ᠭᠡᠳᠡᠭ᠃ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠳᠡᠷᠳᠡᠭᠡᠷ
ᠳᠠᠷᠳᠠᠭᠠᠷ ᠲᠡᠷᠴᠢᠭᠡᠷ ( ᠳᠡᠷᠳᠡᠭᠡᠷ ᠠᠳᠠᠰᠬᠠ ) ᠦᠬᠡᠷ ᠡᠴᠡᠩᠬᠡᠷ ᠪᠣᠯᠵᠤ ᠲᠡᠷᠡᠢᠵᠦ ᠬᠤᠷᠴᠠᠢᠨ ᠬᠠᠷᠠᠭᠳᠠᠬᠤ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠵᠠᠩ ᠠᠷᠠᠰᠢᠨ ᠢ᠋ᠶ᠋ᠠᠷ ᠨᠡᠷᠡᠯᠡᠬᠦ ᠵᠦᠢᠯ
ᠡᠷᠬᠡᠭ
ᠡᠷᠬᠡᠯᠡᠭᠦᠯᠵᠦ ᠥᠰᠬᠡᠭᠰᠡᠨ ᠂ ᠬᠥᠮᠦᠨ ᠡᠴᠡ ᠠᠶᠤᠬᠤ ᠦᠭᠡᠢ ᠨᠣᠯᠤᠯᠳᠤᠬᠤ᠃ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠢᠷᠠᠭᠯᠠᠳᠠᠭ ᠬᠡᠪᠲᠡᠯᠭᠡᠨ ᠳ᠋ᠡᠭᠡᠨ ᠬᠢᠭᠢᠨᠡᠨ ᠤᠳᠠᠬᠤ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠮᠥᠷᠭᠥᠳᠡᠭ ᠬᠥᠮᠦᠨ ᠮᠥᠷᠭᠥᠬᠦ ᠵᠠᠩ ᠲᠠᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠡᠵᠢᠳᠡᠭ ᠥᠷᠥᠭᠡᠰᠦᠨ ᠪᠤᠶᠤ ᠬᠣᠶᠠᠷ ᠡᠪᠡᠷ ᠢ᠋ᠶ᠋ᠡᠷ ᠦᠯᠢᠬᠦ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠲᠡᠢᠷᠳᠡᠭ ᠬᠣᠢᠲᠤ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠡᠰᠡᠷᠭᠦᠴᠡᠨ ᠢᠰᠬᠦᠯᠬᠦ ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠥᠬᠥᠳᠡᠳᠡᠭ ᠰᠥᠬᠥ ᠳ᠋ᠦ᠍ ᠰᠢᠭᠠᠵᠤ ᠥᠩᠭᠡᠷᠡᠭᠰᠡᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠡᠷᠭᠦᠭᠦᠯᠳᠡᠭ
ᠲᠠᠷᠳᠠᠵᠤ ᠮᠠᠭᠤᠳᠠᠨ ᠥᠶᠥᠭᠡᠳᠡᠭᠡᠳ ᠲᠡᠵᠢᠭᠡᠯᠭᠡᠵᠦ ᠠᠰᠠᠷᠠᠭᠤᠯᠵᠤ ᠡᠷᠭᠦᠭᠦᠯᠵᠦ ᠥᠩᠭᠡᠷᠡᠭᠰᠡᠨ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠢᠯᠢᠷᠡᠳᠡᠭ
ᠦᠨᠢᠶᠡ ᠲᠤᠭᠤᠯᠯᠠᠬᠤ ᠳ᠋ᠠᠭᠠᠨ ᠰᠦᠷᠦᠭ ᠡᠴᠡ ᠪᠡᠨ ᠰᠠᠯᠵᠤ ᠣᠳᠳᠠᠭ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠵᠣᠵᠢᠭ
ᠰᠦᠷᠦᠭ ᠲᠦ᠍ ᠨᠡᠢᠯᠡᠬᠦ ᠦᠭᠡᠢ ᠭᠠᠭᠴᠠᠭᠠᠷ ᠶᠠᠪᠤᠳᠠᠭ ᠪᠤᠶᠤ ᠰᠦᠷᠦᠭ ᠦ᠋ᠨ ᠬᠣᠢᠨᠠ ᠬᠣᠴᠣᠷᠴᠤ ᠶᠠᠪᠤᠳᠠᠭ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠰᠤᠢᠯᠠᠩᠨᠠᠭᠦᠷ ᠬᠡᠢᠲᠡᠢ ᠰᠡᠷᠲᠡᠭᠡᠨᠡᠭᠦᠷ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠪᠠᠰᠢᠷᠲᠠᠢ ᠲᠡᠷᠭᠡᠨ ᠳ᠋ᠦ᠍ ᠵᠢᠳᠬᠦᠬᠦ ᠦᠭᠡᠢ ᠬᠡᠪᠲᠡᠬᠦ ᠠᠷᠭᠠ ᠰᠤᠷᠤᠭᠰᠠᠨ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠮᠤᠷᠢᠭᠠᠳ
ᠵᠥᠷᠢᠭᠦᠳ᠂ ᠠᠪᠴᠤ ᠭᠦᠶᠦᠭᠡᠳ ᠲᠠᠲᠠᠭᠠᠳ ᠲᠠᠲᠠᠭᠠᠳ ᠬᠦᠴᠦᠷᠡᠭᠳᠡᠬᠦ ᠦᠭᠡᠢ᠂ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃
ᠤᠯᠠᠩᠭᠠᠰᠳᠠᠭ
ᠬᠥᠮᠦᠨ ᠪᠠ ᠴᠢᠰᠤ ᠦᠵᠡᠭᠰᠡᠭᠡᠷ ᠨᠢᠳᠦ ᠨᠢ ᠤᠯᠠᠢᠵᠤ ᠣᠷᠬᠢᠷᠠᠵᠤ ᠬᠥᠮᠦᠨ ᠳ᠋ᠦ᠍ ᠬᠠᠯᠳᠠᠳᠠᠭ ᠡᠯᠡ ᠵᠢᠰᠦᠮ ᠦ᠋ᠨ ᠦᠬᠡᠷ᠃