ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠳᠥᠷᠪᠡ ᠂ ᠮᠣᠩᠭᠣᠯ ᠭᠡᠷ ᠦᠨ ᠪᠦᠲᠦᠴᠡ ᠶᠢᠨ ᠪᠦᠯᠦᠭ 3 > Хөх зул – Боржигон Ванжал –"Ддөрөв ᠂ Монгол гэрийн бүтцийн бүлэг " 3
280ᠳᠥᠷᠪᠡ ᠂ ᠮᠣᠩᠭᠣᠯ ᠭᠡᠷ ᠦᠨ ᠪᠦᠲᠦᠴᠡ ᠶᠢᠨ ᠪᠦᠯᠦᠭ – 3
ᠮᠣᠩᠭᠣᠯ ᠭᠡᠷ ᠦᠨ ᠲᠣᠲᠣᠭᠠᠳᠤ ᠬᠡᠷᠡᠭᠰᠡᠯ ᠦᠳ Монгол гэрийн дотоод хэрэгслүүд
ᠲᠣᠭᠣᠨᠣ ᠶ᠋ᠢᠨ ᠲᠥᠪ ᠭᠣᠣᠯᠳᠠᠭᠤᠯᠵᠤ ᠳᠥᠷᠪᠡᠯᠵᠢᠨ ᠮᠣᠳᠣᠨ ᠬᠦᠷᠢᠶᠡ ᠰᠠᠭᠤᠷᠢᠯᠠᠭᠤᠯᠵᠤ ᠭᠣᠯᠣᠮᠲᠠ ᠶ᠋ᠢᠨ ᠣᠷᠣᠨ ᠢ ᠵᠠᠢᠴᠢᠯᠠᠨᠠ᠃ ᠡᠭᠦᠨ ᠢ᠋ ᠪᠠᠰᠠ ᠦᠷᠦ ᠭᠡᠳᠡᠭ᠃ ᠭᠠᠯ ᠤ᠋ᠨ ᠬᠦᠷᠢᠶᠡ ᠭᠡᠬᠦ ᠴᠦ᠍ ᠪᠣᠢ᠃
ᠲᠤᠯᠭᠠ
ᠲᠡᠷᠡ ᠬᠦ᠌ ᠵᠠᠢᠴᠢᠯᠠᠭᠰᠠᠨ ᠮᠣᠳᠣᠨ ᠳᠠᠪᠠᠷᠠ ( ᠦᠷᠦ ) ᠶ᠋ᠢᠨ ᠳᠤᠮᠳᠠ ᠳᠥᠷᠪᠡᠨ ᠣᠴᠣᠭ ᠲᠠᠢ᠂ ᠭᠤᠷᠪᠠᠨ ᠪᠦᠰᠡᠯᠡᠭᠦᠷ ᠲᠡᠢ ᠤᠭᠠᠯᠵᠠᠲᠤ ᠲᠤᠯᠭᠠ ᠶ᠋ᠢ ᠲᠠᠯᠪᠢᠵᠤ ᠭᠣᠯᠤᠮᠳᠠᠯᠠᠨᠠ᠃ ᠡᠭᠦᠨ ᠢ᠋ ᠲᠦᠰᠢᠭᠦᠯᠦᠨ ᠡᠮᠦᠨᠡᠬᠡᠨ ᠨᠢ ᠰᠦ ᠬᠥᠭᠡᠷᠦᠭᠦᠯᠵᠦ ᠥᠷᠥᠮᠡ ᠰᠠᠭᠤᠯᠭᠠᠬᠤ ᠪᠢᠴᠢᠬᠠᠨ ᠰᠢᠪᠡᠷ ᠵᠤᠤᠬᠠ ᠪᠠᠷᠢᠭᠰᠠᠨ ᠴᠤ᠌ ᠪᠠᠢᠳᠠᠭ᠃
ᠢᠰᠡᠷᠢ
ᠭᠡᠷ ᠲᠦ᠍ ᠲᠠᠭᠠᠷᠠᠭᠤᠯᠤᠨ ᠳᠡᠪᠢᠰᠬᠦ ᠪᠡᠷ ᠬᠢᠭᠰᠡᠨ ᠬᠡᠳᠦᠨ ᠬᠡᠰᠡᠭ᠂ ᠬᠥᠯ ᠲᠡᠢ ᠵᠦᠢᠮᠡᠯ ᠬᠠᠪᠲᠠᠰᠤᠨ ᠣᠷᠣ ( ᠥᠨᠳᠥᠷ ᠨᠢ ᠬᠠᠭᠠᠰ ᠲᠣᠬᠣᠢ ᠬᠢᠷᠢ ) ᠶ᠋ᠢ ᠢᠰᠡᠷᠢ ᠭᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠪᠠᠨᠲᠠᠩ ᠴᠤ᠌ ᠭᠡᠳᠡᠭ ᠪᠤᠶᠤ ᠪᠠᠰᠠ ᠴᠦᠸᠡᠩ ᠴᠦ᠍ ᠭᠡᠵᠦ ᠬᠢᠲᠠᠳ ᠢ᠋ᠶ᠋ᠠᠷ ᠬᠡᠯᠡᠳᠡᠭ᠃ ᠢᠰᠡᠷᠢ ᠦᠭᠡᠢ ᠵᠠᠰᠠᠭᠰᠠᠨ ᠭᠡᠷ ᠦ᠋ᠨ ᠪᠠᠭᠤᠷᠢ ᠶ᠋ᠢ ᠱᠠᠯᠠ ᠭᠡᠳᠡᠭ᠃
ᠬᠡᠪᠢᠰ ᠂ ᠰᠢᠷᠢᠳᠡᠭ
ᠲᠦᠮᠡᠨᠵᠢᠷᠭᠠᠯ᠂ ᠲᠠᠩᠬᠢᠮᠠ᠂ ᠶᠤᠩᠷᠤᠩ᠂ ᠡᠪᠡᠰᠦᠨ ᠯᠤᠤ᠂ ᠠᠯᠤᠬᠠ᠂ ᠡᠷᠢᠶᠡ ᠤᠷᠠᠯᠠᠵᠤ ᠰᠢᠷᠢᠭᠰᠡᠨ ᠴᠠᠭᠠᠨ ᠢᠰᠡᠭᠡᠢ ᠶ᠋ᠢ ᠭᠡᠷ ᠦ᠋ᠨ ᠢᠰᠡᠷᠢ ᠪᠤᠶᠤ ᠱᠠᠯᠠ ᠳᠦᠭᠦᠷᠲᠡᠯᠡ ᠳᠡᠪᠢᠰᠴᠦ᠂ ᠳᠡᠭᠡᠭᠦᠷ ᠨᠢ ᠬᠡᠪᠢᠰᠦᠨ ᠳᠡᠪᠢᠰᠬᠡᠷ ᠪᠤᠶᠤ ᠳᠤᠯᠪᠤᠭ ᠤ᠋ᠳ ᠢ᠋ᠶ᠋ᠠᠷ ᠥᠩᠭᠡᠯᠡᠨᠡ᠃
ᠠᠪᠳᠠᠷᠠ
ᠠᠯᠲᠠᠨ ᠬᠤᠸᠠᠷᠲᠠᠢ ᠪᠢᠴᠢᠬᠠᠨ ᠠᠪᠳᠠᠷᠠ ᠶ᠋ᠢ ᠪᠠᠷᠠᠭᠤᠨ ᠬᠣᠢᠮᠣᠷ ᠲᠤ᠌ ᠭᠣᠣᠯᠯᠠᠭᠤᠯᠵᠤ᠂ ᠳᠡᠭᠡᠷᠡ ᠨᠢ ᠭᠦᠩᠭᠠᠷᠠᠪᠠ ᠲᠠᠢ ᠪᠤᠷᠬᠠᠨ ᠲᠠᠯᠪᠢᠳᠠᠭ᠃ ᠣᠳᠣ ᠪᠣᠯ ᠰᠠᠢᠳ ᠲᠡᠷᠢᠭᠦᠯᠡᠭᠴᠢ ᠶ᠋ᠢᠨ ᠬᠥᠷᠥᠭ ᠪᠤᠶᠤ ᠱᠠᠩᠨᠠᠯ ᠤ᠋ᠨ ᠮᠧᠳᠠᠯ ᠵᠡᠷᠭᠡ ᠶ᠋ᠢ ᠡᠯᠭᠦᠬᠦ ᠪᠤᠶᠤ ᠲᠠᠯᠪᠢᠳᠠᠭ᠃
ᠣᠷᠣ ᠶ᠋ᠢᠨ ᠰᠢᠷᠡᠭᠡ
ᠵᠡᠭᠦᠨ ᠬᠣᠢᠮᠣᠷ ᠲᠤ᠌ ᠣᠷᠣ ᠶ᠋ᠢᠨ ᠰᠢᠷᠡᠭᠡ ᠶ᠋ᠢ ᠲᠠᠯᠪᠢᠵᠤ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠣᠷᠣ ᠬᠥᠨᠵᠢᠯᠡ᠂ ᠬᠤᠪᠴᠠᠰᠤ ᠬᠤᠨᠠᠷ ᠢ᠋ᠶ᠋ᠠᠨ ᠳᠠᠷᠢ ᠲᠡᠭᠰᠢ ᠳᠠᠪᠬᠤᠷᠯᠠᠨ ᠬᠤᠷᠢᠶᠠᠵᠤ᠂ ᠠᠷᠰᠯᠠᠨ ᠪᠠᠷᠰ ᠲᠣᠭᠯᠠᠭᠰᠠᠨ ᠪᠤᠶᠤ ᠯᠤᠤ ᠭᠠᠷᠤᠳᠢ ᠭᠦᠷᠪᠡᠯᠵᠡᠭᠰᠡᠨ ᠡᠷᠢᠶᠡᠨ ᠮᠢᠷᠢᠶᠠᠯᠵᠢ ( ᠲᠠᠩᠽᠢ ) ᠪᠠᠷ ᠪᠦᠲᠡᠭᠡᠭᠰᠡᠨ ᠪᠠᠢᠳᠠᠭ᠃
ᠪᠠᠷᠠᠭᠠᠨ ᠤ᠋ ᠠᠪᠳᠠᠷᠠ ᠪᠠ ᠡᠯᠭᠦᠭᠦᠷ ᠤᠭᠤᠲᠠ
ᠣᠷᠣ ᠶ᠋ᠢᠨ ᠰᠢᠷᠡᠭᠡᠨ ᠦ᠌ ᠳᠠᠷᠠᠭᠠ ᠪᠠᠷᠠᠭᠠᠨ ᠤ᠋ ᠪᠢᠴᠢᠬᠠᠨ ᠠᠪᠳᠠᠷᠠ ᠲᠠᠯᠪᠢᠵᠤ ᠳᠡᠭᠡᠷᠡ ᠨᠢ ᠵᠠᠰᠠᠯ ᠴᠢᠮᠡᠭᠯᠡᠯ᠂ ᠭᠣᠶᠣᠯᠠᠯ ᠤ᠋ᠨ ᠪᠢᠴᠢᠬᠠᠨ ᠬᠠᠢᠷᠴᠠᠭ ᠲᠠᠯᠪᠢᠭᠰᠠᠨ ᠪᠠᠢᠳᠠᠭ᠃ ᠳᠣᠲᠣᠷᠠ ᠨᠢ ᠡᠮᠡᠭᠲᠡᠢᠴᠦᠳ ᠦ᠋ᠨ ᠵᠡᠭᠦᠦ ᠤᠲᠠᠰᠤ᠂ ᠡᠳᠦᠷ ᠳᠣᠳᠣᠮ ᠤ᠋ᠨ ᠣᠶᠣᠭᠠ ᠶ᠋ᠢᠨ ᠵᠦᠢᠯᠡᠰ ᠬᠢᠳᠡᠭ᠃ ᠪᠠᠷᠠᠭᠠᠨ ᠠᠪᠳᠠᠷᠠ ᠶ᠋ᠢᠨ ᠳᠡᠭᠡᠭᠦᠷ ᠬᠠᠨᠠ ᠲᠣᠯᠣᠭᠠᠢ ᠠ᠋ᠴᠠ ᠭᠣᠨᠵᠣᠭᠣᠢ᠂ ᠳᠥᠷᠪᠡᠯᠵᠢᠨ ᠡᠯᠳᠡᠪ ᠬᠡᠯᠪᠡᠷᠢ ᠶ᠋ᠢᠨ ᠰᠢᠷᠢᠮᠡᠯ ᠤᠭᠤᠲᠠ ᠨᠤᠭᠤᠳ ᠡᠯᠭᠦᠭᠡᠲᠡᠢ ᠪᠠᠢᠳᠠᠭ᠃ ᠲᠡᠭᠦᠨ ᠳ᠋ᠦ᠍ᠨᠢ ᠮᠣᠳᠣ ᠪᠤᠶᠤ ᠮᠥᠩᠭᠥᠨ ᠠᠶᠠᠭᠠ᠂ ᠵᠠᠭᠠᠨ ᠤ᠋ ᠰᠣᠶᠣᠭᠠᠨ ᠰᠠᠪᠬᠠ ᠵᠡᠷᠭᠡ ᠳᠦᠭᠦᠷᠡᠩ ᠰᠠᠪᠠᠯᠠᠭᠠᠲᠠᠢ ᠪᠠᠢᠳᠠᠭ᠃ ᠲᠡᠷᠡ ᠦᠶᠡ ᠮᠣᠩᠭᠣᠯᠴᠤᠳ ᠠᠶᠠᠭᠠ ᠰᠠᠪᠬᠠ ᠪᠠᠨ ᠰᠣᠯᠢᠯᠴᠠᠳᠠᠭ ᠦᠭᠡᠢ ᠤᠴᠢᠷ ᠡᠢᠨ ᠬᠢᠳᠡᠭ ᠪᠥᠭᠡᠳ ᠭᠠᠳᠠᠭᠰᠢ ᠭᠠᠷᠪᠠᠯ᠂ ᠠᠶᠠᠭᠠᠨ ᠤ᠋ ᠭᠡᠷ ᠲᠡᠭᠡᠨ ᠠᠶᠠᠭᠠ ᠪᠠᠨ ᠬᠢᠵᠦ ᠶᠠᠪᠤᠳᠠᠭ᠃
ᠡᠷᠭᠢᠨᠡᠭ
ᠡᠭᠦᠨ ᠳ᠋ᠦ᠍ ᠣᠯᠠᠨ ᠨᠡᠷᠡ ᠲᠡᠢ᠃ ᠲᠠᠭ᠂ ᠴᠢᠭ᠂ ᠲᠠᠯᠪᠢᠭᠤᠷ᠂ ᠤᠨᠵᠢᠶᠠᠰᠤ ( ᠸᠠᠨ ᠵᠢᠶᠠ ᠽᠢ ) ᠭᠡᠬᠦ ᠮᠡᠲᠦ᠃ ᠭᠡᠷ ᠦ᠋ᠨ ᠵᠡᠭᠦᠨ ᠲᠠᠯᠠ ᠳ᠋ᠤ᠌ ᠲᠠᠯᠪᠢᠵᠤ᠂ ᠣᠯᠠᠨ ᠤ᠋ ᠠᠶᠠᠭᠠ᠂ ᠲᠠᠪᠠᠭ᠂ ᠰᠠᠪᠠ ᠲᠠᠢ ᠰᠦ᠂ ᠪᠤᠳᠠᠭᠠ ᠭᠤᠯᠢᠷ ᠲᠡᠷᠢᠭᠦᠲᠡᠨ ᠢ᠋ ᠲᠠᠯᠪᠢᠵᠤ᠂ ᠵᠡᠭᠦᠨ ᠡᠮᠦᠨᠡ ᠪᠡᠬᠢᠰ ᠲᠦ᠍ ᠰᠢᠳᠡᠮᠡᠰᠦ ᠲᠠᠲᠠᠵᠤ᠂ ᠰᠢᠨᠠᠭᠠ᠂ ᠤᠬᠢᠶᠠᠯᠳᠤᠭᠤᠷ ᠡᠯᠭᠦᠵᠦ᠂ ᠲᠣᠭᠣᠭᠠ ( ᠵᠢᠵᠢᠭ ) ᠰᠠᠭᠤᠯᠠᠭᠠ ᠲᠠᠯᠪᠢᠳᠠᠭ᠃
ᠡᠮᠡᠭᠡᠯ ᠬᠠᠵᠠᠭᠠᠷ ᠤ᠋ᠨ ᠡᠯᠭᠦᠭᠦᠷ
ᠡᠭᠦᠳᠡᠨ ᠪᠠᠷᠠᠭᠤᠨ ᠬᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠠ᠋ᠴᠠ ᠡᠮᠡᠭᠡᠯ᠂ ᠬᠠᠵᠠᠭᠠᠷ᠂ ᠬᠤᠢᠪᠢ᠂ ᠴᠠᠯᠮᠠ ᠡᠯᠭᠦᠳᠡᠭ᠃
ᠶᠠᠪᠠᠭᠠᠨ ᠰᠢᠷᠡᠭᠡ
ᠬᠣᠢᠮᠣᠷ ᠤ᠋ᠨ ᠰᠠᠭᠤᠳᠠᠯ ᠳ᠋ᠤ᠌ ᠲᠣᠬᠢᠷᠠᠭᠤᠯᠵᠤ ᠮᠣᠳᠣᠨ ᠳᠠᠪᠠᠷᠠ ( ᠦᠷᠦ ) ᠶ᠋ᠢᠨ ᠠᠷᠤ ᠳᠠᠭᠠᠭᠤᠯᠵᠤ ᠢᠰᠡᠷᠢ ᠳᠡᠭᠡᠷᠡ ᠶᠠᠪᠠᠭᠠᠨ ᠰᠢᠷᠡᠭᠡ ᠵᠠᠰᠠᠳᠠᠭ᠃ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠮᠥᠩᠭᠥᠨ ᠲᠠᠪᠠᠭ ᠲᠤ᠌ ᠢᠳᠡᠭᠡᠨ ᠤᠮᠳᠠᠭᠠᠨ ᠢ᠋ ᠳᠦᠭᠦᠷᠲᠡᠯᠡ ᠥᠷᠥᠵᠦ ᠪᠠᠢᠳᠠᠭ᠃