ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 8 > Хөх зул – Боржигон Ванжал –"Тав ᠂ Таван хошуу малын бүлэг " 8
308ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 8
ᠠᠳᠤᠭᠤᠨ ᠤ ᠵᠢᠰᠦᠮ Адууны зүсэм
ᠴᠠᠢᠪᠤᠷ ᠵᠢᠰᠦᠮ ᠦ᠋ᠨ ᠠᠳᠤᠭᠤ
ᠵᠠᠷᠢᠮ ᠭᠠᠵᠠᠷ ᠪᠦᠭᠡᠭᠡᠨ ᠵᠢᠰᠦᠮ ᠦ᠋ᠨ ᠴᠦ᠍ ᠭᠡᠳᠡᠭ ᠃ ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠦ᠋ᠳ ᠭᠡᠪᠡᠯ ᠂ ᠴᠠᠭᠠᠨ ᠂ ᠰᠠᠭᠠᠷᠠᠯ ᠂ ᠪᠣᠷᠣ ᠂ ᠴᠡᠩᠬᠡᠷ ᠂ ᠤᠯᠠᠭᠠᠨ ᠂ ᠰᠢᠷᠭᠠ ᠂ ᠬᠣᠯᠠ ᠂ ᠬᠤᠸᠠ ( ᠬᠣᠩᠭᠣᠷ ) ᠵᠡᠷᠭᠡ ᠡᠴᠡ ᠭᠠᠳᠠᠨᠠ ᠬᠠᠯᠢᠭᠤᠨ ᠠ᠋ᠴᠠ ᠴᠠᠭᠠᠨ ᠬᠠᠯᠢᠭᠤᠨ᠂ ᠪᠤᠭᠤᠷᠤᠯ ᠠ᠋ᠴᠠ ᠴᠠᠭᠠᠨ ᠪᠤᠭᠤᠷᠤᠯ ᠂ ᠴᠣᠬᠣᠷ ᠠ᠋ᠴᠠ ᠴᠠᠭᠠᠨ ᠴᠣᠬᠣᠷ ᠵᠡᠷᠭᠡ ᠵᠢᠰᠦᠮ ᠪᠠᠭᠲᠠᠨᠠ᠃
ᠪᠠᠷᠠᠭᠠᠨ ᠵᠢᠰᠦᠮ ᠦ᠋ᠨ ᠠᠳᠤᠭᠤ
ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠦ᠋ᠳ ᠭᠡᠪᠡᠯ᠂ ᠬᠠᠷᠠ᠂ ᠬᠡᠭᠡᠷ᠂ ᠬᠠᠯᠲᠠᠷ ᠬᠦᠷᠡᠩ᠂ ᠵᠡᠭᠡᠷᠳᠡ᠂ ᠴᠠᠪᠢᠳᠠᠷ ᠵᠡᠷᠭᠡ ᠡᠴᠡ ᠭᠠᠳᠠᠨᠠ ᠬᠤᠸᠠ ᠠ᠋ᠴᠠ ᠬᠡᠭᠡᠷ ᠬᠣᠩᠭᠣᠷ᠂ ᠬᠤᠸᠠ ᠬᠣᠩᠭᠣᠷ᠂ ᠬᠣᠯᠠ ᠬᠣᠩᠭᠣᠷ᠃ ᠬᠠᠯᠢᠭᠤᠨ ᠠ᠋ᠴᠠ ᠬᠠᠷᠠ ᠬᠠᠯᠢᠭᠤᠨ᠂ ᠰᠢᠷᠠ ᠬᠠᠯᠢᠭᠤᠨ᠂ ᠬᠥᠬᠡ ᠬᠠᠯᠢᠭᠤᠨ᠃ ᠪᠤᠭᠤᠷᠤᠯ ᠠ᠋ᠴᠠ ᠬᠠᠷᠠ ᠪᠤᠭᠤᠷᠤᠯ᠂ ᠬᠦᠷᠡᠩ ᠪᠤᠭᠤᠷᠤᠯ᠂ ᠬᠥᠬᠡ ᠪᠤᠭᠤᠷᠤᠯ᠂ ᠤᠯᠠᠭᠠᠨ ᠪᠤᠭᠤᠷᠤᠯ᠃ ᠴᠣᠬᠣᠷ ᠠ᠋ᠴᠠ ᠬᠠᠷᠠ ᠴᠣᠬᠣᠷ᠂ ᠬᠦᠷᠡᠩ ᠴᠣᠬᠣᠷ᠂ ᠬᠡᠭᠡᠷ ᠴᠣᠬᠣᠷ ᠵᠡᠷᠭᠡ ᠵᠢᠰᠦᠮ ᠪᠠᠭᠲᠠᠨᠠ᠃
ᠳᠠᠩ ᠵᠢᠰᠦᠮ
ᠬᠣᠯᠢᠯᠴᠠᠭᠠ ᠦᠭᠡᠢ᠂ ᠨᠢᠭᠡᠨ ᠵᠦᠢᠯ ᠦ᠋ᠨ ᠦᠰᠦᠲᠡᠢ᠃ ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠭᠡᠪᠡᠯ᠂ ᠴᠠᠭᠠᠨ᠂ ᠬᠠᠷᠠ᠂ ᠬᠡᠭᠡᠷ᠂ ᠵᠡᠭᠡᠷᠳᠡ᠂ ᠰᠢᠷᠭᠠ᠂ ᠬᠦᠷᠡᠩ᠃
ᠳᠠᠪᠬᠤᠷ ᠵᠢᠰᠦᠮ
ᠬᠣᠶᠠᠷ ᠠ᠋ᠴᠠ ᠳᠡᠭᠡᠭᠰᠢ ᠦᠰᠦ ᠬᠣᠯᠢᠯᠳᠤᠨ ᠤᠷᠭᠤᠭᠰᠠᠨ ᠦᠰᠦ ᠪᠦᠬᠦᠢ ᠠᠳᠤᠭᠤ᠃ ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠭᠡᠪᠡᠯ᠂ ᠠᠯᠠᠭ᠂ ᠴᠣᠬᠣᠷ᠂ ᠪᠤᠭᠤᠷᠤᠯ᠂ ᠰᠠᠭᠠᠷᠠᠯ᠂ ᠬᠣᠯᠠ᠂ ᠬᠠᠯᠢᠭᠤᠨ᠂ ᠴᠠᠪᠢᠳᠠᠷ᠂ ᠪᠣᠷᠣ᠃
ᠴᠠᠭᠠᠨ ( ᠵᠢᠩᠬᠢᠨᠢ ᠳᠠᠩ ᠵᠢᠰᠦᠮ )
ᠳᠠᠩ ᠵᠢᠰᠦᠮ ᠳ᠋ᠦ᠍ ᠪᠠᠰᠠ ᠵᠢᠩᠬᠢᠨᠢ ᠪᠠ ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ ᠭᠡᠵᠦ ᠨᠠᠷᠢᠨ ᠢᠯᠭᠠᠨᠠ᠃ ᠡᠬᠢ ᠥᠩᠭᠡ ᠴᠠᠰᠤ ᠮᠡᠲᠦ ᠥᠩᠭᠡ ᠶ᠋ᠢ ᠴᠠᠭᠠᠨ ᠭᠡᠨᠡ᠃ ᠤᠭ ᠦᠰᠦ ᠴᠠᠭᠠᠨ ᠪᠥᠭᠡᠳ ᠳᠡᠯ ᠰᠡᠭᠦᠯ ᠴᠦ᠍ ᠴᠠᠭᠠᠨ᠃ ᠰᠤᠷ ᠤ᠋ᠨ ᠳᠣᠲᠣᠷᠠ ᠴᠠᠭᠠᠨ ᠲᠤᠶᠠᠭᠠ ( ᠭᠢᠯᠪᠠᠭᠠ ) ᠲᠠᠲᠠᠨᠠ ᠃ ᠲᠤᠩ ᠴᠠᠭᠠᠨ ᠮᠣᠷᠢ ( ᠲᠤᠩ ᠮᠡᠲᠦ ᠴᠠᠭᠠᠨ ᠮᠣᠷᠢ ) ᠂ ᠪᠥᠬᠡ (бөө) ᠴᠠᠭᠠᠨ ᠮᠣᠷᠢ ( ᠬᠢᠯᠮᠠᠩ ᠴᠠᠭᠠᠨ ᠮᠣᠷᠢ ) ᠃
ᠰᠠᠭᠠᠷᠠᠯ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠬᠣᠶᠠᠷ ᠠ᠋ᠴᠠ ᠳᠡᠭᠡᠭᠰᠢ ᠵᠦᠢᠯ ᠦ᠋ᠨ ᠦᠰᠦ ᠨᠢᠭᠲᠠ ᠤᠶᠠᠯᠳᠤᠨ ᠤᠷᠭᠤᠵᠠᠢ᠃ ᠤᠭ ᠦᠰᠦ ᠨᠢ ᠴᠥᠭᠡᠨ ᠪᠤᠶᠤ ᠪᠦᠳᠡᠭᠢ ᠴᠡᠭᠡᠨ᠂ ᠰᠤᠷ ᠨᠢ ᠪᠣᠷᠣ᠂ ᠰᠢᠷᠭᠠᠯ᠂ ᠬᠠᠷᠠ ᠶᠠᠩᠵᠤ ᠪᠦᠷᠢ ᠪᠠᠢᠳᠠᠭ᠃ ᠤᠭ ᠦᠰᠦ ᠰᠤᠷ ᠬᠣᠶᠠᠷ ᠤ᠋ᠨ ᠳᠤᠮᠳᠠ ᠲᠤᠰ ᠲᠤᠰ ᠤ᠋ᠨ ᠲᠤᠶᠠᠭᠠ ᠭᠢᠯᠪᠠᠯᠵᠠᠳᠠᠭ᠃
ᠴᠠᠭᠠᠨ ᠰᠠᠭᠠᠷᠠᠯ
ᠤᠭ ᠦᠰᠦ ᠪᠠᠷᠤᠭ ᠴᠠᠭᠠᠨ ᠰᠢᠬᠠᠭᠤ ᠴᠡᠭᠡᠨ᠂ ᠰᠤᠷ ᠨᠢ ᠭᠦᠶᠦᠭᠡᠨ ᠪᠣᠷᠣ᠂ ᠲᠡᠢᠨ ᠬᠦ᠌ ᠲᠤᠶᠠᠭᠠ ᠨᠢ ᠪᠠᠭᠤᠷᠠᠩᠭᠤᠢ ( ᠠᠷᠠᠢ ᠴᠠᠭᠠᠨ ᠪᠢᠰᠢ) ᠴᠠᠭᠠᠪᠲᠤᠷ ᠳᠡᠯ ᠰᠡᠭᠦᠯ ᠳ᠋ᠦ᠍ᠨᠢ ᠵᠢᠭᠠᠬᠠᠨ ᠪᠣᠷᠣ ᠦᠰᠦᠲᠡᠢ᠃
ᠬᠠᠷᠠ ᠰᠠᠭᠠᠷᠠᠯ
ᠤᠭ ᠦᠰᠦ ᠨᠢ ᠴᠡᠭᠡᠨ ᠬᠠᠷᠠᠪᠲᠤᠷ ᠴᠤ᠌ ᠦᠰᠦ ᠶ᠋ᠢᠨ ᠤᠭ ᠢ᠋ᠶ᠋ᠠᠷ ᠴᠡᠭᠡᠬᠡᠨ᠂ ᠰᠤᠷ ᠨᠢ ᠬᠠᠷᠠᠪᠲᠤᠷ᠂ ᠲᠤᠶᠠᠭᠠ ᠨᠢ ᠭᠡᠭᠡᠨ ᠬᠠᠷᠠᠪᠲᠤᠷ ᠭᠢᠯᠪᠠᠭᠠᠲᠠᠢ᠃ ᠪᠣᠷᠣ ᠰᠠᠭᠠᠷᠠᠯ
ᠤᠭ ᠦᠰᠦ ᠨᠢ ᠭᠦᠨᠡ ᠰᠢᠭ ᠴᠡᠭᠡᠨ᠂ ᠰᠤᠷ ᠨᠢ ᠪᠣᠷᠣ᠂ ᠲᠤᠶᠠᠭᠠ ᠨᠢ ᠴᠠᠭᠠᠪᠲᠤᠷ ᠬᠥᠬᠡ ᠭᠢᠯᠪᠠᠭᠠᠲᠠᠢ᠃
ᠬᠥᠬᠡ ᠰᠠᠭᠠᠷᠠᠯ
ᠤᠭ ᠦᠰᠦ ᠦᠨᠡᠰᠦᠨ ᠥᠩᠭᠡᠲᠡᠢ᠂ ᠰᠤᠷ ᠤ᠋ᠨ ᠦᠵᠦᠭᠦᠷ ᠦᠯᠦ ᠮᠡᠳᠡᠭ ᠬᠠᠷᠠᠪᠲᠤᠷ᠂ ᠲᠤᠶᠠᠭᠠ ᠨᠢ ᠪᠠᠭᠤᠷᠠᠩᠭᠤᠢ ᠬᠥᠬᠡᠪᠦᠷ᠃
ᠴᠡᠩᠬᠡᠷ ᠰᠠᠭᠠᠷᠠᠯ
ᠠᠷᠠᠢ ᠴᠠᠭᠠᠨ ᠪᠣᠷᠣ ᠪᠢᠰᠢ᠂ ᠤᠭ ᠦᠰᠦ ᠨᠢ ᠴᠠᠭᠠᠪᠲᠤᠷ᠃ ᠴᠡᠭᠡᠨ ᠰᠤᠷ ᠨᠢ ᠦᠵᠦᠭᠦᠷ ᠵᠦᠭ ᠢ᠋ᠶ᠋ᠡᠨ ᠦᠯᠦ ᠮᠡᠳᠡᠭ ᠪᠣᠷᠣᠪᠲᠤᠷ᠂ ᠴᠠᠭᠠᠨ ᠰᠠᠭᠠᠷᠠᠯ ᠢ ᠪᠣᠳᠣᠪᠠᠯ ᠴᠠᠭᠠᠪᠲᠤᠷ ᠴᠡᠩᠬᠡᠷᠳᠡᠭᠦᠦ ᠲᠤᠶᠠᠭᠠ ᠲᠠᠢ᠃
ᠬᠤᠸᠠ ᠰᠠᠭᠠᠷᠠᠯ
ᠤᠭ ᠦᠰᠦ ᠨᠢ ᠳᠤᠭᠤᠷᠠᠭᠳᠠᠬᠤ ᠴᠡᠭᠡᠨ᠂ ᠰᠤᠷ ᠨᠢ ᠬᠤᠸᠠ ᠴᠤ᠌ ᠦᠵᠦᠭᠦᠷ ᠵᠦᠭ ᠢ᠋ᠶ᠋ᠡᠨ ᠦᠯᠦ ᠮᠡᠳᠡᠭᠳᠡᠮᠡ ᠤᠯᠠᠭᠠᠪᠲᠤᠷ᠂ ᠲᠤᠶᠠᠭᠠ ᠨᠢ ᠦᠯᠦ ᠮᠡᠳᠡᠭᠳᠡᠮᠡ ᠤᠯᠠᠪᠤᠷᠲᠠᠭᠤ ᠬᠣᠩᠭᠣᠷ ᠭᠢᠯᠪᠠᠭᠠᠲᠠᠢ᠃
ᠬᠠᠯᠢᠭᠤᠨ ᠰᠠᠭᠠᠷᠠᠯ
ᠡᠬᠡ ᠪᠡᠶᠡ ᠬᠠᠯᠢᠭᠤᠨ᠂ ᠳᠡᠯ ᠰᠡᠭᠦᠯ ᠬᠠᠷᠠ ᠪᠢᠰᠢ ᠰᠠᠭᠠᠷᠠᠯᠳᠠᠭᠤ᠂ ᠲᠤᠶᠠᠭᠠ ᠨᠢ ᠬᠠᠯᠢᠭᠤᠨ ᠢ ᠰᠠᠨᠠᠭᠳᠠᠭᠤᠯᠬᠤ ᠭᠢᠯᠪᠠᠭᠠᠲᠠᠢ᠃
ᠤᠯᠠᠭᠠᠨ ᠰᠠᠭᠠᠷᠠᠯ
ᠤᠭ ᠦᠰᠦ ᠴᠠᠭᠠᠪᠲᠤᠷ ᠴᠡᠭᠡᠨ᠂ ᠰᠤᠷ ᠨᠢ ᠤᠯᠠᠪᠤᠷᠲᠠᠭᠤ ᠪᠣᠷᠣ᠂ ᠲᠤᠶᠠᠭᠠ ᠨᠢ ᠴᠡᠭᠡᠨ ᠤᠯᠠᠪᠤᠷ ᠬᠣᠶᠠᠷ ᠤ᠋ᠨ ᠳᠤᠮᠳᠠᠭᠤᠷ ᠲᠤᠭᠤᠷᠬᠠᠲᠠᠨ ᠥᠯᠥᠨ ᠰᠠᠭᠠᠷᠠᠯ ᠭᠢᠯᠪᠠᠭᠠᠳᠤᠬᠤ᠃
ᠤᠷᠤᠭ ᠰᠠᠭᠠᠷᠠᠯ
ᠤᠭ ᠪᠡᠶᠡ ᠴᠠᠭᠠᠨ ᠰᠠᠭᠠᠷᠠᠯ ᠂ ᠭᠠᠭᠴᠠ ᠬᠦ᠌ ᠨᠢᠷᠤᠭᠤ ᠵᠣ ᠪᠠᠷ ᠢ᠋ᠶ᠋ᠠᠨ ᠬᠠᠷᠠ ᠭᠣᠣᠯ ( ᠰᠤᠳᠠᠯ ) ᠲᠠᠢ ᠳᠡᠯ ᠰᠡᠭᠦᠯ ᠦ᠋ᠨ ᠭᠣᠣᠯ ᠢ᠋ᠶ᠋ᠠᠷ ᠬᠠᠷᠠ ᠰᠤᠳᠠᠯ ᠲᠠᠢ᠃
ᠬᠥᠬᠡᠪᠯᠡᠢ ᠰᠠᠭᠠᠷᠠᠯ
ᠭᠦᠨᠡ ᠰᠢᠭ ᠭᠣᠣᠯ ᠲᠠᠢ ᠪᠣᠷᠣ ᠰᠠᠭᠠᠷᠠᠯ᠂ ᠳᠥᠷᠪᠡᠨ ᠮᠥᠴᠢ ᠨᠢ ᠪᠠᠭᠤᠤ ᠵᠡᠭᠦᠭᠰᠡᠨ ᠮᠡᠲᠦ ᠬᠥᠨᠳᠡᠯᠡᠨ ᠬᠥᠬᠡ ᠪᠤᠶᠤ ᠬᠠᠷᠠ ᠡᠷᠢᠶᠡᠨᠲᠡᠢ᠂ ᠵᠠᠷᠢᠮ ᠭᠠᠵᠠᠷ ᠮᠥᠨ ᠤᠷᠤᠭ ᠰᠠᠭᠠᠷᠠᠯ ᠭᠡᠵᠦ ᠬᠡᠯᠡᠳᠡᠭ᠃
ᠪᠣᠷᠣ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠤᠭ ᠦᠰᠦ ᠨᠢ ᠴᠠᠭᠠᠨ ᠪᠤᠶᠤ ᠴᠠᠭᠠᠪᠲᠤᠷᠬᠠᠨ᠂ ᠳᠡᠯ ᠰᠡᠭᠦᠯ ᠨᠢ ᠪᠣᠷᠣ ᠪᠤᠶᠤ ᠪᠣᠷᠣᠪᠲᠣᠷᠬᠠᠨ᠂ ᠰᠤᠷ ᠨᠢ ᠦᠵᠦᠭᠦᠷ ᠵᠦᠭ ᠢ᠋ᠶ᠋ᠡᠨ ᠪᠣᠷᠣ ᠭᠣᠣᠯᠳᠠᠵᠤ ᠬᠠᠷᠠ ᠵᠢᠭᠠᠬᠠᠨ ᠬᠣᠯᠢᠯᠳᠤᠭᠰᠠᠨ ᠰᠢᠭ᠋᠂ ᠲᠤᠶᠠᠭᠠ ᠨᠢ ᠴᠡᠭᠡᠬᠡᠨ ᠬᠥᠬᠡᠪᠦᠷ ᠭᠢᠯᠪᠠᠭᠠᠲᠠᠢ᠃ ᠪᠣᠷᠣ ᠮᠣᠷᠢᠨ ᠤ᠋ ᠵᠢᠰᠦᠮ ᠬᠤᠪᠢᠷᠠᠯᠲᠠ ᠶᠡᠬᠡᠲᠡᠢ᠂ ᠪᠠᠭᠠ ᠳ᠋ᠠᠭᠠᠨ ᠬᠠᠷᠠ ᠪᠣᠷᠣ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠮᠣᠷᠢ ᠪᠣᠯᠵᠤ ᠪᠦᠳᠦᠭᠦᠷᠡᠬᠦ ᠲᠣᠰᠤᠮ ᠴᠠᠢᠵᠤ᠂ ᠵᠠᠷᠢᠮ ᠨᠢ ᠲᠤᠩ ᠴᠠᠭᠠᠨ ᠴᠤ᠌ ᠪᠣᠯᠳᠠᠭ᠃ ᠴᠡᠩᠬᠡᠷ ᠪᠣᠷᠣ ᠮᠣᠷᠢ ᠪᠦᠳᠦᠭᠦᠷᠡᠬᠦ ᠲᠣᠰᠤᠮ ᠢ᠋ᠶ᠋ᠠᠨ ᠴᠠᠭᠠᠨ ᠪᠣᠷᠣ ᠪᠣᠯᠵᠤ ᠬᠥᠭᠰᠢᠷᠡᠬᠦ ᠳ᠋ᠡᠭᠡᠨ ᠪᠡᠶᠡ ᠳ᠋ᠦ᠍ᠨᠢ ᠪᠤᠭᠤᠳᠠᠢ ᠰᠠᠭᠤᠵᠤ᠂ ᠪᠤᠭᠤᠳᠠᠢ ᠪᠣᠷᠣ ᠶᠤᠮ ᠤᠤ᠂ ᠤᠯᠠᠭᠠᠨ ᠪᠣᠷᠣ ᠪᠣᠯᠵᠤ ᠬᠤᠪᠢᠷᠠᠳᠠᠭ᠃
ᠬᠠᠷᠠ ᠪᠣᠷᠣ
ᠪᠠᠰᠠ ᠬᠥᠬᠡ ᠭᠡᠬᠦ ᠪᠤᠶᠤ ᠡᠭᠦᠯᠡᠨ ᠬᠥᠬᠡ ᠴᠦ᠍ ᠭᠡᠳᠡᠭ᠃ ᠦᠰᠦᠨ ᠦ᠌ ᠤᠭ ᠨᠢ ᠴᠡᠭᠡᠨ᠂ ᠦᠰᠦᠨ ᠦᠵᠦᠭᠦᠷ ᠪᠣᠯᠤᠨ ᠰᠤᠷ ᠨᠢ ᠬᠥᠬᠡ᠃ ᠲᠤᠶᠠᠭᠠ ᠨᠢ ᠭᠦᠨᠡ ᠬᠠᠷᠠᠪᠲᠤᠷ ᠬᠥᠬᠡ ᠭᠢᠯᠪᠠᠭᠠᠲᠠᠢ᠃
ᠴᠠᠭᠠᠨ ᠪᠣᠷᠣ
ᠳᠡᠯ ᠰᠡᠭᠦᠯ ᠨᠢ ᠵᠢᠭᠠᠬᠠᠨ ᠪᠣᠷᠣᠪᠲᠤᠷ ᠴᠠᠭᠠᠨ ᠮᠣᠷᠢ ᠶ᠋ᠢ ᠬᠡᠯᠡᠨᠡ᠃
ᠴᠡᠩᠬᠡᠷ ᠪᠣᠷᠣ
ᠬᠠᠷᠠ ᠪᠣᠷᠣ ᠠ᠋ᠴᠠ ᠪᠠᠨ ᠭᠡᠭᠡᠬᠡᠨ ᠴᠡᠩᠬᠡᠷᠲᠡᠭᠦᠦ ᠬᠥᠬᠡ᠂ ᠲᠤᠶᠠᠭᠠ ᠨᠢ ᠦᠰᠦ ᠰᠤᠷ ᠤ᠋ᠨ ᠦᠵᠦᠭᠦᠷ ᠢ᠋ᠶ᠋ᠡᠷ ᠴᠡᠩᠬᠡᠷᠲᠡᠭᠥᠥ (ᠲᠡᠭᠷᠢ ᠶ᠋ᠢᠨ ) ᠭᠢᠯᠪᠠᠭᠠᠲᠠᠢ᠃
ᠵᠢᠪᠡᠨ ᠪᠣᠷᠣ
ᠤᠭ ᠦᠰᠦ ᠨᠢ ᠴᠡᠭᠡᠨ ᠪᠣᠷᠣ᠂ ᠦᠰᠦ ᠶ᠋ᠢᠨ ᠦᠵᠦᠭᠦᠷ ᠪᠣᠯᠤᠨ ᠰᠤᠷ ᠨᠢ ᠤᠯᠠᠪᠤᠷᠲᠠᠭᠤ ᠪᠣᠷᠣ᠂ ᠲᠤᠶᠠᠭᠠ ᠨᠢ ᠪᠣᠷᠣ ᠥᠩᠭᠡ᠂ ᠵᠢᠪᠡ ᠶ᠋ᠢᠨ ᠥᠩᠭᠡ ᠮᠡᠲᠦ ᠤᠯᠠᠪᠤᠷᠲᠠᠭᠤ ᠭᠢᠯᠪᠠᠭᠠ ᠬᠣᠯᠢᠴᠠᠯᠳᠤᠨ ᠳᠤᠭᠤᠷᠠᠭᠳᠠᠨ ᠬᠠᠷᠠᠭᠳᠠᠨᠠ᠃
ᠤᠯᠠᠭᠠᠨ ᠪᠣᠷᠣ
ᠴᠠᠭᠠᠨ ᠪᠣᠷᠣ ᠮᠣᠷᠢ ᠲᠠᠢ ᠲᠥᠰᠦᠭᠡᠲᠡᠢ ᠪᠣᠯᠤᠭᠠᠳ ᠦᠰᠦ ᠰᠤᠷ ᠤ᠋ᠨ ᠦᠵᠦᠭᠦᠷ ᠲᠡᠭᠡᠨ ᠬᠠᠷᠢᠨ ᠦᠯᠦ ᠮᠡᠳᠡᠭᠳᠡᠮᠡ ᠤᠯᠪᠤᠷᠳᠠᠭᠤ ᠭᠢᠯᠪᠠᠭᠠᠲᠠᠢ ᠬᠠᠷᠠᠭᠳᠠᠬᠤ ᠪᠤᠶᠤ ᠡᠰᠡᠬᠦᠯᠡ ᠴᠠᠭᠠᠨ ᠪᠣᠷᠣ ᠮᠣᠷᠢᠨ ᠳ᠋ᠤ᠌ ᠤᠯᠠᠭᠠᠨ ᠪᠤᠭᠤᠳᠠᠢ ᠰᠠᠭᠤᠭᠰᠠᠨ᠃
ᠬᠥᠬᠡ ᠪᠣᠷᠣ
ᠬᠠᠷᠠ ᠪᠣᠷᠣ ᠶ᠋ᠢ ᠪᠣᠳᠣᠪᠠᠯ ᠤᠭ ᠦᠰᠦ ᠰᠤᠷ ᠨᠢ ᠴᠡᠯᠭᠡᠷ ᠬᠥᠬᠡ ᠮᠥᠷᠲᠡᠭᠡᠨ ᠰᠤᠷ ᠨᠢ ᠠᠬᠤᠷ ᠰᠣᠢᠷ ᠦᠰᠦᠲᠡᠢ ᠰᠢᠭ ᠲᠤᠶᠠᠭᠠ ᠮᠠᠭᠤᠲᠠᠢ ᠬᠠᠷᠠᠭᠳᠠᠳᠠᠭ᠃
ᠡᠭᠦᠯᠡᠨ ᠪᠣᠷᠣ
ᠴᠡᠭᠡᠪᠲᠦᠷ ᠬᠠᠷᠠ ᠪᠣᠷᠣ ᠂ ᠭᠦᠨᠡ ᠪᠣᠷᠣ ᠂ ᠴᠡᠭᠡᠨ ᠪᠣᠷᠣ ᠬᠣᠶᠠᠷ ᠴᠣᠬᠣᠷᠳᠠᠨ ᠠᠯᠠᠭᠯᠠᠬᠤ ᠮᠡᠲᠦ ᠬᠠᠷᠠᠭᠳᠠᠬᠤ᠃
ᠴᠡᠩᠬᠡᠷ
ᠴᠡᠩᠬᠡᠷ ᠪᠣᠷᠣ ᠠ᠋ᠴᠠ ᠠᠷᠠᠢ ᠰᠢᠩᠭᠡᠨ ᠴᠠᠭᠠᠪᠲᠤᠷ᠃ ᠬᠥᠬᠡ᠂ ᠤᠭ ᠦᠰᠦ ᠴᠡᠭᠡᠬᠡᠨ ᠪᠥᠭᠡᠳ ᠥᠳᠬᠡᠨ᠂ ᠰᠤᠷ ᠨᠢ ᠡᠬᠢ ᠦᠰᠦᠨ ᠳ᠋ᠡᠭᠡᠨ ᠰᠢᠩᠭᠡᠳᠡᠭᠰᠡᠨ ᠬᠥᠬᠡ ᠤᠴᠢᠷ ᠠ᠋ᠴᠠ ᠬᠠᠷᠠᠬᠤ ᠳ᠋ᠤ᠌ ᠴᠡᠩᠬᠡᠷ ᠲᠤᠶᠠᠭᠠ ᠭᠢᠯᠪᠠᠯᠵᠠᠳᠠᠭ᠃
ᠬᠤᠸᠠ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠬᠠᠯᠬᠠ ᠳ᠋ᠤ᠌ ᠬᠣᠩᠭᠣᠷ ᠭᠡᠳᠡᠭ᠃ ᠤᠭ ᠦᠰᠦ ᠨᠢ ᠴᠠᠭᠠᠪᠲᠤᠷ ᠠᠯᠲᠠᠯᠢᠭ ᠰᠢᠷᠭᠠᠯ᠂ ᠬᠣᠯᠠ ᠶ᠋ᠢ ᠪᠣᠳᠣᠪᠠᠯ ᠭᠦᠶᠥᠪᠲᠦᠷ ᠰᠢᠷᠠ ᠪᠥᠭᠡᠳ ᠵᠣ ᠨᠢᠷᠤᠭᠤ ᠪᠠᠨ ᠳᠠᠭᠠᠵᠤ ᠭᠦᠨᠡ ᠤᠯᠠᠪᠤᠷ ᠭᠣᠣᠯ (ᠰᠤᠳᠠᠯ ) ᠲᠠᠢ ᠮᠥᠷᠲᠡᠭᠡᠨ ᠲᠠᠯᠤᠨ ᠳ᠋ᠠᠭᠠᠨ ᠪᠢᠳᠠᠷ ᠪᠠᠢᠴᠠ ᠲᠠᠢ ᠴᠤ᠌ ᠪᠠᠢᠳᠠᠭ᠃ ᠬᠥᠯ ᠦ᠋ᠨ ᠳᠣᠣᠷᠠᠲᠤ ᠬᠡᠰᠡᠭ ᠲᠡᠭᠡᠨ ᠪᠠᠭᠤᠤ ᠵᠡᠭᠦᠭᠰᠡᠨ ᠮᠡᠲᠦ ᠭᠦᠨᠡ ᠤᠯᠠᠪᠤᠷᠲᠠᠭᠤ ᠰᠤᠳᠠᠯ ᠲᠠᠢ᠂ ᠳᠡᠯ ᠰᠡᠭᠦᠯ ᠨᠢ ᠬᠤᠸᠠ ᠠ᠋ᠴᠠ ᠭᠦᠨᠡ ᠤᠯᠠᠪᠤᠷ ᠥᠩᠭᠡᠲᠡᠢ ᠪᠠᠢᠳᠠᠭ᠃
ᠤᠯᠠᠭᠠᠨ ᠬᠤᠸᠠ
ᠤᠭ ᠦᠰᠦ ᠴᠠᠢᠪᠤᠷᠳᠠᠭᠤ ᠰᠢᠷᠠ᠂ ᠰᠤᠷ ᠨᠢ ᠤᠯᠠᠪᠤᠷ ᠰᠢᠷᠠ᠂ ᠲᠤᠶᠠᠭᠠ ᠨᠢ ᠰᠢᠷᠠ ᠴᠡᠭᠡᠨ ᠦ᠌ ᠳᠤᠮᠳᠠᠭᠤᠷ ᠭᠢᠯᠪᠠᠳᠠᠭ᠃
ᠴᠠᠭᠠᠨ ᠬᠤᠸᠠ
ᠤᠯᠠᠭᠠᠨ ᠬᠤᠸᠠ ᠶ᠋ᠢ ᠪᠣᠳᠣᠪᠠᠯ ᠭᠡᠭᠡᠪᠲᠦᠷ᠂ ᠡᠬᠢ ᠪᠡᠶᠡ ᠪᠣᠯᠤᠨ ᠦᠰᠦ ᠶ᠋ᠢᠨ ᠦᠵᠦᠭᠦᠷ ᠨᠢ ᠴᠠᠢᠪᠤᠷᠳᠠᠭᠤ᠂ ᠦᠰᠦ ᠶ᠋ᠢᠨ ᠦᠵᠦᠭᠦᠷ ᠪᠣᠯᠤᠨ ᠰᠤᠷ ᠨᠢ ᠤᠯᠠᠪᠤᠷ ᠰᠢᠷᠠ ᠤᠴᠢᠷ ᠠ᠋ᠴᠠ ᠴᠠᠭᠠᠨ ᠰᠢᠷᠠ ᠲᠤᠶᠠᠭᠠ ᠭᠢᠯᠪᠠᠳᠠᠭ᠃
ᠬᠣᠯᠠ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠡᠬᠢ ᠪᠡᠶᠡ ᠨᠢ ᠬᠤᠸᠠ ᠶ᠋ᠢ ᠪᠣᠳᠣᠪᠠᠯ ᠭᠦᠨᠡ ᠤᠯᠠᠪᠤᠷᠲᠠᠭᠤ ᠃ ᠵᠣ ᠨᠢᠷᠤᠭᠤ ᠪᠠᠨ ᠳᠠᠭᠠᠵᠤ ᠬᠠᠷᠠ ᠭᠣᠣᠯ ( ᠰᠤᠳᠠᠯ ) ᠲᠠᠢ ᠮᠥᠷᠲᠡᠭᠡᠨ ᠵᠠᠷᠢᠮ ᠨᠢ ᠲᠠᠯᠤᠨ ᠳ᠋ᠠᠭᠠᠨ ᠪᠢᠳᠡᠷ ( ᠪᠠᠩᠼᠠ ) ᠲᠠᠢ ᠪᠠᠢᠳᠠᠭ᠃ ᠳᠡᠯ ᠰᠡᠭᠦᠯ ᠨᠢ ᠬᠠᠷᠠ ᠪᠤᠶᠤ ᠬᠠᠷᠠ ᠭᠣᠣᠯ ᠲᠠᠢ᠃ ᠲᠡᠷᠡᠴᠢᠯᠡᠨ ᠬᠥᠯ ᠦ᠋ᠨ ᠳᠣᠣᠷᠠᠲᠤ ᠬᠡᠰᠡᠭ ᠬᠠᠷᠠ ᠥᠩᠭᠡᠲᠡᠢ ᠪᠤᠶᠤ ᠬᠠᠷᠠ ᠡᠷᠢᠶᠡᠨ ᠪᠠᠢᠳᠠᠭ᠃ ᠬᠠᠶᠠ ᠨᠢᠭᠡ ᠦᠰᠦᠯᠢᠭ ᠬᠣᠯᠠ ᠮᠣᠷᠢ ᠪᠣᠯ ᠴᠢᠷᠠᠢ ᠨᠢ ᠬᠠᠯᠲᠠᠷᠲᠠᠭᠤ ᠪᠠᠢᠳᠠᠭ᠃
ᠬᠠᠷᠠ ᠬᠣᠯᠠ
ᠳᠡᠯ ᠰᠡᠭᠦᠯ ᠰᠤᠷ ᠨᠢ ᠭᠦᠨᠡ ᠬᠠᠷᠠ ᠪᠣᠯᠵᠤ᠂ ᠡᠬᠢ ᠦᠨᠳᠦᠰᠦᠨ ᠥᠩᠭᠡ ᠤᠯᠠᠪᠤᠷ ᠰᠢᠷᠠ ᠪᠥᠭᠡᠳ ᠬᠥᠨᠡᠪᠲᠦᠷ ᠰᠢᠷᠠ ᠬᠡᠭᠡᠷᠳᠡᠭᠦᠦ ᠪᠣᠯᠭᠠᠭᠰᠠᠨ᠃
ᠬᠠᠯᠲᠠᠷ ᠬᠣᠯᠠ
ᠡᠬᠢ ᠪᠡᠶᠡ ᠦᠨᠳᠦᠰᠦᠨ ᠥᠩᠭᠡ ᠪᠡᠷ ᠢ᠋ᠶ᠋ᠡᠨ ᠭᠣᠣᠯ ᠰᠤᠳᠠᠯ ᠪᠦᠷ ᠡᠩ ᠦ᠋ᠨ ᠬᠣᠯᠠ ᠲᠠᠢ ᠠᠳᠠᠯᠢ᠂ ᠭᠠᠭᠴᠠ ᠲᠣᠯᠣᠭᠠᠢ ᠶ᠋ᠢᠨ ᠬᠡᠰᠡᠭ ᠨᠢᠭᠤᠷ ᠴᠢᠷᠠᠢ ᠳ᠋ᠤᠨᠢ ᠬᠠᠷᠠᠪᠲᠤᠷ ᠬᠠᠯᠲᠠᠷ ᠪᠠᠢᠳᠠᠯ ᠢᠯᠡᠷᠡᠭᠰᠡᠨ᠃
ᠵᠡᠭᠡᠷᠳᠡ ᠬᠣᠯᠠ
ᠵᠡᠭᠡᠷᠳᠡ ᠳ᠋ᠦ᠍ ᠶᠡᠬᠡ ᠣᠢᠷᠠᠯᠴᠠᠭᠠ᠂ ᠭᠠᠭᠴᠠ ᠬᠦ᠌ ᠬᠠᠷᠠ ᠭᠣᠣᠯ᠂ ᠳᠡᠯ᠂ ᠰᠡᠭᠦᠯ ᠲᠡᠢ ᠬᠣᠯᠠ ᠮᠣᠷᠢ᠃
ᠴᠠᠭᠠᠨ ᠬᠣᠯᠠ
ᠬᠤᠸᠠ ᠳ᠋ᠤ᠌ ᠶᠡᠬᠡ ᠣᠢᠷᠠᠯᠴᠠᠭᠠ᠂ ᠭᠠᠭᠴᠠ ᠨᠢᠷᠤᠭᠤᠨ ᠰᠤᠳᠠᠯ ᠪᠠ ᠰᠡᠭᠦᠯ ᠨᠢ ᠬᠠᠷᠠ ᠪᠤᠶᠤ ᠬᠠᠷᠠᠪᠲᠤᠷᠬᠠᠨ᠃
ᠬᠣᠩᠭᠣᠷ ᠬᠣᠯᠠ
ᠬᠤᠸᠠ ᠳ᠋ᠤ᠌ ᠣᠢᠷᠠᠯᠴᠠᠭᠠ ᠴᠤ᠌ ᠳᠡᠯ ᠰᠡᠭᠦᠯ ᠬᠢᠭᠡᠳ ᠨᠢᠷᠤᠭᠤᠨ ᠰᠤᠳᠠᠯ ᠨᠢ ᠬᠠᠷᠠ ᠪᠣᠯᠤᠭᠰᠠᠨ ᠢ᠋ᠶ᠋ᠠᠷ ᠬᠣᠯᠠ ᠪᠣᠯᠵᠠᠢ᠃
ᠰᠢᠷᠭᠠ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠡᠬᠢ ᠪᠡᠶᠡ ᠂ ᠲᠣᠯᠣᠭᠠᠢ ᠨᠢ ᠰᠢᠷᠭᠠᠯ ᠂ ᠳᠡᠯ ᠰᠡᠭᠦᠯ ᠨᠢ ᠰᠢᠷᠭᠠᠯ ᠴᠡᠭᠡᠨ᠃
ᠤᠯᠠᠭᠠᠨ ᠰᠢᠷᠭᠠ
ᠡᠬᠢ ᠪᠡᠶᠡ ᠶ᠋ᠢᠨ ᠦᠰᠦ ᠰᠢᠷᠭᠠᠯ᠂ ᠰᠤᠷ ᠪᠠ ᠦᠰᠦᠨ ᠦ᠌ ᠦᠵᠦᠭᠦᠷ ᠨᠢ ᠨᠡᠯᠢᠶᠡᠳ ᠤᠯᠠᠪᠤᠷᠲᠠᠭᠤ ᠪᠣᠯᠬᠣᠷ ᠦᠰᠦ ᠰᠤᠷ ᠤ᠋ᠨ ᠦᠵᠦᠭᠦᠷ ᠲᠦ᠍ ᠤᠯᠠᠭᠠᠨ ᠰᠢᠷᠭᠠᠯ ᠲᠤᠶᠠᠭᠠ ᠭᠢᠯᠪᠠᠭᠠᠲᠠᠨᠠ᠃ ᠶᠠᠭ ᠨᠠᠮᠤᠷ ᠤ᠋ᠨ ᠰᠢᠷᠠ ᠲᠣᠰᠣ ᠰᠢᠭ᠋ ᠥᠩᠭᠡᠲᠡᠢ᠃
ᠴᠠᠭᠠᠨ ᠰᠢᠷᠭᠠ
ᠤᠯᠠᠭᠠᠨ ᠰᠢᠷᠭᠠ ᠶ᠋ᠢ ᠪᠣᠳᠣᠪᠠᠯ ᠨᠡᠯᠢᠶᠡᠳ ᠴᠡᠭᠡᠬᠡᠨ ᠰᠢᠷᠠ᠃
ᠪᠣᠷᠣ ᠰᠢᠷᠭᠠ
ᠡᠬᠢ ᠪᠡᠶᠡ ᠨᠢ ᠴᠡᠭᠡᠨ ᠰᠠᠭᠠᠷᠠᠯᠳᠠᠭᠤ᠂ ᠦᠰᠦᠨ ᠦ᠌ ᠦᠵᠦᠭᠦᠷ ᠪᠣᠯᠤᠨ ᠰᠤᠷ ᠨᠢ ᠠᠯᠲᠠᠨ ᠰᠢᠷᠭᠠᠯ ᠴᠤ᠌ ᠮᠡᠷᠭᠡᠨ ᠦᠵᠦᠭᠦᠷ ᠲᠡᠭᠡᠨ ᠪᠣᠷᠣ ᠪᠠᠢᠳᠠᠭ ᠠ᠋ᠴᠠ ᠪᠣᠷᠣ ᠰᠢᠷᠭᠠᠯ ᠬᠣᠯᠢᠴᠠᠯᠳᠤᠨ ᠳᠤᠭᠤᠷᠠᠭᠳᠠᠨ ᠭᠢᠯᠪᠠᠭᠠᠲᠠᠨᠠ᠃
ᠤᠲᠤᠭᠠᠨ ᠰᠢᠷᠭᠠ
ᠪᠣᠷᠣ ᠰᠢᠷᠭᠠ ᠶ᠋ᠢ ᠪᠣᠳᠣᠪᠠᠯ ᠪᠣᠷᠣᠪᠲᠤᠷ᠂ ᠰᠢᠷᠭᠠᠯ ᠨᠢ ᠭᠦᠨᠡ ᠰᠢᠭ᠃ ᠶᠠᠭ ᠰᠠᠶᠢ ᠲᠦᠯᠡᠭᠰᠡᠨ ᠠᠷᠭᠠᠯ ᠤ᠋ᠨ ᠭᠠᠯ ᠤ᠋ᠨ ᠤᠲᠤᠭᠠ ᠰᠢᠭ᠋ ᠵᠢᠪᠡ ᠲᠡᠢ ᠰᠠᠭᠠᠷᠠᠯ ᠰᠢᠷᠭᠠᠯ ᠥᠩᠭᠡᠲᠡᠢ᠃
ᠬᠤᠯᠤᠰᠤᠨ ᠰᠢᠷᠭᠠ
ᠬᠤᠯᠤᠰᠤᠨ ᠤ᠋ ᠥᠩᠭᠡ ᠮᠡᠲᠦ ᠰᠢᠷᠭᠠᠯ᠃
ᠬᠣᠩᠭᠣᠷ ᠰᠢᠷᠭᠠ
ᠬᠤᠸᠠ ᠰᠢᠷᠭᠠ᠂ ᠴᠠᠭᠠᠨ ᠬᠤᠸᠠ ᠳ᠋ᠤ᠌ ᠣᠢᠷᠠᠯᠴᠠᠭᠠ ᠰᠢᠷᠭᠠᠯ᠃
ᠬᠠᠯᠢᠭᠤᠨ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠡᠬᠢ ᠪᠡᠶᠡ ᠨᠢ ᠴᠡᠭᠡᠪᠲᠦᠷ᠂ ᠬᠥᠬᠡᠪᠲᠦᠷ᠂ ᠬᠡᠭᠡᠷᠳᠡᠭᠦᠤ ᠪᠠᠢᠵᠤ᠂ ᠳᠡᠯ ᠰᠡᠭᠦᠯ ᠨᠢ ᠬᠠᠷᠠ᠃ ᠵᠠᠷᠢᠮ ᠨᠢ ᠨᠢᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠬᠠᠷᠠ ᠰᠤᠳᠠᠯ ᠲᠠᠢ ᠴᠤ᠌ ᠪᠠᠢᠳᠠᠭ᠃
ᠴᠠᠭᠠᠨ ᠬᠠᠯᠢᠭᠤᠨ
ᠡᠬᠢ ᠪᠡᠶᠡ ᠨᠢ ᠴᠡᠭᠡᠨ ᠂ ᠳᠡᠯ ᠰᠡᠭᠦᠯ ᠬᠠᠷᠠ ᠳᠥᠷᠪᠡᠨ ᠬᠥᠯ ᠦ᠋ᠨ ᠰᠢᠯᠪᠢ ᠰᠠᠭᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠠᠷᠠ᠃
ᠬᠥᠬᠡ ᠬᠠᠯᠢᠭᠤᠨ
ᠡᠬᠢ ᠪᠡᠶᠡ ᠨᠢ ᠴᠡᠭᠡᠬᠡᠨ ᠪᠣᠷᠣ᠂ ᠰᠤᠷ ᠨᠢ ᠤᠷᠲᠤ ᠤᠷᠲᠤ ᠬᠠᠷᠠ᠂ ᠲᠡᠷᠡᠴᠢᠯᠡᠨ ᠳᠡᠯ ᠰᠡᠭᠦᠯ ᠴᠦ᠍ ᠬᠠᠷᠠ᠂ ᠦᠰᠦ ᠰᠤᠷ ᠤ᠋ᠨ ᠦᠵᠦᠭᠦᠷ ᠲᠦ᠍ ᠪᠣᠷᠣ ᠰᠠᠭᠠᠷᠠᠯᠳᠠᠭᠤ ᠳᠤᠭᠤᠷᠠᠭᠳᠠᠪᠠᠴᠤ᠂ ᠡᠬᠢ ᠪᠡᠶᠡ ᠶ᠋ᠢᠨ ᠬᠠᠯᠢᠭᠤᠨ ᠥᠩᠭᠡ ᠳ᠋ᠦ᠍ ᠠᠷᠭᠠ ᠦᠭᠡᠢ ᠬᠠᠯᠢᠭᠤᠨ ᠮᠡᠳᠡᠭᠳᠡᠨ ᠬᠠᠷᠠᠭᠳᠠᠨᠠ᠃
ᠰᠢᠷᠠ ᠬᠠᠯᠢᠭᠤᠨ
ᠡᠬᠢ ᠪᠡᠶᠡ ᠨᠢ ᠶᠠᠭ ᠰᠢᠷᠠ ᠬᠡᠭᠡᠷ ᠮᠣᠷᠢ ᠳ᠋ᠤ᠌ ᠣᠢᠷᠠᠳᠠᠭᠤ ᠴᠤ᠌ ᠲᠡᠭᠦᠨ ᠡᠴᠡ ᠭᠡᠭᠡᠪᠲᠦᠷ᠂ ᠦᠰᠦ ᠰᠤᠷ ᠤ᠋ᠨ ᠳᠤᠮᠳᠠ ᠠ᠋ᠴᠠ ᠬᠠᠯᠢᠭᠤᠨ ᠥᠩᠭᠡ ᠲᠤᠶᠠᠭᠠᠲᠠᠨᠠ᠃ ᠳᠡᠯ ᠰᠡᠭᠦᠯ ᠬᠠᠷᠠ᠃
ᠬᠠᠷᠠ ᠬᠠᠯᠢᠭᠤᠨ
ᠡᠬᠢ ᠪᠡᠶᠡ ᠨᠢ ᠬᠦᠷᠡᠩ ᠰᠠᠭᠠᠷᠠᠯᠲᠠᠭᠤ᠂ ᠰᠤᠷ ᠨᠢ ᠤᠷᠲᠤ ᠤᠷᠲᠤ ᠬᠠᠷᠠ ᠪᠣᠯᠬᠣᠷ ᠰᠠᠭᠠᠷᠠᠯᠲᠠᠭᠤ ᠬᠠᠯᠢᠭᠤᠨ ᠲᠤᠶᠠᠭᠠ ᠭᠢᠯᠪᠠᠭᠠᠲᠠᠨᠠ᠃ ᠡᠭᠦᠨ ᠢ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠮᠠᠩᠭᠢᠰᠤᠨ ᠬᠠᠯᠢᠭᠤᠨ ᠴᠤ᠌ ᠭᠡᠳᠡᠭ᠃
ᠤᠷᠤᠭ ᠬᠠᠯᠢᠭᠤᠨ
ᠨᠢᠷᠤᠭᠤᠨ ᠤ᠋ ᠬᠠᠷᠠ ᠰᠤᠳᠠᠯ ᠨᠢ ᠥᠷᠭᠡᠪᠲᠦᠷ᠂ ᠳᠥᠷᠪᠡᠨ ᠮᠥᠴᠢ ᠳᠤᠮᠳᠠ ᠠ᠋ᠴᠠ ᠳᠣᠭᠣᠭᠰᠢ ᠬᠥᠨᠳᠡᠯᠡᠨ ᠬᠠᠷᠠ ᠡᠷᠢᠶᠡᠨ ᠵᠡᠷᠭᠡ ᠨᠢ ᠤᠷᠤᠭ ᠰᠠᠭᠠᠷᠠᠯ ᠲᠠᠢ ᠠᠳᠠᠯᠢ᠂ ᠭᠠᠭᠴᠠ ᠬᠦ᠌ ᠡᠬᠢ ᠪᠡᠶᠡ ᠶ᠋ᠢᠨ ᠦᠰᠦ ᠰᠤᠷ ᠠ᠋ᠴᠠ ᠬᠠᠯᠢᠭᠤᠨ ᠲᠤᠶᠠᠭᠠ ᠭᠢᠯᠪᠠᠵᠤ ᠰᠠᠭᠠᠷᠠᠯ ᠪᠢᠰᠢ ᠬᠠᠯᠢᠭᠤᠨ ᠭᠡᠳᠡᠭ ᠢ᠋ᠶ᠋ᠡᠨ ᠮᠡᠳᠡᠭᠳᠡᠨᠡ᠃
ᠬᠠᠯᠲᠠᠷ ᠬᠠᠯᠢᠭᠤᠨ
ᠬᠣᠩᠰᠢᠶᠠᠷ ᠬᠣᠰᠢᠭᠤ ᠨᠢ ᠴᠠᠭᠠᠪᠲᠤᠷ ᠬᠠᠯᠢᠭᠤᠨ ᠮᠣᠷᠢ᠃
ᠤᠯᠠᠭᠠᠨ ᠮᠣᠷᠢ （ ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ ）
ᠦᠰᠦ ᠰᠤᠷ ᠤ᠋ᠨ ᠬᠢᠨᠢ ᠦᠵᠦᠭᠦᠷ ᠲᠦ᠍ ᠦᠯᠦ ᠮᠡᠳᠡᠭ ᠤᠯᠠᠪᠤᠷ ᠲᠤᠶᠠᠭᠠ ᠭᠢᠯᠪᠠᠭᠠᠲᠠᠭᠰᠠᠨ ᠴᠠᠭᠠᠨ ᠪᠣᠷᠣ ᠮᠣᠷᠢ᠃
ᠪᠤᠭᠤᠳᠠᠢ ᠤᠯᠠᠭᠠᠨ
ᠡᠬᠢ ᠪᠡᠶᠡ ᠴᠡᠭᠡᠬᠡᠨ᠂ ᠳᠡᠭᠡᠷᠡ ᠨᠢ ᠲᠣᠪ ᠲᠣᠪ ᠪᠤᠭᠤᠳᠠᠢ ᠰᠠᠭᠤᠭᠰᠠᠨ ᠴᠠᠭᠠᠨ ᠪᠣᠷᠣ᠃
ᠪᠤᠭᠤᠷᠤᠯ ( ᠵᠢᠩᠬᠢᠨᠢ ᠪᠤᠰᠤ ᠳᠠᠪᠬᠤᠷ ᠵᠢᠰᠦᠮ )
ᠤᠤᠯ ᠥᠩᠭᠡᠨ ᠳ᠋ᠦ᠍ᠨᠢ ᠴᠠᠭᠠᠨ ᠦᠰᠦ ᠨᠢᠭᠲᠠ ᠬᠣᠯᠢᠯᠳᠤᠭᠰᠠᠨ᠂ ᠲᠣᠯᠣᠭᠠᠢ ᠳᠥᠷᠪᠡᠨ ᠬᠥᠯ ᠡᠴᠡ ᠪᠤᠰᠤᠳ ᠬᠡᠰᠡᠭ᠂ ᠪᠦᠬᠦ ᠪᠡᠶᠡ ᠳᠡᠭᠡᠭᠦᠷᠬᠢ ᠵᠡᠭᠡᠷᠳᠡ᠂ ᠬᠠᠷᠠ᠂ ᠬᠡᠭᠡᠷ ᠵᠡᠷᠭᠡ ᠦᠨᠳᠦᠰᠦᠨ ᠥᠩᠭᠡ ᠶ᠋ᠢᠨ ᠦᠰᠦᠨ ᠳᠣᠣᠭᠤᠷ᠂ ᠴᠠᠭᠠᠨ ᠦᠰᠦ ᠨᠢᠭᠲᠠ ᠵᠢᠭᠳᠡᠬᠡᠨ ᠲᠠᠷᠬᠠᠵᠤ ᠤᠷᠭᠤᠭᠰᠠᠨ᠃
ᠬᠠᠷᠠ ᠪᠤᠭᠤᠷᠤᠯ
ᠬᠠᠷᠠ ᠦᠰᠦ ᠭᠣᠣᠯᠯᠠᠵᠤ ᠂ ᠳᠡᠭᠡᠭᠦᠷ ᠨᠢ ᠴᠠᠭᠠᠨ ᠦᠰᠦ ᠰᠤᠷ ᠰᠢᠩᠭᠡᠪᠲᠦᠷ ᠲᠠᠷᠬᠠᠭᠰᠠᠨ᠃
ᠬᠥᠬᠡ ᠪᠤᠭᠤᠷᠤᠯ
ᠡᠬᠢ ᠪᠡᠶᠡ ᠳ᠋ᠦ᠍ᠨᠢ ᠴᠡᠭᠡᠪᠲᠦᠷ ᠪᠣᠷᠣ ᠦᠰᠦ ᠭᠤᠤᠯᠠᠯᠵᠤ᠂ ᠪᠣᠷᠣ ᠤᠭ ᠲᠠᠢ ᠬᠠᠷᠠ ᠦᠵᠦᠭᠦᠷ ᠲᠡᠢ ᠰᠤᠷ ᠲᠠᠷᠬᠠᠭᠰᠠᠨ᠃
ᠬᠦᠷᠡᠩ ᠪᠤᠭᠤᠷᠤᠯ
ᠡᠬᠢ ᠪᠡᠶᠡ ᠳ᠋ᠦ᠍ᠨᠢ ᠬᠦᠷᠡᠩ ᠭᠣᠣᠯᠯᠠᠵᠤ ᠴᠠᠭᠠᠨ ᠦᠰᠦ ᠰᠤᠷ ᠰᠢᠩᠭᠡᠨ ᠲᠠᠷᠬᠠᠭᠰᠠᠨ᠃
ᠶᠠᠭᠠᠨ ᠪᠤᠭᠤᠷᠤᠯ
ᠵᠡᠭᠡᠷᠳᠡ ᠦᠰᠦ ᠡᠬᠢ ᠪᠡᠶᠡ ᠳ᠋ᠦ᠍ ᠭᠤᠤᠯᠠᠯᠵᠤ᠂ ᠴᠠᠭᠠᠨ ᠦᠰᠦ ᠰᠤᠷ ᠰᠢᠩᠭᠡᠪᠲᠦᠷ ᠲᠠᠷᠬᠠᠭᠰᠠᠨ᠃
ᠴᠣᠬᠣᠷ ( ᠳᠠᠪᠬᠤᠷ ᠵᠢᠰᠦᠮ )
ᠡᠬᠢ ᠪᠡᠶᠡ ᠶ᠋ᠢᠨ ᠦᠨᠳᠦᠰᠦᠨ ᠥᠩᠭᠡᠨ ᠳᠡᠭᠡᠭᠦᠷ ᠵᠢᠵᠢᠭᠬᠡᠨ ( ᠬᠠᠷᠠ᠂ ᠬᠡᠭᠡᠷ᠂ ᠵᠡᠭᠡᠷᠳᠡ᠂ ᠴᠠᠭᠠᠨ ) ᠲᠣᠯᠪᠣ ᠨᠤᠭᠤᠳ ᠲᠠᠷᠬᠠᠭᠰᠠᠨ᠃
ᠬᠠᠷᠠ ᠴᠣᠬᠣᠷ
ᠬᠠᠷᠠ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣ ᠨᠤᠭᠤᠳ ᠲᠠᠢ᠃
ᠬᠦᠷᠡᠩ ᠴᠣᠬᠣᠷ
ᠬᠦᠷᠡᠩ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣ ᠨᠤᠭᠤᠳ ᠲᠠᠢ᠃
ᠰᠢᠷᠠ ᠴᠣᠬᠣᠷ
ᠴᠠᠭᠠᠨ ᠳᠡᠭᠡᠷᠡ ᠵᠡᠭᠡᠷᠳᠡ ( ᠶᠡᠬᠡ) ᠲᠣᠯᠪᠣ ᠨᠤᠭᠤᠳ ᠲᠠᠢ᠃
ᠴᠠᠭᠠᠨ ᠴᠣᠬᠣᠷ
ᠴᠠᠭᠠᠨ ᠳᠡᠭᠡᠭᠦᠷ ᠬᠠᠷᠠ᠂ ᠵᠡᠭᠡᠷᠳᠡ᠂ ᠬᠡᠭᠡᠷ ᠲᠣᠯᠪᠣ ᠨᠤᠭᠤᠳ ᠲᠠᠢ᠃
ᠪᠣᠷᠣ ᠴᠣᠬᠣᠷ
ᠪᠣᠷᠣ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣ ᠨᠤᠭᠤᠳ ᠲᠠᠢ᠃
ᠬᠤᠸᠠ ᠴᠣᠬᠣᠷ
ᠬᠣᠩᠭᠣᠷ ᠳᠡᠭᠡᠭᠦᠷ ᠴᠠᠭᠠᠨ ᠲᠣᠯᠪᠣᠲᠠᠢ᠃
ᠪᠤᠭᠤᠷᠤᠯ ᠴᠣᠬᠣᠷ
ᠠᠯᠢᠪᠠ ᠪᠤᠭᠤᠷᠤᠯ ᠳᠡᠭᠡᠭᠦᠷ ᠴᠠᠭᠠᠨ ᠲᠣᠯᠪᠣᠲᠠᠢ᠃
ᠬᠠᠯᠢᠭᠤᠨ ᠴᠣᠬᠣᠷ
ᠠᠯᠢᠪᠠ ᠬᠠᠯᠢᠭᠤᠨ ᠳᠡᠭᠡᠷᠡ ᠴᠠᠭᠠᠨ ᠲᠣᠯᠪᠣᠲᠠᠢ᠃ ᠴᠣᠬᠣᠷ ᠲᠤ᠌ ᠪᠠᠰᠠ ᠪᠦᠬᠦ ᠪᠡᠶᠡ ᠴᠣᠬᠣᠷ᠂ ᠬᠣᠨᠳᠣᠯᠠᠢ ᠴᠣᠬᠣᠷ ᠭᠡᠵᠦ ᠪᠣᠢ᠃
ᠬᠠᠷᠠ ( ᠵᠢᠩᠬᠢᠨᠢ ᠳᠠᠩ ᠵᠢᠰᠦᠮ )
ᠮᠠᠰᠢ ᠪᠠᠷᠠᠭᠠᠨ᠂ ᠡᠬᠢ ᠪᠡᠶᠡ ᠳᠡᠯ᠂ ᠰᠡᠭᠦᠯ ᠪᠦᠷ ᠬᠠᠷᠠ ᠥᠩᠭᠡᠲᠡᠢ᠃ ᠠᠩᠬᠠ ᠲᠥᠷᠥᠬᠦ ᠳ᠋ᠡᠭᠡᠨ ᠪᠣᠷᠣ ᠰᠠᠭᠠᠷᠠᠯ ᠵᠢᠰᠦᠮ ᠲᠡᠢ᠃
ᠥᠭᠡᠳᠡᠩ ᠬᠠᠷᠠ
ᠬᠠᠷᠠ ᠥᠭᠡᠳᠡᠩ ᠮᠡᠲᠦ ᠭᠥᠯᠢᠭᠡᠨᠡᠭᠰᠡᠨ ᠵᠢᠰᠦᠮ᠃
ᠬᠢᠯᠢᠩ ᠬᠠᠷᠠ
ᠥᠭᠡᠳᠡᠩ ᠬᠠᠷᠠ᠃
ᠭᠠᠩᠭᠠᠩ ᠬᠠᠷᠠ
ᠮᠠᠰᠢ ᠰᠠᠢᠬᠠᠨ ᠪᠡᠶᠡ ᠰᠢᠨᠵᠢᠲᠡᠢ ᠬᠠᠷᠠ᠃
ᠤᠰᠤᠨ ᠬᠠᠷᠠ
ᠤᠰᠤ ᠮᠡᠲᠦ ᠬᠦᠯᠲᠦᠭᠡᠨᠡᠭᠰᠡᠨ ᠬᠠᠷᠠ᠃
ᠬᠦᠷᠡᠩ ᠬᠠᠷᠠ
ᠬᠠᠷᠠ ᠮᠣᠷᠢᠨ ᠤ᠋ ᠦᠰᠦ ᠰᠤᠷ ᠤ᠋ᠨ ᠦᠵᠦᠭᠦᠷ ᠢ᠋ᠶ᠋ᠡᠷ ᠦᠯᠦ ᠮᠡᠳᠡᠭᠳᠡᠮᠡ ᠤᠯᠠᠪᠤᠷᠲᠠᠭᠤ ᠪᠤᠶᠤ ᠰᠢᠷᠠᠯᠠᠭᠰᠠᠨ ᠭᠢᠯᠪᠠᠭᠠ ᠲᠤᠶᠠᠭᠠᠷᠠᠬᠤ ᠶ᠋ᠢ ᠬᠦᠷᠡᠩ ᠬᠠᠷᠠ ᠭᠡᠨᠡ᠃
ᠨᠣᠭᠣᠭᠠᠨ ᠮᠣᠷᠢ
ᠡᠳ᠋ᠯᠡᠭᠡ ᠬᠡᠲᠦᠷᠡᠵᠦ ᠰᠣᠢᠯᠭᠠ ᠠᠯᠠᠳᠠᠭᠰᠠᠨ ᠠ᠋ᠴᠠ ᠪᠣᠯᠵᠤ ᠰᠢᠷᠠᠯᠠᠭᠰᠠᠨ ᠬᠠᠷᠠ ᠮᠣᠷᠢᠨ ᠤ᠋ ᠦᠰᠦ ᠰᠤᠷ ᠤ᠋ᠨ ᠳᠤᠮᠳᠠ ᠨᠣᠭᠣᠭᠠᠨ ᠲᠤᠶᠠᠭᠠ ᠭᠢᠯᠪᠠᠭᠠᠲᠠᠳᠠᠭ᠃ ᠡᠭᠦᠨ ᠡᠴᠡ ᠪᠣᠯᠵᠤ ᠨᠣᠭᠣᠭᠠᠨ ᠮᠣᠷᠢ ᠭᠡᠳᠡᠭ᠃ ᠲᠥᠷᠥᠯᠬᠢ ᠡᠢᠮᠦ ᠲᠤᠶᠠᠭᠠᠲᠠᠢ ᠮᠣᠷᠢ ᠪᠣᠢ ᠭᠡᠵᠦ ᠴᠦ᠍ ᠬᠡᠯᠡᠯᠴᠡᠳᠡᠭ᠃ ᠭᠡᠶᠡ 《 ᠣᠨᠴᠠ ᠪᠠᠢᠳᠠᠯ 》 ᠪᠠᠢᠬᠠ᠃ ᠬᠠᠷᠢᠨ ᠭᠠᠭᠴᠠ ᠬᠦ᠌ ᠬᠠᠷᠠ ᠵᠢᠰᠦᠮ ᠳᠡᠭᠡᠷᠡ ᠯᠡ ᠰᠠᠶᠢ ᠨᠣᠭᠣᠭᠠᠨ ᠵᠢᠰᠦᠮ ᠢ᠋ ᠶᠠᠷᠢᠳᠠᠭ᠃ ᠭᠣᠣᠯᠳᠠᠭᠤ ᠰᠢᠯᠢ ᠶ᠋ᠢᠨ ᠭᠣᠣᠯ ᠳ᠋ᠤ᠌ ᠯᠠ ᠶᠡᠬᠡ ᠶᠠᠷᠢᠳᠠᠭ᠃
ᠬᠡᠭᠡᠷ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠬᠦᠷᠡᠩ ᠡᠴᠡ ᠪᠠᠬᠠᠨ ᠤᠯᠠᠭᠠᠪᠲᠤᠷ᠂ ᠳᠡᠯ ᠰᠡᠭᠦᠯ ᠬᠠᠷᠠ᠂ ᠡᠬᠢ ᠪᠡᠶᠡ ᠲᠣᠯᠣᠭᠠᠢ ᠨᠢ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠲᠤᠶᠠᠭᠠ ᠪᠦᠬᠦᠢ ᠤᠯᠠᠭᠠᠨ ᠥᠩᠭᠡᠲᠡᠢ᠂ ᠬᠠᠭᠳᠠ ᠦᠶᠡ᠂ ᠪᠣᠷᠪᠢ ᠠ᠋ᠴᠠ ᠳᠣᠭᠣᠭᠰᠢ ᠬᠠᠷᠠ ᠪᠠᠢᠳᠠᠭ᠃
ᠬᠠᠷᠠ ᠬᠡᠭᠡᠷ
ᠬᠡᠭᠡᠷᠯᠢᠭ ᠥᠩᠭᠡ ᠨᠢ ᠭᠦᠨᠡ ᠬᠠᠷᠠᠪᠲᠤᠷ᠃
ᠤᠯᠠᠭᠠᠨ ᠭᠡᠷ
ᠬᠡᠭᠡᠷᠯᠢᠭ ᠥᠩᠭᠡ ᠶ᠋ᠢᠨ ᠦᠰᠦ ᠰᠤᠷ ᠤ᠋ᠨ ᠦᠵᠦᠭᠦᠷ ᠲᠦ᠍ ᠨᠡᠯᠢᠶᠡᠳ ᠤᠯᠠᠭᠠᠬᠠᠨ ᠲᠤᠶᠠᠭᠠ ᠭᠢᠯᠪᠠᠳᠠᠭ᠃
ᠰᠢᠷᠠ ᠬᠡᠭᠡᠷ
ᠰᠤᠭᠤ᠂ ᠴᠠᠪᠢ᠂ ᠭᠡᠳᠡᠰᠦ᠂ ᠡᠩᠭᠡᠯᠵᠡᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠢᠷᠠᠪᠲᠤᠷ ᠦᠰᠦ ᠪᠦᠬᠦᠢ ᠬᠡᠭᠡᠷ᠃
ᠬᠠᠯᠲᠠᠷ ᠬᠡᠭᠡᠷ
ᠭᠣᠣᠯᠳᠠᠭᠤ ᠠᠮᠠ ᠬᠣᠰᠢᠭᠤ ᠴᠠᠭᠠᠨ᠂ ᠲᠡᠷᠡᠴᠢᠯᠡᠨ ᠡᠩᠭᠡᠯᠵᠡᠭᠦᠷ᠂ ᠴᠠᠪᠢ ᠰᠤᠭᠤ ᠪᠠᠷ ᠢ᠋ᠶ᠋ᠠᠨ ᠴᠠᠭᠠᠪᠲᠤᠷ ᠦᠰᠦᠲᠡᠢ ᠴᠦ᠍ ᠪᠠᠢᠵᠤ ᠮᠡᠳᠡᠬᠦ ᠬᠡᠭᠡᠷ᠃
ᠪᠣᠷᠣ ᠬᠡᠭᠡᠷ
ᠬᠡᠭᠡᠷᠯᠢᠭ ᠦᠰᠦ ᠰᠤᠷ ᠤ᠋ᠨ ᠦᠵᠦᠭᠦᠷ ᠲᠦ᠋ᠨᠢ ᠤᠯᠠᠪᠤᠷ᠂ ᠪᠣᠷᠣ ᠬᠣᠶᠠᠷ ᠥᠩᠭᠡ ᠳᠤᠭᠤᠷᠠᠭᠳᠠᠨ ᠬᠥᠭᠡᠪᠦᠷ ᠲᠤᠶᠠᠭᠠ ᠭᠢᠯᠪᠠᠭᠠᠲᠠᠳᠠᠭ᠃
ᠪᠤᠭᠤᠷᠤᠯ ᠬᠡᠭᠡᠷ
ᠬᠡᠭᠡᠷᠯᠢᠭ ᠪᠡᠶᠡ ᠳᠡᠭᠡᠭᠦᠷ ᠮᠠᠰᠢ ᠰᠢᠩᠭᠡᠪᠲᠦᠷ ᠴᠠᠭᠠᠨ ᠦᠰᠦ ᠰᠤᠷ ᠬᠠᠷᠠᠭᠳᠠᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠠᠯᠲᠠᠷ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠡᠬᠢ ᠪᠡᠶᠡ ᠨᠢ ᠬᠡᠭᠡᠷ ᠂ ᠭᠣᠣᠯᠳᠠᠭᠤ ᠬᠣᠰᠢᠭᠤ ᠠᠮᠠ ᠨᠢ ᠴᠠᠭᠠᠨ᠂ ᠴᠢᠨᠠᠭᠰᠢᠯᠠᠪᠠᠯ ᠵᠠᠷᠢᠮ ᠨᠢ ᠰᠤᠭᠤ ᠴᠠᠪᠢ ᠡᠩᠭᠡᠯᠵᠡᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠴᠠᠢᠪᠤᠷᠳᠠᠭᠤ᠂ ᠳᠡᠯ ᠰᠡᠭᠦᠯ ᠨᠢ ᠬᠠᠷᠠ᠃
ᠬᠠᠷᠠ ᠬᠠᠯᠲᠠᠷ
ᠬᠠᠷᠠ ᠮᠣᠷᠢᠨ ᠤ᠋ ᠬᠣᠰᠢᠭᠤ ᠴᠠᠭᠠᠨ᠂ ᠵᠠᠷᠢᠮ ᠤ᠋ᠨ ᠬᠢᠨᠢ ᠰᠤᠭᠤ ᠴᠠᠪᠢ ᠪᠠᠷ ᠴᠠᠢᠪᠤᠷᠳᠠᠭᠤ ᠴᠠᠭᠠᠨ᠃
ᠬᠡᠭᠡᠷ ᠬᠠᠯᠲᠠᠷ
ᠬᠡᠭᠡᠷ ᠠᠳᠤᠭᠤᠨ ᠤ᠋ ᠬᠣᠰᠢᠭᠤ ᠨᠢ ᠴᠠᠭᠠᠨ ᠪᠤᠶᠤ ᠰᠤᠭᠤ ᠴᠠᠪᠢ ᠨᠢ ᠴᠠᠢᠪᠤᠷᠳᠠᠭᠤ᠃
ᠰᠢᠷᠠ ᠬᠠᠯᠲᠠᠷ
ᠰᠢᠷᠠ ᠬᠡᠭᠡᠷ ᠮᠣᠷᠢᠨ ᠤ᠋ ᠬᠣᠰᠢᠭᠤ ᠪᠤᠶᠤ ᠰᠤᠭᠤ ᠴᠠᠪᠢ ᠨᠢ ᠴᠠᠢᠪᠤᠷᠳᠠᠭᠤ᠃
ᠬᠦᠷᠡᠩ ᠬᠠᠯᠲᠠᠷ
ᠬᠦᠷᠡᠩ ᠮᠣᠷᠢᠨ ᠤ᠋ ᠬᠣᠰᠢᠭᠤ ᠪᠤᠶᠤ ᠰᠤᠭᠤ ᠴᠠᠪᠢ ᠪᠠᠷ ᠴᠠᠢᠪᠤᠷᠳᠠᠭᠤ᠃
ᠬᠠᠯᠢᠭᠤᠨ ᠬᠠᠯᠲᠠᠷ
ᠬᠠᠯᠢᠭᠤᠨ ᠮᠣᠷᠢᠨ ᠤ᠋ ᠬᠣᠰᠢᠭᠤ ᠪᠤᠶᠤ ᠰᠤᠭᠤ ᠴᠠᠪᠢ ᠪᠠᠷ ᠴᠠᠢᠪᠤᠷᠳᠠᠭᠤ᠃
ᠬᠠᠯᠲᠠᠷ ᠬᠤᠸᠠ
ᠴᠠᠭᠠᠨ ᠬᠣᠰᠢᠭᠤᠲᠠᠢ ᠬᠤᠸᠠ ᠠᠳᠤᠭᠤ᠃
ᠬᠣᠯᠠ ᠬᠠᠯᠲᠠᠷ
ᠬᠣᠰᠢᠭᠤ ᠴᠠᠭᠠᠨ ᠬᠣᠯᠠ ᠠᠳᠤᠭᠤ᠃
ᠬᠠᠯᠲᠠᠷ ᠴᠠᠪᠢᠳᠠᠷ
ᠠᠮᠠ ᠴᠠᠭᠠᠨ ᠴᠠᠪᠢᠳᠠᠷ ᠮᠣᠷᠢ᠃
ᠪᠣᠷᠣ ᠬᠠᠯᠲᠠᠷ
ᠪᠣᠷᠣ ᠮᠣᠷᠢᠨ ᠤ᠋ ᠬᠣᠰᠢᠭᠤ ᠰᠤᠭᠤ ᠪᠠᠷ ᠴᠠᠢᠪᠤᠷᠳᠠᠭᠤ᠃
ᠪᠤᠭᠤᠷᠤᠯ ᠬᠠᠯᠲᠠᠷ
ᠴᠠᠭᠠᠨ ᠠᠮᠠ ᠲᠠᠢ ᠪᠤᠭᠤᠷᠤᠯ ᠮᠣᠷᠢ᠃
ᠬᠦᠷᠡᠩ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠵᠡᠭᠡᠷᠳᠡ ᠥᠩᠭᠡ ᠨᠢ ᠨᠡᠯᠢᠶᠡᠳ ᠭᠦᠨᠡ ᠬᠠᠷᠠᠪᠲᠤᠷᠬᠠᠨ ᠤᠯᠠᠭᠠᠨ᠃
ᠬᠠᠷᠠ ᠬᠦᠷᠡᠩ
ᠬᠦᠷᠡᠩ ᠥᠩᠭᠡ ᠨᠢ ᠪᠦᠷ ᠭᠦᠨᠡ ᠪᠣᠯᠵᠤ ᠬᠠᠷᠠ ᠳ᠋ᠤ᠌ ᠣᠢᠷᠠᠲᠤᠨ ᠵᠠᠪᠳᠤᠭᠰᠠᠨ ᠴᠤ᠌ ᠦᠰᠦ ᠰᠤᠷ ᠬᠣᠶᠠᠷ ᠤ᠋ᠨ ᠳᠣᠲᠣᠷᠠ ᠠ᠋ᠴᠠ ᠤᠯᠠᠪᠤᠷ ᠬᠦᠷᠡᠩᠳᠡᠭᠦᠦ ᠲᠤᠶᠠᠭᠠ ᠭᠢᠯᠪᠠᠭᠠᠲᠠᠳᠠᠭ᠃
ᠲᠣᠰᠣᠨ ᠬᠦᠷᠡᠩ
ᠮᠠᠭᠠᠵᠢᠨ ᠲᠣᠰᠣᠨ ᠤ᠋ ᠥᠩᠭᠡᠲᠡᠢ ᠬᠦᠷᠡᠩ᠃
ᠽᠠᠨᠳᠠᠨ ᠬᠦᠷᠡᠩ
ᠽᠠᠨᠳᠠᠨ ᠮᠣᠳᠣ ᠮᠡᠲᠦ ᠥᠩᠭᠡᠲᠡᠢ ᠬᠦᠷᠡᠩ᠃
ᠤᠯᠠᠭᠠᠨ ᠬᠦᠷᠡᠩ
ᠠᠷᠠᠢ ᠵᠡᠭᠡᠷᠳᠡ ᠪᠣᠯᠤᠭᠠ ᠦᠭᠡᠢ ᠬᠦᠷᠡᠩ᠃
ᠵᠠᠭᠠᠯ ᠬᠦᠷᠡᠩ
ᠰᠡᠷᠪᠡᠭᠡ ᠡᠴᠡ ᠳᠣᠭᠣᠭᠰᠢ ᠳᠠᠯᠤ ᠳᠠᠭᠠᠤ ᠬᠠᠷᠠ ᠪᠢᠳᠠᠷᠲᠠᠢ ᠬᠦᠷᠡᠩ᠃ ᠪᠠᠰᠠ ᠪᠠᠩᠼᠠᠲᠠᠢ ᠬᠦᠷᠡᠩ ᠭᠡᠨᠡ᠃
ᠴᠠᠪᠢᠳᠠᠷ ᠬᠦᠷᠡᠩ
ᠬᠦᠷᠡᠩ ᠮᠣᠷᠢᠨ ᠤ᠋ ᠳᠡᠯ ᠰᠡᠭᠦᠯ ᠨᠢ ᠴᠡᠭᠡᠪᠲᠦᠷ᠃
ᠵᠡᠭᠡᠷᠳᠡ ( ᠵᠢᠩᠬᠢᠨᠢ ᠳᠠᠩ ᠵᠢᠰᠦᠮ )
ᠡᠬᠢ ᠪᠡᠶᠡ᠂ ᠳᠡᠯ ᠰᠡᠭᠦᠯ ᠨᠢ ᠨᠢᠭᠡᠨ ᠵᠢᠭᠳᠡ ᠰᠢᠩᠭᠡᠨ ᠤᠯᠠᠭᠠᠪᠲᠤᠷ ᠥᠩᠭᠡᠲᠡᠢ ᠪᠤᠶᠤ ᠪᠠᠭᠠ ᠵᠡᠷᠭᠡ ᠴᠠᠢᠪᠤᠷ ᠰᠢᠷᠠᠪᠲᠤᠷ ᠥᠩᠭᠡᠲᠡᠢ᠃ ᠥᠩᠭᠡ ᠤᠯᠠᠭᠠᠨ ᠪᠥᠭᠡᠲᠡᠯᠡ ᠬᠣᠯᠠ ᠠ᠋ᠴᠠ ᠬᠠᠷᠠᠬᠤ ᠳ᠋ᠤ᠌ ᠪᠠᠷᠠᠭᠠᠨ ᠮᠡᠲᠦ ᠬᠠᠷᠠᠭᠳᠠᠨᠠ᠃
ᠤᠯᠠᠭᠠᠨ ᠵᠡᠭᠡᠷᠳᠡ
ᠭᠠᠯ ᠵᠡᠭᠡᠷᠳᠡ᠂ ᠵᠡᠭᠡᠷᠳᠡ ᠥᠩᠭᠡ ᠨᠢ ᠭᠦᠨᠡ ᠰᠢᠤᠬᠠᠨ ᠬᠤᠷᠴᠠ ᠤᠯᠠᠭᠠᠨ᠃
ᠶᠠᠭᠠᠨ ᠵᠡᠭᠡᠷᠳᠡ
ᠵᠡᠭᠡᠷᠳᠡ ᠥᠩᠭᠡ ᠨᠢ ᠭᠦᠶᠦᠪᠳᠦᠷ ᠤᠯᠠᠭᠠᠨ᠂ ᠦᠰᠦ ᠰᠤᠷ ᠤ᠋ᠨ ᠳᠤᠮᠳᠠ ᠴᠠᠢᠪᠤᠷᠳᠠᠭᠤ ᠤᠯᠠᠭᠠᠨ ᠲᠤᠶᠠᠭᠠᠲᠠᠢ᠃
ᠬᠦᠷᠡᠩ ᠵᠡᠭᠡᠷᠳᠡ
ᠬᠦᠷᠡᠩ ᠳ᠋ᠦ᠍ ᠣᠢᠷᠠᠳᠠᠭᠤ ᠵᠡᠭᠡᠷᠳᠡ᠂ ᠵᠡᠭᠡᠷᠳᠡ ᠥᠩᠭᠡ ᠨᠢ ᠨᠡᠯᠢᠶᠡᠳ ᠭᠦᠨᠡ ᠪᠣᠯᠤᠭᠰᠠᠨ ᠴᠤ᠌ ᠠᠷᠠᠢ ᠬᠦᠷᠡᠩ ᠪᠣᠯᠤᠭᠠ ᠦᠭᠡᠢ ᠬᠡᠮᠵᠢᠶᠡᠨ ᠦ᠌ ᠵᠡᠭᠡᠷᠳᠡ᠃
ᠬᠤᠸᠠ ᠵᠡᠭᠡᠷᠳᠡ
ᠨᠡᠯᠢᠶᠡᠳ ᠴᠠᠢᠪᠤᠷᠳᠠᠭᠤ ᠵᠡᠭᠡᠷᠳᠡ᠃
ᠴᠠᠪᠢᠳᠠᠷ ᠵᠡᠭᠡᠷᠳᠡ
ᠡᠬᠢ ᠪᠡᠶᠡ ᠵᠡᠭᠡᠷᠳᠡ᠃ ᠳᠡᠯ ᠰᠡᠭᠦᠯ ᠨᠢ ᠪᠣᠷᠣᠪᠲᠤᠷ ᠪᠤᠶᠤ ᠴᠠᠢᠪᠤᠷ᠃
ᠬᠣᠩᠭᠣᠷ ᠵᠡᠭᠡᠷᠳᠡ
ᠬᠤᠸᠠ ᠵᠡᠭᠡᠷᠳᠡ᠃
ᠴᠠᠪᠢᠳᠠᠷ ( ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ )
ᠡᠬᠢ ᠪᠡᠶᠡ ᠵᠡᠭᠡᠷᠳᠡ᠂ ᠳᠡᠯ ᠰᠡᠭᠦᠯ ᠪᠣᠷᠣᠪᠲᠤᠷ ᠪᠤᠶᠤ ᠴᠠᠢᠪᠤᠷ᠂ ᠰᠤᠭᠤ ᠴᠠᠪᠢ ᠪᠠᠷ ᠢ᠋ᠶ᠋ᠠᠨ ᠴᠠᠭᠠᠪᠲᠤᠷᠬᠠᠨ᠃
ᠴᠠᠪᠢᠳᠠᠷ ᠵᠡᠭᠡᠷᠳᠡ
ᠡᠬᠢ ᠪᠡᠶᠡ ᠵᠡᠭᠡᠷᠳᠡ᠂ ᠳᠡᠯ ᠰᠡᠭᠦᠯ ᠪᠣᠷᠣᠪᠲᠤᠷ ᠪᠤᠶᠤ ᠴᠠᠢᠪᠤᠷ᠂ ᠰᠤᠭᠤ ᠴᠠᠪᠢ ᠪᠠᠷ ᠴᠠᠭᠠᠪᠲᠤᠷᠬᠠᠨ᠃
ᠴᠠᠪᠢᠳᠠᠷ ᠬᠦᠷᠡᠩ
ᠡᠬᠢ ᠪᠡᠶᠡ ᠨᠢ ᠬᠦᠷᠡᠩ᠂ ᠳᠡᠯ ᠰᠡᠭᠦᠯ ᠨᠢ ᠪᠣᠷᠣᠪᠲᠤᠷ ᠪᠤᠶᠤ ᠴᠠᠢᠪᠤᠷ᠃
ᠬᠢᠯᠮᠠᠩ ( ᠵᠢᠩᠬᠢᠨᠢ ᠳᠠᠩ ᠵᠢᠰᠦᠮ )
ᠴᠣᠯ ᠴᠠᠭᠠᠨ ᠪᠥᠭᠡᠳ ᠨᠢᠳᠦ ᠤᠯᠠᠭᠠᠨ᠂ ᠴᠠᠪᠢ ᠰᠤᠭᠤ ᠶᠠᠭᠠᠨ᠂ ᠨᠠᠷᠠᠨ ᠳ᠋ᠤ᠌ ᠨᠢᠳᠦ ᠨᠢ ᠬᠢᠯᠪᠢᠭᠡᠳ ᠶᠠᠭᠤᠮᠠ ᠦᠵᠡᠬᠦ ᠨᠢ ᠮᠠᠭᠤ᠂ ᠭᠡᠪᠡᠴᠦ ᠰᠥᠨᠢ ᠰᠠᠢᠨ ᠦᠵᠡᠳᠡᠭ᠃ ᠪᠠᠰᠠ ᠴᠢᠯᠪᠠᠩ ᠭᠡᠵᠦ ᠬᠡᠯᠡᠳᠡᠭ ᠭᠠᠵᠠᠷ ᠪᠣᠢ᠃
ᠴᠠᠬᠢᠷ ᠨᠢᠳᠦᠲᠦ
ᠨᠢᠳᠦᠨ ᠴᠡᠴᠡᠭᠡᠢ ᠨᠢ ᠴᠠᠭᠠᠨ ᠪᠤᠶᠤ ᠴᠡᠴᠡᠭᠡᠢ ᠳ᠋ᠦ᠍ᠨᠢ ᠴᠠᠭᠠᠨ ᠴᠠᠭᠠᠷᠢᠭ ᠮᠡᠲᠦ ᠡᠭᠦᠯᠡ ᠰᠠᠭᠤᠭᠰᠠᠨ᠃
ᠠᠯᠠᠭ
ᠵᠢᠩᠬᠢᠨᠢ ᠳᠠᠪᠬᠤᠷ ᠵᠢᠰᠦᠮ᠃
ᠰᠢᠯᠢ ᠠᠯᠠᠭ
ᠬᠦᠵᠦᠭᠦᠦ ᠳᠡᠯ ᠢ ᠨᠥᠮᠥᠷᠴᠦ ᠬᠠᠪᠴᠢᠭᠠᠳ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠳᠠᠯᠤ ᠠᠯᠠᠭ
ᠲᠠᠯᠤᠨ ᠬᠠᠪᠲᠠᠭᠠᠢ ᠳᠡᠭᠡᠷᠡ ᠪᠡᠨ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠰᠡᠷᠪᠡᠭᠡ ᠠᠯᠠᠭ
ᠲᠠᠯᠤᠨ ᠤ᠋ ᠳᠡᠭᠡᠷᠡ ᠪᠠᠢᠭᠠ ᠰᠡᠷᠪᠡᠭᠡᠨ ᠳ᠋ᠦ᠍ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠴᠡᠭᠡᠵᠢ ᠠᠯᠠᠭ
ᠴᠡᠭᠡᠵᠢᠨ ᠪᠡᠶᠡ ᠳ᠋ᠡᠭᠡᠨ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠲᠣᠬᠣᠮ ᠠᠯᠠᠭ
ᠲᠣᠬᠣᠮ ᠲᠠᠯᠪᠢᠳᠠᠭ ᠨᠢᠷᠤᠭᠤᠨ ᠳ᠋ᠠᠭᠠᠨ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠪᠦᠰᠡᠯᠡᠭᠦᠷ ᠠᠯᠠᠭ
ᠵᠣ᠌ ᠨᠢᠷᠤᠭᠤ ᠪᠠᠨ ᠨᠥᠮᠥᠷᠦᠭᠡᠳ ᠭᠡᠳᠡᠰᠦ ᠤᠷᠤᠭᠤ ᠪᠠᠨ ᠪᠠᠭᠤᠭᠰᠠᠨ ᠴᠠᠭᠠᠨᠲᠠᠢ᠃
ᠭᠡᠳᠡᠰᠦ ᠠᠯᠠᠭ
ᠭᠡᠳᠡᠰᠦᠨ ᠳᠡᠭᠡᠷᠡ ᠪᠡᠨ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠬᠣᠨᠳᠣᠯᠠᠢ ᠠᠯᠠᠭ
ᠬᠣᠨᠳᠣᠯᠠᠢ ᠳᠡᠭᠡᠷᠡ ᠪᠡᠨ ᠬᠡᠰᠡᠭ ᠴᠠᠭᠠᠨᠳᠠᠢ᠃
ᠬᠤᠳᠠᠷᠭᠠ ᠠᠯᠠᠭ
ᠬᠣᠨᠳᠣᠯᠠᠢ ᠪᠤᠶᠤ ᠲᠡᠭᠦᠨ ᠦ᠌ ᠠᠷᠤᠬᠠᠨᠳᠠᠢ ᠠ᠋ᠴᠠ ᠳᠣᠭᠣᠭᠰᠢ ᠭᠤᠶᠠ ᠤᠷᠤᠭᠤ ᠪᠠᠨ ᠪᠠᠭᠤᠭᠰᠠᠨ ᠬᠡᠰᠡᠭ ᠪᠤᠶᠤ ᠨᠠᠷᠢᠨ ᠴᠠᠭᠠᠨ ᠵᠣᠷᠪᠣᠰᠲᠠᠢ᠃
ᠰᠡᠭᠦᠯ ᠠᠯᠠᠭ
ᠰᠡᠭᠦᠯ ᠨᠢ ᠬᠡᠰᠡᠭ ᠴᠠᠭᠠᠨ ᠬᠢᠯᠭᠠᠰᠤᠲᠠᠢ᠃
ᠰᠢᠭᠢᠷᠡ ᠠᠯᠠᠭ
ᠳᠥᠷᠪᠡᠨ ᠬᠥᠯ ᠦ᠋ᠨ ᠬᠠᠭᠳᠠ ᠦᠶᠡ ᠪᠤᠶᠤ ᠪᠣᠷᠪᠢ ᠠ᠋ᠴᠠ ᠳᠣᠭᠣᠭᠰᠢ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠪᠥᠭᠡᠷᠡ ᠠᠯᠠᠭ
ᠬᠤᠤᠬᠠᠨᠠᠭ ᠤ᠋ᠨ ᠣᠷᠴᠢᠮ ᠬᠡᠰᠡᠭ ᠴᠠᠭᠠᠨᠲᠠᠢ᠃
ᠬᠠᠷᠠ ᠠᠯᠠᠭ
ᠡᠬᠢ ᠪᠡᠶᠡ ᠬᠠᠷᠠ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠬᠡᠭᠡᠷ ᠠᠯᠠᠭ
ᠡᠬᠢ ᠪᠡᠶᠡ ᠬᠡᠭᠡᠷ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠬᠦᠷᠡᠩ ᠠᠯᠠᠭ
ᠡᠬᠢ ᠪᠡᠶᠡ ᠬᠦᠷᠡᠩ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠵᠡᠭᠡᠷᠳᠡ ᠠᠯᠠᠭ
ᠡᠬᠢ ᠪᠡᠶᠡ ᠵᠡᠭᠡᠷᠳᠡ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠦᠰᠦᠲᠡᠢ᠃
ᠴᠠᠪᠢᠳᠠᠷ ᠠᠯᠠᠭ
ᠡᠬᠢ ᠪᠡᠶᠡ ᠴᠠᠪᠢᠳᠠᠷ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠰᠠᠭᠠᠷᠠᠯ ᠠᠯᠠᠭ
ᠡᠬᠢ ᠪᠡᠶᠡ ᠰᠠᠭᠠᠷᠠᠯ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠪᠣᠷᠣ ᠠᠯᠠᠭ
ᠡᠬᠢ ᠪᠡᠶᠡ ᠪᠣᠷᠣ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠴᠡᠩᠬᠡᠷ ᠠᠯᠠᠭ
ᠡᠬᠢ ᠪᠡᠶᠡ ᠴᠡᠩᠬᠡᠷ ᠪᠣᠷᠣ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠬᠣᠯᠠ ᠠᠯᠠᠭ
ᠡᠬᠢ ᠪᠡᠶᠡ ᠨᠢ ᠬᠣᠯᠠ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠬᠤᠸᠠ ᠠᠯᠠᠭ
ᠡᠬᠢ ᠪᠡᠶᠡ ᠨᠢ ᠬᠤᠸᠠ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠰᠢᠷᠭᠠ ᠠᠯᠠᠭ
ᠡᠬᠢ ᠪᠡᠶᠡ ᠨᠢ ᠰᠢᠷᠭᠠ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠬᠠᠯᠢᠭᠤᠨ ᠠᠯᠠᠭ
ᠡᠬᠢ ᠪᠡᠶᠡ ᠨᠢ ᠬᠠᠯᠢᠭᠤᠨ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃
ᠪᠤᠭᠤᠷᠤᠯ ᠠᠯᠠᠭ
ᠡᠬᠢ ᠪᠡᠶᠡ ᠨᠢ ᠪᠤᠭᠤᠷᠤᠯ᠂ ᠳᠡᠭᠡᠷᠡ ᠨᠢ ᠡᠯᠳᠡᠪ ᠦ᠋ᠨ ᠴᠠᠭᠠᠨ ᠬᠡᠰᠡᠭ ᠦᠰᠦ ᠤᠷᠭᠤᠭᠰᠠᠨ᠃ ᠴᠠᠭᠠᠰᠢ ᠠᠯᠠᠭ ᠢ᠋ ᠤᠯᠠᠮ ᠨᠠᠷᠢᠰᠬᠠᠨ ᠲᠣᠳᠣᠯᠠᠬᠤ ᠭᠡᠪᠡᠯ ᠳᠡᠭᠡᠷᠡᠬᠢ ᠡᠯᠡ ᠵᠢᠰᠦᠮ ᠳᠡᠭᠡᠷᠡ ᠮᠥᠨ ᠳᠡᠭᠡᠷᠡᠬᠢ ᠡᠯᠳᠡᠪ ᠦ᠋ᠨ ᠠᠯᠠᠭ ᠤ᠋ᠳ ᠢ᠋ ᠨᠡᠮᠡᠨ ᠲᠣᠳᠣᠳᠬᠠᠵᠤ ᠨᠡᠷᠡᠯᠡᠪᠡᠯ ᠨᠡᠩ ᠠᠷᠪᠢᠳᠴᠤ ᠪᠠᠰᠠ ᠬᠡᠳᠦᠨ ᠠᠷᠪᠠᠨ ᠵᠢᠰᠦᠮ ᠪᠣᠯᠵᠤ ᠭᠠᠷᠴᠤ ᠢᠷᠡᠨᠡ᠃ ᠵᠢᠱ᠌ᠢᠶᠡᠯᠡᠪᠡᠯ : ᠰᠢᠯᠢ ᠠᠯᠠᠭ ᠬᠡᠭᠡᠷ᠂ ᠳᠠᠯᠤ ᠠᠯᠠᠭ ᠬᠠᠯᠢᠭᠤᠨ᠂ ᠲᠣᠬᠣᠮ ᠠᠯᠠᠭ ᠵᠡᠭᠡᠷᠳᠡ᠂ ᠬᠤᠳᠠᠷᠭᠠ ᠠᠯᠠᠭ ᠬᠠᠷᠠ᠂ ᠰᠡᠭᠦᠯ ᠠᠯᠠᠭ ᠬᠡᠭᠡᠷ᠂ ᠰᠢᠭᠢᠷᠡ ᠠᠯᠠᠭ ᠬᠤᠸᠠ ᠭᠡᠬᠦ ᠮᠡᠲᠦᠴᠢᠯᠡᠨ ᠨᠡᠮᠡᠭᠡᠳ ᠪᠠᠢᠪᠠᠯ ᠪᠠᠢᠬᠤ ᠯᠠ ᠪᠢᠰᠢ ᠤᠤ᠃
ᠰᠠᠷᠠᠲᠠᠢ ( ᠳᠠᠪᠬᠤᠷ ᠵᠢᠰᠦᠮ )
ᠮᠠᠩᠨᠠᠢ ᠳ᠋ᠠᠭᠠᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡᠯᠪᠡᠷᠢᠲᠡᠢ ᠵᠢᠵᠢᠭᠬᠡᠨ ᠴᠠᠭᠠᠨ ᠦᠰᠦ ᠪᠦᠬᠦᠢ ᠶ᠋ᠢ ᠬᠡᠯᠡᠨᠡ᠃ ᠬᠠᠯᠬᠠ ᠳ᠋ᠤ᠌ ᠳᠤᠬᠤᠨ ᠳ᠋ᠠᠭᠠᠨ ᠰᠠᠷᠠᠲᠠᠢ ᠭᠡᠳᠡᠭ᠃
ᠲᠣᠯᠢᠨ ᠰᠠᠷᠠᠲᠠᠢ
ᠵᠢᠵᠢᠭ ᠳᠤᠭᠤᠢ ᠲᠣᠯᠢ ᠮᠡᠲᠦ ᠰᠠᠷᠠᠲᠠᠢ (ᠴᠠᠭᠠᠨ ᠦᠰᠦᠲᠡᠢ ) ᠶ᠋ᠢ ᠬᠡᠯᠡᠨᠡ᠃
ᠣᠳᠣᠨ ᠰᠠᠷᠠᠲᠠᠢ ᠵᠢᠵᠢᠭ ᠰᠠᠷᠠᠲᠠᠢ ᠶ᠋ᠢ ᠬᠡᠯᠡᠨᠡ᠃
ᠭᠤᠷᠪᠠᠯᠵᠢᠨ ᠰᠡᠷᠠᠲᠡᠢ ᠴᠠᠭᠠᠨ ᠦᠰᠦ ᠨᠢ ᠭᠤᠷᠪᠠᠯᠵᠢᠨ ᠬᠡᠯᠪᠡᠷᠢᠲᠡᠢ᠃
ᠳᠥᠷᠪᠡᠯᠵᠢᠨ ᠰᠠᠷᠠᠲᠠᠢ ᠴᠠᠭᠠᠨ ᠦᠰᠦ ᠨᠢ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠡᠢ᠃
ᠲᠠᠯᠠ ᠰᠠᠷᠠᠲᠠᠢ ᠴᠠᠭᠠᠨ ᠦᠰᠦ (ᠰᠠᠷᠠ ) ᠨᠢ ᠰᠢᠨᠡᠳ ᠦ᠋ᠨ ᠰᠠᠷᠠᠨ ᠬᠡᠯᠪᠡᠷᠢᠲᠡᠢ᠃
ᠰᠠᠷᠠᠲᠠᠢ ᠬᠠᠷᠠ ᠮᠠᠩᠨᠠᠢ ᠳ᠋ᠠᠭᠠᠨ ᠵᠢᠵᠢᠭ ᠴᠠᠭᠠᠨ ᠦᠰᠦᠲᠡᠢ ᠬᠠᠷᠠ ᠮᠣᠷᠢ᠃
ᠰᠠᠷᠠᠲᠠᠢ ᠬᠡᠭᠡᠷ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ( ᠵᠢᠵᠢᠭ ) ᠬᠡᠭᠡᠷ ᠮᠣᠷᠢ᠃
ᠰᠠᠷᠠᠲᠠᠢ ᠬᠦᠷᠡᠩ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ( ᠵᠢᠵᠢᠭ ) ᠬᠦᠷᠡᠩ ᠮᠣᠷᠢ᠃
ᠰᠠᠷᠠᠲᠠᠢ ᠵᠡᠭᠡᠷᠳᠡ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ( ᠵᠢᠵᠢᠭ ) ᠵᠡᠭᠡᠷᠳᠡ ᠮᠣᠷᠢ᠃
ᠰᠠᠷᠠᠲᠠᠢ ᠴᠠᠪᠢᠳᠠᠷ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ( ᠵᠢᠵᠢᠭ ) ᠴᠠᠪᠢᠳᠠᠷ ᠮᠣᠷᠢ᠃
ᠰᠠᠷᠠᠲᠠᠢ ᠰᠠᠭᠠᠷᠠᠯ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ( ᠵᠢᠵᠢᠭ ) ᠰᠠᠭᠠᠷᠠᠯ ᠮᠣᠷᠢ᠃
ᠰᠠᠷᠠᠲᠠᠢ ᠪᠣᠷᠣ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ( ᠵᠢᠵᠢᠭ ) ᠪᠣᠷᠣ ᠮᠣᠷᠢ᠃
ᠰᠠᠷᠠᠲᠤ ᠬᠤᠸᠠ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦ ( ᠵᠢᠵᠢᠭ ) ᠪᠦᠬᠦᠢ ᠬᠤᠸᠠ ᠮᠣᠷᠢ᠃
ᠰᠠᠷᠠᠲᠤ ᠬᠣᠯᠠ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦ ( ᠵᠢᠵᠢᠭ ) ᠪᠦᠬᠦᠢ ᠬᠣᠯᠠ ᠮᠣᠷᠢ᠃
ᠰᠠᠷᠠᠲᠤ ᠰᠢᠷᠭᠠ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦ ( ᠵᠢᠵᠢᠭ ) ᠪᠦᠬᠦᠢ ᠰᠢᠷᠭᠠ ᠮᠣᠷᠢ᠃
ᠰᠠᠷᠠᠲᠤ ᠬᠠᠯᠢᠭᠤᠨ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦ ( ᠵᠢᠵᠢᠭ ) ᠪᠦᠬᠦᠢ ᠬᠠᠯᠢᠭᠤᠨ ᠮᠣᠷᠢ᠃
ᠰᠠᠷᠠᠲᠤ ᠪᠤᠭᠤᠷᠤᠯ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠵᠢᠵᠢᠭ ᠪᠤᠭᠤᠷᠤᠯ ᠮᠣᠷᠢ᠃
ᠰᠠᠷᠠᠲᠤ ᠬᠠᠯᠲᠠᠷ ᠮᠠᠩᠨᠠᠢ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠵᠢᠵᠢᠭ ᠬᠠᠯᠲᠠᠷ ᠮᠣᠷᠢ᠃
ᠬᠠᠯᠵᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠮᠠᠩᠨᠠᠢ ᠠ᠋ᠴᠠ ᠬᠠᠮᠠᠷ ᠪᠤᠶᠤ ᠴᠣᠷᠪᠣ ᠬᠦᠷᠲᠡᠯᠡ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃
ᠵᠤᠷᠪᠤᠰ ᠬᠠᠯᠵᠠᠨ
ᠮᠠᠩᠨᠠᠢ ᠠ᠋ᠴᠠ ᠬᠠᠮᠠᠷ ᠤ᠋ᠨ ᠦᠵᠦᠭᠦᠷ ᠬᠦᠷᠲᠡᠯᠡ ᠨᠠᠷᠢᠬᠠᠨ ᠬᠠᠯᠵᠠᠨ ( ᠴᠠᠭᠠᠨ ᠦᠰᠦᠲᠡᠢ ) ᠶ᠋ᠢ ᠬᠡᠯᠡᠨᠡ᠃
ᠦᠯᠦ ᠬᠠᠯᠵᠠᠨ
ᠪᠦᠬᠦ ᠨᠢᠭᠤᠷ ᠨᠡᠯᠦ ᠬᠠᠯᠵᠠᠨ ( ᠴᠠᠭᠠᠨ ᠦᠰᠦᠲᠡᠢ ) ᠶ᠋ᠢ ᠬᠡᠯᠡᠨᠡ᠃
ᠮᠠᠩᠨᠠᠢ ᠬᠠᠯᠵᠠᠨ
ᠮᠠᠩᠨᠠᠢ ᠠ᠋ᠴᠠ ᠬᠠᠮᠠᠷ ᠤ᠋ᠨ ᠳᠡᠭᠡᠳᠦ ᠬᠡᠰᠡᠭ ᠬᠦᠷᠲᠡᠯᠡ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃
ᠬᠠᠮᠠᠷ ᠬᠠᠯᠵᠠᠨ
ᠬᠠᠮᠠᠷ ᠤ᠋ᠨ ᠲᠡᠭᠡᠭᠡᠨᠳᠡᠢ ᠡᠴᠡ ᠴᠣᠷᠪᠣ ᠬᠦᠷᠲᠡᠯᠡ ᠴᠠᠭᠠᠨᠳᠠᠢ ᠶ᠋ᠢ ᠬᠡᠯᠡᠨᠡ᠃
ᠬᠠᠯᠵᠠᠨ ᠬᠠᠷᠠ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠬᠠᠷᠠ ᠮᠣᠷᠢ᠃
ᠬᠠᠯᠵᠠᠨ ᠬᠡᠭᠡᠷ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠬᠡᠭᠡᠷ ᠮᠣᠷᠢ᠃
ᠬᠠᠯᠵᠠᠨ ᠬᠦᠷᠡᠩ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠬᠦᠷᠡᠩ ᠮᠣᠷᠢ᠃
ᠬᠠᠯᠵᠠᠨ ᠵᠡᠭᠡᠷᠳᠡ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠵᠡᠭᠡᠷᠳᠡ ᠮᠣᠷᠢ᠃
ᠬᠠᠯᠵᠠᠨ ᠴᠠᠪᠢᠳᠠᠷ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠴᠠᠪᠢᠳᠠᠷ ᠮᠣᠷᠢ᠃
ᠬᠠᠯᠵᠠᠨ ᠰᠠᠭᠠᠷᠠᠯ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠰᠠᠭᠠᠷᠠᠯ ᠮᠣᠷᠢ᠃
ᠬᠠᠯᠵᠠᠨ ᠪᠣᠷᠣ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠪᠣᠷᠣ ᠮᠣᠷᠢ᠃
ᠬᠠᠯᠵᠠᠨ ᠬᠣᠯᠠ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠬᠣᠯᠠ ᠮᠣᠷᠢ᠃
ᠬᠠᠯᠵᠠᠨ ᠬᠤᠸᠠ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠬᠤᠸᠠ ᠮᠣᠷᠢ᠃
ᠬᠠᠯᠵᠠᠨ ᠰᠢᠷᠭᠠ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠰᠢᠷᠭᠠ ᠮᠣᠷᠢ᠃
ᠬᠠᠯᠵᠠᠨ ᠬᠠᠯᠢᠭᠤᠨ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠬᠠᠯᠢᠭᠤᠨ ᠮᠣᠷᠢ᠃
ᠬᠠᠯᠵᠠᠨ ᠪᠤᠭᠤᠷᠤᠯ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠪᠤᠭᠤᠷᠤᠯ ᠮᠣᠷᠢ᠃
ᠬᠠᠯᠵᠠᠨ ᠠᠯᠠᠭ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠠᠯᠠᠭ ᠮᠣᠷᠢ᠃
ᠬᠠᠯᠵᠠᠨ ᠴᠠᠬᠢᠷ ᠨᠢᠭᠤᠷ ᠲᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠴᠠᠬᠢᠷ ᠨᠢᠳᠦᠲᠦ ᠮᠣᠷᠢ᠃
ᠮᠣᠷᠢᠨ ᠤ᠋ ᠡᠨᠳᠡ ᠲᠡᠨᠳᠡᠬᠢ ᠴᠠᠭᠠᠨ ᠢ᠋ᠶ᠋ᠠᠷ ᠨᠢ ᠲᠣᠳᠣᠳᠬᠠᠨ ᠨᠡᠷᠡᠯᠡᠭᠰᠡᠨ ᠵᠢᠰᠦᠮ :
ᠴᠣᠷᠪᠣ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠮᠣᠷᠢᠨ ᠤ᠋ ᠳᠡᠭᠡᠳᠦ ᠤᠷᠤᠭᠤᠯ ᠤ᠋ᠨ ᠦᠵᠦᠭᠦᠷ ᠬᠡᠰᠡᠭ᠂ ᠶᠠᠭ ᠡᠪᠡᠰᠦ ᠬᠠᠮᠤᠵᠤ ᠢᠳᠡᠳᠡᠭ ᠤᠷᠠᠨ ᠤᠷᠤᠭᠤᠯ ᠨᠢ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠤᠷᠠᠨ ᠤᠷᠤᠭᠤᠯ ᠴᠠᠭᠠᠨ ᠭᠡᠳᠡᠭ᠃ ᠳᠥᠭᠥᠮᠴᠢᠯᠡᠭᠡᠳ ᠴᠣᠷᠪᠣ ᠴᠠᠭᠠᠨ ᠭᠡᠳᠡᠭ᠃ ᠵᠠᠷᠢᠮ ᠬᠥᠮᠦᠰ ᠡᠢᠮᠦ ᠮᠣᠷᠢ ᠶ᠋ᠢ ᠮᠥᠩᠭᠥ ᠡᠮᠬᠦᠵᠦ ᠲᠥᠷᠥᠭᠰᠡᠨ ᠣᠯᠵᠠ ᠣᠮᠣᠭᠲᠠᠢ ᠰᠠᠢᠨ ᠮᠣᠷᠢ ᠭᠡᠵᠦ ᠪᠡᠯᠭᠡᠰᠢᠶᠡᠨ ᠶᠡᠬᠡᠬᠡᠨ ᠪᠠᠬᠠᠷᠬᠠᠵᠤ ᠳᠤᠷᠠᠯᠠᠳᠠᠭ᠃
ᠬᠠᠮᠠᠷ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠬᠠᠮᠠᠷ ᠤ᠋ᠨ ᠨᠦᠬᠡᠨ ᠦ᠌ ᠬᠣᠭᠣᠷᠣᠨᠳᠣ ᠪᠤᠶᠤ ᠬᠠᠮᠠᠷ ᠳᠡᠭᠡᠷᠡ ᠵᠢᠵᠢᠭᠬᠡᠨ ᠴᠠᠭᠠᠨᠲᠠᠢ᠃
ᠬᠣᠰᠢᠭᠤ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠨᠣᠭᠲᠤᠨ ᠬᠠᠮᠠᠷ ᠠ᠋ᠴᠠ ᠳᠣᠷᠣᠭᠰᠢ ᠴᠠᠭᠠᠨ ᠪᠤᠶᠤ ᠴᠠᠭᠠᠪᠲᠤᠷ ᠦᠰᠦᠲᠡᠢ ᠶ᠋ᠢ ᠬᠣᠰᠢᠭᠤ ᠴᠠᠭᠠᠨ ᠭᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠠᠮᠠ ᠴᠠᠭᠠᠨ ᠭᠡᠳᠡᠭ᠃
ᠰᠢᠨᠡ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠰᠢᠨᠡ ᠲᠦᠭᠦᠰᠢᠨ ᠳᠡᠭᠡᠷᠡ ᠪᠡᠨ ᠵᠢᠵᠢᠭᠬᠡᠨ ᠴᠠᠭᠠᠨᠲᠠᠢ᠃ ᠪᠠᠰᠠ ᠵᠥᠪ ᠰᠢᠨᠠ ᠴᠠᠭᠠᠨ᠂ ᠪᠤᠷᠤᠭᠤ ᠰᠢᠨᠠ ᠴᠠᠭᠠᠨ ᠭᠡᠵᠦ ᠪᠣᠢ᠃
ᠬᠥᠮᠥᠰᠬᠡ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠬᠥᠮᠥᠰᠬᠡ ᠳᠡᠭᠡᠷᠡ ᠨᠢ ᠴᠠᠭᠠᠨᠲᠠᠢ᠃ ᠴᠢᠯᠥᠭᠡᠯᠡᠭᠳᠡᠬᠦ ᠶ᠋ᠢᠨ ᠡᠮᠦᠨᠡᠬᠡᠨ ᠤᠷᠠᠳ ᠤ᠋ᠨ ᠳᠤᠮᠳᠠᠳᠤ ᠬᠦᠩ ᠦ᠋ᠨ ᠬᠤᠰᠢᠭᠤᠨ ᠤ᠋ ᠭᠤᠷᠪᠠᠨ ᠬᠡᠭᠡᠷᠡ ᠶ᠋ᠢᠨ ᠭᠣᠪᠢ ᠳ᠋ᠤ᠌ ᠡᠢᠮᠦ ᠵᠢᠰᠦᠮ ᠦ᠋ᠨ ᠨᠢᠭᠡ ᠬᠠᠷᠠ ᠮᠣᠷᠢ ᠪᠠᠢᠵᠠᠢ᠃ ᠬᠥᠮᠦᠰ ᠴᠠᠭᠠᠨ ᠬᠥᠮᠥᠰᠬᠡᠲᠦ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠢᠵᠠᠢ᠃
ᠴᠣᠬᠣ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠴᠣᠬᠣ ᠭᠡᠭᠴᠢ ᠬᠥᠮᠦᠨ᠂ ᠮᠠᠯ ᠤ᠋ᠨ ᠲᠣᠯᠣᠭᠠᠢ ᠶ᠋ᠢᠨ ᠳᠡᠭᠡᠳᠦ ᠡᠮᠦᠨᠡ ᠬᠡᠰᠡᠭ᠂ ᠮᠠᠩᠨᠠᠢ ᠠ᠋ᠴᠠ ᠲᠡᠭᠡᠭᠡᠨᠲᠡᠢ᠃ ᠶᠠᠭ ᠲᠡᠨᠳᠡ ᠨᠢ ᠴᠠᠭᠠᠨᠲᠠᠢ ᠶ᠋ᠢ ᠬᠡᠯᠡᠨᠡ᠃ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠳᠤᠬᠤ ᠴᠠᠭᠠᠨ ᠭᠡᠬᠦ ᠪᠤᠶᠤ ᠪᠤᠭᠤᠷᠤᠯ ᠲᠤᠬᠣᠲᠤ ᠭᠡᠳᠡᠭ ᠠ᠋ !
ᠴᠢᠬᠢ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠮᠣᠷᠢᠨ ᠤ᠋ ᠥᠷᠥᠭᠡᠰᠦᠨ ᠴᠢᠬᠢ ᠪᠤᠶᠤ ᠬᠣᠣᠰ ᠴᠢᠬᠢ ᠨᠢ ᠴᠠᠭᠠᠨ᠃
ᠴᠠᠭᠠᠨ ᠴᠢᠬᠢᠲᠦ ᠴᠢᠬᠢᠨ ᠳᠣᠲᠣᠷᠠᠬᠢ ᠦᠰᠦ ᠨᠢ ᠴᠡᠭᠡᠨ ᠢ᠋ ᠬᠡᠯᠡᠨᠡ ᠃
ᠰᠢᠷᠠ ᠴᠢᠬᠢᠲᠦ ᠴᠢᠬᠢᠨ ᠳᠣᠲᠣᠷᠠᠬᠢ ᠦᠰᠦ ᠨᠢ ᠰᠢᠷᠠ ᠶ᠋ᠢ ᠬᠡᠯᠡᠨᠡ᠃
ᠵᠥᠪ ᠴᠢᠬᠢ ᠴᠠᠭᠠᠨ ᠵᠥᠪᠲᠡᠢ ᠲᠠᠯᠠ ᠶ᠋ᠢᠨ ᠴᠢᠬᠢ ᠨᠢ ᠴᠠᠭᠠᠨ᠃
ᠪᠤᠷᠤᠭᠤ ᠴᠢᠬᠢ ᠴᠠᠭᠠᠨ ᠪᠤᠷᠤᠭᠤᠲᠠᠢ ᠲᠠᠯᠠ ᠶ᠋ᠢᠨ ᠴᠢᠬᠢ ᠨᠢ ᠴᠠᠭᠠᠨ᠃
ᠳᠤᠬᠤ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠲᠠᠭᠵᠠᠨ ᠳ᠋ᠠᠭᠠᠨ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃ ᠵᠠᠷᠢᠮ ᠭᠠᠵᠠᠷ ᠠᠷᠤ ᠳᠤᠬᠤᠨ ᠳ᠋ᠠᠭᠠᠨ ᠴᠠᠭᠠᠨᠳᠠᠢ ᠭᠡᠳᠡᠭ᠃ ᠭᠡᠲᠡᠯᠡ ᠬᠠᠯᠬᠠ ᠳ᠋ᠤ᠌ ᠪᠣᠯ ᠳᠠᠭᠵᠠ ᠴᠠᠭᠠᠨ ᠢ᠋ ᠬᠡᠯᠡᠨᠡ᠃
ᠰᠢᠯᠢ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠮᠣᠷᠢᠨ ᠤ᠋ ᠰᠢᠯᠢᠨ ᠬᠦᠵᠦᠭᠦᠨ ᠦ᠌ ᠳᠡᠯ ᠳ᠋ᠡᠬᠢ ᠵᠢᠵᠢᠭ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃
ᠮᠤᠨᠳᠠᠭᠠ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠮᠤᠨᠳᠠᠭᠠ ᠭᠡᠭᠴᠢ ᠠᠳᠤᠭᠤᠨ ᠤ᠋ ᠰᠡᠷᠪᠡᠭᠡᠨ ᠳᠡᠭᠡᠷᠡᠬᠢ ᠳᠡᠯ ᠦ᠋ᠨ ᠲᠡᠭᠦᠰᠬᠡᠯ ᠦ᠋ᠨ ᠥᠨᠳᠥᠷ ᠭᠠᠵᠠᠷ᠃ ᠶᠠᠭ ᠡᠨᠳᠡ ᠨᠢ ᠵᠢᠵᠢᠭ ᠴᠠᠭᠠᠨ ᠦᠰᠦᠲᠡᠢ᠃ ᠵᠠᠷᠢᠮ ᠭᠠᠵᠠᠷ ᠰᠡᠷᠪᠡᠭᠡ ᠴᠠᠭᠠᠨ ᠴᠤ᠌ ᠭᠡᠳᠡᠭ᠃
ᠳᠠᠯᠤ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠳᠠᠯᠤ ᠭᠡᠭᠴᠢ ᠬᠠ ᠶ᠋ᠢᠨ ᠳᠡᠭᠡᠳᠦ ᠦᠵᠦᠭᠦᠷ᠂ ᠮᠤᠨᠳᠠᠭᠠ ᠶ᠋ᠢᠨ ᠬᠣᠶᠠᠷ ᠬᠠᠵᠠᠭᠤ᠃ ᠡᠨᠳᠡ ᠨᠢ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃
ᠲᠣᠬᠣᠮ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠮᠣᠷᠢᠨ ᠤ᠋ ᠲᠣᠬᠣᠮ ᠲᠠᠯᠪᠢᠳᠠᠭ ᠨᠢᠷᠤᠭᠤᠨ ᠤ᠋ ᠬᠡᠰᠡᠭ ᠲᠦ᠍ ᠠᠶᠠᠭᠠ᠂ ᠲᠠᠪᠠᠭ ᠤ᠋ᠨ ᠬᠡᠮᠵᠢᠶᠡᠨ ᠡᠴᠡ ᠳᠠᠪᠠᠭᠠ ᠦᠭᠡᠢ ᠬᠡᠰᠡᠭ ᠴᠠᠭᠠᠨ ᠦᠰᠦᠲᠡᠢ᠃ ᠬᠡᠷᠪᠡ ᠡᠨᠡ ᠴᠠᠭᠠᠨ ᠨᠢ ᠠᠶᠠᠭᠠ᠂ ᠲᠠᠪᠠᠭ ᠠ᠋ᠴᠠ ᠶᠡᠬᠡ ᠪᠣᠯᠪᠠᠯ ᠣᠳᠣ ᠲᠣᠬᠣᠮ ᠴᠠᠭᠠᠨ ᠪᠢᠰᠢ ᠪᠣᠯᠵᠤ᠂ ᠲᠣᠬᠣᠮ ᠠᠯᠠᠭ ᠪᠣᠯᠴᠢᠬᠠᠨᠠ᠃ ᠡᠭᠦᠨ ᠦ᠌ ᠢᠯᠭᠠᠭᠠ ᠨᠢ ᠴᠠᠭᠠᠨ ᠦᠰᠦᠲᠦ ᠬᠡᠰᠡᠭ ᠦ᠋ᠨ ᠵᠢᠵᠢᠭ ᠲᠣᠮᠣ ᠳ᠋ᠤ᠌ ᠪᠣᠢ᠃
ᠬᠣᠨᠳᠣᠯᠠᠢ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠬᠣᠨᠳᠣᠯᠠᠢ ᠭᠡᠭᠴᠢ ᠮᠣᠷᠢᠨ ᠤ᠋ ᠪᠥᠭᠰᠡ ᠶ᠋ᠢᠨ ᠡᠷᠭᠦᠭᠳᠡᠭᠰᠡᠨ ᠬᠡᠰᠡᠭ᠃ ᠡᠭᠦᠨ ᠳ᠋ᠦ᠍ᠨᠢ ᠵᠢᠵᠢᠭᠬᠡᠨ ᠬᠡᠰᠡᠭ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃
ᠲᠡᠰᠢᠶᠡ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ ) ᠲᠠᠰᠢᠶᠠᠨ ᠤ᠋ ᠬᠡᠰᠡᠭ ᠲᠤᠨᠢ ᠵᠢᠵᠢᠭᠬᠡᠨ ᠴᠠᠭᠠᠨᠲᠠᠢ᠃
ᠵᠥᠪᠲᠡᠢ ᠲᠡᠰᠢᠶᠡ ᠴᠠᠭᠠᠨ ᠵᠥᠪ ᠲᠠᠯᠠ ᠶ᠋ᠢᠨ ᠲᠡᠰᠢᠶᠡ ᠴᠠᠭᠠᠨ᠃
ᠪᠤᠷᠤᠭᠤᠲᠠᠢ ᠲᠡᠰᠢᠶᠡ ᠴᠠᠭᠠᠨ ᠪᠤᠷᠤᠭᠤ ᠲᠠᠯᠠ ᠶ᠋ᠢᠨ ᠲᠡᠰᠢᠶᠡ ᠴᠠᠭᠠᠨ᠃
ᠰᠠᠮᠠᠢ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠰᠠᠮᠠᠢ ᠭᠡᠭᠴᠢ ᠰᠡᠭᠦᠯ ᠦ᠋ᠨ ᠤᠭ᠂ ᠤᠷᠲᠤ ᠬᠢᠯᠭᠠᠰᠤᠨ ᠰᠡᠭᠦᠯ ᠦ᠋ᠨ ᠭᠠᠳᠠᠭᠤᠷ ᠲᠥᠭᠡ ᠰᠥᠭᠥᠮ ᠬᠢᠷᠢ ᠰᠠᠭᠰᠠᠢᠨ ᠤᠷᠭᠤᠭᠰᠠᠨ ᠳᠡᠯ ᠮᠡᠲᠦ ᠣᠬᠣᠷ ᠰᠡᠭᠦᠯ᠃ ᠡᠨᠡ ᠰᠡᠭᠦᠯ ᠨᠢ ᠴᠠᠭᠠᠨ ᠢ᠋ ᠬᠡᠯᠡᠨᠡ᠃
ᠰᠡᠭᠦᠯ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠵᠠᠷᠢᠮ ᠮᠣᠷᠢᠨ ᠤ᠋ ᠰᠡᠭᠦᠯ ᠪᠤᠶᠤ ᠰᠡᠭᠦᠯ ᠦ᠋ᠨ ᠭᠣᠣᠯ ᠨᠢ ᠴᠠᠭᠠᠨ ᠪᠠᠢᠬᠤ ᠶ᠋ᠢ ᠬᠡᠯᠡᠨᠡ᠃
ᠪᠣᠷᠪᠢ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠮᠣᠷᠢᠨ ᠤ᠋ ᠭᠤᠶᠠ ᠶ᠋ᠢᠨ ᠱᠠᠭᠠ ᠪᠠᠢᠭᠠ ᠬᠡᠰᠡᠭ ᠦ᠋ᠨ ᠠᠷᠤ ᠣᠪᠣᠭᠣᠷ ᠭᠠᠵᠠᠷ ᠢ ᠪᠣᠷᠪᠢ ᠭᠡᠳᠡᠭ᠃ ᠡᠨᠳᠡ ᠨᠢ ᠤᠤᠯ ᠠ᠋ᠴᠠ ᠵᠢᠵᠢᠭᠬᠡᠨ ᠴᠠᠭᠠᠨ ᠬᠡᠰᠡᠭ ᠦᠰᠦᠲᠡᠢ ᠪᠤᠶᠤ ᠪᠤᠷᠪᠢᠴᠠᠭᠠ ᠳ᠋ᠤ᠌ ᠬᠣᠯᠭᠣᠭᠰᠠᠨ ᠠ᠋ᠴᠠ ᠴᠠᠭᠠᠨ ᠦᠰᠦᠲᠡᠢ ᠪᠣᠯᠤᠭᠰᠠᠨ ᠢ ᠬᠡᠯᠡᠨᠡ᠃
ᠰᠢᠭᠢᠷᠡ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠰᠢᠭᠢᠷᠡ ᠭᠡᠭᠴᠢ ᠠᠳᠤᠭᠤᠨ ᠤ᠋ ᠬᠠᠭᠳᠠ ᠦᠶᠡ ᠬᠢᠭᠡᠳ ᠪᠣᠷᠪᠢ ᠠ᠋ᠴᠠ ᠳᠣᠷᠣᠭᠰᠢᠬᠢ ᠰᠢᠯᠪᠢ᠂ ᠬᠢᠩᠭᠠᠷᠠ ᠶ᠋ᠢᠨ ᠬᠡᠰᠡᠭ᠃ ᠡᠭᠦᠨ ᠳ᠋ᠦ᠍ᠨᠢ ᠵᠢᠵᠢᠭᠬᠡᠨ ᠴᠠᠭᠠᠨ ᠬᠡᠰᠡᠭ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃
ᠥᠰᠥᠭᠡᠢ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠠᠳᠤᠭᠤᠨ ᠤ᠋ ᠭᠤᠶᠠ ᠶ᠋ᠢᠨ ᠰᠠᠭᠯᠠᠭᠠ ᠠ᠋ᠴᠠ ᠳᠣᠷᠣᠭᠰᠢ ᠲᠤᠭᠤᠷᠠᠢ ᠬᠦᠷᠲᠡᠯᠡᠬᠢ ᠬᠡᠰᠡᠭ ᠲᠦ᠍ ᠴᠠᠭᠠᠨ ᠦᠰᠦᠲᠡᠢ᠃
ᠴᠠᠪᠢ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠭᠤᠶᠠ ᠂ ᠭᠡᠳᠡᠰᠦ ᠬᠣᠶᠠᠷ ᠤ᠋ᠨ ᠵᠠᠯᠭᠠᠯᠳᠤᠭᠰᠠᠨ ᠨᠢᠮᠭᠡᠨ ᠬᠣᠩᠬᠣᠷᠳᠠᠭᠤ ᠭᠠᠵᠠᠷ᠃ ᠡᠨᠳᠡ ᠨᠢ ᠵᠢᠵᠢᠭᠬᠡᠨ ᠬᠡᠰᠡᠭ ᠴᠠᠭᠠᠨ ᠦᠰᠦᠲᠡᠢ᠃
ᠴᠠᠪᠢᠯᠠᠭᠤᠷ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠣᠯᠣᠩ ᠲᠠᠲᠠᠳᠠᠭ ᠭᠠᠵᠠᠷ ᠲᠤ᠌ ᠤᠤᠯ ᠠ᠋ᠴᠠ ᠤᠷᠭᠤᠭᠰᠠᠨ ᠴᠠᠭᠠᠨ ᠦᠰᠦ ᠪᠤᠶᠤ ᠡᠰᠡᠬᠦᠯᠡ ᠡᠳ᠋ᠯᠡᠭᠡᠨ ᠦ᠌ ᠮᠠᠭᠤ ᠠ᠋ᠴᠠ ᠪᠣᠯᠵᠤ ᠣᠯᠣᠩ ᠵᠢᠷᠢᠮ ᠦ᠋ᠨ ᠣᠷᠣ ᠳ᠋ᠤ᠌ ᠴᠠᠭᠠᠨ ᠦᠰᠦ ᠤᠷᠭᠤᠭᠰᠠᠨ ᠢ ᠬᠡᠯᠡᠨᠡ᠃
ᠰᠦᠪᠡᠭᠡ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠠᠳᠤᠭᠤᠨ ᠨᠢᠷᠤᠭᠤᠨ ᠤ᠋ ᠬᠣᠶᠠᠷ ᠲᠠᠯᠠ᠂ ᠡᠮᠡᠭᠡᠯ ᠦ᠋ᠨ ᠬᠣᠢᠲᠤ ᠬᠠᠪᠲᠠᠰᠤ ᠳᠠᠷᠤᠳᠠᠭ ᠭᠠᠵᠠᠷ ᠲᠤᠨᠢ ᠤᠤᠯ ᠠ᠋ᠴᠠ ᠤᠷᠭᠤᠭᠰᠠᠨ ᠴᠠᠭᠠᠨ ᠦᠰᠦᠲᠡᠢ ᠪᠤᠶᠤ ᠡᠰᠡᠬᠦᠯᠡ ᠤᠭᠴᠤᠷᠭᠠ ᠳ᠋ᠤ᠌ ᠳᠠᠷᠤᠭᠳᠠᠨ ᠴᠠᠭᠠᠨ ᠦᠰᠦ ᠤᠷᠭᠤᠭᠰᠠᠨ᠃
ᠰᠤᠭᠤᠨ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠰᠤᠭᠤ ᠭᠡᠭᠴᠢ ᠬᠠ᠂ ᠴᠡᠭᠡᠵᠢ ᠬᠣᠶᠠᠷ ᠤ᠋ᠨ ᠠᠭᠤᠯᠵᠠᠯᠲᠠ ᠶ᠋ᠢᠨ ᠠᠷᠤ ᠬᠣᠩᠬᠣᠷ ᠬᠡᠰᠡᠭ᠃ ᠡᠨᠳᠡ ᠨᠢ ᠴᠠᠭᠠᠨᠲᠠᠢ ᠶ᠋ᠢ ᠬᠡᠯᠡᠨᠡ᠃
ᠲᠠᠪᠠᠭ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠬᠠ ᠶ᠋ᠢᠨ ᠰᠠᠭᠠᠭ ᠠ᠋ᠴᠠ ᠳᠣᠭᠣᠭᠰᠢ ᠲᠤᠭᠤᠷᠠᠢ ᠶ᠋ᠢᠨ ᠲᠣᠭᠣᠷᠢᠨ ᠳ᠋ᠤ᠌ ᠴᠠᠭᠠᠨ ᠦᠰᠦᠲᠡᠢ ᠶ᠋ᠢ ᠬᠡᠯᠡᠨᠡ᠃
ᠡᠭᠡᠮ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ )
ᠡᠪᠴᠢᠭᠦᠨ ᠦ᠌ ᠡᠮᠦᠨᠡ ᠬᠡᠰᠡᠭ ᠲᠦ᠍ ᠴᠠᠭᠠᠨᠲᠠᠢ ᠶ᠋ᠢ ᠬᠡᠯᠡᠨᠡ᠃ ᠵᠠᠷᠢᠮ ᠭᠠᠵᠠᠷ ᠡᠭᠦᠨ ᠢ᠋ ᠴᠡᠭᠡᠵᠢ ᠴᠠᠭᠠᠨ ᠭᠡᠳᠡᠭ ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠵᠢᠷᠦᠬᠡ ᠴᠠᠭᠠᠨ ᠭᠡᠵᠦ ᠴᠦ᠍ ᠬᠡᠯᠡᠳᠡᠭ᠃
ᠡᠷᠡᠦ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ ) ᠳᠣᠣᠷᠠᠲᠤ ᠤᠷᠤᠭᠤᠯ ᠴᠠᠭᠠᠨ ᠠᠳᠤᠭᠤ ᠶ᠋ᠢ ᠡᠷᠡᠦ ᠴᠠᠭᠠᠨ ᠭᠡᠳᠡᠭ᠃
ᠡᠨᠳᠡ ᠲᠡᠨᠳᠡᠬᠢ ᠲᠣᠯᠪᠣ ᠪᠠᠷ ᠨᠡᠷᠡᠯᠡᠬᠦ ᠵᠢᠰᠦᠮ :
ᠲᠤᠯᠪᠤ
ᠠᠳᠤᠭᠤ ᠮᠠᠯ ᠤ᠋ᠨ ᠵᠢᠰᠦᠮ ᠳ᠋ᠦ᠍ ᠲᠣᠭᠲᠠᠭᠰᠠᠨ ᠨᠢᠭᠡ ᠬᠣᠶᠠᠷ ᠲᠡᠳᠦᠢ ᠪᠦᠷᠢᠳᠦ᠃ ᠬᠠᠮᠤᠭ ᠤ᠋ᠨ ᠶᠡᠬᠡ ᠬᠡᠮᠵᠢᠶᠡ ᠨᠢ ᠮᠥᠩᠭᠥᠨ ᠵᠣᠭᠣᠰ ᠲᠡᠳᠦᠢ᠃
ᠲᠣᠯᠪᠣᠲᠤ ᠬᠠᠷᠠ ( ᠳᠠᠪᠬᠤᠷ ᠵᠢᠰᠦᠮ ) ᠬᠠᠷᠠ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠲᠣᠯᠪᠣᠲᠠᠢ ᠃
ᠲᠣᠯᠪᠣᠲᠤ ᠬᠡᠭᠡᠷ ( ᠳᠠᠪᠬᠤᠷ ᠵᠢᠰᠦᠮ ) ᠬᠡᠭᠡᠷ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠲᠣᠯᠪᠣᠲᠠᠢ ᠃
ᠲᠣᠯᠪᠣᠲᠤ ᠬᠦᠷᠡᠩ ( ᠳᠠᠪᠬᠤᠷ ᠵᠢᠰᠦᠮ ) ᠬᠦᠷᠡᠩ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠲᠣᠯᠪᠣᠲᠠᠢ ᠃
ᠲᠣᠯᠪᠣᠲᠤ ᠵᠡᠭᠡᠷᠳᠡ ( ᠳᠠᠪᠬᠤᠷ ᠵᠢᠰᠦᠮ ) ᠵᠡᠭᠡᠷᠳᠡ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠲᠣᠯᠪᠣᠲᠠᠢ ᠃
ᠲᠣᠯᠪᠣᠲᠤ ᠴᠠᠪᠢᠳᠠᠷ ( ᠳᠠᠪᠬᠤᠷ ᠵᠢᠰᠦᠮ ) ᠴᠠᠪᠢᠳᠠᠷ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠲᠣᠯᠪᠣ ᠃
ᠲᠣᠯᠪᠣᠲᠤ ᠰᠠᠭᠠᠷᠠᠯ ( ᠳᠠᠪᠬᠤᠷ ᠵᠢᠰᠦᠮ ) ᠰᠠᠭᠠᠷᠠᠯ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠪᠣᠷᠣ᠂ ᠵᠡᠭᠡᠷᠳᠡ᠂ ᠬᠠᠷᠠ ᠲᠣᠯᠪᠣ ᠃
ᠲᠣᠯᠪᠣᠲᠤ ᠪᠣᠷᠣ ( ᠳᠠᠪᠬᠤᠷ ᠵᠢᠰᠦᠮ ) ᠪᠣᠷᠣ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ᠂ ᠬᠠᠷᠠ ᠲᠣᠯᠪᠣ ᠃
ᠲᠣᠯᠪᠣᠲᠤ ᠴᠡᠩᠬᠡᠷ ( ᠳᠠᠪᠬᠤᠷ ᠵᠢᠰᠦᠮ ) ᠴᠡᠩᠬᠡᠷ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠬᠠᠷᠠ ᠲᠣᠯᠪᠣ ᠃
ᠲᠣᠯᠪᠣᠲᠤ ᠬᠣᠯᠠ ( ᠳᠠᠪᠬᠤᠷ ᠵᠢᠰᠦᠮ ) ᠬᠣᠯᠠ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠪᠣᠷᠣ ᠲᠣᠯᠪᠣ ᠃
ᠲᠣᠯᠪᠣᠲᠤ ᠬᠤᠸᠠ ( ᠳᠠᠪᠬᠤᠷ ᠵᠢᠰᠦᠮ ) ᠬᠤᠸᠠ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠪᠣᠷᠣ ᠲᠣᠯᠪᠣ ᠃
ᠲᠣᠯᠪᠣᠲᠤ ᠰᠢᠷᠭᠠ ( ᠳᠠᠪᠬᠤᠷ ᠵᠢᠰᠦᠮ ) ᠰᠢᠷᠭᠠ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ᠂ ᠵᠡᠭᠡᠷᠳᠡ᠂ ᠪᠣᠷᠣ ᠲᠣᠯᠪᠣ ᠃
ᠲᠣᠯᠪᠣᠲᠤ ᠬᠠᠯᠢᠭᠤᠨ ( ᠳᠠᠪᠬᠤᠷ ᠵᠢᠰᠦᠮ ) ᠬᠠᠯᠢᠭᠤᠨ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠵᠡᠭᠡᠷᠳᠡ ᠪᠣᠷᠣ ᠲᠣᠯᠪᠣ ᠃
ᠲᠣᠯᠪᠣᠲᠤ ᠪᠤᠭᠤᠷᠤᠯ ( ᠳᠠᠪᠬᠤᠷ ᠵᠢᠰᠦᠮ ) ᠪᠤᠭᠤᠷᠤᠯ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠪᠣᠷᠣ ᠲᠣᠯᠪᠣ ᠃
ᠲᠣᠯᠪᠣᠲᠤ ᠴᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ ) ᠴᠠᠭᠠᠨ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠵᠡᠭᠡᠷᠳᠡ ᠪᠣᠷᠣ ᠲᠣᠯᠪᠣ ᠃
ᠲᠣᠯᠪᠣᠲᠤ ᠤᠯᠠᠭᠠᠨ ( ᠳᠠᠪᠬᠤᠷ ᠵᠢᠰᠦᠮ) ᠤᠯᠠᠭᠠᠨ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠵᠡᠭᠡᠷᠳᠡ ᠲᠣᠯᠪᠣ ᠃
ᠲᠣᠯᠪᠣᠲᠤ ᠬᠠᠯᠲᠠᠷ ( ᠳᠠᠪᠬᠤᠷ ᠵᠢᠰᠦᠮ ) ᠬᠠᠯᠲᠠᠷ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠴᠠᠭᠠᠨ ᠲᠣᠯᠪᠣ ᠃
ᠲᠣᠯᠪᠣᠲᠤ ᠬᠢᠯᠮᠠᠩ ( ᠳᠠᠪᠬᠤᠷ ᠵᠢᠰᠦᠮ ) ᠬᠢᠯᠮᠠᠩ ᠵᠢᠰᠦᠮ ᠳᠡᠭᠡᠷᠡ ᠲᠣᠭᠲᠠᠭᠰᠠᠨ ᠵᠡᠭᠡᠷᠳᠡ ᠪᠣᠷᠣ ᠲᠣᠯᠪᠣ ᠃
ᠡᠭᠦᠨᠴᠢᠯᠡᠨ ᠡᠨᠡ ᠬᠦ᠌ ᠲᠣᠯᠪᠣ ᠶ᠋ᠢ ᠡᠯᠡ ᠵᠢᠰᠦᠮ ᠳᠡᠭᠡᠷᠡ ᠬᠠᠲᠠᠬᠤ ᠪᠤᠶᠤ ᠲᠡᠷᠡᠴᠢᠯᠡᠨ ᠠᠳᠤᠭᠤᠨ ᠤ᠋ ᠪᠡᠶᠡ ᠳ᠋ᠡᠬᠢ ᠡᠯᠡ ᠬᠡᠰᠡᠭ ᠦ᠋ᠨ ᠨᠡᠷᠡ ᠳᠡᠭᠡᠷᠡ ᠨᠡᠮᠡᠵᠦ ᠵᠢᠰᠦᠮᠯᠡᠪᠡᠯ ᠪᠠᠰᠠ ᠴᠤ᠌ ᠵᠠᠭᠤᠭᠠᠳ ᠨᠡᠷᠡᠲᠦ ᠵᠢᠰᠦᠮ ᠪᠠᠷᠲᠠᠭᠠ ᠪᠠᠷ ᠭᠠᠷᠤᠨᠠ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠲᠣᠯᠪᠣᠲᠤ ᠰᠢᠷᠠ ᠬᠠᠯᠢᠭᠤᠨ ᠂ ᠲᠣᠯᠪᠣᠲᠤ ᠬᠠᠷᠠ ᠬᠦᠷᠡᠩ ᠂ ᠮᠤᠨᠳᠠᠭᠠ ᠲᠣᠯᠪᠣᠲᠤ ᠬᠠᠷᠠ ᠪᠣᠷᠣ ᠂ ᠬᠣᠨᠳᠣᠯᠠᠢ ᠲᠣᠯᠪᠣᠲᠤ ᠶᠠᠭᠠᠨ ᠵᠡᠭᠡᠷᠳᠡ ᠭᠡᠬᠦ ᠮᠡᠲᠦ ᠃
ᠡᠨᠳᠡ ᠲᠡᠨᠳᠡᠬᠢ ᠮᠡᠩᠭᠡ ᠪᠡᠷ ᠨᠡᠷᠡᠯᠡᠬᠦ ᠵᠢᠰᠦᠮ :
ᠮᠡᠩᠭᠡ
ᠠᠳᠤᠭᠤᠨ ᠤ᠋ ᠠᠷᠠᠰᠤᠨ ᠳᠡᠭᠡᠷᠡ ᠤᠷᠭᠤᠨ ᠲᠣᠭᠲᠠᠭᠰᠠᠨ ᠨᠢᠭᠡ ᠲᠡᠳᠦᠢ ᠬᠠᠷᠠ ᠲᠣᠯᠪᠣ᠃ ᠶᠡᠬᠡ ᠪᠠᠭᠠ ᠨᠢ ᠲᠣᠯᠪᠣᠲᠠᠢ ᠪᠠᠷᠤᠭ ᠠᠳᠠᠯᠢᠪᠲᠤᠷ᠃ᠢᠯᠭᠠᠭᠳᠠᠬᠤ ᠨᠢ ᠴᠠᠭᠠᠨ᠂ ᠵᠡᠭᠡᠷᠳᠡ ᠲᠣᠯᠪᠣ ᠶ᠋ᠢ ᠨᠢ ᠲᠣᠯᠪᠣ ᠭᠡᠳ᠂ ᠬᠠᠷᠠ ᠶ᠋ᠢ ᠨᠢ ᠮᠡᠩᠭᠡ ᠭᠡᠬᠦ᠃
ᠮᠡᠩᠭᠡᠲᠦ ᠴᠠᠭᠠᠨ ( ᠳᠠᠪᠬᠤᠷ ) ᠴᠠᠭᠠᠨ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠠᠷᠠ ( ᠳᠠᠪᠬᠤᠷ ) ᠬᠠᠷᠠ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠦᠷᠡᠩ ᠂ ᠵᠡᠭᠡᠷᠳᠡ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠡᠭᠡᠷ ( ᠳᠠᠪᠬᠤᠷ ) ᠬᠡᠭᠡᠷ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠦᠷᠡᠩ ( ᠳᠠᠪᠬᠤᠷ ) ᠬᠦᠷᠡᠩ ᠵᠢᠰᠦᠮ ᠦ᠋ᠨ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠵᠡᠭᠡᠷᠳᠡ ( ᠳᠠᠪᠬᠤᠷ ) ᠵᠡᠭᠡᠷᠳᠡ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠳ᠋ᠦ᠍ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠴᠠᠪᠢᠳᠠᠷ ( ᠳᠠᠪᠬᠤᠷ ) ᠴᠠᠪᠢᠳᠠᠷ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠲᠤᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠰᠠᠭᠠᠷᠠᠯ ( ᠳᠠᠪᠬᠤᠷ ) ᠰᠠᠭᠠᠷᠠᠯ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠳ᠋ᠦ᠍ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠪᠣᠷᠣ ( ᠳᠠᠪᠬᠤᠷ ) ᠪᠣᠷᠣ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠴᠡᠩᠬᠡᠷ ( ᠳᠠᠪᠬᠤᠷ ) ᠴᠡᠩᠬᠡᠷ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠤᠸᠠ ( ᠳᠠᠪᠬᠤᠷ ) ᠬᠤᠸᠠ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠣᠯᠠ ( ᠳᠠᠪᠬᠤᠷ ) ᠬᠣᠯᠠ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠰᠢᠷᠭᠠ ( ᠳᠠᠪᠬᠤᠷ ) ᠰᠢᠷᠭᠠ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠠᠯᠢᠭᠤᠨ ( ᠳᠠᠪᠬᠤᠷ ) ᠬᠠᠯᠢᠭᠤᠨ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠪᠤᠭᠤᠷᠤᠯ ( ᠳᠠᠪᠬᠤᠷ ) ᠪᠤᠭᠤᠷᠤᠯ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠤᠯᠠᠭᠠᠨ ( ᠳᠠᠪᠬᠤᠷ ) ᠤᠯᠠᠭᠠᠨ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠠᠯᠲᠠᠷ ( ᠳᠠᠪᠬᠤᠷ ) ᠬᠠᠯᠲᠠᠷ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠮᠡᠩᠭᠡᠲᠦ ᠬᠢᠯᠮᠠᠩ ( ᠳᠠᠪᠬᠤᠷ ) ᠬᠢᠯᠮᠠᠩ ᠵᠢᠰᠦᠮ ᠳᠡᠭᠡᠷᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠨᠢ ᠲᠣᠭᠲᠠᠭᠰᠠᠨ ᠬᠠᠷᠠ ᠲᠣᠯᠪᠣ ᠃
ᠡᠭᠦᠨᠴᠢᠯᠡᠨ ᠡᠨᠡ ᠬᠦ᠌ ᠮᠡᠩᠭᠡ ᠶ᠋ᠢ ᠠᠳᠤᠭᠤᠨ ᠤ᠋ ᠡᠯᠡ ᠵᠢᠰᠦᠮ ᠳᠡᠭᠡᠷᠡ ᠬᠠᠲᠠᠬᠤ ᠪᠤᠶᠤ ᠲᠡᠭᠦᠨᠴᠢᠯᠡᠨ ᠠᠳᠤᠭᠤᠨ ᠤ᠋ ᠪᠡᠶᠡ ᠳ᠋ᠡᠬᠢ ᠡᠯᠡ ᠬᠡᠰᠡᠭ ᠦ᠋ᠨ ᠨᠡᠷᠡ ᠳᠡᠭᠡᠷᠡ ᠨᠡᠮᠡᠵᠦ ᠵᠢᠰᠤᠮᠯᠠᠪᠠᠯ ᠪᠠᠰᠠ ᠵᠠᠭᠤᠭᠠᠳ ᠵᠢᠰᠦᠮ ᠪᠣᠢ ᠪᠣᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ ᠪᠢᠰᠢ ᠤᠤ᠃ ᠵᠢᠱ᠌ᠢᠶᠡᠯᠡᠪᠡᠯ : ᠮᠡᠩᠭᠡᠲᠦ ᠤᠯᠠᠭᠠᠨ ᠬᠡᠭᠡᠷ᠂ ᠮᠡᠩᠭᠡᠲᠦ ᠬᠤᠸᠠ ᠰᠠᠭᠠᠷᠠᠯ᠂ ᠬᠣᠩᠭᠣ ᠮᠡᠩᠭᠡᠲᠦ ᠰᠢᠷᠭᠠ᠂ ᠲᠡᠰᠢᠶᠡ ᠮᠡᠩᠭᠡᠲᠦ ᠤᠯᠠᠭᠠᠨ ᠭᠡᠬᠦ ᠮᠡᠲᠦ᠃
ᠴᠠᠢᠪᠤᠷ ᠵᠢᠰᠦᠮ ᠦ᠋ᠨ ᠠᠳᠤᠭᠤ ᠵᠠᠷᠢᠮ
ᠭᠠᠵᠠᠷ ᠪᠦᠭᠡᠭᠡᠨ ᠵᠢᠰᠦᠮ ᠦ᠋ᠨ ᠴᠦ᠍ ᠭᠡᠳᠡᠭ ᠃ ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠤ᠋ᠳ ᠭᠡᠪᠡᠯ ᠂ ᠴᠠᠭᠠᠨ ᠂ ᠰᠠᠭᠠᠷᠠᠯ
᠂ ᠪᠣᠷᠣ ᠂ ᠴᠡᠩᠬᠡᠷ ᠂ ᠤᠯᠠᠭᠠᠨ ᠂
ᠰᠢᠷᠭᠠ
᠂ ᠬᠣᠯᠠ ᠂ ᠬᠤᠸᠠ
( ᠬᠣᠩᠭᠣᠷ ) ᠵᠡᠷᠭᠡ ᠡᠴᠡ ᠭᠠᠳᠠᠨᠠ ᠬᠠᠯᠢᠭᠤᠨ ᠠ᠋ᠴᠠ ᠴᠠᠭᠠᠨ ᠬᠠᠯᠢᠭᠤᠨ ᠂
ᠪᠤᠭᠤᠷᠤᠯ ᠠ᠋ᠴᠠ ᠴᠠᠭᠠᠨ ᠪᠤᠭᠤᠷᠤᠯ ᠂ ᠴᠣᠬᠣᠷ ᠠ᠋ᠴᠠ ᠴᠠᠭᠠᠨ ᠴᠣᠬᠣᠷ ᠵᠡᠷᠭᠡ ᠵᠢᠰᠦᠮ ᠪᠠᠭᠲᠠᠨᠠ ᠃
ᠪᠠᠷᠠᠭᠠᠨ ᠵᠢᠰᠦᠮ ᠦ᠋ᠨ ᠠᠳᠤᠭᠤ ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠤ᠋ᠳ ᠭᠡᠪᠡᠯ ᠂ ᠬᠠᠷᠠ ᠂ ᠬᠡᠭᠡᠷ ᠂ ᠬᠠᠯᠲᠠᠷ ᠬᠦᠷᠡᠩ ᠂ ᠵᠡᠭᠡᠷᠳᠡ ᠂ ᠴᠠᠪᠢᠳᠠᠷ ᠵᠡᠷᠭᠡ
ᠡᠴᠡ ᠭᠠᠳᠠᠨᠠ ᠬᠤᠸᠠ ᠠ᠋ᠴᠠ ᠬᠡᠭᠡᠷ ᠬᠣᠩᠭᠣᠷ ᠂ ᠬᠤᠸᠠ ᠬᠣᠩᠭᠣᠷ ᠂ ᠬᠣᠯᠠ
ᠬᠣᠩᠭᠣᠷ ᠃ ᠬᠠᠯᠢᠭᠤᠨ ᠠ᠋ᠴᠠ ᠬᠠᠷᠠ ᠬᠠᠯᠢᠭᠤᠨ ᠂ ᠰᠢᠷᠠ
ᠬᠠᠯᠢᠭᠤᠨ ᠂ ᠬᠥᠬᠡ ᠬᠠᠯᠢᠭᠤᠨ ᠃
ᠪᠤᠭᠤᠷᠤᠯ ᠠ᠋ᠴᠠ ᠬᠠᠷᠠ ᠪᠤᠭᠤᠷᠤᠯ ᠂ ᠬᠦᠷᠡᠩ ᠪᠤᠭᠤᠷᠤᠯ ᠂ ᠬᠥᠬᠡ ᠪᠤᠭᠤᠷᠤᠯ ᠂
ᠤᠯᠠᠭᠠᠨ ᠪᠤᠭᠤᠷᠤᠯ ᠃
ᠴᠣᠬᠣᠷ ᠠ᠋ᠴᠠ ᠬᠠᠷᠠ ᠴᠣᠬᠣᠷ ᠂ ᠬᠦᠷᠡᠩ ᠴᠣᠬᠣᠷ ᠂ ᠬᠡᠭᠡᠷ ᠴᠣᠬᠣᠷ ᠵᠡᠷᠭᠡ ᠵᠢᠰᠦᠮ ᠪᠠᠭᠲᠠᠨᠠ ᠃
ᠳᠠᠩ ᠵᠢᠰᠦᠮ ᠬᠣᠯᠢᠯᠴᠠᠭᠠ ᠦᠭᠡᠢ ᠂ ᠨᠢᠭᠡᠨ ᠵᠦᠢᠯ ᠦ᠋ᠨ ᠦᠰᠦᠲᠡᠢ ᠃ ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠭᠡᠪᠡᠯ ᠂
ᠴᠠᠭᠠᠨ ᠂ ᠬᠠᠷᠠ ᠂ ᠬᠡᠭᠡᠷ ᠂ ᠵᠡᠭᠡᠷᠳᠡ ᠂
ᠰᠢᠷᠭᠠ ᠂ ᠬᠦᠷᠡᠩ ᠃
ᠳᠠᠪᠬᠤᠷ ᠵᠢᠰᠦᠮ ᠬᠣᠶᠠᠷ ᠠ᠋ᠴᠠ ᠳᠡᠭᠡᠭᠰᠢ ᠦᠰᠦ ᠬᠣᠯᠢᠯᠳᠤᠨ ᠤᠷᠭᠤᠭᠰᠠᠨ ᠦᠰᠦ ᠪᠦᠬᠦᠢ ᠠᠳᠤᠭᠤ
᠃ ᠡᠭᠦᠨ ᠳ᠋ᠦ᠍ ᠪᠠᠭᠲᠠᠬᠤ ᠵᠢᠰᠦᠮ ᠭᠡᠪᠡᠯ ᠂ ᠠᠯᠠᠭ ᠂
ᠴᠣᠬᠣᠷ ᠂ ᠪᠤᠭᠤᠷᠤᠯ ᠂
ᠰᠠᠭᠠᠷᠠᠯ
᠂ ᠬᠣᠯᠠ ᠂ ᠬᠠᠯᠢᠭᠤᠨ ᠂ ᠴᠠᠪᠢᠳᠠᠷ ᠂ ᠪᠣᠷᠣ ᠃
ᠴᠠᠭᠠᠨ ( ᠵᠢᠩᠬᠢᠨᠢ ᠳᠠᠩ ᠵᠢᠰᠦᠮ ) ᠳᠠᠩ ᠵᠢᠰᠦᠮ ᠳ᠋ᠦ᠍ ᠪᠠᠰᠠ ᠵᠢᠩᠬᠢᠨᠢ ᠪᠠ ᠵᠢᠩᠬᠢᠨᠢ ᠪᠤᠰᠤ ᠳᠠᠩ ᠵᠢᠰᠦᠮ ᠭᠡᠵᠦ
ᠨᠠᠷᠢᠨ ᠢᠯᠭᠠᠨᠠ ᠃ ᠡᠬᠢ ᠥᠩᠭᠡ ᠴᠠᠰᠤ
ᠮᠡᠲᠦ ᠥᠩᠭᠡ ᠶ᠋ᠢ ᠴᠠᠭᠠᠨ ᠭᠡᠨᠡ ᠃ ᠤᠭ ᠦᠰᠦ
ᠴᠠᠭᠠᠨ ᠪᠥᠭᠡᠳ ᠳᠡᠯ ᠰᠡᠭᠦᠯ ᠴᠦ᠍ ᠴᠠᠭᠠᠨ ᠃ ᠰᠤᠷ ᠤ᠋ᠨ ᠳᠣᠲᠣᠷᠠ ᠴᠠᠭᠠᠨ ᠲᠤᠶᠠᠭᠠ ( ᠭᠢᠯᠪᠠᠭᠠ )
ᠲᠠᠲᠠᠨᠠ ᠃ ᠲᠤᠩ ᠴᠠᠭᠠᠨ ᠮᠣᠷᠢ ( ᠲᠤᠩ ᠮᠡᠲᠦ ᠴᠠᠭᠠᠨ ᠮᠣᠷᠢ ) ᠂ ᠪᠥᠬᠡ (бөө) ᠴᠠᠭᠠᠨ ᠮᠣᠷᠢ ( ᠬᠢᠯᠮᠠᠩ ᠴᠠᠭᠠᠨ ᠮᠣᠷᠢ )
᠃
ᠰᠠᠭᠠᠷᠠᠯ ︵ ᠵᠢᠩᠭᠢᠨᠢ ᠪᠤᠰᠤ ᠳᠠᠩ ᠵᠢᠰᠤᠮ ︶
ᠬᠣᠶᠠᠷ ᠠ᠋ᠴᠠ ᠳᠡᠭᠡᠭᠰᠢ ᠵᠦᠢᠯ ᠦ᠋ᠨ ᠦᠰᠦ ᠨᠢᠬᠲᠠ ᠤᠶᠠᠯᠳᠤᠨ ᠤᠷᠭᠤᠵᠠᠢ ᠃ ᠤᠭ ᠦᠰᠦ ᠨᠢ ᠴᠥᠭᠡᠨ ᠪᠤᠶᠤ
ᠪᠥᠲᠡᠭᠢ ᠴᠡᠭᠡᠨ ᠂ ᠰᠤᠷ ᠨᠢ ᠪᠣᠷᠤ ᠂ ᠰᠢᠷᠭᠠᠯ ᠂ ᠬᠠᠷᠠ ᠶᠠᠩᠵᠤ
ᠪᠦᠷᠢ ᠪᠠᠢᠳᠠᠭ ᠃ ᠤᠭ ᠦᠰᠦ ᠰᠤᠷ ᠬᠣᠶᠠᠷ ᠤ᠋ᠨ ᠳᠤᠮᠳᠠ ᠲᠤᠰ ᠲᠤᠰ ᠤ᠋ᠨ ᠲᠣᠶᠠᠭᠠ
ᠭᠢᠯᠪᠠᠯᠵᠠᠳᠠᠭ ᠃
ᠴᠠᠭᠠᠨ
ᠰᠠᠭᠠᠷᠠᠯ
ᠤᠭ ᠦᠰᠦ ᠪᠠᠷᠤᠭ ᠴᠠᠭᠠᠨ ᠰᠢᠬᠠᠭᠤ ᠴᠡᠭᠡᠨ ᠂ ᠰᠤᠷ ᠨᠢ
ᠠᠩᠭᠢᠯᠠᠯ
ᠰᠢᠨᠡ ᠨᠡᠪᠲᠡᠷᠡᠭᠦᠯᠭᠡ
- ᠳᠥᠷᠪᠡᠨ ᠳᠠᠬᠢᠨ ᠣᠯᠠᠨ ᠮᠠᠨᠵᠤ᠂ ᠬᠢᠲᠠᠳ ᠴᠡᠷᠢᠭ ᠢ᠋ ᠪᠤᠲᠠ ᠴᠣᠬᠢᠭᠰᠠᠨ ᠰᠡᠳᠬᠢᠯ ᠵᠦᠢ ᠶ᠋ᠢᠨ ᠰᠤᠤᠲᠤ ᠮᠠᠭᠰᠤᠷᠵᠠᠪ4 дахин олон Манж, Хятад цэргийг бут цохисон сэтгэлзүйн суут
- ᠰᠠᠢᠬᠠᠨ ᠳᠠ -ᠣᠶᠤᠨᠪᠢᠯᠢᠭ᠌Saikhan da-OyuunbilegСайхан да-Оюунбилэг
- ᠪᠣᠷᠣ ᠬᠥᠮᠦᠨGrey HunBor h-The HUünБор хүн
- ᠠᠳᠤᠭᠤ ᠪᠠᠷ ᠢ᠋ᠶ᠋ᠠᠨ ᠠᠯᠳᠠᠷᠲᠠᠢ ᠳᠡᠯᠭᠡᠷ ᠬᠠᠩᠭᠠᠢ- ᠡ᠊· ᠲᠥᠷᠥᠮᠠᠨᠳᠤᠬᠤ Адуугаараа алдартай дэлгэр хангай-Э·Төрмандуху
- ᠲᠣᠰᠣᠨ ᠳ᠋ᠤ᠌ ᠪᠤᠴᠠᠯᠭᠠᠭᠰᠠᠨ ᠬᠠᠪᠢᠷᠭᠠᠨ ᠶᠠᠰᠤ ᠲᠠᠢ ᠮᠢᠬᠠТосонд буцалгасан хавирган ястай мах