ᠮᠣᠩᠭᠣᠯ ᠤ᠋ᠨ ᠮᠢᠨᠢ ᠰᠠᠢᠬᠠᠨ ᠬᠦᠨᠳᠦᠳᠬᠡᠯ-ᠳᠤᠯᠭᠠᠷᠮᠠМонголын минь сайхан хүндэтгэл-Тулгармаа
302ᠮᠣᠩᠭᠣᠯ ᠤ᠋ᠨ ᠮᠢᠨᠢ ᠰᠠᠢᠬᠠᠨ ᠬᠦᠨᠳᠦᠳᠬᠡᠯ
ᠳᠤᠯᠭᠠᠷᠮᠠ
ᠥᠷᠯᠥᠭᠡ ᠪᠣᠰᠤᠭᠠᠳ ᠡᠷᠦᠬᠡ ᠪᠡᠨ ᠲᠠᠲᠠᠬᠤ ᠳ᠋ᠠᠭᠠᠨ
ᠨᠠᠷᠠ ᠵᠥᠪ ᠡᠷᠭᠢᠭᠡᠳ ᠲᠠᠲᠠᠳᠠᠭ ᠶᠤᠮ ᠰᠢᠦ!
ᠦᠳᠡᠯᠦᠭᠡ ᠨᠠᠰᠤᠲᠠᠳ ᠲᠤ᠌ ᠪᠠᠨ ᠬᠦᠨᠳᠦᠳᠬᠡᠨ ᠵᠣᠯᠭᠠᠬᠤ ᠳ᠋ᠠᠭᠠᠨ
ᠦᠶᠡ ᠶ᠋ᠢᠨ ᠬᠢᠨ ᠳᠠᠷᠠᠭᠠᠯᠠᠯ ᠢ᠋ᠶ᠋ᠠᠷ ᠵᠣᠯᠭᠠᠳᠠᠭ ᠶᠤᠮ ᠰᠢᠦ!
ᠠᠬᠠᠮᠠᠳ ᠤ᠋ᠨ ᠢ᠋ᠶ᠋ᠠᠨ ᠥᠭᠭᠦᠭᠰᠡᠨ ᠬᠡᠰᠢᠭ ᠢ᠋
ᠠᠯᠠᠭᠠ ᠪᠠᠨ ᠲᠡᠨᠢᠢᠯᠭᠡᠵᠦ ᠲᠣᠰᠳᠠᠭ ᠶᠤᠮ ᠠ᠋!
ᠠᠷᠤᠭ ᠡᠭᠦᠷᠦᠭᠰᠡᠨ ᠬᠥᠮᠦᠨ ᠲᠠᠭᠠᠷᠠᠪᠠᠯ ᠠᠷᠭᠠᠯ ᠨᠡᠮᠡᠵᠦ ᠥᠭᠳᠡᠭ ᠶᠦᠮ ᠰᠢᠦ!
ᠠᠬᠠᠰ ᠵᠠᠬᠠᠰ ᠤ᠋ᠨ ᠢ᠋ᠶ᠋ᠠᠨ ᠤᠷᠳᠤᠭᠤᠷ ᠭᠠᠷᠳᠠᠭ ᠦᠭᠡᠢ ᠶᠦᠮ
ᠠᠶᠠᠭᠠᠨ ᠳ᠋ᠠᠭᠠᠨ ᠬᠤᠷᠤᠭᠤ ᠪᠠᠨ ᠥᠩᠭᠡᠢᠯᠭᠡᠳᠡᠭ ᠦᠭᠡᠢ ᠶᠦᠮ!
ᠠᠢᠯ ᠠᠯᠠᠭᠯᠠᠵᠤ ᠠᠢᠯᠴᠢᠯᠠᠳᠠᠭ ᠦᠭᠡᠢ ᠶᠦᠮ
ᠠᠯᠳᠠᠯᠠᠵᠤ ᠲᠡᠨᠢᠢᠲᠡᠯᠡ ᠰᠤᠨᠢᠶᠠᠳᠠᠭ ᠦᠭᠡᠢ ᠶᠦᠮ!
ᠬᠠᠲᠠᠪᠴᠢ ᠵᠠᠢᠳᠠᠯᠠᠵᠤ ᠰᠠᠭᠤᠳᠠᠭ ᠦᠭᠡᠢ ᠶᠦᠮ
ᠬᠠᠶᠠᠭᠠ ᠪᠠᠷ ᠱᠠᠭᠠᠢᠵᠤ ᠶᠠᠷᠢᠳᠠᠭ ᠦᠭᠡᠢ
ᠬᠠᠷᠠᠬᠤ ᠳ᠋ᠠᠭᠠᠨ ᠭᠢᠯᠠᠢᠵᠤ ᠬᠠᠷᠠᠳᠠᠭ ᠦᠭᠡᠢ
ᠬᠠᠷᠠᠩᠭᠤᠢ ᠪᠦᠷᠦᠢ ᠳ᠋ᠦ᠍ ᠭᠢᠩᠰᠢᠳᠡᠭ ᠦᠭᠡᠢ
ᠵᠢᠷᠭᠠᠯ ᠲᠠᠢ ᠴᠤ᠌ ᠬᠡᠪᠲᠡᠵᠦ ᠳᠠᠭᠤᠯᠠᠳᠠᠭ ᠦᠭᠡᠢ
ᠵᠣᠪᠠᠯᠠᠩ ᠲᠠᠢ ᠴᠤ᠌ ᠵᠠᠮ ᠳᠡᠭᠡᠷᠡ ᠤᠬᠢᠯᠠᠳᠠᠭ ᠦᠭᠡᠢ
ᠵᠤᠯᠠ ᠶ᠋ᠢᠨ ᠭᠠᠯ ᠢ᠋ ᠦᠯᠢᠶᠡᠳᠡᠭ ᠦᠭᠡᠢ
ᠵᠤᠤᠬᠠ ᠲᠤᠯᠭᠠ ᠶ᠋ᠢᠨ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠠᠯᠬᠤᠳᠠᠭ ᠦᠭᠡᠢ
ᠬᠥᠮᠦᠨ ᠦ᠌ ᠥᠭᠡᠳᠡ ᠡᠴᠡ ᠬᠣᠭ ᠬᠠᠶᠠᠳᠠᠭ ᠦᠭᠡᠢ
ᠬᠥᠨᠳᠡᠯᠡᠨ ᠮᠣᠭᠠᠢ ᠲᠠᠢ ᠵᠦᠭ ᠲᠦ᠍ ᠶᠠᠪᠤᠳᠠᠭ ᠦᠭᠡᠢ
ᠬᠥᠰᠡᠷ ᠲᠦ᠍ ᠤᠨᠠᠭᠰᠠᠨ ᠴᠠᠢ ᠶ᠋ᠢ ᠭᠢᠰᠬᠢᠳᠡᠭ ᠦᠭᠡᠢ
ᠪᠠᠳᠠᠷᠠᠭᠰᠠᠨ ᠭᠠᠯ ᠤ᠋ᠨ ᠢ᠋ᠶ᠋ᠠᠨ ᠳᠡᠭᠡᠷᠡ ᠤᠰᠤ ᠬᠢᠳᠡᠭ ᠦᠭᠡᠢ
ᠪᠠᠯᠴᠢᠷ ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠬᠤᠪᠴᠠᠰᠤ ᠶ᠋ᠢ ᠭᠠᠳᠠᠨᠠ ᠬᠣᠨᠣᠭᠤᠯᠳᠠᠭ ᠦᠭᠡᠢ
ᠪᠠᠷᠢᠭᠰᠠᠨ ᠤᠷᠭᠠᠨ ᠤ᠋ ᠪᠠᠨ ᠳᠡᠭᠡᠭᠦᠷ ᠠᠯᠬᠤᠳᠠᠭ ᠦᠭᠡᠢ
ᠪᠠᠷᠠᠭᠰᠠᠨ ᠬᠣᠭᠣᠰᠣᠷᠠᠭᠰᠠᠨ ᠢ᠋ᠶ᠋ᠠᠨ ᠬᠡᠯᠡᠳᠡᠭ ᠦᠭᠡᠢ
ᠲᠩᠷᠢ ᠶ᠋ᠢ ᠬᠤᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠵᠢᠭᠠᠳᠠᠭ ᠦᠭᠡᠢ
ᠳᠡᠷᠡᠯᠡᠭ ᠬᠤᠪᠴᠠᠰᠤ ᠪᠠᠨ ᠬᠥᠭᠯᠡᠭᠦᠯᠵᠦ ᠬᠠᠶᠠᠳᠠᠭ ᠦᠭᠡᠢ
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠢ᠋ᠶ᠋ᠠᠨ ᠳᠠᠷᠠᠰᠤ ᠪᠠᠷ ᠰᠢᠪᠬᠠᠷᠳᠠᠭ ᠦᠭᠡᠢ
ᠲᠠᠯᠠ ᠳ᠋ᠤ᠌ ᠬᠠᠶᠠᠭᠳᠠᠭᠰᠠᠨ ᠬᠢᠲᠤᠭᠠ ᠶ᠋ᠢ ᠠᠪᠳᠠᠭ ᠦᠭᠡᠢ
ᠬᠥᠬᠡ ᠮᠣᠩᠭᠣᠯ ᠤ᠋ᠨ ᠮᠢᠨᠢ ᠶᠣᠰᠣ ᠴᠡᠭᠡᠷ
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ ᠪᠠᠢᠳᠠᠭ
ᠬᠦᠨᠳᠦᠳᠬᠡᠵᠦ ᠬᠠᠢᠷᠠᠯᠠᠵᠤ ᠶᠠᠪᠤᠬᠤ ᠶ᠋ᠢ
ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠲᠠᠭᠠᠨ ᠬᠦᠰᠡᠶᠡ!
ᠬᠦᠴᠦᠷᠬᠡᠭ ᠮᠣᠩᠭᠣᠯ ᠤ᠋ᠨ ᠮᠢᠨᠢ ᠣᠶᠤᠨ ᠤᠬᠠᠭᠠᠨ ᠳ᠋ᠤ᠌
ᠬᠦᠨᠳᠦᠳᠬᠡᠯ ᠦ᠋ᠨ ᠶᠣᠰᠣ ᠠᠷᠪᠢᠨ ᠪᠠᠢᠳᠠᠭ᠃
ᠬᠥᠭᠰᠢᠳ ᠨᠠᠰᠤᠲᠠᠳ ᠠ᠋ᠴᠠ ᠪᠠᠨ ᠥᠪᠯᠡᠨ ᠵᠠᠯᠭᠠᠮᠵᠢᠯᠠᠵᠤ
ᠬᠥᠮᠦᠨ ᠪᠦᠬᠦᠨ ᠡᠷᠬᠢᠮᠯᠡᠨ ᠲᠤᠤᠱᠯᠠᠭᠤᠯᠬᠤ ᠪᠣᠯᠪᠠ ᠤᠤ?
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠭᠠᠷᠮᠠ᠂ ᠰᠡᠬᠡᠭᠡᠷᠡᠯ
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ