ᠣᠷᠣᠢ ᠦᠭᠡᠢ ᠰᠦᠮᠡ – ᠬᠣᠷᠢᠨ ᠨᠢᠭᠡ᠂ ᠪᠤᠷᠬᠠᠨ ᠤ ᠣᠷᠣᠨ ᠳᠡᠬᠢ ᠲᠠᠮᠤ Оройгүй сүм – Хорин нэг ᠂ бурхны орон дэх там - Oroigui sum 21
716ᠬᠣᠷᠢᠨ ᠨᠢᠭᠡ ᠂ ᠪᠤᠷᠬᠠᠨ ᠤ᠋ ᠣᠷᠣᠨ ᠳ᠋ᠠᠬᠢ ᠲᠠᠮᠤ
ᠴᠠᠭᠠᠰᠤᠨ ᠳ᠋ᠤ᠌ ᠪᠢᠴᠢᠭ ᠬᠠᠷᠠ
ᠵᠠᠷᠭᠤ ᠳ᠋ᠤ᠌ ᠦᠭᠡ ᠬᠠᠷᠠ
ᠭᠠᠷ ᠲᠠᠭᠠᠨ ᠭᠠᠪᠠ ᠲᠠᠢ᠂ ᠬᠥᠯ ᠳ᠋ᠡᠭᠡᠨ ᠭᠢᠨᠵᠢ ᠲᠡᠢ᠂ ᠬᠦᠵᠦᠭᠦᠨ ᠳ᠋ᠡᠭᠡᠨ ᠳᠥᠩᠭᠡ ᠲᠡᠢ ᠪᠥᠭᠡᠮᠡᠩᠯᠠᠢ ᠠᠷᠠᠢ ᠶᠠᠳᠠᠨ ᠵᠣᠭᠰᠣᠭᠰᠠᠨ ᠢ᠋ᠶ᠋ᠠᠨ ᠰᠠᠩᠵᠢ ᠶ᠋ᠢ ᠬᠠᠷᠠᠮᠠᠭᠴᠠ ᠨᠢᠳᠦ ᠨᠢ ᠰᠡᠷᠭᠦᠬᠦ ᠰᠢᠭ ᠪᠣᠯᠤᠨ ᠭᠢᠯᠠᠯᠵᠠᠵᠤ ᠨᠢᠷᠤᠭᠤ ᠪᠠᠨ ᠲᠨᠨᠡᠢᠯᠭᠡᠨ ᠡᠭᠴᠡ ᠵᠣᠭᠰᠣᠯᠠ᠃ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠬᠥᠮᠦᠨ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠰᠡᠳᠬᠢᠯ ᠰᠡᠷᠭᠦᠭᠭᠰᠡᠨ ᠶᠦᠮ ᠤᠤ᠂ ᠡᠰᠡᠪᠡᠯ ᠨᠡᠷᠡᠯᠬᠡᠭᠰᠡᠨ ᠴᠦ᠍ ᠪᠠᠢᠵᠤ ᠪᠣᠯᠤᠨᠠ᠃ ᠶᠠᠮᠠᠷ ᠴᠤ᠌ ᠭᠡᠰᠡᠨ ᠪᠥᠬᠡᠮᠠᠩᠯᠠᠢ ᠳ᠋ᠤ᠌ ᠨᠢᠭᠡᠨ ᠪᠣᠳᠣᠯ ᠲᠥᠷᠥᠵᠡᠢ᠃
— ᠠᠱᠢᠭᠦᠢ ᠴᠢ ᠢᠷᠡᠪᠡ ᠤᠤ? ᠭᠡᠵᠦ ᠲᠡᠷᠡ ᠳᠤᠤᠭᠠᠷᠪᠠ᠃
— ᠳᠤᠭᠤᠢ ᠪᠠᠢ! ᠭᠡᠵᠦ ᠲᠥᠪᠡᠳ ᠴᠠᠭᠳᠠᠭᠠ ᠵᠠᠩᠳᠤᠷᠪᠠ᠃ ᠴᠢᠯᠠᠭᠤᠨ ᠱᠠᠯᠠᠨ ᠳᠡᠭᠡᠷᠡ ᠪᠥᠭᠡᠮᠡᠭᠯᠡᠢ ᠶ᠋ᠢ ᠰᠥᠭᠥᠳᠬᠡᠨ ᠰᠠᠭᠤᠯᠭᠠᠯᠠ᠃ ᠬᠥᠯ ᠭᠠᠷ ᠣᠨ ᠭᠠᠪᠠ ᠭᠢᠨᠵᠢ ᠨᠢ ᠭᠠᠰᠠᠯᠤᠨ ᠶᠣᠣᠯᠠᠬᠤ ᠮᠡᠲᠦ ᠳᠠᠷᠴᠢᠭᠢᠨᠠᠨ ᠬᠢᠬᠤᠷᠤᠯᠳᠤᠪᠠ᠃ ᠬᠡᠷᠡᠭ ᠰᠢᠳᠬᠡᠭᠴᠢ ᠲᠦᠰᠢᠮᠡᠯ ᠰᠠᠭᠤᠳᠠᠯ ᠳ᠋ᠠᠭᠠᠨ ᠣᠴᠢᠵᠤ ᠲᠤᠬᠠᠯᠠᠮᠠᠭᠴᠠ ᠬᠠᠬᠢᠷ ᠴᠢᠩᠭᠠ ᠳᠠᠭᠤ ᠪᠠᠷ᠄
— ᠶᠠᠯᠠᠲᠠᠨ ᠴᠢ ᠦᠭᠡ ᠥᠴᠢᠭ ᠢ᠋ᠶ᠋ᠡᠨ ᠦᠨᠡᠨ ᠢ᠋ᠶ᠋ᠡᠷ ᠬᠡᠯᠡᠪᠡᠯ ᠵᠣᠬᠢᠯᠠ᠂ ᠬᠤᠳᠠᠯ ᠶᠠᠭᠤᠮᠠ ᠳᠤᠤᠭᠠᠷᠪᠠᠰᠤ ᠨᠢᠭᠦᠯ ᠴᠢᠨᠢ ᠤᠯᠠᠮ ᠬᠦᠨᠳᠦᠷᠡᠵᠦ ᠮᠠᠭᠤ ᠵᠠᠶᠠᠭᠠ ᠤᠯᠠᠮ ᠣᠢᠷᠠᠲᠤᠨᠠ ᠭᠡᠵᠦ ᠬᠡᠯᠡᠪᠡ !
— ᠬᠡᠯᠡᠮᠦᠷᠴᠢᠯᠡ ! ᠭᠡᠵᠦ ᠰᠠᠩᠵᠢ ᠳ᠋ᠤ᠌ ᠥᠭᠡᠷᠡ ᠨᠢᠭᠡ ᠬᠥᠮᠦᠨ ᠠᠭᠤᠷᠲᠡᠢᠶᠡ ᠲᠤᠰᠢᠶᠠᠯᠠ᠃ ᠰᠡᠩᠵᠢ ᠲᠡᠷᠡ ᠵᠠᠭᠤᠷᠠ ᠲᠦᠭᠳᠡᠷᠡᠭᠰᠡᠨᠡ ᠲᠦᠰᠢᠮᠡᠯ ᠦ᠋ᠨ ᠶᠠᠷᠢᠶᠠ ᠶ᠋ᠢ ᠳᠠᠮᠵᠢᠭᠤᠯᠪᠠ᠃ ᠪᠥᠭᠡᠮᠡᠩᠯᠡᠢ᠄
— ᠰᠠᠩᠵᠢ ᠮᠢᠨᠢ ᠪᠢ ᠡᠳᠡᠨ ᠳ᠋ᠦ᠍ ᠪᠠᠷᠢᠭᠳᠠᠭᠠᠳ ᠪᠠᠢᠨᠠ᠃ ᠱᠣᠷᠣᠩ ᠳ᠋ᠤᠨᠢ ᠰᠠᠭᠤᠯᠠ᠃ ᠠᠮᠢᠳᠤ ᠭᠠᠷᠬᠤ ᠠᠷᠭᠠ ᠦᠭᠡᠢ ᠲᠠᠮᠤ ᠶ᠋ᠢᠨ ᠣᠷᠣᠨ ᠪᠠᠢᠨᠠ᠃ ᠲᠡᠭᠡᠬᠦ ᠪᠡᠷ ᠮᠠᠨ ᠤ᠋ ᠬᠢᠨ ᠳ᠋ᠦ᠍ ᠬᠡᠯᠡᠵᠦ ᠨᠠᠮᠠᠶ᠋ᠢ ᠰᠤᠯᠠᠯᠠᠭᠤᠯᠬᠤ ᠠᠷᠠᠨᠠ ᠬᠠᠢ᠃ ᠪᠢ ᠡᠭᠦᠨ ᠢ᠋ ᠯᠡ ᠬᠡᠯᠡᠬᠦ ᠭᠡᠵᠦ ᠴᠢᠮᠠᠶ᠋ᠢ ᠳᠠᠭᠤᠳᠠᠭᠤᠯᠤᠭᠰᠠᠨ ᠶᠤᠮ᠃ ᠡᠳᠡᠨ ᠤ ᠦᠭᠡᠨ ᠳ᠋ᠦ᠍ ᠬᠠᠷᠢᠭᠤᠯᠬᠤ ᠵᠠᠪᠰᠠᠷ ᠪᠢ ᠴᠢᠮᠠ ᠳ᠋ᠤ᠌ ᠶᠠᠷᠢᠭᠰᠠᠨ ᠢ᠋ ᠪᠢᠲᠡᠭᠡᠢ ᠬᠡᠯᠡᠮᠦᠷᠴᠢᠯᠡᠭᠡᠷᠡᠢ ᠭᠡᠪᠡ᠃ ᠰᠠᠩᠵᠢ ᠲᠣᠯᠣᠭᠠᠢ ᠳᠣᠬᠢᠵᠤ:
— ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠨᠡ ᠭᠡᠵᠦ ᠡᠨᠡ ᠬᠥᠮᠦᠨ ᠥᠴᠢᠵᠦ ᠪᠠᠢᠨᠠ ᠭᠡᠮᠡᠨ ᠣᠷᠴᠢᠭᠤᠯᠪᠠ᠃
— ᠡᠨᠡ ᠶᠡᠬᠡ ᠣᠯᠠᠨ ᠦᠭᠡ ᠬᠡᠯᠡᠭᠰᠡᠨ᠃ ᠴᠢ ᠶᠠᠭᠠᠬᠢᠭᠰᠠᠨ ᠴᠥᠭᠡᠨ ᠦᠭᠡ ᠪᠡᠷ ᠬᠡᠯᠡᠪᠡ ? ᠭᠡᠵᠦ ᠲᠦᠰᠢᠮᠡᠯ ᠰᠠᠵᠢᠭᠯᠡᠨ ᠮᠠᠭᠤᠬᠠᠢ ᠬᠠᠷᠠᠯᠠ᠃
— ᠪᠢ ᠪᠦᠷᠢᠨ ᠬᠡᠯᠡᠯᠡ᠃ ᠮᠣᠩᠭᠣᠯ ᠦᠭᠡ ᠶᠡᠬᠡ ᠤᠷᠲᠤ ᠰᠢᠦ ᠳᠡ᠃ ᠬᠥᠱᠣᠣᠲᠡᠨ ! ᠭᠡᠵᠦ ᠰᠠᠩᠵᠢ ᠥᠴᠢᠯᠡ ᠃ ᠬᠥᠱᠦᠦ ᠪᠤᠶᠤ ᠳᠡᠭᠡᠳᠦ ᠭᠠᠷᠤᠯᠲᠠᠨ ᠭᠡᠳᠡᠭ ᠦᠭᠡ ᠪᠡᠷ ᠬᠦᠨᠳᠦᠳᠬᠡᠨ ᠬᠡᠯᠡᠬᠦ ᠦᠭᠡᠢ ᠪᠣᠯ ᠲᠥᠪᠡᠳ ᠲᠦᠰᠢᠮᠡᠯ ᠳ᠋ᠦ᠍ ᠲᠤᠩ ᠲᠠᠭᠠᠯᠠᠮᠵᠢ ᠦᠭᠡᠢ ᠪᠣᠯᠬᠤ ᠶ᠋ᠢ ᠰᠡᠩᠵᠢ ᠤᠬᠠᠭᠠᠷᠠᠵᠤ ᠪᠠᠢᠯᠠ᠃
— ᠲᠡᠭᠡᠪᠡᠯ ᠴᠢ ᠡᠨᠡ ᠯᠡᠩᠳᠡᠷᠮᠠ ᠶ᠋ᠢ ᠤᠳᠠᠬᠤ ᠦᠭᠡᠢ ᠲᠣᠨᠢᠯᠭᠠᠨᠠ ᠭᠡᠳᠡᠭ ᠢ᠋ ᠨᠢ ᠣᠢ ᠳ᠋ᠤᠨᠢ ᠣᠷᠣᠲᠠᠯᠠ ᠬᠡᠯᠡᠭᠡᠳ ᠥᠭ ᠭᠡᠵᠦ ᠲᠦᠰᠢᠮᠡᠯ ᠲᠤᠰᠢᠶᠠᠪᠠ᠃
— ᠡᠳᠡ ᠨᠠᠷ ᠨᠠᠮᠠᠶ᠋ᠢ ᠵᠤᠯᠢᠶᠡᠰᠦᠨ ᠳ᠋ᠦ᠍ ᠦᠭᠭᠦᠭᠰᠡᠨ ᠪᠣᠯᠣᠯᠳ᠋ᠯᠢ᠂ ᠦᠨᠡᠬᠡᠷ ᠯᠡ ᠲᠣᠯᠣᠭᠠᠢ ᠠᠪᠬᠤ ᠪᠠᠢᠬᠠ᠃ ᠬᠥᠭᠡᠷᠦᠬᠦᠢ ᠲᠠᠷᠮᠠᠵᠠᠭᠲᠡ ᠭᠤᠸᠠᠢ ᠶ᠋ᠢ ᠠᠢᠬᠤᠪᠲᠤᠷ ᠪᠣᠯᠭᠠᠭᠰᠠᠨ᠂ ᠴᠢ ᠮᠡᠳᠡᠭᠰᠡᠨ ᠤᠤ ? ᠭᠡᠵᠦ ᠪᠥᠭᠡᠮᠡᠭᠯᠠᠢ ᠬᠡᠯᠡᠬᠦ ᠳ᠋ᠦ᠍ :
— ᠶᠠᠭᠠᠬᠢᠭᠰᠠᠨ ᠪᠣᠢ? ᠭᠡᠵᠦ ᠳᠠᠭᠤᠨ ᠠᠯᠳᠠᠵᠤ ᠣᠷᠬᠢᠪᠠ !
— ᠶᠠᠯᠠᠲᠠᠨ ᠲᠠᠢ ᠨᠢᠭᠡ ᠴᠦ᠍ ᠦᠭᠡ ᠪᠢᠲᠡᠭᠡᠢ ᠶᠠᠷᠢ᠃ ᠡᠰᠡ ᠲᠡᠭᠡᠪᠡᠯ ᠴᠢᠮᠠᠶ᠋ᠢ ᠮᠥᠨ ᠠᠳᠠᠯᠢ ᠦᠭᠡᠢ ᠬᠢᠨᠡ ᠰᠢᠦ ! ᠭᠡᠵᠦ ᠲᠦᠰᠢᠮᠡᠯ ᠵᠠᠩᠳᠤᠷᠪᠠ᠃
— ᠡᠨᠡ ᠶᠠᠭᠤ ᠭᠡᠳ ᠪᠠᠢᠨᠠ ? ᠭᠡᠵᠦ ᠳᠠᠷᠠᠭᠠ ᠨᠢ ᠠᠰᠠᠭᠤᠪᠠ᠃
— ᠠᠮᠢᠳᠤ ᠶᠠᠪᠤᠮᠠᠷ ᠪᠠᠢᠨᠠ᠃ ᠪᠢ ᠶᠠᠮᠠᠷ ᠴᠤ᠌ ᠭᠡᠮ ᠵᠠᠮ ᠦᠭᠡᠢ ᠬᠥᠮᠦᠨ ᠭᠡᠵᠦ ᠶᠠᠷᠢᠯᠠ᠃ ᠬᠥᠱᠦᠤᠲᠠᠨ ᠠ᠋ ! ᠭᠡᠮᠡᠨ ᠰᠡᠩᠵᠢ《ᠬᠡᠯᠡᠮᠦᠷᠴᠢᠯᠡᠪᠡ》᠃
— ᠠᠮᠢᠳᠤ ᠶᠠᠪᠤᠬᠤ ᠶ᠋ᠢ ᠬᠦᠰᠡᠳᠡᠭ ᠴᠢᠨᠢ ᠰᠠᠢᠨ ᠪᠠᠢᠨᠠ᠃ ᠲᠡᠭᠡᠪᠡᠯ ᠴᠢ ᠱᠠᠮᠪᠠᠯ ᠤ᠋ᠨ ᠴᠡᠷᠢᠭ ᠲᠦ᠍ ᠶᠠᠪᠤᠬᠤ ᠶᠣᠰᠣᠲᠠᠢ᠃ ᠲᠡᠨᠳᠡ ᠯᠠ ᠠᠮᠢᠳᠤ ᠶᠠᠪᠤᠬᠤ ᠶᠣᠰᠣᠲᠠᠢ ᠡᠰᠡᠬᠦ ᠴᠢᠨᠢ ᠮᠡᠳᠡᠭᠳᠡᠨᠡ᠃ ᠠᠮᠢᠳᠤ ᠶᠠᠪᠤᠬᠤ ᠶᠣᠰᠣ ᠦᠭᠡᠢ ᠪᠠᠢᠭᠰᠠᠨ ᠪᠣᠯ ᠠᠩᠬᠠᠨ ᠤ᠋ ᠫᠤᠤ ᠶ᠋ᠢᠨ ᠳᠠᠭᠤ ᠪᠠᠷ ᠯᠠ ᠲᠠᠯᠢᠢᠨᠠ᠃ ᠠᠮᠢᠳᠤ ᠶᠠᠪᠤᠬᠤ ᠶᠣᠰᠣᠲᠠᠢ ᠪᠠᠢᠭᠰᠠᠨ ᠪᠣᠯ ᠱᠠᠮᠪᠠᠯ ᠤ᠋ᠨ ᠲᠡᠢᠨ ᠢ᠋ ᠡᠰᠡᠨ ᠮᠡᠨᠳᠦ ᠲᠤᠭᠤᠯᠬᠤ ᠪᠢᠵᠡ ᠭᠡᠵᠦ ᠲᠦᠰᠢᠮᠡᠯ ᠨᠤᠬᠤᠴᠠᠲᠠᠢ ᠬᠡᠯᠡᠪᠡ᠃ ᠰᠡᠩᠵᠢ ᠲᠡᠭᠦᠨ ᠢ᠋ ᠮᠣᠩᠭᠣᠯᠴᠢᠯᠠᠬᠤ ᠳ᠋ᠤ᠌ ᠬᠥᠭᠡᠮᠡᠩᠯᠡᠢ ᠬᠥᠬᠡ ᠢᠨᠢᠶᠡᠳᠦ ᠦᠵᠡᠭᠦᠯᠦᠭᠡᠳ :
— ᠱᠠᠮᠪᠠᠯ ᠪᠠᠢᠲᠤᠭᠠᠢ ᠱᠤᠯᠤᠮ ᠤ᠋ᠨ ᠴᠡᠷᠢᠭ ᠲᠦ᠍ ᠶᠠᠪᠤᠭᠰᠠᠨ ᠴᠤ᠌ ᠬᠠᠮᠢᠶᠠ ᠦᠭᠡᠢ᠂ ᠡᠳᠡᠨ ᠦ᠌ ᠦᠮᠡᠬᠡᠢ ᠱᠣᠷᠣᠩ ᠠ᠋ᠴᠠ ᠯᠠ ᠭᠠᠷᠤᠮᠠᠷ ᠪᠠᠢᠨᠠ᠃ ᠬᠥᠭᠡᠷᠦᠬᠦᠢ ᠲᠠᠷᠮᠡᠵᠠᠭᠲᠡ ᠭᠤᠸᠠᠢ ᠰᠢᠵᠠᠷᠠᠭᠤᠨ ᠦᠭᠡ ᠬᠡᠯᠡᠴᠢᠬᠡᠭᠰᠡᠨ ᠡᠴᠡ ᠪᠣᠯᠤᠭᠠᠳ ᠡᠳᠡᠨ ᠦ᠌ ᠭᠠᠷ ᠲᠤ᠌ ᠥᠩᠭᠡᠷᠡᠭᠰᠡᠨ᠃ ᠡᠳᠡᠨ ᠦ᠌ ᠭᠠᠷ ᠲᠤ᠌ ᠴᠤ᠌ ᠭᠡᠵᠢ ᠳᠡ᠂ ᠦᠬᠡᠷ ᠬᠤᠯᠤᠭᠠᠨᠠ ᠳ᠋ᠤ᠌ ᠪᠠᠷᠢᠭᠳᠠᠵᠤ ᠦᠬᠦᠭᠰᠡᠨ᠃ ᠪᠢ ᠲᠡᠭᠡᠵᠦ ᠦᠬᠦᠬᠦ ᠳᠤᠷᠠ ᠦᠭᠡᠢ ᠪᠠᠢᠨᠠ ᠭᠡᠵᠦ ᠬᠡᠯᠡᠪᠡ᠃
ᠰᠡᠩᠵᠢ ᠶ᠋ᠢᠨ ᠰᠡᠳᠬᠢᠯ ᠬᠠᠷᠠᠩᠭᠤᠢᠯᠠᠬᠤ ᠰᠢᠭ᠋ ᠪᠣᠯᠤᠯᠠ᠃ ᠬᠡᠷᠡᠭᠲᠡᠨ ᠨᠥᠬᠥᠳ ᠢ᠋ ᠨᠢᠴᠦᠭᠦᠯᠡᠭᠡᠳ ᠬᠠᠷᠠᠩᠭᠤᠢ ᠨᠦᠬᠡ ᠤᠷᠤᠭᠤ ᠬᠠᠶᠠᠴᠢᠭᠳᠠᠭ᠃ ᠲᠡᠨᠳᠡ ᠨᠢ ᠮᠥᠨ ᠬᠣᠷᠢᠭᠠ ᠲᠠᠢ ᠪᠠᠢᠭᠰᠠᠨ ᠥᠯᠥᠰᠬᠦᠯᠡᠩ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ ᠨᠤᠭᠤᠳ ᠡᠰᠡᠬᠦᠯᠡ ᠦᠬᠡᠷ ᠬᠤᠯᠤᠭᠠᠨᠠ ᠨᠤᠭᠤᠳ ᠰᠢᠪᠠᠵᠤ ᠠᠪᠤᠭᠠᠳ ᠶᠠᠮᠠᠷ ᠴᠤ᠌ ᠬᠥᠮᠦᠨ ᠢ᠋ ᠨᠢᠭᠡ ᠰᠥᠨᠢ ᠶ᠋ᠢᠨ ᠳᠣᠲᠣᠷᠠ ᠪᠠᠷᠢᠵᠤ ᠢᠳᠡᠭᠡᠳ ᠵᠥᠪᠬᠡᠨ ᠠᠷᠤᠭ ᠶᠠᠰᠤ ᠶ᠋ᠢ ᠨᠢ ᠦᠯᠡᠳᠡᠭᠡᠳᠡᠭ ᠠᠶᠤᠮᠰᠢᠭᠲᠠᠢ ᠮᠠᠭᠤᠬᠠᠢ ᠲᠠᠮᠤᠯᠠᠯ ᠤ᠋ᠨ ᠲᠤᠬᠠᠢ ᠰᠡᠩᠵᠢ ᠰᠣᠨᠣᠰᠤᠭᠰᠠᠨ ᠪᠣᠯᠬᠣᠷ ᠲᠠᠷᠮᠠᠵᠠᠭᠲᠠ ᠭᠤᠸᠠᠢ ᠶ᠋ᠢ ᠲᠡᠢᠮᠦ ᠦᠬᠦᠯ ᠢ᠋ᠶ᠋ᠡᠷ ᠥᠩᠭᠡᠷᠡᠵᠡᠢ ᠭᠡᠵᠦ ᠣᠢᠯᠠᠭᠠᠭᠠᠳ ᠰᠡᠳᠬᠢᠯ ᠨᠢ ᠬᠠᠷᠠᠩᠭᠤᠢᠯᠠᠵᠠᠢ᠃ ᠲᠡᠭᠦᠨ ᠢ᠋ ᠨᠢ ᠳᠠᠭᠠᠵᠤ ᠮᠡᠳᠡᠭᠰᠡᠨ ᠶᠦᠮ ᠰᠢᠭ ᠪᠥᠭᠡᠮᠡᠩᠯᠡᠢ :
— ᠪᠤᠷᠬᠠᠨ ᠤ᠋ ᠣᠷᠣᠨ ᠭᠡᠭᠳᠡᠭᠰᠡᠨ ᠡᠨᠡ ᠯᠾᠠᠰᠠ ᠵᠣᠣ ᠳ᠋ᠤ᠌ ᠪᠤᠭ ᠤ᠋ᠨ ᠣᠷᠣᠨ᠂ ᠪᠢᠷᠢᠳ ᠦ᠋ᠨ ᠣᠷᠣᠨ ᠪᠠᠢᠳᠠᠭ ᠯᠠ ᠶᠤᠮ ᠪᠠᠢᠨᠠ ᠭᠡᠵᠦ ᠨᠡᠮᠡᠵᠦ ᠬᠡᠯᠡᠪᠡ᠃
— ᠶᠠᠭᠤ ᠭᠡᠳ ᠪᠠᠢᠨᠠ ? ᠲᠦᠷᠭᠡᠨ ᠬᠡᠯᠡᠮᠦᠷᠴᠢᠯᠡ ! ᠭᠡᠵᠦ ᠲᠦᠰᠢᠮᠡᠳ ᠲᠠᠴᠢᠭᠢᠨᠠᠨ ᠵᠠᠩᠳᠤᠷᠪᠠ ᠃ ᠰᠠᠩᠵᠢ ᠪᠥᠬᠥᠰᠬᠢᠨ ᠠᠯᠠᠭᠠ ᠬᠠᠪᠰᠤᠷᠴᠤ:
— ᠯᠠᠭᠰᠤᠤ ᠭᠡᠮᠡᠨ ᠲᠡᠷᠡ ᠴᠣᠴᠢᠷᠳᠠᠨ ᠳᠤᠤᠭᠠᠷᠤᠭᠰᠠᠨ ᠢ᠋ᠶ᠋ᠠᠨ ᠡᠨᠡ ᠬᠥᠮᠦᠨ ᠦᠬᠦᠬᠦ ᠳᠤᠷᠠ ᠦᠭᠡᠢ ᠭᠡᠨᠡ᠃ ᠱᠠᠮᠪᠠᠯ ᠤ᠋ᠨ ᠴᠡᠷᠢᠭ ᠲᠦ᠍ ᠶᠠᠪᠤᠶᠠ ᠭᠡᠵᠦ ᠪᠠᠢᠨᠠ᠂ ᠬᠥᠱᠦᠦ ! ᠭᠡᠪᠡ᠃
ᠲᠦᠰᠢᠮᠡᠳ ᠦ᠋ᠨ ᠪᠠᠷᠤᠭᠠᠷ ᠴᠢᠷᠠᠢ ᠥᠭᠡᠷᠡᠴᠢᠯᠡᠭᠳᠡᠬᠦ ᠰᠢᠭ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ :
— ᠲᠡᠭᠡᠪᠡᠯ ᠴᠢᠮᠠᠶ᠋ᠢ ᠱᠣᠷᠣᠩ ᠠ᠋ᠴᠠ ᠭᠠᠷᠭᠠᠵᠤ ᠴᠡᠷᠢᠭ ᠲᠦ᠍ ᠥᠭᠭᠦᠨᠡ᠃ ᠳ᠋ᠧᠩᠵᠡᠨ ᠦ᠌ ᠯᠠᠩᠱᠸᠠ ① ᠪᠢᠵᠡ ᠳᠡ ᠴᠢ ! ᠭᠡᠬᠦ ᠳ᠋ᠦ᠍ ᠰᠡᠠᠩᠵᠢ ᠣᠷᠴᠢᠭᠤᠯᠪᠠ᠃
— ᠳ᠋ᠧᠩᠵᠡᠨ ᠦ᠌ ᠪᠣᠭᠣᠯ ᠭᠡᠵᠦ ᠶᠠᠭᠤ ᠬᠡᠯᠡᠭᠡᠳ ᠪᠠᠢᠭᠠ ᠶᠤᠮ ᠪᠣᠢ ? ᠭᠡᠵᠦ ᠪᠥᠭᠡᠮᠡᠩᠯᠡᠢ ᠠᠰᠠᠭᠤᠯᠠ᠃ ᠲᠡᠷᠡ ᠣᠢᠯᠠᠭᠠᠬᠤ ᠦᠭᠡᠢ ᠭᠠᠢᠬᠠᠨ ᠡᠷᠡᠭᠡᠯᠵᠡᠵᠡᠢ᠃
— ᠠ ᠴᠢ ᠪᠠᠰᠠ ᠮᠡᠳᠡᠬᠦ ᠦᠭᠡᠢ ᠴᠢᠷᠠᠢ ᠭᠠᠷᠭᠠᠬᠤ ᠤᠤ ? ᠳ᠋ᠧᠩᠵᠡᠨ ᠴᠢᠮᠠᠶ᠋ᠢ ᠴᠡᠷᠢᠭ ᠲᠦ᠍ ᠥᠭᠭᠦᠭᠰᠡᠨ᠃ ᠴᠢ ᠲᠡᠭᠦᠨ ᠦ᠌ ᠯᠠᠩᠱᠸᠨ ᠮᠥᠨ᠃ ᠣᠳᠣ ᠪᠣᠯᠵᠠᠭᠠᠷᠠᠭᠤᠯᠬᠤ ᠭᠡᠪᠡᠯ ᠲᠣᠯᠣᠭᠠᠢ ᠦᠭᠡᠢ ᠯᠠ ᠪᠣᠯᠬᠤ ᠪᠠᠨ ᠪᠣᠳᠣᠪᠠᠯ ᠲᠠᠭᠠᠷᠠᠨᠠ᠃ ᠱᠣᠷᠣᠩ ᠳᠤ ᠰᠠᠭᠤᠵᠤ ᠲᠡᠵᠢᠭᠡᠯᠭᠡᠭᠰᠡᠨ ᠦ ᠴᠢᠨᠢ ᠵᠠᠷᠤᠳᠠᠯ ᠣᠳᠣ ᠴᠢᠨᠦ ᠲᠣᠯᠣᠭᠠᠢ ᠠ᠋ᠴᠠ ᠦᠨᠡ ᠲᠡᠢ ᠪᠣᠯᠴᠢᠬᠠᠭᠠᠳ ᠪᠠᠢᠨᠠ ᠭᠡᠵᠦ ᠲᠦᠰᠢᠮᠡᠯ ᠭᠢᠯᠢᠩᠨᠡᠪᠡ᠃
ᠪᠥᠭᠡᠮᠡᠩᠯᠡᠢ ᠲᠡᠷᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠬᠡᠷᠡᠭ ᠪᠢᠰᠢᠳᠡᠪᠡᠯ ᠠᠶᠠᠭᠦᠢ ᠶᠠᠭᠤᠮᠠ ᠪᠣᠯᠵᠤ ᠮᠠᠭᠠᠳ ᠦᠭᠡᠢ ᠭᠡᠳᠡᠭ ᠢ᠋ ᠤᠬᠠᠭᠠᠷᠠᠵᠠᠢ᠃
— ᠳ᠋ᠧᠩᠵᠡᠨ ᠴᠦ᠍ ᠪᠠᠢᠨᠠ ᠤᠤ ᠂ ᠮᠧᠩᠵᠡᠨ ᠴᠦ᠍ ᠪᠠᠢᠨᠠ ᠤᠤ ᠂ ᠢᠯᠭᠠᠭᠠ ᠠᠯᠠᠭᠠ ᠴᠡᠷᠢᠭ ᠲᠡᠭᠡᠨ ᠯᠡ ᠠᠪᠤᠨᠠ ᠪᠢᠵᠡ᠂ ᠴᠡᠷᠢᠭ ᠪᠣᠯᠵᠤ ᠪᠠᠢᠭᠠᠳ ᠤᠴᠢᠷ ᠢᠶᠡᠨ ᠤᠯᠤᠶᠠ ᠭᠡᠵᠦ ᠲᠡᠷᠡ ᠬᠡᠯᠡᠪᠡ᠃
— ᠲᠡᠷᠡ ᠨᠢ ᠳᠡᠭᠡᠷᠡ ᠳᠡ᠃ ᠣᠳᠣ ᠴᠢ ᠲᠡᠭᠡᠪᠡᠯ ᠡᠨᠡ ᠪᠢᠴᠢᠭ ᠲᠦ᠍ ᠭᠠᠷ ᠤ᠋ᠨ ᠢ᠋ᠶ᠋ᠠᠨ ᠮᠥᠷ ᠦᠯᠡᠳᠡᠭᠡ ! ᠭᠡᠵᠦ ᠲᠦᠰᠢᠮᠡᠯ ᠵᠠᠩᠳᠤᠷᠬᠤ ᠮᠠᠶᠢᠭ ᠢ᠋ᠶ᠋ᠠᠷ ᠬᠡᠯᠡᠭᠡᠳ ᠳᠠᠢᠯᠢᠶᠠᠨ ᠴᠠᠭᠠᠰᠤᠨ ᠳᠡᠭᠡᠷᠡ ᠪᠢᠴᠢᠭᠰᠡᠨ ᠬᠡᠳᠦᠨ ᠦᠰᠦᠭ ᠤᠷᠤᠭᠤ ᠵᠢᠭᠠᠯᠠ᠃ ᠲᠡᠷᠡ ᠳᠠᠷᠤᠢ ᠥᠭᠡᠷᠡ ᠨᠢᠭᠡᠨ ᠬᠥᠮᠤᠨ ᠪᠡᠭᠡ ᠲᠡᠢ ᠶᠠᠨᠳᠡᠢ ᠳ᠋ᠦ᠍ ᠪᠥᠭᠡᠮᠡᠩᠯᠡᠢ ᠶ᠋ᠢᠨ ᠡᠷᠡᠬᠡᠢ ᠬᠤᠷᠤᠭᠤ ᠶ᠋ᠢ ᠨᠠᠭᠠᠯᠳᠤᠭᠤᠯᠪᠠ᠂ ᠴᠠᠭᠠᠰᠤᠨ ᠳᠡᠭᠡᠷᠡ ᠡᠷᠡᠬᠡᠢ ᠬᠤᠷᠤᠭᠤᠨ ᠤ᠋ ᠮᠥᠷ ᠢ᠋ ᠫᠠᠯᠠᠢᠲᠠᠯᠠ ᠭᠠᠷᠭᠠᠮᠠᠭᠴᠠ ᠪᠥᠭᠡᠮᠡᠩᠯᠠᠢ ᠶ᠋ᠢᠨ ᠬᠥᠯ ᠦ᠋ᠨ ᠭᠢᠨᠵᠢ᠂ ᠬᠦᠵᠦᠭᠦᠨ ᠦ᠌ ᠳᠥᠩᠭᠡ ᠶ᠋ᠢ ᠠᠪᠴᠤ ᠬᠠᠶᠠᠭᠠᠳ ᠵᠥᠪᠬᠡᠨ ᠭᠠᠷ ᠤ᠋ᠨ ᠭᠠᠪᠠ ᠶ᠋ᠢ ᠦᠯᠡᠳᠡᠭᠡᠯᠡ᠃
— ᠴᠡᠷᠢᠭ ᠤᠨ ᠨᠣᠶᠠᠨ ᠬᠠᠮᠢᠭ ᠠ ᠪᠠᠢᠨ ᠠ ᠭᠡᠪᠡ᠃ ᠲᠦᠰᠢᠮᠡᠯ ᠢᠷᠪᠡᠯᠵᠠᠨ ᠪᠣᠰᠣᠭᠠᠳ ᠲᠡᠯᠦ ᠮᠥ᠋ᠷᠦ ᠪᠡᠨ ᠬᠠᠪᠴᠢᠰᠬᠢᠨ ᠰᠤᠨᠢᠶᠠᠭᠰᠠᠨ ᠢ᠋ᠶ᠋ᠠᠨ:
— ᠵᠠ ᠲᠡᠭᠡᠪᠡᠯ᠂ ᠠᠳᠠ ᠲᠦᠷ ᠬᠦᠯᠢᠶᠡᠵᠦ ᠪᠠᠢ !᠂ ᠡᠭᠦᠨ ᠳ᠋ᠦ᠍ ᠵᠠᠮᠪᠠᠭᠠ ᠥᠭᠭᠦᠬᠦᠯ ! ᠭᠡᠵᠦ ᠬᠡᠯᠡᠭᠡᠳ ᠭᠠᠷᠴᠤ ᠶᠠᠪᠤᠬᠤ ᠪᠠᠷ ᠵᠠᠪᠳᠤᠨ ᠡᠭᠦᠳᠡ ᠤᠷᠤᠭᠤ ᠶᠠᠭᠠᠷᠠᠨ ᠠᠯᠬᠤᠪᠠ᠃
ᠬᠣᠶᠠᠷ ᠬᠤᠶᠠᠭ《ᠯᠠᠭᠰᠤᠤ》ᠭᠡᠵᠦ ᠪᠥᠬᠥᠯᠵᠡᠪᠡ᠃ ᠲᠡᠭᠡᠭᠡᠳ ᠠᠯᠠᠭᠠ ᠪᠠᠨ ᠬᠠᠪᠰᠤᠷᠤᠨ ᠲᠠᠰᠢᠬᠤ ᠳ᠋ᠤ᠌ ᠭᠠᠳᠠᠨᠠ ᠠ᠋ᠴᠠ ᠵᠠᠷᠤᠴᠠ ᠣᠷᠣᠵᠤ ᠢᠷᠡᠭᠡᠳ ᠪᠥᠭᠥᠰᠬᠢᠯᠡ᠃
— ᠡᠭᠦᠨ ᠳ᠋ᠦ᠍ ᠤᠰᠤ ᠪᠠᠷ ᠵᠢᠭᠤᠷᠠᠭᠰᠠᠨ ᠵᠠᠮᠪᠠᠭᠠ ᠠᠪᠴᠢᠷᠠᠵᠤ ᠥᠭ ! ᠭᠡᠪᠡ᠃ ᠲᠡᠷᠡᠬᠡᠨ ᠮᠥᠴᠡ ᠶ᠋ᠢ ᠠᠰᠢᠭᠯᠠᠭᠠᠳ ᠪᠥᠭᠡᠮᠡᠩᠯᠠᠢ ᠰᠠᠩᠵᠢ ᠲᠠᠢ ᠦᠭᠡ ᠰᠣᠯᠢᠬᠤ ᠶ᠋ᠢ ᠵᠠᠪᠳᠤᠵᠠᠢ᠃
— ᠣᠳᠬᠤᠨ ᠤ ᠰᠤᠷᠠᠭ ᠪᠠᠢᠨᠠ ᠤᠤ ? ᠭᠡᠵᠦ ᠲᠡᠷᠡ ᠶᠠᠭᠠᠷᠠᠨ ᠠᠰᠠᠭᠤᠯᠠ᠃
— ᠣᠳᠬᠤᠨ ᠡᠭᠡᠴᠢ ᠮᠡᠨᠳᠦ ᠪᠠᠢᠨᠠ᠃ ᠲᠠᠨ ᠢ᠋ ᠣᠯᠵᠠᠯᠠᠭᠳᠠᠭᠰᠠᠨ ᠤ᠋ ᠳᠠᠷᠠᠭᠠ ᠰᠠᠩᠳᠠ ᠮᠡᠩᠳᠡ ᠶᠠᠪᠤᠵᠤ ᠯᠾᠠᠰᠠ ᠳᠤ ᠢᠷᠡᠭᠰᠡᠨ᠃ ᠲᠡᠭᠡᠭᠡᠳ ᠪᠡᠷᠢᠮᠦᠭ ᠡᠮᠡᠭᠡᠨ ᠦ᠌ ᠳ᠋ᠦ᠍ ᠪᠠᠢᠵᠤ ᠲᠠᠨ ᠤ᠋ ᠰᠤᠷᠠᠭ ᠢ ᠭᠠᠷᠭᠠᠵᠤ ᠶᠠᠳᠠᠭᠠᠳ ᠣᠯᠠᠨ ᠬᠠᠭᠠᠯᠭᠠᠲᠤ ᠰᠦᠮᠡ ᠤᠷᠤᠭᠤ ᠶᠠᠪᠤᠭᠰᠠᠨ᠃ ᠪᠢ ᠭᠠᠵᠠᠷᠴᠢᠯᠠᠵᠤ ᠦᠭᠭᠦᠭᠰᠡᠨ᠃ ᠲᠡᠨᠳᠡ ᠣᠴᠢᠵᠤ ᠮᠥᠷᠭᠥᠯ ᠬᠢᠭᠡᠳ ᠢᠷᠡᠭᠰᠡᠨ᠃ ᠣᠳᠣ ᠪᠡᠷᠢᠮᠦᠭ ᠡᠮᠡᠭᠡᠨ ᠦ᠌ ᠳ᠋ᠦ᠍ ᠪᠠᠢᠭᠠ᠃ ᠤᠳᠠᠬᠤ ᠦᠭᠡᠢ ᠨᠤᠲᠤᠭ ᠪᠤᠴᠠᠬᠤ ᠰᠠᠨᠠᠭᠠ ᠲᠠᠢ ᠶᠤᠮ ᠭᠡᠨᠡ ᠭᠡᠵᠦ ᠰᠠᠩᠵᠢ ᠶᠠᠷᠢᠬᠤ ᠳᠦ:
— ᠠᠱᠢᠭᠦᠢ ᠶᠠᠭᠤᠨ ᠰᠠᠢᠨ ᠶᠤᠮ ᠪᠣᠢ ? ᠣᠯᠠᠨ ᠬᠠᠭᠠᠯᠭᠠᠲᠤ ᠰᠦᠮᠡ ᠣᠷᠣᠭᠰᠠᠨ ᠤᠤ ? ᠪᠠᠰᠠ ᠃ ᠵᠠ ᠪᠣᠯᠵᠢ ᠳᠠ ᠃ ᠪᠢ ᠡᠳᠡᠨ ᠦ ᠭᠠᠷ ᠲᠤ᠌ ᠣᠷᠣᠭᠠᠳ ᠯᠾᠠᠰᠠ ᠶ᠋ᠢᠨ ᠱᠣᠷᠣᠩ ᠳ᠋ᠤ᠌ ᠲᠠᠮᠤ ᠪᠠᠨ ᠦᠵᠡᠯᠡ! ᠣᠳᠣ ᠡᠳᠡᠨ ᠤ ᠴᠡᠷᠢᠭ ᠲᠦ᠍ ᠳᠠᠢᠴᠢᠯᠠᠭᠳᠠᠯᠠ᠃ ᠵᠠ ᠭᠠᠢᠭᠤᠢ ᠴᠡᠷᠢᠭ ᠦ᠋ᠨ ᠬᠤᠸᠠᠷᠠᠨ ᠠ᠋ᠴᠠ ᠤᠷᠭᠤᠨᠠ᠃ ᠬᠣᠢᠨᠠ ᠠ᠋ᠴᠠ ᠴᠢᠨᠢ ᠭᠦᠢᠴᠡᠭᠡᠳ ᠣᠴᠢᠨᠠ᠃ ᠨᠤᠲᠤᠭ ᠤᠷᠤᠭᠤ ᠪᠠᠨ ᠵᠦᠭᠯᠡᠭᠡᠳ ᠠᠶᠠᠨᠴᠢᠨ ᠳᠠᠭᠠᠭᠠᠳ ᠪᠤᠴᠠᠵᠤ ᠪᠠᠢ ᠭᠡᠵᠦ ᠣᠤᠬᠠᠳ ᠳᠤ ᠬᠡᠯᠡᠭᠡᠷᠡᠢ ᠭᠡᠮᠡᠨ ᠪᠥᠭᠡᠮᠡᠩᠯᠠᠢ ᠶᠠᠭᠠᠷᠠᠨ ᠶᠠᠷᠢᠵᠤ ᠪᠠᠢᠲᠠᠯᠠ ᠭᠠᠳᠠᠨᠠ ᠠ᠋ᠴᠠ ᠵᠠᠷᠤᠴᠠ ᠣᠷᠣᠵᠤ ᠢᠷᠡᠭᠡᠳ ᠤᠰᠤᠨ ᠳ᠋ᠤ᠌ ᠵᠢᠭᠤᠷᠠᠭᠰᠠᠨ ᠵᠠᠮᠪᠠᠭᠠ ᠶ᠋ᠢᠨ ᠵᠣᠩᠬᠤᠤ ᠥᠭᠪᠡ᠃
— ᠨᠠᠭᠠᠳᠤᠬᠢ ᠪᠠᠨ ᠢᠳᠡᠵᠦ ᠪᠠᠢ ! ᠭᠡᠵᠦ ᠬᠤᠶᠠᠭ ᠲᠤᠰᠢᠶᠠᠪᠠ᠃
— ᠵᠣᠩᠬᠤᠤ ᠴᠤ᠌ ᠶᠠᠭᠠᠬᠢᠬᠤ ᠪᠣᠢ᠃ ᠴᠢᠮᠠ ᠲᠠᠢ ᠠᠭᠤᠯᠴᠠᠭᠰᠠᠨ ᠮᠢᠨᠢ ᠠᠵᠠ ᠪᠣᠯᠣᠯᠠ᠃ ᠶᠡᠷᠦ ᠨᠢ ᠯᠾᠠᠰᠠ ᠬᠡᠳᠡᠭ ᠴᠢᠨᠢ ᠪᠤᠭ ᠴᠢᠳᠬᠥᠷ ᠦ᠋ᠨ ᠣᠷᠣᠨ ᠶᠤᠮ ᠳᠠ᠃ ᠱᠣᠷᠣᠩ ᠳ᠋ᠤᠨᠢ ᠲᠦᠮᠡᠨ ᠮᠠᠭᠤᠬᠠᠢ ᠶᠠᠭᠤᠮᠠ ᠦᠵᠠᠯᠠ᠃ ᠲᠠᠷᠮᠠᠵᠠᠭᠲᠠ ᠭᠤᠸᠠᠢ ᠬᠡᠳᠦ ᠭᠤᠷᠪᠠᠨ ᠬᠠᠷᠢᠶᠠᠯ ᠤ᠋ᠨ ᠦᠭᠡ ᠶ᠋ᠢ ᠲᠥᠪᠡᠳ ᠢ᠋ᠶ᠋ᠡᠷ ᠰᠤᠷᠤᠭᠰᠠᠨ ᠶᠤᠮ ᠪᠠᠢᠵᠠᠢ᠃ ᠲᠡᠭᠦᠨ ᠢ᠋ ᠪᠡᠨ ᠡᠳᠡᠨ ᠳ᠋ᠦ᠍ ᠬᠡᠯᠡᠴᠢᠬᠡᠭᠰᠡᠨ ᠡᠴᠡ ᠪᠣᠯᠵᠤ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠯᠠ᠃ ᠥᠯᠥᠰᠬᠦᠯᠡᠩ ᠬᠢᠯᠢᠨᠴᠡᠲᠦ ᠬᠣᠷᠣᠬᠠᠢ᠂ ᠦᠬᠡᠷ ᠬᠤᠯᠤᠭᠠᠨᠠ ᠳᠦ ᠠᠮᠢᠳᠤ ᠪᠠᠷ ᠨᠢ ᠬᠠᠶᠠᠵᠤ ᠥᠭᠭᠦᠭᠰᠡᠨ᠃ ᠲᠡᠭᠡᠬᠦ ᠶᠢᠨ ᠢᠶᠡᠨ ᠡᠮᠦᠨᠡ ᠵᠥᠩᠳᠡᠭᠡᠨ ᠳᠠᠷᠴᠢᠯᠠᠭᠠᠭᠰᠠᠨ᠃ ᠳᠠᠪᠤᠰᠤᠲᠠᠢ ᠤᠰᠤᠨ ᠳ᠋ᠤ᠌ ᠲᠥᠷᠥᠭᠰᠡᠨ ᠰᠠᠪᠠᠭᠠ ᠪᠠᠷ ᠬᠡᠴᠢᠨᠡᠨ ᠴᠦ᠍ ᠣᠯᠠᠨ ᠤᠳᠠᠭᠠ ᠰᠠᠪᠠᠪᠠ᠃ ᠮᠢᠨᠦ ᠠᠷᠠᠰᠤ ᠴᠤ᠌ ᠨᠠᠯᠢᠶᠠᠨ ᠲᠡᠰᠦᠭᠰᠡᠨ᠃ ᠬᠢᠮᠤᠰᠤᠨ ᠤ᠋ ᠵᠠᠪᠰᠠᠷ ᠢ᠋ᠶ᠋ᠠᠷ ᠬᠤᠯᠤᠰᠤ ᠰᠢᠭᠠᠵᠤ ᠲᠡᠮᠤᠯᠠᠭᠰᠠᠨ᠃ ᠲᠡᠷᠮᠡ ᠭᠤᠸᠠᠢ ᠬᠠᠷᠢᠶᠠᠯ ᠬᠡᠯᠡᠬᠦ ᠪᠦᠷᠢ ᠳ᠋ᠡᠭᠡᠨ ᠣᠯᠠᠮ ᠠᠢᠬᠤᠪᠲᠤᠷ ᠵᠣᠪᠡᠯᠠᠭ᠌ ᠲᠤ᠌ ᠤᠴᠠᠷᠠᠵᠤ ᠠᠪᠬᠤ ᠶᠠᠭᠤᠮᠠ ᠦᠭᠡᠢ ᠪᠣᠯᠲᠠᠯᠠ ᠪᠠᠨ ᠵᠡᠷᠡᠮᠳᠡᠭᠯᠡᠭᠦᠯᠦᠭᠰᠡᠨ᠂ ᠮᠠᠬᠢᠷ ᠬᠢᠲᠤᠭᠠ ᠪᠠᠷ ᠬᠠᠮᠠᠷ ᠤ᠋ᠨ ᠨᠢ ᠦᠵᠦᠭᠦᠷ ᠢ᠋ ᠠᠪᠴᠤ ᠬᠠᠶᠠᠭᠰᠠᠨ᠂ ᠳᠠᠷᠠᠭᠠ ᠨᠢ ᠬᠣᠶᠠᠷ ᠬᠥᠮᠦᠨ ᠳᠠᠮᠵᠢᠯᠠᠨ ᠳᠠᠭᠠᠭᠠᠲᠠᠭ ᠲᠡᠢᠮᠦ ᠲᠣᠮᠣ ᠴᠢᠯᠠᠭᠤᠨ ᠮᠠᠯᠠᠭᠠᠢ ᠰᠢᠭ᠋ ᠶᠠᠭᠤᠮᠠ ᠡᠮᠦᠰᠦᠭᠦᠯᠵᠦ ᠪᠠᠢᠭᠠᠳ ᠠᠯᠤᠬᠠ ᠪᠠᠷ ᠣᠷᠣᠢ ᠤᠷᠤᠭᠤ ᠨᠢ ᠴᠣᠬᠢᠬᠤ ᠳ᠋ᠤ᠌ ᠬᠣᠶᠠᠷ ᠨᠢᠳᠦ ᠨᠢ ᠪᠦᠯᠲᠡᠷᠡᠭᠰᠡᠨ᠃ ᠲᠡᠭᠦᠨ ᠢ᠋ ᠬᠠᠯᠪᠠᠭᠠ ᠰᠢᠭ᠋ ᠬᠢᠲᠤᠭᠠ ᠪᠠᠷ ᠣᠭᠲᠣᠯᠤᠨ ᠠᠪᠴᠤ ᠡᠯᠢᠶᠡᠨ ᠦ᠌ ᠬᠣᠭᠣᠯᠠ ᠪᠣᠯᠭᠠᠨ ᠰᠢᠳᠡᠭᠰᠡᠨ᠃ ᠡᠨᠡ ᠪᠥᠬᠥᠨ ᠢ ᠪᠢ ᠬᠠᠷᠠᠭᠰᠠᠨ᠃ ᠬᠡᠪᠠᠴᠦ ᠭᠠᠪᠠ ᠳᠥᠩᠭᠡ ᠲᠡᠢ ᠳ᠋ᠡᠭᠡᠨ ᠶᠠᠭᠠᠬᠢᠵᠤ ᠴᠤ᠌ ᠴᠢᠳᠠᠭᠰᠠᠨ ᠦᠭᠡᠢ᠃ ᠬᠣᠶᠠᠷ ᠨᠢᠳᠦ ᠪᠡᠨ ᠠᠪᠬᠠᠭᠯᠤᠭᠰᠠᠨ ᠠ᠋ᠴᠠ ᠬᠣᠢᠰᠢ ᠲᠡᠷᠮᠡ ᠭᠤᠸᠠᠢ ᠲᠤᠩ ᠶᠡᠬᠡ ᠬᠢᠯᠢᠩᠨᠡᠵᠦ ᠡᠳᠡᠨ ᠢ᠋ ᠡᠯᠳᠡᠪ ᠢ᠋ᠶ᠋ᠡᠷ ᠬᠠᠷᠢᠶᠠᠨ ᠵᠥᠭᠡᠭᠰᠡᠨ᠂ ᠪᠢ ᠴᠦ᠍ ᠪᠠᠰᠠ ᠲᠡᠷᠡ ᠮᠡᠲᠦ ᠬᠠᠷᠢᠶᠠᠵᠤ ᠪᠠᠢᠯᠠ᠃ ᠳᠠᠩᠴᠢ ᠬᠡᠯᠡ ᠮᠡᠳᠡᠬᠦ ᠦᠭᠡᠢ ᠪᠣᠯᠬᠣᠷ ᠥᠢᠯᠠᠭᠠᠭᠠ ᠦᠭᠡᠢ ᠪᠢᠵᠡ᠂ ᠬᠠᠷᠢᠨ ᠲᠡᠷᠮᠡ ᠭᠤᠸᠠᠢ ᠣᠢᠷᠠ ᠵᠠᠭᠤᠷᠠ ᠶ᠋ᠢᠨ ᠶᠠᠭᠤᠮᠠ ᠲᠥᠪᠡᠳ ᠢᠶᠡᠷ ᠶᠠᠷᠢᠳᠠᠭ ᠤᠨ ᠢᠶᠠᠨ ᠭᠠᠢ ᠪᠠᠷ ᠯᠠ ᠡᠳᠡᠨ ᠢ ᠭᠠᠯᠵᠠᠭᠤᠷᠠᠭᠤᠯᠤᠨ ᠪᠠᠢᠵᠤ ᠬᠠᠢᠷᠠ ᠶ᠋ᠢᠨ ᠠᠮᠢ ᠪᠠᠨ ᠠᠯᠳᠠᠯᠠ᠃ ᠡᠳᠡᠨ ᠦ᠌ ᠭᠠᠷ ᠠ᠋ᠴᠠ ᠶᠠᠭᠠᠬᠢᠵᠤ ᠡᠢᠭᠡᠳ ᠭᠠᠷᠪᠠᠯ ᠲᠡᠷᠮᠡ ᠭᠤᠸᠠᠢ ᠶ᠋ᠢᠨ ᠥᠰᠢᠶᠡ ᠶ᠋ᠢ ᠵᠠᠪᠠᠯ ᠠᠪᠤᠨᠠ᠃ ᠲᠥᠪᠡᠳ ᠦ᠋ᠨ ᠠᠭᠤᠯᠠᠨ ᠳ᠋ᠤ᠌ ᠭᠠᠷᠴᠤ ᠳᠡᠭᠡᠷᠡᠮᠴᠢᠨ ᠪᠣᠯᠤᠨᠠ ᠭᠡᠵᠦ ᠪᠥᠭᠡᠮᠡᠩᠯᠡᠢ ᠠᠭᠤᠷ ᠬᠢᠯᠢᠩ ᠢ᠋ᠶ᠋ᠡᠨ ᠨᠢᠭᠤᠵᠤ ᠶᠠᠳᠠᠨ ᠰᠡᠩᠵᠢ ᠳ᠋ᠦ᠍ ᠬᠡᠯᠡᠯᠡ᠃ ᠳᠡᠷᠡᠨ ᠦ᠌ ᠨᠢᠳᠦ ᠡᠷᠡᠰ ᠰᠢᠳᠮᠡᠭᠡᠢ ᠶ᠋ᠢ ᠢᠯᠡᠳᠬᠡᠨᠡ᠃
ᠲᠡᠷᠡ ᠮᠥᠴᠡ ᠳ᠋ᠦ᠍ ᠬᠠᠭᠠᠯᠠᠨᠠ ᠨᠡᠬᠡᠭᠳᠡᠨ ᠴᠡᠷᠢᠭ ᠦ᠋ᠨ ᠨᠣᠶᠠᠨ ᠣᠷᠣᠵᠤ ᠢᠷᠡᠯᠡ᠃ ᠬᠤᠶᠠᠭ ᠨᠤᠭᠤᠳ ᠪᠥᠬᠥᠯᠵᠡᠵᠦ ᠪᠥᠭᠡᠮᠡᠩᠯᠡᠢ ᠶ᠋ᠢᠨ ᠵᠦᠭ ᠵᠡᠷᠭᠡ ᠵᠡᠷᠭᠡ ᠵᠢᠭᠠᠵᠤ:
— ᠠᠪᠬᠤ ᠬᠥᠮᠦᠨ ᠴᠢᠨᠢ ᠲᠡᠷᠡ ᠪᠠᠢᠨᠠ᠂ ᠬᠥᠱᠦᠦ ! ᠭᠡᠵᠦ ᠪᠥᠭᠡᠮᠡᠩᠯᠡᠢ ᠶ᠋ᠢ ᠵᠢᠭᠠᠯᠠ᠃
— ᠠᠪᠤᠭᠠᠳ ᠶᠠᠪᠤ ! ᠭᠡᠵᠦ ᠴᠡᠷᠢᠭ ᠦ᠋ᠨ ᠨᠣᠶᠠᠨ ᠥᠪᠡᠷ ᠢ᠋ ᠪᠡᠨ ᠳᠠᠭᠠᠵᠤ ᠢᠷᠡᠭᠰᠡᠨ ᠬᠣᠶᠠᠷ ᠬᠥᠮᠦᠨ ᠳ᠋ᠦ᠍ ᠲᠤᠰᠢᠶᠠᠯᠠ᠃ ᠲᠡᠷᠡ ᠬᠣᠶᠠᠷ ᠰᠠᠯᠪᠠᠭᠠᠨᠠᠨ ᠶᠠᠭᠠᠷᠠᠭᠤᠯᠤᠯᠠ᠃
— ᠲᠡᠭᠦᠦ ᠮᠢᠨᠢ᠂ ᠠᠬᠠ ᠪᠠᠨ ᠢᠩᠭᠢᠭᠡᠳ ᠶᠠᠪᠤᠯᠠ ᠭᠡᠵᠦ ᠣᠳᠬᠤᠨ ᠳᠤ ᠬᠡᠯᠡᠭᠡᠷᠡᠢ ᠭᠡᠳ ᠪᠥᠭᠡᠮᠡᠩᠯᠡᠢ ᠨᠥᠭᠥᠭᠡᠬᠢ ᠬᠥᠮᠦᠰ ᠦ᠋ᠨ ᠬᠦᠴᠦᠨ ᠳ᠋ᠦ᠍ ᠠᠪᠲᠠᠭᠳᠠᠨ ᠭᠠᠳᠠᠭᠰᠢ ᠭᠠᠷᠤᠯᠠ᠃ ᠰᠠᠩᠵᠢ ᠳᠠᠭᠠᠯᠳᠤᠨ ᠭᠠᠷᠪᠠ᠃ ᠪᠥᠭᠡᠮ ᠭᠠᠰᠢᠭᠤᠳᠠᠯ ᠳ᠋ᠤ᠌ ᠡᠵᠡᠯᠡᠭᠳᠠᠵᠠᠢ᠃
ᠤᠷᠠᠩᠬᠠᠢ ᠂ ᠰᠠᠯᠪᠠᠷᠬᠠᠢ ᠬᠤᠪᠴᠠᠰᠤ ᠲᠠᠢ ᠭᠬᠢᠷ ᠲᠠᠭ ᠪᠣᠯᠤᠭᠰᠠᠨ᠂ ᠬᠠᠲᠠᠩᠭᠢᠷ ᠲᠤᠷᠠᠩᠬᠠᠢ ᠬᠡᠳᠦᠨ ᠬᠥᠮᠦᠨ ᠢ᠋ ᠬᠤᠶᠠᠭ ᠤ᠋ᠳ ᠬᠦᠷᠢᠶᠡᠯᠡᠨ ᠵᠣᠭᠰᠤᠵᠤ ᠪᠠᠢᠭᠰᠠᠨ ᠲᠠᠢ ᠪᠥᠭᠡᠮᠡᠩᠯᠡᠢ ᠶ᠋ᠢ ᠨᠡᠢᠯᠡᠭᠦᠯᠦᠭᠡᠳ ᠲᠠᠭᠤᠵᠤ ᠣᠳᠤᠯᠠ᠃ ᠪᠥᠭᠡᠮᠡᠩᠯᠠᠢ ᠰᠡᠩᠵᠢ ᠳ᠋ᠦ᠍ ᠬᠠᠨᠳᠤᠵᠤ :
— ᠵᠠ ᠳᠡᠭᠦᠦ ᠮᠢᠨᠢ᠂ ᠡᠨᠡ ᠪᠤᠷᠬᠠᠨ ᠤ ᠣᠷᠣᠨ ᠭᠡᠭᠳᠡᠭᠰᠡᠨ ᠯᠾᠠᠰᠠ ᠳ᠋ᠤ᠌ ᠴᠢᠨᠢ ᠪᠢᠷᠢᠳ᠂ ᠲᠠᠮᠤ ᠶ᠋ᠢᠨ ᠣᠷᠣᠨ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠰᠢᠦ᠃ ᠰᠠᠢᠨ ᠰᠠᠨᠠᠵᠤ ᠶᠠᠪᠤᠭᠠᠷᠠᠢ ! ᠭᠡᠵᠦ ᠬᠠᠰᠬᠢᠷᠤᠨᠠ᠃
ᠭᠠᠷ ᠲᠠᠭᠠᠨ ᠭᠠᠪᠠ ᠲᠠᠢ᠂ ᠵᠠᠷᠢᠮ ᠨᠢ ᠬᠦᠵᠦᠭᠦᠨ ᠳ᠋ᠡᠭᠡᠨ ᠳᠥᠩᠭᠡ ᠲᠡᠢ᠂ ᠰᠠᠭᠰᠠᠢᠭᠰᠠᠨ ᠦᠰᠦ ᠰᠠᠬᠠᠯ ᠲᠠᠢ ᠲᠡᠷᠡ ᠬᠡᠳᠦᠨ ᠬᠥᠮᠦᠨ ᠯᠾᠠᠰᠠ ᠶ᠋ᠢᠨ ᠴᠢᠯᠠᠭᠤᠨ ᠳᠡᠪᠢᠰᠬᠡᠷᠲᠦ ᠭᠤᠳᠤᠮᠵᠢ ᠪᠠᠷ ᠲᠡᠮᠦᠷ ᠭᠠᠪᠠ ᠪᠠᠨ ᠬᠠᠩᠭᠢᠨᠠᠭᠤᠯᠤᠭᠰᠠᠭᠠᠷ ᠶᠠᠪᠤᠵᠤ ᠪᠠᠢᠬᠤ ᠳ᠋ᠤ᠌ ᠬᠥᠮᠦᠰ ᠲᠡᠳᠡᠨ ᠢ᠋ ᠥᠴᠥᠭᠡᠨ ᠴᠤ᠌ ᠲᠣᠭᠣᠵᠤ ᠠᠩᠬᠠᠷᠤᠭᠰᠠᠨ ᠦᠭᠡᠢ᠃ ᠤᠴᠢᠷ ᠨᠢ ᠲᠡᠢᠮᠦ ᠶᠠᠪᠤᠳᠠᠯ ᠪᠠᠷᠤᠭ ᠯᠠ ᠡᠳᠦᠷ ᠪᠦᠷᠢ ᠲ᠋ᠣᠬᠢᠶᠠᠵᠤ ᠪᠠᠢᠳᠠᠭ ᠲᠤᠯᠠ ᠲᠦᠵᠢᠷᠡᠨ ᠲᠠᠰᠤᠵᠠᠢ᠃
ᠰᠠᠩᠵᠢ ᠲᠡᠳᠡᠨ ᠦ᠌ ᠬᠣᠢᠨᠠ ᠠ᠋ᠴᠠ ᠭᠤᠨᠢᠭᠲᠠᠶᠠ ᠬᠡᠯᠲᠦᠷᠢᠵᠦ ᠶᠠᠪᠤᠯᠠ᠃ ᠡᠯᠳᠡᠪ ᠦ᠋ᠨ ᠶᠠᠭᠤᠮᠠ ᠰᠡᠳᠬᠢᠯ ᠳ᠋ᠦ᠍ᠨᠢ ᠣᠷᠣᠵᠤ ᠬᠢᠮᠤᠷᠠᠯᠳᠤᠵᠠᠢ᠂ 《ᠶᠠᠭᠠᠬᠢᠯᠠ ᠭᠡᠵᠦ ᠲᠡᠷᠮᠡ ᠭᠤᠸᠠᠢ ᠡᠨᠡ ᠬᠣᠶᠠᠷ ᠢ ᠪᠠᠷᠢᠵᠤ ᠲᠠᠮᠤᠯᠠᠭᠠᠳ ᠪᠦᠷ ᠠᠮᠢ ᠨᠠᠰᠤᠨ ᠳ᠋ᠤᠨᠢ ᠬᠦᠷᠦᠭᠰᠡᠨ ᠬᠡᠷᠡᠭ ᠪᠣᠢ᠂ ᠬᠠᠷᠢ ᠶ᠋ᠢᠨ ᠡᠨᠡ ᠨᠤᠲᠤᠭ ᠲᠤ ᠲᠡᠳᠡᠨ ᠢ᠋ ᠬᠡᠨ ᠦᠷᠦ ᠡᠪᠡᠳᠴᠦ᠂ ᠥᠮᠥᠭᠡᠷᠡᠬᠦ ᠴᠦ᠍ ᠶᠦᠮ ᠪᠢᠯᠡ ᠳᠠ ? ᠣᠳᠣ ᠲᠡᠭᠡᠭᠡᠳ ᠪᠥᠬᠡᠮᠠᠩᠯᠠᠢ ᠭᠤᠸᠠᠢ ᠶᠢ ᠶᠠᠭᠤᠨ ᠴᠡᠷᠢᠭ ᠲᠦ᠍ ᠠᠪᠴᠤ ᠶᠠᠪᠤᠭᠠ ᠶᠤᠮ ᠪᠣᠯ ? ᠱᠠᠮᠪᠠᠯ ᠤ᠋ᠨ ᠴᠡᠷᠢᠭ ᠲᠦ᠍ ᠶᠠᠪᠤᠨᠠ ᠭᠡᠰᠡᠨ ᠪᠠᠢᠬᠠ ᠠ᠋》 ᠭᠡᠵᠦ ᠰᠠᠩᠵᠢ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠯᠠ᠃