ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 3 > Хөх зул – Боржигон Ванжал –"Тав ᠂ Таван хошуу малын бүлэг " 3
256ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 3
ᠦᠬᠡᠷ ᠦᠨ ᠨᠠᠰᠤ ᠰᠢᠳᠦᠨ ᠦ ᠨᠡᠷᠡᠢᠳᠦᠯ Үхрийн нас шүдний нэрэйдэл
ᠦᠬᠡᠷ
ᠲᠤᠭᠤᠯᠮᠠᠢᠲᠤ ᠡᠪᠡᠷᠳᠡᠢ᠂ ᠰᠠᠯᠪᠠᠭ ᠲᠤᠭᠤᠷᠠᠢᠲᠠᠢ᠂ ᠤᠷᠲᠤ ᠰᠡᠭᠦᠯᠲᠡᠢ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤ᠋ᠨ ᠳᠣᠲᠣᠷᠠᠬᠢ ᠪᠤᠲᠠ ᠶ᠋ᠢᠨ ᠨᠢᠭᠡ ᠲᠥᠷᠥᠯ᠃
ᠦᠬᠡᠷ ᠮᠥᠭᠡᠷᠡᠬᠦ
ᠦᠬᠡᠷ ᠢᠵᠢᠯᠢ ᠪᠡᠨ ᠮᠥᠷᠥᠭᠡᠳᠦᠨ ᠥᠨᠳᠥᠷ ᠳᠠᠭᠤ ᠪᠠᠷ ᠳᠤᠤᠭᠠᠷᠬᠤ᠃
ᠦᠬᠡᠷ ᠤᠳᠠᠬᠤ
ᠦᠬᠡᠷ ᠲᠥᠯ ᠪᠠ ᠢᠵᠢᠯᠢ ᠪᠡᠨ ᠪᠣᠭᠣᠨᠢ ᠳᠠᠭᠤ ᠪᠠᠷ ᠳᠠᠭᠤᠳᠠᠬᠤ ᠳᠠᠭᠤ᠃
ᠦᠬᠡᠷ ᠡᠪᠡᠷᠵᠢᠯᠡᠬᠦ
ᠪᠠᠷᠢᠶᠠ ᠪᠠᠷ ᠦᠬᠡᠷ ᠢ᠋ ᠡᠪᠡᠷ ᠢ᠋ᠶ᠋ᠡᠷ ᠤᠶᠠᠵᠤ ᠠᠪᠬᠤ᠃
ᠦᠬᠡᠷ ᠳᠥᠷᠥᠯᠡᠬᠦ
ᠦᠬᠡᠷ ᠦ᠋ᠨ ᠬᠠᠮᠠᠷ ᠤ᠋ᠨ ᠲᠤᠯᠭᠤᠷ ᠢ᠋ ᠴᠤᠭᠤᠯᠤᠨ ᠣᠭᠣᠰᠣᠷᠯᠠᠬᠤ᠃
ᠦᠬᠡᠷ ᠬᠥᠯᠬᠦ
ᠦᠬᠡᠷ ᠢ᠋ ᠲᠡᠷᠭᠡ ᠪᠤᠶᠤ ᠠᠨᠵᠢᠰᠤᠨ ᠳ᠋ᠤ᠌ ᠣᠷᠣᠭᠤᠯᠬᠤ᠃
ᠦᠬᠡᠷ ᠰᠢᠬᠠᠬᠤ
ᠢᠳᠡᠰᠢᠨ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠦᠬᠡᠷ ᠢ᠋ ᠣᠨᠴᠠᠯᠠᠨ ᠲᠡᠵᠢᠭᠡᠬᠦ᠂ ᠪᠣᠷᠳᠣᠬᠤ᠃
ᠦᠬᠡᠷ ᠲᠡᠷᠭᠡ
ᠦᠬᠡᠷ ᠬᠥᠯᠵᠦ ᠶᠠᠭᠤᠮᠠ ᠠᠴᠢᠬᠤ ᠲᠡᠷᠭᠡ᠃
ᠲᠤᠭᠤᠯ
ᠲᠤᠰ ᠵᠢᠯ ᠦ᠋ᠨ ᠦᠬᠡᠷ ᠦ᠋ᠨ ᠲᠥᠯ ᠢ᠋ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠃
ᠡᠷᠡ ᠲᠤᠭᠤᠯ
ᠲᠤᠰ ᠵᠢᠯ ᠦ᠋ᠨ ᠡᠷᠡ ᠬᠦᠢᠰᠦᠨ ᠦ᠌ ᠲᠥᠯ᠃
ᠥᠬᠢᠨ ᠲᠤᠭᠤᠯ
ᠲᠤᠰ ᠵᠢᠯ ᠦ᠋ᠨ ᠡᠮᠡ ᠬᠦᠢᠰᠦᠨ ᠦ᠌ ᠲᠥᠯ᠃
ᠬᠡᠨᠵᠡ ᠲᠤᠭᠤᠯ
ᠣᠷᠣᠢ ᠨᠠᠮᠤᠷ ᠭᠠᠷᠤᠭᠰᠠᠨ ᠲᠤᠭᠤᠯ᠃
ᠭᠥᠭᠡᠢ
ᠡᠪᠦᠯ ᠲᠥᠷᠥᠭᠰᠡᠨ ᠲᠥᠯ᠃ ᠡᠭᠦᠨ ᠢ᠋ ᠪᠠᠷᠤᠭ ᠪᠤᠲᠠ ᠶ᠋ᠢᠨ ᠲᠥᠯ ᠳᠡᠭᠡᠷᠡ ᠳᠡᠢᠯᠦᠩᠭᠢ ᠬᠡᠯᠡᠳᠡᠭ᠃
ᠳᠠᠬᠤᠯᠠᠢ ᠲᠤᠭᠤᠯ
ᠬᠠᠪᠤᠷ ᠡᠷᠲᠡ ᠭᠠᠷᠤᠭᠰᠠᠨ ᠲᠤᠭᠤᠯ᠃ ᠡᠭᠦᠨ ᠢ᠋ ᠶᠡᠬᠡ ᠲᠥᠯᠥᠪ ᠪᠤᠲᠠ ᠮᠠᠯ ᠤ᠋ᠨ ᠲᠥᠯ ᠳᠡᠭᠡᠷᠡ ᠬᠡᠯᠡᠳᠡᠭ᠃
ᠬᠠᠪᠴᠢ ᠲᠤᠭᠤᠯ
ᠵᠢᠯ ᠵᠠᠪᠰᠠᠷ ᠲᠤ᠌ ᠭᠠᠷᠤᠭᠰᠠᠨ ᠲᠤᠭᠤᠯ᠃
ᠤᠤᠭᠠᠨ ᠲᠤᠭᠤᠯ
ᠬᠠᠮᠤᠭ ᠲᠦᠷᠦᠭᠦᠨ ᠳ᠋ᠦ᠍ ᠭᠠᠷᠤᠭᠰᠠᠨ ᠲᠤᠭᠤᠯ᠃
ᠥᠨᠥᠴᠢᠨ ᠲᠤᠭᠤᠯ
ᠡᠬᠡ ᠦᠭᠡᠢ ᠬᠣᠴᠣᠷᠤᠭᠰᠠᠨ ᠲᠤᠭᠤᠯ᠃
ᠲᠤᠭᠤᠯᠯᠠᠬᠤ
ᠦᠨᠢᠶᠡ ᠲᠥᠯᠯᠡᠬᠦ ᠶ᠋ᠢ ᠲᠤᠭᠤᠯᠯᠠᠬᠤ ᠭᠡᠨᠡ᠃ ᠬᠠᠷᠢᠨ ᠦᠨᠢᠶᠡ ᠲᠥᠷᠥᠨᠡ ᠭᠡᠵᠦ ᠬᠡᠯᠡᠳᠡᠭ ᠦᠭᠡᠢ᠃
ᠪᠣᠭᠣᠯᠲᠣᠷᠭᠠ
ᠨᠢᠯᠬᠠ ᠲᠤᠭᠤᠯ ᠪᠢᠰᠢ᠂ ᠲᠥᠯᠵᠢᠨ ᠳᠡᠪᠡᠭᠡᠷᠡᠵᠦ ᠪᠡᠶᠡ ᠨᠢ ᠴᠢᠩᠭᠠᠷᠠᠭᠰᠠᠨ ᠪᠣᠯᠪᠠᠴᠤ ᠣᠢ ᠳ᠋ᠠᠭᠠᠨ ᠬᠦᠷᠦᠭᠡᠳᠦᠢ ᠲᠤᠭᠤᠯ᠃ ᠪᠠᠰᠠ ᠲᠦᠨᠲᠦᠭᠡᠷ ᠭᠡᠵᠦ ᠬᠥᠭᠡᠷᠦᠰᠢᠶᠡᠵᠦ ᠬᠡᠯᠡᠳᠡᠭ ᠭᠠᠵᠠᠷ ᠪᠣᠢ ᠃1 ᠨᠠᠰᠤᠲᠠᠢ ᠦᠬᠡᠷ᠃
ᠪᠢᠷᠠᠭᠤ
2 ᠨᠠᠰᠤᠲᠠᠢ ᠦᠬᠡᠷ ᠢ᠋ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠃
ᠡᠷᠡ ᠪᠢᠷᠠᠭᠤ
2 ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦᠨ ᠦ᠌ ᠦᠬᠡᠷ᠃
ᠥᠬᠢᠨ ᠪᠢᠷᠠᠭᠤ
2 ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦᠨ ᠦ᠌ ᠦᠬᠡᠷ᠃
ᠨᠣᠭᠣᠭᠠᠨ ᠤ᠋ ᠪᠢᠷᠠᠭᠤ
ᠬᠣᠢᠲᠤᠨ ᠬᠠᠪᠤᠷ ᠤ᠋ᠨ ᠬᠢᠨᠢ ᠨᠣᠭᠣᠭᠠᠨ ᠳ᠋ᠤ᠌ ᠴᠠᠳᠴᠤ ᠲᠡᠩᠬᠡᠷᠡᠬᠦ ᠪᠣᠭᠣᠯᠲᠣᠷᠭᠠ ᠶ᠋ᠢᠨ ᠨᠡᠷᠡ : ᠪᠢᠷᠠᠭᠤ ᠪᠣᠯᠬᠤ ᠭᠡᠵᠦ ᠪᠠᠢᠭᠠ ᠦᠶᠡ ᠶ᠋ᠢᠨ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡ᠃
ᠨᠣᠭᠣᠭᠠᠨ ᠤ᠋ ᠡᠷᠡ ᠪᠢᠷᠠᠭᠤ
ᠨᠣᠭᠣᠭᠠᠨ ᠳ᠋ᠤ᠌ ᠴᠠᠳᠤᠭᠰᠠᠨ ᠡᠷᠡ ᠪᠢᠷᠠᠭᠤ᠃
ᠨᠣᠭᠣᠭᠠᠨ ᠤ᠋ ᠥᠬᠢᠨ ᠪᠢᠷᠠᠭᠤ
ᠨᠣᠭᠣᠭᠠᠨ ᠳ᠋ᠤ᠌ ᠴᠠᠳᠤᠭᠰᠠᠨ ᠥᠬᠢᠨ ᠪᠢᠷᠠᠭᠤ᠃
ᠬᠤᠰᠠᠷᠠᠩ ᠪᠠᠷᠠᠭᠤ
ᠰᠤᠪᠠᠢᠷᠠᠭᠰᠠᠨ ᠡᠬᠡ ᠪᠡᠨ ᠪᠢᠷᠠᠭᠤ ᠪᠣᠯᠴᠢᠬᠠᠭᠠᠳ ᠪᠠᠰᠠ ᠬᠥᠬᠥᠵᠦ ᠪᠣᠢ ᠶ᠋ᠢ ᠬᠡᠯᠡᠨᠡ᠃
ᠢᠰᠦᠯ ᠬᠥᠬᠥᠭᠰᠡᠨ ᠪᠢᠷᠠᠭᠤ
ᠬᠤᠰᠠᠷᠠ ᠬᠥᠬᠥᠭᠰᠡᠨ ᠪᠢᠷᠠᠭᠤ ᠶ᠋ᠢ ᠴᠠᠬᠠᠷ᠂ ᠰᠢᠯᠢ ᠶ᠋ᠢᠨ ᠭᠣᠣᠯ ᠳ᠋ᠤ᠌ ᠢᠰᠦᠯ ᠬᠥᠬᠥᠭᠰᠡᠨ ᠪᠢᠷᠠᠭᠤ ᠭᠡᠵᠦ ᠬᠡᠯᠡᠳᠡᠭ ᠭᠠᠵᠠᠷ ᠪᠣᠢ᠃ ᠡᠨᠡ ᠨᠢ ᠵᠢᠯ ᠥᠨᠵᠢᠲᠡᠯᠡ ᠰᠦ ᠬᠥᠬᠥᠭᠰᠡᠨ ᠭᠡᠰᠡᠨ ᠰᠠᠨᠠᠭᠠᠲᠠᠢ᠃
ᠪᠤᠬᠠᠨ ᠪᠢᠷᠠᠭᠤ
ᠪᠤᠬᠠ ᠲᠠᠯᠪᠢᠭᠰᠠᠨ ᠴᠠᠭᠠᠯᠠᠭᠠ ᠦᠭᠡᠢ ᠪᠢᠷᠠᠭᠤ᠃
ᠪᠤᠬᠠᠨᠳᠠᠢ
ᠪᠤᠬᠠᠨ ᠪᠢᠷᠠᠭᠤ ᠶ᠋ᠢᠨ ᠬᠥᠭᠡᠷᠦᠰᠢᠶᠡᠯ᠃
ᠡᠪᠦᠭᠡᠨ ᠪᠢᠷᠠᠭᠤ
ᠰᠢᠳᠦᠯᠡᠬᠦ ᠰᠢᠬᠠᠭᠰᠠᠨ ᠪᠢᠷᠠᠭᠤ᠃ ᠪᠢᠷᠠᠭᠤᠨ ᠭᠤᠨᠵᠢ ᠪᠢᠷᠠᠭᠤᠨ ᠳ᠋ᠠᠭᠠᠨ ᠪᠤᠬᠠᠨ ᠳ᠋ᠤ᠌ ᠭᠠᠷᠴᠤ ᠰᠢᠳᠦᠯᠡᠩ ᠳ᠋ᠡᠭᠡᠨ ᠲᠤᠭᠤᠯᠯᠠᠭᠰᠠᠨ ᠢ ᠬᠡᠯᠡᠨᠡ᠃
ᠰᠢᠳᠦᠯᠡᠩ
3 ᠨᠠᠰᠤᠲᠠᠢ ᠦᠬᠡᠷ ᠢ᠋ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ ᠂ 2 ᠬᠠᠯᠪᠠᠭᠠᠳᠠᠢ (ᠰᠢᠳᠦᠲᠡᠢ ) ᠃
ᠡᠷᠡ ᠰᠢᠳᠦᠯᠡᠩ
3 ᠨᠠᠰᠤᠲᠠᠢ ᠡᠷᠡ ᠦᠬᠡᠷ᠃
ᠥᠬᠢᠨ ᠰᠢᠳᠦᠯᠡᠩ
3 ᠨᠠᠰᠤᠲᠠᠢ ᠡᠮᠡ ᠦᠬᠡᠷ᠃
ᠭᠤᠨᠠ
① 3 ᠨᠠᠰᠤᠲᠠᠢ ᠡᠷᠡ ᠦᠬᠡᠷ ᠂ ᠡᠨᠡ ᠪᠣᠯ 3 ᠨᠠᠰᠤᠲᠠᠢ ᠦᠬᠡᠷ ᠦ᠋ᠨ ᠣᠨᠣᠭᠠᠭᠰᠠᠨ ᠨᠡᠷᠡ᠃
② ᠪᠠᠭᠠ ᠨᠠᠰᠤᠨ ᠤ᠋ ᠦᠬᠡᠷ ᠭᠡᠰᠡᠨ ᠤᠳᠬᠠ ᠲᠠᠢ᠃ ᠵᠢᠱ᠌ᠢᠶᠡᠯᠡᠪᠡᠯ ᠄ ᠬᠢᠵᠠᠭᠠᠯᠠᠩ ᠭᠤᠨᠠ᠂ ᠰᠣᠶᠣᠭᠠᠯᠠᠩ ᠭᠤᠨᠠ ᠭᠡᠬᠦ ᠮᠡᠲᠦ ᠣᠨᠣᠪᠴᠢ ᠮᠠᠭᠤᠲᠠᠢ ᠬᠠᠯᠭᠤᠤ ᠬᠡᠯᠡᠯᠭᠡ᠃
ᠬᠣᠣᠰ ᠤ᠋ᠨ ᠭᠤᠨᠠ
ᠠᠭᠠᠯᠵᠢᠨ ᠲᠡᠷᠭᠡᠨ ᠦ᠌ ᠠᠷᠠᠯ ᠤ᠋ᠨ ᠦᠬᠡᠷ ᠦ᠋ᠨ ᠪᠤᠷᠤᠭᠤ ᠲᠠᠯᠠ ᠳ᠋ᠤ᠌ ᠬᠠᠪᠰᠤᠷᠭᠠᠨ ᠬᠥᠯᠯᠡᠭᠰᠡᠨ ᠪᠠᠭᠠ ᠨᠠᠰᠤᠨ ᠤ᠋ ᠦᠬᠡᠷ ᠃ ᠬᠠᠰᠢᠷᠠᠭ ᠪᠤᠷᠢᠶᠠᠳ ᠲᠤ᠌ ᠡᠷᠡ ᠰᠢᠳᠦᠯᠡᠩ ᠦᠬᠡᠷ ᠢ᠋ ᠬᠠᠰᠢᠷᠠᠭ ᠭᠡᠳᠡᠭ᠃
ᠭᠤᠨᠵᠢ
① 3 ᠨᠠᠰᠤᠨ ᠤ᠋ ᠡᠮᠡ ᠦᠬᠡᠷ ᠃
② 《ᠭᠤᠨᠠ 》 ᠶ᠋ᠢᠨ ᠰᠢᠭ 《ᠵᠠᠯᠠᠭᠤ ᠨᠠᠰᠤᠨ ᠤ᠋ ᠦᠨᠢᠶᠡᠳ 》ᠭᠡᠰᠡᠨ ᠰᠢᠯᠵᠢᠭᠰᠡᠨ ᠤᠳᠬᠠ ᠲᠠᠢ᠃
ᠬᠢᠵᠠᠭᠠᠯᠠᠩ
4 ᠨᠠᠰᠤᠲᠠᠢ ᠦᠬᠡᠷ ᠢ᠋ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ ᠂ 4 ᠬᠠᠯᠪᠠᠭᠠᠳᠠᠢ ( ᠰᠢᠳᠦᠲᠡᠢ ) ᠃
ᠡᠷᠡ ᠬᠢᠵᠠᠭᠠᠯᠠᠩ
4 ᠨᠠᠰᠤᠲᠠᠢ ᠡᠷᠡ ᠦᠬᠡᠷ ᠃ 4 ᠬᠠᠯᠪᠠᠭᠠᠲᠠᠢ᠃
ᠡᠮᠡ ᠬᠢᠵᠠᠭᠠᠯᠠᠩ
4 ᠨᠠᠰᠤᠲᠠᠢ ᠡᠮᠡ ᠦᠬᠡᠷ᠃ 4 ᠬᠠᠯᠪᠠᠭᠠᠲᠠᠢ᠃
ᠳᠥᠨᠡ
4 ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦᠨ ᠦ᠌ ᠦᠬᠡᠷ᠃
ᠳᠥᠨᠵᠢ
4 ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦᠨ ᠦ᠌ ᠦᠬᠡᠷ᠃
ᠨᠡᠮᠡᠷᠢ ᠶ᠋ᠢᠨ ᠭᠤᠨᠵᠢ
ᠲᠤᠭᠤᠯᠯᠠᠬᠤ ᠨᠠᠰᠤᠨ ᠤ᠋ ᠳᠥᠨᠵᠢ᠂ ᠡᠨᠡ ᠨᠢ ᠭᠤᠨᠵᠢᠨ ᠳ᠋ᠠᠭᠠᠨ ᠪᠤᠬᠠᠨ ᠳ᠋ᠤ᠌ ᠭᠠᠷᠴᠤ : ᠳᠥᠨᠵᠢᠨ ᠳ᠋ᠡᠭᠡᠨ ᠲᠤᠭᠤᠯᠯᠠᠬᠤ ᠵᠢᠮᠡ ᠬᠠᠤᠯᠢ ᠶ᠋ᠢ ᠲᠤᠰᠬᠠᠵᠤ ᠪᠠᠢᠨᠠ᠃
ᠰᠣᠶᠣᠭᠠᠯᠠᠩ
5 ᠨᠠᠰᠤᠲᠠᠢ ᠦᠬᠡᠷ ᠢ᠋ ᠬᠦᠢᠰᠦ ᠢᠯᠭᠠᠭᠰᠠᠨ ᠦᠭᠡᠢ ᠨᠡᠷᠡᠯᠡᠭᠰᠡᠨ ᠨᠡᠷᠡᠢᠳᠦᠯ᠂ 6 ᠬᠠᠯᠪᠠᠭᠠᠲᠠᠢ᠃
ᠰᠣᠶᠣᠭᠠᠯᠠᠩ ᠭᠤᠨᠠ ( ᠱᠠᠷ )
5 ᠨᠠᠰᠤᠲᠠᠢ ᠡᠷᠡ ᠦᠬᠡᠷ᠃
ᠰᠣᠶᠣᠭᠠᠯᠠᠩ ᠦᠨᠢᠶᠡ
5 ᠨᠠᠰᠤᠲᠠᠢ ᠡᠮᠡ ᠦᠬᠡᠷ᠃
ᠭᠦᠢᠴᠡᠬᠦ ᠨᠠᠰᠤ
6 ᠨᠠᠰᠤᠲᠠᠢ ᠦᠬᠡᠷ ᠂ 8 ᠬᠠᠯᠪᠠᠭᠠᠳᠠᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠦᠬᠡᠷ᠃
ᠱᠠᠷ
6 ᠨᠠᠰᠤᠨ ᠠ᠋ᠴᠠ ᠳᠡᠭᠡᠭᠰᠢᠬᠢ ᠡᠷᠡ ᠦᠬᠡᠷ ᠢ᠋ ᠱᠠᠷ ᠭᠡᠨᠡ ᠃ 5 ᠨᠠᠰᠤ ᠬᠦᠷᠲᠡᠯᠡ ᠪᠦᠷ ᠲᠤᠰᠬᠠᠢ ᠨᠡᠷᠡ ᠲᠡᠢ ᠲᠤᠯᠠ 6 ᠨᠠᠰᠤᠨ ᠠ᠋ᠴᠠ ᠳᠡᠭᠡᠭᠰᠢ ᠭᠡᠵᠦ ᠲᠣᠭᠲᠠᠭᠠᠯᠠ᠃
ᠮᠣᠩᠭᠣᠯ ᠱᠠᠷ
ᠮᠣᠩᠭᠣᠯ ᠦᠬᠡᠷ ᠦ᠋ᠨ ᠤᠳᠤᠮ ᠲᠠᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠷᠡ ᠬᠦᠢᠰᠦᠨ ᠦ᠌ ᠦᠬᠡᠷ᠃
ᠰᠠᠷᠯᠤᠭ ᠤ᠋ᠨ ᠱᠠᠷ
ᠰᠠᠷᠯᠤᠭ ᠦᠬᠡᠷ ᠦ᠋ᠨ ᠤᠳᠤᠮ ᠲᠠᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠡᠷᠡ ᠦᠬᠡᠷ᠃
ᠨᠠᠷᠠᠨ ᠬᠠᠢᠨᠤᠭ
ᠮᠣᠩᠭᠣᠯ ᠦᠬᠡᠷ ᠦ᠋ᠨ ᠪᠤᠬᠠᠨ ᠡᠴᠢᠭᠡ ᠲᠡᠢ ᠦᠬᠡᠷ᠃
ᠰᠠᠷᠠᠨ ᠬᠠᠢᠨᠤᠭ
ᠰᠠᠷᠯᠤᠭ ᠦᠬᠡᠷ ᠦ᠋ᠨ ᠪᠤᠬᠠᠨ ᠡᠴᠢᠭᠡ ᠲᠡᠢ ᠦᠬᠡᠷ᠃
ᠠᠷᠠᠯ ᠤ᠋ᠨ ᠱᠠᠷ
ᠲᠡᠷᠭᠡ ᠂ ᠠᠨᠵᠢᠰᠤᠨ ᠤ᠋ ᠨᠠᠰᠤ ᠭᠦᠢᠴᠡᠭᠰᠡᠨ ᠬᠥᠯᠪᠦᠷᠢ᠃
ᠠᠮᠪᠠᠨ ᠱᠠᠷ
ᠨᠠᠰᠤ ᠭᠦᠢᠴᠡᠭᠰᠡᠨ ᠮᠠᠰᠢ ᠲᠣᠮᠣ ᠡᠷᠡ ᠬᠦᠢᠰᠦᠨ ᠦ᠌ ᠵᠠᠰᠠᠭᠰᠠᠨ ᠦᠬᠡᠷ᠃
ᠦᠨᠢᠶᠡ
6 ᠨᠠᠰᠤᠨ ᠠ᠋ᠴᠠ ᠳᠡᠭᠡᠭᠰᠢᠬᠢ ᠡᠮᠡ ᠬᠦᠢᠰᠦᠨ ᠦ᠌ ᠦᠬᠡᠷ ᠢ᠋ ᠵᠢᠩᠬᠢᠨᠢ ᠦᠨᠢᠶᠡ ᠳ᠋ᠦ᠍ ᠲᠣᠭᠠᠴᠠᠨᠠ ᠃ ᠬᠢᠵᠠᠭᠠᠯᠠᠩ ᠂ ᠰᠣᠶᠣᠭᠠᠯᠠᠩ ᠨᠠᠰᠤᠨ ᠤ᠋ ᠡᠮᠡ ᠦᠬᠡᠷ ᠢ᠋ ᠨᠢ ᠪᠠᠭᠠ ᠨᠠᠰᠤᠨ ᠤ᠋ ᠦᠨᠢᠶᠡ ᠭᠡᠵᠦ ᠬᠡᠯᠡᠨᠡ᠃ ᠵᠠᠷᠢᠮ ᠭᠠᠵᠠᠷ ᠤ᠋ᠨ ᠬᠡᠯᠡᠳᠡᠭ ᠭᠤᠨᠵᠢᠨ ᠦᠨᠢᠶᠡ ᠪᠣᠯᠠᠢ᠃
ᠭᠡᠭᠡᠯᠲᠡᠢ ᠦᠨᠢᠶᠡ
ᠬᠡᠭᠡᠯ ᠲᠣᠭᠲᠠᠭᠰᠠᠨ ᠦᠨᠢᠶᠡ᠃
ᠰᠤᠪᠠᠢ ᠦᠨᠢᠶᠡ
ᠬᠡᠭᠡᠯ ᠲᠣᠭᠲᠠᠭᠰᠠᠨ ᠦᠭᠡᠢ ᠦᠨᠢᠶᠡ᠃
ᠬᠤᠰᠠᠷᠠᠩ ᠦᠨᠢᠶᠡ
ᠨᠢᠳᠤᠨᠤᠨ ᠲᠤᠭᠤᠯᠯᠠᠭᠠᠳ ᠰᠤᠪᠠᠢᠷᠠᠭᠰᠠᠨ ᠴᠤ᠌ ᠰᠦ ᠨᠢ ᠬᠤᠵᠢᠷᠠᠭᠠ ᠦᠭᠡᠢ᠂ ᠤᠤᠯ ᠤ᠋ᠨ ᠲᠤᠭᠤᠯ ᠢ᠋ᠶ᠋ᠠᠨ ᠬᠥᠬᠥᠭᠦᠯᠦᠭᠰᠡᠭᠡᠷ ᠪᠣᠢ ᠦᠨᠢᠶᠡ᠃ ᠪᠠᠰᠠ ᠲᠤᠭᠤᠯ ᠦᠭᠡᠢ ᠱᠠᠭᠠᠮᠠᠭᠠᠢ ᠦᠨᠢᠶᠡ ᠶ᠋ᠢ ᠮᠥᠨ ᠬᠤᠰᠠᠷᠠᠩ ᠭᠡᠳᠡᠭ᠃
ᠬᠥᠬᠥᠭᠦᠯ ᠦᠨᠢᠶᠡ
ᠰᠦ ᠨᠢ ᠬᠤᠵᠢᠷᠠᠭᠠ ( ᠰᠢᠷᠭᠢᠭᠡᠳᠦᠢ ) ᠦᠭᠡᠢ ᠦᠨᠢᠶᠡ᠃
ᠭᠣᠯᠣᠩᠬᠠᠢ ᠦᠨᠢᠶᠡ
ᠲᠤᠭᠤᠯ ᠳ᠋ᠠᠭᠠᠨ ᠠᠮᠠᠷᠠᠭ ᠦᠭᠡᠢ ᠣᠷᠬᠢᠭᠠᠳ ᠶᠠᠪᠤᠳᠠᠭ ᠦᠨᠢᠶᠡ᠃
ᠰᠢᠯᠢᠷᠡᠳᠡᠭ ᠦᠨᠢᠶᠡ
ᠲᠤᠭᠤᠯᠯᠠᠬᠤ ᠳ᠋ᠠᠭᠠᠨ ᠭᠠᠳᠠᠭᠰᠢ ᠬᠣᠯᠠ ᠶᠠᠪᠤᠵᠤ ᠲᠤᠭᠤᠯᠯᠠᠳᠠᠭ ᠦᠨᠢᠶᠡ᠃
ᠪᠤᠬᠠ
3 ᠨᠠᠰᠤᠨ ᠠ᠋ᠴᠠ ᠳᠡᠭᠡᠭᠰᠢᠬᠢ ᠵᠠᠰᠠᠭᠰᠠᠨ ᠦᠭᠡᠢ ᠡᠷᠡ ᠬᠦᠢᠰᠦᠨ ᠦ᠌ ᠦᠬᠡᠷ᠃
ᠪᠢᠷᠠᠭᠤᠨ ᠪᠤᠬᠠ
2 ᠨᠠᠰᠤᠲᠠᠢ ᠪᠤᠬᠠ ᠲᠠᠯᠪᠢᠭᠰᠠᠨ ᠵᠠᠰᠠᠭᠰᠠᠨ ᠦᠭᠡᠢ ᠪᠢᠷᠠᠭᠤ᠃
ᠠᠰᠠᠮᠠᠨ (ᠠᠰᠠᠮᠠᠭ )
ᠴᠠᠭᠠᠯᠠᠬᠤ ᠳ᠋ᠤ᠌ ᠥᠷᠥᠭᠡᠰᠦᠨ ᠪᠥᠭᠡᠨᠰᠦᠭ ᠨᠢ ᠪᠠᠭᠤᠭᠠᠳᠤᠢ ᠬᠣᠴᠣᠷᠤᠭᠰᠠᠨ ᠪᠤᠶᠤ ᠡᠰᠡᠬᠦᠯᠡ ᠬᠣᠵᠢᠮ ᠨᠢ ᠪᠥᠭᠡᠨᠰᠦᠭ ᠪᠠᠭᠤᠭᠰᠠᠨ ᠡᠷᠡ ᠬᠦᠢᠰᠦᠨ ᠦ᠌ ᠪᠤᠬᠠᠨᠴᠢᠷ ᠦᠬᠡᠷ᠃
ᠨᠠᠢᠵᠠᠨ
ᠡᠮᠡ ᠬᠦᠢᠰᠦᠲᠦ ᠡᠷᠡ ᠦᠬᠡᠷ᠃ ᠰᠠᠭᠠᠷᠮᠠᠭ ᠦᠬᠡᠷ᠃