ᠣᠷᠣᠢ ᠦᠭᠡᠢ ᠰᠦᠮᠡ – ᠬᠣᠷᠢᠨ ᠬᠣᠶᠠᠷ ᠂ ᠵᠢᠷᠭᠤᠭᠠᠨ ᠵᠦᠢᠯ ᠬᠠᠮᠤᠭ ᠠᠮᠢᠲᠠᠨ Оройгүй сүм – Хорин хоёр ᠂ Зургаан зүйл хамаг амьтан - Oroigui sum 22
772ᠬᠣᠷᠢᠨ ᠬᠣᠶᠠᠷ ᠂ ᠵᠢᠷᠭᠤᠭᠠᠨ ᠵᠦᠢᠯ ᠬᠠᠮᠤᠭ ᠠᠮᠢᠲᠠᠨ
ᠬᠦᠯᠢᠶᠡᠰᠦ ᠴᠢᠩᠭᠠ ᠪᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
ᠬᠥᠪᠳᠥ ᠨᠣᠭᠣᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
ᡀᠠᠰᠠ ᠵᠣᠣ ᠶ᠋ᠢᠨ ᠶᠡᠬᠡ ᠬᠦᠷᠳᠦ ᠶ᠋ᠢ ᠰᠠᠨᠵᠢ ᠬᠡᠳᠦᠨ ᠨᠥᠬᠥᠳ ᠦ᠋ᠨ ᠢ᠋ᠶ᠋ᠡᠨ ᠬᠠᠮᠲᠤ ᠰᠠᠪᠠᠭᠠ ᠦᠭᠡᠢᠬᠡᠨ ᠡᠷᠭᠢᠭᠦᠯᠵᠦ ᠶᠠᠪᠤᠯᠠ᠃ ᠵᠢᠷᠭᠤᠭᠠᠨ ᠲᠠᠯᠠ ᠲᠠᠢ ᠠᠰᠤᠷᠤ ᠲᠣᠮᠣ ᠲᠡᠷᠡ ᠬᠦᠷᠳᠦᠨ ᠦ᠌ ᠲᠠᠯᠠ ᠪᠦᠷᠢ ᠳ᠋ᠦ᠍ ᠨᠢ ᠬᠡᠳᠦ ᠬᠡᠳᠦᠨ ᠮᠣᠳᠣᠨ ᠪᠠᠷᠢᠭᠤᠯ ᠬᠢᠵᠡᠢ᠃ ᠪᠠᠷᠢᠭᠤᠯ ᠪᠦᠷᠢ ᠨᠢ ᠲᠦᠮᠡᠨ ᠬᠥᠮᠦᠨ ᠦ᠌ ᠭᠠᠷ ᠳᠠᠮᠵᠢᠭᠰᠠᠭᠠᠷ ᠡᠯᠡᠭᠳᠡᠨ ᠭᠥᠯᠢᠢᠵᠦ ᠬᠠᠲᠠᠭᠰᠠᠨ ᠪᠢᠰᠢᠯᠠᠭ ᠰᠢᠭ᠋ ᠲᠣᠰᠣ ᠳᠠᠭᠠᠭᠠᠭᠰᠠᠨ ᠰᠢᠷᠠ ᠶᠠᠭᠤᠮᠠ ᠪᠣᠯᠵᠠᠢ᠃ ᠵᠦᠢ ᠨᠢ ᠲᠡᠳᠡ ᠬᠦᠷᠳᠦ ᠡᠷᠭᠢᠭᠦᠯᠦᠨ ᠬᠢᠯᠪᠠᠷᠴᠢᠯᠠᠵᠤ ᠤᠩᠰᠢᠬᠤ ᠪᠤᠰᠤ ᠬᠠᠷᠢᠨ ᠠᠮᠠᠨ ᠤ᠋ ᠪᠠᠢᠩᠭᠤ ᠶ᠋ᠢᠨ ᠤᠩᠰᠢᠯᠭᠠ ᠪᠠᠷ ᠨᠣᠮ ᠤ᠋ᠨ ᠮᠥᠷ ᠬᠥᠭᠡᠭᠡᠬᠦ ᠶᠣᠰᠣᠲᠠᠢ ᠤᠯᠤᠰ᠃ ᠭᠡᠪᠡᠴᠦ ᠬᠦᠷᠳᠦ ᠡᠷᠭᠢᠭᠦᠯᠦᠨ᠂ ᠠᠵᠢᠯ ᠢ᠋ᠶ᠋ᠠᠨ ᠬᠥᠩᠭᠡᠪᠴᠢᠯᠡᠵᠦ ᠪᠠᠢᠯᠠ᠃ ᠨᠢᠭᠡ ᠶᠣᠰᠣᠨ ᠳ᠋ᠤ᠌ ᠪᠠᠨ ᠲᠢᠭ ᠦᠭᠡᠢᠳᠡᠵᠦ ᠪᠠᠢᠭᠠ ᠬᠡᠷᠡᠭ᠃ ᠬᠦᠷᠳᠦ ᠶ᠋ᠢ ᠨᠢᠭᠡ ᠤᠳᠠᠭᠠ ᠡᠷᠭᠢᠭᠦᠯᠬᠦ ᠳ᠋ᠦ᠍ ᠪᠡᠨ ᠬᠡᠳᠦᠨ ᠮᠢᠩᠭᠠᠨ ᠮᠠᠨᠢ ᠮᠡᠭᠵᠡᠮ ᠤᠩᠰᠢᠭᠰᠠᠨ ᠲᠠᠢ ᠲᠡᠩᠴᠡᠬᠦ ᠠᠯᠪᠠ ᠵᠠᠯᠭᠠᠭᠤᠯᠳᠠᠭ ᠭᠡᠵᠦ ᠲᠣᠭᠠᠴᠠᠭᠳᠠᠳᠠᠭ ᠶᠤᠮ᠃ ᠵᠢᠷᠭᠤᠭᠠᠨ ᠲᠠᠯᠠ ᠲᠠᠢ ᠲᠡᠷᠡ ᠲᠣᠮᠣ ᠪᠤᠯᠤ ᠶ᠋ᠢᠨ ᠳᠣᠲᠣᠷᠠ ᠭᠣᠣᠯ ᠢ᠋ ᠨᠢ ᠮᠠᠨᠢ ᠶ᠋ᠢᠨ ᠵᠢᠷᠭᠤᠭᠠᠨ ᠦᠰᠦᠭ᠂ ᠮᠡᠭᠵᠡᠮ ᠦ᠋ᠨ ᠲᠠᠪᠤᠨ ᠱᠠᠳ ᠰᠢᠯᠦᠭ ᠢ᠋ ᠬᠡᠳᠦᠨ ᠮᠢᠩᠭᠠ ᠳᠠᠪᠲᠠᠨ ᠪᠢᠴᠢᠭᠰᠡᠨ ᠴᠠᠭᠠᠰᠤ ᠪᠠᠷ ᠣᠷᠢᠶᠠᠵᠠᠢ᠃ ᠨᠠᠷᠠ ᠵᠥᠪ ᠡᠷᠭᠢᠬᠦ ᠨᠢ ᠤᠩᠰᠢᠭᠰᠠᠨ ᠲᠠᠢ ᠲᠡᠩᠴᠡᠬᠦ ᠶᠣᠰᠣᠲᠠᠢ ᠲᠤᠯᠠ ᠦᠰᠦᠭ ᠢ᠋ ᠡᠷᠭᠢᠯᠲᠡ ᠡᠬᠢᠯᠡᠬᠦ ᠲᠠᠯᠠ ᠠ᠋ᠴᠠ ᠪᠢᠴᠢᠬᠦ ᠶᠣᠰᠣᠲᠠᠢ᠃ ᠵᠢᠷᠭᠤᠭᠠᠨ ᠲᠠᠯᠠ ᠨᠢ ᠲᠣᠰᠪᠣᠷᠢ ᠥᠭᠡᠷᠡ ᠥᠩᠭᠡᠲᠡᠢ᠂ ᠭᠣᠣᠯ ᠳᠡᠭᠡᠷᠡ ᠪᠡᠨ ᠨᠠᠷᠠ ᠵᠥᠪ ᠡᠷᠭᠢᠳᠡᠭ ᠡᠨᠡᠬᠦ ᠪᠤᠯᠤ ᠨᠢ ᠱᠠᠰᠢᠨ ᠤ᠋ ᠵᠢᠳᠬᠦᠯᠲᠡᠨ ᠨᠦ᠍ᠭᠦᠳ ᠦ᠋ᠨ ᠪᠣᠳᠣᠵᠤ ᠣᠯᠤᠭᠰᠠᠨ ᠰᠠᠨᠠᠭᠠᠴᠢᠯᠠᠭᠠ᠂ 《ᠬᠥᠳᠡᠯᠮᠦᠷᠢ ᠬᠥᠩᠭᠡᠯᠡᠬᠦ》 ᠠᠷᠭᠠ ᠪᠠᠢᠯᠠ᠃ ᠤᠤᠯ ᠨᠢ ᠨᠣᠮ ᠮᠡᠳᠡᠳᠡᠭ ᠦᠭᠡᠢ ᠬᠥᠮᠦᠰ ᠲᠦ᠍ ᠵᠣᠷᠢᠭᠤᠯᠤᠭᠰᠠᠨ ᠪᠣᠯᠪᠠᠴᠤ ᠣᠳᠣ ᠬᠡᠨ ᠪᠦᠬᠦᠨ ᠦ᠌ ᠡᠷᠭᠢᠭᠦᠯᠵᠦ ᠵᠤᠭᠠᠴᠠᠬᠤ ᠵᠦᠢᠯ ᠪᠣᠯᠤᠨ ᠬᠤᠪᠢᠷᠠᠵᠠᠢ᠃
— ᠨᠠᠳᠠ ᠳ᠋ᠤ᠌ ᠶᠠᠭᠠᠬᠢᠭᠠᠳ ᠡᠮᠡ ᠪᠤᠶᠤ ᠪᠢᠷᠢᠳ ᠳᠠᠭᠠᠷᠠᠴᠢᠬᠠᠳᠠᠭ ᠪᠠᠢᠨᠠ! ᠪᠢ ᠡᠷᠭᠢᠭᠦᠯᠬᠦ ᠡᠴᠡ ᠲᠠᠲᠠᠭᠠᠯᠵᠠᠵᠤ ᠪᠠᠢᠨᠠ! ᠭᠡᠵᠦ ᠭᠡᠨᠡᠳᠲᠡ ᠬᠦᠷᠳᠦᠨ ᠦ᠌ ᠥᠩᠭᠡ ᠪᠡᠷ ᠨᠢ ᠢᠯᠭᠠᠭᠰᠠᠨ ᠢ᠋ ᠠᠵᠢᠬᠤ ᠳ᠋ᠤ᠌ ᠪᠠᠨ ᠴᠣᠭᠰᠣᠩ ᠠᠭᠤᠷᠯᠠᠪᠠ᠃ ᠲᠡᠷᠡ ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠡᠭᠦᠨ ᠢ᠋ ᠠᠵᠢᠵᠠᠢ᠃
ᠦᠨᠡᠬᠡᠷ ᠲᠡᠭᠦᠨ ᠳ᠋ᠦ᠍ ᠬᠦᠷᠳᠦᠨ ᠦ᠌ ᠤᠯᠠᠭᠠᠨ ᠥᠩᠭᠡ ᠲᠡᠢ ᠲᠠᠯᠠ ᠨᠢ ᠳᠠᠭᠠᠷᠠᠴᠢᠬᠠᠵᠠᠢ᠃ ᠤᠯᠠᠭᠠᠨ ᠥᠩᠭᠡ ᠲᠡᠢ ᠲᠠᠯᠠ ᠳ᠋ᠤ᠌ 《ᠮᠸ》ᠦᠰᠦᠭ ᠪᠤᠶᠤ ᠪᠢᠷᠢᠳ ᠢ᠋ ᠲᠣᠮᠢᠶᠠᠯᠠᠭᠰᠠᠨ ᠦᠰᠦᠭ ᠪᠢᠴᠢᠭᠳᠡᠭᠰᠡᠨ ᠪᠠᠢᠬᠤ ᠶᠣᠰᠣᠲᠠᠢ ᠪᠢᠯᠡ᠃ ᠬᠡᠳᠦᠨ ᠲᠦᠮᠡ ᠳᠠᠬᠢᠨ《ᠪᠢᠷᠢᠳ ᠪᠢᠷᠢᠳ》 ᠭᠡᠵᠦ ᠪᠢᠴᠢᠭᠰᠡᠨ ᠪᠠᠢᠭᠠ ᠭᠡᠵᠦ ᠲᠥᠰᠦᠭᠡᠯᠡᠭᠡᠳ ᠴᠣᠭᠰᠣᠩ ᠤ᠋ᠨ ᠳᠣᠲᠣᠷᠠ ᠡᠪ ᠦᠭᠡᠢ ᠪᠣᠯᠵᠠᠢ᠃ ᠲᠡᠷᠡ ᠭᠱᠠᠨ ᠳ᠋ᠤ᠌ ᠨᠢᠭᠡᠨ ᠵᠢᠡᠭ᠌ᠳᠠᠭᠠᠨ ᠤ᠋ ᠬᠢᠨ ᠨᠢ ᠴᠥᠮ ᠯᠡ ᠬᠦᠷᠳᠦᠨ ᠦ᠌ ᠠᠯᠢ ᠲᠠᠯᠠ ᠳ᠋ᠤ᠌ ᠰᠠᠨᠠᠮᠰᠠᠷ ᠦᠭᠡᠢ ᠲᠠᠭᠠᠷᠠᠭᠰᠠᠨ ᠢ᠋ᠶ᠋ᠠᠨ ᠠᠵᠢᠭᠯᠠᠪᠠ᠃
— ᠨᠠᠳᠠ ᠳ᠋ᠤ᠌ ᠠᠰᠤᠷᠢ ᠲᠠᠭᠠᠷᠠᠵᠠᠢ! ᠭᠡᠵᠦ ᠫᠠᠭᠰᠠᠩ ᠳᠠᠭᠤ ᠠᠯᠲᠠᠨ ᠪᠠᠶᠠᠷᠯᠠᠪᠠ᠃ ᠨᠣᠭᠣᠭᠠᠨ ᠥᠩᠭᠡ ᠲᠡᠢ ᠪᠥᠭᠡᠳ 《ᠮᠠ》 ᠦᠰᠦᠭ ᠲᠡᠢ ᠲᠠᠯᠠ ᠶᠤᠮ᠃
— ᠨᠠᠳᠠ ᠳ᠋ᠤ᠌ ᠬᠥᠮᠦᠨ ᠲᠠᠭᠠᠷᠠᠵᠠᠢ! ᠭᠡᠵᠦ ᠰᠠᠨᠵᠢ ᠲᠤᠩ ᠶᠡᠬᠡ ᠣᠯᠵᠠᠭᠤᠷᠬᠠᠪᠠ᠃ ᠬᠦᠷᠳᠦᠨ ᠦ᠌ ᠰᠢᠷᠠ ᠪᠣᠳᠣᠭ ᠲᠠᠢ᠂ 《ᠨᠢ》 ᠦᠰᠦᠭ ᠲᠡᠢ ᠲᠠᠯᠠ ᠲᠣᠬᠢᠶᠠᠭᠰᠠᠨ ᠪᠠᠢᠯᠠ᠃
— ᠬᠧᠧᠺ! ᠨᠠᠳᠠ ᠳ᠋ᠤ᠌ ᠲᠠᠮᠤ ᠲᠠᠭᠠᠷᠠᠵᠠᠢ᠃ ᠬᠧᠧᠺ! ᠬᠧᠧᠺ! ᠭᠡᠵᠦ ᠬᠡᠨ ᠨᠢᠭᠡ ᠨᠢ ᠪᠣᠬᠢᠮᠳᠠᠬᠣ ᠰᠣᠨᠣᠰᠳᠠᠪᠠ? ᠲᠡᠭᠦᠨ ᠢ᠋ᠶ᠋ᠡᠨ ᠴᠡᠭᠡᠷᠯᠡᠭᠡᠳ 《ᠬᠧᠧᠺ!》 (ᠰᠥᠨᠥᠲᠦᠭᠡᠢ) ᠭᠡᠵᠦ ᠬᠠᠰᠬᠢᠷᠤᠭᠰᠠᠨ ᠬᠡᠷᠡᠭ ᠪᠢᠯᠡ᠃ ᠲᠡᠭᠦᠨ ᠳ᠋ᠦ᠍ ᠬᠦᠷᠳᠦᠨ ᠦ᠌ ᠬᠥᠬᠡ ᠥᠩᠭᠡ ᠲᠡᠢ 《ᠬᠣᠮ》 ᠦᠰᠦᠭ ᠲᠡᠢ ᠲᠠᠯᠠ ᠣᠨᠣᠭᠳᠠᠭᠰᠠᠨ ᠪᠣᠯᠠᠢ᠃ ᠴᠡᠭᠡᠷᠯᠡᠵᠦ᠂ ᠭᠤᠲᠤᠮᠠᠷ ᠦᠭᠡ ᠨᠢ ᠠᠷᠭᠠ ᠦᠭᠡᠢ ᠮᠥᠨ᠃
— ᠣᠮ ᠬᠡᠨ ᠳ᠋ᠦ᠍ ᠨᠣᠭᠳᠠᠵᠤ ᠪᠣᠯ? ᠭᠡᠵᠦ ᠨᠢᠭᠡ ᠨᠢ ᠰᠣᠨᠢᠷᠬᠠᠨ ᠠᠰᠠᠭᠤᠪᠠ᠃ ᠠᠵᠠ ᠨᠢ ᠳᠤᠲᠠᠭᠰᠠᠨ ᠴᠤ᠌ ᠶᠤᠮ ᠤᠤ᠂ ᠡᠰᠡᠪᠡᠯ ᠰᠠᠨᠠᠮᠰᠠᠷ ᠦᠭᠡᠢ ᠴᠦ᠍ ᠲᠡᠢᠨ ᠬᠦ᠌ ᠲᠠᠭᠠᠷᠠᠭᠰᠠᠨ ᠶᠤᠮ ᠤᠤ᠂ ᠪᠤᠤ ᠮᠡᠳᠡ᠃ ᠶᠠᠮᠠᠷ ᠴᠤ᠌ ᠭᠡᠰᠡᠨ ᠲᠡᠳᠡᠨ ᠦ᠌ ᠬᠡᠨ ᠳ᠋ᠦ᠍ ᠨᠢ ᠴᠦ᠍ ᠬᠦᠷᠳᠦᠨ ᠦ᠌ 《ᠣᠮ》 ᠦᠰᠦᠭ ᠲᠡᠢ ᠴᠠᠭᠠᠨ ᠪᠣᠳᠣᠭ ᠲᠠᠢ ᠲᠠᠯᠠ ᠲᠠᠭᠠᠷᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠡᠷᠡᠦ ᠡᠪᠦᠳᠦᠭ ᠪᠣᠯᠤᠭᠰᠠᠨ ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ ᠲᠡᠷᠡ ᠲᠠᠯᠠ ᠳ᠋ᠤ᠌ ᠨᠢ ᠣᠷᠣᠴᠢᠬᠠᠭᠰᠠᠨ ᠶᠠᠪᠤᠵᠤ ᠪᠠᠢᠯᠠ᠃ ᠡᠨᠡ ᠬᠦᠷᠳᠦ ᠠᠰᠤᠷᠤ ᠲᠣᠮᠣ ᠤᠴᠢᠷ ᠠ᠋ᠴᠠ ᠬᠥᠮᠦᠨ ᠪᠣᠰᠤᠭᠠ ᠵᠣᠭᠰᠣᠭᠠᠳ ᠡᠯᠢᠭᠡᠨ ᠲᠤᠰᠢᠶᠠ ᠪᠠᠨ ᠳᠠᠭᠠᠷᠠᠭᠤᠯᠤᠭᠰᠠᠨ ᠪᠠᠷᠢᠭᠤᠯ ᠢ᠋ ᠠᠳᠬᠤᠨ ᠲᠦᠷᠢᠵᠦ ᠡᠷᠭᠢᠭᠦᠯᠳᠡᠭ ᠪᠠᠢᠵᠠᠢ᠃ ᠣᠮ ᠦᠰᠦᠭ ᠲᠡᠢ ᠴᠠᠭᠠᠨ ᠲᠠᠯᠠ ᠨᠢ ᠲᠩᠷᠢ ᠭᠡᠳᠡᠭ ᠢ᠋ ᠪᠡᠯᠭᠡᠳᠡᠭᠰᠡᠨ ᠬᠠᠮᠤᠭ ᠤ᠋ᠨ ᠳᠡᠭᠡᠳᠦ ᠬᠦᠨᠳᠦᠳᠬᠡᠯᠲᠡᠢ ᠬᠡᠰᠡᠭ ᠪᠠᠢᠵᠠᠢ᠃
— ᠵᠠ ᠪᠢᠳᠡᠨ ᠡᠴᠡ ᠴᠦ᠍ ᠶᠠᠭᠤᠨ ᠤ᠋ ᠨᠢ 《ᠣᠮ》 ᠪᠤᠶᠤ ᠲᠩᠷᠢ ᠨᠠᠷ ᠭᠠᠷᠬᠤ ᠪᠣᠢ ᠳᠠ ᠭᠡᠵᠦ ᠫᠠᠭᠰᠠᠩ ᠠᠮᠠᠨ ᠳ᠋ᠤ᠌ ᠪᠠᠨ ᠪᠣᠪᠲᠣᠨᠠᠪᠠ 《ᠨᠡᠭᠡᠷᠡᠨ ᠴᠦ᠍ ᠲᠡᠢᠮᠦ ᠳᠡ᠃ ᠪᠢᠳᠡᠨ ᠰᠢᠭ᠋ ᠶᠠᠭᠤᠮᠠ ᠶᠠᠭᠠᠬᠢᠵᠤ ᠲᠩᠷᠢ ᠲᠡᠢ ᠳᠦᠢᠬᠦ ᠪᠢᠯᠡ》 ᠭᠡᠵᠦ ᠰᠠᠨᠵᠢ ᠪᠣᠳᠣᠯᠠ᠃
ᠡᠬᠡ ᠪᠣᠯᠤᠭᠰᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠠᠮᠢᠲᠠᠨ ᠤ᠋ ᠣᠷᠣᠢ ᠶ᠋ᠢᠨ ᠳᠡᠭᠡᠳᠦ ᠨᠢ ᠲᠩᠷᠢ ᠨᠠᠷ ᠪᠥᠭᠡᠳ ᠲᠡᠳᠡᠨ ᠢ᠋ 《ᠣᠮ》 ᠭᠡᠵᠦ ᠲᠣᠮᠢᠶᠠᠯᠠᠨᠠ᠃ ᠲᠡᠭᠦᠨ ᠦ᠌ ᠳᠠᠷᠠᠭᠠᠬᠢ ᠨᠢ ᠠᠰᠤᠷᠢ ᠨᠠᠷ ᠪᠥᠭᠡᠳ 《ᠮᠠ》 ᠭᠡᠵᠦ ᠲᠣᠳᠣᠷᠬᠠᠢᠯᠠᠨᠠ᠃ ᠭᠤᠷᠪᠠᠳᠠᠬᠢ ᠨᠢ 《ᠨᠢ》 ᠪᠤᠶᠤ ᠬᠥᠮᠦᠨ᠃ ᠳᠥᠷᠪᠡᠳᠡᠬᠢ ᠨᠢ 《ᠪᠠᠳ》 ᠪᠤᠶᠤ ᠠᠳᠤᠭᠤᠰᠤ᠂ ᠲᠠᠪᠤᠳᠠᠬᠢ ᠨᠢ 《 ᠮᠧ》 ᠪᠤᠶᠤ ᠪᠢᠷᠢᠳ᠂ ᠵᠢᠷᠭᠤᠭᠠᠳᠠᠬᠢ ᠨᠢ 《 ᠬᠣᠮ》 ᠪᠤᠶᠤ ᠲᠠᠮᠤ ᠶᠤᠮ᠃ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠡᠢᠯᠡᠭᠡᠳ 《ᠣᠮ ᠮᠠ ᠨᠢ ᠪᠠᠳ ᠮᠧ ᠬᠣᠮ》 ᠭᠡᠰᠡᠨ ᠮᠠᠨᠢ ᠶ᠋ᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠪᠣᠯᠤᠨᠠ᠃ ᠡᠨᠡ ᠵᠢᠷᠤᠭ ᠢ᠋ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠪᠦᠬᠦᠢᠯᠡ ᠱᠠᠪᠢ ᠨᠠᠷ ᠠᠮᠠᠨ ᠤ᠋ ᠤᠩᠰᠢᠯᠭᠠ ᠪᠣᠯᠭᠠᠨᠠ᠃ ᠵᠢᠷ ᠦ᠋ᠨ ᠦᠭᠡ ᠪᠡᠷ ᠬᠡᠯᠡᠪᠡᠯ 《ᠲᠩᠷᠢ᠂ ᠠᠰᠤᠷᠢ᠂ ᠬᠥᠮᠦᠨ᠂ ᠠᠳᠤᠭᠤᠰᠤ᠂ ᠪᠢᠷᠢᠳ᠂ ᠲᠠᠮᠤ》 ᠭᠡᠰᠡᠨ ᠤᠩᠰᠢᠯᠭᠠ ᠶᠤᠮ᠃ ᠡᠢᠮᠦ ᠦᠭᠡ ᠶ᠋ᠢ ᠬᠡᠳᠦᠨ ᠵᠠᠭᠤᠨ ᠮᠢᠩᠭᠠᠨ ᠯᠠᠮᠠ ᠨᠠᠷ ᠡᠳᠦᠷ ᠪᠦᠷᠢ ᠠᠮᠠᠨ ᠤ᠋ ᠤᠩᠰᠢᠯᠭᠠ ᠪᠣᠯᠭᠠᠵᠤ ᠪᠠᠢᠳᠠᠭ ᠢ᠋ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠭᠠᠳ ᠰᠠᠨᠵᠢ ᠶ᠋ᠢᠨ ᠢᠨᠢᠶᠡᠳᠦ ᠬᠦᠷᠬᠦ ᠰᠢᠭ ᠪᠣᠯᠪᠠ᠃ ᠪᠤᠷᠬᠠᠨ ᠤ᠋ ᠨᠣᠮ ᠤ᠋ᠨ ᠲᠤᠬᠠᠢ ᠳ᠋ᠤ᠌ ᠠᠩᠬᠠ ᠤᠳᠠᠭᠠ ᠯᠠ ᠢᠨᠢᠶᠡᠳᠦ ᠨᠢ ᠬᠦᠷᠦᠭᠰᠡᠨ ᠳ᠋ᠦ᠍ ᠲᠡᠷᠡ ᠥᠪᠡᠷ ᠢ᠋ᠶ᠋ᠡᠨ ᠴᠦ᠍ ᠭᠠᠢᠬᠠᠯᠠ᠃
ᠬᠠᠷᠢ ᠬᠡᠯᠡ ᠪᠡᠷ ᠯᠠ ᠬᠡᠯᠡᠳᠡᠭ ᠪᠣᠯᠬᠣᠷ ᠡᠭᠡᠯ ᠮᠣᠩᠭᠣᠯ ᠬᠥᠮᠦᠰ ᠣᠢᠯᠠᠭᠠᠵᠤ ᠤᠬᠠᠭᠠᠷᠠᠳᠠᠭ ᠦᠭᠡᠢ ᠪᠠᠢᠬᠠ᠃ ᠲᠡᠭᠦᠨ ᠡᠴᠡ ᠪᠢᠰᠢ 《ᠲᠩᠷᠢ᠂ ᠠᠰᠤᠷᠢ᠂ ᠬᠥᠮᠦᠨ᠂ ᠠᠳᠤᠭᠤᠰᠤ᠂ ᠪᠢᠷᠢᠳ᠂ ᠲᠠᠮᠤ》 ᠭᠡᠳ ᠯᠡ ᠠᠮᠠᠨ ᠳᠣᠲᠣᠷᠠ ᠪᠠᠨ ᠤᠩᠰᠢᠭᠠᠳ ᠰᠠᠭᠤᠭᠠᠳ ᠪᠠᠢᠬᠤ ᠶ᠋ᠢ ᠴᠢᠩᠨᠠᠬᠤ ᠳ᠋ᠤ᠌ ᠭᠠᠵᠢᠭ ᠲᠠᠢ ᠴᠤ᠌ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠬᠤ ᠪᠢᠰᠢ ᠤᠤ? ᠭᠡᠵᠦ ᠰᠠᠨᠵᠢ ᠳ᠋ᠤ᠌ ᠪᠣᠳᠣᠭᠳᠠᠯᠠ᠃
《ᠲᠩᠷᠢ ᠨᠠᠷ ᠤ᠋ᠨ ᠣᠷᠣᠨ ᠳ᠋ᠤ᠌ ᠲᠩᠷᠢ ᠨᠦ᠍ᠭᠦᠳ ᠰᠠᠭᠤᠨᠠ᠃ ᠠᠰᠤᠷᠢ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠠᠰᠤᠷᠢ᠂ ᠬᠥᠮᠦᠨ ᠦ᠌ ᠣᠷᠣᠨ ᠳ᠋ᠤ᠌ ᠬᠥᠮᠦᠨ᠂ ᠠᠳᠤᠭᠤᠰᠤᠨ ᠤ᠋ ᠣᠷᠣᠨ ᠳ᠋ᠤ᠌ ᠠᠳᠤᠭᠤᠰᠤ᠂ ᠪᠢᠷᠢᠳ ᠦ᠋ᠨ ᠣᠷᠣᠨ ᠳ᠋ᠤ᠌ ᠪᠢᠷᠢᠳ᠂ ᠲᠠᠮᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠡᠷᠯᠢᠭ ᠴᠢᠳᠬᠥᠷ ᠦ᠋ᠳ ᠰᠠᠭᠤᠨᠠ᠃ ᠡᠨᠡ ᠪᠣᠯ ᠡᠬᠡ ᠪᠣᠯᠤᠭᠰᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠠᠮᠢᠲᠠᠰ ᠮᠥᠨ᠃ ᠲᠡᠳᠡᠭᠡᠷ ᠦ᠋ᠨ ᠲᠤᠰᠠ ᠶ᠋ᠢᠨ ᠲᠤᠯᠠᠳᠠ ᠯᠠᠮᠠ ᠬᠥᠮᠦᠨ ᠮᠥᠷᠭᠥᠯ ᠪᠢᠰᠢᠯᠭᠠᠯ ᠦᠢᠯᠡᠳᠦᠮᠦᠢ !》 ᠭᠡᠵᠦ ᠯᠠᠮᠠ ᠪᠠᠭᠰᠢ ᠨᠢ ᠦᠷᠭᠦᠯᠵᠢ ᠰᠤᠷᠭᠠᠨ ᠵᠢᠭᠠᠭᠰᠠᠭᠠᠷ ᠴᠡᠭᠡᠵᠢᠯᠡᠭᠦᠯᠦᠭᠰᠡᠨ ᠢ᠋ ᠰᠠᠨᠵᠢ ᠢᠮᠠᠭᠲᠠ ᠰᠠᠨᠠᠵᠤ ᠶᠠᠪᠤᠳᠠᠭ ᠪᠢᠯᠡ᠃
ᠬᠦᠷᠳᠦ ᠶ᠋ᠢ ᠠᠭᠠᠵᠢᠮ ᠢ᠋ᠶ᠋ᠠᠷ ᠡᠷᠭᠢᠭᠦᠯᠬᠦ ᠳ᠋ᠦ᠍ ᠭᠣᠣᠯ ᠨᠢ ᠦᠯᠦ ᠮᠡᠳᠡᠭ ᠴᠢᠬᠢᠷᠡᠨ ᠭᠤᠨᠢᠭ ᠲᠠᠢ ᠳᠤᠤᠭᠠᠷᠴᠤ᠂ ᠵᠢᠩᠳᠠᠭᠠᠨ ᠤ᠋ ᠬᠢᠨ ᠨᠢ ᠨᠢᠭᠡ ᠦᠶᠡ ᠳᠠᠭᠤ ᠦᠭᠡᠢ ᠪᠤᠯᠵᠠᠭᠠᠵᠤ ᠥᠪᠡᠷ ᠥᠪᠡᠷ ᠦ᠋ᠨ ᠲᠠᠯᠠ ᠳ᠋ᠤ᠌ ᠣᠨᠣᠭᠳᠠᠭᠰᠠᠨ ᠮᠠᠨᠢ ᠶ᠋ᠢᠨ ᠦᠰᠦᠭ ᠦ᠋ᠨ ᠲᠤᠬᠠᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠵᠤ ᠪᠠᠢᠬᠤ ᠰᠢᠭ᠋ ᠳᠦᠩᠰᠦᠭᠦᠷ ᠪᠠᠢᠯᠠ᠃
《ᠡᠬᠡ ᠪᠣᠯᠤᠭᠰᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠠᠮᠢᠲᠠᠨ ᠯᠠ ᠭᠡᠳ ᠶᠠᠷᠢᠶᠠ ᠳ᠋ᠤ᠌ ᠪᠠᠢᠳᠠᠭ᠃ ᠭᠡᠲᠡᠯᠡ ᠲᠠᠯᠠ ᠬᠤᠪᠢ ᠨᠢ ᠣᠭᠲᠣ ᠪᠠᠢᠬᠤ ᠦᠭᠡᠢ ᠶᠦᠮ ᠰᠢᠭ ᠪᠣᠢ ᠳᠠ? ᠪᠢᠷᠢᠳ ᠦ᠋ᠨ ᠣᠷᠣᠨ ᠭᠡᠵᠦ ᠶᠡᠷᠦ ᠨᠢ ᠪᠢᠷᠢᠳ ᠭᠡᠵᠦ ᠶᠠᠮᠠᠷ ᠠᠮᠢᠲᠠᠨ ᠪᠠᠢᠳᠠᠭ ᠪᠢᠯᠡ᠃ ᠵᠠ ᠲᠩᠷᠢ᠂ ᠠᠰᠤᠷᠢ ᠨᠠᠷ ᠭᠡᠳᠡᠭ ᠨᠢ ᠪᠠᠰᠠ ᠶᠠᠮᠠᠷ ᠪᠢᠯᠡ?》ᠭᠡᠵᠦ ᠬᠡᠪ ᠭᠡᠨᠡᠳᠲᠡ ᠰᠠᠨᠵᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠯᠠ᠃ ᠡᠨᠡ ᠲᠤᠬᠠᠢ ᠨᠤᠲᠤᠭ ᠲᠤ᠌ ᠪᠠᠨ ᠪᠠᠢᠬᠤ ᠳ᠋ᠤ᠌ ᠪᠠᠨ ᠯᠠᠮᠠ ᠪᠠᠭᠰᠢ ᠠ᠋ᠴᠠ ᠪᠠᠨ ᠠᠰᠠᠭᠤᠭᠰᠠᠨ ᠢ᠋ᠶ᠋ᠠᠨ ᠰᠠᠨᠠᠪᠠ《 ᠡᠢᠮᠦ ᠶᠠᠭᠤᠮᠠ ᠪᠣᠳᠣᠬᠤ ᠨᠢ ᠬᠦᠷᠲᠡᠯᠡ ᠨᠢᠭᠦᠯ᠃ ᠠᠰᠠᠭᠤᠭᠰᠠᠨ ᠨᠢ ᠪᠦᠷ ᠶᠡᠬᠡ ᠠᠯᠳᠠᠰ!》 ᠭᠡᠵᠦ ᠪᠠᠭᠰᠢ ᠨᠢ ᠰᠤᠷᠭᠠᠵᠠᠢ᠃ ᠲᠡᠷᠡ ᠴᠠᠭ ᠲᠤ᠌ ᠭᠡᠮᠰᠢᠵᠦ ᠥᠩᠭᠡᠷᠡᠭᠰᠡᠨ᠃
ᠰᠡᠭᠦᠯ ᠳ᠋ᠦ᠍ ᠪᠠᠰᠠ ᠲᠠᠮᠤ ᠶ᠋ᠢᠨ ᠣᠷᠣᠨ ᠭᠡᠭᠴᠢ ᠶ᠋ᠢᠨ ᠲᠤᠬᠠᠢ ᠯᠠᠮᠠ ᠪᠠᠭᠰᠢ ᠠ᠋ᠴᠠ ᠪᠠᠨ ᠵᠣᠷᠢᠭᠯᠠᠨ ᠠᠰᠠᠭᠤᠭᠰᠠᠨ ᠢ᠋ᠶ᠋ᠠᠨ ᠰᠠᠨᠠᠪᠠ 《ᠦᠬᠦᠵᠦ ᠲᠥᠷᠥᠯ ᠠᠷᠠᠯᠵᠢᠭᠰᠠᠨ ᠬᠣᠢᠨᠠ ᠪᠠᠨ ᠮᠠᠭᠤ ᠵᠠᠶᠠᠭᠠ ᠲᠠᠢ ᠬᠥᠮᠦᠨ ᠲᠠᠮᠤ ᠳ᠋ᠤ᠌ ᠤᠨᠠᠳᠠᠭ ᠶᠤᠮ᠃ ᠲᠡᠭᠡᠬᠦ ᠪᠡᠷ ᠲᠡᠷᠡ ᠣᠷᠣᠨ ᠢ᠋ ᠠᠮᠢᠳᠤ ᠰᠡᠷᠡᠭᠦᠨ ᠦᠶᠡ ᠳ᠋ᠡᠭᠡᠨ ᠦᠵᠡᠭᠰᠡᠨ ᠬᠥᠮᠦᠨ ᠨᠢᠭᠡ ᠴᠦ᠍ ᠦᠭᠡᠢ᠃ ᠪᠤᠶᠠᠨᠲᠠᠢ ᠵᠠᠷᠢᠮ ᠨᠢ ᠦᠬᠦᠭᠰᠡᠨ ᠬᠣᠢᠨᠠ ᠪᠠᠨ ᠴᠤ᠌ ᠦᠵᠡᠳᠡᠭ ᠦᠭᠡᠢ ᠵᠦᠢᠯ᠃ ᠡᠢᠮᠦ ᠶᠠᠭᠤᠮᠠ ᠶ᠋ᠢ ᠬᠡᠲᠦᠷᠬᠡᠢ ᠰᠣᠨᠢᠭᠤᠴᠢᠯᠠᠵᠤ ᠬᠡᠷᠡᠭ ᠦᠭᠡᠢ᠃ ᠶᠡᠷᠦ ᠨᠢ ᠪᠤᠷᠬᠠᠨ ᠤ᠋ ᠨᠣᠮ ᠳ᠋ᠤ᠌ ᠶᠠᠭᠠᠬᠢᠵᠤ ᠯᠠ ᠪᠢᠴᠢᠭᠰᠡᠨ ᠪᠠᠢᠨᠠ ᠪᠣᠢ᠂ ᠲᠡᠭᠦᠨ ᠢ᠋ ᠦᠭᠡ ᠳᠠᠭᠤ ᠦᠭᠡᠢ᠂ ᠡᠷᠡᠭᠡᠯᠵᠡᠨ ᠪᠣᠳᠣᠬᠤ ᠶᠠᠭᠤᠮᠠ ᠦᠭᠡᠢ ᠰᠢᠭᠤᠳ ᠯᠠ ᠰᠦᠰᠦᠭᠯᠡᠨ ᠳᠠᠭᠠᠬᠤ ᠤᠴᠢᠷᠲᠠᠢ᠃ ᠥᠴᠦᠬᠡᠨ ᠲᠡᠳᠦᠢ ᠡᠷᠡᠭᠡᠯᠵᠡᠨ ᠥᠭᠡᠷᠡ ᠶᠠᠭᠤᠮᠠ ᠪᠣᠳᠣᠵᠤ ᠡᠬᠢᠯᠡᠪᠡᠯ ᠪᠤᠷᠤᠭᠤ ᠳᠠᠪᠠᠭᠠ ᠪᠠᠷ ᠣᠷᠣᠵᠤ᠂ ᠪᠤᠷᠤᠭᠤ ᠨᠣᠮᠲᠠᠨ ᠤ᠋ ᠰᠦᠷᠦᠭ ᠲᠦ᠍ ᠨᠡᠢᠯᠡᠨᠡ᠃ ᠢᠯᠡᠭᠦᠦ ᠳᠤᠲᠠᠭᠤ ᠶᠤᠮ ᠪᠢᠲᠡᠭᠡᠢ ᠠᠰᠠᠭᠤᠵᠤ ᠪᠠᠢ᠃ ᠨᠢᠭᠦᠯ᠂ ᠠᠯᠳᠠᠰ》 ᠭᠡᠵᠦ ᠪᠠᠭᠰᠢ ᠨᠢ ᠲᠡᠭᠡᠬᠦ ᠳ᠋ᠦ᠍ ᠰᠤᠷᠭᠠᠨ ᠵᠢᠭᠠᠭᠰᠠᠨ ᠪᠢᠯᠡ᠃ ᠲᠡᠭᠦᠨ ᠡᠴᠡ ᠬᠣᠢᠰᠢ ᠢᠯᠡᠭᠦᠦ ᠳᠤᠲᠠᠭᠤ ᠶᠤᠮ ᠪᠠᠭᠰᠢ ᠠ᠋ᠴᠠ ᠪᠠᠨ ᠠᠰᠠᠭᠤᠬᠤ ᠪᠠᠨ ᠪᠦᠷ ᠪᠣᠯᠢᠵᠤ ᠪᠢᠯᠡ᠃
ᠥᠨᠥᠳᠥᠷ ᠦ᠋ᠨ ᠡᠨᠡ ᠨᠢᠭᠡᠨ ᠨᠠᠷᠠᠯᠠᠭ ᠥᠷᠯᠥᠭᠡ ᠶᠠᠭᠠᠬᠢᠭᠠᠳ ᠴᠤ᠌ ᠶᠤᠮ ᠪᠣᠢ᠂ ᠰᠠᠨᠵᠢ ᠶ᠋ᠢᠨ ᠰᠣᠨᠢᠭᠤᠴᠢ ᠰᠡᠳᠬᠢᠯ ᠳᠠᠬᠢᠨ ᠰᠡᠷᠭᠦᠵᠦ᠂ ᠡᠯᠳᠡᠪ ᠢ᠋ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠵᠠᠢ᠃ ᠶᠡᠷᠦ ᠨᠢ ᡀᠠᠰᠠ ᠳ᠋ᠤ᠌ ᠡᠷᠳᠡᠮ ᠰᠤᠷᠬᠤ ᠪᠠᠷ ᠢᠷᠡᠭᠰᠡᠨ ᠡᠴᠡ ᠬᠣᠢᠰᠢ ᠦᠶᠡ ᠦᠶᠡ ᠡᠢᠮᠦ ᠶᠠᠪᠤᠳᠠᠯ ᠲᠡᠭᠦᠨ ᠳ᠋ᠦ᠍ ᠲᠣᠬᠢᠶᠠᠯᠳᠤᠵᠤ ᠪᠠᠢᠯᠠ᠃ ᠲᠡᠷᠡ ᠪᠣᠯᠭᠠᠨ ᠳ᠋ᠤ᠌ ᠠᠰᠠᠭᠤᠯᠲᠠ ᠪᠣᠢ ᠪᠣᠯᠵᠤ᠂ ᠠᠰᠠᠭᠤᠯᠲᠠ ᠪᠠᠨ ᠲᠠᠯᠪᠢᠬᠤ ᠪᠦᠷᠢ ᠳ᠋ᠦ᠍ ᠪᠤᠷᠤᠭᠤᠳᠠᠵᠤ ᠪᠠᠢᠯᠠ᠃ 《ᠣᠳᠣ ᠪᠣᠳᠣᠬᠤ ᠨᠢ ᠲᠠᠩᠳᠠ ᠯᠠ ᠯᠠᠮᠠ ᠪᠠᠭᠰᠢ ᠨᠠᠷ ᠲᠤ᠌ ᠪᠠᠨ ᠠᠰᠠᠭᠤᠯᠲᠠ ᠲᠠᠯᠪᠢᠵᠤ ᠪᠤᠷᠤᠭᠤᠳᠠᠵᠤ ᠶᠠᠪᠤᠵᠠᠢ᠃ ᠶᠡᠷᠦ ᠨᠢ ᠵᠢᠩᠳᠠᠭᠠᠨ ᠤ᠋ ᠬᠢᠨ ᠳ᠋ᠦ᠍ ᠪᠡᠨ ᠲᠠᠯᠪᠢᠵᠤ ᠪᠣᠯᠳᠠᠭ ᠦᠭᠡᠢ ᠶᠦᠮ ᠤᠤ?》 ᠭᠡᠵᠦ ᠰᠠᠨᠵᠢ ᠪᠣᠳᠣᠪᠠ᠃ ᠨᠣᠮ᠂ ᠠᠮᠢᠳᠤᠷᠠᠯ ᠬᠣᠶᠠᠷ ᠵᠥᠷᠢᠶᠡᠲᠡᠢ ᠳ᠋ᠦ᠍ ᠭᠠᠢᠬᠠᠵᠠᠢ᠃
— ᠫᠠᠭᠰᠠᠩ ᠠᠨᠳᠤᠤ ᠴᠢᠮᠠ ᠳ᠋ᠤ᠌ ᠠᠰᠤᠷᠢ ᠶ᠋ᠢᠨ ᠣᠷᠣᠨ ᠤ᠋ ᠤᠩᠰᠢᠯᠭᠠ ᠲᠠᠭᠠᠷᠠᠵᠠᠢ᠃ ᠲᠡᠭᠡᠭᠡᠳ ᠴᠢ ᠬᠡᠵᠢᠶᠡ ᠠᠰᠤᠷᠢ ᠨᠠᠷ ᠲᠤ᠌ ᠪᠠᠨ ᠣᠴᠢᠬᠤ ᠶᠤᠮ ᠪᠣᠢ? ᠭᠡᠵᠦ ᠰᠠᠨᠵᠢ ᠲᠣᠬᠣᠭᠤᠷᠬᠠᠬᠤ ᠮᠠᠶᠢᠭᠲᠠᠢ ᠠᠰᠠᠭᠤᠯᠠ᠃ ᠫᠠᠭᠰᠠᠩ ᠭᠡᠳᠡᠭ ᠠᠨᠳᠤᠤ ᠨᠤᠲᠤᠭ ᠤ᠋ᠨ ᠲᠡᠷᠡ ᠲᠥᠪᠡᠳ ᠵᠠᠯᠠᠭᠤ ᠰᠠᠨᠵᠢ ᠶ᠋ᠢᠨ ᠦᠭᠡᠨ ᠳ᠋ᠦ᠍ ᠠᠰᠤᠷᠤ ᠶᠡᠬᠡ ᠠᠭᠤᠷᠯᠠᠨ ᠳᠤᠷᠠ ᠦᠭᠡᠢᠴᠡᠬᠦ ᠰᠢᠭ ᠪᠣᠯᠤᠯᠠ᠃ ᠤᠭ ᠠ᠋ᠴᠠ ᠪᠠᠨ ᠴᠤ᠌ ᠲᠡᠳᠡ ᠪᠡᠶᠡ ᠪᠠᠶᠠᠨ ᠳ᠋ᠤ᠌ ᠪᠠᠨ ᠲᠠᠯᠠ ᠥᠭᠴᠦ ᠰᠤᠷᠤᠭᠠ ᠦᠭᠡᠢ ᠪᠣᠯᠬᠣᠷ ᠡᠢᠮᠦ ᠬᠦᠢᠲᠡᠨ ᠦᠭᠡᠨ ᠡᠴᠡ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠬᠦᠷᠴᠦ ᠪᠣᠯᠤᠨᠠ ᠭᠡᠳᠡᠭ ᠢ᠋ ᠲᠣᠭᠠᠴᠠᠭᠠᠯᠠᠭᠰᠠᠨ ᠦᠭᠡᠢ ᠪᠡᠶᠡ ᠪᠡᠶᠡ ᠶ᠋ᠢ ᠦᠲᠦᠭᠰᠡᠨ ᠠᠵᠠᠢ᠃ ᠴᠣᠭᠰᠣᠩ ᠲᠡᠷᠡ ᠥᠳᠥᠯᠲᠡ ᠶ᠋ᠢ ᠨᠢ ᠠᠰᠢᠭᠯᠠᠨ᠂
— ᠠᠵᠠ ᠲᠠᠢ ᠯᠠ ᠡᠳᠦᠷ ᠪᠣᠯᠤᠭᠠᠳ ᠫᠠᠭᠰᠠᠩ ᠠᠨᠳᠤᠤ ᠳ᠋ᠤ᠌ ᠠᠰᠤᠷᠢ ᠨᠠᠷ ᠤ᠋ᠨ ᠪᠡᠯᠭᠡᠳᠡᠯ ᠲᠠᠭᠠᠷᠴᠢᠬᠠᠵᠠᠢ᠃ ᠲᠡᠭᠦᠨ ᠡᠴᠡ ᠪᠢᠰᠢ᠂ ᠲᠡᠭᠦᠨ ᠳ᠋ᠦ᠍ ᠮᠢᠨᠦᠬᠢ ᠰᠣᠯᠢᠭᠳᠠᠭᠠᠳ ᠣᠴᠢᠴᠢᠬᠠᠭᠰᠠᠨ ᠬᠡᠷᠡᠭ ᠪᠠᠢᠯ ᠦᠭᠡᠢ ᠭᠡᠵᠦ ᠶᠣᠵᠣᠯᠠᠪᠠ᠃ ᠰᠠᠨᠵᠢ ᠶ᠋ᠢᠨ ᠢᠨᠢᠶᠡᠳᠦ ᠬᠦᠷᠦᠯᠡ᠃ ᠰᠠᠨᠵᠢ ᠫᠠᠭ᠍ᠰᠠᠡᠭ ᠲᠦ᠍ ᠠᠰᠤᠷᠢ ᠨᠠᠷ ᠤ᠋ᠨ ᠤᠩᠰᠢᠯᠭᠠ᠂ ᠴᠣᠭ᠍ᠰᠠᠡᠭ ᠲᠦ᠍ ᠪᠢᠷᠢᠳ ᠨᠠᠷ ᠤ᠋ᠨ ᠪᠤᠶᠤ《ᠮᠧ》 ᠲᠠᠭᠠᠷᠴᠢᠬᠠᠭᠰᠠᠨ ᠳ᠋ᠤ᠌ ᠡᠭᠳᠡᠭᠦᠴᠡᠭᠰᠡᠨ ᠪᠠᠢᠯᠠ᠃
— ᠮᠢᠨᠦ ᠮᠥᠨ ᠴᠢᠨᠠᠷ ᠠᠰᠤᠷᠢ ᠶᠤᠮ ᠴᠢᠨᠢ ᠠᠷᠭᠠ ᠦᠭᠡᠢ ᠡᠨᠡ ᠤᠩᠰᠢᠯᠭᠠ ᠲᠠᠭᠠᠷᠠᠯᠠ᠃ ᠬᠠᠷᠢᠨ ᠰᠠᠨᠵᠢ ᠴᠢᠮᠠ ᠳ᠋ᠤ᠌ ᠬᠥᠮᠦᠨ ᠲᠡᠳᠦᠢ ᠡᠴᠡ ᠴᠠᠰᠢ ᠶᠠᠭᠤᠮᠠ ᠲᠠᠭᠠᠷᠠᠭᠰᠠᠨ ᠦᠭᠡᠢ᠃ ᠴᠣᠭᠰᠣᠩ ᠳ᠋ᠤ᠌ ᠪᠣᠯ ᠪᠦᠷ ᠪᠢᠷᠢᠳ ᠦ᠋ᠨ ᠤᠩᠰᠢᠯᠭᠠ ᠲᠣᠬᠢᠶᠠᠵᠤ ᠶᠠᠭ ᠯᠠ ᠰᠠᠪᠠ᠂ ᠰᠠᠪᠠᠨ ᠳ᠋ᠤ᠌ ᠪᠠᠨ ᠪᠠᠢᠭᠠ ᠶᠤᠮ ᠪᠢᠰᠢ ᠤᠤ? ᠭᠡᠵᠦ ᠫᠠᠭᠰᠠᠩ ᠭᠠᠰᠢᠭᠤᠨ ᠢ᠋ᠶ᠋ᠠᠷ ᠶᠣᠵᠣᠯᠠᠨ ᠬᠡᠯᠡᠪᠡ᠃ ᠡᠨᠡ ᠦᠭᠡ ᠲᠡᠷᠡ ᠨᠢᠭᠡᠨ ᠵᠢᠩᠳᠠᠭᠠᠨ ᠤ᠋ ᠬᠡᠳᠦᠨ ᠵᠠᠯᠠᠭᠤ ᠶ᠋ᠢᠨ ᠳᠤᠮᠳᠠ ᠳᠠᠷᠢ ᠠᠪᠤᠯᠴᠠᠭᠤᠯᠬᠤ ᠮᠡᠲᠦ ᠨᠥᠯᠥᠭᠡ ᠦᠵᠡᠭᠦᠯᠵᠡᠢ᠃ ᠬᠦᠷᠳᠦᠨ ᠳᠣᠲᠣᠷᠠ ᠲᠡᠳᠡ ᠵᠣᠳᠣᠯᠳᠤᠵᠤ ᠡᠬᠢᠯᠡᠪᠡ᠃ ᠲᠡᠳᠡᠨ ᠦ᠌ ᠵᠣᠳᠣᠭᠠᠨ ᠤ᠋ ᠬᠥᠯ ᠳ᠋ᠦ᠍ ᠴᠢᠷᠦᠭᠳᠡᠬᠦ ᠡᠴᠡ ᠪᠣᠯᠭᠣᠮᠵᠢᠯᠠᠵᠤ ᠬᠣᠶᠠᠷ ᠭᠤᠷᠪᠠᠨ ᠡᠪᠦᠭᠡᠳ ᠡᠮᠡᠭᠡᠳ ᠠᠷᠠᠢᠬᠢᠨ ᠭᠠᠳᠠᠭᠰᠢ ᠭᠠᠷᠤᠯᠠ᠃
ᠲᠠᠪᠤᠭᠤᠯᠠ ᠪᠠᠨ ᠪᠠᠢᠭᠰᠠᠨ ᠪᠥᠭᠡᠳ ᠰᠠᠨᠵᠢ᠂ ᠴᠣᠭᠰᠣᠩ ᠬᠣᠶᠠᠷ ᠨᠢᠭᠡ ᠲᠠᠯᠠ᠂ ᠨᠥᠭᠦᠭᠡ ᠳ᠋ᠦ᠍ ᠪᠤᠰᠤᠳ ᠨᠢ ᠣᠷᠣᠵᠤ ᠨᠢᠳᠤᠷᠭᠠᠯᠴᠠᠵᠤ ᠡᠬᠢᠯᠡᠪᠡ᠃ ᠬᠦᠷᠳᠦᠨ ᠳᠣᠲᠣᠷᠠ ᠢᠪᠴᠤᠤ ᠵᠠᠢ ᠦᠭᠡᠢ ᠲᠤᠯᠠ ᠪᠡᠶᠡᠰ ᠢ᠋ᠶ᠋ᠡᠨ ᠤᠨᠤᠬᠤ ᠠ᠋ᠴᠠ ᠡᠮᠦᠨᠡ ᠬᠦᠷᠳᠦᠨ ᠦ᠌ ᠮᠣᠳᠣᠨ ᠬᠠᠨᠠ ᠤᠷᠤᠭᠤ ᠴᠣᠬᠢᠵᠤ ᠭᠠᠷ ᠢ᠋ᠶ᠋ᠠᠨ ᠰᠢᠯᠪᠤᠯᠠᠬᠤ ᠨᠢ ᠢᠯᠡᠭᠦᠦ ᠲᠡᠢ ᠪᠠᠢᠯᠠ᠃ ᠲᠥᠪᠡᠳ ᠭᠠᠵᠠᠷ ᠨᠢᠳᠤᠷᠭᠠ ᠶ᠋ᠢᠨ ᠵᠣᠳᠣᠭᠠᠨ ᠶᠡᠬᠡ ᠳᠡᠯᠭᠡᠷᠡᠭᠰᠡᠨ ᠪᠣᠯᠬᠣᠷ ᠲᠡᠳᠡ ᠨᠣᠮ ᠰᠤᠷᠬᠤ ᠶ᠋ᠢᠨ ᠬᠠᠵᠠᠭᠤ ᠪᠠᠷ ᠲᠡᠭᠦᠨ ᠢ᠋ ᠴᠦ᠍ ᠪᠠᠰᠠ ᠰᠤᠷᠤᠭᠠᠳ ᠠᠪᠴᠠᠢ᠃ ᠰᠠᠨᠵᠢ ᠬᠦᠷᠳᠦᠨ ᠦ᠌ ᠪᠠᠷᠢᠭᠤᠯ ᠠ᠋ᠴᠠ ᠠᠳᠬᠤᠨ ᠠᠪᠲᠠᠯᠠ ᠲᠡᠷᠡ ᠨᠢ ᠮᠤᠯᠲᠤᠷᠠᠨ ᠢᠷᠡᠬᠦ ᠳ᠋ᠦ᠍ ᠲᠡᠭᠦᠪᠡᠷ ᠢ᠋ᠶ᠋ᠡᠨ ᠫᠠᠭᠰᠠᠩ ᠤ᠋ᠨ ᠰᠢᠨᠠ ᠤᠷᠤᠭᠤ ᠬᠥᠪᠰᠢᠵᠦ ᠣᠷᠬᠢᠪᠠ᠃ ᠲᠡᠭᠡᠲᠡᠯᠡ ᠫᠠᠭ᠍ᠰᠠᠡᠭ ᠱᠠᠯᠬᠠᠰᠬᠢᠨ ᠮᠠᠭᠤᠵᠢᠷᠠᠵᠤ ᠤᠨᠠᠯᠠ᠃ ᠡᠨᠡ ᠮᠥᠴᠡ ᠳ᠋ᠦ᠍ ᠯᠡ ᠲᠡᠳᠡ ᠶᠠᠮᠠᠷ ᠬᠡᠷᠡᠭ ᠲᠠᠷᠢᠭᠰᠠᠨ ᠢ᠋ᠶ᠋ᠠᠨ ᠤᠬᠠᠭᠠᠷᠠᠵᠤ ᠴᠥᠮ ᠦ᠋ᠨ ᠬᠢᠨᠢ ᠳᠣᠲᠣᠷᠠ ᠫᠠᠯᠬᠢᠵᠤ᠂ ᠬᠥᠰᠡᠷ ᠣᠢᠴᠢᠭᠰᠠᠨ ᠫᠠᠭᠰᠠᠩ ᠢ᠋ ᠡᠷᠭᠦᠨ ᠥᠨᠳᠡᠢᠯᠭᠡᠭᠡᠳ ᠵᠠᠢ ᠦᠭᠡᠢ ᠰᠢᠬᠠᠮ ᠬᠦᠷᠳᠦᠨ ᠡᠴᠡ ᠴᠢᠷᠬᠦ ᠲᠣᠭᠠᠨ ᠤ᠋ ᠭᠠᠷᠭᠠᠵᠤ ᠢᠷᠡᠪᠡ᠃ ᠲᠡᠭᠡᠲᠡᠯᠡ ᠴᠥᠮ ᠦ᠋ᠨ ᠨᠢ ᠲᠣᠯᠣᠭᠠᠢ ᠳ᠋ᠤ᠌ ᠰᠢᠭᠤᠳᠠᠢ ᠤᠭᠯᠠᠭᠳᠠᠵᠤ ᠶᠠᠭᠤ ᠴᠤ᠌ ᠦᠵᠡᠬᠦ ᠪᠡᠨ ᠪᠣᠯᠢᠪᠠ᠃ ᠭᠠᠷ ᠢ᠋ ᠨᠢ ᠬᠥᠮᠦᠰ ᠬᠦᠯᠢᠵᠦ ᠤᠭᠤᠴᠠ ᠨᠢᠷᠤᠭᠤ ᠤᠷᠤᠭᠤ ᠨᠢ ᠬᠠᠢᠷᠠ ᠨᠠᠢᠷ ᠦᠭᠡᠢ ᠴᠣᠬᠢᠯᠠᠵᠤ ᠨᠢᠭᠡᠨ ᠳᠠᠰᠢ ᠲᠦᠷᠢᠵᠦ ᠡᠬᠢᠯᠡᠪᠡ᠃ ᠲᠡᠳᠡᠨ ᠢ᠋ ᠵᠣᠳᠣᠯᠳᠤᠵᠤ ᠡᠬᠢᠯᠡᠬᠦ ᠶ᠋ᠢ ᠮᠡᠳᠡᠭᠡᠳ ᠨᠣᠮᠣᠬᠠᠳᠬᠠᠭᠴᠢᠳ ᠢᠷᠡᠭᠰᠡᠨ ᠨᠢ ᠲᠡᠷᠡ ᠠᠵᠢ᠃ ᠲᠣᠯᠣᠭᠠᠢ ᠳ᠋ᠤ᠌ ᠨᠢ ᠰᠢᠭᠤᠳᠠᠢ ᠡᠮᠦᠰᠬᠡᠭᠡᠳ ᠶᠠᠭᠤ ᠴᠤ᠌ ᠦᠵᠡᠬᠦ ᠦᠭᠡᠢ ᠪᠣᠯᠭᠠᠮᠠᠭᠴᠠ ᠭᠠᠷ ᠢ᠋ ᠨᠢ ᠬᠦᠯᠢᠵᠦ ᠬᠥᠮᠦᠨ ᠢ᠋ ᠪᠢᠷᠢᠪᠴᠢᠯᠠᠬᠤ ᠳ᠋ᠤ᠌ ᠪᠠᠨ ᠲᠥᠪᠡᠳ ᠦ᠋ᠳ ᠭᠠᠷᠮᠠᠭᠠᠢ ᠪᠢᠯᠡ᠃
— ᠭᠢᠨᠳᠠᠨ ᠤᠷᠤᠭᠤ ᠠᠪᠠᠴᠢ ! ᠪᠤᠷᠬᠠᠨ ᠤ᠋ ᠱᠠᠪᠢ ᠨᠠᠷ ᠪᠠᠢᠵᠤ᠂ ᠪᠤᠷᠬᠠᠨ ᠤ᠋ ᠰᠢᠲᠦᠭᠡᠨ ᠳᠣᠲᠣᠷᠠ ᠵᠣᠳᠣᠯᠳᠤᠳᠠᠭ ᠶᠠᠭᠠᠬᠢᠭᠰᠠᠨ ᠮᠠᠭᠤ ᠢᠷᠣᠠ ᠶ᠋ᠢᠨ ᠨᠢᠭᠦᠯᠲᠡᠨ ᠦ᠋ᠳ ᠪᠣᠢ? ᠭᠡᠵᠦ ᠬᠡᠨ ᠨᠢᠭᠡᠨ ᠬᠥᠮᠦᠨ ᠵᠠᠩᠨᠠᠵᠤ ᠪᠠᠢᠬᠤ ᠶ᠋ᠢ ᠰᠠᠨᠵᠢ ᠰᠣᠨᠣᠰᠤᠯᠠ《ᠫᠠᠭᠰᠠᠩ ᠶᠠᠭᠤ ᠪᠣᠯᠤᠭᠰᠠᠨ ᠪᠣᠯ᠂ ᠠᠷᠠᠢ ᠴᠢᠩᠭᠠᠳᠠᠭᠤᠯᠴᠢᠬᠠᠯᠠ》 ᠭᠡᠵᠦ ᠰᠠᠡᠭᠵᠢ ᠳᠣᠲᠣᠷᠠ ᠪᠠᠨ ᠬᠠᠷᠠᠮᠰᠠᠨ ᠪᠣᠳᠣᠯᠠ᠃
— ᠦᠬᠦᠳᠡᠯ ᠢ᠋ ᠠᠪᠤᠭᠠᠳ ᠶᠠᠪᠤ! ᠭᠡᠵᠦ ᠨᠥᠭᠥᠭᠡᠬᠢ ᠬᠥᠮᠦᠨ ᠲᠤᠰᠢᠶᠠᠵᠤ ᠪᠠᠢᠬᠤ ᠶ᠋ᠢ ᠰᠣᠨᠣᠰᠤᠭᠠᠳ ᠰᠠᠨᠵᠢ ᠶ᠋ᠢᠨ ᠳᠣᠲᠣᠷᠠ ᠫᠠᠯ ᠬᠢᠵᠡᠢ᠃ ᠫᠠᠭᠰᠠᠩ ᠢ᠋ ᠦᠬᠦᠵᠡᠢ ᠭᠡᠵᠦ ᠪᠣᠳᠣᠬᠤ ᠳ᠋ᠤ᠌ ᠲᠤᠢᠯ ᠤ᠋ᠨ ᠶᠡᠬᠡ ᠪᠡᠷ ᠬᠠᠷᠠᠮᠰᠠᠨ ᠭᠡᠮᠰᠢᠯᠡ᠃ ᠨᠢᠭᠦᠯ ᠬᠢᠭᠰᠡᠨ ᠢ᠋ᠶ᠋ᠡᠨ ᠤᠬᠠᠭᠠᠷᠠᠯᠠ᠃ ᠲᠡᠳᠡᠨ ᠢ᠋ ᡀᠠᠰᠠ ᠶ᠋ᠢᠨ ᠭᠢᠨᠳᠠᠨ ᠳ᠋ᠤ᠌ ᠲᠡᠷᠡ ᠳᠠᠷᠤᠢ ᠬᠦᠷᠭᠡᠪᠡ᠃ ᠲᠣᠯᠣᠭᠠᠢ ᠳ᠋ᠤ᠌ ᠨᠥᠮᠥᠷᠭᠡᠭᠰᠡᠨ ᠲᠠᠭᠠᠷ ᠤᠭᠤᠲᠠ ᠶ᠋ᠢ ᠠᠪᠬᠤ ᠳ᠋ᠤ᠌ ᠨᠢ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ ᠠᠵᠢᠭᠯᠠᠪᠠᠯ ᠴᠢᠭᠢᠭ ᠬᠠᠩᠬᠤᠯᠤᠭᠰᠠᠨ ᠪᠦᠭᠴᠢᠮ ᠬᠠᠷᠠᠩᠭᠤᠢ ᠴᠢᠯᠠᠭᠤᠨ ᠨᠦᠬᠡ ᠰᠢᠭ ᠶᠠᠭᠤᠮᠠᠨ ᠳ᠋ᠤ᠌ ᠲᠡᠳᠡᠨ ᠢ᠋ ᠬᠢᠴᠢᠬᠡᠵᠡᠢ᠃ ᠡᠷᠭᠢᠨ ᠲᠣᠭᠣᠷᠢᠨ ᠳ᠋ᠤ᠌ ᠶᠠᠭᠤ ᠴᠤ᠌ ᠪᠠᠢᠭᠰᠠᠨ ᠦᠭᠡᠢ᠃ ᠳᠡᠪᠢᠰᠬᠡᠷ ᠴᠦ᠍ ᠦᠭᠡᠢ ᠬᠣᠩᠭᠢᠯ ᠪᠠᠢᠵᠠᠢ ᠃ ᠬᠠᠷᠢᠨ ᠲᠡᠳᠡᠨ ᠢ᠋ ᠴᠥᠮ ᠢ᠋ ᠨᠢ ᠨᠢᠭᠡ ᠳᠣᠣᠷᠠ ᠣᠷᠣᠭᠤᠯᠤᠭᠰᠠᠨ ᠨᠢ ᠵᠣᠯ ᠪᠠᠢᠯᠠ᠃ ᠲᠡᠳᠡ ᠬᠡᠰᠡᠭ ᠴᠢᠮᠡᠭᠡ ᠦᠭᠡᠢ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠂
— ᠫᠠᠭᠰᠠᠩ ᠠᠨᠳᠤᠤ ᠶᠠᠭᠠᠬᠢᠭᠰᠠᠨ ᠪᠣᠯ? ᠭᠡᠵᠦ ᠰᠠᠨᠵᠢ ᠰᠠᠨᠠᠭᠠ ᠵᠣᠪᠠᠬᠤ ᠶ᠋ᠢᠨ ᠡᠷᠬᠡ ᠪᠡᠷ ᠠᠰᠠᠭᠤᠯᠠ᠃
— ᠪᠤᠤ ᠮᠡᠳᠡ! ᠭᠡᠵᠦ ᠪᠠᠷᠤᠭ ᠯᠠ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠭᠠᠢᠬᠠᠨ ᠡᠷᠡᠭᠡᠯᠵᠡᠯᠡ᠃
— ᠦᠬᠦᠭᠰᠡᠨ ᠪᠠᠢᠬᠠ ᠠ᠋! ᠦᠬᠦᠳᠡᠯ ᠢ᠋ ᠠᠪᠠᠴᠢ ! ᠭᠡᠵᠦ ᠪᠠᠢᠬᠤ ᠶ᠋ᠢ ᠪᠢ ᠰᠣᠨᠣᠰᠤᠭᠰᠠᠨ! ᠭᠡᠵᠦ ᠴᠣᠭᠰᠣᠩ ᠬᠡᠯᠡᠪᠡ᠃ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠠᠷᠠᠮᠰᠠᠨ ᠬᠢᠮᠤᠷᠠᠯᠠ᠃
— ᠦᠬᠦᠭᠰᠡᠨ ᠪᠣᠯ ᠰᠠᠨᠵᠢ ᠴᠢ ᠯᠡ ᠠᠯᠠᠭᠰᠠᠨ ᠳᠠ᠃ ᠨᠠᠮᠠᠶ᠋ᠢ ᠬᠠᠷᠠᠭᠰᠠᠭᠠᠷ ᠪᠠᠢᠲᠠᠯᠠ ᠰᠢᠨᠡ ᠤᠷᠤᠭᠤ ᠨᠢ ᠴᠢ ᠬᠦᠷᠳᠦᠨ ᠦ᠌ ᠪᠠᠷᠢᠭᠤᠯ ᠮᠣᠳᠣ ᠪᠠᠷ ᠭᠥᠪᠰᠢᠴᠢᠬᠡᠭᠰᠡᠨ ᠰᠢᠦ ᠳᠡ! ᠭᠡᠪᠡ᠃
— ᠲᠡᠭᠡᠬᠦ ᠨᠢ ᠴᠦ᠍ ᠲᠡᠭᠡᠭᠰᠡᠨ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠠᠶᠠᠷᠬᠠᠨ ᠯᠠ ᠴᠣᠬᠢᠬᠤ ᠰᠢᠭ᠋ ᠪᠣᠯᠤᠭᠰᠠᠨ ᠳᠠ᠃ ᠠᠷᠠᠢ ᠦᠬᠦᠴᠢᠬᠡᠮᠡᠷ ᠦᠭᠡᠢ ᠶᠦᠮ ᠭᠡᠵᠦ ᠰᠠᠨᠵᠢ ᠭᠠᠢᠬᠠᠵᠠᠨᠠᠪᠠ᠃
— ᠠᠨᠳᠤᠤ ᠶ᠋ᠢᠨ ᠫᠠᠭ᠍ᠰᠠᠡᠭ ᠪᠠᠢᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠪᠣᠯ ᠰᠠᠨᠵᠢ ᠴᠢ ᠯᠡ ᠲᠥᠪᠡᠳ ᠲᠦ᠍ ᠶᠠᠰᠤ ᠪᠠᠨ ᠲᠠᠯᠪᠢᠨᠠ ᠳᠠ ᠭᠡᠵᠦ ᠴᠣᠭᠰᠣᠩ ᠬᠡᠯᠡᠪᠡ᠃
— ᠨᠡᠭᠡᠷᠡᠨ ᠯᠡ ᠲᠡᠭᠡᠨᠡ ᠳᠡ! ᠭᠡᠵᠦ ᠰᠠᠨᠵᠢ ᠰᠡᠭᠦᠷᠡᠰᠦ ᠠᠯᠲᠠᠨ ᠭᠤᠨᠢᠭᠲᠠᠶᠠ ᠥᠭᠦᠯᠡᠯᠡ᠃
— ᠵᠠ ᠡᠢᠮᠦ ᠮᠠᠭᠤ ᠶᠠᠭᠤᠮᠠ ᠵᠥᠩᠨᠡᠬᠦ ᠪᠡᠨ ᠪᠣᠯᠢᠶᠠ᠃ ᠥᠭᠡᠷᠡ ᠶᠠᠭᠤᠮᠠ ᠶᠠᠷᠢᠵᠠᠭᠠᠶᠠ ᠭᠡᠵᠦ ᠨᠢᠭᠡ ᠨᠥᠬᠥᠷ ᠨᠢ ᠲᠡᠳᠡᠨ ᠦ᠌ ᠰᠡᠳᠬᠢᠯ ᠢ᠋ ᠵᠠᠰᠠᠬᠤ ᠦᠭᠡ ᠬᠡᠯᠡᠬᠦ ᠳ᠋ᠦ᠍ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠡᠭᠡᠭᠡ ᠠᠪᠴᠤ ᠬᠡᠰᠡᠭ ᠵᠠᠭᠤᠷᠠ ᠳᠠᠭᠤ ᠦᠭᠡᠢ ᠰᠠᠭᠤᠵᠠᠭᠠᠯᠠ᠃ ᠬᠠᠵᠠᠭᠤ ᠶ᠋ᠢᠨ ᠱᠣᠷᠣᠩ ᠳ᠋ᠤ᠌ ᠬᠡᠨ ᠨᠢᠭᠡ ᠶ᠋ᠢ ᠲᠠᠷᠴᠢᠯᠠᠭᠠᠨ ᠵᠣᠪᠠᠭᠠᠵᠤ ᠪᠠᠢᠭᠠ ᠪᠣᠯᠤᠯᠲᠠᠢ ᠮᠠᠭᠤᠬᠠᠢ ᠴᠢᠷᠠᠯᠠᠬᠤ ᠳᠠᠭᠤᠨ ᠰᠣᠨᠣᠰᠤᠭᠳᠠᠯᠠ᠃ ᠲᠡᠳᠡ ᠴᠣᠴᠢᠷᠳᠠᠨ ᠭᠠᠢᠬᠠᠯᠠ᠃ ᠤᠷᠢᠳᠤ ᠡᠮᠦᠨᠡ ᠨᠢ ᠭᠢᠨᠳᠠᠨ ᠳ᠋ᠤ᠌ ᠰᠠᠭᠤᠵᠤ ᠪᠠᠢᠭᠠ ᠦᠭᠡᠢ ᠪᠣᠯᠬᠣᠷ ᠲᠡᠳᠡᠨ ᠳ᠋ᠦ᠍ ᠡᠨᠡ ᠰᠢᠨᠡ ᠣᠷᠴᠢᠨ ᠶᠡᠬᠡ ᠯᠡ ᠠᠶᠠᠭᠦᠢ ᠪᠠᠢᠯᠠ᠃ ᠬᠠᠵᠠᠭᠤ ᠶ᠋ᠢᠨ ᠱᠣᠷᠣᠩ ᠠ᠋ᠴᠠ ᠴᠢᠷᠠᠯᠠᠬᠤ ᠳᠠᠭᠤᠨ ᠨᠢᠭᠡ ᠦᠶᠡ ᠴᠢᠩᠭᠠᠷᠠᠵᠤ᠂ ᠨᠢᠭᠡ ᠦᠶᠡ ᠰᠤᠯᠠᠷᠠᠵᠤ ᠰᠣᠨᠣᠰᠤᠭᠳᠠᠭᠰᠠᠭᠠᠷ ᠪᠠᠢᠯᠠ᠃
— ᠪᠢᠳᠡᠨ ᠢ᠋ ᠪᠠᠰᠠ ᠯᠠ ᠢᠩᠭᠢᠬᠦ ᠪᠠᠢᠬᠤ ᠳᠠ ᠭᠡᠵᠦ ᠬᠡᠨ ᠨᠢᠭᠡ ᠨᠢ ᠬᠡᠯᠡᠪᠡ᠃
— ᠯᠠᠪ ᠯᠠ ᠳᠠᠪᠤᠰᠤ ᠲᠠᠢ ᠰᠠᠪᠠᠭᠠ ᠪᠠᠷ ᠳᠠᠯᠠᠨ ᠲᠠᠪᠤ ᠰᠠᠪᠠᠭᠤᠯᠬᠤ ᠲᠡᠢᠮᠦ ᠳᠠᠢᠯᠠᠯᠭᠠᠨ ᠳ᠋ᠤ᠌ ᠨᠣᠷᠣᠬᠣ ᠪᠣᠢ ᠭᠡᠵᠦ ᠨᠢᠭᠡ ᠨᠢ ᠱᠣᠭᠯᠠᠪᠠ᠃
— ᠲᠣᠬᠣᠭᠤᠷᠬᠠᠯᠲᠠ ᠦᠭᠡᠢ ᠦᠨᠡᠨ ᠳᠡ᠃ ᠵᠥᠪᠬᠡᠨ ᠯᠠᠴᠢᠰᠠ ᠶ᠋ᠢᠨ ᠬᠠᠭᠠᠯᠭᠠ ᠪᠠᠷ ᠭᠡᠮ ᠪᠤᠷᠤᠭᠤ ᠦᠭᠡᠢ ᠮᠥᠷᠲᠡᠭᠡᠨ ᠱᠠᠭᠠᠢᠭᠰᠠᠨ ᠬᠥᠮᠦᠨ ᠢ᠋ ᠯᠡ ᠠᠷᠪᠠᠨ ᠳᠥᠷᠪᠡ ᠡᠴᠡ ᠳᠣᠭᠣᠭᠰᠢ ᠦᠭᠡᠢ ᠰᠠᠪᠠᠭᠠᠳᠠᠭᠠᠳ ᠳᠠᠷᠠᠭᠠ ᠨᠢ ᠬᠡᠷᠡᠭ ᠵᠣᠷᠢᠭ ᠢ᠋ ᠠᠰᠠᠭᠤᠳᠠᠭ ᠰᠢᠦ ᠳᠡ᠃ ᠭᠡᠲᠡᠯᠡ ᠪᠢᠳᠡ ᠶᠠᠭᠠᠬᠢᠭᠰᠠᠨ ᠪᠣᠢ? ᠬᠦᠷᠳᠦᠨ ᠳ᠋ᠦ᠍ ᠵᠣᠳᠣᠯᠳᠤᠭᠰᠠᠨ᠃ ᠪᠠᠰᠠ ᠠᠶᠠᠭᠦᠢ ᠪᠣᠯ ᠨᠢᠭᠡ ᠶ᠋ᠢ ᠪᠡᠨ ᠠᠯᠠᠭᠰᠠᠨ᠁
— ᠳᠡᠮᠡᠢ ᠶᠠᠭᠤᠮᠠᠨ ᠠ᠋ᠴᠠ ᠮᠠᠷᠭᠤᠯᠳᠤᠭᠰᠠᠨ ᠳᠠ ᠃ ᠬᠡᠨ ᠳ᠋ᠦ᠍ ᠶᠠᠮᠠᠷ ᠮᠠᠨᠢ ᠨᠣᠭᠳᠠᠭᠰᠠᠨ ᠶᠤᠮ ᠫᠠᠳ ᠦᠭᠡᠢ ᠶᠠᠭᠤᠮᠠ ᠪᠠᠢᠭᠰᠠᠨ ᠯᠠ ᠳᠠ᠃
— ᠫᠠᠭ᠍ᠰᠠᠡᠭ ᠠᠨᠳᠤᠤ ᠦᠬᠦᠴᠢᠬᠡᠭᠰᠡᠨ ᠪᠣᠯ ᠶᠠᠭᠠᠬᠢᠨᠠ !
— ᠲᠡᠷᠡ ᠤᠤᠯ ᠨᠢ ᠭᠦᠵᠢᠷᠮᠡᠭ ᠮᠣᠩᠭᠣᠯ ᠮᠠᠶᠢᠭ ᠤ᠋ᠨ ᠡᠷᠡ ᠶᠤᠮᠰᠠᠨ᠃
— ᠰᠡᠬᠡᠵᠦ ᠯᠡ ᠦᠵᠡᠭᠡᠰᠡᠢ ᠪᠢᠯᠡ᠃ ᠶᠠᠮᠠᠷ ᠰᠠᠢᠨ ᠪᠠᠢᠬᠤ ᠪᠣᠢ?
— ᠥᠯᠥᠰᠴᠦ ᠡᠬᠢᠯᠡᠯᠡ ᠭᠡᠬᠦᠴᠢᠯᠡᠨ ᠲᠡᠳᠡ ᠬᠣᠭᠣᠷᠣᠨᠳᠣ ᠪᠠᠨ ᠵᠠᠪᠰᠠᠷ ᠵᠠᠢ ᠦᠭᠡᠢ ᠶᠠᠷᠢᠵᠠᠭᠠᠯᠠ᠃ ᠥᠭᠡᠷᠡ ᠬᠢᠬᠦ ᠠᠵᠢᠯ ᠦᠭᠡᠢ ᠶᠦᠮ ᠪᠣᠯᠬᠣᠷ ᠶᠠᠷᠢᠬᠤ ᠲᠡᠩᠬᠡᠭᠡ ᠪᠡᠨ ᠲᠠᠰᠤᠷᠠᠬᠤ ᠬᠦᠷᠲᠡᠯᠡ ᠦᠭᠡ ᠰᠣᠯᠢᠵᠠᠭᠠᠬᠤ ᠪᠣᠯᠤᠯᠴᠠᠭᠠ ᠲᠠᠢ ᠪᠠᠢᠯᠠ᠃
— ᠦᠭᠡᠢ ᠶᠡᠷᠦ ᠠ᠋᠃ ᠡᠨᠳᠡ ᠴᠢᠨᠢ ᠪᠠᠰᠠ ᠨᠢᠭᠡ ᠬᠦᠷᠳᠦ ᠪᠠᠢᠵᠤ ᠪᠠᠢᠳᠠᠭ ᠶᠠᠭᠤᠮᠠ ᠭᠡᠵᠦ ᠴᠣᠭᠰᠣᠩ ᠭᠡᠨᠡᠳᠲᠡ ᠬᠡᠯᠡᠪᠡ᠃ ᠲᠡᠳᠡ ᠭᠠᠢᠬᠠᠨ ᠠᠵᠢᠭᠯᠠᠪᠠᠯ ᠱᠣᠷᠣᠩ ᠤ᠋ᠨ ᠬᠠᠷᠠᠩᠭᠤᠢ ᠮᠤᠬᠤᠷ ᠬᠠᠨᠠᠨ ᠳ᠋ᠤ᠌ ᠬᠣᠩᠬᠣᠷᠬᠠᠢ ᠭᠠᠷᠭᠠᠭᠠᠳ ᠳᠡᠭᠡᠷᠡ ᠨᠢ ᠪᠢᠴᠢᠬᠠᠨ ᠵᠡᠰ ᠬᠦᠷᠳᠦ ᠲᠠᠯᠪᠢᠭᠰᠠᠨ ᠪᠠᠢᠬᠤ ᠶ᠋ᠢ ᠦᠵᠡᠵᠡᠭᠡᠵᠦ ᠲᠡᠳᠡ ᠭᠠᠢᠬᠠᠯᠠ᠃
— ᠭᠢᠨᠳᠠᠨ ᠳ᠋ᠤ᠌ ᠬᠦᠷᠲᠡᠯᠡ ᠬᠦᠷᠳᠦ ᠪᠠᠢᠬᠤ ᠳ᠋ᠤ᠌ ᠴᠤ᠌ ᠪᠤᠷᠬᠠᠨ ᠤ᠋ ᠨᠣᠮ ᠢ᠋ ᠪᠢᠳᠡ ᠶᠠᠭᠠᠬᠢᠵᠤ ᠮᠠᠷᠲᠠᠬᠤ ᠪᠣᠢ? ᠡᠨᠳᠡ ᠪᠠᠰᠠ ᠯᠠ ᠬᠦᠷᠳᠦ ᠡᠷᠭᠢᠭᠦᠯᠵᠦ ᠪᠣᠯᠳᠠᠭ ᠪᠠᠢᠵᠠᠢ᠃
— ᠣᠳᠣ ᠡᠭᠦᠨ ᠢ᠋ ᠴᠢᠨᠢ ᠡᠷᠭᠢᠭᠦᠯᠵᠦ ᠯᠡ ᠵᠤᠭᠠ ᠶ᠋ᠢ ᠪᠡᠨ ᠭᠠᠷᠭᠠᠵᠠᠭᠠᠶᠠ ᠳᠠ!
— ᠳᠠᠬᠢᠭᠠᠳ ᠵᠣᠳᠣᠭᠠᠨ ᠡᠭᠦᠰᠬᠦ ᠶ᠋ᠢᠨ ᠨᠡᠮᠡᠷᠢ᠃ ᠪᠣᠯᠢᠶᠠ ᠲᠠ ᠮᠢᠨᠢ ! ᠭᠡᠵᠦ ᠲᠡᠳᠡ ᠶᠠᠷᠢᠵᠠᠭᠠᠯᠠ᠃
ᠲᠥᠪᠡᠳ ᠭᠠᠵᠠᠷ ᠬᠠᠮᠤᠭ ᠤ᠋ᠨ ᠡᠯᠪᠡᠭ ᠶᠠᠭᠤᠮᠠᠨ ᠤ᠋ ᠨᠢᠭᠡ ᠨᠢ ᠬᠦᠷᠳᠦ ᠪᠣᠯᠤᠨᠠ᠃ ᠥᠴᠦᠬᠡᠨ ᠵᠢᠵᠢᠭ ᠡᠴᠡ ᠡᠬᠢᠯᠡᠭᠡᠳ ᠠᠰᠤᠷᠤ ᠲᠣᠮᠣ ᠶ᠋ᠢ ᠬᠦᠷᠲᠡᠯᠡ ᠮᠣᠳᠣᠨ ᠠ᠋ᠴᠠ ᠡᠬᠢᠯᠡᠭᠡᠳ ᠵᠡᠰ᠂ ᠭᠠᠤᠯᠢ᠂ ᠮᠥᠩᠭᠥ ᠠᠯᠲᠠᠨ ᠬᠦᠷᠲᠡᠯᠡ ᠬᠦᠷᠳᠦ ᠪᠣᠢ ᠪᠢᠯᠡ᠃ ᠲᠡᠳᠡᠨ ᠢ᠋ ᠭᠠᠷ ᠢ᠋ᠶ᠋ᠠᠷ ᠢᠮᠡᠷᠦᠨ ᠡᠷᠭᠢᠭᠦᠯᠵᠦ᠂ ᠮᠠᠨᠢ ᠮᠡᠭᠵᠡᠮ ᠤᠩᠰᠢᠬᠤ ᠬᠦᠨᠳᠦ ᠠᠵᠢᠯ ᠢ᠋ ᠬᠥᠩᠭᠡᠯᠡᠳᠡᠭ ᠪᠣᠯᠤᠨᠠ᠃ ᠤᠩᠰᠢᠯᠭᠠ ᠶ᠋ᠢ ᠲᠦᠷᠭᠡᠳᠬᠡᠨ ᠬᠥᠩᠭᠡᠪᠴᠢᠯᠡᠭᠰᠡᠨ ᠬᠡᠷᠡᠭ᠃ ᠭᠡᠪᠡᠴᠦ ᠪᠠᠰᠠ ᠤᠰᠤᠨ ᠬᠦᠷᠳᠦ ᠂ ᠰᠠᠯᠬᠢᠨ ᠬᠦᠷᠳᠦ ᠵᠣᠬᠢᠶᠠᠵᠠᠢ᠃ ᠤᠷᠤᠰᠬᠠᠯ ᠤᠰᠤᠨ ᠤ᠋ ᠬᠦᠴᠦ ᠪᠡᠷ ᠲᠡᠭᠡᠷᠮᠡ ᠠᠳᠠᠯᠢ ᠡᠷᠭᠢᠵᠦ ᠪᠠᠢᠩᠭᠤ ᠬᠥᠳᠡᠯᠭᠡᠭᠡᠨ ᠳ᠋ᠦ᠍ ᠣᠷᠣᠰᠢᠬᠤ ᠬᠦᠷᠳᠦ᠂ ᠪᠠᠰᠠ ᠬᠠᠪᠲᠠᠭᠠᠢ ᠳᠠᠪᠤᠤ ᠳᠡᠭᠡᠷᠡ ᠣᠯᠠᠨ ᠵᠠᠭᠤᠨ ᠮᠠᠨᠢ ᠪᠢᠴᠢᠭᠡᠳ ᠳᠠᠷᠴᠠᠭ ᠠᠳᠠᠯᠢ ᠰᠠᠯᠬᠢᠨ ᠳ᠋ᠤ᠌ ᠬᠡᠢᠰᠬᠡᠵᠦ ᠪᠠᠢᠳᠠᠭ ᠰᠠᠯᠬᠢᠨ ᠤ᠋ ᠬᠦᠷᠳᠦ ᠪᠣᠢ᠃ ᠲᠥᠪᠡᠳ ᠦ᠋ᠨ ᠲᠦᠷᠭᠡᠨ ᠤᠷᠤᠰᠬᠠᠯᠲᠤ ᠭᠣᠣᠯ ᠤ᠋ᠳ ᠳᠡᠭᠡᠷᠡ᠂ ᠰᠠᠯᠬᠢᠨ ᠵᠠᠮ ᠪᠣᠯᠤᠭᠰᠠᠨ ᠤᠤᠯ ᠤ᠋ᠨ ᠬᠥᠨᠳᠡᠢ᠂ ᠰᠢᠪᠡᠷ᠂ ᠳᠠᠭᠵᠠ᠂ ᠰᠠᠷᠯᠤᠭ ᠤ᠋ᠨ ᠰᠡᠪᠡᠭ ᠦ᠋ᠨ ᠪᠠᠨᠠᠭ ᠤ᠋ᠨ ᠣᠷᠣᠢ ᠳᠡᠭᠡᠷᠡ ᠲᠡᠷᠡ ᠬᠦ᠌ ᠬᠦᠷᠳᠦᠨ ᠨᠦ᠍ᠭᠦᠳ ᠲᠡᠢ ᠣᠯᠠᠨᠲᠠ ᠲᠣᠬᠢᠶᠠᠯᠳᠤᠵᠤ ᠪᠣᠯᠤᠨᠠ᠃ ᠲᠡᠷᠡ ᠪᠦᠬᠦᠨ ᠳᠡᠭᠡᠷᠡ ᠡᠴᠡ 《ᠣᠮ ᠮᠠ ᠨᠢ ᠪᠠᠳ ᠮᠧ ᠬᠣᠮ 》ᠪᠤᠶᠤ 《ᠲᠩᠷᠢ᠂ ᠠᠰᠤᠷᠢ᠂ ᠬᠥᠮᠦᠨ᠂ ᠠᠳᠤᠭᠤᠰᠤ᠂ ᠪᠢᠷᠢᠳ᠂ ᠲᠠᠮᠤ》 ᠭᠡᠰᠡᠨ ᠦᠭᠡᠰ ᠢ᠋ ᠯᠡ ᠤᠩᠰᠢᠵᠤ ᠪᠣᠯᠤᠨᠠ᠃
— ᠡᠨᠡ ᠭᠢᠨᠳᠠᠨ ᠳ᠋ᠤ᠌ ᠠᠬᠠ ᠮᠠᠨᠢ ᠪᠡᠶᠡ ᠪᠠᠷᠠᠭᠰᠠᠨ ᠶᠤᠮ ᠳᠠ᠂ ᠬᠥᠭᠡᠷᠦᠬᠦᠢ! ᠭᠡᠵᠦ ᠲᠦᠷᠦᠭᠦᠨ ᠡᠴᠡ ᠬᠣᠢᠰᠢ ᠳᠠᠭᠤ ᠦᠭᠡᠢ ᠰᠠᠭᠤᠭᠰᠠᠨ ᠫᠠᠭᠪᠠ ᠳᠠᠭᠤ ᠠᠯᠳᠠᠪᠠ᠃ ᠡᠨᠡ ᠦᠭᠡ ᠴᠥᠮ ᠦ᠋ᠨ ᠬᠢᠨᠢ ᠰᠡᠳᠬᠢᠯ ᠢ᠋ ᠬᠥᠨᠳᠡᠵᠡᠢ᠃ ᠴᠣᠴᠢᠷᠳᠠᠨ ᠭᠠᠢᠬᠠᠭᠰᠠᠨ ᠨᠠᠢᠵᠠ ᠨᠠᠷ ᠨᠢ ᠵᠣᠪᠠᠨᠢᠪᠠ᠃
— ᠶᠠᠭᠠᠬᠢᠭᠠᠳ ᠡᠨᠳᠡ ᠨᠠᠰᠤ ᠪᠠᠷᠠᠭᠰᠠᠨ ᠶᠤᠮ ᠪᠣᠢ? ᠭᠡᠵᠦ ᠴᠣᠭᠰᠣᠩ ᠭᠠᠢᠬᠠᠨ ᠠᠰᠠᠭᠤᠯᠠ᠃ ᠫᠠᠭᠪᠠ ᠰᠠᠨᠠᠭᠠ ᠠᠯᠲᠠᠨ᠂
— ᠪᠢᠷᠢᠳ ᠲᠦ᠍ ᠪᠠᠷᠢᠭᠳᠠᠵᠤ ᠦᠬᠦᠭᠰᠡᠨ ᠶᠦᠮ ᠭᠡᠨᠡ ᠯᠠᠢ ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠴᠣᠴᠢᠯᠠ᠃ ᠡᠨᠳᠡ ᠪᠢᠷᠢᠳ ᠪᠠᠢᠭᠠ ᠶᠤᠮ ᠭᠡᠵᠦ ᠰᠠᠨᠠᠭᠰᠠᠨ ᠦᠭᠡᠢ᠃
— ᠶᠠᠭᠠᠬᠢᠭᠠᠳ?
— ᠶᠠᠭᠠᠬᠢᠬᠤ ᠪᠣᠢ ? ᠲᠡᠷᠡ ᠯᠠ ᠬᠦᠷᠳᠦᠨ ᠦ᠌ ᠴᠠᠭᠠᠬᠠᠨᠠ ᠥᠨᠴᠥᠭ ᠡᠴᠡ ᠬᠡᠳᠦᠨ ᠲᠦᠮᠡᠨ ᠳ᠋ᠢᠭᠪᠠᠷᠠᠨᠵᠠ᠂ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠭᠠᠷᠴᠤ ᠢᠷᠡᠭᠰᠡᠨ ᠶᠦᠮ ᠭᠡᠨᠡ ᠯᠠᠢ ᠃ ᠠᠬᠠ ᠶ᠋ᠢ ᠮᠠᠨᠢ ᠴᠢᠷᠠᠮᠠᠨ ᠨᠢᠴᠦᠭᠦᠯᠡᠭᠡᠳ ᠭᠠᠭᠴᠠᠭᠠᠷ ᠢ᠋ ᠨᠢ ᠡᠨᠡ ᠭᠢᠨᠳᠠᠨ ᠳ᠋ᠤ᠌ ᠬᠠᠶᠠᠴᠢᠬᠠᠭᠰᠠᠨ ᠶᠤᠮ ᠭᠡᠳᠡᠭ᠃ ᠲᠡᠭᠡᠭᠡᠳ ᠲᠡᠷᠡ ᠣᠯᠠᠨ ᠥᠯᠥᠰᠬᠦᠯᠡᠩ ᠳ᠋ᠢᠭᠪᠠᠷᠠᠨᠵᠠ᠂ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠨᠤᠭᠤᠳ ᠠᠬᠠ ᠶ᠋ᠢ ᠮᠢᠨᠢ ᠠᠮᠢᠳᠤ ᠪᠠᠷ ᠨᠢ ᠰᠣᠷᠣᠵᠤ ᠳᠠᠭᠤᠰᠬᠠᠭᠰᠠᠨ ᠶᠤᠮ ᠭᠡᠨᠡ ᠯᠠᠢ᠃
— ᠶᠠᠭᠠᠬᠢᠭᠠᠳ ᠲᠡᠢᠮᠦ ᠣᠯᠠᠨ ᠬᠣᠷᠣᠬᠠᠢ ᠰᠢᠪᠡᠵᠢ ᠭᠠᠷᠴᠤ ᠢᠷᠡᠭᠰᠡᠨ ᠶᠦᠮ ᠪᠣᠯ?
— ᠶᠠᠭᠠᠬᠢᠬᠤ ᠪᠣᠢ ! ᠲᠡᠢᠮᠦ ᠬᠣᠷᠣᠬᠠᠢ ᠨᠤᠭᠤᠳ ᠢ᠋ ᠲᠤᠰᠬᠠᠢ ᠭᠠᠵᠠᠷ ᠬᠣᠷᠢᠵᠤ ᠥᠯᠦᠰᠬᠡᠵᠦ ᠪᠠᠢᠭᠠᠳ ᠶᠠᠯᠠᠲᠠᠨ ᠤᠷᠤᠭᠤ ᠲᠠᠯᠪᠢᠳᠠᠭ ᠭᠡᠵᠦ ᠶᠠᠷᠢᠳᠠᠭ᠂ ᠲᠡᠷᠡ ᠦᠨᠡᠨ ᠪᠠᠢᠬᠠ᠃
— ᠪᠠᠰᠠ ᠥᠯᠥᠰᠬᠦᠯᠡᠩ ᠦᠬᠡᠷ ᠬᠤᠯᠤᠭᠠᠨᠠ ᠶ᠋ᠢ ᠲᠠᠯᠪᠢᠳᠠᠭ ᠭᠡᠰᠡᠨ ᠦᠭᠡ ᠪᠠᠢᠳᠠᠭ᠃
— ᠶᠠᠭᠠᠬᠢᠭᠠᠳ ᠠᠮᠢᠳᠤ ᠠᠮᠢᠲᠠᠨ ᠢ᠋ ᠥᠪᠡᠷ ᠬᠣᠭᠣᠷᠣᠨᠳᠣ ᠨᠢ ᠴᠦ᠍ ᠶᠡᠭᠦᠳᠬᠡᠯᠴᠡᠭᠦᠯᠳᠡᠭ ᠶᠦᠮ ᠪᠣᠢ?
— ᠡᠬᠡ ᠪᠣᠯᠤᠭᠰᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠᠳᠠ ᠭᠡᠳᠡᠭ ᠦᠭᠡᠢ ᠪᠢᠯᠢᠤ!
— ᠲᠡᠷᠡ ᠴᠦ᠍ ᠮᠠᠨᠢ ᠶ᠋ᠢᠨ ᠦᠭᠡ ᠪᠣᠯᠬᠤ ᠠ᠋ᠴᠠ ᠠᠮᠢᠳᠤᠷᠠᠯ ᠤ᠋ᠨ ᠦᠭᠡ ᠪᠢᠰᠢ ᠪᠠᠢᠬᠠ ᠠ᠋ !
— ᠠᠬᠠ ᠴᠢᠨᠢ ᠲᠡᠭᠡᠪᠡᠯ ᠶᠡᠬᠡ ᠨᠢᠭᠦᠯ ᠬᠢᠭᠰᠡᠨ ᠬᠥᠮᠦᠨ ᠪᠠᠢᠵᠤ ᠯᠠ ᠳᠠ?
— ᠠᠬᠠ ᠶᠠᠭᠤᠨ ᠨᠢᠭᠦᠯ ᠲᠡᠢ ᠪᠠᠢᠬᠤ ᠪᠣᠢ? ᠯᠠᠮᠠ ᠪᠠᠭᠰᠢ ᠶ᠋ᠢᠨ ᠵᠤᠯᠠ ᠶ᠋ᠢᠨ ᠰᠢᠷᠠ ᠲᠣᠰᠣ ᠶ᠋ᠢ ᠥᠯᠥᠰᠬᠦ ᠳ᠋ᠦ᠍ ᠪᠡᠨ ᠤᠤᠭᠤᠴᠢᠬᠠᠭᠰᠠᠨ ᠶᠤᠮ ᠭᠡᠨᠡ ᠯᠠᠢ᠃ ᠠᠰᠠᠭᠠᠰᠤᠲᠠᠢ ᠵᠤᠯᠠ ᠶ᠋ᠢ ᠦᠯᠢᠶᠡᠴᠢᠬᠡᠭᠡᠳ ᠯᠡ ᠬᠠᠶᠢᠯᠤᠮᠠᠭ ᠲᠣᠰᠣ ᠶ᠋ᠢ ᠨᠢ ᠤᠤᠭᠤᠴᠢᠬᠠᠭᠰᠠᠨ ᠭᠡᠳᠡᠭ ᠶᠦᠮ᠃ ᠲᠡᠭᠦᠨ ᠢ᠋ ᠶᠡᠬᠡ ᠲᠣᠮᠣ ᠨᠢᠭᠦᠯ ᠭᠡᠳ ᠯᠡ ᠠᠬᠠ ᠶ᠋ᠢ ᠮᠠᠨᠢ ᠡᠨᠡ ᠱᠣᠷᠣᠩ ᠳ᠋ᠤ᠌ ᠬᠠᠶᠠᠴᠢᠬᠠᠭᠰᠠᠨ ᠭᠡᠵᠦ ᠡᠭᠡᠴᠢ ᠶᠠᠷᠢᠵᠤ ᠪᠠᠢᠭᠰᠠᠨ᠃ ᠲᠡᠭᠡᠭᠡᠳ ᠯᠡ ᠤᠳᠠᠯ ᠦᠭᠡᠢ ᠡᠨᠳᠡ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠳ᠋ᠤ᠌ ᠪᠠᠷᠢᠭᠤᠯᠤᠭᠰᠠᠨ ᠶᠤᠮ᠃ ᠡᠭᠡᠴᠢ ᠨᠠᠳᠠ ᠳ᠋ᠤ᠌ ᠡᠨᠡ ᠱᠣᠷᠣᠩ ᠳ᠋ᠤ᠌ ᠭᠡᠵᠦ ᠲᠡᠷᠡ ᠵᠢᠯ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠁ ᠭᠡᠵᠦ ᠫᠠᠭᠪᠠ ᠬᠡᠯᠡᠭᠰᠡᠨ ᠢ᠋ᠶ᠋ᠡᠨ ᠮᠡᠭᠰᠢᠨ ᠤᠬᠢᠯᠠᠯᠠ᠃ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠡᠳᠬᠢᠯ ᠬᠢᠮᠤᠷᠠᠯᠳᠤᠵᠤ ᠳᠠᠭᠤ ᠦᠭᠡᠢ ᠪᠤᠯᠵᠠᠭᠠᠯᠠ᠃
ᠰᠠᠶᠢᠬᠠᠨ ᠭᠢᠨᠳᠠᠨ ᠠ᠋ᠴᠠ ᠭᠠᠷᠴᠤ ᠴᠡᠷᠢᠭ ᠲᠦ᠍ ᠲᠠᠲᠠᠭᠳᠠᠭᠰᠠᠨ ᠪᠦᠬᠡᠮᠠᠡᠭ᠌ᠯᠠᠢ ᠶᠢᠨ ᠲᠤᠬᠠᠢ ᠰᠠᠨᠵᠢ ᠪᠣᠳᠣᠯᠠ᠃ ᠲᠡᠷᠡ ᠣᠳᠣ ᠬᠠᠮᠢᠭᠠ ᠶᠠᠪᠤᠭᠠ ᠪᠣᠯ ᠭᠡᠵᠦ ᠭᠤᠨᠢᠭᠲᠠᠶᠠ ᠳᠤᠷᠠᠰᠪᠠ ᠁
ᠬᠠᠷᠠᠩᠭᠤᠢ ᠪᠣᠯᠵᠤ ᠡᠬᠢᠯᠡᠪᠡ᠃ ᠲᠡᠳᠡ ᠬᠦᠷᠳᠦ ᠲᠡᠢ ᠪᠤᠯᠤᠩ ᠠ᠋ᠴᠠ ᠵᠢᠪᠡᠭᠦᠷᠬᠡᠵᠦ᠂ ᠪᠡᠶᠡ ᠪᠠᠶᠠᠨ ᠳ᠋ᠤ᠌ ᠪᠠᠨ ᠨᠠᠭᠠᠯᠳᠤᠨ ᠨᠥᠭᠦᠭᠡ ᠪᠤᠯᠤᠩ ᠳ᠋ᠤ᠌ ᠰᠢᠪᠠᠭᠠᠷᠠᠯᠳᠤᠨ ᠰᠠᠭᠤᠵᠠᠭᠠᠪᠠ᠃ ᠲᠡᠷᠡ ᠥᠨᠴᠥᠭ ᠡᠴᠡ ᠶᠡᠬᠡᠳᠡ ᠪᠥᠱᠥᠭᠦᠷᠬᠡᠵᠡᠭᠡᠵᠦ ᠪᠠᠢᠯᠠ᠃ ᠭᠡᠪᠡᠴᠦ ᠲᠡᠷᠡ ᠰᠥᠨᠢ ᠠᠮᠤᠭᠤᠯᠠᠩ ᠥᠩᠭᠡᠷᠡᠯᠡ᠃ ᠮᠠᠷᠭᠠᠰᠢ ᠨᠢ ᠵᠣᠳᠣᠯᠳᠤᠭᠰᠠᠨ ᠯᠠᠮᠠ ᠨᠠᠷ ᠢ᠋ ᠱᠣᠷᠣᠩ ᠠ᠋ᠴᠠ ᠬᠥᠭᠡᠭᠡᠨ ᠭᠠᠷᠭᠠᠵᠤ᠂
— ᠳᠠᠬᠢᠭᠠᠳ ᠨᠢᠭᠦᠯ ᠬᠢᠵᠦ ᠡᠨᠳᠡ ᠢᠷᠡᠪᠡᠯ ᠬᠣᠬᠢ ᠴᠢᠨᠢ ᠰᠢᠦ᠃ ᠪᠠᠭᠰᠢ ᠯᠠᠮᠠ ᠨᠠᠷ ᠴᠢᠨᠢ ᠥᠮᠥᠭᠡᠷᠡᠭᠡ ᠦᠭᠡᠢ ᠪᠣᠯ ᠲᠠ ᠨᠠᠷ ᠦᠵᠡᠭᠡ ᠦᠭᠡᠢ ᠪᠡᠨ ᠦᠵᠡᠵᠦ ᠦᠬᠡᠷ ᠴᠠᠮ ᠢ᠋ᠶ᠋ᠠᠨ ᠬᠠᠷᠠᠢᠬᠤ ᠪᠠᠢᠭᠰᠠᠨ ᠭᠡᠵᠦ ᠬᠤᠶᠠᠭ ᠵᠠᠨᠤᠯᠬᠢᠯᠠᠵᠠᠢ᠃ ᠫᠠᠭᠰᠠᠩ ᠦ᠋ᠨ ᠲᠣᠯᠣᠭᠠᠢ ᠳ᠋ᠤ᠌ ᠮᠣᠳᠣ ᠪᠠᠷ ᠭᠥᠪᠰᠢᠭᠰᠡᠨ ᠳ᠋ᠦ᠍ ᠪᠡᠨ ᠰᠠᠨᠵᠢ ᠪᠥᠱᠥᠭᠦᠷᠬᠡᠨ ᠵᠣᠪᠠᠵᠤ᠂ ᠲᠡᠭᠦᠨ ᠢ᠋ ᠶᠠᠮᠠᠷ ᠪᠠᠢᠳᠠᠯ ᠲᠠᠢ ᠪᠠᠢᠭᠠ ᠶ᠋ᠢ ᠮᠡᠳᠡᠬᠦ ᠶ᠋ᠢ ᠶᠠᠭᠤᠨ ᠤ᠋ ᠤᠷᠢᠳ ᠬᠦᠰᠡᠯᠡ᠃ ᠫᠠᠭᠰᠠᠩ ᠳᠤᠬᠤᠨ ᠳ᠋ᠤ᠌ ᠪᠠᠨ ᠰᠢᠷᠬᠠ ᠣᠯᠵᠠᠢ᠃ ᠭᠡᠪᠡᠴᠦ ᠠᠮᠢ ᠨᠠᠰᠤ ᠨᠢ ᠪᠦᠷᠢᠨ ᠪᠦᠲᠦᠨ ᠪᠠᠢᠯᠠ᠃ ᠰᠠᠨᠵᠢ ᠰᠠᠷᠯᠤᠭ ᠤ᠋ᠨ ᠮᠢᠬᠠ ᠪᠠᠷ ᠪᠤᠤᠵᠠ ᠬᠢᠵᠦ ᠬᠠᠭᠠᠷᠢᠭᠤᠯᠳᠠᠭᠰᠠᠨ ᠴᠠᠢ ᠪᠡᠯᠡᠳᠬᠡᠭᠡᠳ ᠫᠠᠭᠰᠠᠩ ᠢ᠋ ᠰᠢᠪᠠᠷ ᠲᠠᠭᠠᠵᠠᠨ ᠳ᠋ᠤ᠌ ᠨᠢ ᠣᠴᠢᠵᠤ ᠡᠷᠭᠢᠬᠦ ᠪᠡᠷ ᠰᠢᠢᠳᠴᠡᠢ᠃ ᠫᠠᠭᠰᠠᠩ ᠲᠡᠭᠦᠨ ᠳ᠋ᠦ᠍ ᠶᠡᠬᠡ ᠪᠠᠶᠠᠷᠯᠠᠪᠠ᠃ ᠲᠡᠷᠡ ᠰᠠᠨᠵᠢ ᠶ᠋ᠢᠨ ᠬᠣᠭᠣᠯᠠ᠂ ᠬᠦᠨᠡᠰᠦ ᠶ᠋ᠢ ᠠᠮᠲᠠᠷᠬᠠᠨ ᠢᠳᠡᠬᠦ ᠵᠠᠭᠤᠷᠠ᠂
— ᠬᠥᠮᠦᠨ ᠦ᠌ ᠰᠠᠢᠨ ᠢ᠋ ᠬᠠᠨᠢᠯᠠᠵᠤ ᠪᠠᠢᠵᠤ ᠮᠡᠳᠡᠳᠡᠭ ᠶᠦᠮ᠃ ᠭᠡᠬᠦ ᠳ᠋ᠦ᠍ ᠪᠡᠨ ᠴᠢ ᠨᠠᠮᠠᠶ᠋ᠢ ᠨᠥᠬᠥᠷ ᠭᠡᠵᠦ ᠪᠣᠳᠣᠳᠠᠭ ᠦᠭᠡᠢ ᠯᠡ ᠪᠢᠵᠡ᠃ ᠪᠢ ᠵᠥᠭᠡᠯᠡᠨ ᠨᠠᠭᠠᠯᠢᠩᠬᠠᠢ ᠪᠠᠢᠵᠤ ᠴᠢᠳᠠᠳᠠᠭ ᠦᠭᠡᠢ᠂ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠵᠡᠷᠯᠢᠭ ᠣᠮᠣᠭ ᠤ᠋ᠨ ᠬᠥᠮᠦᠨ ᠰᠢᠦ! ᠭᠡᠪᠡ᠃ ᠰᠠᠨᠵᠢ ᠲᠡᠭᠦᠨ ᠢ᠋ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠯᠡ ᠭᠡᠵᠦ ᠪᠣᠳᠣᠵᠠᠢ᠃ ᠢᠩᠭᠢᠵᠦ ᠨᠢᠭᠡᠨ ᠵᠢᠡᠭ᠌ᠳᠠᠭᠠᠨ ᠤ᠋ ᠬᠢᠨ ᠬᠣᠭᠣᠷᠣᠨᠳᠣ ᠪᠠᠨ ᠡᠴᠦᠰ ᠦ᠋ᠨ ᠤᠳᠠᠭᠠ ᠨᠢᠳᠤᠷᠭᠠ ᠵᠥᠷᠢᠭᠦᠯᠡᠯᠴᠡᠭᠡᠳ ᠳᠠᠬᠢᠨ ᠡᠪᠯᠡᠷᠡᠪᠡ᠃ ᠲᠡᠭᠦᠨ ᠡᠴᠡ ᠬᠣᠢᠰᠢ ᠲᠡᠳᠡ ᠵᠣᠳᠣᠯᠳᠤᠬᠤ᠂ ᠭᠠᠳᠠᠭᠤᠷ ᠲᠡᠨᠦᠬᠦ ᠪᠡᠨ ᠪᠠᠷᠤᠭ ᠪᠦᠷᠢᠨ ᠬᠢᠵᠠᠭᠠᠷᠯᠠᠪᠠ᠃ ᠨᠣᠮ ᠬᠢᠴᠢᠶᠡᠯ ᠨᠢ ᠴᠦ᠍ ᠬᠦᠨᠳᠦᠷᠡᠵᠦ᠂ ᠵᠠᠪᠳᠤᠩ ᠳᠡᠭᠡᠷᠡ ᠡᠴᠡ ᠪᠡᠨ ᠴᠦ᠍ ᠰᠠᠯᠠᠬᠤ ᠦᠭᠡᠢ ᠰᠢᠬᠠᠮ ᠰᠠᠭᠤᠵᠠᠭᠠᠳᠠᠭ ᠪᠣᠯᠵᠠᠢ᠃
ᠡᠳᠦᠷ ᠦ᠋ᠳ ᠬᠣᠢᠨᠠ ᠬᠣᠢᠨᠠ ᠠ᠋ᠴᠠ ᠪᠠᠨ ᠥᠩᠭᠡᠷᠡᠵᠡᠢ᠃ ᠰᠤᠳᠤᠷ ᠤ᠋ᠳ ᠯᠠᠮᠠ ᠨᠠᠷ ᠤ᠋ᠨ ᠭᠠᠷ ᠳᠠᠮᠵᠢᠨ ᠡᠭᠡᠯᠵᠢᠯᠡᠭᠰᠡᠭᠡᠷ ᠪᠠᠢᠯᠠ᠃ ᠺᠠᠢᠪ ᠵᠦᠮᠨᠧᠢ ᠶ᠋ᠢᠨ ᠲᠠᠶᠢᠭ ᠠ᠋ᠴᠠ ᠡᠬᠢᠯᠡᠭᠡᠳ ᠪᠠᠷᠠᠮᠢᠳ ᠤ᠋ᠳ᠂ ᠮᠠᠳᠢᠶᠠᠮᠤᠭᠠᠮ᠂ ᠠᠪᠢᠳᠠᠷᠮᠠ ᠶ᠋ᠢᠨ ᠶᠣᠰᠣ᠂ ᠸᠢᠨᠠᠢ᠂ ᠲᠠᠷᠨᠢ ᠂ ᠸᠢᠨᠱᠠᠨᠣ ᠶ᠋ᠢᠨ ᠢᠯᠭᠠᠯ ᠶᠣᠰᠣ ᠶ᠋ᠢ ᠰᠤᠳᠤᠯᠤᠨ ᠥᠩᠭᠡᠷᠡᠯᠡ᠃ ᠠᠯᠲᠠᠨᠭᠡᠷᠡᠯ᠂ ᠪᠠᠳᠮᠠᠬᠠᠲᠠᠨ᠂ ᠵᠠᠳᠠᠮᠪᠠ ᠰᠤᠳᠤᠷ ᠤ᠋ᠳ ᠢ᠋ ᠴᠡᠭᠡᠵᠢᠯᠡᠨ ᠳᠠᠭᠤᠰᠬᠠᠵᠤ᠂ ᠭᠦᠷᠢᠮ ᠦ᠋ᠨ ᠨᠣᠮ ᠢ᠋ ᠦᠵᠡᠪᠡ᠃ ᠳᠡᠭᠡᠷᠡ ᠨᠢ ᠪᠠᠰᠠ ᠪᠣᠳᠢ ᠵᠦᠭ ᠦ᠋ᠨ ᠭᠤᠴᠢᠨ ᠬᠣᠶᠠᠷ ᠨᠣᠮ ᠢ᠋ ᠴᠦ᠍ ᠵᠠᠪ ᠵᠠᠢ ᠳ᠋ᠠᠭᠠᠨ ᠦᠵᠡᠯᠡ᠃ ᠰᠠᠨᠰᠺᠷᠢᠲ᠂ ᠪᠠᠮᠭᠠᠯ᠂ ᠰᠢᠡᠭ᠌ᠭᠠᠯ᠂ ᠲᠥᠪᠡᠳ ᠬᠡᠯᠡ ᠶ᠋ᠢ ᠤᠷᠤᠯᠳᠤᠨ ᠨᠣᠮ ᠤ᠋ᠨ ᠳᠠᠭᠤᠳᠠᠯᠭᠠ ᠪᠠᠷ ᠰᠤᠷᠪᠠ᠃ ᠲᠥᠪᠡᠳ ᠬᠡᠯᠡ ᠶ᠋ᠢ ᠪᠣᠯ ᠥᠪᠡᠷ ᠦ᠋ᠨ ᠲᠥᠷᠥᠯᠬᠢ ᠮᠣᠩᠭᠣᠯ ᠬᠡᠯᠡᠨ ᠡᠴᠡ ᠳᠤᠲᠠᠬᠤ ᠦᠭᠡᠢ ᠡᠵᠡᠮᠰᠢᠯᠡ᠃ ᠰᠦᠮᠡ ᠬᠡᠢᠳ ᠦ᠋ᠨ ᠨᠢᠭᠡᠨ ᠵᠢᠭᠳᠡ ᠶ᠋ᠢᠨ ᠰᠣᠨᠢᠷᠬᠠᠯ ᠦᠭᠡᠢ ᠠᠮᠢᠳᠤᠷᠠᠯ ᠡᠳᠦᠷ ᠰᠠᠷᠠ᠂ ᠵᠢᠯ ᠢ᠋ᠶ᠋ᠡᠷ ᠡᠭᠡᠯᠵᠢᠯᠡᠨ ᠴᠢᠮᠡᠭᠡ ᠦᠭᠡᠢᠬᠡᠨ ᠤᠷᠤᠰᠤᠨ ᠥᠩᠭᠡᠷᠡᠵᠦ ᠪᠠᠢᠯᠠ᠃ ᠨᠢᠳᠤᠨᠤᠨ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠡᠨᠡ ᠵᠢᠯ ᠳᠠᠪᠲᠠᠭᠳᠠᠭᠰᠠᠭᠠᠷ ᠁
ᠰᠦᠷᠦᠭ ᠦ᠋ᠨ ᠳᠣᠲᠣᠷᠠ ᠰᠡᠲᠡᠷ ᠵᠡᠭᠦᠵᠦ ᠠᠮᠢ ᠪᠠᠨ ᠳᠠᠷᠬᠠᠯᠠᠭᠤᠯᠤᠭᠰᠠᠨ ᠰᠡᠷᠬᠡ ᠢᠮᠠᠭᠠ ᠰᠢᠭ᠋ ᠰᠠᠨᠵᠢ ᠵᠢᠡᠭ᠌ᠳᠠᠭᠠᠨ ᠤ᠋ ᠬᠢᠨ ᠳᠣᠲᠣᠷᠠ ᠪᠠᠨ ᠶᠡᠬᠡ ᠶᠠᠭᠤᠮᠠ ᠮᠡᠳᠡᠳᠡᠭ᠂ ᠤᠬᠠᠭᠠᠯᠢᠭ᠂ ᠲᠥᠯᠥᠪ ᠬᠥᠮᠦᠨ ᠭᠡᠭᠳᠡᠵᠦ ᠲᠦᠪᠦᠢᠨ ᠮᠠᠭᠲᠠᠭᠳᠠᠬᠤ ᠪᠣᠯᠤᠯᠠ᠃
ᠨᠤᠲᠤᠭ ᠠ᠋ᠴᠠ ᠨᠢ ᠬᠥᠮᠦᠰ ᠠᠯᠠᠱᠠ ᠳ᠋ᠤ᠌ ᠭᠠᠷᠤᠭᠰᠠᠨ ᠬᠦᠢ ᠬᠦᠢ ᠶ᠋ᠢᠨ ᠪᠣᠰᠤᠯᠭᠠ ᠠ᠋ᠴᠠ ᠪᠣᠯᠵᠤ ᠢᠷᠡᠬᠦ ᠪᠡᠨ ᠪᠣᠯᠢᠵᠠᠢ᠃ ᠪᠦᠬᠡᠮᠠᠩᠯᠠᠢ ᠲᠥᠪᠡᠳ ᠦ᠋ᠨ ᠴᠡᠷᠢᠭ ᠡᠴᠡ ᠤᠷᠭᠤᠵᠤ ᠠᠭᠤᠯᠠ ᠶ᠋ᠢᠨ ᠳᠡᠭᠡᠷᠡᠮᠴᠢᠨ ᠪᠣᠯᠤᠭᠰᠠᠨ ᠰᠤᠷᠠᠭ ᠭᠠᠷᠴᠠᠢ᠃ ᠤᠳᠬᠤᠨ ᠬᠡᠦᠬᠡᠨ ᠦ᠌ ᠳᠦᠷᠢ ᠰᠠᠨᠵᠢ ᠳ᠋ᠤ᠌ ᠦᠶᠡ ᠦᠶᠡ ᠬᠠᠷᠠᠭᠳᠠᠬᠤ ᠪᠣᠯᠪᠠᠴᠤ ᠳᠠᠬᠢᠨ ᠮᠥᠷᠭᠥᠯ ᠬᠢᠬᠦ ᠪᠡᠷ ᠢᠷᠡᠭᠰᠡᠨ ᠦᠭᠡᠢ᠃ ᠰᠣᠨᠢᠷᠬᠠᠯ ᠦᠭᠡᠢ ᠨᠢᠭᠡᠨ ᠬᠡᠪ ᠦ᠋ᠨ ᠵᠢᠷᠭᠤᠭᠠᠨ ᠵᠢᠯ ᠳᠠᠬᠢᠭᠠᠳ ᠥᠩᠭᠡᠷᠡᠪᠡ᠃ ᠨᠤᠲᠤᠭ ᠣᠷᠣᠨ ᠠ᠋ᠴᠠ ᠪᠠᠨ ᠪᠦᠷᠢᠨ ᠲᠠᠰᠤᠷᠠᠵᠤ ᠲᠥᠪᠡᠳ ᠠᠮᠢᠳᠤᠷᠠᠯ ᠳ᠋ᠤ᠌ ᠳᠠᠰᠤᠭᠠᠳ ᠪᠠᠷᠤᠭ ᠯᠠ ᠮᠣᠩᠭᠣᠯ ᠲᠥᠷᠬᠦ ᠪᠡᠨ ᠬᠡᠭᠡᠯᠡ᠃