ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ 1 > Хөх зул – Боржигон Ванжал –"Тав ᠂ Таван хошуу малын бүлэг " 1
565ᠲᠠᠪᠤ ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠪᠦᠯᠦᠭ – 1
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠶᠡᠷᠦᠩᠬᠡᠢᠯᠡᠭᠰᠡᠨ ᠨᠡᠷᠡ Таван хошуу малын ерөнхийлсөн нэр
ᠮᠠᠯ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤ᠋ᠨ ᠶᠡᠷᠦᠩᠬᠡᠢᠯᠡᠭᠰᠡᠨ ᠨᠡᠷᠡ᠃
ᠮᠠᠯ ᠠᠵᠤ ᠠᠬᠤᠢ
ᠮᠠᠯ ᠮᠠᠯᠯᠠᠬᠤ ᠪᠠᠷ ᠭᠣᠣᠯᠯᠠᠵᠤ ᠪᠦᠬᠦᠢ ᠦᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠰᠢᠨᠵᠢ ᠪᠡᠷ ᠨᠢ ᠨᠡᠷᠡᠯᠡᠭᠰᠡᠨ ᠨᠡᠷᠡ᠃
ᠮᠠᠯ ᠰᠦᠷᠦᠭ
ᠬᠣᠨᠢ ᠂ ᠢᠮᠠᠭᠠ ᠂ ᠠᠳᠤᠭᠤ ᠂ ᠦᠬᠡᠷ ᠂ ᠲᠡᠮᠡᠭᠡ ᠃
ᠮᠠᠯ ᠤ᠋ᠨ ᠬᠠᠰᠢᠶᠠ
ᠮᠠᠯ ᠢ᠋ ᠬᠦᠢᠲᠡᠨ ᠰᠢᠭᠤᠷᠭᠠᠨ ᠠ᠋ᠴᠠ ᠪᠣᠯᠤᠨ ᠡᠢᠰᠢ ᠲᠡᠢᠰᠢ ᠶᠠᠪᠤᠬᠤ ᠠ᠋ᠴᠠ ᠪᠣᠯᠭᠣᠮᠵᠢᠯᠠᠨ ᠪᠠᠷᠢᠭᠰᠠᠨ ᠪᠠᠷᠢᠯᠭᠠ᠃
ᠮᠠᠯ ᠲᠥᠯᠯᠡᠬᠦ
ᠮᠠᠯ ᠤ᠋ᠨ ᠦᠷᠡ ᠲᠥᠯ ᠢ᠋ᠶ᠋ᠡᠨ ᠭᠠᠷᠭᠠᠬᠤ᠃
ᠮᠠᠯ ᠣᠲᠣᠷᠯᠠᠬᠤ
ᠮᠠᠯ ᠢ᠋ ᠠᠯᠤᠰᠬᠠᠨ ᠪᠡᠯᠴᠢᠭᠡᠷ ᠲᠡᠢ ᠭᠠᠵᠠᠷ ᠠᠪᠠᠴᠢᠨ ᠮᠠᠯᠯᠠᠬᠤ ᠃
ᠮᠠᠯ ᠲᠡᠪᠡᠭᠡᠷᠡᠬᠦ
ᠮᠠᠭᠤᠳᠠᠭᠰᠠᠨ ᠮᠠᠯ ᠰᠠᠢᠵᠢᠷᠠᠵᠤ ᠡᠬᠢᠯᠡᠬᠦ ᠃
ᠮᠠᠯ ᠮᠠᠯᠯᠠᠭᠠ
ᠮᠠᠯ ᠠᠳᠤᠭᠤᠯᠠᠬᠤ ᠠᠷᠭᠠ ᠠᠵᠢᠯᠯᠠᠭᠠ᠃
ᠮᠠᠯ ᠤ᠋ᠨ ᠲᠣᠭᠠᠯᠠᠯᠭᠠ
ᠮᠠᠯ ᠤ᠋ᠨ ᠲᠣᠭᠠ ᠭᠠᠷᠭᠠᠬᠤ᠃
ᠮᠠᠯ ᠤ᠋ᠨ ᠲᠡᠵᠢᠭᠡᠯ
ᠬᠠᠲᠠᠭᠰᠠᠨ ᠡᠪᠡᠰᠦ ᠂ ᠳᠠᠷᠤᠰᠢ ᠪᠤᠶᠤ ᠪᠣᠷᠳᠣᠭᠠ ᠵᠡᠷᠭᠡ᠃
ᠮᠠᠯ ᠤ᠋ᠨ ᠪᠡᠯᠴᠢᠭᠡᠷ
ᠮᠠᠯ ᠢᠳᠡᠰᠢᠯᠡᠬᠦ ᠭᠠᠵᠠᠷ᠃
ᠮᠠᠯ ᠲᠠᠭᠤᠪᠤᠷᠢ
ᠤᠯᠤᠰ ᠤ᠋ᠨ ᠲᠠᠲᠠᠪᠤᠷᠢ ᠮᠠᠯ ᠢ᠋ ᠬᠦᠷᠭᠡᠬᠦ ᠪᠡᠷ ᠲᠠᠭᠤᠬᠤ᠃
ᠮᠠᠯ ᠤ᠋ᠨ ᠠᠰᠢᠭ ᠰᠢᠮᠡ
ᠮᠠᠯ ᠤ᠋ᠨ ᠦᠰᠦ ᠨᠣᠣᠰᠣ᠂ ᠠᠷᠠᠰᠤ ᠰᠢᠷᠢ᠂ ᠰᠦ ᠮᠢᠬᠠ ᠵᠡᠷᠭᠡ ᠠᠰᠢᠭᠲᠠᠢ ᠵᠦᠢᠯᠡᠰ᠃
ᠮᠠᠯ ᠡᠮᠨᠡᠯᠭᠡ ᠶ᠋ᠢᠨ ᠤᠬᠠᠭᠠᠨ
ᠮᠠᠯ ᠤ᠋ᠨ ᠡᠪᠡᠳᠴᠢᠨ ᠡᠮᠭᠡᠭ ᠢ᠋ ᠰᠡᠷᠭᠡᠢᠯᠡᠬᠦ ᠪᠠ ᠡᠮᠴᠢᠯᠡᠨ ᠵᠠᠰᠠᠬᠤ ᠲᠤᠬᠠᠢ ᠣᠨᠣᠯ ᠰᠤᠳᠤᠯᠭᠠ᠃
ᠮᠠᠯ ᠤ᠋ᠨ ᠡᠮᠴᠢ
ᠮᠠᠯ ᠡᠮᠨᠡᠯᠭᠡ ᠶ᠋ᠢᠨ ᠤᠬᠠᠭᠠᠨ ᠳ᠋ᠤ᠌ ᠮᠡᠷᠭᠡᠵᠢᠭᠰᠡᠨ ᠬᠥᠮᠦᠨ᠃
ᠮᠠᠯ ᠡᠮᠨᠡᠯᠭᠡ
ᠮᠠᠯ ᠤ᠋ᠨ ᠡᠪᠡᠳᠴᠢᠨ ᠡᠮᠭᠡᠭ ᠢ᠋ ᠰᠡᠷᠭᠡᠢᠯᠡᠬᠦ ᠡᠮᠴᠢᠯᠡᠬᠦ ᠭᠠᠵᠠᠷ᠃
ᠮᠠᠯ ᠨᠢᠲᠤᠯᠬᠤ
ᠮᠠᠯ ᠭᠠᠷᠭᠠᠬᠤ ᠂ ᠮᠠᠯ ᠬᠢᠬᠦ ᠂ ᠮᠠᠯ ᠵᠠᠷᠤᠬᠤ ᠂ ᠮᠠᠯ ᠲᠥᠬᠥᠭᠡᠷᠬᠦ ᠂ ᠮᠠᠯ ᠠᠯᠠᠬᠤ ᠃
ᠮᠠᠯ ᠤ᠋ᠨ ᠵᠠᠬᠠ
ᠮᠠᠯ ᠬᠤᠳᠠᠯᠳᠤᠬᠤ ᠭᠠᠵᠠᠷ᠃
ᠮᠠᠯ ᠲᠠᠷᠢᠶᠠᠯᠠᠩ ᠤ᠋ᠨ ᠠᠵᠢᠯ
ᠮᠠᠯ ᠪᠠ ᠲᠠᠷᠢᠶᠠᠯᠠᠩ ᠬᠣᠣᠰᠯᠠᠭᠰᠠᠨ ᠠᠵᠢᠯ᠃
ᠮᠠᠯ ᠮᠠᠯ ᠤ᠋ᠨ ᠵᠠᠬᠠ ᠲᠠᠢ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤ᠋ᠨ ᠠᠯᠢ ᠠᠯᠢᠨ ᠠ᠋ᠴᠠ ᠴᠤ᠌ ᠪᠠᠢᠬᠤ ᠶ᠋ᠢ ᠬᠡᠯᠡᠨᠡ᠃
ᠲᠠᠪᠤᠨ ᠬᠣᠰᠢᠭᠤ ᠮᠠᠯ
ᠠᠳᠤᠭᠤ ᠂ ᠦᠬᠡᠷ ᠂ ᠲᠡᠮᠡᠭᠡ ᠂ ᠬᠣᠨᠢ ᠂ ᠢᠮᠠᠭᠠ ᠵᠡᠷᠭᠡ ᠲᠠᠪᠤᠨ ᠲᠥᠷᠥᠯ ᠦ᠋ᠨ ᠮᠠᠯ ᠢ᠋ 《ᠲᠠᠪᠤᠨ ᠬᠣᠰᠢᠭᠤ ᠮᠠᠯ 》ᠭᠡᠳᠡᠭ᠃
ᠲᠠᠪᠤᠨ ᠴᠤᠯᠤ
ᠠᠭᠤᠰᠬᠢ ᠂ ᠵᠢᠷᠦᠬᠡ ᠂ ᠡᠯᠢᠭᠡ ᠂ ᠪᠥᠭᠡᠷᠡ ᠂ ᠳᠡᠯᠢᠭᠦᠦ᠃
ᠲᠠᠪᠤ ᠳ᠋ᠤ᠌ ᠣᠷᠣᠬᠤ
ᠠᠢᠷᠠᠭ ᠤ᠋ᠨ ᠲᠠᠪᠤ ᠳ᠋ᠤ᠌ ᠣᠷᠣᠬᠤ᠃
ᠲᠠᠪᠬᠠᠯᠠᠬᠤ
ᠬᠤᠷᠠᠭᠠ ᠬᠥᠷᠥᠪᠡᠵᠢᠵᠦ ᠰᠡᠭᠦᠯ ᠨᠢ ᠲᠠᠷᠭᠤᠯᠠᠵᠤ ᠴᠢᠩᠭᠠᠷᠠᠬᠤ᠃
ᠳᠠᠪᠬᠠᠴᠢᠯᠠᠬᠤ
ᠡᠮᠨᠢᠭ ᠲᠡᠮᠡᠭᠡ ᠶ᠋ᠢ ᠰᠤᠷᠭᠠᠬᠤ ᠶ᠋ᠢᠨ ᠲᠥᠯᠥᠭᠡ ᠪᠤᠷᠤᠭᠤᠲᠠᠢ ᠬᠠ ᠶ᠋ᠢᠨ ᠲᠠᠪᠠᠭ ᠠ᠋ᠴᠠ ᠳᠡᠭᠡᠰᠦ ᠤᠶᠠᠵᠤ ᠲᠠᠲᠠᠵᠤ ᠬᠡᠪᠲᠡᠭᠦᠯᠬᠦ ᠶ᠋ᠢ ᠬᠡᠯᠡᠨᠡ᠃
ᠪᠤᠲᠠ ᠪᠤᠭ ᠮᠠᠯ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤ᠋ᠨ ᠢ᠋ᠶ᠋ᠠᠨ ᠪᠡᠶᠡ ᠶ᠋ᠢᠨ ᠬᠢᠨᠢ ᠲᠣᠮᠣ᠂ ᠵᠢᠵᠢᠭ ᠢ᠋ ᠦᠨᠳᠦᠰᠦᠯᠡᠨ ᠪᠤᠲᠠ᠂ ᠪᠤᠭ ᠮᠠᠯ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠨ ᠨᠡᠷᠡᠯᠡᠳᠡᠭ᠃
ᠪᠠᠰᠠ ᠪᠦᠳᠦᠭᠦᠨ᠂ ᠪᠠᠭᠠ ᠮᠠᠯ ᠭᠡᠵᠦ ᠴᠦ᠍ ᠬᠣᠶᠠᠷ ᠬᠤᠪᠢᠶᠠᠨ ᠬᠡᠯᠡᠳᠡᠭ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠠᠳᠤᠭᠤ ᠂ ᠦᠬᠡᠷ ᠂ ᠲᠡᠮᠡᠭᠡ ᠭᠤᠷᠪᠠ ᠶ᠋ᠢ ᠪᠤᠲᠠ ᠮᠠᠯ ᠭᠡᠵᠦ᠂ ᠬᠣᠨᠢ᠂ ᠢᠮᠠᠭᠠ ᠬᠣᠶᠠᠷ ᠢ᠋ ᠨᠢ ᠪᠤᠭ ᠮᠠᠯ ᠭᠡᠳᠡᠭ᠃
ᠤᠷᠲᠤ ᠣᠬᠣᠷ (ᠠᠬᠤᠷ ) ᠬᠥᠯᠲᠦ ᠮᠠᠯ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤ᠋ᠨ ᠢ᠋ᠶ᠋ᠠᠨ ᠭᠡᠷ ᠡᠴᠡ ᠣᠢᠷᠠ ᠬᠣᠯᠠ ᠪᠠᠢᠬᠤ ᠪᠤᠶᠤ ᠪᠡᠯᠴᠢᠭᠡᠷᠯᠡᠳᠡᠭ ᠢ᠋ᠶ᠋ᠡᠷ ᠦᠨᠳᠦᠰᠦᠯᠡᠵᠦ ᠤᠷᠲᠤ ᠬᠥᠯᠲᠦ ᠮᠠᠯ ᠂ ᠣᠬᠣᠷ ( ᠠᠬᠤᠷ ) ᠬᠥᠯᠲᠦ ᠮᠠᠯ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠵᠤ ᠨᠡᠷᠡᠯᠡᠳᠡᠭ᠃ ᠠᠳᠤᠭᠤ᠂ ᠲᠡᠮᠡᠭᠡ᠂ ᠦᠬᠡᠷ ᠭᠤᠷᠪᠠ ᠤᠷᠲᠤ ᠬᠥᠯᠲᠡᠢ᠂ ᠠᠯᠤᠰ ᠪᠡᠯᠴᠢᠳᠡᠭ ᠡᠴᠡ ᠤᠷᠲᠤ ᠬᠥᠯᠲᠦ ᠮᠠᠯ ᠭᠡᠵᠦ᠂ ᠬᠣᠨᠢ᠂ ᠢᠮᠠᠭᠠ ᠬᠣᠶᠠᠷ ᠢ᠋ ᠪᠣᠭᠣᠨᠢ ᠬᠥᠯᠲᠡᠢ ᠣᠢᠷᠠ ᠪᠡᠯᠴᠢᠳᠡᠭ ᠡᠴᠡ ᠠᠬᠤᠷ ᠬᠥᠯᠲᠦ ᠮᠠᠯ ᠭᠡᠳᠡᠭ᠃
ᠭᠠᠷ ᠤ᠋ᠨ ᠮᠠᠯ
ᠭᠡᠷ ᠲᠦ᠍ ᠣᠢᠷᠠ ᠪᠠᠢᠵᠤ ᠭᠠᠷ ᠦᠵᠦᠭᠦᠷ ᠵᠠᠷᠤᠭᠳᠠᠳᠠᠭ ᠪᠠ ᠡᠰᠡᠬᠦ ᠪᠡᠷ ᠦᠨᠳᠦᠰᠦᠯᠡᠵᠦ ᠪᠠᠰᠠ ᠭᠠᠷ ᠤ᠋ᠨ ᠮᠠᠯ ᠪᠠ ᠭᠠᠷ ᠤ᠋ᠨ ᠪᠤᠰᠤ ᠮᠠᠯ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠨ ᠨᠡᠷᠡᠯᠡᠳᠡᠭ ᠃ ᠲᠤᠬᠠᠢᠯᠠᠪᠠᠯ : ᠦᠬᠡᠷ ᠂ ᠬᠣᠨᠢ ᠂ ᠢᠮᠠᠭᠠ ᠭᠤᠷᠪᠠ ᠶ᠋ᠢ ᠭᠡᠷ ᠣᠢᠷᠠ ᠪᠠᠢᠵᠤ ᠦᠷᠭᠦᠯᠵᠢ ᠡᠳ᠋ᠯᠡᠭᠳᠡᠳᠡᠭ ᠡᠴᠡ ᠭᠠᠷ ᠤ᠋ᠨ ᠮᠠᠯ ᠭᠡᠵᠦ ᠂ ᠠᠳᠤᠭᠤ ᠂ ᠲᠡᠮᠡᠭᠡ ᠬᠣᠶᠠᠷ ᠢ᠋ ᠠᠯᠤᠰ ᠪᠡᠯᠴᠢᠵᠦ ᠭᠠᠷ ᠠ᠋ᠴᠠ ᠵᠠᠢᠳᠠᠭᠤ ᠪᠠᠢᠵᠤ ᠴᠥᠭᠡᠬᠡᠨ ᠡᠳᠡᠯᠡᠭᠳᠡᠳᠡᠭ ᠡᠴᠡ ᠭᠠᠷ ᠤ᠋ᠨ ᠪᠤᠰᠤ ᠮᠠᠯ ᠭᠡᠳᠡᠭ᠃
ᠠᠴᠠ ᠪᠢᠲᠡᠭᠦᠦ ᠲᠤᠭᠤᠷᠠᠢᠲᠤ ᠮᠠᠯ
《ᠲᠠᠪᠤᠨ ᠬᠣᠰᠢᠭᠤ ᠮᠠᠯ 》 ᠤ᠋ᠨ ᠢ᠋ᠶ᠋ᠠᠨ ᠬᠣᠭᠢᠰᠣ ᠪᠣᠯᠤᠨ ᠲᠤᠭᠤᠷᠠᠢ ᠶ᠋ᠢᠨ ᠠᠴᠠ ( ᠰᠠᠯᠪᠠᠭ ᠰᠠᠯᠠᠭᠠ ) ᠂ ᠪᠢᠲᠡᠭᠦᠦ ᠶ᠋ᠢ ᠦᠨᠳᠦᠰᠦᠯᠡᠨ ᠂ ᠪᠠᠰᠠ ᠠᠴᠠ ᠪᠠ ᠪᠢᠲᠡᠭᠦᠦ ᠲᠤᠭᠤᠷᠠᠢᠲᠠᠨ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠳᠠᠭ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠦᠬᠡᠷ ᠂ ᠲᠡᠮᠡᠭᠡ ᠂ ᠬᠣᠨᠢ ᠂ ᠢᠮᠠᠭᠠ ᠵᠡᠷᠭᠡ ᠮᠠᠯ ᠤ᠋ᠨ ᠲᠠᠪᠠᠭ ᠪᠠ ᠬᠣᠭᠢᠰᠣ ᠨᠢ ᠪᠦᠷ ᠠᠴᠠ (ᠰᠠᠯᠪᠠᠭ ) ᠪᠣᠯᠬᠣᠷ ᠠᠴᠠ (ᠰᠠᠯᠠᠭᠠ ) ᠲᠤᠭᠤᠷᠠᠢᠲᠤ ᠮᠠᠯ ᠭᠡᠳ ᠭᠠᠭᠴᠠ ᠬᠦ᠌ ᠠᠳᠤᠭᠤ ᠶ᠋ᠢ ᠪᠢᠲᠡᠭᠦᠦ ᠪᠦᠲᠦᠨ ᠲᠤᠭᠤᠷᠠᠢᠲᠠᠶ ᠢ᠋ᠶ᠋ᠠᠷ ᠨᠢ ᠦᠨᠳᠦᠰᠦᠯᠡᠵᠦ ᠪᠢᠲᠡᠭᠦᠦ ᠲᠤᠭᠤᠷᠠᠢᠲᠤ ᠮᠠᠯ ᠭᠡᠳᠡᠭ᠃
ᠬᠠᠯᠠᠭᠤᠨ ( ᠬᠦᠢᠲᠡᠨ ) ᠬᠣᠰᠢᠭᠤᠲᠤ ᠮᠠᠯ
《 ᠳᠠᠢᠯᠠᠯᠭᠠ ᠶ᠋ᠢᠨ ᠳᠡᠭᠡᠳᠦ ᠰᠢᠭᠦᠰᠦ ᠂ ᠪᠠᠯᠩ ᠤ᠋ᠨ ᠮᠠᠩᠯᠠᠢ ᠮᠣᠷᠢ 》ᠭᠡᠵᠦ ᠨᠠᠢᠷ ᠨᠠᠭᠠᠳᠤᠮ ᠬᠤᠷᠢᠮ ᠬᠤᠢ ᠳ᠋ᠤ᠌ ᠮᠣᠷᠢ ᠶ᠋ᠢᠨ ᠪᠡᠯᠡᠭ᠂ ᠬᠣᠨᠢ ᠶ᠋ᠢᠨ ᠰᠢᠭᠦᠰᠦ ᠳᠡᠪᠰᠢᠭᠦᠯᠵᠦ ᠬᠥᠮᠦᠰ ᠦ᠋ᠨ ᠬᠠᠷᠢᠴᠠᠭᠠ ᠶ᠋ᠢ ᠨᠢᠭᠲᠠᠷᠠᠭᠤᠯᠵᠤ ᠬᠡᠷᠡᠭ ᠶᠠᠪᠤᠳᠠᠯ ᠢ᠋ ᠪᠦᠲᠦᠭᠡᠳᠡᠭ ᠢ᠋ᠶ᠋ᠡᠷ ᠨᠢ 《ᠬᠠᠯᠠᠭᠤᠨ ᠬᠣᠰᠢᠭᠤᠲᠤ ᠮᠠᠯ 》ᠭᠡᠳᠡᠭ᠃ ᠲᠤᠬᠠᠢᠯᠠᠪᠠᠯ : ᠮᠣᠷᠢ ᠂ ᠬᠣᠨᠢ ᠬᠣᠶᠠᠷ ᠢ᠋ ᠬᠠᠯᠠᠭᠤᠨ ᠬᠣᠰᠢᠭᠤᠲᠤ ᠮᠠᠯ ᠭᠡᠵᠦ ᠂ ᠲᠡᠮᠡᠭᠡ ᠂ ᠦᠬᠡᠷ ᠂ ᠢᠮᠠᠭᠠ ᠶ᠋ᠢ ᠬᠦᠢᠲᠡᠨ ᠬᠣᠰᠢᠭᠤᠲᠤ ᠮᠠᠯ ᠭᠡᠳᠡᠭ ᠠᠵᠤᠬᠤᠢ᠃
ᠲᠥᠯ
ᠮᠠᠯ᠂ ᠭᠥᠷᠦᠭᠡᠰᠦᠨ ᠦ᠌ ᠦᠷᠡ ᠵᠤᠯᠵᠠᠭᠠ᠂ ᠤᠨᠠᠭᠠ᠂ ᠲᠤᠭᠤᠯ᠂ ᠪᠣᠲᠣᠭᠣ᠂ ᠬᠤᠷᠠᠭᠠ᠂ ᠢᠰᠢᠭᠡ ᠵᠡᠷᠭᠡ ᠶ᠋ᠢ ᠶᠡᠷᠦᠩᠬᠡᠢᠯᠡᠭᠡᠳ ᠲᠥᠯ ᠭᠡᠨᠡ᠃ ᠱᠥᠯᠥ ᠪᠡᠷ ᠴᠠᠳᠴᠤ᠂ ᠲᠥᠯ ᠢ᠋ᠶ᠋ᠡᠷ ᠪᠠᠶᠠᠵᠢᠳᠠᠭ᠃
ᠲᠥᠯ ᠠᠪᠬᠤ
ᠮᠠᠯ ᠤ᠋ᠨ ᠦᠷᠡᠵᠢᠯ ᠠᠪᠬᠤ᠃
ᠲᠥᠯ ᠰᠠᠢᠲᠠᠢ
ᠦᠷᠡᠵᠢᠯ ᠣᠯᠠᠨ ᠲᠠᠢ᠃
ᠲᠥᠯ ᠮᠠᠭᠤᠲᠠᠢ
ᠦᠷᠡᠵᠢᠯ ᠮᠠᠭᠤᠲᠠᠢ ᠃
ᠲᠥᠯ ᠲᠤᠰᠬᠤ
ᠰᠥᠨᠢ ᠮᠠᠨᠠᠵᠤ ᠂ ᠡᠳᠦᠷ ᠳᠠᠭᠠᠵᠤ ᠲᠥᠯᠯᠡᠬᠦ ᠮᠠᠯ ᠢ᠋ ᠮᠡᠨᠳᠦ ᠲᠥᠯᠯᠡᠭᠦᠯᠵᠦ ᠠᠪᠬᠤ ᠶ᠋ᠢ ᠬᠡᠯᠡᠨᠡ ᠃
ᠲᠥᠯ ᠴᠠᠭᠠᠯᠠᠬᠤ
ᠡᠷᠡ ᠲᠥᠯ ᠦ᠋ᠨ ᠪᠥᠭᠡᠨᠰᠦᠭ ᠢ᠋ ᠨᠢ ᠠᠪᠴᠤ ᠴᠠᠭᠠᠯᠠᠬᠤ᠃
ᠲᠥᠯ ᠢᠯᠭᠠᠬᠤ
ᠲᠥᠯ ᠢ᠋ ᠡᠬᠡ ᠡᠴᠡ ᠨᠢ ᠰᠠᠯᠭᠠᠬᠤ᠃
ᠲᠥᠯ ᠨᠡᠢᠯᠡᠭᠦᠯᠬᠦ
ᠲᠥᠯ ᠢ᠋ ᠡᠬᠡ ᠳ᠋ᠦ᠍ᠨᠢ ᠠᠭᠤᠯᠵᠠᠭᠤᠯᠬᠤ᠃
ᠲᠥᠯ ᠦ᠋ᠨ ᠰᠠᠷᠠᠪᠴᠢ ( ᠫᠧᠩ )
ᠲᠥᠯ ᠢ᠋ ᠬᠣᠷᠢᠬᠤ ᠨᠠᠪᠲᠠᠭᠠᠷ ᠪᠠᠢᠰᠢᠩ᠃
ᠬᠥᠭ
ᠬᠤᠴᠠ ᠤᠬᠤᠨᠠ ᠶ᠋ᠢᠨ ᠭᠦᠶᠦᠬᠦ ( ᠡᠮᠡ ᠬᠣᠨᠢ ᠂ ᠡᠮᠡ ᠢᠮᠠᠭᠠ ᠬᠥᠭᠡᠭᠡᠬᠦ ) ᠶ᠋ᠢ ᠬᠣᠷᠢᠭᠯᠠᠵᠤ᠂ ᠬᠦᠢ ᠶ᠋ᠢᠨ ᠡᠮᠦᠨᠡᠭᠦᠷ ᠳᠡᠭᠦᠵᠢᠯᠡᠨ ᠤᠶᠠᠬᠤ ᠬᠠᠯᠬᠠᠪᠴᠢ᠃ ᠡᠨᠡ ᠨᠢ ᠶᠠᠪᠤᠭᠠᠨ ᠳ᠋ᠠᠭᠠᠨ ᠬᠣᠨᠢ ᠢᠮᠠᠭᠠᠨ ᠤ᠋ ᠲᠥᠯᠯᠡᠬᠦ ᠬᠤᠭᠤᠴᠠᠭᠠ ᠶ᠋ᠢ ᠵᠢᠭᠠᠬᠤ ᠨᠡᠷᠡ ᠪᠣᠯᠵᠤᠬᠤᠢ : ᠬᠥᠭ ᠡᠴᠡ ᠡᠮᠦᠨᠡ ᠬᠡᠳᠦ ᠲᠥᠯᠯᠡᠴᠢᠬᠡᠯᠡ᠃
ᠬᠥᠭ ᠵᠡᠭᠦᠬᠦ
ᠬᠤᠴᠠ ᠤᠬᠤᠨᠠ ᠳ᠋ᠤ᠌ ᠬᠥᠭ ᠬᠢᠬᠦ ᠃
ᠬᠥᠭ ᠠᠯᠳᠠᠬᠤ
ᠲᠥᠯᠯᠡᠭᠦᠯᠬᠦ ᠴᠠᠭ ᠬᠤᠭᠤᠴᠠᠭᠠ ᠠ᠋ᠴᠠ ᠵᠥᠷᠢᠴᠡᠭᠰᠡᠨ᠃
ᠬᠥᠭ ᠲᠠᠭᠠᠷᠠᠵᠠᠢ
ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠨ ᠳ᠋ᠠᠭᠠᠨ ᠲᠥᠯᠯᠡᠵᠡᠢ᠃
ᠳᠠᠬᠤᠯᠠᠢ
① ᠡᠨᠳᠡᠭᠳᠡᠯ ᠴᠠᠯᠠᠭᠠᠢᠷᠠᠯ᠂
② ᠬᠥᠭ ᠡᠴᠡ ᠡᠮᠦᠨᠡ ᠭᠠᠷᠤᠭᠰᠠᠨ ᠪᠤᠶᠤ ᠬᠠᠪᠤᠷ ᠡᠷᠲᠡ ᠭᠠᠷᠤᠭᠰᠠᠨ ᠲᠥᠯ ᠦ᠋ᠨ ᠨᠡᠷᠡ᠂ ᠵᠠᠷᠢᠮ ᠭᠠᠵᠠᠷ ᠪᠠᠪᠠᠷᠠᠢ ᠴᠤ᠌ ᠭᠡᠳᠡᠭ᠃ ᠪᠠᠰᠠ ᠠᠯᠳᠠᠰᠢ ᠭᠡᠳᠡᠭ ᠴᠦ᠍ ᠪᠣᠢ᠃
ᠬᠡᠨᠵᠡ
ᠮᠠᠯ ᠤ᠋ᠨ ᠲᠥᠯ ᠵᠣᠬᠢᠬᠤ ᠬᠤᠭᠤᠴᠠᠭᠠ ᠠ᠋ᠴᠠ ᠶᠡᠬᠡ ᠯᠡ ᠬᠣᠵᠢᠭᠤ ᠣᠷᠣᠢ ᠨᠠᠮᠤᠷᠰᠢᠵᠤ ᠭᠠᠷᠤᠭᠰᠠᠨ ᠲᠥᠯ᠃ ᠵᠠᠷᠢᠮ ᠭᠠᠵᠠᠷ ᠬᠥᠭ ᠡᠴᠡ ᠬᠣᠢᠨᠠ ᠭᠠᠷᠤᠭᠰᠠᠨ ᠲᠥᠯ ᠭᠡᠳᠡᠭ᠃
ᠬᠡᠨᠵᠡ ᠤᠨᠠᠭᠠ
ᠨᠠᠮᠤᠷᠰᠢᠵᠤ ᠣᠷᠣᠢ ᠭᠠᠷᠤᠭᠰᠠᠨ ᠤᠨᠠᠭᠠ᠃
ᠬᠡᠨᠵᠡ ᠨᠣᠭᠣᠭᠠ
ᠨᠠᠮᠤᠷᠰᠢᠵᠤ ᠣᠷᠣᠢ ᠤᠷᠭᠤᠭᠰᠠᠨ ᠨᠣᠭᠣᠭᠠ᠃
ᠬᠡᠨᠵᠡ ᠥᠷᠥᠮᠡ
ᠨᠠᠮᠤᠷ ᠰᠡᠷᠢᠭᠦᠨ ᠴᠠᠭ ᠲᠤ᠌ ᠬᠤᠷᠢᠶᠠᠭᠰᠠᠨ ᠥᠷᠥᠮᠡ᠃
ᠭᠥᠭᠡᠢ
ᠡᠪᠦᠯ ᠭᠠᠷᠤᠭᠰᠠᠨ ᠲᠥᠯ ᠦ᠋ᠨ ᠨᠡᠷᠡ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ᠂ ᠲᠤᠰ ᠵᠢᠯ ᠦ᠋ᠨ ᠬᠥᠭ ᠡᠴᠡ ᠨᠡᠯᠢᠶᠡᠳ ᠬᠣᠢᠨᠠ ᠳ᠋ᠦᠩ ᠡᠪᠦᠯ ᠪᠣᠯᠬᠤ ᠳ᠋ᠤ᠌ ᠭᠠᠷᠤᠭᠰᠠᠨ ᠲᠥᠯ᠃
ᠭᠥᠭᠡᠢ ᠬᠤᠷᠠᠭᠠ
ᠡᠪᠦᠯ ᠭᠠᠷᠤᠭᠰᠠᠨ ᠬᠤᠷᠠᠭᠠ᠃
ᠭᠥᠭᠡᠢ ᠤᠨᠠᠭᠠ
ᠡᠪᠦᠯ ᠭᠠᠷᠤᠭᠰᠠᠨ ᠤᠨᠠᠭᠠ᠃
ᠬᠠᠪᠴᠢ ( ᠬᠠᠪᠴᠢᠭ )
ᠵᠢᠯ ᠵᠠᠪᠰᠠᠷ ( ᠡᠪᠦᠯ ᠦ᠋ᠨ ᠡᠴᠦᠰ 12 ᠰᠠᠷᠠ ᠳ᠋ᠤ᠌ ᠲᠥᠷᠥᠭᠰᠡᠨ ) ᠭᠠᠷᠤᠭᠰᠠᠨ ᠲᠥᠯ᠃
ᠳᠠᠪᠵᠠ
ᠪᠡᠶᠡ ᠨᠢ ᠪᠠᠭᠠ᠂ ᠥᠰᠦᠯᠲᠡ ᠮᠠᠭᠤᠲᠠᠢ ᠪᠠᠭᠠ ᠨᠠᠰᠤᠨ ᠤ᠋ ᠮᠠᠯ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠨᠡᠷᠡ᠃
ᠲᠡᠯᠡᠭᠡ
ᠬᠣᠶᠠᠷ ᠡᠬᠡ ᠶ᠋ᠢ ᠬᠥᠬᠥᠳᠡᠭ ᠲᠥᠯ : ᠲᠡᠯᠡᠭᠡ ᠬᠤᠷᠠᠭᠠ ᠂ ᠳᠡᠯᠡᠭᠡ ᠢᠰᠢᠭᠡ ᠭᠡᠬᠦ ᠮᠡᠲᠦ᠃
ᠢᠬᠡᠷᠡ
ᠨᠢᠭᠡ ᠤᠳᠠᠭᠠ ᠳ᠋ᠤ᠌ ᠬᠣᠶᠠᠷ ᠢ᠋ᠶ᠋ᠠᠷ ᠲᠥᠷᠥᠭᠰᠡᠨ ᠲᠥᠯ᠃
ᠢᠬᠡᠷᠡ ᠢᠰᠢᠭᠡ
ᠨᠢᠭᠡ ᠤᠳᠠᠭᠠ ᠳ᠋ᠤ᠌ ᠬᠠᠮᠲᠤ ᠭᠠᠷᠤᠭᠰᠠᠨ ᠢᠮᠠᠭᠠᠨ ᠤ᠋ ᠲᠥᠯ᠃
ᠢᠬᠡᠷᠡ ᠬᠣᠷᠣᠭᠠ
ᠨᠢᠭᠡ ᠳᠣᠣᠷᠠ ᠪᠠᠢᠭᠤᠯᠤᠭᠰᠠᠨ ᠬᠣᠶᠠᠷ ᠬᠣᠷᠣᠭᠠ᠃
ᠢᠬᠡᠷᠡ ᠶ᠋ᠢᠨ ᠲᠠᠯᠠ
ᠢᠬᠡᠷᠡ ᠭᠠᠷᠤᠭᠰᠠᠨ ᠬᠣᠶᠠᠷ ᠤ᠋ᠨ ᠨᠢᠭᠡ᠂ ᠪᠠᠰᠠ ᠢᠬᠡᠷᠡ ᠶ᠋ᠢᠨ ᠥᠷᠥᠭᠡᠰᠦᠨ ᠴᠦ᠍ ᠭᠡᠳᠡᠭ᠃
ᠤᠤᠭᠠᠨ ᠲᠥᠯ
ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠭᠠᠷᠤᠭᠰᠠᠨ ᠲᠥᠯ ᠢ᠋ ᠤᠤᠭᠠᠨ ᠲᠥᠯ ᠭᠡᠨᠡ᠃
ᠥᠨᠥᠴᠢᠨ
ᠡᠬᠡ ᠨᠢ ᠦᠬᠦᠵᠦ ᠬᠣᠴᠣᠷᠤᠭᠰᠠᠨ ᠲᠥᠯ᠃
ᠭᠤᠪᠰᠢᠶᠠ
ᠣᠯᠠᠨ ᠡᠬᠡ ᠶ᠋ᠢ ᠬᠤᠯᠠᠭᠤᠨ ᠬᠥᠬᠥᠵᠦ ᠰᠤᠷᠤᠭᠰᠠᠨ ᠲᠥᠯ᠃
ᠭᠤᠪᠰᠢᠶᠠ ᠬᠤᠷᠠᠭᠠ
ᠬᠤᠷᠠᠭᠠᠯᠠᠭᠰᠠᠨ ᠣᠯᠠᠨ ᠬᠣᠨᠢ ᠶ᠋ᠢ ᠬᠠᠵᠠᠭᠤ ᠪᠤᠶᠤ ᠬᠣᠢᠨᠠ ᠠ᠋ᠴᠠ ᠨᠢ ᠬᠤᠯᠠᠭᠤᠨ ᠬᠥᠬᠥᠳᠡᠭ ᠬᠤᠷᠠᠭᠠ᠃
ᠲᠡᠵᠢᠭᠡᠪᠦᠷᠢ
ᠡᠬᠡ ᠪᠤᠶᠤ ᠰᠦᠷᠦᠭ ᠡᠴᠡ ᠨᠢ ᠰᠠᠯᠭᠠᠨ ᠤᠭᠵᠢᠳᠠᠭ ᠪᠤᠶᠤ ᠬᠣᠭᠣᠯᠠᠯᠠᠳᠠᠭ ᠪᠠᠭᠤᠷᠠᠢ ᠲᠥᠯ ᠪᠤᠶᠤ ᠪᠦᠳᠦᠭᠦᠨ ᠮᠠᠯ᠃
ᠲᠡᠵᠢᠭᠡᠪᠦᠷᠢ ᠤᠨᠠᠭᠠ
ᠡᠬᠡ ᠨᠢ ᠦᠬᠦᠭᠰᠡᠨ᠂ ᠡᠰᠡᠬᠦᠯᠡ ᠡᠬᠡ ᠨᠢ ᠬᠦᠴᠦ ᠲᠠᠷ ᠮᠠᠭᠤ ᠠ᠋ᠴᠠ ᠰᠦ ᠲᠠᠲᠠᠭᠤᠷᠠᠵᠤ᠂ ᠲᠡᠵᠢᠭᠡᠵᠦ ᠪᠠᠢᠭᠠ ᠪᠤᠶᠤ ᠲᠡᠵᠢᠭᠡᠨ ᠥᠰᠦᠭᠰᠡᠨ ᠤᠨᠠᠭᠠ᠃
ᠬᠠᠢᠳᠠᠭ
ᠲᠥᠯ ᠦᠭᠡᠢ ᠪᠣᠯᠪᠠᠴᠤ ᠰᠦ ᠲᠡᠢ ᠰᠠᠭᠠᠯᠭᠠᠳᠠᠭ ᠂ ᠬᠤᠪᠰᠤᠷᠭᠠᠨ ᠃
ᠬᠠᠢᠳᠠᠭ ᠢᠮᠠᠭᠠ
ᠲᠥᠯ ᠦᠭᠡᠢ ᠰᠠᠭᠠᠯᠭᠠᠳᠠᠭ ᠢᠮᠠᠭᠠ᠃
ᠬᠠᠢᠳᠠᠭ ᠢᠩᠭᠡ
ᠲᠥᠯ ᠦᠭᠡᠢ ᠰᠠᠭᠠᠯᠭᠠᠳᠠᠭ ᠢᠩᠭᠡ᠃
ᠬᠤᠰᠠᠷᠠᠩ
ᠡᠮᠡ ᠮᠠᠯ ᠤ᠋ᠨ ᠰᠤᠪᠠᠢᠷᠠᠭᠰᠠᠨ ᠪᠣᠯᠪᠠᠴᠤ ᠨᠢᠳᠤᠨᠤᠨ ᠵᠢᠯ ᠦ᠋ᠨ ᠲᠥᠯ ᠢ᠋ᠶ᠋ᠡᠨ ᠬᠥᠬᠥᠭᠦᠯᠵᠦ ᠪᠠᠢᠭᠠ ᠶ᠋ᠢ ᠬᠡᠯᠡᠨᠡ ᠃ ᠪᠠᠰᠠ ᠰᠤᠪᠠᠢᠷᠠᠭᠰᠠᠨᠨ ᠡᠬᠡ ᠪᠡᠨ ᠬᠥᠬᠥᠵᠦ ᠪᠠᠢᠭᠠ ᠲᠥᠯ ᠢ᠋ ᠨᠢ ᠮᠥᠨ ᠬᠤᠰᠠᠷᠠᠩ ᠭᠡᠨᠡ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠬᠤᠰᠠᠷᠠᠩ ᠭᠡᠭᠦᠦ ᠂ ᠬᠤᠰᠠᠷᠠᠩ ᠳᠠᠭᠠ ᠂ ᠬᠤᠰᠠᠷᠠᠩ ᠦᠨᠢᠶᠡ ᠂ ᠬᠤᠰᠠᠷᠠᠩ ᠪᠢᠷᠠᠭᠤ ᠭᠡᠬᠦ ᠮᠡᠲᠦ᠃
ᠭᠣᠯᠣᠩᠬᠠᠢ
ᠲᠥᠯ ᠳ᠋ᠡᠭᠡᠨ ᠠᠮᠠᠷᠠᠭ ᠦᠭᠡᠢ ᠣᠷᠬᠢᠭᠠᠳ ᠶᠠᠪᠤᠴᠢᠬᠠᠳᠠᠭ ᠡᠬᠡ ᠮᠠᠯ ᠃ ᠠᠭᠲᠠᠯᠠᠭᠠᠳᠤᠢ ᠡᠷᠡ ᠮᠠᠯ᠃
ᠬᠥᠬᠥᠭᠦᠯ
ᠦᠷᠡ ᠵᠤᠯᠵᠠᠭᠠ ᠪᠠᠨ ᠬᠥᠬᠥᠭᠦᠯᠳᠡᠭ ᠠᠮᠢᠲᠠᠨ᠃ ᠰᠦ ᠨᠢ ᠰᠢᠷᠭᠢᠭᠡᠳᠦᠢ ᠡᠬᠡ ᠮᠠᠯ᠃
ᠰᠤᠪᠠᠢ
ᠬᠡᠭᠡᠯ ᠦᠭᠡᠢ ᠵᠢᠯ ᠥᠨᠵᠢᠭᠰᠡᠨ ᠡᠬᠡ ᠮᠠᠯ᠂ ᠰᠣᠪᠠᠷᠬᠠᠢ᠃
ᠰᠤᠪᠠᠢ ᠭᠡᠭᠦᠦ
ᠬᠡᠭᠡᠯ ᠦᠭᠡᠢ ᠭᠡᠭᠦᠦ᠃
ᠬᠠᠷᠠ ᠰᠤᠪᠠᠢ
ᠬᠡᠵᠢᠶᠡᠳᠡ ᠬᠡᠭᠡᠯ ᠠᠪᠳᠠᠭ ᠦᠭᠡᠢ ᠡᠮᠡ ᠮᠠᠯ ᠢ ᠬᠡᠯᠡᠳᠡᠭ᠃
ᠬᠡᠭᠡᠯ
ᠡᠮᠡ ᠮᠠᠯ ᠭᠥᠷᠦᠭᠡᠰᠦᠨ ᠦ᠌ ᠬᠡᠪᠡᠯᠢ ᠳᠣᠲᠣᠷᠠ ᠲᠣᠭᠲᠠᠭᠰᠠᠨ ᠦᠷᠡ᠃
ᠭᠡᠭᠡᠯᠲᠡᠢ
ᠦᠷᠡ ᠲᠣᠭᠲᠠᠭᠰᠠᠨ ᠡᠬᠡ ᠮᠠᠯ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠭᠡᠭᠡᠯᠲᠡᠢ ᠦᠨᠢᠶᠡ ᠂ ᠭᠡᠭᠡᠯᠲᠡᠢ ᠭᠡᠭᠦᠦ ᠭᠡᠬᠦ ᠮᠡᠲᠦ᠃
ᠬᠡᠭᠡᠯᠲᠦᠭᠴᠢ
ᠡᠯᠡ ᠬᠡᠭᠡᠯᠲᠦᠬᠦ ᠨᠠᠰᠤᠨ ᠤ᠋ ᠦᠷᠡᠵᠢᠯ ᠦ᠋ᠨ ᠮᠠᠯ ᠃ ᠶᠡᠷᠦᠩᠬᠡᠢ ᠳ᠋ᠡᠭᠡᠨ ᠡᠮᠡ ᠮᠠᠯ ᠰᠢᠳᠦᠯᠡᠩ ᠳ᠋ᠡᠭᠡᠨ ᠬᠡᠭᠡᠯᠲᠦᠭᠡᠳ ᠬᠢᠵᠠᠭᠠᠯᠠᠩ ᠳ᠋ᠠᠭᠠᠨ ᠲᠥᠯᠯᠡᠳᠡᠭ᠃
ᠦᠷᠡᠵᠢᠯ ᠦ᠋ᠨ ᠮᠠᠯ
ᠲᠥᠯᠯᠡᠬᠦ ᠨᠠᠰᠤᠨ ᠤ᠋ ᠡᠬᠡ ᠮᠠᠯ᠃
ᠬᠡᠭᠡᠯᠲᠦᠭᠦᠯᠦᠭᠴᠢ
ᠠᠵᠢᠷᠭᠠ ᠂ ᠪᠤᠬᠠ ᠂ ᠪᠤᠤᠷᠠ ᠂ ᠬᠤᠴᠠ ᠂ ᠤᠬᠤᠨᠠ ( ᠲᠡᠭᠡ ) ᠵᠡᠷᠭᠡ ᠶ᠋ᠢᠨ ᠮᠠᠯ ᠃ ᠠᠭᠲᠠᠯᠠᠭᠠᠳᠤᠢ ᠡᠷᠡ ᠮᠠᠯ᠃
ᠬᠢᠵᠢᠶᠡᠯ
ᠨᠠᠰᠤᠨ ᠨᠢ ᠠᠬᠢᠵᠤ ᠰᠢᠲᠦ ᠨᠢ ᠰᠡᠢᠵᠦ ᠪᠠᠢᠭᠠ ᠮᠠᠯ : ᠲᠡᠷᠡ ᠨᠢ ᠬᠢᠵᠢᠶᠡᠯ ᠨᠠᠰᠤᠨ ᠤ᠋ ᠭᠡᠭᠦᠦ ᠶᠦ᠍ᠮ ᠪᠢᠯᠡ ᠭᠡᠬᠦ ᠮᠡᠲᠦ᠃
ᠡᠮᠨᠢᠭ
ᠲᠣᠭᠰᠢᠨ ᠂ ᠠᠲᠠᠷ ᠂ ᠲᠠᠩᠬᠢ ᠂ ᠤᠨᠤᠵᠤ ᠬᠥᠯᠬᠦ ᠡᠳ᠋ᠯᠡᠭᠡ ᠰᠤᠷᠤᠭᠠᠳᠤᠢ ᠮᠠᠯ᠃ ᠡᠭᠦᠨ ᠢ᠋ ᠪᠤᠲᠠ ᠮᠠᠯ ᠳ᠋ᠤ᠌ ᠯᠠ ᠬᠡᠯᠡᠨᠡ᠃
ᠬᠠᠩᠭᠠᠯ
ᠠᠲᠠᠷ ᠂ ᠲᠠᠩᠬᠢ ᠂ ᠡᠮᠨᠢᠭ ᠂ ᠳᠣᠭᠰᠢᠨ ᠨᠠᠰᠤ ᠭᠦᠢᠴᠡᠭᠰᠡᠨ ᠮᠣᠷᠢ᠂ ᠲᠡᠮᠡᠭᠡ᠃
ᠵᠡᠷᠯᠢᠭ
ᠬᠥᠮᠦᠨ ᠦ᠌ ᠪᠠᠷᠠ ᠦᠵᠡᠭᠡᠳᠦᠢ ᠬᠡᠭᠡᠷᠡ ᠶ᠋ᠢᠨ ᠳᠣᠯᠭᠢᠨ ᠠᠮᠢᠲᠠᠨ ᠮᠡᠲᠦ ᠪᠣᠯᠤᠭᠰᠠᠨ ᠮᠠᠯ᠃
ᠣᠷᠣᠭᠠ
① ᠪᠠᠷᠢᠭᠳᠠᠳᠠᠭ ᠦᠭᠡᠢ ᠪᠤᠷᠤᠭᠤᠯᠠᠮᠠᠲᠠᠭᠠᠢ ᠰᠦᠷᠦᠭ ᠡᠴᠡ ᠭᠠᠷᠴᠤ ᠪᠤᠷᠤᠭᠤᠯᠠᠳᠠᠭ ᠵᠢᠭᠤᠲᠠᠮᠠᠲᠠᠭᠠᠢ᠃
② ᠣᠳᠣ ᠣᠷᠣᠭᠠ ᠨᠢ ᠣᠷᠣᠭᠰᠠᠨ ᠪᠤᠤᠷᠠ᠃
ᠠᠯᠳᠠᠭᠤᠯ
ᠤᠤᠯ ᠰᠦᠷᠦᠭ ᠡᠴᠡ ᠪᠡᠨ ᠠᠯᠳᠠᠭᠳᠠᠨ ᠭᠦᠶᠦᠨ ᠢᠷᠡᠭᠡᠳ ᠨᠤᠲᠤᠭᠰᠢᠭᠰᠠᠨ ( ᠢᠵᠢᠯᠢᠰᠢᠭᠰᠡᠨ ) ᠡᠵᠡᠨ ᠦᠭᠡᠢ ᠮᠠᠯ᠃
ᠣᠩᠭᠣᠨ
ᠨᠠᠨᠲᠢᠩᠨᠠᠯ᠂ ᠭᠠᠷ ᠬᠦᠷᠥᠯ ᠦᠭᠡᠢ ᠠᠷᠳᠠᠭᠰᠢᠭᠰᠠᠨ᠂ ᠠᠭᠤᠯᠠ ᠤᠰᠤᠨ ᠤ᠋ ᠨᠠᠪᠲᠠᠭ ᠰᠠᠪᠳᠠᠭ ᠪᠤᠶᠤ ᠪᠣᠭᠳᠠ ᠯᠠᠮᠠ ᠳ᠋ᠤ᠌ ᠳᠠᠭᠠᠳᠬᠠᠨ ᠠᠮᠠᠯᠠᠵᠤ ᠰᠡᠲᠡᠷᠯᠡᠭᠰᠡᠨ᠂ ᠣᠩᠭᠣᠯᠠᠵᠤ ᠳᠠᠷᠬᠠᠯᠠᠭᠰᠠᠨ ᠮᠣᠷᠢ᠂ ᠲᠡᠮᠡᠭᠡ᠂ ᠦᠬᠡᠷ᠂ ᠬᠣᠨᠢ᠂ ᠢᠮᠠᠭᠠ᠃
ᠰᠡᠲᠡᠷ
ᠮᠠᠯ ᠢ᠋ᠶ᠋ᠠᠨ ᠣᠩᠭᠣᠯᠠᠵᠤ ᠳᠠᠷᠬᠠᠯᠠᠬᠤ ᠳ᠋ᠠᠭᠠᠨ ᠬᠦᠵᠦᠭᠦᠦ ᠪᠤᠶᠤ ᠳᠡᠯ ᠳ᠋ᠦ᠍ᠨᠢ ᠵᠡᠭᠦᠯᠭᠡᠭᠰᠡᠨ ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠬᠬᠢᠪ ᠦ᠋ᠨ ᠵᠠᠩᠭᠢᠳᠤᠯ᠃
ᠰᠡᠲᠡᠷ ᠵᠡᠭᠦᠬᠦ
ᠣᠩᠭᠣᠯᠠᠬᠤ ᠬᠬᠢᠪ ᠤᠶᠠᠬᠤ᠃
ᠲᠡᠯᠡᠤᠷᠡᠬᠡᠢ
ᠣᠯᠠᠨ ᠲᠥᠯ ᠢ᠋ ᠬᠠᠮᠢᠭᠠ ᠦᠭᠡᠢ ᠬᠥᠬᠥᠭᠦᠯᠳᠡᠭ᠃
ᠵᠣᠵᠢᠭ
ᠭᠠᠵᠢᠭᠤ ᠵᠥᠷᠢᠭᠦᠳ᠂ ᠣᠯᠠᠨ ᠠ᠋ᠴᠠ ᠰᠠᠯᠤᠩᠭᠢᠳᠠ᠃
ᠡᠷᠬᠡᠭ
ᠬᠥᠮᠦᠨ ᠳ᠋ᠦ᠍ ᠲᠡᠰᠴᠦ ᠨᠣᠣᠷᠠᠵᠤ ᠨᠣᠯᠤᠵᠤ ᠳᠠᠭᠠᠳᠠᠭ ᠮᠠᠯ᠃
ᠡᠷᠬᠡᠭ ᠬᠠᠯᠢᠭᠤᠨ
ᠬᠠᠯᠢᠭᠤᠨ ᠵᠢᠰᠦᠮ ᠪᠣᠯᠤᠨ ᠵᠠᠩ ᠠᠷᠠᠨᠰᠢᠨ ᠢ᠋ᠶ᠋ᠠᠷ ᠨᠡᠷᠡᠯᠡᠭᠰᠡᠨ ᠨᠡᠷᠡ᠃
ᠰᠦᠢᠯᠡᠩᠨᠡᠭᠦᠷ
ᠬᠡᠢᠲᠡᠢ ᠂ ᠭᠠᠯᠵᠠᠭᠤᠲᠠᠢ ᠰᠢᠭ᠋ ᠰᠡᠷᠲᠡᠭᠡᠨᠡᠭᠦᠷ ᠂ ᠤᠤᠯᠭᠠᠮᠴᠢ ᠂ ᠦᠷᠭᠦᠮᠡᠲᠡᠭᠡᠢ᠃
ᠡᠷᠯᠢᠰᠡ
ᠪᠡᠰᠡᠷᠡᠭ᠂ ᠨᠤᠲᠤᠭ ᠤ᠋ᠨ ᠪᠠ ᠬᠠᠷᠢ ᠤᠳᠤᠮ ᠤ᠋ᠨ ᠠᠯᠢ ᠠᠯᠢ ᠶ᠋ᠢᠨ ᠰᠢᠨᠵᠢ ᠶ᠋ᠢ ᠬᠠᠳᠠᠭᠠᠯᠠᠭᠰᠠᠨ ᠬᠣᠯᠢᠮᠠᠭᠳᠠᠭᠤ ᠡᠭᠦᠯᠳᠡᠷ ᠦ᠋ᠨ ᠮᠠᠯ ᠃ ᠪᠠᠰᠠ ᠡᠷᠯᠢᠵᠡ ᠭᠡᠳᠡᠭ᠃
ᠰᠦ ᠬᠤᠵᠢᠷᠠᠬᠤ
ᠰᠦ ᠨᠢ ᠰᠢᠷᠭᠢᠬᠦ ᠪᠤᠶᠤ ᠲᠠᠲᠠᠷᠠᠬᠤ ᠶ᠋ᠢ ᠬᠡᠯᠡᠨᠡ᠃