ᠬᠣᠨᠢᠨ ᠠᠷᠴᠠХонин арц
606ᠬᠣᠨᠢᠨ ᠠᠷᠴᠠ
ᠬᠣᠨᠢᠨ ᠠᠷᠴᠠ ᠨᠡᠩ ᠬᠣᠪᠣᠷ ᠤᠷᠭᠤᠮᠠᠯ ᠨᠢ ᠬᠥᠪᠰᠥᠭᠥᠯ᠂ ᠬᠡᠨᠲᠡᠢ᠂ ᠬᠠᠩᠭᠠᠢ᠂ ᠮᠣᠩᠭᠣᠯ ᠳᠠᠭᠤᠷ᠂ ᠮᠣᠩᠭᠣᠯ ᠠᠯᠲᠠᠢ᠂ ᠳᠤᠮᠳᠠ ᠬᠠᠯᠬᠠ᠂ ᠭᠣᠪᠢ-ᠠᠯᠲᠠᠢ ᠶ᠋ᠢᠨ ᠲᠣᠭᠣᠷᠢᠭ ᠲᠤ᠌ ᠲᠠᠷᠬᠠᠭᠰᠠᠨ ᠪᠠᠢᠳᠠᠭ᠃ ᠬᠣᠨᠢᠨ ᠠᠷᠴᠠ ᠨᠠᠮ ᠳᠣᠣᠷᠠ ᠭᠠᠵᠠᠷ ᠤᠷᠭᠤᠨᠠ ᠭᠡᠵᠦ ᠪᠠᠷᠤᠭ ᠦᠭᠡᠢ᠃ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠲᠠᠭ ᠤ᠋ᠨ ᠪᠦᠰᠡᠯᠡᠭᠦᠷ ᠦ᠋ᠨ ᠨᠤᠷᠠᠭ ᠬᠠᠳᠠ᠂ ᠣᠢ ᠶ᠋ᠢᠨ ᠳᠡᠭᠡᠳᠦ ᠵᠠᠬᠠ ᠶ᠋ᠢᠨ ᠬᠤᠰᠢᠩ ᠣᠢ᠂ ᠰᠢᠷᠢᠩᠭᠢᠨ ᠳ᠋ᠦ᠍ ᠤᠷᠭᠤᠳᠠᠭ ᠪᠠᠢᠨᠠ᠃ ᠲᠡᠭᠦᠨ ᠢ᠋ ᠦᠷᠡ ᠪᠡᠷ ᠪᠣᠯᠤᠨ ᠮᠥᠴᠢᠷ ᠢ᠋ᠶ᠋ᠡᠷ ᠦᠷᠡᠵᠢᠭᠦᠯᠳᠡᠭ ᠲᠡᠳᠦᠢ ᠦᠭᠡᠢ 200 ᠵᠢᠯ ᠤᠷᠭᠤᠳᠠᠭ ᠤᠷᠲᠤ ᠨᠠᠰᠤᠲᠠᠢ ᠤᠷᠭᠤᠮᠠᠯ ᠶᠤᠮ᠃ ᠡᠨᠡᠬᠦ ᠤᠷᠭᠤᠮᠠᠯ ᠨᠢ ᠮᠥᠨ ᠬᠦᠢᠲᠡᠨᠳᠡ ᠲᠡᠰᠪᠦᠷᠢᠲᠡᠢ ᠪᠡᠷ ᠢ᠋ᠶ᠋ᠡᠨ ᠳᠠᠪᠠᠭᠤ ᠲᠠᠯᠠ ᠲᠠᠢ᠃ ᠮᠥᠨ ᠠᠩᠬᠢᠯᠤᠭᠤᠨ ᠦᠨᠦᠷ ᠲᠡᠢ ᠡᠹᠢᠷ ᠦ᠋ᠨ ᠲᠣᠰᠣ ᠠᠭᠤᠯᠳᠠᠭ᠂ ᠥᠩᠭᠡ ᠨᠢ ᠭᠦᠨ ᠨᠣᠭᠣᠭᠠᠨ᠂ᠤᠤᠭᠤᠬᠤ ᠳ᠋ᠤ᠌ ᠬᠤᠷᠴᠠ ᠦᠨᠦᠷ ᠦᠭᠡᠢ ᠠᠵᠤ᠃ ᠲᠤᠰ ᠠᠷᠴᠠ ᠶ᠋ᠢ ᠲᠡᠭᠦᠬᠦ ᠳ᠋ᠦ᠍ ᠵᠠᠯᠠᠭᠤ ᠠᠷᠴᠠ ᠶ᠋ᠢ ᠬᠥᠨᠳᠡᠬᠦ ᠦᠭᠡᠢ᠂ ᠬᠥᠭᠰᠢᠷᠡᠵᠦ᠂ ᠬᠠᠲᠠᠵᠤ ᠪᠠᠢᠭᠠ ᠠ᠋ᠴᠠ ᠨᠢ ᠦᠨᠳᠦᠰᠦ ᠮᠥᠴᠢᠷ ᠢ᠋ ᠭᠡᠮᠲᠦᠭᠡᠬᠦ ᠦᠭᠡᠢ ᠠᠪᠬᠤ ᠶᠤᠮ᠃ ᠲᠤᠰ ᠠᠷᠴᠠ ᠶ᠋ᠢ ᠤᠤᠭᠤᠵᠤ ᠬᠡᠷᠡᠭᠯᠡᠭᠰᠡᠨ ᠢ᠋ᠶ᠋ᠡᠷ ᠠᠮᠢᠰᠬᠤᠯ ᠤ᠋ᠨ ᠵᠠᠮ ᠢ᠋ ᠴᠡᠪᠡᠷᠰᠢᠭᠦᠯᠬᠦ᠂ ᠲᠠᠰᠤᠯᠭᠠᠨ ᠳ᠋ᠠᠬᠢ ᠴᠢᠭᠢᠭ ᠢ᠋ ᠳᠠᠷᠤᠬᠤ ᠳᠠᠪᠠᠭᠤ ᠲᠠᠯᠠ ᠲᠠᠢ ᠪᠠᠢᠨᠠ᠃ ᠬᠠᠷᠢᠨ ᠰᠦᠰᠦᠭ ᠪᠢᠰᠢᠷᠡᠯ ᠦ᠋ᠨ ᠲᠠᠯᠠ ᠠ᠋ᠴᠠ ᠪᠠᠨ ᠪᠣᠯ ᠠᠷᠢᠭᠤᠰᠬᠠᠬᠤ᠂ ᠮᠠᠭᠤ ᠮᠠᠭᠤᠬᠠᠢ ᠵᠦᠢᠯ ᠢ᠋ ᠬᠥᠭᠡᠬᠦ᠂ ᠠᠭᠠᠷ ᠲᠠᠬᠢ ᠪᠠᠺᠲ᠋ᠧᠷᠢ ᠶᠢ ᠤᠰᠠᠳᠬᠠᠬᠤ ᠵᠡᠷᠭᠡ ᠦᠢᠯᠡᠴᠢᠯᠡᠭᠡ ᠦᠵᠡᠭᠦᠯᠳᠡᠭ ᠠᠴᠢ ᠲᠤᠰᠠ ᠲᠠᠢ ᠪᠠᠢᠨᠠ᠃
ᠲᠤᠰ ᠤᠷᠭᠤᠮᠠᠯ ᠠ᠋ᠴᠠ ᠡᠳᠦᠷ ᠲᠦ᠍ ᠨᠢᠭᠡ ᠰᠢᠷᠬᠡᠭ ᠪᠤᠷᠴᠠᠭ ᠵᠠᠵᠢᠯᠵᠤ ᠢᠳᠡᠬᠦ ᠪᠥᠭᠡᠳ ᠤᠯᠠᠮ ᠢ᠋ᠶ᠋ᠠᠷ ᠲᠣᠭᠠ ᠬᠡᠮᠵᠢᠶᠡᠨ ᠦ᠌ ᠬᠤᠪᠢ ᠳ᠋ᠤ᠌ ᠨᠢᠭᠡ ᠪᠡᠷ ᠨᠡᠮᠡᠭᠳᠡᠭᠦᠯᠵᠦ᠂ 15 ᠪᠣᠯᠭᠠᠭᠠᠳ᠂ ᠪᠤᠴᠠᠭᠠᠵᠤ ᠪᠠᠭᠤᠷᠠᠭᠤᠯᠵᠤ ᠲᠡᠭ ᠪᠣᠯᠭᠠᠳᠠᠭ ᠪᠠᠢᠨᠠ᠃