ᠡᠷᠲᠡ ᠢᠨᠠᠭᠯᠠᠬᠤ-ᠬᠡᠦᠬᠡᠳ ᠦᠨ ᠵᠠᠩ ᠰᠡᠳᠭᠢᠴᠡ ᠳᠦ ᠢᠯᠡᠷᠡᠵᠦ ᠪᠠᠢᠭᠠ ᠠᠰᠠᠭᠤᠳᠠᠯ-ᠮᠣᠩᠭᠣᠯᠴᠤᠳ ᠤ᠋ᠨ ᠭᠡᠷ ᠪᠦᠯᠢ ᠶ᠋ᠢᠨ ᠬᠥᠮᠦᠵᠢᠯ2-12-ᠪᠣᠯᠣᠴᠢᠯᠠᠭᠤ
756ᠡᠷᠲᠡ ᠢᠨᠠᠭᠯᠠᠬᠤ
ᠣᠳᠣ ᠶ᠋ᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠳᠡᠭᠡᠳᠦ ᠠᠩᠭᠢ ᠶ᠋ᠢᠨ ᠬᠡᠦᠬᠡᠳ ᠡᠴᠡ ᠡᠬᠢᠯᠡᠭᠡᠳ ᠢᠨᠠᠭᠯᠠᠬᠤ ᠦᠵᠡᠭᠳᠡᠯ ᠭᠠᠷᠴᠤ᠂ ᠠᠩᠬᠠ ᠳᠤᠮᠳᠠᠳᠤ ᠶ᠋ᠢᠨ ᠱᠠᠲᠤᠨ ᠳ᠋ᠤ᠌ ᠣᠷᠣᠪᠠᠯ ᠰᠤᠷᠤᠭᠴᠢ ᠶ᠋ᠢᠨ ᠰᠡᠳᠬᠢᠴᠡ ᠶ᠋ᠢᠨ ᠬᠤᠪᠢᠷᠠᠯᠲᠠ ᠪᠣᠢᠵᠢᠯᠲᠠ ᠵᠢᠴᠢ ᠰᠤᠷᠤᠯᠭᠠ ᠠᠮᠢᠳᠤᠷᠠᠯ᠂ ᠨᠥᠬᠥᠳ ᠦ᠋ᠨ ᠬᠠᠷᠢᠴᠠᠭᠠᠨ ᠳ᠋ᠤ᠌ ᠪᠦᠷ ᠥᠷᠭᠡᠨ ᠨᠥᠯᠥᠭᠡ ᠦᠵᠡᠭᠦᠯᠬᠦ ᠪᠣᠯᠵᠠᠢ᠃ ᠡᠨᠡᠬᠦ ᠪᠠᠢᠳᠠᠯ ᠳ᠋ᠤ᠌ ᠨᠡᠢᠭᠡᠮ᠂ ᠰᠤᠷᠭᠠᠭᠤᠯᠢ᠂ ᠭᠡᠷ ᠦ᠋ᠨ ᠠᠬᠠᠮᠠᠳ ᠪᠦᠷ ᠰᠠᠨᠠᠭᠠ ᠵᠣᠪᠠᠵᠤ ᠶᠠᠭᠠᠬᠢᠵᠤ ᠵᠢᠯᠣᠭᠣᠳᠬᠤ ᠪᠠᠨ ᠣᠯ ᠶᠠᠳᠠᠨ᠂ ᠬᠣᠷᠢᠭᠯᠠᠵᠤ ᠵᠠᠩᠳᠤᠷᠬᠤ ᠨᠢ ᠳᠡᠢᠯᠦᠩᠬᠡᠢ ᠪᠠᠢᠵᠤ᠂ ᠦᠷᠡ ᠠᠰᠢᠭ ᠢ᠋ᠶ᠋ᠠᠷ ᠢᠯᠡᠷᠬᠡᠢ ᠪᠢᠰᠢ ᠪᠠᠢᠨᠠ᠃ ᠶᠠᠭᠤᠨ ᠤ᠋ ᠡᠮᠦᠨᠡ ᠡᠨᠡᠬᠦ ᠦᠵᠡᠭᠳᠡᠯ ᠪᠣᠢ ᠪᠣᠯᠵᠤ ᠪᠠᠢᠭᠠ ᠦᠨᠳᠦᠰᠦᠨ ᠰᠢᠯᠲᠠᠭᠠᠨ ᠢ᠋ ᠰᠠᠢᠨ ᠣᠢᠯᠠᠭᠠᠵᠤ᠂ ᠳᠠᠷᠠᠭᠠ ᠨᠢ ᠬᠡᠦᠬᠡᠳ ᠦ᠋ᠨ ᠪᠣᠳᠠᠲᠤ ᠪᠠᠢᠳᠠᠯ ᠰᠡᠳᠬᠢᠴᠡ ᠶ᠋ᠢᠨ ᠣᠨᠴᠠᠯᠢᠭ ᠲᠤ᠌ ᠵᠣᠬᠢᠴᠠᠭᠤᠯᠵᠤ ᠵᠢᠭᠠᠨ ᠵᠢᠯᠣᠭᠣᠳᠤᠯᠭᠠ ᠬᠢᠪᠡᠯ ᠰᠠᠶᠢ ᠮᠠᠨ ᠤ᠋ ᠵᠣᠷᠢᠯᠭᠠ ᠳ᠋ᠤ᠌ ᠪᠠᠨ ᠬᠦᠷᠴᠦ᠂ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠴᠡ ᠳᠡᠭᠡᠷᠡᠬᠢ ᠦᠰᠦᠨ ᠪᠣᠢᠵᠢᠯᠲᠠ ᠶ᠋ᠢᠨ ᠠᠶᠤᠯᠲᠠᠢ ᠬᠤᠭᠤᠴᠠᠭᠠ ᠪᠣᠯᠬᠤ12-18 ᠬᠦᠷᠲᠡᠯᠡᠬᠢ ᠭᠡᠨᠡᠨ ᠨᠠᠰᠤ ᠶ᠋ᠢ ᠡᠷᠡᠭᠦᠯ ᠳᠡᠭᠵᠢᠨ ᠢ᠋ᠶ᠋ᠡᠷ ᠥᠩᠭᠡᠷᠡᠭᠦᠯᠵᠦ ᠴᠢᠳᠠᠬᠤ ᠪᠣᠯᠤᠨᠠ᠃ ᠰᠡᠳᠬᠢᠴᠡ ᠶ᠋ᠢᠨ ᠠᠶᠤᠯᠲᠠᠢ ᠬᠤᠭᠤᠴᠠᠭᠠᠨ ᠳ᠋ᠠᠬᠢ ᠭᠣᠣᠯ ᠢᠯᠡᠷᠡᠯ ᠪᠣᠯ ᠪᠡᠶᠡ ᠮᠠᠬᠠᠪᠣᠳ ᠤ᠋ᠨ ᠪᠣᠢᠵᠢᠯᠲᠠ ᠬᠤᠪᠢᠷᠠᠯᠲᠠ ᠲᠦᠷᠭᠡᠨ ᠪᠣᠯᠪᠠᠴᠤ ᠲᠣᠮᠣ ᠬᠥᠮᠦᠨ ᠪᠣᠯᠵᠤ ᠣᠯᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠢᠷᠡᠬᠦ ᠡᠴᠡ ᠰᠦᠷᠳᠡᠬᠦ ᠰᠡᠳᠬᠢᠴᠡ ᠢᠯᠡᠷᠡᠵᠦ᠂ ᠰᠡᠳᠬᠢᠴᠡ ᠶ᠋ᠢᠨ ᠪᠣᠢᠵᠢᠯᠲᠠ ᠬᠠᠷᠢᠴᠠᠩᠭᠤᠢ ᠤᠳᠠᠭᠠᠰᠢᠷᠠᠬᠤ ᠮᠥᠷᠲᠡᠭᠡᠨ ᠳᠣᠯᠭᠢᠰᠤᠯ ᠶᠡᠬᠡᠲᠡᠢ ᠬᠡᠪᠡᠷᠡᠭ ᠪᠠᠢᠳᠠᠭ᠂ ᠣᠯᠠᠨ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠲᠡᠢ ᠪᠠᠢᠵᠤ ᠭᠡᠨᠡᠨ ᠴᠦᠯᠲᠦ ᠠᠵᠢᠯᠯᠠᠭᠠ ᠬᠢᠬᠦ ᠨᠢ ᠣᠯᠠᠨ ᠪᠣᠯᠪᠠᠴᠤ ᠨᠡᠢᠭᠡᠮ ᠦ᠋ᠨ ᠲᠤᠷᠰᠢᠯᠭᠠ ᠥᠩᠭᠡᠷᠡᠯᠲᠡ ᠨᠢᠮᠭᠡᠨ ᠪᠣᠯᠬᠣᠷ᠂ ᠪᠠᠭᠠ ᠰᠠᠭᠠ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠪᠦᠳᠦᠷᠢᠯ ᠦ᠋ᠨ ᠡᠮᠦᠨᠡ ᠠᠮᠠᠷᠬᠠᠨ ᠵᠣᠷᠢᠭ ᠮᠣᠬᠣᠵᠤ ᠤᠷᠮᠠ ᠬᠠᠷᠢᠳᠠᠭ᠂ ᠡᠨᠡ ᠦᠶᠡᠰ ᠪᠠᠭᠰᠢ ᠭᠡᠷ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠵᠣᠷᠢᠭᠵᠢᠭᠤᠯᠤᠯ ᠳᠡᠮᠵᠢᠯᠭᠡ ᠲᠤᠩ ᠪᠠᠴᠢᠮ ᠱᠠᠭᠠᠷᠳᠠᠭᠳᠠᠨᠠ᠃ ᠪᠠᠭᠰᠢ ᠭᠡᠷ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠰᠡᠳᠬᠢᠴᠡ ᠶ᠋ᠢᠨ ᠵᠢᠯᠣᠭᠣᠳᠤᠯᠭᠠ ᠳᠤᠲᠠᠮᠠᠭ ᠠ᠋ᠴᠠ ᠪᠣᠯᠵᠤ᠂ ᠣᠯᠠᠩᠬᠢ ᠵᠠᠯᠠᠭᠤᠰ ᠣᠯᠠᠨ ᠵᠦᠢᠯ ᠦ᠋ᠨ ᠳᠤᠷᠠ ᠰᠣᠨᠢᠷᠬᠠᠯ ᠬᠥᠭᠡᠭᠡᠴᠡᠯᠳᠦᠯ ᠦ᠋ᠨ ᠳᠤᠮᠳᠠ ᠰᠣᠩᠭᠣᠯᠲᠠ ᠣᠯᠬᠤ ᠦᠭᠡᠢ ᠲᠥᠭᠡᠷᠢᠭᠳᠡᠵᠦ ᠪᠠᠢᠳᠠᠭ᠂ ᠡᠨᠡ ᠦᠶᠡᠰ ᠭᠡᠷ ᠦ᠋ᠨ ᠠᠬᠠᠮᠠᠳ ᠵᠣᠬᠢᠰᠲᠠᠢ ᠵᠥᠪᠳᠡᠯ ᠥᠭᠬᠦ ᠦᠭᠡᠢ ᠮᠥᠷᠲᠡᠭᠡᠨ ᠥᠪᠡᠷᠰᠡᠳ ᠦ᠋ᠨ ᠳᠤᠷᠠ ᠵᠣᠷᠢᠭ ᠢ᠋ᠶ᠋ᠠᠷ ᠶᠠᠪᠤᠭᠤᠯᠬᠤ ᠭᠡᠮᠡᠨ ᠮᠤᠰᠬᠢᠵᠦ ᠪᠠᠢᠭᠰᠠᠭᠠᠷ ᠭᠡᠷ ᠦ᠋ᠨ ᠠᠬᠠᠮᠠᠳ ᠬᠡᠦᠬᠡᠳ ᠦ᠋ᠨ ᠳᠤᠮᠳᠠ ᠵᠥᠷᠢᠴᠡᠯ ᠮᠥᠷᠭᠥᠯᠳᠦᠭᠡᠨ ᠡᠭᠦᠰᠬᠦ ᠡᠴᠡ ᠪᠣᠯᠵᠤ᠂ ᠵᠠᠷᠢᠮ ᠬᠡᠦᠬᠡᠳ ᠨᠢ ᠠᠯᠢᠪᠠ ᠬᠦᠰᠡᠯ ᠵᠣᠷᠢᠯᠲᠠ ᠪᠠᠨ ᠲᠠᠶᠠᠭᠳᠠᠵᠤ᠂ ᠪᠡᠶᠡ ᠪᠡᠨ ᠬᠠᠶᠠᠵᠤ᠂ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠳᠤᠷᠠ ᠰᠣᠨᠢᠷᠬᠠᠯ ᠦᠭᠡᠢ ᠶᠠᠭᠤ ᠴᠤ᠌ ᠬᠠᠮᠢᠶᠠᠷᠬᠤ ᠦᠭᠡᠢ ᠲᠤᠢᠯᠰᠢᠷᠠᠭᠰᠠᠨ ᠪᠠᠢᠳᠠᠯ ᠳ᠋ᠤ᠌ ᠣᠷᠣᠬᠤ ᠮᠡᠲᠦ ᠣᠯᠠᠨ ᠠᠰᠠᠭᠤᠳᠠᠯ ᠢᠯᠡᠷᠡᠳᠡᠭ ᠡᠴᠡ ᠬᠡᠦᠬᠡᠳ ᠦ᠋ᠨ ᠵᠠᠩ ᠰᠡᠳᠬᠢᠴᠡ ᠬᠢᠯᠪᠠᠷᠬᠠᠨ ᠡᠪᠳᠡᠷᠡᠵᠦ ᠡᠬᠢᠯᠡᠳᠡᠭ᠃ ᠵᠠᠩ ᠰᠡᠳᠬᠢᠴᠡ ᠡᠪᠳᠡᠷᠡᠭᠰᠡᠨ ᠬᠣᠢᠨᠠ ᠵᠠᠰᠠᠵᠤ ᠵᠠᠯᠠᠬᠤ ᠳ᠋ᠤ᠌ ᠲᠤᠩ ᠬᠦᠴᠢᠷ ᠪᠣᠯᠳᠠᠭ᠃ ᠲᠡᠢᠮᠦ ᠡᠴᠡ ᠬᠡᠦᠬᠡᠳ ᠦ᠋ᠨ ᠰᠢᠯᠵᠢᠯᠲᠡ ᠶ᠋ᠢᠨ ᠨᠠᠰᠤᠨ ᠤ᠋ ᠰᠡᠳᠬᠢᠴᠡ ᠬᠤᠪᠢᠷᠠᠯᠲᠠ ᠣᠯᠠᠨ ᠮᠥᠷᠲᠡᠭᠡᠨ ᠲᠣᠭᠲᠠᠪᠤᠷᠢ ᠦᠭᠡᠢ ᠬᠡᠪᠡᠷᠡᠭ ᠪᠠᠢᠳᠠᠭ ᠮᠡᠲᠦ ᠣᠨᠴᠠᠯᠢᠭ ᠰᠢᠨᠵᠢ ᠶ᠋ᠢ ᠪᠠᠭᠰᠢ ᠭᠡᠷ ᠦ᠋ᠨ ᠠᠬᠠᠮᠠᠳ ᠰᠠᠢᠨ ᠣᠢᠯᠠᠭᠠᠵᠤ ᠵᠣᠬᠢᠰᠲᠠᠢ ᠬᠠᠯᠠᠮᠵᠢᠯᠠᠬᠤ ᠶ᠋ᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ᠃
ᠬᠡᠦᠬᠡᠳ ᠦ᠋ᠨ ᠡᠷᠲᠡ ᠤᠷᠤᠭ ᠬᠡᠯᠡᠯᠴᠡᠬᠦ ᠪᠠᠢᠳᠠᠯ ᠢᠯᠡᠷᠡᠵᠦ ᠪᠠᠢᠭᠠ ᠰᠢᠯᠲᠠᠭᠠᠨ ᠳ᠋ᠤ᠌ ᠪᠡᠯᠭᠡ ᠶ᠋ᠢᠨ ᠪᠣᠢᠵᠢᠯᠲᠠ ᠡᠷᠲᠡ ᠪᠣᠯᠤᠭᠰᠠᠨ ( ᠰᠢᠮᠡ ᠲᠡᠵᠢᠭᠡᠯ ᠬᠡᠲᠦᠷᠡᠭᠰᠡᠨ ᠪᠤᠶᠤ ᠬᠣᠷᠮᠣᠨ ᠢ᠋ᠶ᠋ᠠᠷ ᠲᠡᠵᠢᠭᠡᠵᠦ ᠲᠠᠷᠭᠤᠯᠠᠭᠤᠯᠤᠭᠰᠠᠨ ᠲᠠᠬᠢᠶᠠᠨ ᠮᠢᠬᠠ ᠮᠡᠲᠦ ᠬᠣᠭ ᠤ᠋ᠨ ᠢᠳᠡᠭᠡᠨ ᠶᠡᠬᠡ ᠢᠳᠡᠭᠰᠡᠨ)᠂ ᠲᠧᠯᠸᠢᠰ ᠰᠦᠯᠵᠢᠶᠡ ᠡᠴᠡ《ᠠᠮᠢᠳᠤᠷᠠᠯ 》 ᠲᠠᠢ ᠺᠢᠨᠣ᠋ ᠵᠦᠴᠦᠭᠡ ᠨᠢᠯᠬᠠ ᠠ᠋ᠴᠠ ᠦᠵᠡᠬᠦ ᠪᠣᠯᠤᠭᠰᠠᠨ ᠵᠢᠴᠢ ᠢᠨᠠᠭ ᠬᠠᠢᠷᠠ ᠶ᠋ᠢᠨ ᠲᠤᠬᠠᠢ ᠡᠰᠡᠨ ᠪᠣᠰᠤᠨ ᠦᠭᠡᠢ ᠮᠡᠳᠡᠭᠡᠯᠡᠯ ᠬᠡᠳᠦ ᠣᠯᠠᠨ ᠣᠯᠵᠤ ᠦᠵᠡᠬᠦ ᠪᠣᠯᠤᠭᠰᠠᠨ᠂ ᠨᠡᠢᠭᠡᠮ ᠦ᠋ᠨ ᠬᠡᠪ ᠰᠤᠷᠲᠠᠯ ᠬᠡᠳᠦ ᠵᠠᠳᠠᠭᠠᠢᠷᠠᠵᠤ᠂ ᠲᠣᠮᠣᠴᠤᠤᠯ ᠨᠢ ᠬᠡᠦᠬᠡᠳ ᠦ᠋ᠨ ᠡᠮᠦᠨᠡ ᠠᠮᠢᠳᠤᠷᠠᠯ ᠤ᠋ᠨ ᠬᠠᠮᠢᠶᠠᠲᠠᠢ ᠨᠠᠷᠭᠢᠶᠠ ᠵᠣᠭᠣᠭ ᠢ᠋ ᠢᠯᠠᠨ ᠳᠠᠯᠠᠨ ᠦᠭᠡᠢ ᠶᠠᠷᠢᠬᠤ ᠪᠣᠯᠤᠭᠰᠠᠨ ᠵᠡᠷᠭᠡ ᠨᠥᠯᠥᠭᠡ ᠪᠠᠢᠬᠤ ᠠ᠋ᠴᠠ ᠭᠠᠳᠠᠨᠠ ᠨᠡᠩ ᠴᠢᠬᠤᠯᠠ ᠨᠢ ᠬᠡᠦᠬᠡᠳ ᠲᠦ᠍ ᠭᠡᠷ ᠪᠦᠯᠢ ᠶ᠋ᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠬᠠᠢᠷᠠ ᠬᠠᠯᠠᠮᠵᠢ ᠳᠤᠲᠠᠭᠳᠠᠵᠤ ᠪᠠᠢᠬᠤ ᠲᠠᠢ ᠲᠤᠩ ᠶᠡᠬᠡ ᠬᠣᠯᠪᠣᠭᠠ ᠲᠠᠢ ᠪᠠᠢᠨᠠ᠃ ᠬᠡᠦᠬᠡᠳ ᠨᠢᠯᠬᠠ ᠪᠠᠯᠴᠢᠷ ᠨᠠᠰᠤᠨ ᠳ᠋ᠤ᠌ ᠪᠠᠨ ᠠᠪᠤ ᠡᠵᠢ ᠶ᠋ᠢᠨ ᠡᠨᠡᠷᠢᠯ ᠬᠠᠢᠷᠠ ᠭᠡᠷ ᠪᠦᠯᠢ ᠶ᠋ᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠠᠭᠠᠷ ᠢ᠋ ᠦᠨᠡᠨ ᠬᠦ᠌ ᠮᠡᠳᠡᠷᠡᠵᠦ ᠳᠡᠢᠯᠬᠦ ᠦᠭᠡᠢ ᠪᠣᠯᠪᠠᠯ ᠰᠡᠳᠬᠢᠯ ᠦ᠋ᠨ ᠭᠦᠨ( ᠳᠠᠷᠤᠢ ᠳᠠᠯᠳᠠ ᠤᠬᠠᠮᠰᠠᠷ) ᠲᠤ᠌ ᠨᠢ ᠬᠠᠢᠷᠠ ᠪᠠᠷ ᠭᠠᠩᠳᠠᠭᠰᠠᠨ ᠭᠣᠮᠣᠳᠠᠯ ᠮᠠᠨᠠᠭᠳᠠᠨᠠ᠃ ᠬᠡᠦᠬᠡᠳ ᠥᠪᠡᠷ ᠢ᠋ᠶ᠋ᠡᠨ ᠴᠦ᠍ ᠦᠯᠦ ᠣᠢᠯᠠᠭᠠᠬᠤ ᠡᠨᠡᠬᠦ ᠭᠣᠮᠣᠳᠠᠯ ᠬᠣᠭᠣᠰᠣᠷᠠᠯ ᠨᠢ ᠲᠡᠳᠡᠨ ᠢ᠋ ᠲᠣᠮᠣ ᠪᠣᠯᠤᠭᠰᠠᠨ ᠤ᠋ ᠬᠢᠨᠢ ᠳᠠᠷᠠᠭᠠ ᠶᠠᠭᠤᠮᠠ ᠪᠦᠬᠦᠨ ᠳ᠋ᠦ᠍ ᠰᠢᠨᠤᠬᠤ ᠰᠡᠳᠬᠢᠴᠡ ᠶ᠋ᠢᠨ ᠭᠡᠮ ᠠᠷᠬᠠᠭ ᠪᠣᠯᠵᠤ ᠢᠯᠡᠷᠡᠳᠡᠭ᠃ ᠪᠣᠳᠠᠲᠠᠢ ᠢᠯᠡᠷᠡᠯ ᠨᠢ ᠣᠯᠠᠨᠲᠠ ᠢᠨᠠᠭᠯᠠᠬᠤ᠂ ᠠᠷᠢᠬᠢ ᠤᠤᠭᠤᠪᠠᠯ ᠠᠷᠢᠬᠢᠨ ᠳ᠋ᠤ᠌ ᠣᠷᠣᠬᠤ᠂ ᠲᠠᠮᠠᠬᠢ ᠲᠠᠲᠠᠪᠠᠯ ᠲᠠᠮᠠᠬᠢᠨ ᠴᠢᠳᠬᠥᠷ ᠪᠣᠯᠬᠤ᠂ ᠰᠦᠯᠵᠢᠶᠡ ᠲᠣᠭᠯᠠᠭᠠᠮ᠂ ᠮᠥᠷᠥᠢ ᠲᠡᠢ ᠨᠠᠭᠠᠳᠤᠮ ᠳ᠋ᠤ᠌ ᠰᠢᠨᠤᠬᠤ᠂ ᠨᠡᠩ ᠠᠶᠤᠯᠲᠠᠢ ᠨᠢ ᠬᠠᠷᠠ ᠲᠠᠮᠠᠬᠢ ᠣᠯᠳᠠᠬᠤ ᠶᠤᠮ ᠪᠣᠯ ᠪᠦᠷ ᠰᠢᠨᠤᠬᠤ ᠪᠣᠯᠤᠮᠵᠢ ᠲᠠᠢ ᠪᠠᠢᠳᠠᠭ᠃
ᠲᠡᠭᠡᠬᠦ ᠪᠡᠷ ᠣᠳᠣ ᠶ᠋ᠢᠨ ᠬᠡᠦᠬᠡᠳ ᠦ᠋ᠨ ᠰᠠᠨᠠᠭᠠ ᠰᠡᠳᠬᠢᠯ ᠲᠡᠨᠢᠭᠦᠨ ᠲᠣᠭᠲᠠᠭᠤᠨ ᠪᠢᠰᠢ᠂ ᠰᠡᠳᠬᠢᠯ ᠦ᠋ᠨ ᠭᠦᠨ ᠳ᠋ᠦ᠍ ᠨᠢ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠴᠦ᠍ ᠦᠯᠦ ᠣᠢᠯᠠᠭᠠᠬᠤ ᠣᠯᠠᠨ ᠠᠷᠪᠢᠨ ᠬᠠᠢᠷᠠ ᠶ᠋ᠢᠨ ᠭᠣᠮᠣᠳᠠᠯ ᠳᠠᠷᠤᠭᠳᠠᠵᠤ ᠪᠠᠢᠳᠠᠭ ᠪᠣᠯᠬᠣᠷ᠂ ᠦᠶᠡ ᠶ᠋ᠢᠨ ᠨᠥᠬᠥᠳ ᠲᠡᠢ ᠪᠡᠨ ᠰᠡᠳᠬᠢᠯ ᠦ᠋ᠨ ᠦᠭᠡ ᠰᠠᠨᠠᠭᠠᠨ ᠤ᠋ ᠵᠣᠭᠣᠭ ᠢ᠋ᠶ᠋ᠠᠨ ᠪᠠᠭᠠ ᠯᠠ ᠳᠡᠯᠭᠡᠪᠡᠯ ᠲᠡᠷᠡ ᠨᠠᠢᠵᠠ ᠳ᠋ᠤ᠌ ᠪᠠᠨ ᠠᠯᠢᠪᠠ ᠪᠠᠨ ᠨᠠᠢᠳᠠᠬᠤ ᠰᠡᠳᠬᠢᠴᠡ ᠶ᠋ᠢᠨ ᠬᠠᠨᠳᠤᠰᠢ ᠭᠠᠷᠳᠠᠭ᠃ ᠡᠨᠡ ᠪᠣᠯ ᠥᠨᠥᠴᠢᠷᠡᠵᠦ ᠭᠠᠭᠴᠠᠭᠠᠷᠳᠠᠵᠤ ᠪᠠᠢᠭᠠ ᠰᠡᠳᠬᠢᠯᠭᠡ ᠲᠡᠢ ᠬᠡᠦᠬᠡᠳ ᠪᠣᠯᠭᠠᠨ ᠳ᠋ᠤ᠌ ᠬᠢᠯᠪᠠᠷᠬᠠᠨ ᠢᠯᠡᠷᠡᠬᠦ ᠰᠡᠳᠬᠢᠴᠡ ᠶ᠋ᠢᠨ ᠦᠵᠡᠭᠳᠡᠯ᠂ ᠡᠢᠮᠦᠷᠬᠦ ᠰᠡᠳᠬᠢᠴᠡ ᠲᠡᠢ ᠬᠡᠦᠬᠡᠳ ᠦ᠋ᠨ ᠬᠠᠢᠷᠠᠯᠠᠬᠤ ᠨᠢ ᠪᠠᠰᠠ ᠠᠯᠪᠠᠳᠠᠯᠭᠠ ᠶ᠋ᠢᠨ ᠴᠢᠨᠠᠷ ᠲᠠᠢ ᠪᠠᠢᠵᠤ᠂ ᠲᠠ ᠨᠠᠳᠠ ᠶ᠋ᠢ ᠬᠠᠢᠷᠠᠯᠠᠬᠤ ᠦᠭᠡᠢ ᠪᠣᠯ ᠪᠢ ᠠᠮᠢᠳᠤᠷᠠᠬᠤ ᠦᠭᠡᠢ᠂ ᠬᠣᠣᠷ ᠢᠳᠡᠨᠡ ᠭᠡᠬᠦ ᠮᠡᠲᠦ ᠪᠡᠷ ᠨᠥᠭᠦᠭᠡ ᠡᠲᠡᠭᠡᠳ ᠢ᠋ᠶ᠋ᠡᠨ ᠠᠯᠪᠠᠲᠠᠨ ᠰᠦᠷᠳᠡᠭᠦᠯᠬᠦ ᠰᠡᠳᠬᠢᠴᠡ ᠶᠡᠬᠡ ᠪᠠᠢᠳᠠᠭ᠃ ᠲᠡᠭᠡᠬᠦ ᠪᠡᠷ ᠬᠡᠦᠬᠡᠳ ᠦ᠋ᠨ ᠡᠷᠲᠡ ᠢᠨᠠᠭᠯᠠᠵᠤ ᠪᠠᠢᠭᠠ ᠨᠢ ᠠᠮᠢᠳᠤᠷᠠᠯ ᠬᠠᠢᠷᠠ ᠶ᠋ᠢᠨ ᠤᠴᠢᠷ ᠲᠤ᠌ ᠤᠬᠠᠮᠰᠠᠷ᠂ ᠬᠠᠷᠢᠭᠤᠴᠠᠯᠭᠠ᠂ ᠣᠢᠯᠠᠭᠠᠯᠲᠠ ᠨᠢ ᠪᠦᠷ ᠲᠣᠮᠣᠭᠠᠵᠢᠭᠠᠳ ᠡᠭᠦᠰᠴᠦ ᠪᠠᠢᠭᠠ ᠦᠵᠡᠭᠳᠡᠯ ᠪᠢᠰᠢ᠂ ᠬᠠᠷᠢᠨ ᠰᠡᠳᠬᠢᠯᠭᠡ ᠬᠠᠢᠷᠠ ᠶ᠋ᠢᠨ ᠥᠨᠥᠴᠢᠷᠡᠯ ᠭᠠᠭᠴᠠᠭᠠᠷᠳᠠᠯ ᠡᠯᠡᠢᠷᠡᠯ ᠡᠴᠡ ᠪᠣᠯᠵᠤ ᠢᠯᠡᠷᠡᠵᠦ ᠪᠠᠢᠭᠠ ᠰᠡᠳᠬᠢᠴᠡ ᠶ᠋ᠢᠨ ᠠᠰᠠᠭᠤᠳᠠᠯ ᠤ᠋ᠳ ᠭᠣᠣᠯᠳᠠᠭᠤ ᠪᠠᠢᠨᠠ᠃ ᠪᠠᠭᠰᠢ ᠭᠡᠷ ᠦ᠋ᠨ ᠠᠬᠠᠮᠠᠳ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠴᠡ ᠶ᠋ᠢᠨ ᠪᠣᠢᠵᠢᠯᠲᠠ ᠶ᠋ᠢ ᠨᠠᠷᠢᠯᠢᠭ᠂ ᠪᠣᠳᠠᠲᠠᠢ᠂ ᠭᠦᠨᠵᠡᠭᠡᠢ ᠣᠢᠯᠠᠭᠠᠵᠤ ᠪᠠᠢᠮᠠᠨ᠂ ᠰᠡᠳᠬᠢᠴᠡ ᠶ᠋ᠢᠨ ᠵᠢᠯᠣᠭᠣᠳᠤᠯᠭᠠ ᠪᠣᠯᠤᠨ ᠬᠠᠢᠷᠠ ᠬᠠᠯᠠᠮᠵᠢ ᠶ᠋ᠢᠨ ᠬᠥᠮᠦᠵᠢᠯ ᠬᠢᠬᠦ ᠪᠡᠷ ᠭᠣᠣᠯᠳᠠᠭᠤᠯᠬᠤ ᠬᠡᠷᠡᠭᠲᠡᠢ᠃ ᠭᠡᠷ ᠦ᠋ᠨ ᠠᠬᠠᠮᠠᠳ ᠭᠡᠷ ᠪᠦᠯᠢ ᠶ᠋ᠢᠨ ᠡᠪ ᠵᠦᠢ ᠶ᠋ᠢ ᠬᠢᠴᠢᠶᠡᠨ᠂ ᠬᠡᠦᠬᠡᠳ ᠢ᠋ᠶ᠋ᠡᠨ ᠵᠥᠪ ᠬᠠᠢᠷᠠᠯᠠᠵᠤ᠂ ᠬᠡᠦᠬᠡᠳ ᠲᠦ᠍ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠭᠡᠷ ᠪᠦᠯᠢ ᠶ᠋ᠢ ᠪᠣᠢ ᠪᠣᠯᠭᠠᠵᠤ ᠥᠭᠬᠦ᠂ ᠬᠡᠦᠬᠡᠳ ᠲᠡᠢ ᠪᠡᠨ ᠢᠯᠡᠭᠦᠬᠡᠨ ᠨᠠᠢᠵᠠᠯᠠᠵᠤ ᠰᠡᠳᠬᠢᠯ ᠢ᠋ᠶ᠋ᠡᠨ ᠣᠢᠯᠠᠭᠠᠯᠴᠠᠪᠠᠯ ᠰᠠᠶᠢ ᠡᠳᠡᠭᠡᠷ ᠤᠴᠢᠷ ᠲᠤ᠌ ᠦᠷᠡ ᠪᠦᠲᠦᠮᠵᠢ ᠲᠡᠢ ᠠᠷᠭᠠ ᠠᠪᠴᠠᠯ ᠠᠪᠴᠤ ᠦᠨᠳᠦᠰᠦᠨ ᠡᠴᠡ ᠨᠢ ᠰᠠᠢᠬᠠᠨ ᠰᠢᠢᠳᠪᠦᠷᠢᠯᠡᠵᠦ ᠳᠡᠢᠯᠬᠦ ᠪᠣᠯᠤᠨᠠ᠃
ᠦᠨᠡᠨ ᠳ᠋ᠦ᠍ ᠪᠡᠨ ᠬᠥᠮᠦᠰ ᠲᠦ᠍ ᠡᠨᠡ ᠲᠡᠷᠡ ᠭᠡᠮ ᠳᠣᠭᠣᠯᠳᠠᠯ ᠪᠠᠢᠬᠤ ᠪᠣᠯ ᠬᠡᠪ ᠦ᠋ᠨ ᠠᠰᠠᠭᠤᠳᠠᠯ᠂ ᠬᠠᠷᠢᠨ ᠬᠡᠷᠬᠢᠨ ᠵᠠᠰᠠᠵᠤ ᠵᠠᠯᠠᠷᠠᠭᠤᠯᠬᠤ ᠠᠷᠭᠠ ᠤᠬᠠᠭᠠᠨ ᠪᠣᠯ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ᠂ ᠮᠠᠨᠤᠰ ᠤ᠋ᠨ ᠠᠪᠴᠤ ᠪᠠᠢᠳᠠᠭ ᠲᠦᠭᠡᠮᠡᠯ ᠮᠥᠷᠲᠡᠭᠡᠨ ᠲᠤᠢᠯ ᠤ᠋ᠨ ᠪᠤᠷᠤᠭᠤ ᠠᠷᠭᠠ ᠠᠪᠴᠠᠯ ᠪᠣᠯ ᠡᠮᠵᠡᠭ ᠳᠤᠲᠠᠭᠳᠠᠯ ᠢ᠋ ᠨᠢ ᠡᠳᠦᠷᠵᠢᠨ ᠶᠠᠷᠢᠵᠤ ᠶᠠᠩᠰᠢᠭᠰᠠᠭᠠᠷ ᠪᠠᠢᠵᠤ ᠬᠡᠦᠬᠡᠳ ᠦ᠋ᠨ ᠳᠠᠯᠳᠠ ᠤᠬᠠᠮᠰᠠᠷ ᠲᠤ᠌ ᠨᠢ《ᠪᠢ ᠪᠣᠯ ᠲᠡᠢᠮᠦ ᠬᠥᠮᠦᠨ ᠮᠥᠨ》 ᠭᠡᠰᠡᠨ ᠭᠦᠨ ᠣᠢᠯᠠᠭᠠᠯᠲᠠ ᠦᠯᠡᠳᠡᠭᠡᠵᠦ᠂ ᠬᠡᠵᠢᠶᠡᠳᠡ ᠵᠠᠰᠠᠷᠠᠰᠢ ᠦᠭᠡᠢ ᠮᠤᠵᠢᠭᠤᠳᠠ ᠠᠷᠠᠨᠰᠢᠨ ᠲᠠᠢ ᠪᠣᠯᠭᠠᠳᠠᠭ ᠪᠠᠢᠨᠠ᠃ ᠬᠡᠦᠬᠡᠳ ᠦ᠋ᠨ ᠠᠯᠳᠠᠭᠠ ᠡᠮᠵᠡᠭ ᠢ᠋ ᠵᠠᠰᠠᠬᠤ ᠪᠦᠲᠦᠮᠵᠢᠲᠡᠢ ᠠᠷᠭᠠ ᠪᠣᠯ ᠰᠠᠢᠨ ᠢᠯᠡᠷᠡᠯ ᠳᠠᠪᠠᠭᠤᠯᠢᠭ ᠲᠠᠯᠠ ᠶ᠋ᠢ ᠨᠢ ᠢᠯᠡᠭᠦᠬᠡᠨ ᠠᠩᠬᠠᠷᠤᠭᠤᠯᠵᠤ ᠵᠣᠷᠢᠭᠵᠢᠭᠤᠯᠵᠤ ᠪᠠᠢᠪᠠᠯ ᠨᠠᠵᠠᠭᠠᠢ ᠲᠠᠯᠠ ᠨᠢ ᠠᠶᠠᠨᠳᠠᠭᠠᠨ ᠮᠠᠷᠲᠠᠭᠳᠠᠵᠤ ᠳᠠᠷᠤᠭᠳᠠᠨᠠ ᠭᠡᠳᠡᠭ ᠢ᠋ ᠶᠠᠭᠠᠬᠢᠭᠰᠠᠨ ᠴᠤ᠌ ᠴᠢᠩᠭᠠ ᠪᠠᠷᠢᠮᠲᠠᠯᠠᠬᠤ ᠶ᠋ᠢ ᠪᠦᠬᠦ ᠭᠡᠷ ᠦ᠋ᠨ ᠠᠬᠠᠮᠠᠳ ᠪᠠᠭᠰᠢ ᠨᠠᠷ ᠲᠤ᠌ ᠰᠠᠨᠠᠭᠤᠯᠵᠤ ᠪᠠᠢᠨᠠ᠃
ᠵᠠ ᠲᠡᠭᠡᠪᠡᠯ ᠳᠡᠭᠡᠷᠡ ᠶᠠᠷᠢᠭᠰᠠᠨ ᠡᠳᠡᠭᠡᠷ ᠠᠰᠠᠭᠤᠳᠠᠯ ᠠ᠋ᠴᠠ ᠭᠠᠳᠠᠨᠠ ᠣᠳᠣ ᠶ᠋ᠢᠨ ᠬᠡᠦᠬᠡᠳ ᠲᠦ᠍ ᠡᠯᠡ ᠵᠦᠢᠯ ᠦ᠋ᠨ ᠰᠦᠷᠳᠡᠯ ᠦ᠋ᠨ ᠭᠡᠮ᠂ ᠬᠣᠭᠣᠯᠠ ᠭᠣᠯᠣᠬᠤ᠂ ᠬᠡᠯᠡ ᠠᠮᠠᠨ ᠳ᠋ᠤ᠌ ᠪᠠᠨ ᠪᠢᠳᠠᠭᠤ ᠪᠤᠶᠤ ᠬᠡᠯᠡᠭᠡᠢᠷᠡᠬᠦ᠂ᠣᠷᠣᠨ ᠳ᠋ᠤ᠌ ᠪᠠᠨ ᠰᠢᠭᠡᠬᠦ᠂ ᠬᠥᠮᠦᠨ ᠮᠥᠰᠥ ᠶ᠋ᠢᠨ ᠭᠠᠵᠢᠭᠰᠢᠯ᠂ ᠵᠣᠪᠠᠭᠤᠷᠢᠯᠠᠬᠤ ᠭᠡᠮ᠂ ᠠᠯᠪᠠᠳᠠᠯᠭᠠ ᠶ᠋ᠢᠨ ᠴᠢᠨᠠᠷ ᠲᠠᠢ ᠮᠡᠳᠡᠷᠡᠯ ᠦ᠋ᠨ ᠭᠡᠮ᠂ ᠨᠠᠭᠠᠳᠤᠮ ᠲᠣᠭᠯᠠᠭᠠᠮ ᠳ᠋ᠤ᠌ ᠰᠢᠨᠤᠬᠤ ᠭᠡᠮ᠂ ᠮᠠᠨᠠᠷᠠᠵᠤ ᠲᠤᠨᠤᠷᠠᠬᠤ ᠭᠡᠮ᠂ ᠬᠤᠷᠤᠭᠤ ᠬᠢᠮᠤᠰᠤ ᠬᠥᠳᠡᠯᠭᠡᠬᠦ ᠭᠡᠮ᠂ ᠡᠪᠳᠡᠯᠡᠵᠦ ᠪᠠᠯᠪᠠᠴᠢᠬᠤ ᠭᠡᠮ᠂ ᠪᠡᠶᠡ ᠪᠡᠨ ᠰᠢᠷᠬᠠᠲᠤᠭᠤᠯᠬᠤ ᠭᠡᠮ ᠮᠡᠲᠦ ᠨᠡᠩ ᠣᠯᠠᠨ ᠰᠡᠳᠬᠢᠴᠡ ᠶ᠋ᠢᠨ ᠠᠰᠠᠭᠤᠳᠠᠯ ᠢᠯᠡᠷᠡᠵᠦ ᠪᠠᠢᠬᠤ ᠶ᠋ᠢ ᠭᠡᠷ ᠦ᠋ᠨ ᠠᠬᠠᠮᠠᠳ ᠨᠠᠷ ᠠᠩᠬᠠᠷᠤᠯ ᠳ᠋ᠤ᠌ ᠪᠠᠨ ᠠᠪᠬᠤ ᠴᠢᠬᠤᠯᠠ ᠲᠠᠢ ᠪᠣᠯᠤᠭᠠᠳ ᠪᠠᠢᠨᠠ᠃ ᠬᠥᠭᠵᠢᠯᠲᠡ ᠬᠤᠪᠢᠷᠠᠯᠲᠠ ᠲᠦᠷᠭᠡᠨ ᠲᠡᠢ ᠣᠳᠣᠬᠠᠨ ᠤ᠋ ᠨᠡᠢᠭᠡᠮ ᠦ᠋ᠨ ᠣᠷᠴᠢᠨ ᠳ᠋ᠤ᠌ ᠲᠣᠮᠣᠴᠤᠤᠯ ᠨᠢ ᠴᠦ᠍ ᠬᠡᠴᠡᠭᠦᠳᠡᠵᠦ ᠪᠠᠢᠭᠠ ᠪᠠᠢᠳᠠᠯ ᠳᠣᠣᠷᠠ ᠬᠡᠦᠬᠡᠳ ᠦ᠋ᠨ ᠵᠠᠩ ᠰᠡᠳᠬᠢᠴᠡ ᠴᠦ᠍ ᠲᠤᠩ ᠪᠤᠳᠤᠯᠢᠶᠠᠨᠲᠠᠢ ᠪᠣᠯᠵᠤ ᠣᠯᠠᠨ ᠰᠡᠳᠬᠢᠴᠡ ᠶ᠋ᠢᠨ ᠭᠡᠮ ᠠᠷᠬᠠᠭ ᠢᠯᠡᠷᠡᠬᠦ ᠪᠣᠯᠵᠤ ᠪᠠᠢᠨᠠ᠃ ᠮᠠᠨ ᠤ᠋ ᠭᠡᠷ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠣᠯᠠᠩᠬᠢ ᠨᠢ ᠣᠳᠣ ᠶ᠋ᠢᠨ ᠬᠡᠦᠬᠡᠳ ᠪᠣᠯᠬᠤ ᠦᠭᠡᠢ ᠪᠠᠢᠨᠠ ᠭᠡᠵᠦ ᠭᠠᠴᠢᠭᠳᠠᠨ ᠰᠠᠭᠤᠬᠤ ᠠ᠋ᠴᠠ ᠪᠢᠰᠢ ᠬᠡᠦᠬᠡᠳ ᠦ᠋ᠨ ᠡᠳᠡᠭᠡᠷ ᠵᠠᠩ ᠰᠡᠳᠬᠢᠴᠡ ᠶ᠋ᠢᠨ ᠠᠰᠠᠭᠤᠳᠠᠯ ᠶᠠᠭᠠᠬᠢᠵᠤ ᠪᠣᠢ ᠪᠣᠯᠤᠭᠰᠠᠨ ᠲᠤᠬᠠᠢ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠬᠤ ᠪᠤᠶᠤ ᠬᠡᠦᠬᠡᠳ ᠦ᠋ᠨ ᠠᠰᠠᠭᠤᠳᠠᠯ ᠳ᠋ᠤ᠌ ᠪᠢᠳᠡ ᠬᠡᠴᠢᠨᠡᠨ ᠬᠠᠷᠢᠭᠤᠴᠠᠯᠭᠠ ᠬᠣᠯᠪᠣᠭᠠ ᠲᠠᠢ ᠪᠠᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠭᠠ ᠨᠢ ᠬᠠᠮᠤᠭ ᠶᠡᠬᠡ ᠳᠤᠲᠠᠭᠳᠠᠯ ᠰᠢᠦ᠃ ᠲᠡᠢᠮᠦ ᠡᠴᠡ ᠭᠡᠷ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠥᠳᠡᠯᠭᠡᠭᠡᠨ ᠳ᠋ᠦ᠍ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠵᠤ᠂ ᠬᠡᠦᠬᠡᠳ ᠦ᠋ᠨ ᠠᠰᠠᠭᠤᠳᠠᠯ ᠳ᠋ᠤ᠌ ᠵᠣᠬᠢᠴᠠᠭᠤᠯᠤᠨ ᠢᠯᠡᠭᠦᠬᠡᠨ ᠰᠠᠨᠠᠭᠤᠯᠭᠠ ᠵᠥᠪᠯᠡᠯᠭᠡ ᠠᠪᠴᠤ ᠪᠠᠢᠭᠠᠷᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ᠄ ᠭᠠᠷᠮᠠ᠂ ᠵ· ᠪᠤᠶᠠᠨᠲᠣᠭᠲᠠᠬᠤ᠂ ᠂ ᠰᠡᠬᠡᠭᠡᠷᠡᠯ
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ