ᠪᠢᠳᠡ ᠴᠠᠭᠠᠨ ᠰᠠᠷᠠ ᠳ᠋ᠤ᠌ ᠪᠠᠨ ᠳᠡᠩᠳᠡᠭᠦᠦ ᠪᠦᠷᠢᠯᠭᠡᠨ ᠰᠦᠢᠳᠬᠡᠵᠦ ᠪᠠᠢᠨᠠБид цагаан сартаа дэндүү бүрэлгэн сүйтгэж байна
545ᠪᠢᠳᠡ ᠴᠠᠭᠠᠨ ᠰᠠᠷᠠ ᠳ᠋ᠤ᠌ ᠪᠠᠨ ᠳᠡᠩᠳᠡᠭᠦᠦ ᠪᠦᠷᠢᠯᠭᠡᠨ ᠰᠦᠢᠳᠬᠡᠵᠦ ᠪᠠᠢᠨᠠ
ᠡᠨᠡ ᠴᠠᠭᠠᠨ ᠰᠠᠷᠠ ᠭᠡᠳᠡᠭ ᠶᠠᠭᠤᠮᠠ ᠶ᠋ᠢ ᠰᠤᠷᠠᠭᠯᠠᠭᠠᠳ ᠪᠠᠢᠭᠰᠠᠨ ᠴᠢᠨᠢ ᠬᠣᠢᠨᠠ ᠠ᠋ᠴᠠ ᠢᠷᠡᠭᠡᠳ᠂ ᠬᠣᠶᠠᠷᠬᠠᠨ ᠬᠣᠨᠣᠭᠠᠳ ᠤᠷᠤᠭᠰᠢ ᠪᠠᠨ ᠥᠩᠭᠡᠷᠡᠴᠢᠬᠡᠳᠡᠭ ᠶᠦᠮ ᠭᠡᠨᠡ᠃
ᠵᠠ᠂ ᠡᠢᠮᠦ ᠨᠢᠭᠡ ᠬᠣᠶᠠᠷᠬᠠᠨ ᠡᠳᠦᠷ ᠦ᠋ᠨ ᠴᠠᠭᠠᠨ ᠰᠠᠷᠠ ᠶ᠋ᠢ ᠪᠢᠳᠡ ᠣᠳᠣ ᠬᠣᠷᠢᠨ ᠡᠳᠦᠷ᠂ ᠬᠠᠭᠠᠰ ᠰᠠᠷᠠ ᠶ᠋ᠢᠨ ᠡᠮᠦᠨᠡ ᠡᠴᠡ ᠣᠳᠣ ᠬᠣᠶᠠᠭᠤᠯᠠ ᠭᠤᠷᠪᠠᠭᠤᠯᠠ ᠪᠠᠨ ᠶᠠᠭᠠᠷᠠᠯᠠ ᠰᠢᠦ!
ᠵᠠ᠂ ᠢᠩᠭᠢᠭᠡᠳ ᠨᠢᠭᠡ ᠠᠢᠯ ᠤ᠋ᠨ ᠬᠣᠶᠠᠷ ᠠ᠋ᠴᠠ ᠲᠠᠪᠤᠨ ᠮᠢᠩᠭᠠᠨ ᠲᠥᠭᠥᠷᠢᠭ ᠦ᠋ᠨ ᠵᠠᠷᠤᠳᠠᠯ᠂ ᠵᠠ᠂ ᠵᠠᠷᠢᠮ ᠨᠢ ᠪᠣᠯ ᠣᠳᠣ ᠲᠠᠪᠤᠨ ᠮᠢᠩᠭᠠ ᠠ᠋ᠴᠠ ᠲᠦᠮᠡ ᠤᠷᠤᠭᠤ ᠵᠦᠭ ᠣᠷᠣᠵᠤ ᠪᠠᠢᠨᠠ᠃
ᠵᠠ᠂ ᠶᠠᠭᠤᠮᠠ ᠪᠦᠬᠦᠨ ᠳᠤᠲᠠᠵᠤ ᠪᠠᠢᠨᠠ ᠯᠠ ᠭᠡᠨᠡ᠂ ᠠᠪᠴᠤ ᠯᠠ ᠪᠠᠢᠨᠠ᠂ ᠶᠣ᠂ ᠶᠣ᠁
ᠵᠠ᠂ ᠡᠨᠡ ᠢᠳᠡᠭᠡ ᠣᠳᠣ ᠬᠥᠮᠦᠨ ᠠᠢᠯ ᠤ᠋ᠳ ᠤ᠋ᠨ ᠲᠠᠪᠠᠭ ᠢ᠋ ᠲᠠᠪᠤᠨ ᠳᠠᠪᠬᠤᠷ ᠬᠤᠷᠤᠳ ᠤ᠋ᠨ ᠬᠢ ᠵᠠᠰᠠᠵᠤ ᠪᠠᠢᠨᠠ᠂ ᠶᠠᠭᠠᠬᠢᠵᠤ ᠪᠠᠢᠨᠠ᠃ ᠲᠡᠷᠡ ᠨᠢ ᠪᠠᠰᠠ ᠬᠡᠳᠦᠨ ᠵᠠᠭᠤ᠂ ᠮᠢᠩᠭᠠᠨ ᠤ᠋ ᠴᠤ᠌ ᠪᠠᠢᠨᠠ᠂ ᠢᠩᠭᠢᠭᠡᠳ ᠪᠡᠶᠡ ᠪᠡᠶᠡ ᠪᠡᠨ ᠳᠠᠭᠤᠷᠢᠶᠠᠭᠠᠳ᠂ ᠡᠭᠦᠨ ᠳᠡᠭᠡᠷᠡ ᠨᠢᠭᠡ ᠶᠧᠪᠡᠩ ᠮᠥᠰᠥᠨ ᠰᠢᠬᠢᠷ ᠲᠠᠯᠪᠢᠯᠠ ᠪᠠᠷᠠᠴᠢᠬᠠᠯᠠ ᠰᠢᠳᠡ᠂ ᠲᠡᠢᠮᠦ ᠪᠢᠵᠡ⁈
ᠪᠢᠳᠡ ᠠᠷᠪᠢᠯᠠᠨ ᠭᠠᠮᠨᠠᠵᠤ ᠨᠠᠶᠠ ᠶᠡᠷᠡᠭᠡᠳ ᠣᠨ ᠤ᠋ ᠲᠡᠷᠡ ᠴᠠᠭᠠᠨ ᠰᠠᠷᠠ ᠪᠠᠨ ᠥᠩᠭᠡᠷᠡᠮᠡᠷ ᠪᠠᠢᠨᠠ ᠳᠡᠩᠳᠡᠭᠦᠦ ᠪᠠᠢᠨᠠ᠃
ᠣᠳᠣ ᠴᠢᠨᠢ ᠠᠢᠯ ᠬᠡᠰᠦᠬᠦ ᠪᠡᠨ ᠵᠠᠯᠬᠠᠭᠤᠷᠠᠵᠤ ᠪᠠᠢᠨᠠ᠂ ᠠᠢᠮᠠᠭ ᠬᠤᠰᠢᠭᠤᠨ ᠳᠡᠭᠡᠷᠡ ᠪᠡᠨ ᠬᠣᠭᠣᠯᠠᠨ ᠭᠡᠷ ᠲᠣᠭᠲᠠᠴᠢᠬᠠᠨᠠ᠃
ᠵᠠ᠂ ᠢᠩᠭᠢᠭᠡᠳ ᠣᠳᠣ ᠴᠢᠨᠢ ᠠᠵᠢᠯ ᠢ᠋ᠶ᠋ᠠᠨ ᠬᠢᠵᠦ ᠪᠠᠷᠠᠭᠠᠳ ᠣᠳᠣ ᠠᠢᠮᠠᠭ ᠬᠣᠰᠢᠭᠤ ᠤᠷᠤᠭᠤ ᠤᠳᠠᠭᠠ ᠤᠳᠠᠭᠠ ᠬᠣᠶᠠᠷ ᠭᠤᠷᠪᠠᠨ ᠵᠠᠭᠤᠨ ᠲᠥᠭᠥᠷᠢᠭ ᠦ᠋ᠨ ᠵᠣᠭᠣᠰ ᠲᠣᠰᠣᠨ ᠵᠣᠭᠣᠰ ᠢ᠋ᠶ᠋ᠠᠨ ᠵᠠᠷᠤᠭᠠᠳ ᠣᠴᠢᠨᠠ᠃ ᠲᠡᠭᠡᠭᠡᠳ ᠢᠩᠭᠢᠭᠡᠳ ᠬᠠᠷᠠᠩᠭᠤᠢ ᠭᠤᠳᠤᠮᠵᠢᠨ ᠳ᠋ᠤ᠌ ᠣᠳᠣ ᠬᠣᠭᠣᠯᠠᠨ ᠭᠡᠷ ᠲᠤ᠄《 ᠰᠠᠢᠨ ᠤᠤ᠂ ᠮᠡᠨᠳᠦ ᠤᠤ⁈》 ᠭᠡᠳ᠂ ᠲᠡᠷᠡ《 ᠰᠢᠨᠠᠯᠠᠵᠤ ᠪᠠᠢᠨᠠ》 ᠭᠡᠵᠦ ᠬᠡᠯᠡᠨᠡ ᠤᠤ⁈
ᠮᠠᠨ ᠤ᠋ ᠮᠣᠩᠭᠣᠯ ᠬᠥᠮᠦᠨ ᠦ᠌ ᠴᠠᠭᠠᠨ ᠰᠠᠷᠠ ᠴᠢᠨᠢ ᠣᠳᠣ ᠦᠷ ᠦ᠋ᠨ ᠬᠠᠷᠠᠩᠭᠤᠢ ᠪᠠᠷ ᠯᠠ ᠮᠣᠷᠳᠠᠭᠠᠳ ᠳᠠᠪᠬᠢᠨᠠ᠃ ᠨᠠᠷᠠᠨ ᠢ᠋ᠶ᠋ᠠᠷ ᠯᠠ ᠠᠢᠯ ᠳ᠋ᠤ᠌ ᠣᠴᠢᠭᠠᠳ ᠯᠠ ᠨᠠᠭᠠᠴᠤ᠂ ᠠᠪᠠᠭᠠ ᠲᠡᠷᠡ ᠠᠬᠠᠮᠠᠳ ᠤ᠋ᠨ ᠬᠢᠨ ᠢ᠋ᠶ᠋ᠡᠷ ᠯᠡ ᠣᠴᠢᠭᠠᠳ ᠰᠢᠨᠡᠯᠡᠭᠡᠳ᠂ ᠲᠡᠭᠡᠭᠡᠳ ᠲᠡᠷᠡ ᠠᠢᠯ ᠤ᠋ᠨ ᠡᠵᠢ ᠨᠢᠭᠡ ᠠᠳᠬᠤ ᠰᠢᠬᠢᠷ ᠥᠭᠪᠡᠯ᠂ ᠬᠠ᠂ ᠶᠠ! ᠲᠡᠷᠡ ᠪᠠᠶᠠᠷᠲᠠᠢ ᠶᠠᠪᠤᠨᠠ ᠭᠡᠳᠡᠭ ᠴᠢᠨᠢ᠂ ᠬᠠ᠁ ᠶᠠ᠂ ᠱᠤᠤᠮᠠᠰᠠᠨ ᠳ᠋ᠤ᠌ ᠪᠠᠨ ᠬᠢᠴᠢᠬᠡᠭᠡᠳ ᠶᠣᠰᠣᠲᠠᠢ ᠨᠡᠭᠡᠷᠡᠨ ᠬᠠᠭᠠ ᠪᠠᠶᠠᠷ ᠶᠠᠪᠤᠨᠠ᠃
ᠣᠳᠣ ᠬᠠᠮᠢᠭᠠ ᠪᠠᠢᠳᠠᠭ ᠪᠦᠷ ᠵᠣᠭᠣᠰ ᠮᠥᠩᠭᠥ ᠪᠡᠷ ᠦᠨᠡᠯᠡᠴᠢᠬᠡᠭᠰᠡᠨ᠂ ᠲᠡᠷᠡ ᠬᠡᠦᠬᠡᠳ ᠦ᠋ᠳ ᠴᠢᠨᠢ ᠨᠢᠭᠡ ᠨᠣᠭᠣᠭᠠᠨ ᠲᠠᠪᠢᠨ ᠳᠡᠪᠢᠰᠬᠡᠷ ᠥᠭᠬᠦ ᠳ᠋ᠦ᠍ ᠴᠢᠨᠢ ᠵᠢᠭᠠᠬᠠᠨ ᠭᠡᠳ ᠳᠤᠷᠠ ᠮᠠᠭᠤᠲᠠᠢ᠂ ᠲᠡᠷᠡ ᠤᠯᠠᠭᠠᠨ ᠢ᠋ ᠨᠢ ᠥᠭᠭᠦᠭᠰᠡᠭᠡᠷ ᠪᠠᠰᠠ ᠪᠠᠶᠠᠷᠲᠠᠢ ᠠᠪᠴᠢᠬᠠᠨᠠ᠃ ᠣᠳᠣ ᠡᠨᠡ ᠪᠣᠯ ᠶᠠᠭᠠᠬᠢᠬᠤ ᠪᠣᠢ⁈ ᠪᠢᠳᠡ ᠥᠪᠡᠷ ᠦ᠋ᠨ ᠬᠡᠦᠬᠡᠳ ᠦ᠋ᠳ ᠲᠤ ᠪᠡᠨ ᠪᠦᠷ ᠮᠠᠭᠤ ᠵᠠᠩ ᠰᠤᠷᠭᠠᠵᠤ ᠪᠠᠢᠨᠠ᠃ ᠡᠭᠦᠨ ᠢ᠋ ᠪᠣᠯ ᠪᠢᠳᠡ ᠣᠳᠣ ᠦᠭᠡᠢᠰᠬᠡᠬᠦ ᠬᠡᠷᠡᠭᠲᠡᠢ᠃
ᠪᠢᠳᠡ ᠣᠳᠣ ᠭᠤᠴᠢᠨ ᠵᠢᠯ ᠪᠦᠷᠢᠯᠭᠡᠯᠡ ᠰᠢᠦ! ᠣᠳᠣ ᠡᠨᠡ ᠰᠡᠭᠦᠯ ᠦ᠋ᠨ ᠭᠤᠴᠢᠨ ᠵᠢᠯ ᠳ᠋ᠦ᠍ ᠣᠳᠣ ᠠᠷᠪᠢᠯᠠᠵᠤ ᠭᠠᠮᠨᠠᠬᠤ ᠶ᠋ᠢ ᠡᠨᠡ ᠬᠡᠦᠬᠡᠳ ᠦ᠋ᠳ ᠲᠤ ᠪᠡᠨ ᠵᠢᠭᠠᠨᠠ᠃ ᠤᠤᠯ ᠤ᠋ᠨ ᠰᠠᠢᠬᠠᠨ ᠲᠡᠷᠡ᠂ ᠠ᠋᠂ ᠠᠮᠤᠰᠤ ᠰᠢᠷᠡᠭᠡ ᠪᠡᠨ ᠵᠠᠰᠠᠭᠠᠳ ᠲᠡᠭᠡᠭᠡᠳ ᠨᠢᠭᠡ ᠲᠡᠷᠡ ᠠᠭᠠᠷᠤᠤᠯ ᠴᠠᠭᠠᠨ ᠢᠳᠡᠭᠡ ᠮᠢᠳᠡᠭᠡ ᠪᠡᠨ ᠲᠠᠯᠪᠢᠭᠠᠳ᠂ ᠠᠢᠷᠠᠭ ᠴᠡᠬᠡ ᠮᠡᠬᠡ ᠪᠡᠨ ᠲᠠᠯᠪᠢᠭᠠᠳ ᠲᠡᠭᠡᠭᠡᠳ ᠳᠥᠬᠥᠮᠬᠡᠨ ᠪᠣᠯᠤᠭᠠ᠃
ᠮᠥᠨ ᠨᠢᠭᠡ ᠯᠡ ᠬᠣᠶᠠᠷ ᠮᠢᠩᠭᠠ ᠳᠣᠲᠣᠷᠠ ᠯᠠ ᠣᠳᠣ ᠴᠠᠭᠠᠨ ᠰᠠᠷᠠ ᠶ᠋ᠢ ᠥᠩᠭᠡᠷᠡᠭᠡᠬᠦ ᠪᠡᠷ᠂ ᠢᠯᠡᠭᠦᠦ ᠵᠣᠭᠣᠰ ᠣᠭᠲᠣ ᠵᠠᠷᠤᠵᠤ ᠪᠣᠯᠬᠤ ᠦᠭᠡᠢ᠂ ᠢᠩᠭᠢᠶᠡ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠂ ᠡᠨᠡ ᠣᠳᠣ ᠡᠨᠡ ᠰᠢᠨᠡᠴᠢᠯᠡᠭᠡᠳ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠂ ᠰᠢᠨᠡᠴᠢᠯᠡᠬᠦ ᠳᠣᠳᠣᠮ ᠶᠡᠷᠦ ᠨᠢ ᠶᠠᠳᠠᠭᠤᠷᠠᠭᠠᠳ ᠪᠠᠢᠨᠠ᠃
ᠴᠢ ᠬᠥᠮᠦᠨ ᠦ᠌ ᠦᠨᠳᠦᠰᠦᠲᠡᠨ ᠡᠨᠡ ᠴᠢᠨᠦ ᠠᠪᠳᠠᠭ ᠶᠠᠭᠤᠮᠠ ᠶ᠋ᠢ ᠴᠢᠨᠢ ᠪᠦᠷ ᠡᠭᠦᠳᠡᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠴᠢᠬᠠᠭᠠᠳ ᠪᠠᠢᠵᠤ ᠪᠠᠢᠨᠠ᠃ ᠴᠢᠮᠠ ᠶ᠋ᠢ ᠢᠷᠡᠵᠦ ᠠᠪᠬᠤ ᠶ᠋ᠢ ᠴᠢᠨᠢ ᠮᠡᠳᠡᠵᠦ ᠪᠠᠢᠨᠠ᠂ ᠮᠠᠨᠤᠰ ᠲᠦᠮᠡ ᠲᠦᠮᠡ ᠪᠡᠷ ᠵᠠᠷᠤᠵᠤ ᠪᠠᠢᠨᠠ᠂ ᠬᠥᠮᠦᠨ ᠲᠦᠮᠡ ᠲᠦᠮᠡ ᠪᠡᠷ ᠣᠯᠵᠤ ᠪᠠᠢᠨᠠ᠃ ᠬᠥᠮᠦᠨ ᠪᠠᠶᠠᠵᠢᠬᠤ ᠦᠭᠡᠢ ᠬᠠᠮᠢᠭᠠ ᠶᠠᠪᠤᠬᠤ ᠪᠣᠢ⁈
ᠮᠠᠨᠤᠰ ᠤ᠋ᠨ ᠠᠮᠢᠳᠤᠷᠠᠯ ᠣᠳᠣ ᠳᠣᠷᠣᠭᠰᠢ ᠪᠠᠨ ᠶᠠᠪᠤᠨᠠ᠂ ᠠᠮᠠᠷ ᠶᠤᠮ ᠤᠤ⁈ ᠡᠨᠡ ᠭᠠᠩ ᠲᠠᠢ ᠳ᠋ᠤ᠌ ᠡᠪᠡᠰᠦ ᠪᠣᠷᠳᠣᠭᠠ ᠪᠠᠨ ᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ ᠵᠦᠭᠡᠷ᠂ ᠪᠠᠢᠶᠠ ᠵᠦᠭᠡᠷ᠂ ᠪᠠᠢᠶᠠ ᠪᠠᠢᠶᠠ᠃
ᠠ᠂ ᠶᠠ᠁ ᠪᠤᠷᠬᠠᠨ᠁ ᠪᠠᠢᠶᠠ᠂ ᠪᠠᠢᠶᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠬᠠᠳᠠᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠮᠠᠨᠳᠠᠷᠠᠸᠠ᠂ ᠢᠷᠡᠭᠡᠳᠦᠢ᠂ ᠭᠠᠷᠮᠠ