ᠲᠠᠭᠠᠨᠠТаана
1026
ᠲᠠᠭᠠᠨᠠ
ᠠᠩᠭ᠌ᠯᠢ᠄ Allium polyrhizum
ᠰᠣᠩᠭᠢᠨᠠᠯᠢᠭ ᠡᠰᠢ ᠲᠤᠰ ᠪᠦᠷᠢ ᠭᠠᠳᠠᠨᠠ ᠲᠠᠯᠠ ᠪᠠᠷ ᠢ᠋ᠶ᠋ᠠᠨ ᠬᠠᠭᠤᠴᠢᠨ ᠦᠯᠡᠳᠡᠭᠳᠡᠯ ᠤᠯᠠᠭᠠᠨ ᠬᠦᠷᠢᠨ ᠥᠩᠭᠡ ᠶ᠋ᠢᠨ ᠤᠭᠯᠤᠷᠭᠠ ᠪᠠᠷ ᠬᠤᠴᠢᠭᠳᠠᠵᠤ ᠬᠠᠮᠠᠭᠠᠯᠠᠭᠳᠠᠬᠤ ᠪᠥᠭᠡᠳ ᠬᠡᠳᠦ ᠬᠡᠳᠦᠨ ᠤᠷᠭᠤᠮᠠᠯ ᠬᠠᠮᠲᠤᠷᠠᠨ ᠬᠡᠰᠡᠭ ᠲᠣᠪᠬᠤ ᠮᠠᠶᠢᠭ ᠤ᠋ᠨ ᠬᠠᠲᠠᠭᠤ ᠲᠡᠩᠨᠡᠭᠦᠯ ᠡᠭᠦᠰᠬᠡᠨᠡ᠃ ᠲᠠᠭᠠᠨᠠ 10-20 ᠰᠠᠨᠲ᠋ᠢᠮᠧᠲ᠋ᠷ ᠥᠨᠳᠥᠷ ᠤᠷᠭᠤᠮᠠᠯ᠃ ᠰᠣᠩᠭᠢᠨᠠᠯᠢᠭ ᠡᠰᠢ ᠶ᠋ᠢᠨ ᠳᠣᠣᠷᠠ ᠬᠡᠰᠡᠭ ᠲᠦ᠍ ᠬᠥᠷᠥᠰᠥᠨ ᠳ᠋ᠦ᠍ ᠪᠤᠯᠠᠭᠳᠠᠨ ᠣᠷᠣᠰᠢᠵᠤ᠂ ᠲᠡᠭᠦᠨ ᠡᠴᠡ ᠬᠡᠪᠲᠡᠭᠡ ᠴᠢᠭᠯᠡᠯ ᠢ᠋ᠶ᠋ᠡᠷ ᠦᠨᠳᠦᠰᠦᠯᠢᠭ ᠡᠰᠢ ᠭᠠᠷᠤᠨᠠ᠃ ᠦᠨᠳᠦᠰᠦᠯᠢᠭ ᠡᠰᠢᠨ ᠡᠴᠡ ᠰᠠᠭᠯᠠᠭᠠᠷ ᠳᠠᠭᠠᠪᠤᠷᠢ ᠦᠨᠳᠦᠰᠦ ᠡᠭᠦᠰᠦᠨᠡ᠃ ᠰᠣᠩᠭᠢᠨᠠᠨ ᠤ᠋ ᠦᠨᠦᠷ ᠠᠮᠲᠠ ᠪᠦᠬᠦᠢ ᠨᠠᠷᠢᠨ ᠴᠤᠭᠤᠷ ᠨᠠᠪᠴᠢ ᠲᠠᠢ᠃ ᠴᠠᠭᠠᠨ ᠶᠠᠭᠠᠨ ᠴᠡᠴᠡᠭ ᠦ᠋ᠳ ᠡᠴᠡ ᠪᠦᠷᠢᠳᠦᠭᠰᠡᠨ ᠡᠩ ᠦ᠋ᠨ ᠰᠢᠭᠦᠷ ᠪᠠᠭ ᠴᠡᠴᠡᠭ ᠡᠭᠦᠰᠦᠨᠡ᠃
ᠭᠠᠩ ᠬᠠᠭᠰᠠᠷᠭᠠᠨ ᠪᠠ ᠬᠦᠢᠲᠡᠨ ᠳᠤ ᠲᠡᠰᠪᠦᠷᠢᠲᠡᠶ᠂ 10 ᠡᠴᠡ ᠲᠡᠭ ᠡᠴᠡ ᠳᠣᠭᠣᠭᠰᠢ 40 ᠭᠷᠠᠳᠦ᠋ᠰ ᠤᠨ ᠳᠤᠯᠠᠭᠠᠨ ᠤ ᠬᠡᠪᠴᠢᠶᠡᠨ ᠳᠤ ᠪᠦᠷ ᠠᠮᠢᠳᠤᠷᠠᠵᠤ ᠳᠡᠢᠯᠦᠨᠡ᠃
ᠲᠠᠭᠠᠨᠠ ᠶᠡᠷᠦᠳᠡ ᠶ᠋ᠢᠨ ᠬᠤᠷᠠ ᠪᠣᠷᠣᠭᠠ ᠲᠠᠢ ᠵᠢᠯ ᠳ᠋ᠦ᠍ ᠠᠩᠬᠠᠨ ᠤ᠋ ᠪᠣᠷᠣᠭᠠᠨ ᠤ᠋ ᠳᠠᠷᠠᠭᠠ 5 ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠡᠬᠢᠨ ᠦ᠌ ᠬᠠᠭᠠᠰ ᠠ᠋ᠴᠠ ᠤᠷᠭᠤᠵᠤ᠂ 7 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠴᠡᠴᠡᠭᠯᠡᠨᠡ᠃ ᠬᠦᠢᠲᠡᠷᠡᠮᠡᠭᠴᠡ ᠰᠢᠷᠠᠯᠠᠵᠤ ᠬᠠᠲᠠᠭᠠᠳ ᠬᠡᠪᠡᠷᠡᠭ ᠪᠣᠯᠵᠤ᠂ ᠰᠠᠯᠬᠢ ᠮᠠᠯ ᠤ᠋ᠨ ᠬᠥᠯ ᠳ᠋ᠦ᠍ ᠦᠷᠡᠭᠳᠡᠨ ᠦᠨᠳᠦᠰᠦᠨ ᠳᠡᠭᠡᠷᠡ ᠬᠠᠳᠠᠭᠠᠯᠠᠭᠳᠠᠬᠤ ᠦᠭᠡᠢ᠃ ᠡᠯᠡᠰᠦᠨᠴᠢᠷ᠂ ᠬᠥᠪᠰᠥᠭᠡᠷ ᠡᠯᠡᠰᠦᠨᠴᠢᠷ᠂ ᠲᠣᠭᠣᠰᠣᠷᠬᠠᠭ ᠪᠣᠯᠤᠨ ᠰᠢᠷᠭᠠᠯ ᠬᠦᠷᠡᠩ ᠬᠥᠷᠥᠰᠥᠲᠡᠢ ᠨᠠᠯᠠᠤ ᠬᠠᠵᠠᠭᠤ᠂ ᠲᠡᠭᠰᠢ ᠲᠠᠯᠠ ᠪᠠᠷ ᠤᠷᠭᠤᠨᠠ᠃
ᠲᠠᠭᠠᠨᠠ ᠶᠢ ᠢᠳᠡᠬᠦ ᠠᠷᠭᠠ ᠄ ᠢᠰᠬᠡᠵᠦ ᠢᠳᠡᠬᠦ᠂ ᠥᠨᠳᠡᠭᠡ ᠲᠠᠢ ᠬᠠᠭᠤᠷᠬᠤ᠂ ᠪᠠᠩᠰᠢ ᠪᠤᠤᠵᠠ ᠬᠢᠬᠦ ᠵᠡᠷᠭᠡ᠃