ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 5 > Хөх зул – Боржигон Ванжал –"Тав ᠂ Таван хошуу малын бүлэг " 5.
274ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 5
ᠬᠣᠨᠢᠨ ᠦ ᠨᠠᠰᠤ ᠰᠢᠳᠦᠨ ᠦ ᠨᠡᠷᠡᠢᠳᠦᠯ Хонины нас шүдний нэрэйдэл
ᠬᠣᠨᠢ
ᠭᠡᠷ ᠦ᠋ᠨ ᠲᠡᠵᠢᠭᠡᠪᠦᠷᠢ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤ᠋ᠨ ᠳᠣᠲᠣᠷᠠᠬᠢ ᠪᠤᠭ ᠮᠠᠯ ᠤ᠋ᠨ ᠨᠢᠭᠡᠨ ᠲᠥᠷᠥᠯ᠃ ᠰᠦᠨ ᠲᠡᠵᠢᠭᠡᠯᠲᠡᠨ᠂ ᠲᠥᠷᠥᠯᠬᠢ ᠨᠣᠮᠣᠬᠠᠨ᠂ ᠰᠦ ᠪᠠ ᠮᠢᠬᠠ ᠨᠢ ᠰᠠᠢᠨ ᠪᠥᠭᠡᠳ ᠠᠮᠲᠠᠲᠠᠢ᠃ ᠦᠰᠦ ᠨᠢ ᠪᠤᠷᠵᠢᠭᠢᠷ ᠵᠥᠭᠡᠯᠡᠨ᠂ ᠨᠣᠣᠰᠣ ᠨᠢ ᠠᠷᠪᠢᠨ᠂ ᠢᠰᠡᠭᠡᠢ ᠬᠢᠬᠦ ᠪᠤᠶᠤ ᠨᠡᠬᠡᠮᠡᠯ ᠬᠢᠬᠦ ᠨᠣᠣᠰᠣᠨ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠮᠠᠰᠢ ᠲᠣᠬᠢᠷᠠᠮᠵᠢᠲᠠᠢ᠃
ᠬᠣᠨᠢᠨ ᠬᠣᠷᠣᠭᠠ
ᠬᠣᠨᠢ ᠬᠣᠷᠢᠳᠠᠭ ᠶᠡᠬᠡ ᠬᠡᠷᠡᠮ ᠦ᠋ᠨ ᠬᠦᠷᠢᠶᠡ᠃
ᠬᠣᠨᠢᠨ ᠬᠠᠰᠢᠶᠠ
ᠮᠣᠳᠣ ᠰᠢᠪᠡᠭᠡ ᠪᠡᠷ ᠪᠠᠷᠢᠭᠰᠠᠨ ᠬᠣᠨᠢ ᠬᠣᠷᠢᠬᠤ ᠨᠠᠮᠬᠠᠨ ᠬᠠᠰᠢᠶᠠ᠃
ᠬᠣᠨᠢ ᠬᠣᠲᠠᠯᠠᠬᠤ
ᠬᠣᠨᠢ ᠪᠠᠨ ᠬᠣᠲᠠᠨ ᠳ᠋ᠤ᠌ ᠣᠷᠣᠭᠤᠯᠬᠤ ᠂ ᠬᠣᠷᠢᠬᠤ᠃
ᠬᠣᠨᠢ ᠨᠢᠲᠤᠯᠬᠤ
ᠬᠣᠨᠢ ᠠᠯᠠᠬᠤ ᠂ ᠬᠣᠨᠢ ᠭᠠᠷᠭᠠᠬᠤ᠃
ᠬᠣᠨᠢ ᠬᠢᠷᠭᠠᠬᠤ
ᠬᠣᠨᠢᠨ ᠤ᠋ ᠦᠰᠦ ᠶ᠋ᠢ ᠬᠠᠢᠴᠢᠯᠠᠵᠤ ᠠᠪᠬᠤ᠃
ᠬᠣᠨᠢ ᠬᠠᠢᠴᠢᠯᠠᠬᠤ
ᠬᠣᠨᠢᠨ ᠤ᠋ ᠦᠰᠦ ᠶ᠋ᠢ ᠨᠢ ᠬᠠᠢᠴᠢ ᠪᠠᠷ ᠬᠠᠢᠴᠢᠯᠠᠨ ᠬᠢᠷᠭᠠᠬᠤ᠃
ᠬᠣᠨᠢ ᠬᠣᠯᠪᠣᠬᠤ
ᠤᠷᠲᠤ ᠳᠡᠭᠡᠰᠦ ᠪᠡᠷ ᠬᠣᠶᠠᠷ ᠬᠣᠨᠢ ᠪᠦᠷᠢ ᠶ᠋ᠢ ᠲᠣᠯᠣᠭᠠᠢ ᠶ᠋ᠢ ᠨᠢ ᠵᠥᠷᠢᠭᠦᠯᠦᠨ ᠨᠢᠭᠡ ᠭᠣᠭᠴᠣᠭᠠᠯᠠᠬᠤ ᠮᠡᠲᠦᠴᠢᠯᠡᠨ ᠣᠯᠠᠨ ᠬᠣᠨᠢ ᠶ᠋ᠢ ᠬᠣᠯᠪᠣᠨ ᠰᠠᠭᠠᠬᠤ ᠪᠠᠷ ᠪᠡᠯᠡᠳᠬᠡᠬᠦ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠰᠠᠭᠠᠬᠤ
ᠨᠣᠭᠣᠭᠠᠨ ᠳ᠋ᠤ᠌ ᠴᠠᠳᠤᠭᠰᠠᠨ ᠤ᠋ ᠬᠣᠢᠨᠠ ᠬᠣᠨᠢ ᠶ᠋ᠢ ᠬᠡᠳᠦᠨ ᠠᠷᠪᠠ ᠪᠠᠷ ᠬᠣᠯᠪᠣᠵᠤ ᠬᠥᠬᠥ ᠶ᠋ᠢ ᠨᠢ ᠰᠢᠪᠲᠤᠷᠴᠤ ᠰᠦ ᠶ᠋ᠢ ᠨᠢ ᠠᠪᠬᠤ ᠶ᠋ᠢ ᠬᠡᠯᠡᠨᠡ᠃ ᠬᠣᠨᠢᠨ ᠰᠦ ᠥᠳᠬᠡᠨ ᠴᠠᠢ ᠨᠡᠢᠯᠡᠭᠦᠯᠬᠦ ᠳ᠋ᠦ᠍ ᠣᠨᠴᠠ ᠰᠠᠢᠨ ᠃
ᠬᠣᠨᠢ ᠬᠠᠲᠠᠢᠷᠳᠠᠬᠤ
ᠬᠣᠨᠢ ᠮᠠᠯ ᠤ᠋ᠨ ᠬᠠᠮᠠᠷ᠂ ᠠᠮᠠ ᠨᠢ ᠪᠢᠲᠡᠭᠦᠷᠡᠵᠦ ᠪᠡᠶᠡ ᠨᠢ ᠳᠣᠷᠣᠢᠲᠠᠨ ᠲᠤᠷᠠᠩᠬᠠᠢᠯᠠᠬᠤ ᠡᠪᠡᠳᠴᠢᠨ ᠲᠤᠰᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠬᠤᠵᠢᠷᠯᠠᠬᠤ
ᠬᠣᠨᠢ ᠬᠠᠢᠷᠳᠠᠨ ᠬᠠᠮᠠᠷ ᠨᠢ ᠨᠢᠰᠤᠳᠠᠨ ᠪᠢᠲᠡᠭᠦᠷᠡᠵᠦ ᠢᠷᠡᠬᠦ ᠳ᠋ᠦ᠍ ᠬᠣᠨᠢ ᠪᠠᠨ ᠬᠤᠵᠢᠷ ᠲᠠᠢ ᠭᠠᠵᠠᠷ ᠠᠪᠠᠴᠢᠵᠤ ᠳᠣᠯᠢᠶᠠᠯᠭᠠᠬᠤ ᠪᠤᠶᠤ ᠬᠤᠵᠢᠷ ᠬᠠᠮᠤᠵᠤ ᠠᠪᠴᠢᠷᠠᠨ ᠴᠢᠳᠬᠤᠵᠤ ᠢᠳᠡᠭᠦᠯᠬᠦ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠪᠣᠷᠳᠣᠬᠤ
ᠮᠠᠭᠤᠳᠠᠭᠰᠠᠨ ᠬᠣᠨᠢᠨ ᠳ᠋ᠤ᠌ ᠲᠡᠵᠢᠭᠡᠯ ᠥᠭᠬᠦ᠃
ᠬᠣᠨᠢ ᠦᠳᠡᠯᠡᠬᠦ
ᠬᠠᠯᠠᠭᠤᠨ ᠤ᠋ ᠴᠠᠭ ᠂ ᠬᠣᠨᠢ ᠪᠠᠨ ᠡᠷᠲᠡ ᠪᠡᠯᠴᠢᠭᠡᠨ ᠦᠳᠡ ᠬᠠᠯᠠᠭᠤᠨ ᠪᠣᠯᠬᠤ ᠳ᠋ᠤ᠌ ᠭᠠᠳᠠᠨᠠ ᠪᠠᠨ ᠠᠪᠴᠢᠷᠠᠨ ᠬᠡᠪᠳᠡᠭᠥᠯᠭᠥ ᠪᠤᠶᠤ ᠵᠣᠭᠰᠣᠭᠠᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠥᠳᠥᠯᠡᠬᠦ
ᠬᠣᠨᠢ ᠮᠢᠬᠠ ᠲᠠᠷᠭᠤ ᠰᠠᠢᠨ ᠠᠪᠴᠤ ᠢᠷᠡᠬᠦ ᠳ᠋ᠦ᠍ ᠰᠡᠭᠦᠯ ᠨᠢ ᠢᠵᠠᠷᠠᠬᠤ ᠪᠤᠶᠤ ᠡᠰᠡᠬᠦᠯᠡ ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭᠠᠨ ᠢ᠋ᠶ᠋ᠠᠷ ᠰᠢᠷᠠᠭᠳᠤᠵᠤ ᠲᠡᠭᠦᠨ ᠳ᠋ᠦ᠍ᠨᠢ ᠥᠲᠥᠨ ᠦ᠌ ᠢᠯᠠᠭᠠ ᠰᠠᠭᠤᠵᠤ ᠥᠲᠥᠳᠡᠭ᠃ ᠡᠨᠡ ᠬᠦ᠌ ᠥᠳᠥ ᠶ᠋ᠢ ᠴᠡᠪᠡᠷᠯᠡᠨ ᠠᠷᠢᠯᠭᠠᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠦᠷᠭᠦᠬᠦ
ᠬᠣᠨᠢ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠᠨ ᠠ᠋ᠴᠠ ᠠᠶᠤᠨ ᠰᠣᠴᠢᠵᠤ ᠪᠦᠯᠦᠭᠯᠡᠨ ᠬᠤᠢᠨᠠᠷᠠᠵᠤ ᠳᠤᠲᠠᠭᠠᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠬᠠᠷᠢᠭᠤᠯᠬᠤ ᠬᠣᠨᠢ ᠪᠠᠨ ᠪᠡᠯᠴᠢᠭᠡᠨ ᠮᠠᠯᠯᠠᠬᠤ᠃
ᠬᠣᠨᠢ ᠤᠬᠢᠶᠠᠬᠤ ᠬᠣᠨᠢ ᠰᠢᠷᠭᠡᠭᠲᠡᠨ ᠪᠦᠭᠡᠰᠦᠳᠡᠬᠦ ᠳ᠋ᠦ᠍ ᠡᠮ ᠲᠡᠢ ᠤᠰᠤ ᠪᠠᠷ ᠤᠬᠢᠶᠠᠬᠤ᠃
ᠬᠣᠨᠢ ᠡᠮᠨᠡᠬᠦ
ᠭᠣᠣᠯᠳᠠᠭᠤ ᠬᠣᠨᠢ ᠮᠠᠯ ᠤ᠋ᠨ ᠳᠣᠲᠣᠷᠠ ᠬᠠᠯᠠᠭᠤᠨ ᠰᠠᠭᠤᠭᠰᠠᠨ ᠢ᠋ ᠲᠠᠭᠤᠬᠤ ᠶ᠋ᠢᠨ ᠤᠴᠢᠷ ᠡᠮ ᠴᠢᠳᠬᠤᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠮᠠᠢᠯᠠᠬᠤ
ᠬᠣᠨᠢ ᠬᠤᠷᠠᠭᠠ ᠪᠤᠶᠤ ᠢᠵᠢᠯᠢ ᠪᠡᠨ ᠰᠠᠨᠠᠵᠤ ᠳᠤᠤᠭᠠᠷᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠠᠬᠤᠷᠯᠠᠬᠤ
ᠨᠠᠮᠤᠷ ᠬᠣᠨᠢ ᠬᠠᠢᠴᠢᠯᠠᠬᠤ ᠶ᠋ᠢ ᠬᠡᠯᠡᠨᠡ᠃
ᠬᠣᠨᠢ ᠥᠰᠬᠦ
ᠬᠣᠨᠢ ᠠᠷᠪᠢᠨ ᠲᠠᠢ ᠪᠣᠯᠬᠤ ᠂ ᠦᠷᠡᠵᠢᠨ ᠠᠷᠪᠢᠳᠬᠤ᠃
ᠬᠣᠨᠢ ᠬᠤᠷᠠᠭᠠᠰᠠᠬᠤ
ᠬᠣᠨᠢ ᠬᠤᠷᠠᠭᠠᠨ ᠳ᠋ᠠᠭᠠᠨ ᠠᠮᠠᠷᠠᠭ ᠪᠣᠯᠵᠤ ᠪᠣᠭᠣᠨᠢ ᠳᠠᠭᠤ ᠪᠠᠷ ᠳᠤᠤᠭᠠᠷᠬᠤ᠃
ᠬᠣᠨᠢ ᠢᠬᠡᠷᠡᠯᠡᠬᠦ
ᠨᠢᠭᠡ ᠤᠳᠠᠭᠠ ᠳ᠋ᠤ᠌ ᠬᠣᠶᠠᠷ ᠠ᠋ᠴᠠ ᠳᠡᠭᠡᠭᠰᠢ ᠬᠤᠷᠠᠭᠠᠯᠠᠬᠤ᠃
ᠬᠣᠨᠢ ᠬᠢᠬᠦ ᠬᠣᠨᠢ ᠠᠯᠠᠬᠤ᠃
ᠬᠣᠨᠢ ᠲᠥᠬᠥᠭᠡᠷᠬᠦ ᠬᠣᠨᠢ ᠠᠯᠠᠬᠤ᠃
ᠬᠣᠨᠢ ᠭᠠᠷᠭᠠᠬᠤ ᠬᠣᠨᠢ ᠠᠯᠠᠬᠤ᠃
ᠬᠣᠨᠢᠨ ᠳᠡᠪᠡᠯ ᠬᠣᠨᠢᠨ ᠠᠷᠠᠰᠤ ᠪᠠᠷ ᠬᠢᠭᠰᠡᠨ ᠳᠡᠪᠡᠯ᠃
ᠬᠣᠨᠢᠨ ᠵᠢᠯ
ᠰᠠᠷᠠ ᠶ᠋ᠢᠨ ᠵᠢᠷᠤᠬᠠᠢ ᠶ᠋ᠢᠨ 12 ᠡᠷᠬᠡᠲᠡᠨ ᠦ᠌ ᠳᠣᠲᠣᠷᠠᠬᠢ ᠬᠣᠨᠢ ᠡᠵᠡᠯᠡᠭᠰᠡᠨ ᠵᠢᠯ᠃
ᠬᠤᠷᠠᠭᠠ
ᠬᠣᠨᠢᠨ ᠤ᠋ ᠲᠤᠰ ᠵᠢᠯ ᠦ᠋ᠨ ᠲᠥᠯ ᠢ᠋ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ ᠂ 1 ᠨᠠᠰᠤᠲᠠᠢ ᠃
ᠡᠷᠡ ᠬᠤᠷᠠᠭᠠ ᠲᠤᠰ ᠵᠢᠯ ᠦ᠋ᠨ ᠡᠷᠡ ᠬᠦᠢᠰᠦᠨ ᠦ᠌ ᠲᠥᠯ᠃
ᠥᠬᠢᠨ ᠬᠤᠷᠠᠭᠠ ᠲᠤᠰ ᠵᠢᠯ ᠦ᠋ᠨ ᠡᠮᠡ ᠬᠦᠢᠰᠦᠨ ᠦ᠌ ᠲᠥᠯ᠃
ᠬᠤᠷᠠᠭᠠ ᠬᠠᠷᠢᠭᠤᠯᠬᠤ ᠬᠤᠷᠠᠭᠠ ᠪᠠᠨ ᠪᠡᠯᠴᠢᠭᠡᠨ ᠮᠠᠯᠯᠠᠬᠤ᠃
ᠬᠤᠷᠠᠭᠠ ᠲᠣᠭᠯᠠᠬᠤ ( ᠳᠠᠭᠰᠢᠬᠤ ) ᠬᠤᠷᠠᠭᠠᠨ ᠤ᠋ ᠦᠰᠦᠷᠴᠦ ᠲᠣᠭᠯᠠᠵᠤ ᠨᠠᠭᠠᠳᠬᠤ᠃
ᠬᠤᠷᠠᠬᠠ ᠢᠮᠨᠡᠬᠦ ① ᠬᠤᠷᠠᠭᠠᠨ ᠤ᠋ ᠪᠥᠭᠡᠨᠰᠦᠭ ᠢ᠋ ᠠᠪᠴᠤ ᠴᠠᠭᠠᠯᠠᠬᠤ ᠶ᠋ᠢ ᠬᠡᠯᠡᠨᠡ᠃
② ᠬᠤᠷᠠᠭᠠᠨ ᠴᠢᠬᠢ ᠶ᠋ᠢ ᠣᠭᠲᠣᠯᠵᠤ ᠲᠡᠮᠳᠡᠭ ᠲᠠᠯᠪᠢᠬᠤ᠃
ᠬᠤᠷᠠᠭᠠ ᠤᠭᠵᠢᠬᠤ ᠬᠤᠷᠠᠭᠠ ᠶ᠋ᠢ ᠰᠦ ᠪᠤᠶᠤ ᠪᠤᠳᠠᠭᠠᠨ ᠰᠥᠮᠥᠰᠦ ᠪᠡᠷ ᠲᠡᠵᠢᠭᠡᠬᠦ᠃
ᠬᠤᠷᠠᠭᠠ ᠵᠠᠭᠢᠰᠠᠬᠤ
ᠴᠠᠳᠬᠠᠯ ᠮᠠᠭᠤᠲᠠᠢ ᠬᠤᠷᠠᠭᠠ ᠶ᠋ᠢ ᠥᠭᠡᠷᠡ ᠡᠬᠡ ᠳ᠋ᠦ᠍ ᠲᠦᠷ ᠬᠥᠬᠥᠭᠦᠯᠬᠦ ᠶ᠋ᠢ ᠬᠡᠯᠡᠨᠡ᠃
ᠬᠤᠷᠠᠭᠠ ᠬᠠᠢᠴᠢᠯᠠᠬᠤ ᠬᠤᠷᠠᠭᠠᠨ ᠤ᠋ ᠦᠰᠦ ᠶ᠋ᠢ ᠬᠢᠷᠭᠠᠬᠤ᠃
ᠬᠤᠷᠠᠭᠠᠨ ᠪᠥᠬᠥᠭᠡᠭ ( ᠫᠧᠩ ) ᠬᠤᠷᠠᠭᠠ ᠬᠣᠷᠢᠬᠤ ᠳᠤᠯᠠᠭᠠᠨ ᠬᠣᠷᠣᠭᠠ᠃
ᠳᠡᠯᠡᠭᠡ ᠬᠤᠷᠠᠭᠠ ᠬᠣᠶᠠᠷ ᠡᠬᠡ ᠶ᠋ᠢ ᠬᠥᠬᠥᠵᠦ ᠪᠣᠢ ᠬᠤᠷᠠᠭᠠ᠃
ᠢᠬᠡᠷᠡ ᠬᠤᠷᠠᠭᠠ ᠨᠢᠭᠡᠨ ᠤᠳᠠᠭᠠ ᠳ᠋ᠤ᠌ ᠬᠣᠶᠠᠷ ᠢ᠋ᠶ᠋ᠠᠷ ᠬᠤᠷᠠᠭᠠᠯᠠᠬᠤ᠃
ᠢᠬᠡᠷᠡ ᠶ᠋ᠢᠨ ᠲᠠᠯᠠ ᠢᠬᠢᠷᠡ ᠭᠠᠷᠤᠭᠰᠠᠨ ᠤ᠋ ᠨᠢᠭᠡ ᠶ᠋ᠢ ᠬᠡᠯᠡᠨᠡ᠃
ᠢᠬᠡᠷᠡ ᠶ᠋ᠢᠨ ᠥᠷᠥᠭᠡᠰᠦᠨ ᠢᠬᠢᠷᠡ ᠭᠠᠷᠤᠭᠰᠠᠨ ᠤ᠋ ᠨᠢᠭᠡ ᠶ᠋ᠢ ᠬᠡᠯᠡᠨᠡ᠃
ᠠᠯᠳᠠᠰᠢ
ᠬᠥᠭ ᠡᠴᠡ ᠡᠮᠦᠨᠡ ᠭᠠᠷᠤᠭᠰᠠᠨ ᠬᠤᠷᠠᠭᠠ᠂ ᠵᠠᠷᠢᠮ ᠭᠠᠵᠠᠷ ᠳᠠᠬᠤᠯᠠᠢ ᠭᠡᠳᠡᠭ᠃
ᠬᠡᠨᠵᠡ ᠬᠤᠷᠠᠭᠠ ᠬᠥᠭ ᠡᠴᠡ ᠬᠣᠢᠨᠠ ᠨᠠᠮᠤᠷᠰᠢᠵᠤ ᠭᠠᠷᠤᠭᠰᠠᠨ ᠢ᠋ ᠬᠡᠯᠡᠨᠡ᠃
ᠭᠥᠭᠡᠢ ᠬᠤᠷᠠᠭᠠ ᠡᠪᠦᠯ ᠭᠠᠷᠤᠭᠰᠠᠨ ᠬᠤᠷᠠᠭᠠ ᠶ᠋ᠢ ᠬᠡᠯᠡᠨᠡ᠃
ᠬᠠᠪᠴᠢ ᠬᠤᠷᠠᠭᠠ ᠡᠪᠦᠯ ᠦ᠋ᠨ ᠡᠴᠦᠰ ( ᠵᠢᠯ ᠵᠠᠪᠰᠠᠷ ) ᠭᠠᠷᠤᠭᠰᠠᠨ ᠬᠤᠷᠠᠭᠠ ᠶ᠋ᠢ ᠬᠡᠯᠡᠨᠡ᠃
ᠭᠤᠪᠰᠢᠶᠠ ᠬᠤᠷᠠᠭᠠ
ᠥᠪᠡᠷ ᠦ᠋ᠨ ᠡᠬᠡ ᠡᠴᠡ ᠭᠠᠳᠠᠨᠠ ᠪᠤᠰᠤᠳ ᠡᠬᠡ ᠶ᠋ᠢᠨ ᠬᠥᠬᠥ ᠶ᠋ᠢ ᠬᠤᠯᠠᠭᠤᠨ ᠬᠥᠬᠥᠬᠦ ᠵᠠᠩᠲᠠᠢ ᠬᠤᠷᠠᠭᠠ ᠶ᠋ᠢ ᠬᠡᠯᠡᠨᠡ᠃
ᠬᠦᠷᠦᠪᠡ
ᠨᠢᠯᠬᠠ ᠬᠤᠷᠠᠭᠠ ᠪᠢᠰᠢ᠂ ᠰᠦᠨ ᠳ᠋ᠡᠭᠡᠨ ᠴᠠᠳᠴᠤ ᠲᠥᠯᠵᠢᠨ ᠳᠡᠪᠡᠭᠡᠷᠡᠵᠦ ᠰᠡᠭᠦᠯ ᠨᠢ ᠥᠭᠡᠬᠦᠯᠡᠨ ᠴᠢᠩᠭᠠᠷᠠᠵᠤ ᠲᠠᠪᠬᠠᠯᠠᠭᠰᠠᠨ ᠠ᠋ᠴᠠ ᠡᠬᠢᠯᠡᠨ ᠳᠠᠷᠠᠭᠠ ᠵᠢᠯ ᠦ᠋ᠨ ᠬᠠᠩᠰᠢ ᠶ᠋ᠢᠨ ᠨᠣᠭᠣᠭᠠᠨ ᠳ᠋ᠤ᠌ ᠤᠷᠤᠳᠠᠯᠠᠬᠢ ᠬᠤᠭᠤᠴᠠᠭᠠᠨ ᠳ᠋ᠠᠬᠢ ᠪᠦᠳᠦᠭᠦᠷᠡᠭᠰᠡᠨ ᠬᠤᠷᠠᠭᠠᠨ ᠤ᠋ ᠨᠡᠷᠡᠢᠳᠦᠯ᠃ ᠨᠢᠯᠬᠠ ᠬᠤᠷᠠᠭᠠ ᠪᠣᠯᠤᠨ ᠲᠥᠯᠥᠭᠡ ᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠬᠤᠷᠠᠭᠠ ᠶ᠋ᠢᠨ ᠨᠡᠷᠡ ᠂1 ᠨᠠᠰᠤᠲᠠᠢ᠃
ᠬᠥᠷᠥᠪᠡᠵᠢᠬᠦ
ᠲᠣᠷᠨᠢᠭᠤᠨ ᠪᠣᠢᠵᠢᠭᠰᠠᠨ ᠬᠤᠷᠠᠭᠠ᠂ ᠰᠡᠭᠦᠯ ᠨᠢ ᠲᠠᠪᠬᠠᠯᠠᠵᠤ ᠦᠰᠦ ᠨᠢ ᠭᠣᠭᠴᠣᠭᠠᠷᠠᠵᠤ ᠢᠷᠡᠬᠦ ᠶ᠋ᠢ ᠬᠡᠯᠡᠨᠡ᠃
ᠰᠡᠩᠰᠡ ᠬᠤᠷᠠᠭᠠ
ᠬᠤᠷᠠᠭᠠ ᠬᠥᠷᠥᠪᠡᠵᠢᠬᠦᠯᠡᠷ ᠦᠰᠦ ᠨᠢ ᠭᠣᠭᠴᠣᠭᠠᠷᠠᠵᠤ ᠡᠷᠵᠢᠭᠡᠷ ᠮᠥᠷᠲᠡᠭᠡᠨ ᠤᠷᠲᠤ ᠪᠣᠯᠤᠨ ᠰᠠᠩᠭᠤᠷᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠥᠯᠥᠭᠡ
2 ᠨᠠᠰᠤᠲᠠᠢ ᠬᠣᠨᠢ ᠶ᠋ᠢ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ ᠂ 2 ᠬᠠᠯᠪᠠᠭᠠ ᠰᠢᠳᠦᠲᠡᠢ᠃
ᠡᠷᠡ ᠲᠥᠯᠥᠭᠡ 2 ᠨᠠᠰᠤᠲᠠᠢ ᠡᠷᠡ ᠬᠣᠨᠢ᠃
ᠥᠬᠢᠨ ᠲᠥᠯᠥᠭᠡ 2 ᠨᠠᠰᠤᠲᠠᠢ ᠡᠮᠡ ᠬᠣᠨᠢ᠃
ᠬᠢᠵᠠᠭᠠᠯᠠᠩ ᠬᠣᠨᠢ
3 ᠨᠠᠰᠤᠲᠠᠢ ᠬᠣᠨᠢ ᠶ᠋ᠢ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ ᠂ 4 ᠬᠠᠯᠪᠠᠭᠠᠲᠠᠢ᠃
ᠬᠢᠵᠠᠭᠠᠯᠠᠩ ᠡᠷᠡ ᠬᠣᠨᠢ 3 ᠬᠣᠨᠢ ᠨᠠᠰᠤᠲᠠᠢ ᠡᠷᠡ ᠬᠣᠨᠢ᠃
ᠬᠢᠵᠠᠭᠠᠯᠠᠩ ᠡᠮᠡ ᠬᠣᠨᠢ 3 ᠬᠣᠨᠢ ᠨᠠᠰᠤᠲᠠᠢ ᠡᠮᠡ ᠬᠣᠨᠢ᠃
ᠵᠤᠰᠠᠭ
ᠤᠭ ᠲᠠᠭᠠᠨ ᠬᠢᠵᠠᠭᠠᠯᠠᠩ ( 3 ᠨᠠᠰᠤᠲᠠᠢ ) ᠡᠮᠡ ᠬᠣᠨᠢ ᠪᠤᠶᠤ ᠡᠮᠡ ᠢᠮᠠᠭᠠ ᠶ᠋ᠢ ᠨᠡᠷᠡᠯᠡᠵᠦ ᠪᠠᠢᠯᠠ᠃ ᠣᠳᠣ ᠨᠡᠯᠢᠶᠡᠳ ᠭᠠᠵᠠᠷ ( ᠥᠪᠥᠷ ) ᠰᠢᠳᠦᠯᠡᠩ ( 2 ᠨᠠᠰᠤᠲᠠᠢ ) ᠡᠮᠡ ᠬᠣᠨᠢ ᠪᠤᠶᠤ ᠡᠮᠡ ᠢᠮᠠᠭᠠ ᠶ᠋ᠢ ᠵᠤᠰᠠᠭ ᠭᠡᠵᠦ ᠬᠡᠯᠡᠬᠦ ᠪᠣᠯᠵᠤ ᠪᠣᠢ᠃ 2 ᠨᠠᠰᠤᠲᠠᠢ ᠬᠣᠨᠢ ᠶ᠋ᠢ ᠨᠢ ᠲᠥᠯᠥᠭᠡ ᠭᠡᠵᠦ᠂ ᠢᠮᠠᠭᠠ ᠶ᠋ᠢ ᠪᠣᠷᠯᠣᠩ ᠭᠡᠵᠦ ᠨᠡᠷᠡᠯᠡᠳᠡᠭ ᠳᠡ᠃
ᠰᠣᠶᠣᠭᠠᠯᠠᠩ ᠬᠣᠨᠢ
4 ᠨᠠᠰᠤᠲᠠᠢ ᠬᠣᠨᠢ ᠶ᠋ᠢ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠂ 6 ᠬᠠᠯᠪᠠᠭᠠᠲᠠᠢ᠃
ᠰᠣᠶᠣᠭᠠᠯᠠᠩ ᠡᠷᠡ ᠬᠣᠨᠢ 4 ᠨᠠᠰᠤᠲᠠᠢ ᠡᠷᠡ ᠬᠣᠨᠢ᠃
ᠰᠣᠶᠣᠭᠠᠯᠠᠩ ᠡᠮᠡ ᠬᠣᠨᠢ 4 ᠨᠠᠰᠤᠲᠠᠢ ᠡᠮᠡ ᠬᠣᠨᠢ᠃
ᠰᠠᠭᠠᠯᠢ ᠬᠣᠨᠢ
4 ᠨᠠᠰᠤᠲᠠᠢ ᠡᠮᠡ ᠬᠣᠨᠢ᠃ ᠰᠦ ᠰᠠᠭᠠᠯᠭᠠᠬᠤ ᠨᠠᠰᠤᠨ ᠳ᠋ᠤ᠌ ᠬᠦᠷᠦᠭᠰᠡᠨ ᠬᠣᠨᠢ᠃
ᠰᠠᠭᠠᠯᠢ ᠶ᠋ᠢᠨ ᠮᠠᠯ ( ᠰᠠᠭᠠᠬᠤ ᠮᠠᠯ )
ᠬᠣᠨᠢᠨ ᠬᠣᠯᠪᠣᠭᠠᠨ ᠳ᠋ᠤ᠌ ᠣᠷᠣᠵᠤ ᠰᠠᠭᠠᠯᠭᠠᠬᠤ ᠬᠣᠨᠢ᠃
ᠰᠠᠭᠠᠮᠠᠰᠢᠷᠠᠬᠤ ᠰᠦ ᠲᠡᠢ ᠪᠣᠯᠵᠤ ᠢᠷᠡᠬᠦ ᠂ ᠬᠥᠬᠥ ᠳᠠᠯᠠᠩ ᠳ᠋ᠤᠨᠢ ᠰᠦ ᠶᠡᠬᠡ ᠬᠤᠷᠠᠬᠤ᠃
ᠢᠷᠭᠡ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠷᠡ ᠬᠣᠨᠢ᠃
ᠠᠮᠪᠠᠨ ᠢᠷᠭᠡ ᠨᠠᠰᠤ ᠭᠦᠢᠴᠡᠵᠦ ᠪᠠᠢᠷᠢᠭᠤᠰᠢᠭᠰᠠᠨ ᠲᠣᠯᠣᠭᠠᠢ ᠡᠷᠡ ᠬᠣᠨᠢ᠃
ᠢᠷᠭᠡ ᠶ᠋ᠢᠨ ᠰᠢᠭᠦᠰᠦ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠷᠡ ᠬᠣᠨᠢᠨ ᠤ᠋ ᠰᠢᠮᠡ ᠲᠡᠵᠢᠭᠡᠯᠲᠦ ᠢᠳᠡᠰᠢ - ᠤᠭᠤᠴᠠ᠃
ᠬᠤᠴᠠ ᠰᠢᠳᠦᠯᠡᠩ ᠡᠴᠡ ᠳᠡᠭᠡᠭᠰᠢᠬᠢ ᠴᠠᠭᠠᠯᠠᠭᠰᠠᠨ ᠦᠭᠡᠢ ᠲᠠᠯᠪᠢᠭᠰᠠᠨ ᠡᠷᠡ ᠬᠣᠨᠢ᠃
ᠬᠤᠴᠠ ᠲᠠᠯᠪᠢᠬᠤ ᠡᠷᠡ ᠬᠤᠷᠠᠭᠠ ᠪᠠᠨ ᠴᠠᠭᠠᠯᠠᠬᠤ ᠦᠭᠡᠢ ᠦᠯᠡᠳᠡᠭᠡᠨ ᠬᠤᠴᠠ ᠪᠣᠯᠭᠠᠬᠤ᠃
ᠬᠤᠴᠠ ᠪᠠᠨ ᠲᠠᠯᠪᠢᠬᠤ ᠢᠯᠭᠠᠭᠰᠠᠨ ᠬᠤᠴᠠ ᠪᠠᠨ ᠤᠤᠯ ᠰᠦᠷᠦᠭ ᠲᠦ᠋ᠨᠢ ᠪᠤᠴᠠᠭᠠᠨ ᠨᠡᠢᠯᠡᠭᠦᠯᠬᠦ᠃
ᠬᠤᠴᠠ ᠢᠯᠭᠠᠬᠤ
ᠵᠤᠨ ᠤ᠋ ᠴᠠᠭ ᠬᠤᠴᠠ ᠶ᠋ᠢ ᠲᠥᠯᠯᠡᠬᠦ ᠬᠣᠨᠢᠨ ᠤ᠋ ᠰᠦᠷᠦᠭ ᠡᠴᠡ ᠰᠠᠯᠭᠠᠨ ᠲᠤᠰᠠᠭᠠᠷ ᠬᠠᠷᠢᠭᠤᠯᠬᠤ᠃
ᠬᠤᠴᠠ ᠨᠡᠢᠯᠡᠭᠦᠯᠬᠦ ᠬᠤᠴᠠ ᠪᠠᠨ ᠡᠮᠡ ᠬᠣᠨᠢᠳ ᠲᠤ᠌ ᠲᠠᠯᠪᠢᠬᠤ᠃
ᠬᠤᠴᠠ ᠬᠥᠭᠡᠭᠡᠬᠦ ᠬᠤᠴᠠ᠂ ᠡᠮᠡ ᠬᠣᠨᠢ ᠶ᠋ᠢ ᠬᠡᠭᠡᠯᠲᠦᠭᠦᠯᠬᠦ ᠪᠡᠷ ᠳᠠᠭᠠᠬᠤ᠃
ᠬᠤᠴᠠ ᠳᠠᠭᠠᠬᠤ ᠬᠤᠴᠠ ᠬᠥᠭᠡᠭᠡᠬᠦ᠃
ᠬᠤᠴᠠᠨ ᠤ᠋ ᠬᠥᠭ
ᠬᠤᠴᠠᠨ ᠤ᠋ ᠡᠮᠡ ᠬᠣᠨᠢ ᠶ᠋ᠢ ᠴᠠᠭ ᠪᠤᠰᠤ ᠪᠠᠷ ᠬᠥᠭᠡᠭᠡᠬᠦ ᠶ᠋ᠢ ᠪᠣᠯᠭᠣᠮᠵᠢᠯᠠᠵᠤ᠂ ᠵᠠᠰᠠᠭᠠ ᠶ᠋ᠢ ᠨᠢ ᠬᠠᠯᠬᠠᠯᠠᠨ ᠤᠶᠠᠬᠤ ᠳᠠᠯᠠᠪᠴᠢ᠃
ᠬᠤᠴᠠᠨ ᠤ᠋ ᠬᠤᠤᠬᠠ
ᠬᠤᠴᠠᠨ ᠤ᠋ ᠪᠥᠭᠡᠨᠰᠦᠭ ( ᠲᠥᠮᠥᠰᠥ ) ᠶ᠋ᠢᠨ ᠭᠠᠳᠠᠭᠤᠷᠬᠢ ᠠᠷᠠᠰᠤ᠃
ᠰᠢᠪᠵᠢ ᠬᠣᠨᠢ ᠳᠠᠪᠵᠠ᠂ ᠶᠠᠰᠤ ᠨᠠᠷᠢᠨ ᠪᠡᠶᠡ ᠪᠠᠭᠠ ᠥᠰᠪᠥᠷᠢ ᠮᠠᠭᠤᠲᠠᠢ ᠬᠣᠨᠢ᠃
ᠡᠮᠡ ᠬᠣᠨᠢ
ᠵᠤᠰᠠᠭ ᠠ᠋ᠴᠠ ᠳᠡᠭᠡᠭᠰᠢᠬᠢ ᠡᠮᠡ ᠬᠣᠨᠢ᠃ ᠰᠢᠨᠵᠢᠶᠠᠩ ᠳ᠋ᠤ᠌ ᠡᠮᠡ ᠬᠣᠨᠢ ᠶ᠋ᠢ ᠨᠠᠢᠵᠠᠷ ᠭᠡᠳᠡᠭ᠃