ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 4 > Хөх зул – Боржигон Ванжал –"Тав ᠂ Таван хошуу малын бүлэг " 4
335ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 4
ᠲᠡᠮᠡᠭᠡᠨ ᠦ ᠨᠠᠰᠤ ᠰᠢᠳᠦᠨ ᠦ ᠨᠡᠷᠡᠢᠳᠦᠯ Тэмээний нас шүдний нэрэйдэл
ᠲᠡᠮᠡᠭᠡ
ᠨᠢᠷᠤᠭᠤᠨ ᠳ᠋ᠠᠭᠠᠨ ᠨᠢᠭᠡ ᠪᠤᠶᠤ ᠬᠣᠶᠠᠷ ᠪᠥᠬᠦᠲᠡᠢ ᠂ ᠪᠡᠶᠡ ᠨᠢ ᠥᠨᠳᠥᠷ ᠂ ᠬᠦᠵᠦᠭᠦᠦ ᠨᠢ ᠤᠷᠲᠤ ᠭᠣᠬᠢᠭᠠᠷ ᠬᠡᠪᠢᠯᠭᠡᠲᠡᠢ ᠪᠤᠲᠠ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤ᠋ᠨ ᠳᠣᠲᠣᠷᠠᠬᠢ ᠪᠤᠲᠠ ᠶ᠋ᠢᠨ ᠨᠢᠭᠡ ᠲᠥᠷᠥᠯ᠃
ᠲᠡᠮᠡᠭᠡ ᠪᠤᠢᠯᠠᠬᠤ
ᠪᠣᠲᠣᠭᠣ ᠪᠤᠶᠤ ᠢᠵᠢᠯᠢ ᠪᠡᠨ ᠮᠥᠷᠥᠭᠡᠳᠴᠦ ᠥᠨᠳᠥᠷ ᠤᠷᠲᠤ ᠳᠠᠭᠤ ᠪᠠᠷ ᠤᠶᠠᠩᠭᠠᠲᠠᠢ ᠳᠤᠤᠭᠠᠷᠬᠤ᠃
ᠲᠡᠮᠡᠭᠡ ᠣᠷᠢᠯᠠᠬᠤ
ᠨᠣᠬᠠᠢ ᠰᠢᠭ᠋ ᠬᠠᠪ ᠬᠠᠪ ᠭᠡᠵᠦ ᠳᠤᠤᠭᠠᠷᠤᠨ ᠰᠡᠪᠡᠰᠦ ᠪᠡᠨ ᠰᠠᠴᠤᠬᠤ᠃
ᠲᠡᠮᠡᠭᠡ ᠪᠤᠢᠯᠠᠯᠠᠬᠤ
ᠲᠡᠮᠡᠭᠡᠨ ᠦ᠌ ᠬᠠᠮᠠᠷ ᠤ᠋ᠨ ᠪᠠᠭᠠᠨᠠ ᠳ᠋ᠤ᠌ ᠬᠥᠨᠳᠡᠯᠡᠨ ᠮᠣᠳᠣ ᠵᠡᠭᠦᠯᠭᠡᠬᠦ᠃
ᠲᠡᠮᠡᠭᠡ ᠳᠡᠭᠡᠰᠦᠯᠡᠬᠦ
ᠲᠡᠮᠡᠭᠡ ᠶ᠋ᠢ ᠨᠣᠣᠰᠣᠯᠠᠬᠤ ᠪᠤᠶᠤ ᠥᠲᠥᠯᠡᠬᠦ ᠭᠡᠵᠦ ᠬᠣᠶᠠᠷ ᠬᠥᠮᠦᠨ ᠤᠷᠲᠤ ᠳᠡᠭᠡᠰᠦᠨ ᠦ᠌ ᠦᠵᠦᠭᠦᠷ ᠡᠴᠡ ᠪᠠᠷᠢᠵᠤ ᠲᠡᠮᠡᠭᠡ ᠪᠡᠨ ᠣᠷᠢᠶᠠᠵᠤ ᠠᠪᠬᠤ ᠶ᠋ᠢ ᠳᠡᠭᠡᠰᠦᠯᠡᠬᠦ ᠭᠡᠨᠡ᠃
ᠲᠡᠮᠡᠭᠡ ᠥᠳᠥᠯᠭᠦ
ᠰᠢᠷᠬᠠᠲᠤᠨ ᠥᠲᠥᠭᠰᠡᠨ ᠲᠡᠮᠡᠭᠡᠨ ᠦ᠌ ᠥᠳᠥ ᠶ᠋ᠢ ᠨᠢ ᠠᠷᠢᠯᠭᠠᠨ ᠴᠡᠪᠡᠷᠯᠡᠵᠦ ᠡᠮᠨᠡᠬᠦ᠃
ᠲᠡᠮᠡᠭᠡ ᠨᠣᠣᠰᠣᠯᠠᠬᠤ
ᠲᠡᠮᠡᠭᠡᠨ ᠦ᠌ ᠦᠰᠦ ᠨᠣᠣᠰᠣ ᠨᠢ ᠬᠥᠭᠡᠷᠴᠦ ᠬᠥᠭᠯᠡᠷᠡᠵᠦ ᠢᠷᠡᠬᠦ ᠳ᠋ᠦ᠍ ᠂ ᠲᠡᠭᠦᠬᠦ ᠪᠤᠶᠤ ᠵᠤᠮᠠᠭᠠᠨ ( ᠵᠣᠯᠭᠠᠵᠤ ) ᠠᠪᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠡᠮᠡᠭᠡ ᠬᠤᠵᠢᠷᠯᠠᠬᠤ
ᠬᠤᠵᠢᠷ ᠲᠠᠢ ᠭᠠᠵᠠᠷ ᠲᠡᠮᠡᠭᠡ ᠪᠡᠨ ᠠᠪᠠᠴᠢᠵᠤ ᠳᠣᠯᠢᠶᠠᠯᠭᠠᠬᠤ ᠪᠤᠶᠤ ᠡᠰᠡᠬᠦᠯᠡ ᠬᠤᠵᠢᠷ᠂ ᠳᠠᠪᠤᠰᠤ ᠣᠯᠵᠤ ᠢᠷᠡᠵᠦ ᠢᠳᠡᠭᠦᠯᠬᠦ᠃
ᠲᠡᠮᠡᠭᠡ ᠰᠤᠷᠭᠠᠬᠤ
ᠲᠡᠮᠡᠭᠡᠨ ᠳ᠋ᠦ᠍ ᠣᠨᠣᠯᠭᠠ᠂ ᠠᠴᠢᠶᠠᠯᠭᠠ ᠮᠡᠳᠡᠭᠦᠯᠬᠦ᠃
ᠲᠡᠮᠡᠭᠡ ᠬᠠᠮᠤᠬᠤ
ᠲᠡᠮᠡᠭᠡ ᠡᠮᠦᠨᠡ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠯᠠᠭᠠᠳᠠᠨ ᠴᠡᠭᠡᠵᠢᠨ ᠳᠣᠣᠷᠠ ᠪᠠᠨ ᠣᠷᠣᠭᠤᠯᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠡᠮᠡᠭᠡ ᠲᠡᠢᠷᠬᠦ
ᠬᠣᠢᠲᠤ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠣᠢᠰᠢ ᠢᠰᠬᠦᠯᠬᠦ᠃
ᠲᠡᠮᠡᠭᠡ ᠲᠤᠢᠯᠠᠬᠤ
ᠤᠨᠠᠭᠰᠠᠨ ᠬᠥᠮᠦᠨ ᠢ᠋ᠶ᠋ᠡᠨ ᠪᠤᠶᠤ ᠠᠴᠢᠭᠰᠠᠨ ᠠᠴᠢᠶᠠ ᠪᠠᠨ ᠤᠨᠠᠭᠠᠬᠤ ᠪᠠᠷ ᠦᠰᠦᠷᠴᠦ ᠬᠠᠷᠠᠢᠯᠠᠬᠤ᠃
ᠲᠡᠮᠡᠭᠡ ᠲᠠᠪᠠᠭᠴᠢᠯᠠᠬᠤ
ᠡᠮᠨᠢᠭ ᠲᠡᠮᠡᠭᠡ ᠶ᠋ᠢ ᠰᠤᠷᠭᠠᠬᠤ ᠶ᠋ᠢᠨ ᠲᠤᠯᠠ ᠪᠤᠷᠤᠭᠤ ᠲᠠᠯᠠ ᠶ᠋ᠢᠨ ᠤᠷᠲᠤ ᠪᠡᠷᠪᠡᠬᠡᠢ ᠪᠡᠷ ᠳᠡᠭᠡᠰᠦᠯᠡᠨ ᠠᠪᠴᠤ ᠨᠢᠷᠤᠭᠤᠨ ᠳᠡᠭᠡᠭᠦᠷ ᠨᠢ ᠭᠠᠷᠭᠠᠨ ᠵᠥᠪ ᠲᠠᠯᠠ ᠠ᠋ᠴᠠ ᠨᠢ ᠲᠡᠳᠡᠨ ᠰᠥᠭᠥᠳᠬᠡᠬᠦ ᠳ᠋ᠦ᠍ ᠪᠡᠯᠡᠳᠬᠡᠭᠰᠡᠨ ᠳᠡᠭᠡᠰᠦ᠃
ᠲᠡᠮᠡᠭᠡ ᠬᠣᠮᠨᠣᠬᠤ
ᠠᠴᠢᠶᠠ ᠠᠴᠢᠬᠤ ᠪᠠᠷ ᠵᠣᠬᠢᠶᠠᠭᠰᠠᠨ ᠬᠣᠮ ᠢ᠋ᠶ᠋ᠠᠨ ᠲᠡᠮᠡᠭᠡᠨ ᠦ᠌ ᠨᠢᠷᠤᠭᠤᠨ ᠳ᠋ᠤ᠌ ᠲᠠᠭᠠᠷᠠᠭᠤᠯᠵᠤ ᠤᠶᠠᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠡᠮᠡᠭᠡ ᠠᠴᠢᠶᠠᠯᠠᠬᠤ
ᠬᠣᠮ ᠲᠠᠢ ᠲᠡᠮᠡᠭᠡᠨ ᠳᠡᠭᠡᠷᠡ ᠪᠡᠨ ᠠᠴᠢᠬᠤ ᠶᠠᠭᠤᠮᠠ ᠪᠠᠨ ᠲᠡᠩᠴᠡᠭᠦᠯᠦᠨ ᠲᠡᠭᠡᠭᠡᠬᠦ᠃
ᠲᠡᠮᠡᠭᠡ ᠲᠣᠬᠣᠰᠢᠯᠠᠬᠤ
ᠲᠡᠮᠡᠭᠡ ᠶ᠋ᠢ ᠤᠨᠤᠬᠤ ᠶ᠋ᠢᠨ ᠲᠥᠯᠥᠭᠡ ᠪᠡᠯᠡᠳᠬᠡᠭᠰᠡᠨ ᠲᠡᠮᠡᠭᠡᠨ ᠦ᠌ ᠳᠤᠬᠤᠰᠢ ( ᠡᠮᠡᠭᠡᠯ ) ᠢ᠋ ᠲᠣᠬᠣᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠡᠮᠡᠭᠡ ᠰᠠᠯᠬᠢᠳᠠᠬᠤ
ᠲᠡᠮᠡᠭᠡ ᠨᠠᠮᠤᠷ ᠰᠠᠯᠬᠢ ᠪᠠᠷᠢᠨ ᠰᠥᠷᠦᠨ ᠶᠠᠪᠤᠬᠤ᠃
ᠲᠡᠮᠡᠭᠡ ᠬᠦᠷᠢᠶᠡᠯᠡᠬᠦ
7 .8 ᠰᠠᠷᠠ ᠪᠣᠯᠬᠤ ᠳ᠋ᠤ᠌ ᠲᠡᠮᠡᠭᠡ ᠭᠠᠭᠴᠠ ᠬᠣᠶᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠤᠲᠠᠷᠠᠵᠤ ᠶᠠᠪᠤᠬᠤ ᠪᠠᠨ ᠪᠠᠢᠵᠤ ᠰᠦᠷᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠢᠭᠡᠨ ᠪᠥᠭᠡᠮ ᠶᠠᠪᠤᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠡᠮᠡᠭᠡᠨ ᠭᠥᠷᠥᠭᠡᠰᠦ
ᠬᠣᠶᠠᠷ ᠪᠥᠬᠦᠲᠡᠢ ᠵᠡᠷᠯᠢᠭ ᠲᠡᠮᠡᠭᠡ ᠂ ᠬᠠᠪᠲᠠᠭᠠᠢ ᠴᠤ᠌ ᠭᠡᠳᠡᠭ ᠃ ᠮᠠᠰᠢ ᠬᠣᠪᠣᠷᠳᠠᠵᠤ ᠪᠠᠢᠭᠠ ᠠᠮᠢᠲᠠᠨ᠃
ᠮᠠᠨᠢᠨ ᠲᠡᠮᠡᠭᠡ ᠰᠠᠭᠠᠷᠮᠠᠭ ᠲᠡᠮᠡᠭᠡ ᠃
ᠪᠣᠲᠣᠭᠣ
ᠲᠡᠮᠡᠭᠡᠨ ᠦ᠌ ᠲᠤᠰ ᠵᠢᠯ ᠦ᠋ᠨ ᠲᠥᠯ ᠢ᠋ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠃
ᠡᠷᠡ ᠪᠣᠲᠣᠭᠣ
ᠲᠡᠮᠡᠭᠡᠨ ᠦ᠌ ᠲᠤᠰ ᠵᠢᠯ ᠦ᠋ᠨ ᠡᠷᠡ ᠬᠦᠢᠰᠦᠨ ᠦ᠌ ᠲᠥᠯ᠃
ᠥᠬᠢᠨ ᠪᠣᠲᠣᠭᠣ
ᠲᠡᠮᠡᠭᠡᠨ ᠦ᠌ ᠲᠤᠰ ᠵᠢᠯ ᠦ᠋ᠨ ᠡᠮᠡ ᠬᠦᠢᠰᠦᠨ ᠦ᠌ ᠲᠥᠯ᠃
ᠤᠤᠭᠠᠨ ᠪᠣᠲᠣᠭᠣ
ᠬᠠᠮᠤᠭ ᠠᠩᠬᠠᠨ ᠤ᠋ ᠭᠠᠷᠤᠭᠰᠠᠨ ᠪᠣᠲᠣᠭᠣ᠃
ᠪᠣᠲᠣᠭᠣ ᠲᠠᠢ ᠢᠩᠭᠡ
ᠪᠣᠲᠣᠭᠣ ᠳᠠᠭᠠᠭᠤᠯᠵᠤ ᠪᠦᠬᠦᠢ ᠢᠩᠭᠡ ᠪᠠ ᠢᠩᠭᠡ ᠨᠦ᠍ᠭᠦᠳ᠃
ᠪᠣᠲᠣᠭᠣᠯᠠᠬᠤ
ᠢᠩᠭᠡ ᠲᠥᠯᠯᠡᠬᠦ ᠶ᠋ᠢ ᠪᠣᠲᠣᠭᠣᠯᠠᠬᠤ ᠭᠡᠳᠡᠭ ᠃ ᠬᠠᠷᠢᠨ ᠲᠥᠷᠥᠨᠡ ᠭᠡᠳᠡᠭ ᠦᠭᠡᠢ᠃
ᠰᠠᠷᠪᠠᠭᠠᠨ ᠲᠣᠷᠣᠮ
ᠨᠢᠯᠬᠠ ᠪᠣᠲᠣᠭᠣ ᠪᠢᠰᠢ ᠂ ᠬᠠᠷᠢᠨ ᠲᠥᠯᠵᠢᠨ ᠳᠡᠪᠡᠭᠡᠷᠡᠵᠦ ᠪᠡᠶᠡ ᠴᠢᠩᠭᠠᠷᠠᠭᠰᠠᠨ ᠠ᠋ᠴᠠ ᠡᠬᠢᠯᠡᠨ ᠳᠠᠷᠠᠭᠠ ᠵᠢᠯ ᠦ᠋ᠨ ᠣᠢ ᠳ᠋ᠠᠭᠠᠨ ᠬᠦᠷᠦᠭᠡᠳᠦᠢ ᠪᠦᠳᠦᠭᠦᠷᠡᠭᠰᠡᠨ ᠪᠣᠲᠣᠭᠣ ᠶ᠋ᠢ ᠬᠡᠯᠡᠨᠡ ᠃ 1 ᠨᠠᠰᠤᠲᠠᠢ ᠂ ᠪᠠᠰᠠ ᠳ᠋ᠠᠭᠠᠨ ᠲᠣᠷᠣᠮ ᠭᠡᠳᠡᠭ ᠬᠡᠯᠡᠳᠡᠭ ᠭᠠᠵᠠᠷ ᠴᠤ᠌ ᠪᠣᠢ᠃
ᠲᠣᠷᠣᠮ 2 ᠨᠠᠰᠤᠲᠠᠢ ᠲᠡᠮᠡᠭᠡ ᠶ᠋ᠢ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠃
ᠡᠷᠡ ᠲᠣᠷᠣᠮ 2 ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ᠃
ᠥᠬᠢᠨ ᠲᠣᠷᠣᠮ 2 ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ᠃
ᠲᠤᠷᠤᠮᠤᠨ ᠭᠤᠨᠵᠢ ᠲᠣᠷᠣᠮ ᠳ᠋ᠠᠭᠠᠨ ᠪᠤᠤᠷᠠᠨ ᠳ᠋ᠤ᠌ ᠰᠠᠭᠤᠵᠤ᠂ ᠭᠤᠨᠵᠢᠨ ᠳ᠋ᠠᠭᠠᠨ ᠪᠣᠲᠣᠭᠣᠯᠠᠭᠰᠠᠨ ᠢᠩᠭᠡ᠃
ᠰᠢᠷᠠ ᠰᠢᠯᠪᠢ ᠲᠣᠷᠣᠮ ᠢ᠋ ᠠᠯᠠᠱᠠ ᠳ᠋ᠤ᠌ ᠰᠢᠷᠠ ᠰᠢᠯᠪᠢ ᠭᠡᠳᠡᠭ᠃
ᠭᠤᠷᠪᠠᠲᠤ
3 ᠨᠠᠰᠤᠲᠠᠢ ᠲᠡᠮᠡᠭᠡ ᠶ᠋ᠢ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠰᠤᠷᠭᠠ ( ᠰᠤᠷᠭᠠᠬᠤ ᠨᠠᠰᠤ ） ᠭᠡᠵᠦ ᠬᠡᠯᠡᠳᠡᠭ ᠴᠦ᠍ ᠪᠣᠢ᠃
ᠭᠤᠨᠠᠨ ᠲᠡᠮᠡᠭᠡ 3 ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ᠃
ᠭᠤᠨᠵᠢᠨ ᠲᠡᠮᠡᠭᠡ 3 ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ᠃
ᠪᠠᠭᠠᠴᠤᠳ ᠲᠡᠮᠡᠭᠡ
ᠪᠠᠭᠠ ᠨᠠᠰᠤᠨ ᠤ᠋ ᠲᠡᠮᠡᠭᠡ ᠶ᠋ᠢ ᠡᠵᠡᠨᠡ ᠳ᠋ᠦ᠍ ᠪᠠᠭᠠᠴᠤᠳ ᠲᠡᠮᠡᠭᠡ ᠪᠤᠶᠤ ᠥᠷᠢᠰ ᠲᠡᠮᠡᠭᠡ ᠭᠡᠳᠡᠭ᠃
ᠳᠥᠷᠪᠡᠲᠦ
4 ᠨᠠᠰᠤᠲᠠᠢ ᠲᠡᠮᠡᠭᠡ ᠶ᠋ᠢ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠃
ᠳᠥᠨᠡᠨ ᠲᠡᠮᠡᠭᠡ
4 ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ᠃
ᠳᠦᠨᠵᠢᠨ ᠲᠡᠮᠡᠭᠡ 4 ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ ᠃
ᠰᠤᠷᠭᠠ ᠶ᠋ᠢᠨ ᠠᠬᠠ
ᠳᠥᠨᠡᠨ ᠢ᠋ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠰᠤᠷᠭᠠ ᠶ᠋ᠢᠨ ᠠᠬᠠ ᠭᠡᠳᠡᠭ ᠃
ᠲᠠᠢᠯᠤᠭ
ᠲᠠᠢᠯᠤᠭ ᠭᠡᠭᠴᠢ ᠤᠷᠢᠶᠠ ᠲᠠᠢ ᠠᠳᠠᠯᠢ ᠤᠳᠬᠠ ᠲᠠᠢ ᠃ ᠬᠡᠵᠢᠶᠡ ᠠᠭᠲᠠᠯᠠᠭᠳᠠᠪᠠᠯ ᠲᠡᠳᠦᠢ ᠳ᠋ᠦ᠍ ᠲᠠᠢᠯᠤᠭ ᠨᠡᠷᠡ ᠪᠡᠨ ᠬᠠᠰᠤᠭᠤᠯᠳᠠᠭ ᠃ ᠲᠡᠮᠡᠭᠡ ᠶ᠋ᠢ 4 ᠂ 5 ᠨᠠᠰᠤᠨᠠ ᠠᠭᠲᠠᠯᠠᠳᠠᠭ ᠪᠣᠯᠬᠣᠷ 3 ᠠ᠋ᠴᠠ 5 ᠨᠠᠰᠤᠨ ᠤ᠋ ᠬᠣᠭᠣᠷᠣᠨᠳᠣᠬᠢ ᠵᠠᠰᠠᠭᠠ ᠦᠭᠡᠢ ᠲᠡᠮᠡᠭᠡ ᠭᠡᠵᠦ ᠪᠣᠯᠤᠨᠠ ᠃
ᠪᠢᠲᠡᠭᠦᠦ ᠰᠢᠳᠦᠲᠡᠢ ᠲᠠᠢᠯᠤᠭ ᠰᠢᠲᠦ ᠨᠢ ᠭᠠᠷᠤᠭᠠ ᠦᠭᠡᠢ ᠲᠠᠢᠯᠤᠭ ᠃
ᠪᠤᠤᠷᠠᠨ ᠲᠠᠢᠯᠤᠭ ᠪᠤᠤᠷᠠ ᠲᠠᠯᠪᠢᠬᠤ ᠪᠠᠷ ᠪᠡᠯᠡᠳᠬᠡᠵᠦ ᠪᠣᠢ ᠲᠠᠢᠯᠤᠭ ᠃
ᠵᠠᠰᠠᠮᠠᠯ
ᠬᠠᠭᠠᠷᠢᠮᠠᠯ ᠂ ᠡᠰᠬᠡᠯ ᠂ ᠨᠣᠢᠲᠤᠨ ᠮᠣᠷᠢ ᠭᠡᠰᠡᠨ ᠲᠡᠢ ᠠᠳᠠᠯᠢ ᠂ ᠰᠠᠢᠬᠠᠨ ᠵᠠᠰᠠᠭᠰᠠᠨ ᠳᠡᠢᠯᠦᠭ ( ᠡᠨᠳᠡ ) ᠃
ᠠᠳᠠ
5 ᠨᠠᠰᠤᠨ ᠠ᠋ᠴᠠ ᠳᠡᠭᠡᠭᠰᠢᠬᠢ ᠵᠠᠰᠠᠭᠰᠠᠨ ᠲᠡᠮᠡᠭᠡ ᠂ 5 ᠠ᠋ᠴᠠ ᠡᠮᠦᠨᠡ ᠠᠳᠠᠯᠠᠭᠰᠠᠨ ᠢ᠋ ᠪᠠᠭᠠᠴᠤᠤᠯ ᠠᠳᠠ ᠭᠡᠨᠡ ᠃
ᠤᠨᠤᠭᠠᠷᠢ ᠶ᠋ᠢᠨ ᠠᠳᠠ ᠵᠥᠪᠬᠡᠨ ᠤᠨᠤᠬᠤ ᠳ᠋ᠤ᠌ ᠵᠣᠷᠢᠭᠤᠯᠤᠭᠰᠠᠨ ᠡᠨᠳᠡ᠃
ᠵᠢᠩ ᠦ᠋ᠨ ᠡᠨᠳᠡ
ᠠᠴᠢᠶᠠ ᠲᠡᠭᠡᠭᠡᠪᠦᠷᠢ ᠳ᠋ᠦ᠍ ᠵᠣᠷᠢᠭᠤᠯᠤᠭᠰᠠᠨ ᠡᠨᠳᠡ ᠂ ᠪᠠᠰᠠ ᠯᠤᠤᠭᠠᠷ ᠤ᠋ᠨ ᠲᠡᠮᠡᠭᠡ ᠴᠦ᠍ ᠭᠡᠳᠡᠭ ᠃
ᠢᠩᠭᠡ 5 ᠨᠠᠰᠤᠨ ᠠ᠋ᠴᠠ ᠳᠡᠭᠡᠭᠰᠢᠬᠢ ᠡᠮᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ ᠃
ᠬᠠᠶᠠᠮᠠᠯ ᠢᠩᠭᠡ ᠪᠤᠤᠷᠠᠨ ᠳ᠋ᠤ᠌ ᠰᠠᠭᠤᠵᠤ ᠬᠡᠭᠡᠯ ᠠᠪᠤᠭᠰᠠᠨ ᠢᠩᠭᠡ ᠃
ᠰᠤᠪᠠᠢ ᠢᠩᠭᠡ ᠬᠡᠭᠡᠯ ᠠᠪᠤᠭᠰᠠᠨ ᠦᠭᠡᠢ ᠢᠩᠭᠡ ᠃
ᠬᠥᠬᠥᠯ ᠢᠩᠭᠡ ᠰᠦ ᠨᠢ ᠬᠤᠵᠢᠷᠠᠭᠠᠳᠤᠢ ᠬᠥᠬᠥᠭᠦᠯᠵᠦ ᠪᠣᠢ ᠢᠩᠭᠡ ᠃
ᠠᠯᠳᠠᠭᠤᠯ ᠢᠩᠭᠡ ᠠᠯᠳᠠᠭᠳᠠᠵᠤ ᠢᠷᠡᠨ ᠰᠦᠷᠦᠭ ᠲᠦ᠍ ᠢᠵᠢᠯᠢᠰᠢᠭᠰᠡᠨ ᠢᠩᠭᠡ᠃
ᠭᠣᠯᠣᠩᠬᠠᠢ ᠢᠩᠭᠡ ᠪᠣᠲᠣᠭᠣᠨ ᠳ᠋ᠠᠭᠠᠨ ᠠᠮᠠᠷᠠᠭ ᠦᠭᠡᠢ ᠢᠩᠭᠡ᠃
ᠪᠣᠲᠣᠭᠣᠯᠠᠬᠤ ᠢᠩᠭᠡ ᠲᠥᠯᠯᠡᠬᠦ ᠢᠩᠭᠡ᠃
ᠬᠠᠢᠮᠠᠯ ᠢᠩᠭᠡ ᠪᠣᠲᠣᠭᠣᠯᠠᠬᠤ ᠣᠢᠷᠠᠲᠤᠭᠰᠠᠨ ᠢᠩᠭᠡ᠃
ᠪᠤᠤᠷᠠ 5 ᠨᠠᠰᠤᠨ ᠠ᠋ᠴᠠ ᠳᠡᠭᠡᠭᠰᠢᠬᠢ ᠵᠠᠰᠠᠭᠰᠠᠨ ᠦᠭᠡᠢ ᠡᠷᠡ ᠬᠦᠢᠰᠦᠨ ᠦ᠌ ᠲᠡᠮᠡᠭᠡ᠃
ᠪᠤᠤᠷᠠ ᠵᠡᠯᠪᠡᠯᠡᠬᠦ ᠣᠷᠣᠭᠠᠯᠠᠬᠤ ᠰᠢᠨᠵᠢ ᠡᠬᠢᠯᠡᠵᠦ ᠢᠯᠡᠷᠡᠬᠦ ᠪᠠᠢᠳᠠᠯ ᠃
ᠪᠤᠤᠷᠠ ᠲᠣᠮᠣᠭᠣᠯᠠᠬᠤ
ᠣᠷᠣᠭᠠ ᠣᠷᠣᠭᠰᠠᠨ ᠪᠤᠤᠷᠠ ᠶ᠋ᠢ ᠬᠠᠵᠠᠬᠤ ᠠ᠋ᠴᠠ ᠰᠡᠷᠭᠡᠢᠯᠡᠨ ᠠᠮᠠᠨ ᠳ᠋ᠤ᠌ ᠨᠢ ᠴᠢᠩᠭᠠ ᠨᠣᠭᠲᠣ ᠲᠠᠭᠠᠷᠠᠭᠤᠯᠬᠤ ᠃
ᠪᠤᠤᠷᠠ ᠪᠠᠷ ᠰᠣᠷᠢᠬᠤ
ᠢᠩᠭᠡᠨ ᠦ᠌ ᠬᠡᠭᠡᠯ ᠠᠪᠤᠭᠰᠠᠨ ᠡᠰᠡᠬᠦ ᠶ᠋ᠢ ᠪᠤᠤᠷᠠ ᠳᠠᠭᠠᠭᠤᠯᠵᠤ ᠲᠤᠷᠰᠢᠬᠤ ᠃
ᠣᠷᠣᠭᠰᠠᠨ ᠪᠤᠤᠷᠠ ᠣᠷᠣᠭᠠ ᠨᠢ ᠣᠷᠣᠭᠰᠠᠨ ᠪᠤᠤᠷᠠ ᠃
ᠳᠠᠷᠤᠭᠠᠰᠤᠲᠠᠢ ᠪᠤᠤᠷᠠ
ᠬᠥᠮᠦᠨ ᠠᠮᠢᠲᠠᠨ ᠢ᠋ ᠬᠠᠵᠠᠵᠤ ᠤᠷᠠᠬᠤ ᠠ᠋ᠴᠠ ᠪᠣᠯᠭᠣᠮᠵᠢᠯᠠᠨ ᠲᠣᠯᠣᠭᠠᠢ ᠶ᠋ᠢ ᠨᠢ ᠪᠤᠷᠠᠨᠲᠠᠭ ᠢ᠋ᠶ᠋ᠠᠷ ᠨᠢ ᠡᠪᠦᠳᠦᠭ ᠲᠦ᠍ ᠨᠢ ᠣᠢᠷᠠᠲᠤᠭᠤᠯᠵᠤ ᠤᠶᠠᠭᠰᠠᠨ ᠃
ᠲᠤᠭ ᠲᠠᠢ ᠪᠤᠤᠷᠠ
ᠣᠷᠣᠭᠠ ᠨᠢ ᠣᠷᠣᠵᠤ ᠭᠠᠯᠵᠠᠭᠤᠷᠠᠭᠰᠠᠨ ᠮᠡᠲᠦ ᠪᠣᠯᠤᠨ ᠦᠵᠡᠭᠰᠡᠨ ᠂ ᠲᠤᠰᠢᠶᠠᠭᠰᠠᠨ ᠶᠠᠭᠤᠮᠠ ᠶ᠋ᠢ ᠬᠠᠵᠠᠬᠤ : ᠳᠠᠷᠤᠬᠤ ᠪᠣᠯᠤᠭᠰᠠᠨ ᠳ᠋ᠤ᠌ ᠪᠦᠬᠦᠨ ᠳ᠋ᠦ᠍ᠨᠢ ᠲᠤᠭ ᠤᠶᠠᠵᠤ ᠂ ᠣᠢᠷᠠᠳᠤᠭᠰᠠᠳ ᠲᠤ᠌ ᠠᠶᠤᠮᠰᠢᠭᠲᠠᠢ ᠭᠡᠵᠦ ᠮᠡᠳᠡᠭᠦᠯᠬᠦ ᠲᠡᠮᠳᠡᠭ ᠃