ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 7 > Хөх зул – Боржигон Ванжал –"Тав ᠂ Таван хошуу малын бүлэг " 7
347ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 7
ᠠᠳᠤᠭᠤᠨ ᠤ ᠪᠡᠶᠡ ᠳ᠋ᠡᠬᠢ ᠬᠡᠰᠡᠭ ᠦ᠋ᠨ ᠨᠡᠷᠡᠰ Адууны бие дэх хэсгийн нэрс
ᠳᠡᠭᠡᠳᠦ ᠤᠷᠤᠭᠤᠯ
ᠠᠮᠠᠨ ᠤ᠋ ᠳᠡᠭᠡᠳᠦ ᠲᠠᠯᠠ ᠶ᠋ᠢᠨ ᠤᠷᠤᠭᠤᠯ ᠤ᠋ᠨ ᠬᠡᠰᠡᠭ᠂ ᠪᠠᠰᠠ ᠴᠤᠷᠪᠤᠭᠤ ᠭᠡᠨᠡ᠃
ᠬᠠᠮᠠᠷ ᠤ᠋ᠨ ᠦᠵᠦᠭᠦᠷ
ᠬᠠᠮᠠᠷ ᠤ᠋ᠨ ᠬᠣᠶᠠᠷ ᠨᠦᠬᠡ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠬᠡᠰᠡᠭ᠂ ᠰᠠᠮᠰᠠ ᠶ᠋ᠢᠨ ᠡᠮᠦᠨᠡ ᠦᠵᠦᠭᠦᠷ ᠬᠡᠰᠡᠭ᠃
ᠬᠠᠴᠠᠷ
ᠨᠢᠳᠦᠨ ᠦ᠌ ᠳᠣᠣᠷᠠ᠂ ᠡᠷᠡᠦ ᠶ᠋ᠢᠨ ᠳᠡᠭᠡᠷᠡ ᠬᠡᠰᠡᠭ᠃
ᠬᠠᠮᠠᠷ
ᠬᠠᠮᠠᠷ ᠤ᠋ᠨ ᠨᠦᠬᠡ ᠡᠴᠡ ᠳᠡᠭᠡᠭᠰᠢᠬᠢ ᠬᠢᠩᠭᠠ ᠬᠠᠮᠠᠷ ᠤ᠋ᠨ ᠶᠠᠰᠤ᠃
ᠨᠢᠳᠦ
ᠬᠠᠴᠠᠷ ᠤ᠋ᠨ ᠳᠡᠭᠡᠷᠡ ᠪᠦᠬᠦᠢ ᠠᠳᠤᠭᠤᠨ ᠤ᠋ ᠦᠵᠡᠬᠦ ᠡᠷᠬᠡᠲᠡᠨ᠃
ᠬᠥᠮᠥᠰᠬᠡ ᠶᠠᠰᠤ
ᠨᠢᠳᠦᠨ ᠳᠡᠭᠡᠷᠡᠬᠢ ᠢᠷᠮᠡᠭ ᠦ᠋ᠨ ᠶᠠᠰᠤ᠃
ᠤᠬᠤᠷᠬᠠᠢ
ᠨᠢᠳᠦ ᠣᠷᠣᠰᠢᠬᠤ ᠬᠣᠩᠬᠣᠷ ᠪᠢᠰᠢ᠂ ᠨᠢᠳᠦᠨ ᠦ᠌ ᠳᠡᠭᠡᠷᠡᠬᠢ ᠵᠢᠵᠢᠭ ᠬᠣᠲᠣᠭᠣᠷ᠃
ᠮᠠᠩᠨᠠᠢ
ᠬᠣᠶᠠᠷ ᠨᠢᠳᠦᠨ ᠦ᠌ ᠲᠡᠭᠡᠭᠡᠨᠳᠡᠢ ᠪᠠᠢᠭᠠ ᠬᠠᠪᠲᠠᠭᠠᠢᠯᠢᠭ᠋ ᠬᠡᠰᠡᠭ᠃ ᠬᠠᠯᠬᠠ ᠳ᠋ᠤ᠌ ᠳᠤᠬᠤ ᠭᠡᠨᠡ᠃
ᠬᠥᠬᠥᠯ
ᠬᠣᠶᠠᠷ ᠴᠢᠬᠢ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠂ ᠳᠡᠯ ᠦ᠋ᠨ ᠡᠮᠦᠨᠡ ᠦᠵᠦᠭᠦᠷ ᠲᠡᠬᠢ ᠬᠢᠷᠭᠠᠭᠰᠠᠨ ᠦᠭᠡᠢ ᠲᠠᠯᠪᠢᠭᠰᠠᠨ ᠳᠡᠯ ᠂ ᠣᠯᠠᠩᠬᠢ ᠭᠠᠵᠠᠷ ( ᠥᠪᠥᠷ ᠲᠦ᠍ ) ᠭᠡᠭᠦᠨ ᠳ᠋ᠦ᠍ ᠲᠠᠯᠪᠢᠳᠠᠭ ᠭᠡᠵᠢᠭᠡ᠃
ᠤᠲᠤᠭᠠ
ᠠᠭᠲᠠ ᠮᠣᠷᠢᠨ ᠤ᠋ ᠳᠡᠯ ᠢ᠋ ᠬᠢᠷᠭᠠᠬᠤ ᠳ᠋ᠠᠭᠠᠨ ᠬᠣᠶᠠᠷ ᠴᠢᠬᠢ ᠲᠡᠢ ᠣᠴᠤᠭᠯᠠᠭᠤᠯᠤᠨ ᠳᠠᠭᠵᠠᠨ ᠳᠡᠭᠡᠷᠡ ᠨᠢ ᠲᠠᠯᠪᠢᠭᠰᠠᠨ ᠳᠡᠯ᠂ ᠵᠠᠷᠢᠮ ᠭᠠᠵᠠᠷ ᠭᠡᠵᠢᠭᠡ ᠴᠦ᠍ ᠭᠡᠳᠡᠭ᠃
ᠴᠢᠬᠢ
ᠳᠡᠯ ᠢ᠋ ᠬᠠᠪᠴᠢᠭᠠᠳ ᠲᠣᠯᠣᠭᠠᠢ ᠶ᠋ᠢᠨ ᠣᠷᠣᠢ ᠳ᠋ᠤ᠌ ᠤᠷᠭᠤᠭᠰᠠᠨ ᠠᠳᠤᠭᠤᠨ ᠤ᠋ ᠰᠣᠨᠣᠰᠬᠤ ᠡᠷᠬᠡᠲᠡᠨ᠃
ᠴᠢᠬᠢᠨ ᠣᠮᠣᠭ
ᠴᠢᠬᠢᠨ ᠦ᠌ ᠮᠡᠷᠭᠡᠨ ᠦᠵᠦᠭᠦᠷ᠃
ᠳᠤᠬᠤ
ᠬᠣᠶᠠᠷ ᠴᠢᠬᠢ ᠶ᠋ᠢᠨ ᠳᠤᠮᠳᠠ ᠠ᠋ᠴᠠ ᠦᠯᠦ ᠮᠡᠳᠡᠭ ᠠᠷᠤ ᠳ᠋ᠤ᠌ ᠪᠣᠢ ᠬᠡᠰᠡᠭ᠃ ᠬᠠᠯᠬᠠ ᠳ᠋ᠤ᠌ ᠳᠠᠭᠵᠠ ᠭᠡᠳᠡᠭ᠃
ᠴᠢᠮᠠᠷᠬᠠᠢ
ᠳᠠᠭᠵᠠᠨ ᠤ᠋ ᠲᠤᠤᠭᠣᠬᠠᠨᠳᠠᠢ ᠬᠣᠲᠣᠭᠣᠷ᠂ ᠠᠮᠠᠨ ᠬᠦᠵᠦᠭᠦᠨ ᠦ᠌ ᠡᠮᠦᠨᠡ ᠪᠠᠯᠴᠢᠷ᠃
ᠰᠢᠨᠡ
ᠬᠥᠮᠦᠨ ᠠᠮᠢᠲᠠᠨ ᠤ᠋ ᠡᠷᠡᠦ ᠶ᠋ᠢᠨ ᠶᠠᠰᠤᠨ ᠤ᠋ ᠳᠣᠣᠷᠠᠲᠤ ᠢᠷᠮᠡᠭ ᠳᠠᠭᠠᠤ ᠮᠤᠷᠤᠢ ᠭᠠᠵᠠᠷ᠃
ᠬᠦᠵᠦᠭᠦᠨ ᠦ᠌ ᠬᠠᠵᠠᠭᠤ
ᠬᠦᠵᠦᠭᠦᠨ ᠦ᠌ ᠬᠣᠶᠠᠷ ᠲᠠᠯᠠ ᠶ᠋ᠢᠨ ᠬᠡᠰᠡᠭ᠃
ᠳᠡᠯ
ᠮᠤᠨᠳᠠᠭᠠ ᠠ᠋ᠴᠠ ᠬᠣᠶᠠᠷ ᠴᠢᠬᠢ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠬᠥᠬᠥᠯ ᠬᠦᠷᠲᠡᠯᠡᠬᠢ ᠬᠦᠵᠦᠭᠦᠨ ᠳᠡᠭᠡᠭᠦᠷ ᠤᠷᠭᠤᠭᠰᠠᠨ ᠤᠷᠲᠤ ᠬᠢᠯᠭᠠᠰᠤ᠃
ᠰᠢᠯᠢᠨ ᠬᠦᠵᠦᠭᠦᠦ
ᠬᠦᠵᠦᠭᠦᠦ ᠶ᠋ᠢᠨ ᠳᠡᠭᠡᠭᠦᠷ ᠰᠢᠯᠢ ᠰᠢᠷᠪᠦᠰᠦᠨ ᠪᠣᠢ ᠬᠡᠰᠡᠭ᠃
ᠬᠠᠷᠠ ᠴᠡᠭᠡᠵᠢ
ᠪᠦᠳᠦᠭᠦᠨ ᠬᠦᠵᠦᠭᠦᠦ ᠶ᠋ᠢᠨ ᠬᠡᠰᠡᠭ᠃
ᠤᠨᠵᠢᠷᠠᠭᠠ
ᠳᠠᠯᠤ ᠶ᠋ᠢᠨ ᠳᠡᠭᠡᠳᠦ᠂ ᠮᠤᠨᠳᠠᠭᠠ ᠶ᠋ᠢᠨ ᠳᠣᠣᠷᠠ ᠬᠡᠰᠡᠭ᠃
ᠳᠠᠯᠤ
ᠬᠠ ᠶ᠋ᠢᠨ ᠳᠡᠭᠡᠳᠦ ᠦᠵᠦᠭᠦᠷ ᠲᠦ᠍ ᠵᠠᠯᠭᠠᠵᠤ ᠪᠣᠢ ᠬᠠᠪᠲᠠᠭᠠᠢ ᠬᠡᠰᠡᠭ᠃
ᠲᠠᠯᠤᠨ ᠬᠠᠭᠤᠳᠠᠰᠤ
ᠲᠠᠯᠤᠨ ᠤ᠋ ᠳᠣᠲᠣᠷ ᠲᠠᠯᠠ ᠶ᠋ᠢᠨ ᠨᠢᠮᠭᠡᠨ ᠮᠢᠬᠠ᠃
ᠰᠡᠷᠪᠡᠭᠡ
ᠬᠣᠶᠠᠷ ᠳᠠᠯᠤ ᠬᠠᠪᠴᠢᠭᠰᠠᠨ ᠰᠡᠭᠡᠷ ᠦ᠋ᠨ ᠥᠨᠳᠥᠷ ᠬᠡᠰᠡᠭ᠃
ᠮᠤᠨᠳᠠᠭᠠ
ᠰᠡᠷᠪᠡᠭᠡ ᠡᠴᠡ ᠦᠯᠦ ᠮᠡᠳᠡᠭ ᠠᠷᠤᠬᠠᠨᠲᠠᠢ ᠬᠡᠰᠡᠭ᠃
ᠨᠢᠷᠤᠭᠤ
ᠮᠤᠨᠳᠠᠭᠠ ᠠ᠋ᠴᠠ ᠠᠷᠤ ᠳ᠋ᠤ᠌᠂ ᠬᠠᠷᠴᠠᠭᠠ ᠨᠢᠷᠤᠭᠤ ᠠ᠋ᠴᠠ ᠡᠮᠦᠨᠡ ᠬᠡᠰᠡᠭ᠃
ᠬᠠᠷᠴᠠᠭᠠ ᠨᠢᠷᠤᠭᠤ
ᠨᠢᠷᠤᠭᠤ ᠠ᠋ᠴᠠ ᠠᠷᠤ ᠳ᠋ᠤ᠌᠂ ᠤᠭᠤᠴᠠᠨ ᠠ᠋ᠴᠠ ᠡᠮᠦᠨᠡ ᠪᠠᠢᠭᠠ ᠬᠡᠰᠡᠭ᠃
ᠬᠠᠷᠭᠠᠮ
ᠰᠡᠭᠦᠵᠢᠨ ᠲᠣᠯᠣᠭᠠᠢ ᠶ᠋ᠢᠨ ᠡᠮᠦᠨᠡᠬᠡᠨ ᠨᠢᠷᠤᠭᠤᠨ ᠤ᠋ ᠡᠷᠭᠦᠭᠳᠡᠭᠰᠡᠨ ᠬᠡᠰᠡᠭ᠃
ᠬᠣᠨᠳᠣᠯᠠᠢ
ᠠᠳᠤᠭᠤᠨ ᠤ᠋ ᠨᠢᠷᠤᠭᠤ ᠶ᠋ᠢᠨ ᠰᠢᠪᠲᠤᠷᠠᠬᠤ ᠠᠷᠤ ᠬᠡᠰᠡᠭ᠃
ᠲᠠᠰᠢᠶᠠᠨ ᠲᠣᠯᠣᠭᠠᠢ
ᠰᠡᠭᠦᠵᠢᠨ ᠲᠣᠯᠣᠭᠠᠢ ᠶ᠋ᠢᠨ ᠬᠡᠰᠡᠭ ᠦ᠋ᠳ᠃
ᠬᠠᠪᠲᠠᠭᠠᠢ ᠲᠡᠰᠢᠶᠡ
ᠰᠡᠭᠦᠵᠢᠨ ᠦ᠌ ᠬᠠᠪᠲᠠᠭᠠᠢ ᠬᠡᠰᠡᠭ᠃
ᠤᠭᠤᠴᠠ
ᠬᠠᠷᠴᠠᠭᠠ ᠨᠢᠷᠤᠭᠤᠨ ᠠ᠋ᠴᠠ ᠬᠣᠢᠰᠢᠬᠢ ᠬᠣᠨᠳᠣᠯᠠᠢ ᠶ᠋ᠢᠨ ᠬᠡᠰᠡᠭ ᠢ᠋ ᠪᠠᠭᠲᠠᠭᠠᠭᠰᠠᠨ᠃
ᠥᠭᠡᠵᠡᠭ
ᠰᠡᠭᠦᠯ ᠦ᠋ᠨ ᠤᠭ ᠣᠷᠴᠢᠮ ᠤ᠋ᠨ ᠪᠥᠭᠰᠡᠨ ᠦ᠌ ᠲᠣᠨᠲᠣᠭᠣᠷ ᠭᠠᠵᠠᠷ᠃
ᠰᠡᠭᠦᠯ ᠦ᠋ᠨ ᠤᠭ
ᠰᠡᠭᠦᠯ ᠤᠷᠭᠤᠵᠤ ᠪᠣᠢ ᠬᠠᠮᠤᠭ ᠤ᠋ᠨ ᠡᠬᠢᠨ ᠦ᠌ ᠭᠠᠵᠠᠷ᠃
ᠰᠡᠮᠡᠢ
ᠰᠡᠭᠦᠯ ᠦ᠋ᠨ ᠤᠭ ᠲᠤ᠌ ᠤᠷᠭᠤᠭᠰᠠᠨ ᠣᠬᠣᠷ ᠬᠢᠯᠭᠠᠰᠤ ᠨᠤᠭᠤᠳ᠃
ᠰᠡᠭᠦᠯ
ᠰᠡᠭᠦᠯ ᠦ᠋ᠨ ᠤᠭ ᠠ᠋ᠴᠠ ᠤᠷᠭᠤᠭᠰᠠᠨ ᠤᠷᠲᠤ ᠬᠢᠯᠭᠠᠰᠤ ᠨᠤᠭᠤᠳ᠃
ᠳᠤᠮᠳᠠ ᠴᠢᠮᠥᠭᠡ
ᠰᠡᠭᠦᠵᠢ ᠡᠴᠡ ᠳᠣᠷᠣᠭᠰᠢ ᠵᠠᠯᠭᠠᠵᠤ ᠪᠣᠢ ᠬᠡᠰᠡᠭ᠃
ᠬᠣᠩᠭᠣ
ᠳᠤᠮᠳᠠ ᠴᠢᠮᠥᠭᠡ ᠶ᠋ᠢᠨ ᠠᠷᠤ ᠨᠠᠬᠢᠭᠤ ᠬᠡᠰᠡᠭ᠃
ᠨᠢᠮᠭᠡᠨ ᠴᠠᠪᠢ
ᠭᠤᠶᠠ᠂ ᠭᠡᠳᠡᠰᠦ ᠬᠣᠶᠠᠷ ᠤ᠋ᠨ ᠨᠡᠢᠯᠡᠩᠭᠢ ᠬᠡᠰᠡᠭ᠃
ᠬᠢᠷᠵᠠᠩ
ᠰᠢᠭᠡᠬᠦ ᠡᠷᠬᠡᠲᠡᠨ ᠃ ᠪᠠᠰᠠ ᠴᠢᠪᠢ ᠭᠡᠳᠡᠭ᠃
ᠲᠣᠢᠭ
ᠳᠤᠮᠳᠠ ᠴᠢᠮᠥᠭᠡ ᠂ ᠱᠠᠭᠠᠨᠲᠤ ᠴᠢᠮᠥᠭᠡ ᠶ᠋ᠢᠨ ᠠᠭᠤᠯᠵᠠᠭᠤᠷ ᠪᠣᠯᠬᠤ ᠡᠪᠦᠳᠦᠭ ᠦ᠋ᠨ ᠳᠡᠭᠡᠷᠡ ᠪᠠᠢᠬᠤ ᠪᠣᠨᠲᠣᠭᠣᠷ ᠲᠥᠭᠥᠷᠢᠭ ᠶᠠᠰᠤ᠃
ᠱᠠᠭᠠᠨᠲᠤ ᠴᠢᠮᠥᠭᠡ
ᠳᠤᠮᠳᠠ ᠴᠢᠮᠥᠭᠡ ᠡᠴᠡ ᠵᠠᠯᠭᠠᠭᠰᠠᠨ ᠪᠣᠷᠪᠢ ᠠ᠋ᠴᠠ ᠳᠡᠭᠡᠭᠰᠢᠬᠢ ᠬᠡᠰᠡᠭ᠃
ᠪᠣᠷᠪᠢ
ᠱᠠᠭᠠᠨᠲᠤ ᠴᠢᠮᠥᠭᠡ ᠶ᠋ᠢᠨ ᠲᠣᠯᠣᠭᠠᠢ ᠳ᠋ᠤ᠌ ᠪᠠᠢᠭᠠ ᠴᠣᠨᠳᠣᠭᠣᠷ ᠬᠡᠰᠡᠭ᠃
ᠰᠢᠯᠪᠢ
ᠱᠠᠭᠠᠨᠲᠤ ᠴᠢᠮᠥᠭᠡ ᠡᠴᠡ ᠵᠠᠯᠭᠠᠭᠰᠠᠨ ᠰᠠᠭᠠᠭ ᠠ᠋ᠴᠠ ᠳᠡᠭᠡᠭᠰᠢᠬᠢ ᠬᠡᠰᠡᠭ᠃
ᠰᠠᠭᠠᠭ
ᠰᠢᠯᠪᠢ ᠶ᠋ᠢᠨ ᠳᠣᠣᠷᠠᠲᠤ ᠦᠵᠦᠭᠦᠷ ᠲᠡᠬᠢ ᠰᠠᠭᠰᠠᠭᠠᠷ ᠦᠰᠦ ᠪᠦᠬᠦᠢ ᠬᠡᠰᠡᠭ᠃ ᠪᠠᠰᠠ ᠰᠠᠭᠠᠯᠠᠭ ᠭᠡᠳᠡᠭ᠃
ᠪᠡᠷᠪᠡᠬᠡᠢ
ᠰᠠᠭᠠᠭ ᠂ ᠲᠤᠭᠤᠷᠠᠢ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣᠬᠢ ᠬᠡᠰᠡᠭ ᠦ᠋ᠨ ᠠᠷᠤ ᠳ᠋ᠠᠬᠢ ᠬᠣᠩᠬᠣᠷᠳᠠᠭᠤ ᠬᠡᠰᠡᠭ᠃
ᠲᠤᠭᠤᠷᠠᠢ
ᠳᠥᠷᠪᠡᠨ ᠮᠥᠴᠢ ᠶ᠋ᠢᠨ ᠳᠣᠣᠷᠠᠲᠤ ᠦᠵᠦᠭᠦᠷ ᠲᠡᠬᠢ ᠡᠪᠡᠷᠯᠢᠭ ᠬᠡᠰᠡᠭ᠃
ᠭᠠᠬᠠᠢ
ᠲᠤᠭᠤᠷᠠᠢ ᠶ᠋ᠢᠨ ᠲᠠᠪᠠᠭ ᠳᠠᠬᠢ ᠭᠤᠷᠪᠠᠯᠵᠢᠨ ᠡᠪᠡᠷᠯᠢᠭ ᠲᠠᠪᠠᠭ᠃
ᠬᠠᠰᠠ
ᠭᠤᠶᠠ ᠶ᠋ᠢᠨ ᠪᠣᠷᠪᠢ ᠠ᠋ᠴᠠ ᠳᠡᠭᠡᠭᠰᠢ ᠣᠷᠴᠢᠮ ᠤ᠋ᠨ ᠳᠣᠲᠣᠷ ᠲᠠᠯᠠ᠃
ᠡᠮᠡᠭᠡᠨ ᠲᠤᠭᠤᠷᠠᠢ
ᠬᠠ ᠶ᠋ᠢᠨ ᠡᠪᠦᠳᠦᠭ ᠣᠷᠴᠢᠮ᠂ ᠭᠤᠶᠠ ᠶ᠋ᠢᠨ ᠪᠣᠷᠪᠢ ᠣᠷᠴᠢᠮ ᠤᠷᠭᠤᠳᠠᠭ ᠵᠢᠭᠠᠬᠠᠨ ᠡᠪᠡᠷᠯᠢᠭ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠰᠢᠪᠡᠷᠢ ᠭᠡᠳᠡᠭ᠃
ᠰᠢᠮᠠᠷᠬᠠᠢ
ᠬᠢᠷᠵᠠᠩ ᠤ᠋ᠨ ᠪᠦᠷᠬᠦᠭᠦᠯ ᠂ ᠪᠠᠰᠠ ᠬᠤᠤᠬᠠᠨᠠᠭ ᠭᠡᠳᠡᠭ᠃
ᠥᠯᠥᠨ ᠬᠣᠩᠬᠣᠷ
ᠪᠡᠷᠪᠡᠬᠡᠢ ᠶ᠋ᠢᠨ ᠡᠰᠡᠷᠭᠦ ᠴᠥᠮᠴᠥᠭᠡ ᠶ᠋ᠢᠨ ᠡᠮᠦᠨᠡ ᠵᠠᠪᠰᠠᠷᠯᠢᠭ ᠬᠣᠩᠬᠣᠷ᠃
ᠭᠡᠳᠡᠰᠦ
ᠬᠤᠤᠬᠠᠨᠠᠭ ᠠ᠋ᠴᠠ ᠡᠮᠦᠨᠡᠰᠢ ᠪᠣᠢ ᠠᠳᠤᠭᠤᠨ ᠤ᠋ ᠳᠣᠣᠷᠠᠲᠤ ᠡᠯᠢᠭᠡᠨ ᠲᠠᠯᠠ᠃
ᠰᠦᠪᠡᠭᠡ
ᠨᠢᠷᠤᠭᠤᠨ ᠬᠣᠶᠠᠷ ᠲᠠᠯᠠ ᠶ᠋ᠢᠨ ᠰᠦᠪᠡᠷᠭᠡ᠂ ᠬᠠᠷᠴᠠᠭᠠ ᠬᠣᠶᠠᠷ ᠤ᠋ᠨ ᠠᠭᠤᠯᠵᠠᠭᠤᠷ ᠤ᠋ᠨ ᠬᠡᠰᠡᠭ᠃
ᠬᠠᠪᠢᠷᠭᠠ
ᠠᠳᠤᠭᠤᠨ ᠤ᠋ ᠴᠡᠭᠡᠵᠢᠨ ᠪᠡᠶᠡ ᠶ᠋ᠢᠨ ᠬᠠᠵᠠᠭᠤ ᠶ᠋ᠢ ᠪᠦᠲᠦᠭᠡᠭᠰᠡᠨ ᠨᠠᠷᠢᠨ ᠤᠷᠲᠤ ᠶᠠᠰᠤ ᠨᠤᠭᠤᠳ᠃
ᠡᠪᠴᠢᠭᠦᠦ
ᠬᠣᠶᠠᠷ ᠬᠠ ᠶ᠋ᠢᠨ ᠳᠤᠮᠳᠠ ᠪᠣᠢ ᠴᠡᠭᠡᠵᠢᠨ ᠶᠠᠰᠤᠨ ᠤ᠋ ᠬᠣᠰᠢᠭᠤᠯᠵᠢᠨ ᠦᠵᠦᠭᠦᠷ᠃
ᠤᠯᠠᠭᠠᠨ ᠰᠤᠭᠤ
ᠬᠠ᠂ ᠴᠡᠭᠡᠵᠢ ᠬᠣᠶᠠᠷ ᠤ᠋ᠨ ᠨᠡᠢᠯᠡᠩᠭᠢ ᠶ᠋ᠢᠨ ᠠᠷᠤ ᠬᠣᠩᠬᠣᠷᠳᠠᠭᠤ ᠭᠠᠵᠠᠷ᠃
ᠬᠢᠶᠠᠷᠬᠢ
ᠲᠤᠭᠤᠷᠠᠢ ᠶ᠋ᠢᠨ ᠬᠠᠵᠠᠭᠤᠷᠢ᠃
ᠬᠠᠭᠳᠠ ᠦᠶᠡ
ᠶᠠᠰᠤᠨ ᠤ᠋ ᠬᠠᠭᠤᠷᠠᠢ ᠦᠶᠡ ᠂ ᠪᠣᠭᠳᠣᠰᠣᠨ ᠲᠣᠯᠣᠭᠠᠢ ᠂ ᠰᠢᠯᠪᠢ ᠬᠣᠶᠠᠷ ᠤ᠋ᠨ ᠠᠭᠤᠯᠵᠠᠭᠤᠷ ᠦᠶᠡ᠃
ᠪᠣᠭᠲᠣᠰ( ᠪᠣᠭᠲᠣᠭᠣᠰᠣ)
ᠰᠢᠯᠪᠢ ᠂ ᠬᠠᠷᠢᠲᠤ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣᠬᠢ ᠴᠢᠮᠥᠭᠡ ᠶᠠᠰᠤ ᠃
ᠵᠠᠯᠠᠭᠠ
ᠬᠥᠬᠡ ᠮᠢᠬᠠ ᠶ᠋ᠢᠨ ᠳᠣᠣᠷᠠᠲᠤ ᠦᠵᠦᠭᠦᠷ ᠬᠡᠰᠡᠭ᠃
ᠬᠥᠬᠡ ᠮᠢᠬᠠ
ᠳᠠᠯᠤ᠂ ᠬᠠᠷᠢᠲᠤᠨ ᠴᠢᠮᠥᠭᠡ ᠬᠣᠶᠠᠷ ᠤ᠋ᠨ ᠠᠭᠤᠯᠵᠠᠭᠤᠷ ᠣᠷᠴᠢᠮ ᠤ᠋ᠨ ᠬᠡᠰᠡᠭ᠃
ᠠᠳᠬᠤᠭᠠᠯ ᠴᠢᠮᠥᠭᠡ
ᠬᠠᠷᠢᠲᠤ᠃ ᠳᠠᠯᠤ᠂ ᠪᠤᠨᠳᠣᠭᠣᠰᠤ ᠬᠣᠶᠠᠷ ᠤ᠋ᠨ ᠳᠤᠮᠳᠠ ᠪᠠᠢᠭᠠ ᠴᠢᠮᠥᠭᠡ ᠶᠠᠰᠤ᠂ ᠪᠠᠰᠠ ᠪᠤᠭᠤᠯᠤᠭ ᠴᠢᠮᠥᠭᠡ ᠭᠡᠳᠡᠭ᠃
ᠳᠠᠯᠤ ᠂ ᠠᠳᠬᠤᠭᠠᠯ ᠤ᠋ᠨ ᠠᠭᠤᠯᠵᠠᠭᠤᠷ
ᠳᠠᠯᠤ ᠂ ᠬᠠᠷᠢᠲᠤᠨ ᠴᠢᠮᠥᠭᠡ ᠬᠣᠶᠠᠷ ᠤ᠋ᠨ ᠵᠠᠯᠭᠠᠯᠳᠤᠭᠰᠠᠨ ᠬᠡᠰᠡᠭ᠃
ᠣᠮᠣᠷᠤᠤ
ᠴᠡᠭᠡᠵᠢᠨ ᠦ᠌ ᠡᠮᠦᠨᠡ ᠦᠵᠦᠭᠦᠷ ᠦ᠋ᠨ ᠲᠦᠭᠳᠦᠭᠡᠷ᠃
ᠬᠣᠭᠣᠯᠠᠢ
ᠣᠮᠣᠷᠤᠤ ᠠ᠋ᠴᠠ ᠡᠷᠡᠦ ᠶ᠋ᠢᠨ ᠳᠥᠭᠥᠰᠢ ᠬᠦᠷᠲᠡᠯᠡᠬᠢ ᠬᠡᠰᠡᠭ᠃
ᠭᠦᠷᠡᠭᠡ
ᠬᠣᠭᠣᠯᠠᠢ ᠶ᠋ᠢᠨ ᠬᠠᠵᠠᠭᠤ ᠪᠠᠷ ᠪᠣᠢ ᠬᠣᠶᠠᠷ ᠪᠦᠳᠦᠭᠦᠨ ᠰᠤᠳᠠᠰᠤ ᠪᠦᠬᠦᠢ ᠬᠡᠰᠡᠭ ᠃
ᠭᠦᠷᠡᠭᠡᠨ ᠦ᠌ ᠬᠣᠩᠬᠣᠷ
ᠬᠣᠭᠣᠯᠠᠢ ᠶ᠋ᠢᠨ ᠬᠠᠵᠠᠭᠤ ᠭᠦᠷᠡᠭᠡᠨ ᠰᠤᠳᠠᠰᠤ ᠪᠦᠬᠦᠢ ᠲᠡᠨᠳᠡᠬᠢ ᠬᠣᠩᠬᠣᠷ ᠵᠤᠷᠪᠤᠰ᠃
ᠴᠢᠬᠢᠯᠵᠢᠭᠦᠷ
ᠡᠷᠡᠦ ᠶ᠋ᠢᠨ ᠠᠷᠤ ᠴᠢᠬᠢᠨ ᠦ᠌ ᠲᠤᠤᠭᠤᠬᠠᠨ ᠣᠷᠴᠢᠮ᠃
ᠲᠦᠭᠦᠰᠢ
ᠬᠠᠴᠠᠷ ᠤ᠋ᠨ ᠳᠣᠣᠷᠠ ᠲᠠᠯᠠ ᠶ᠋ᠢᠨ ᠳᠣᠣᠷᠠᠲᠤ ᠡᠷᠡᠦ ᠳᠠᠭᠠᠤ ᠬᠡᠰᠡᠭ᠃
ᠡᠷᠡᠦ ᠶ᠋ᠢᠨ ᠲᠠᠯᠬᠢ
ᠬᠣᠶᠠᠷ ᠡᠷᠡᠦ ᠶ᠋ᠢᠨ ᠶᠠᠰᠤᠨ ᠤ᠋ ᠬᠣᠭᠣᠷᠣᠨᠳᠣᠬᠢ ᠬᠣᠩᠬᠣᠷ ᠵᠠᠢ᠃
ᠵᠠᠪᠠᠵᠢ
ᠠᠮᠠᠨ ᠤ᠋ ᠤᠭ᠃
ᠣᠭᠤᠴᠢᠯᠠᠭᠤᠷ ᠤ᠋ᠨ ᠬᠣᠩᠬᠣᠷ
ᠳᠣᠣᠷᠠᠲᠤ ᠤᠷᠤᠭᠤᠯ ᠤ᠋ᠨ ᠳᠣᠣᠭᠤᠬᠠᠨᠲᠠᠢ ᠪᠠᠢᠭᠠ ᠵᠢᠭᠠᠬᠠᠨ ᠬᠣᠩᠬᠣᠷ᠃
ᠳᠣᠣᠷᠠᠲᠤ ᠤᠷᠤᠭᠤᠯ
ᠡᠭᠦᠳᠡᠨ ᠰᠢᠳᠦᠨ ᠦ᠌ ᠭᠠᠳᠠᠭᠤᠷ ᠬᠤᠮᠢᠵᠤ ᠪᠠᠢᠭᠠ ᠬᠡᠰᠡᠭ᠃
ᠵᠢᠷᠤᠭ 3 ᠶᠢᠨ ᠲᠠᠢᠯᠪᠤᠷᠢ
① ᠳᠡᠭᠡᠳᠦ ᠤᠷᠤᠭᠤᠯ ᠂ ② ᠰᠠᠮᠰᠠ ᠂ ③ ᠬᠠᠴᠠᠷ ᠂ ④ ᠬᠠᠮᠠᠷ ᠤ᠋ᠨ ᠶᠠᠰᠤ ᠂ ⑤ ᠨᠢᠳᠦ ᠂ ⑥ ᠬᠥᠮᠥᠰᠬᠡ ᠶ᠋ᠢᠨ ᠶᠠᠰᠤ ᠂ ⑦ ᠤᠬᠤᠷᠬᠠᠢ ᠂ ⑧ ᠮᠠᠩᠨᠠᠢ （ᠳᠤᠬᠤ ) ᠂ ⑨ ᠬᠥᠬᠥᠯ ᠂ ⑩ ᠴᠢᠬᠢ ᠂ ⑪ ᠴᠢᠬᠢᠨ ᠦ᠌ ᠣᠮᠣᠭ ᠂ ⑫ ᠳᠠᠭᠵᠠ ᠂ ⑬ ᠭᠡᠵᠢᠭᠡ ( ᠠᠭᠲᠠ ᠮᠤᠷᠢᠨᠠ ᠲᠠᠯᠪᠢᠬᠤ ᠭᠡᠵᠢᠭᠡ ) ᠂ ⑭ ᠴᠢᠮᠠᠷᠬᠠᠢ ᠂ ⑮ ᠰᠢᠨᠠ ᠂⑯ ᠬᠦᠵᠦᠭᠦᠨ ᠦ᠌ ᠬᠠᠵᠠᠭᠤ ᠂ ⑰ ᠬᠦᠵᠦᠭᠦᠦ ᠂ ⑱ ᠰᠢᠯᠢᠨ ᠬᠦᠵᠦᠭᠦᠦ ᠂ ⑲ ᠬᠠᠷᠠ ᠴᠡᠭᠡᠵᠢ ( ᠪᠦᠳᠦᠭᠦᠨ ᠬᠦᠵᠦᠭᠦᠦ ) ᠂ ⑳ ᠤᠨᠵᠢᠷᠠᠭᠠ ᠂ ㉑ ᠳᠡᠯ ᠂㉒ ᠳᠠᠯᠤ ᠂ ㉓ ᠮᠤᠨᠳᠠᠭᠠ ᠂ ㉔ ᠨᠢᠷᠤᠭᠤ ᠂ ㉕ ᠬᠠᠷᠴᠠᠭᠠ ᠨᠢᠷᠤᠭᠤ ㉖ ᠬᠠᠷᠭᠠᠮ ᠂㉗ ᠲᠠᠰᠢᠶᠠᠨ ᠲᠣᠯᠣᠭᠠᠢ ᠂ ㉘ ᠤᠭᠤᠴᠠ ᠂㉙ ᠬᠠᠪᠲᠠᠭᠠᠢ ᠲᠠᠰᠢᠶᠠ ᠂㉚ ᠬᠣᠨᠳᠣᠯᠠᠢ ᠂ ㉛ ᠥᠭᠡᠵᠡᠭ ᠂㉜ ᠰᠡᠭᠦᠯ ᠦ᠋ᠨ ᠤᠭ ( ᠰᠠᠮᠠᠢ ) ᠂㉝ ᠰᠡᠭᠦᠯ ᠂㉞ ᠬᠣᠩᠭᠣ ᠂㉟ ᠳᠤᠮᠳᠠ ᠴᠢᠮᠥᠭᠡ ᠂㊱ ᠨᠢᠮᠭᠡᠨ ᠴᠡᠷᠪᠢ ᠂㊲ ᠱᠠᠭᠠᠨᠲᠤ ᠴᠢᠮᠥᠭᠡ ᠂㊳ ᠪᠣᠷᠪᠢ ᠂㊴ ᠲᠣᠢᠭ ᠂ ㊵ ᠬᠢᠩᠭᠠᠶᠠ ᠰᠢᠯᠪᠢ ᠂㊶ ᠰᠠᠭᠠᠭ ᠂㊷ ᠪᠡᠷᠪᠡᠬᠡᠢ ᠂㊸ ᠲᠤᠭᠤᠷᠠᠢ ᠂㊹ ᠬᠠᠰᠠ ᠂㊺ ᠡᠮᠡᠭᠡᠨ ᠲᠤᠭᠤᠷᠠᠢ ᠂㊻ ᠰᠢᠮᠠᠷᠬᠠᠢ ( ᠬᠤᠤᠬᠠᠨᠠᠭ ) ᠂㊼ ᠬᠢᠷᠵᠠᠩ ᠂㊽ ᠬᠦᠢᠯᠡᠭᠦᠷ ᠂㊾ ᠥᠯᠥᠨ ᠬᠣᠩᠬᠣᠷ ᠂㊿ ᠰᠦᠪᠡᠭᠡ ᠂ 51 ᠭᠡᠳᠡᠰᠦ ᠂ 52 ᠬᠠᠪᠢᠷᠭᠠ ᠂ 53 ᠡᠪᠴᠢᠭᠦᠦ ᠂ 54 ᠰᠠᠭᠠᠭ ᠂ 55 ᠤᠯᠠᠭᠠᠨ ᠰᠤᠭᠤ ᠂ 56 ᠬᠡᠶᠠᠷᠬᠢ ᠂ 57 ᠴᠦᠮᠴᠦᠭᠡ ᠂ 58 ᠰᠢᠯᠪᠢ ᠂ 59 ᠬᠠᠭᠳᠠ ᠦᠶᠡ ( ᠡᠪᠦᠳᠦᠭ ) ᠂ 60 ᠪᠣᠭᠲᠣᠭᠣᠰᠣ ᠂ 61 ᠵᠠᠯᠠᠭᠠ ᠂ 62 ᠬᠥᠬᠥ ᠮᠢᠬᠠ ᠂ 63 ᠠᠳᠬᠠᠤᠭᠠᠯ ᠴᠢᠮᠥᠭᠡ ᠂ 64 ᠳᠠᠯᠤ ᠠᠳᠬᠤᠭᠠᠯ ᠤ᠋ᠨ ᠠᠭᠤᠯᠵᠠᠭᠤᠷ ( ᠪᠤᠭᠤᠯᠤᠭ ) ᠂ 65 ᠣᠮᠣᠷᠤᠤ ( ᠣᠮᠣᠯᠤᠤᠷ ) ᠂ 66 ᠪᠤᠭ ᠳᠡᠯ ( ᠣᠩᠭᠣᠨ ᠳᠡᠯ ) ᠂ 67 ᠬᠣᠭᠣᠯᠠᠢ ᠂ 68 ᠭᠦᠷᠡᠭᠡᠨ ᠦ᠌ ᠬᠣᠩᠬᠣᠷ ᠂ 69 ᠴᠢᠬᠢᠯᠵᠢᠭᠦᠷ ᠂ 70 ᠡᠷᠡᠦ ᠶ᠋ᠢᠨ ᠲᠠᠯᠬᠢ ᠂ 71 ᠵᠠᠪᠠᠵᠢ ᠂ 72 ᠤᠭᠣᠴᠢᠯᠠᠭᠤᠷ ᠤ᠋ᠨ ᠬᠣᠩᠬᠣᠷ ᠂ 73 ᠳᠣᠣᠷᠠᠲᠤ ᠤᠷᠤᠭᠤᠯ ᠂ 74 ᠵᠤᠷᠠᠭᠠ ᠂ 75 ᠤᠮᠤᠰᠤ ᠂ 76 ᠰᠠᠯᠲᠠᠭᠠ ᠃