ᠠᠯᠲᠠᠨ ᠬᠦᠦ- ᠮᠣᠩᠭᠣᠯ ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷАлтан хүү-Монгол ардын үлгэр
1088ᠠᠯᠲᠠᠨ ᠬᠦᠦ
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠠᠮᠠᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠨᠠᠮᠰᠠᠷᠠᠢ ᠪᠠᠶᠠᠨ ᠤ᠋ ᠬᠢ ᠭᠡᠵᠦ ᠂ ᠨᠢᠭᠡ ᠶᠡᠬᠡ ᠪᠠᠶᠠᠨ ᠠᠢᠯ ᠪᠠᠢᠵᠤ ᠭᠡᠨᠡ᠃ ᠨᠠᠮᠰᠠᠷᠠᠢ ᠪᠠᠶᠠᠨ ᠮᠢᠩᠭᠠᠨ ᠠᠳᠤᠭᠤ ᠪᠠᠨ ᠬᠤᠷᠢᠶᠠᠭᠠᠳ ᠶᠠᠪᠤᠵᠤ ᠪᠠᠢᠲᠠᠯᠠ᠂ ᠮᠣᠷᠢᠨ ᠤ᠋ ᠬᠢᠨᠢ ᠬᠥᠯ ᠳ᠋ᠦ᠍ ᠨᠢᠭᠡ ᠪᠥᠨᠲᠥᠭᠡᠷ ᠴᠠᠭᠠᠨ ᠶᠠᠭᠤᠮᠠ ᠣᠷᠣᠴᠢᠬᠤ ᠭᠡᠳ ᠪᠠᠢᠬᠤ ᠪᠠᠷ ᠨᠢ ᠮᠣᠷᠢᠨ ᠤ᠋ ᠪᠠᠨ ᠠᠮᠠ ᠶ᠋ᠢ ᠲᠠᠲᠠᠭᠠᠳ ᠬᠠᠷᠠᠭᠰᠠᠨ ᠴᠢᠨᠢ ᠬᠢᠮᠤᠰᠤᠨ ᠤ᠋ ᠬᠢᠨᠢ ᠴᠢᠨᠡᠭᠡᠨ ᠬᠦᠦ ᠪᠠᠢᠵᠤ ᠭᠡᠨᠡ᠃
ᠡᠵᠡᠨ ᠮᠢᠨᠢ ᠠ᠋!ᠲᠠ ᠨᠠᠮᠠ ᠶ᠋ᠢ ᠶᠠᠭᠤᠨ ᠳ᠋ᠤ᠌ ᠳᠠᠢᠷᠢᠴᠢ ᠰᠢᠬᠠᠪᠠ ᠳᠠ ᠂ ᠭᠡᠰᠡᠨ ᠳ᠋ᠦ᠍᠂
ᠪᠠᠶᠠᠨ᠄ ᠭᠧᠩ ! ᠮᠠᠭᠤ᠂ ᠦᠭᠡᠢ᠂ ᠪᠢ ᠴᠢᠨᠦ ᠡᠵᠡᠨ! ᠴᠢ ᠮᠢᠨᠦ ᠪᠣᠭᠣᠯ ᠭᠡᠵᠦ ᠤᠤ?ᠡᠨᠡ ᠣᠷᠴᠢᠯᠠᠩ ᠤ᠋ᠨ ᠲᠦᠮᠡᠨ ᠠᠮᠢᠲᠠᠨ ᠠᠮᠢᠳᠤᠷᠠᠬᠤ ᠭᠡᠵᠦ ᠪᠠᠰᠠ ᠶᠠᠩᠵᠤ ᠶᠠᠩᠵᠤ ᠶ᠋ᠢᠨ ᠠᠷᠭᠠ ᠬᠡᠷᠡᠭᠯᠡᠳᠡᠭ ᠪᠠᠢᠨᠠ ᠰᠢᠦ!
ᠭᠧᠩ ! ᠴᠢ ᠲᠡᠭᠡᠭᠡᠳ ᠨᠠᠳᠠ ᠰᠢᠭ᠋ ᠪᠠᠶᠠᠨ ᠬᠥᠮᠦᠨ ᠦ᠌ ᠪᠣᠭᠣᠯ ᠪᠣᠯᠪᠠᠯ ᠴᠢ ᠵᠢᠷᠭᠠᠬᠤ ᠨᠢ ᠲᠡᠷᠡ ᠳᠠ ᠂ᠭᠡᠬᠦ ᠳ᠋ᠦ᠍᠂
ᠬᠤᠷᠤᠭᠤᠨ ᠴᠢᠨᠡᠭᠡᠨ ᠬᠦᠦ ᠂ᠨᠣᠣᠰᠣᠨ ᠳᠡᠪᠡᠯ ᠢ᠋ᠶ᠋ᠡᠨ ᠲᠠᠢᠯᠵᠤ ᠲᠠᠯᠪᠢᠭᠠᠳ᠂ᠡᠷᠬᠢᠮ ᠲᠠ ᠨᠠᠮᠠ ᠶ᠋ᠢ ᠬᠠᠷᠠᠳᠠᠭ ᠦᠭᠡᠢ ᠪᠣᠯᠬᠤ ᠠ᠋ᠴᠠ ᠪᠢᠰᠢ᠂ ᠪᠢ ᠲᠠᠨ ᠤ᠋ ᠲᠤᠯᠭᠠᠨ ᠳ᠋ᠤ᠌ ᠴᠢᠨᠢ ᠪᠠᠢᠳᠠᠭ ᠭᠠᠯ ᠤ᠋ᠨ ᠴᠢᠨᠢ ᠬᠡᠦᠬᠡᠳ ᠰᠢᠦ ᠳᠡ᠂ ᠭᠡᠬᠦ ᠳ᠋ᠦ᠍᠂
ᠣᠤ ᠵᠠ᠂ ᠬᠦᠢ᠂ ᠴᠢ ᠪᠠᠰᠠ ᠭᠠᠯ ᠤ᠋ᠨ ᠪᠤᠷᠬᠠᠨ ᠪᠣᠯᠬᠤ ᠨᠢ ᠶᠣᠣ ᠬᠦᠢ᠂ᠲᠡᠭᠡᠭᠡᠳ ᠴᠢ ᠲᠡᠷᠡ ᠲᠤᠯᠭᠠᠨ ᠤ᠋ ᠬᠠᠮᠢᠭᠠ ᠨᠢ ᠪᠠᠢᠳᠠᠭ ᠬᠡᠷᠡᠭ ᠤᠤ?
ᠲᠠ ᠦᠨᠡᠮᠰᠢᠬᠦ ᠦᠭᠡᠢ ᠪᠠᠢᠭᠠ ᠶᠤᠮ ᠤᠤ? ᠥᠴᠥᠭᠡᠳᠦᠷ ᠰᠥᠨᠢ ᠬᠣᠨᠢᠨ ᠤ᠋ ᠭᠡᠳᠡᠰᠦ ᠭᠠᠷᠭᠠᠭᠠᠳ ᠨᠤᠭᠤᠯᠤᠭᠤᠷ ᠤ᠋ᠨ ᠦᠵᠦᠭᠦᠷ ᠢ᠋ ᠭᠠᠯ ᠳ᠋ᠤ᠌ ᠡᠷᠭᠦᠬᠦ ᠳ᠋ᠦ᠍᠂ ᠲᠠ᠂ ᠡᠵᠢ ᠶ᠋ᠢ ᠵᠠᠩᠨᠠᠭᠠᠳ᠂ᠬᠠᠢᠷᠠᠨ ᠶᠤᠮ ᠂ ᠬᠠᠢᠷᠠᠨ ᠶᠠᠭᠤᠮᠠ ᠶᠤᠮ ᠭᠡᠵᠦ ᠁ᠠᠭᠠᠰᠢᠯᠠᠭᠠᠳ᠂ ᠮᠢᠩᠭᠠᠨ ᠬᠣᠨᠢ ᠲᠠᠢ ᠪᠠᠢᠵᠤ᠂ ᠬᠢᠮᠤᠰᠤᠨ ᠴᠢᠨᠡᠭᠡᠨ ᠨᠤᠭᠤᠯᠤᠭᠤᠷ ᠭᠠᠯ ᠳ᠋ᠠᠭᠠᠨ ᠡᠷᠭᠦᠵᠦ ᠪᠣᠯᠳᠠᠭ ᠦᠭᠡᠢ᠂ ᠶᠠᠭᠠᠬᠢᠭᠰᠠᠨ ᠶᠤᠮ ᠭᠡᠬᠦ ᠪᠡᠷ ᠨᠢ᠂ ᠲᠠ ᠤᠴᠢᠷ ᠦᠭᠡᠢ ᠠᠭᠤᠷᠯᠠᠵᠤ᠂ ᠲᠤᠯᠭᠠ ᠲᠠᠢ ᠭᠠᠯ ᠤᠷᠤᠭᠤ ᠪᠠᠨ ᠤᠰᠤ ᠰᠠᠴᠤᠵᠤ ᠤᠨᠲᠠᠷᠠᠭᠠᠭᠰᠠᠨ ᠳᠠ ᠂ ᠭᠡᠬᠦ ᠳ᠋ᠦ᠍᠂
ᠭᠧᠩ ! ᠴᠢ ᠲᠡᠭᠡᠬᠦ ᠳ᠋ᠦ᠍ ᠬᠠᠮᠢᠭᠠ ᠪᠠᠢᠵᠤ ᠪᠣᠯᠵᠤ ᠪᠠᠢᠨᠠᠤ᠂
ᠪᠢ ᠲᠤᠯᠭᠠᠨ ᠤ᠋ ᠴᠢᠨᠢ ᠪᠠᠷᠠᠭᠤᠨ ᠲᠠᠯᠠ ᠢᠷᠣᠭᠠᠷ ᠲᠤ᠌ ᠡᠵᠡᠨ ᠡᠵᠡᠭᠲᠡᠢ ᠬᠣᠶᠠᠷ ᠠ᠋ᠴᠠ ᠬᠡᠰᠢᠭ ᠭᠣᠷᠢᠳᠠᠭᠠᠳ ᠯᠠ ᠰᠠᠭᠤᠵᠤ ᠪᠠᠢᠭᠰᠠᠨ᠂
ᠵᠠ᠂ ᠬᠦᠢ᠂ ᠴᠢ ᠲᠡᠭᠡᠭᠡᠳ ᠶᠠᠭᠤᠨ ᠳ᠋ᠤ᠌ ᠡᠨᠳᠡ ᠢᠷᠡᠭᠡᠳ ᠪᠠᠢᠭᠠ ᠶᠤᠮ᠂
ᠠᠳᠤᠭᠤ ᠶ᠋ᠢ ᠴᠢᠨᠢ ᠬᠠᠷᠠᠵᠤ ᠪᠠᠢᠨᠠ ᠪᠠᠢᠬᠤ ᠦᠭᠡᠢ ᠶᠣᠣ᠂
ᠤᠤᠬᠠᠢ᠂ ᠪᠠᠰᠠ ᠮᠢᠨᠦ ᠠᠳᠤᠭᠤ ᠬᠠᠷᠢᠭᠤᠯᠳᠠᠭ ᠪᠠᠢᠬᠤ ᠨᠢ ᠤᠤ? ᠦᠭᠡᠢ᠂ ᠡᠨᠡ ᠣᠷᠴᠢᠯᠠᠩ ᠤ᠋ᠨ ᠠᠮᠢᠲᠠᠳ ᠠᠮᠢᠳᠤᠷᠠᠬᠤ ᠭᠡᠵᠦ ᠪᠠᠰᠠ ᠂ ᠬᠦᠩ ᠶᠡᠬᠡ ᠠᠷᠭᠠ ᠬᠡᠷᠡᠭᠯᠡᠬᠦ ᠶᠦᠮ ᠳᠡ᠂
ᠪᠢ ᠡᠵᠡᠨ ᠲᠠᠨ ᠳ᠋ᠤ᠌ ᠦᠷᠭᠦᠯᠵᠢ ᠲᠤᠰᠠ ᠬᠦᠷᠭᠡᠵᠦ ᠪᠠᠢᠳᠠᠭ ᠰᠢᠦ ᠳᠧ᠂
ᠤᠤᠬᠠᠢ᠂ ᠮᠥᠨ᠂ ᠲᠡᠭᠡᠭᠡᠳ ᠴᠠᠭᠠᠰᠢ ᠪᠠᠨ ᠶᠠᠭᠤ ᠬᠡᠯᠡᠮᠡᠷ ᠪᠠᠢᠨᠠ᠃
ᠪᠢ ᠲᠤᠯᠭᠠᠨ ᠤ᠋ ᠭᠠᠯ ᠳᠣᠲᠣᠷᠠ ᠰᠠᠭᠤᠭᠠᠳ ᠯᠠ ᠡᠵᠡᠨ ᠡᠵᠡᠭᠲᠡᠢ ᠲᠠ ᠬᠣᠶᠠᠷ ᠤ᠋ᠨ ᠬᠣᠭᠣᠯᠠ ᠢᠳᠡᠬᠦ ᠪᠡᠷ ᠨᠢ ᠬᠡᠰᠢᠭ ᠥᠭᠬᠦ ᠪᠠᠢᠬᠤ ᠳᠠ ᠭᠡᠳ ᠬᠠᠷᠠᠭᠠᠳ ᠰᠠᠭᠤᠳᠠᠭ᠂ ᠪᠢ ᠴᠢᠨᠢ ᠨᠢᠭᠡ ᠶᠣᠰᠣᠨ ᠳ᠋ᠠᠭᠠᠨ ᠲᠠᠨ ᠤ᠋ ᠬᠡᠦᠬᠡᠳ ᠰᠢᠦ ᠳᠧ!
ᠦᠭᠡᠢ ᠂ ᠬᠡᠯᠡᠬᠦ ᠦᠭᠡ ᠪᠡᠨ ᠣᠯᠵᠤ ᠬᠡᠯᠡ ᠠ᠋! ᠴᠢ᠂ ᠴᠢ ᠤᠬᠠᠭᠠᠨ ᠳ᠋ᠠᠭᠠᠨ ᠣᠳᠣ᠂ ᠮᠢᠨᠦ ᠬᠦᠦ ᠪᠣᠯᠵᠤ᠂ ᠮᠠᠯ ᠬᠥᠷᠥᠩᠭᠡ ᠶ᠋ᠢ ᠮᠢᠨᠢ ᠡᠵᠡᠮᠰᠢᠵᠦ ᠠᠪᠬᠤ ᠰᠠᠨᠠᠭᠠᠲᠠᠢ ᠶᠣᠣ᠂
ᠮᠠᠯ ᠬᠥᠷᠥᠩᠭᠡ ᠪᠠᠢᠲᠤᠭᠠᠢ ᠲᠠᠨ ᠤ᠋ ᠬᠠᠮᠤᠭ ᠡᠳ᠋ ᠪᠠᠶᠠᠯᠢᠭ ᠢ᠋ ᠴᠢᠨᠢ ᠪᠢ ᠬᠠᠷᠠᠵᠤ ᠬᠠᠮᠠᠭᠠᠯᠠᠵᠤ ᠪᠠᠢᠨᠠ ᠰᠢᠲᠠ ᠠ᠋! ᠣᠣ᠂ ᠦᠭᠡᠢ ᠂ ᠲᠡᠢᠮᠦ ᠶ᠋ᠢᠨ ᠪᠣᠯ ᠴᠢ ᠮᠢᠨᠦ ᠬᠡᠦᠬᠡᠳ ᠪᠣᠯᠤᠯ ᠳᠠ!
ᠦᠭᠡᠢ᠂ ᠪᠢ ᠲᠡᠷᠡ ᠲᠡᠢ ᠲᠡᠷᠡ ᠦᠭᠡᠢ ᠲᠠᠨ ᠤ᠋ ᠬᠡᠦᠬᠡᠳ᠂
ᠭᠧᠩ᠂ ᠪᠢᠳᠡ ᠬᠣᠶᠠᠷ ᠲᠡᠭᠡᠪᠡᠯ ᠬᠦᠦ ᠲᠡᠢ ᠶᠠᠭᠤᠮᠠ ᠪᠠᠢᠵᠠᠢ᠂
ᠲᠡᠢᠮᠦ ᠠ᠋᠂ ᠪᠢ ᠲᠠᠨ ᠤ᠋ ᠬᠡᠦᠬᠡᠳ ᠰᠢᠲᠠ᠂
ᠬᠦᠢ ᠂ᠲᠡᠭᠡᠪᠡᠯ ᠣᠳᠣ ᠲᠡᠭᠡᠭᠡᠳ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠦᠭᠡᠢ ᠶᠣᠣ᠂
ᠬᠠᠷᠢᠨᠠ ᠂ᠬᠠᠷᠢᠨ᠂ ᠲᠠ ᠨᠠᠳᠠ ᠳ᠋ᠤ᠌ ᠨᠢᠭᠡ ᠨᠣᠮᠣᠬᠠᠨ ᠮᠣᠷᠢ ᠪᠠᠷᠢᠭᠠᠳ ᠥᠭᠬᠦ ᠦᠭᠡᠢ ᠶᠣᠣ᠂
ᠬᠦᠢ᠂ ᠬᠦᠢ ᠂ ᠬᠤᠷᠤᠭᠤᠨ ᠴᠢᠨᠡᠭᠡᠨ ᠪᠠᠢᠵᠤ ᠪᠠᠰᠠ ᠮᠣᠷᠢ ᠤᠨᠤᠨᠠ ᠭᠡᠨᠡ ᠠ᠋! ᠵᠠ ᠮᠢᠨᠦ ᠬᠣᠢᠭᠤᠷ ᠰᠤᠨᠳᠠᠯᠠᠭᠠᠳ ᠶᠠᠪᠤ!
ᠬᠦᠢ᠂ ᠡᠮᠡᠭᠡᠨ ᠠ᠋! ᠬᠦᠢ ᠴᠢ ᠨᠠᠭᠠᠰᠢ ᠪᠠᠨ ᠭᠠᠷᠤᠭᠠᠳ ᠢᠷᠡ ᠬᠦ ᠂ᠭᠡᠵᠦ ᠪᠠᠶᠠᠨ ᠤ᠋ ᠬᠠᠰᠬᠢᠷᠬᠤ ᠳ᠋ᠤ᠌ ᠂
ᠵᠠ᠂ ᠶᠠᠭᠤ ᠪᠣᠯᠪᠠ ᠂ ᠬᠦᠢ᠂ ᠴᠢ ᠡᠨᠡ ᠬᠦᠦ ᠪᠡᠨ ᠬᠠᠷᠠᠬᠤ ᠦᠭᠡᠢ ᠪᠠᠢᠨᠠ ᠤᠤ᠂ ᠠᠯᠢ ᠡᠷᠭᠦᠭᠡᠳ ᠪᠠᠭᠤᠯᠭᠠᠴᠢ ᠭᠡᠰᠡᠨ ᠳ᠋ᠦ᠍ ᠂
ᠡᠮᠡᠭᠡᠨ᠂ ᠪᠦᠷ ᠭᠠᠢᠬᠠᠵᠤ᠂ ᠦᠭᠡᠢ᠂ ᠡᠨᠡ ᠴᠢᠨᠢ ᠳᠧ᠂ ᠵᠠ ᠶᠠᠭᠤᠨ ᠤ᠋ ᠬᠦᠦ ᠪᠢᠯᠡ ᠠ᠋᠂
ᠦᠭᠡᠢ᠂ ᠴᠢ ᠨᠠᠭᠠᠳᠤᠬᠢ ᠪᠠᠨ ᠱᠠᠯᠠᠪᠬᠠᠨ ᠬᠠᠷᠢᠯ ᠳᠠ ᠬᠦᠢ᠂
ᠢᠰᠢ ᠂ ᠬᠥᠭᠡᠷᠦᠬᠦᠢ ᠳᠡ᠂ ᠬᠤᠷᠤᠭᠤᠨ ᠴᠢᠨᠡᠭᠡᠨ ᠡᠢᠮᠦ ᠵᠢᠭᠠᠬᠠᠨ ᠠᠮᠢᠲᠠᠨ᠂ ᠭᠧᠩ᠂ ᠬᠣᠷᠸᠠ ᠳᠡᠭᠡᠷᠡ ᠨᠠᠰᠤ ᠶ᠋ᠢ ᠢᠯᠡᠭᠡᠬᠦ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠬᠤᠷᠤᠭᠤᠨ ᠴᠢᠨᠡᠭᠡᠨ ᠴᠦ᠍ ᠪᠣᠯᠤᠭᠰᠠᠨ ᠦᠭᠡᠢ᠂ ᠶᠠᠭᠠᠬᠢᠬᠤᠪ ᠳᠠ᠂ ᠠᠯᠢ ᠂ᠨᠠᠰᠢ ᠪᠠᠨ ᠥᠭᠭᠦᠭᠡᠳ ᠣᠷᠭᠢ ᠂ᠭᠡᠰᠡᠨ ᠳ᠋ᠦ᠍ ᠂
ᠵᠠ᠂ ᠮᠠᠢ! ᠬᠦᠦ ᠪᠡᠨ ᠡᠷᠭᠦᠭᠡᠳ ᠠᠪᠤᠭᠠᠷᠠᠢ!
ᠦᠭᠡᠢ᠂ ᠴᠢ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠭᠡᠵᠦ ᠰᠠᠨᠠᠨᠠ᠂ ᠶᠠᠷᠢᠶᠠ ᠬᠥᠬᠡᠷᠡ ᠭᠡᠵᠦ ᠴᠣᠬᠣᠮ ᠶᠠᠩ ᠦᠭᠡᠢ ᠰᠦᠷᠡᠬᠡᠢ ᠳᠡ ᠭᠡᠰᠡᠨ ᠳ᠋ᠦ᠍ ᠂
ᠡᠮᠡᠭᠡᠨ᠄ ᠢᠰᠢ! ᠵᠠᠢᠯᠠᠭᠤᠯ ᠳᠠ᠂ ᠬᠢᠮᠤᠰᠤᠨ ᠴᠢᠨᠡᠭᠡᠨ ᠬᠦᠦ ᠪᠡᠨ ᠪᠤᠷᠬᠠᠨ ᠤ᠋ ᠪᠠᠨ ᠠᠪᠳᠠᠷᠠ ᠳᠡᠭᠡᠷᠡ ᠮᠥᠩᠭᠥᠨ ᠴᠤᠮᠴᠢᠨ ᠳ᠋ᠤ᠌ ᠬᠢᠭᠡᠳ ᠵᠠᠯᠠᠴᠢᠳᠠᠭ ᠪᠠᠢᠭᠠ ᠳᠠ!
ᠭᠧᠩ ᠂ᠦᠭᠡᠢ ᠴᠢ ᠨᠠᠭᠠᠳᠤᠬᠢ ᠪᠠᠨ ᠶᠠᠭᠤ ᠭᠡᠵᠦ ᠪᠣᠳᠣᠨᠠ᠂ ᠪᠡᠶᠡ ᠨᠢ ᠬᠡᠴᠢᠨᠡᠨ ᠪᠠᠭᠠ ᠴᠤ᠌ ᠬᠡᠭᠰᠡᠨ᠂ ᠤᠬᠠᠭᠠᠨ ᠨᠢ ᠬᠡᠴᠢᠨᠡᠨ ᠶᠡᠬᠡ ᠭᠡᠵᠦ ᠪᠣᠳᠣᠨᠠ᠂ᠮᠠᠨ ᠤ᠋ ᠮᠠᠯ ᠬᠥᠷᠥᠩᠭᠡ ᠶ᠋ᠢ ᠬᠠᠢᠷᠠᠯᠠᠵᠤ ᠬᠠᠮᠠᠭᠠᠯᠠᠵᠤ ᠪᠠᠢᠳᠠᠭ ᠬᠦᠦ ᠰᠢᠦ ᠳᠡ ᠠ᠋᠂ ᠭᠡᠰᠡᠨ ᠳ᠋ᠦ᠍
ᠡᠮᠡᠭᠡᠨ ᠨᠢ ᠂ ᠢ ᠪᠠᠢ ᠂ ᠬᠥᠭᠡᠷᠦᠬᠦᠢ ᠳᠡ᠂ ᠬᠢᠮᠤᠰᠤᠨ ᠴᠢᠨᠡᠭᠡᠨ ᠠᠮᠢᠲᠠᠨ ᠪᠢᠳᠡ ᠬᠣᠶᠠᠷ ᠲᠤ᠌ ᠲᠤᠰᠠ ᠬᠦᠷᠭᠡᠬᠦ ᠨᠢ ᠴᠢᠨᠢ᠂ᠭᠠᠢᠭᠤᠢ ᠭᠡᠨᠡ ᠳᠡ᠂ ᠬᠠᠷᠢᠨ ᠦᠷᠡ ᠬᠡᠦᠬᠡᠳ ᠦ᠋ᠨ ᠮᠥᠷᠥᠭᠡᠳᠦᠯ ᠪᠣᠯᠤᠭᠰᠠᠨ ᠪᠢᠳᠡ ᠬᠣᠶᠠᠷ᠂ ᠦᠷᠡ ᠲᠡᠢ ᠪᠣᠯᠤᠨᠠ ᠭᠡᠳᠡᠭ᠂ᠦᠭᠡᠢ᠂ ᠶᠠᠮᠠᠷ ᠰᠠᠢᠬᠠᠨ ᠪᠠᠢᠨᠠ ᠰᠢᠦ᠂ᠬᠦᠦ ᠳ᠋ᠡᠭᠡᠨ ᠠᠷᠵᠢᠭᠠᠷ ᠬᠤᠷᠭᠠᠨ ᠤ᠋ ᠠᠷᠠᠰᠤ ᠪᠠᠷ ᠳᠣᠲᠣᠷᠯᠠᠭᠠᠳ ᠠᠷᠭᠠ ᠦᠭᠡᠢ ᠲᠣᠷᠭᠠ ᠪᠠᠷ ᠥᠩᠭᠡᠯᠡᠭᠡᠳ ᠠᠶᠠᠲᠠᠢᠬᠠᠨ ᠠᠷᠭᠠ ᠦᠭᠡᠢ ᠳᠡᠪᠡᠯ ᠬᠢᠵᠦ ᠥᠭᠬᠦ ᠶᠤᠮᠰᠠᠨ᠂
ᠬᠢᠮᠤᠰᠤᠨ ᠴᠢᠨᠡᠭᠡᠬᠡᠨ ᠶᠠᠭᠤᠮᠠᠨ ᠳ᠋ᠤ᠌ ᠬᠠᠮᠤᠭ ᠡᠳ᠋ ᠶᠠᠭᠤᠮᠠ ᠵᠠᠷᠤᠭᠠᠳ ᠴᠢ ᠶᠠᠭᠠᠬᠢᠬᠤᠪ ᠳᠠ ᠂ᠡᠮᠡᠭᠡᠨ ᠠ᠋᠂ ᠡᠨᠡ ᠬᠦᠦ ᠴᠢᠨᠢ ᠲᠤᠯᠭᠠ ᠲᠠᠢ ᠭᠠᠯ ᠳ᠋ᠤ᠌ ᠪᠠᠢᠳᠠᠭ ᠭᠡᠰᠡᠨ ᠰᠢᠦ᠂ ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍᠂
ᠡᠮᠡᠭᠡᠨ ᠄ ᠵᠠ᠂ ᠲᠡᠷᠡ᠂ ᠲᠡᠢᠮᠦ ᠪᠠᠢᠬᠠ᠂ ᠲᠡᠷᠡ᠂ ᠭᠠᠯ ᠳ᠋ᠤ᠌ ᠨᠢᠭᠡ ᠶᠠᠭᠤᠮᠠ ᠡᠷᠭᠦᠬᠦ ᠪᠡᠷ ᠨᠢ ᠯᠡ᠂ ᠢᠰᠡᠭᠡᠢ ᠪᠣᠢᠲᠣᠭ ᠲᠠᠢ ᠬᠥᠯ ᠳ᠋ᠦ᠍ ᠣᠷᠣᠵᠤ ᠪᠠᠢᠭᠠ ᠵᠢᠭᠠᠬᠠᠨ ᠬᠦᠦ ᠂ᠠᠪᠤᠭᠠᠳ ᠯᠠ ᠡᠮᠬᠦᠴᠢᠬᠡᠬᠦ ᠰᠢᠭ ᠪᠣᠯᠳᠠᠭ ᠶᠤᠮ᠃
ᠠᠯᠢ᠂ ᠬᠦᠢ ᠂᠂ᠨᠠᠭᠠᠰᠢ ᠪᠠᠨ ᠬᠠᠷᠠ ᠳᠠ᠂ ᠬᠦᠢ ᠲᠡᠢᠮᠦ ᠠ᠋ ᠂ ᠬᠦᠢ ᠶᠠᠭ ᠮᠥᠨ ᠳᠡ᠂ ᠡᠢᠮᠦ ᠯᠡ ᠬᠡᠦᠬᠡᠳ ᠳᠥᠯᠥ ᠳᠣᠲᠣᠷᠠ ᠭᠦᠶᠦᠭᠡᠳ ᠴᠣᠭ ᠳᠡᠭᠡᠷᠡ ᠰᠠᠭᠤᠭᠠᠳ ᠪᠠᠢᠵᠤ ᠬᠠᠷᠠᠭᠳᠠᠳᠠᠭ ᠶᠤᠮ᠂ ᠭᠡᠵᠦ ᠡᠮᠡᠭᠡᠨ ᠦ᠌ ᠬᠡᠯᠡᠬᠦ ᠳ᠋ᠦ᠍ ᠂
ᠬᠦᠦ᠄ ᠲᠡᠢᠮᠦ ᠠ᠋ ᠂ᠡᠵᠢ ᠠ᠋ ᠂ᠪᠢ ᠡᠳᠦᠷ ᠪᠣᠯᠭᠠᠨ ᠠᠪᠤ ᠲᠠ ᠬᠣᠶᠠᠭᠤᠯᠠ ᠠ᠋ᠴᠠ ᠬᠡᠰᠢᠭ ᠭᠣᠷᠢᠳᠠᠭᠠᠳ ᠯᠠ ᠪᠦᠷ ᠬᠣᠶᠠᠷ ᠨᠢᠳᠦ ᠨᠢ ᠴᠢᠯᠡᠲᠡᠯᠡ ᠬᠠᠷᠠᠭᠠᠳ ᠯᠠ ᠰᠠᠭᠤᠵᠤ ᠪᠠᠢᠳᠠᠭ ᠰᠢᠦ ᠳᠡ᠂ ᠭᠡᠬᠦ ᠳ᠋ᠦ᠍ ᠂
ᠡᠮᠡᠭᠡᠨ᠄ ᠬᠦᠢ ᠡᠪᠦᠭᠡᠨ ᠠ᠋ ᠂ᠴᠢ ᠨᠠᠭᠠᠳᠤᠬᠢ ᠪᠠᠨ ᠬᠡᠯᠡᠵᠦ ᠪᠠᠢᠭᠠ ᠶ᠋ᠢ ᠰᠣᠨᠣᠰᠪᠠ ᠤᠤ? ᠨᠠᠮᠠ ᠶ᠋ᠢ ᠭᠠᠯ ᠳ᠋ᠠᠭᠠᠨ ᠶᠠᠮᠠᠷ ᠴᠤ᠌ ᠨᠢᠭᠡᠨ ᠶᠠᠭᠤᠮᠠ ᠡᠷᠭᠦᠭᠰᠡᠨ ᠳ᠋ᠦ᠍ ᠴᠢ ᠵᠠᠩᠨᠠᠵᠤ ᠠᠭᠠᠰᠢᠯᠠᠭᠠᠳ ᠪᠠᠢᠳᠠᠭ ᠰᠢᠦ ᠳᠡ᠂ ᠦᠭᠡᠢ ᠂ᠪᠢ ᠮᠡᠳᠡᠭᠡᠳ ᠯᠡ ᠡᠷᠭᠦᠵᠦ ᠪᠠᠢᠳᠠᠭ ᠰᠢᠦ ᠶᠦᠮ ᠳᠡ ᠭᠡᠰᠡᠨ ᠳ᠋ᠦ᠍
ᠪᠠᠶᠠᠨ ᠂ ᠢᠰᠢ ᠂ ᠡᠮᠡᠭᠡᠨ ᠮᠢᠨᠢ ᠳᠡ᠂ ᠴᠢ ᠣᠷᠴᠢᠯᠠᠩ ᠤ᠋ᠨ ᠠᠮᠢᠲᠠᠳ ᠢ᠋ ᠳᠠᠭᠤᠷᠢᠶᠠᠵᠤ ᠪᠠᠰᠠ ᠯᠠ ᠨᠠᠳᠠ ᠠ᠋ᠴᠠ ᠭᠠᠭᠴᠠ ᠲᠣᠭᠣᠭᠠᠨ ᠤ᠋ ᠦᠷᠦᠮ ᠴᠦ᠍ ᠪᠣᠯᠤᠭᠰᠠᠨ ᠬᠠᠭᠤᠷᠴᠤ ᠠᠪᠴᠤ ᠢᠳᠡᠮᠡᠷ ᠪᠠᠢᠨᠠ ᠤᠤ? ᠠ ᠂ᠡᠳᠦᠢ ᠪᠣᠯᠲᠠᠯᠠ ᠨᠢᠭᠡ ᠳᠣᠣᠷᠠ ᠨᠢᠭᠡ ᠨᠠᠰᠤ ᠪᠠᠨ ᠪᠠᠷᠠᠵᠤ ᠪᠠᠢᠭᠠᠳ ᠴᠢ ᠯᠡ ᠢᠩᠭᠢᠵᠦ ᠪᠠᠢᠬᠤ ᠳ᠋ᠤ᠌ ᠠᠢ ᠳᠠ᠂ ᠪᠤᠰᠤᠳ ᠬᠥᠮᠦᠨ ᠴᠦ᠍ ᠠᠷᠭᠠ ᠦᠭᠡᠢ ᠶᠦ᠍ᠮ ᠳᠡ᠂ ᠥᠭᠡᠳᠡ ᠦᠭᠡᠢ ᠵᠠᠯᠢᠲᠤ ᠬᠥᠮᠦᠨ ᠢ᠋ ᠰᠠᠨᠠᠭᠠ ᠶᠣᠣ ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍ᠨᠢ ᠂
ᠡᠮᠡᠭᠡᠨ ᠂ ᠥᠪᠡᠷ ᠦ᠋ᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠠᠢᠭᠠ ᠪᠠᠲᠠᠭᠠᠨᠠ ᠶ᠋ᠢ ᠬᠠᠷᠠᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠪᠠᠰᠠ ᠪᠤᠰᠤᠳ ᠤ᠋ᠨ ᠲᠣᠯᠣᠭᠠᠢ ᠳᠡᠭᠡᠷᠡᠬᠢ ᠰᠢᠯᠵᠢ ᠢ᠋ ᠬᠠᠷᠠᠨᠠ ᠭᠡᠭᠴᠢ ᠪᠡᠷ ᠂ᠬᠠᠷᠢᠨ ᠴᠢ ᠯᠡ ᠭᠡᠵᠦ ᠂ᠪᠢᠷᠢᠳ ᠲᠦ᠍ ᠳᠠᠯᠠᠢ ᠶ᠋ᠢ ᠬᠠᠷᠠᠮᠯᠠᠨᠠ ᠭᠡᠭᠴᠢ ᠪᠡᠷ ᠂ᠪᠠᠶᠠᠨ ᠲᠠᠩᠰᠤᠭ ᠮᠠᠯ ᠬᠥᠷᠥᠩᠭᠡ ᠪᠡᠨ ᠬᠥᠮᠦᠨ ᠳ᠋ᠦ᠍ ᠪᠠᠢᠲᠤᠭᠠᠢ ᠥᠪᠡᠷ ᠡᠴᠡ ᠪᠡᠨ ᠬᠠᠷᠠᠮᠨᠠᠵᠤ ᠡᠳᠦᠢ ᠪᠣᠯᠤᠯᠠ ᠰᠢᠦ ᠳᠡ ᠬᠦᠢ ᠂ ᠭᠡᠰᠡᠨ ᠳ᠋ᠦ᠍᠂
ᠡᠪᠦᠭᠡᠨ᠂ ᠡᠮᠡᠭᠡᠨ ᠠ᠋᠂ ᠴᠢ ᠶᠠᠭᠤᠨ ᠳ᠋ᠠᠭᠠᠨ ᠢᠩᠭᠢᠵᠦ ᠳᠡᠮᠡᠢ ᠳᠣᠩᠭᠣᠰᠴᠤ ᠪᠠᠢᠳᠠᠭ ᠶᠤᠮ᠃ ᠨᠠᠳᠠ ᠳ᠋ᠤ᠌ ᠮᠠᠯ ᠬᠥᠷᠥᠩᠭᠡ ᠪᠠᠢᠭᠠ ᠨᠢ ᠦᠨᠡᠨ᠂ ᠲᠡᠭᠡᠯᠡ ᠴᠦ᠍ ᠭᠡᠰᠡᠨ ᠠᠯᠲᠠ ᠮᠥᠩᠭᠥ ᠪᠠᠢᠬᠤ ᠦᠭᠡᠢ ᠰᠢᠦ ᠳᠡ᠂ ᠣᠳᠣ ᠨᠠᠳᠠ ᠳ᠋ᠤ᠌ ᠠᠯᠲᠠ ᠮᠥᠩᠭᠥ ᠯᠡ ᠬᠡᠷᠡᠭᠲᠡᠢ ᠪᠠᠢᠨᠠ ᠳᠠ ᠭᠡᠰᠡᠨ ᠳ᠋ᠦ᠍᠂
ᠬᠦᠦ ᠨᠢ ᠂ᠠᠪᠤ ᠠ᠋᠂ ᠲᠠ ᠬᠡᠴᠢᠨᠡᠨ ᠯᠡ ᠠᠯᠲᠠ ᠮᠥᠩᠭᠥ ᠬᠡᠷᠡᠭᠲᠡᠢ ᠪᠣᠯᠪᠠᠯ ᠨᠠᠳᠠ ᠳ᠋ᠤ᠌ ᠬᠡᠯᠡᠭᠡᠷᠡᠢ᠂ ᠪᠢ ᠲᠠᠨ ᠳ᠋ᠤ᠌ ᠠᠯᠲᠠ ᠮᠥᠩᠭᠥ ᠥᠭᠭᠦᠭᠡᠳ ᠪᠠᠢᠨᠠ ᠰᠢᠦ᠃
ᠶᠠᠭᠤ ᠭᠡᠨᠡ ᠂ ᠮᠢᠨᠦ ᠬᠦᠦ ᠂ ᠶᠠᠭᠤ ᠭᠡᠨᠡ? ᠬᠢᠮᠤᠰᠤᠨ ᠴᠢᠨᠡᠭᠡᠬᠡᠨ ᠬᠠᠢᠷᠠᠲᠤ ᠬᠣᠩᠬᠣᠷ ᠦᠷᠡ ᠮᠢᠨᠢ ᠂ᠴᠢ ᠠᠯᠲᠠ ᠮᠥᠩᠭᠥ ᠣᠯᠵᠤ ᠥᠭᠴᠦ ᠴᠢᠳᠠᠬᠤ ᠦᠭᠡᠢ ᠭᠡᠰᠡᠨ ᠴᠦ᠍ ᠢᠩᠭᠢᠵᠦ ᠬᠡᠯᠡᠬᠦ ᠪᠡᠷ ᠮᠢᠨᠦ ᠰᠡᠳᠬᠢᠯ ᠪᠡᠶᠡᠰᠴᠦ ᠳᠣᠲᠣᠷᠠ ᠮᠢᠨᠢ ᠣᠩᠭᠣᠢᠭᠠᠳ ᠨᠢᠳᠦᠨ ᠳ᠋ᠦ᠍ ᠮᠢᠨᠢ ᠠᠯᠲᠠ ᠮᠥᠩᠭᠥ ᠦᠵᠡᠭᠳᠡᠭᠡᠳ ᠪᠠᠢᠬᠤ ᠶᠤᠮ᠃ᠣᠳᠣ ᠶᠠᠭᠠᠬᠢᠳᠠᠭ ᠪᠢᠯᠡ᠂ ᠦᠭᠡᠢ ᠲᠡᠷᠡ᠂ ᠲᠡᠷᠡ᠂ ᠠᠪᠳᠠᠷᠠ ᠳᠦᠭᠦᠷᠡᠩ ᠠᠯᠲᠠ ᠂ᠰᠢᠷᠭᠠᠯᠳᠠᠭᠠᠳ᠂ᠨᠢᠳᠦ ᠬᠠᠯᠲᠤᠷᠢᠭᠠᠳ ᠬᠠᠷᠠᠵᠤ ᠪᠣᠯᠬᠤ ᠰᠢᠭ᠋᠃
ᠲᠠ ᠪᠡᠲᠡᠭᠢ ᠰᠠᠨᠳᠠᠷᠠ ᠠ᠋᠂ ᠲᠠ ᠬᠡᠵᠢᠶᠡ ᠠᠯᠲᠠ ᠮᠥᠩᠭᠥ ᠲᠡᠢ ᠪᠣᠯᠬᠤ ᠭᠡᠰᠡᠨ ᠴᠠᠭ ᠲᠤᠨᠢ ᠪᠢ ᠣᠯᠤᠭᠠᠳ ᠯᠠ ᠥᠭᠴᠦ ᠪᠠᠢᠶᠠ᠃
ᠬᠡᠵᠢᠶᠡ ᠭᠡᠨᠡ ᠰᠢᠦ᠂ ᠦᠭᠡᠢ ᠣᠳᠣ᠂ ᠣᠳᠣ ᠯᠠ ᠪᠠᠢᠬᠤ ᠦᠭᠡᠢ ᠶᠣᠣ ᠳᠠ? ᠪᠦᠷ ᠣᠳᠣ᠂ ᠦᠭᠡᠢ ᠢᠩᠭᠢᠬᠦ ᠳ᠋ᠦ᠍ ᠴᠢᠨᠢ ᠣᠳᠣ ᠂ᠴᠢ ᠶᠠᠭᠠᠬᠢᠵᠤ ᠠᠯᠲᠠ ᠮᠥᠩᠭᠥ ᠲᠡᠢ ᠪᠣᠯᠭᠠᠵᠤ ᠴᠢᠳᠠᠬᠤ ᠪᠣᠢ?ᠦᠭᠡᠢ ᠮᠢᠨᠦ ᠬᠦᠦ᠂ ᠲᠦᠷᠭᠡᠬᠡᠨ ᠰᠢᠭ ᠬᠡᠯᠡᠭᠡᠳ ᠥᠭᠭᠦᠭᠡᠴᠢ᠂ ᠮᠢᠨᠦ ᠬᠦᠦ ᠂ᠭᠡᠵᠦ ᠪᠠᠶᠠᠨ ᠢ᠋ ᠰᠠᠨᠳᠤᠷᠤᠭᠰᠠᠨ ᠳ᠋ᠤ᠌ ᠂
ᠬᠡᠯᠡᠭᠡᠳ ᠪᠠᠢᠬᠤ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠭᠡᠵᠦ ᠬᠦᠦ ᠨᠢ ᠬᠡᠯᠡᠯᠡ᠃
ᠲᠡᠭᠡᠬᠦ ᠳ᠋ᠦ᠍ ᠪᠠᠶᠠᠨ ᠪᠦᠷ ᠲᠡᠰᠴᠦ ᠶᠠᠳᠠᠭᠠᠳ ᠂ᠦᠭᠡᠢ ᠲᠡᠭᠡᠭᠡᠳ ᠴᠢ ᠴᠣᠬᠣᠮ ᠶᠠᠭᠠᠬᠢᠵᠤ᠂ ᠬᠠᠮᠢᠭᠠ ᠠ᠋ᠴᠠ ᠂ᠬᠡᠳᠦᠢ ᠳ᠋ᠡᠭᠡᠨ ᠠᠯᠲᠠ ᠮᠥᠩᠭᠥ ᠣᠯᠵᠤ ᠠᠪᠴᠢᠷᠠᠬᠤ ᠶᠤᠮ ᠪᠣᠢ? ᠪᠤᠰᠢᠭᠤᠬᠠᠨ ᠬᠡᠯᠡᠭᠡᠴᠢ ᠳᠡ ᠂ᠮᠢᠨᠦ ᠬᠦᠦ ᠂ᠪᠢ ᠭᠤᠶᠤᠶᠠ ᠴᠢᠮᠠᠢ ᠡᠴᠡ ᠪᠡᠨ ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍
ᠬᠦᠦ ᠨᠢ ᠂ᠠᠪᠤ ᠲᠠ ᠡᠭᠦᠨ ᠢ᠋ ᠠᠯᠲᠠ ᠭᠡᠬᠦ ᠪᠡᠷ ᠴᠢᠨᠢ᠂ ᠪᠢ ᠠᠯᠲᠠ ᠪᠣᠯᠭᠠᠭᠠᠳ ᠯᠠ ᠥᠭᠭᠦᠶᠡ ᠭᠡᠬᠦ ᠳ᠋ᠦ᠍ ᠂
ᠠ ᠂ᠲᠡᠢᠮᠦ ᠪᠣᠢ᠂ ᠦᠭᠡᠢ ᠂ᠲᠡᠭᠡᠪᠡᠯ ᠴᠢ ᠡᠨᠡ ᠵᠤᠯᠠ ᠶ᠋ᠢᠨ ᠴᠥᠭᠥᠴᠡ ᠶ᠋ᠢ ᠠᠯᠲᠠ ᠪᠣᠯᠭᠠᠭᠠᠳ ᠣᠯᠭᠣᠬᠤ ᠦᠭᠡᠢ ᠶᠣᠣ ᠠ᠋ ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍
ᠬᠦᠦ ᠂ ᠮᠢᠨᠦ ᠭᠠᠷ ᠯᠠ ᠭᠥᠷᠥᠪᠡᠯ ᠠᠯᠲᠠ ᠪᠣᠯᠤᠨᠠ ᠭᠡᠵᠡᠢ᠃
ᠲᠡᠭᠡᠭᠰᠡᠨ ᠳ᠋ᠦ᠍ ᠪᠠᠶᠠᠨ ᠤᠴᠢᠷ ᠦᠭᠡᠢ ᠶᠡᠬᠡ ᠪᠠᠶᠠᠷᠯᠠᠵᠤ᠂ ᠵᠠ ᠪᠢ ᠬᠠᠷᠠᠵᠤ ᠪᠠᠢᠶᠠ ᠮᠢᠨᠦ ᠬᠦᠦ᠂ ᠣᠳᠣ ᠴᠢ ᠭᠠᠷ ᠢ᠋ᠶ᠋ᠠᠨ ᠬᠦᠷᠭᠡᠭᠡᠳ ᠲᠣᠰᠤᠭᠠᠴᠢ ᠭᠡᠬᠦ ᠳ᠋ᠦ᠍ ᠂
ᠬᠦᠦ ᠠᠪᠤ ᠠ᠋ ᠂ᠲᠠ ᠣᠳᠣ ᠬᠠᠷᠠ ᠳᠠ᠂ ᠡᠨᠡ ᠠᠯᠲᠠ ᠪᠣᠯᠤᠭᠰᠠᠨ ᠪᠠᠢᠭᠠ ᠪᠢᠵᠡ ᠭᠡᠯᠡ᠃
ᠪᠠᠶᠠᠨ ᠡᠮᠡᠭᠡᠨ ᠢ᠋ᠶ᠋ᠡᠨ ᠳᠠᠭᠤᠳᠠᠵᠤ ᠂ᠦᠭᠡᠢ᠂ ᠬᠦᠢ ᠂ᠡᠮᠡᠭᠡᠨ ᠠ᠋᠂ ᠡᠮᠡᠭᠡᠨ ᠠ᠋ ᠂ᠦᠭᠡᠢ ᠂ᠴᠢ ᠡᠭᠦᠨ ᠢ᠋ ᠬᠠᠷᠠᠵᠤ ᠪᠠᠢᠨᠠ ᠤᠤ? ᠨᠢᠭᠡ ᠠᠯᠲᠠᠨ ᠴᠥᠭᠥᠴᠡ ᠲᠡᠢ ᠪᠣᠯᠤᠯᠠ᠂ ᠭᠡᠬᠦ ᠳ᠋ᠦ᠍ ᠂
ᠡᠮᠡᠭᠡᠨ ᠂ ᠢᠰᠢ ᠡᠪᠦᠭᠡᠨ ᠮᠢᠨᠢ ᠳᠡ ᠠ᠋ ᠂ᠣᠳᠣ ᠪᠣᠯᠤᠯᠠ ᠳᠠ᠂ ᠪᠣᠯᠤᠯᠠ᠃ ᠠᠯᠲᠠ ᠴᠢᠨᠢ ᠬᠣᠪᠣᠷ ᠡᠷᠳᠡᠨᠢ ᠭᠡᠳᠡᠭ ᠶᠠᠭᠤᠮᠠ ᠰᠢᠦ ᠂ ᠢᠯᠡᠭᠦᠦ ᠬᠡᠷᠡᠭ ᠦᠭᠡᠢ ᠭᠡᠵᠡᠢ᠃
ᠪᠠᠶᠠᠨ᠂ ᠮᠢᠨᠦ ᠬᠦᠦ ᠦᠭᠡᠢ ᠴᠢ ᠰᠣᠨᠣᠰᠪᠠ ᠤᠤ᠂ ᠡᠨᠡ ᠡᠮᠡᠭᠡᠨ ᠦ᠌ ᠶᠠᠷᠢᠵᠤ ᠪᠠᠢᠭᠠ ᠶ᠋ᠢ ᠰᠣᠨᠣᠰᠪᠠ ᠤᠤ? ᠠᠯᠲᠠ ᠬᠡᠷᠡᠭ ᠦᠭᠡᠢ ᠭᠡᠨᠡ ᠰᠢᠦ᠂ ᠡᠢᠮᠦ ᠯᠡ ᠲᠡᠨᠡᠭ ᠠᠮᠢᠲᠠᠨ ᠳᠠ ᠡᠨᠡ᠂ ᠬᠥᠮᠦᠨ ᠳ᠋ᠦ᠍ ᠪᠠᠰᠠ ᠠᠯᠲᠠ ᠢᠯᠡᠭᠦᠳᠡᠬᠦ ᠭᠡᠵᠦ᠂ ᠪᠠᠢᠳᠠᠭ ᠭᠡᠵᠦ ᠬᠡᠵᠢᠶᠡ ᠵᠡᠭᠦᠳᠦᠯᠡᠳᠡᠭ ᠶᠦᠮ ᠪᠣᠯᠤᠭᠠ᠃ ᠮᠢᠨᠦ ᠬᠦᠦ᠂ ᠮᠢᠨᠦ ᠬᠦᠦ᠂ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠡᠨᠡ ᠬᠠᠷᠠ ᠮᠣᠳᠣᠨ ᠠᠶᠠᠭᠠ ᠶ᠋ᠢ ᠴᠣᠯᠠ ᠮᠥᠩᠭᠥ ᠪᠣᠯᠭᠠᠨ ᠥᠭᠬᠦ ᠦᠭᠡᠢ ᠶᠣᠣ᠂ ᠭᠡᠬᠦ ᠳ᠋ᠦ᠍ᠨᠢ᠂
ᠬᠦᠦ ᠂ᠵᠠ ᠲᠡᠭᠡᠶᠡ ᠂ᠠᠪᠤ ᠠ᠋᠂ ᠪᠢ ᠭᠠᠷ ᠢ᠋ᠶ᠋ᠠᠨ ᠬᠦᠷᠭᠡᠴᠢᠬᠡᠶᠡ ᠭᠡᠯᠡ᠃
ᠦᠭᠡᠢ ᠂ ᠡᠭᠦᠨ ᠢ᠋ ᠬᠠᠷᠠ᠂ ᠦᠨᠡᠬᠡᠷ ᠴᠠᠯᠠᠩ ᠴᠠᠭᠠᠨ ᠮᠥᠩᠭᠥ ᠪᠣᠯᠴᠢᠬᠠᠯᠠ ᠰᠢᠦ᠃
ᠥᠰᠢ᠂ ᠡᠮᠡᠭᠡᠨ ᠠ᠋᠂ ᠦᠭᠡᠢ ᠴᠢ ᠡᠭᠦᠨ ᠢ᠋ ᠬᠠᠷᠠᠭᠠᠴᠢ ᠭᠡᠮᠡᠨ ᠂ᠨᠢᠭᠡ ᠮᠥᠩᠭᠥᠨ ᠠᠶᠠᠭᠠ ᠲᠠᠢ ᠪᠣᠯᠤᠯᠠ ᠭᠡᠬᠦ ᠳ᠋ᠦ᠍ ᠂
ᠡᠮᠡᠭᠡᠨ ᠨᠢ ᠂ ᠢᠰᠢ ᠂ᠡᠪᠦᠭᠡᠨ ᠮᠢᠨᠢ ᠳᠡ ᠂ᠣᠳᠣ ᠪᠣᠯᠵᠤ ᠦᠵᠡ ᠂᠂ ᠪᠣᠯᠵᠤ ᠦᠵᠡ᠂ ᠮᠠᠯ ᠬᠥᠷᠥᠩᠭᠡ ᠪᠡᠨ ᠡᠳ᠋ᠯᠡᠵᠦ ᠪᠠᠷᠠᠬᠤ ᠦᠭᠡᠢ ᠮᠥᠷᠲᠡᠭᠡᠨ᠂ ᠦᠭᠡᠢ ᠪᠠᠰᠠ ᠠᠯᠲᠠ ᠮᠥᠩᠭᠥ ᠠᠪᠳᠠᠷᠠᠯᠠᠬᠤ ᠭᠡᠵᠦ ᠪᠠᠢᠬᠤ ᠨᠢ᠂ ᠬᠡᠷᠡᠭ ᠦᠭᠡᠢ ᠰᠢᠦ ᠳᠡ᠂ ᠡᠳ᠋ ᠮᠥᠩᠭᠥ ᠭᠡᠳᠡᠭ ᠴᠢᠨᠢ ᠬᠣᠪᠣᠷ ᠴᠤᠬᠠᠭ ᠡᠷᠳᠡᠨᠢ ᠰᠢᠦ ᠭᠡᠳᠡᠭ ᠰᠢᠦ ᠳᠡ᠂ ᠡᠪᠦᠭᠡᠨ ᠮᠢᠨᠢ ᠣᠳᠣ ᠪᠣᠯᠵᠤ ᠦᠵᠡ ᠭᠡᠰᠡᠨ ᠳ᠋ᠦ᠍᠂
ᠪᠠᠶᠠᠨ᠂ ᠦᠭᠡᠢ ᠮᠢᠨᠦ ᠬᠦᠦ ᠡᠨᠡ ᠡᠮᠡᠭᠡᠨ ᠦ᠌ ᠬᠡᠯᠡᠵᠦ ᠪᠠᠢᠭᠠ ᠶ᠋ᠢ ᠰᠣᠨᠣᠰᠪᠠ ᠤᠤ? ᠡᠢᠮᠦ ᠲᠡᠨᠡᠭ ᠬᠥᠮᠦᠨ ᠢ᠋ ᠴᠢ ᠶᠠᠭᠠᠬᠢᠬᠤ ᠪᠣᠢ᠂ ᠪᠠᠢᠵᠠ᠂ ᠪᠦᠬᠦ ᠠᠶᠠᠭᠠ ᠪᠠᠨ᠂ ᠠᠯᠲᠠ ᠮᠥᠩᠭᠥ ᠪᠣᠯᠭᠠᠭᠠᠳ ᠠᠪᠤᠪᠠᠯ ᠠᠰᠢᠳᠠ ᠪᠠᠢᠬᠤ ᠤᠤ ᠂ᠵᠠ ᠠᠯᠢ᠂ ᠬᠦᠦ ᠮᠢᠨᠢ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠳᠣᠲᠣᠷᠠ ᠪᠠᠢᠭᠠ ᠡᠨᠡ ᠂ ᠠᠶᠠᠭᠠ ᠰᠢᠨᠠᠭᠠ᠂ ᠬᠠᠪᠯᠠᠭᠠ᠂ ᠠᠯᠢ ᠂ᠬᠢᠲᠤᠭᠠ᠂ ᠡᠨᠡ ᠂ᠲᠣᠭᠣᠭᠠ ᠲᠤᠯᠭᠠ ᠪᠠᠨ ᠴᠣᠭ ᠢ᠋ ᠨᠢ ᠪᠦᠷ ᠠᠯᠲᠠ ᠮᠥᠩᠭᠥ ᠪᠣᠯᠭᠠᠨ ᠪᠠᠢᠭᠠᠷᠠᠢ ᠭᠡᠬᠦ ᠳ᠋ᠦ᠍
ᠬᠦᠦ ᠨᠢ ᠂ᠪᠣᠯᠤᠨᠠ᠂ ᠠᠪᠤ ᠠ᠋᠂ ᠪᠣᠯᠤᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠲᠠ ᠂ᠬᠠᠷᠢᠨ ᠵᠢᠭᠠᠬᠠᠨ ᠶᠠᠭᠠᠷᠠᠭᠠᠳ ᠪᠠᠢᠬᠤ ᠶᠤᠮ ᠠ᠋᠃ ᠨᠠᠮᠠ ᠶ᠋ᠢ ᠪᠠᠢᠵᠤ ᠪᠠᠢᠬᠤ ᠳ᠋ᠤ᠌ ᠲᠠ ᠰᠠᠨᠠᠭᠰᠠᠨ ᠶᠠᠭᠤᠮᠠ ᠪᠣᠯᠭᠠᠨ ᠢ᠋ᠶ᠋ᠠᠨ ᠠᠯᠲᠠ ᠪᠣᠯᠭᠠᠵᠤ ᠴᠢᠳᠠᠨᠠ ᠰᠢᠦ ᠳᠡ᠂ ᠪᠢ ᠴᠦ᠍ ᠠᠯᠲᠠ ᠮᠥᠩᠭᠥ ᠪᠣᠯᠭᠠᠵᠤ ᠥᠭᠴᠦ ᠪᠣᠯᠤᠨᠠ ᠭᠡᠬᠦ ᠳ᠋ᠦ᠍ ᠂
ᠪᠠᠶᠠᠨ᠂ ᠠᠢ᠂ ᠴᠢ ᠶᠣᠰᠣᠲᠠᠢ ᠡᠮᠡᠭᠡᠨ ᠪᠢᠳᠡ ᠬᠣᠶᠠᠷ ᠤ᠋ᠨ ᠵᠠᠶᠠᠭᠠᠨ ᠤ᠋ ᠬᠦᠦ ᠮᠢᠨᠢ ᠮᠥᠨ ᠪᠠᠢᠨᠠ ᠰᠢᠦ᠂ ᠠᠯᠢ ᠂ᠮᠢᠨᠦ ᠬᠦᠦ ᠨᠠᠭᠠᠰᠢ ᠪᠠᠨ ᠢᠷᠠ ᠭᠡᠵᠦ ᠬᠡᠯᠡᠭᠡᠳ ᠂ᠠᠯᠲᠠ ᠪᠣᠯ ᠭᠡᠵᠦ ᠰᠠᠨᠠᠭᠠᠳ ᠭᠠᠷ ᠢ᠋ᠶ᠋ᠠᠨ ᠬᠦᠷᠭᠡᠭᠰᠡᠨ ᠴᠢᠨᠢ ᠂ᠬᠢᠮᠤᠰᠤᠨ ᠴᠢᠨᠡᠭᠡᠨ ᠬᠦᠦ ᠨᠢ ᠠᠯᠲᠠ ᠪᠣᠯᠴᠢᠬᠠᠵᠠᠢ ᠭᠡᠨᠡ᠃
ᠡᠮᠡᠭᠡᠨ᠂ ᠬᠢᠮᠤᠰᠤᠨ ᠴᠢᠨᠡᠭᠡᠨ ᠬᠦᠦ ᠨᠢ ᠠᠯᠲᠠ ᠪᠣᠯᠴᠢᠬᠠᠭᠰᠠᠨ ᠳ᠋ᠤ᠌ ᠦᠢ ᠭᠠᠰᠢᠭᠤᠳᠠᠨ ᠪᠠᠢᠲᠠᠯᠠ ᠂
ᠡᠪᠦᠭᠡᠨ ᠨᠢᠭᠡ ᠤᠳᠠᠭᠠ ᠴᠠᠢ ᠤᠤᠭᠤᠵᠤ ᠰᠠᠭᠤᠭᠠᠳ ᠂ᠨᠢᠭᠡ ᠠᠭᠠᠷᠤᠤᠯ ᠠᠪᠤᠭᠠᠳ ᠠᠮᠠᠨ ᠳ᠋ᠠᠭᠠᠨ ᠬᠢᠬᠦ ᠳ᠋ᠡᠭᠡᠨ ᠂ ᠠᠯᠲᠠ ᠪᠣᠯ ᠭᠡᠵᠦ ᠰᠠᠨᠠᠭᠰᠠᠨ ᠳ᠋ᠤ᠌ ᠠᠮᠠ ᠨᠢ ᠠᠯᠲᠠ ᠪᠣᠯᠴᠢᠬᠠᠵᠠᠢ ᠭᠡᠨᠡ᠃
ᠢᠩᠭᠢᠭᠡᠳ ᠠᠯᠲᠠᠨ ᠠᠮᠠ ᠲᠠᠢ ᠡᠪᠦᠭᠡᠨ ᠶᠠᠭᠠᠬᠢᠬᠤ ᠴᠤ᠌ ᠠᠷᠭᠠ ᠪᠠᠨ ᠣᠯᠬᠤ ᠦᠭᠡᠢ ᠲᠠᠷᠴᠢᠯᠠᠨ ᠵᠣᠪᠠᠵᠤ ᠵᠦᠳᠡᠷᠡᠬᠦ ᠳ᠋ᠡᠭᠡᠨ ᠂ᠬᠢᠮᠤᠰᠤᠨ ᠴᠢᠨᠡᠭᠡᠨ ᠬᠦᠦ ᠮᠢᠨᠢ ᠠ᠋᠂ ᠨᠠᠳᠠ ᠳ᠋ᠤ᠌ ᠠᠯᠲᠠ ᠮᠥᠩᠭᠥᠨ ᠦ᠌ ᠠᠯᠢ ᠨᠢ ᠴᠦ᠍ ᠬᠡᠷᠡᠭ ᠦᠭᠡᠢ ᠰᠢᠦ᠂ ᠠᠯᠲᠠᠨ ᠠᠮᠠ ᠲᠠᠢ ᠪᠣᠯᠤᠭᠠᠳ ᠬᠣᠭᠣᠯᠠ ᠤᠮᠳᠠ ᠢᠳᠡᠵᠦ ᠴᠢᠳᠠᠬᠤ ᠦᠭᠡᠢ ᠬᠡᠴᠡᠭᠦᠳᠡᠵᠦ ᠪᠠᠢᠨᠠ ᠭᠡᠵᠦ ᠂ᠬᠠᠰᠬᠢᠷᠤᠨ ᠤᠬᠢᠯᠠᠭᠰᠠᠭᠠᠷ ᠪᠠᠢᠵᠤ ᠭᠡᠨᠡ᠃ ᠬᠢᠮᠤᠰᠤᠨ ᠴᠢᠨᠡᠭᠡᠨ ᠬᠦᠦ ᠨᠢ ᠲᠤᠯᠭᠠ ᠲᠠᠢ ᠭᠠᠯ ᠳᠣᠲᠣᠷᠠ ᠨᠢ ᠰᠠᠭᠤᠵᠤ᠂ ᠰᠠᠢᠨ ᠠᠪᠤ ᠶ᠋ᠢ ᠪᠡᠨ ᠠᠪᠤᠷᠠᠬᠤ ᠭᠡᠵᠦ ᠬᠡᠴᠢᠨᠡᠨ ᠪᠣᠳᠣᠪᠠᠴᠤ ᠥᠪᠡᠷ ᠢ᠋ᠶ᠋ᠡᠨ ᠠᠯᠲᠠ ᠪᠣᠯᠴᠢᠬᠠᠭᠰᠠᠨ ᠪᠣᠯᠬᠣᠷ ᠂ᠶᠠᠭᠠᠬᠢᠵᠤ ᠴᠤ᠌ ᠴᠢᠳᠠᠬᠤ ᠦᠭᠡᠢ ᠪᠠᠢᠵᠤ ᠭᠡᠨᠡ᠃ ᠡᠭᠦᠨ ᠡᠴᠡ ᠡᠬᠢᠯᠡᠨ ᠭᠠᠯ ᠳ᠋ᠠᠭᠠᠨ ᠢᠳᠡᠭᠡᠨ ᠦ᠌ ᠪᠡᠨ ᠳᠡᠭᠡᠵᠢ ᠶ᠋ᠢ ᠡᠷᠭᠦᠳᠡᠭ ᠪᠣᠯᠤᠭᠰᠠᠨ ᠶᠤᠮ ᠭᠡᠯᠡ ᠠ᠋᠃
ᠡᠮᠡᠭᠡᠨ ᠂ᠠᠯᠲᠠᠨ ᠬᠦᠦ ᠳ᠋ᠡᠭᠡᠨ ᠨᠡᠬᠡᠢ ᠳᠡᠪᠡᠯ ᠢ᠋ ᠨᠢ ᠡᠮᠦᠰᠬᠡᠵᠦ᠂ ᠠᠯᠲᠠᠨ ᠳᠡᠯᠡᠬᠡᠢ ᠪᠦᠪᠡᠢ ᠪᠦᠪᠡᠢ᠂ ᠠᠯᠲᠠᠨ ᠬᠦᠦ ᠮᠢᠨᠢ ᠪᠦᠪᠡᠢ ᠪᠦᠪᠡᠢ᠂ ᠨᠠᠷᠠᠨ ᠳᠡᠯᠡᠬᠡᠢ ᠪᠦᠪᠡᠢ ᠪᠦᠪᠡᠢ᠂ ᠨᠢᠯᠬᠠ ᠦᠷᠡ ᠮᠢᠨᠢ ᠪᠦᠪᠡᠢ ᠪᠦᠪᠡᠢ ᠭᠡᠵᠦ ᠨᠢᠯᠪᠤᠰᠤ ᠪᠠᠨ ᠤᠨᠠᠭᠠᠨ ᠨᠠᠭᠤᠷ ᠤ᠋ᠨ ᠵᠠᠬᠠ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠵᠤ ᠭᠡᠨᠡ᠃
ᠬᠠᠵᠠᠭᠤᠬᠠᠨ ᠳ᠋ᠤ᠌ ᠨᠢᠭᠡ ᠶᠠᠭᠤᠮᠠ᠂ ᠨᠠᠭᠤᠷ ᠤᠷᠤᠭᠤ ᠴᠦᠯ ᠭᠡᠳ ᠤᠨᠠᠬᠤ ᠳ᠋ᠤ᠌ ᠂ᠡᠮᠡᠭᠡᠨ ᠰᠣᠴᠢᠭᠠᠳ ᠬᠠᠷᠠᠭᠰᠠᠨ ᠴᠢᠨᠢ ᠡᠪᠦᠭᠡᠨ ᠦ᠌ ᠲᠣᠯᠣᠭᠠᠢ ᠴᠤᠬᠤᠢᠵᠤ ᠠᠯᠲᠠᠨ ᠬᠡᠯᠡ ᠨᠢ ᠨᠠᠷᠠᠨ ᠳ᠋ᠤ᠌ ᠭᠢᠯᠠᠯᠵᠠᠭᠠᠳ ᠤᠰᠤᠨ ᠳ᠋ᠤ᠌ ᠵᠢᠪᠴᠢᠬᠡᠵᠡᠢ ᠭᠡᠨᠡ᠃
ᠡᠮᠡᠭᠡᠨ᠂ ᠢᠰᠢ ᠂ ᠠᠯᠢ ᠣᠤ᠂ ᠠᠯᠲᠠ ᠬᠥᠮᠦᠨ ᠳ᠋ᠦ᠍ ᠡᠳ᠋ ᠰᠢᠦ ᠂ᠭᠡᠳ ᠬᠡᠯᠡᠭᠡᠳ ᠪᠠᠢᠬᠤ ᠳ᠋ᠤ᠌ ᠂ᠭᠡᠳ ᠤᠷᠲᠤ ᠰᠠᠨᠠᠭᠠ ᠠᠯᠳᠠᠵᠤ᠂ ᠠᠯᠲᠠᠨ ᠬᠦᠦ ᠪᠡᠨ ᠲᠡᠪᠡᠷᠢᠭᠡᠳ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠵᠦᠭ ᠶᠠᠪᠤᠵᠤ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ᠤᠤᠭᠠᠨᠵᠢᠳ᠂ ᠳᠠᠯᠠᠨᠲᠠᠢ
ᠬᠢᠨᠠᠭᠴᠢ᠄ ᠤᠤᠭᠠᠨᠵᠢᠳ᠂ᠮᠡᠷᠭᠡᠨᠪᠢᠯᠢᠭ