ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ 11 > Хөх зул – Боржигон Ванжал –" Хоёр ᠂ Төрөл садны дуудлагын бүлэг " 11
323ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ – 11
ᠰᠠᠳᠤᠨ ᠢᠶᠠᠷ ᠦᠵᠡᠬᠦ ᠣᠢᠷᠠ ᠲᠥᠷᠥᠯ ᠦᠨ ᠬᠣᠭᠣᠷᠣᠨᠳᠤᠬᠢ ᠳᠠᠭᠤᠳᠠᠯᠭᠠ Садангаар үзэх ойр төрлийн хоорондох дуудлага
ᠬᠣᠢᠲᠤ ᠠᠪᠤ
ᠡᠴᠢᠭᠡ ᠦᠬᠦᠭᠰᠡᠨ ᠪᠤᠶᠤ ᠤᠷᠤᠭ ᠰᠠᠯᠤᠭᠰᠠᠨ ᠬᠣᠢᠨᠠ ᠡᠬᠡ ᠶ᠋ᠢᠨ ᠳᠠᠬᠢᠨ ᠤᠷᠤᠭᠯᠠᠭᠰᠠᠨ ᠡᠷᠡ ᠶ᠋ᠢ ᠬᠣᠢᠲᠤ ᠠᠪᠤ ᠭᠡᠨᠡ᠃
ᠬᠣᠢᠲᠤ ᠡᠬᠡ
ᠡᠬᠡ ᠦᠬᠦᠭᠰᠡᠨ ᠪᠤᠶᠤ ᠤᠷᠤᠭ ᠰᠠᠯᠤᠭᠰᠠᠨ ᠬᠣᠢᠨᠠ᠂ ᠡᠴᠢᠭᠡ ᠶ᠋ᠢᠨ ᠳᠠᠬᠢᠨ ᠤᠷᠤᠭᠯᠠᠭᠰᠠᠨ ᠡᠮᠡ ᠶ᠋ᠢ ᠬᠣᠢᠲᠤ ᠡᠬᠡ ᠭᠡᠨᠡ᠃
ᠲᠡᠵᠢᠭᠡᠭᠰᠡᠨ ᠡᠴᠢᠭᠡ
ᠪᠡᠶᠡ ᠶ᠋ᠢ ᠭᠡᠷ ᠲᠡᠭᠡᠨ ᠡᠷᠭᠦᠨ ᠠᠪᠴᠤ ᠦᠷᠡᠴᠢᠯᠡᠨ ᠥᠰᠬᠡᠵᠦ ᠬᠥᠪᠡᠭᠦᠨ(ᠥᠬᠢᠨ) ᠢ᠋ᠶ᠋ᠡᠨ ᠪᠣᠯᠭᠠᠭᠰᠠᠨ ᠡᠴᠢᠭᠡ ᠶ᠋ᠢ ᠲᠡᠵᠢᠭᠡᠭᠰᠡᠨ ᠡᠴᠢᠭᠡ ᠭᠡᠨᠡ᠃ ᠪᠠᠰᠠ ᠡᠷᠭᠦᠯᠲᠡ ᠡᠴᠢᠭᠡ ( ᠠᠪᠤ ) ᠴᠤ᠌ ᠭᠡᠳᠡᠭ᠃
ᠲᠡᠵᠢᠭᠡᠭᠰᠡᠨ ᠡᠬᠡ
ᠪᠡᠶᠡ ᠶ᠋ᠢ ᠭᠡᠷ ᠲᠡᠭᠡᠨ ᠡᠷᠭᠦᠨ ᠠᠪᠴᠤ ᠦᠷᠡᠴᠢᠯᠡᠨ ᠥᠰᠬᠡᠵᠦ ᠬᠥᠪᠡᠭᠦᠨ ( ᠥᠬᠢᠨ ) ᠢ᠋ᠶ᠋ᠡᠨ ᠪᠣᠯᠭᠠᠭᠰᠠᠨ ᠡᠬᠡ ᠶ᠋ᠢ ᠲᠡᠵᠢᠭᠡᠭᠰᠡᠨ ᠡᠬᠡ ᠭᠡᠨᠡ ᠃ ᠪᠠᠰᠠ ᠡᠷᠭᠦᠯᠲᠡ ᠡᠬᠡ ᠭᠡᠳᠡᠭ ᠴᠦ᠍ ᠪᠣᠢ᠃
ᠬᠥᠬᠥᠯᠲᠦ ᠡᠴᠢᠭᠡ ᠬᠥᠬᠥᠯᠲᠦ ᠡᠬᠡ ᠶ᠋ᠢᠨ ᠡᠷᠡ᠃
ᠬᠥᠬᠥᠯᠲᠦ ᠡᠬᠡ
ᠨᠢᠯᠬᠠ ᠴᠠᠭᠠ ( ᠪᠠᠯᠴᠢᠷ ) ᠦᠶᠡ ᠳ᠋ᠦ᠍ ᠲᠥᠷᠥᠭᠰᠡᠨ ᠡᠬᠡ ᠶ᠋ᠢᠨ ᠰᠦ ᠳᠤᠲᠠᠭᠳᠠᠬᠤ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭᠠᠨ ᠠ᠋ᠴᠠ ᠬᠥᠬᠥᠭᠦᠯᠵᠦ ᠥᠰᠬᠡᠭᠰᠡᠨ ᠪᠤᠰᠤᠳ ᠤ᠋ᠨ ᠡᠬᠡᠨᠡᠷ ᠢ᠋ ᠬᠥᠬᠥᠯᠲᠦ ᠡᠬᠡ ᠭᠡᠨᠡ᠃
ᠰᠤᠨᠤᠭᠰᠠᠨ ( ᠦᠶᠡ ᠰᠤᠨᠤᠭᠰᠠᠨ ᠪᠤᠶᠤ ᠬᠥᠮᠦᠨ ᠳᠠᠮ ᠪᠣᠯᠵᠤ ᠰᠤᠨᠤᠭᠰᠠᠨ) ᠡᠭᠡᠴᠢ
ᠡᠭᠡᠴᠢ ᠰᠠᠯᠤᠭᠰᠠᠨ ( ᠦᠬᠦᠭᠰᠡᠨ ) ᠦ᠌ ᠬᠣᠢᠨᠠ ᠬᠦᠷᠭᠡᠨ ᠠᠬᠠ ᠳᠠᠬᠢᠨ ᠤᠷᠤᠭᠯᠠᠵᠤ ᠠᠪᠤᠭᠰᠠᠨ ᠪᠦᠰᠡᠭᠦᠢ ᠶ᠋ᠢ ᠰᠤᠨᠤᠭᠰᠠᠨ ᠡᠭᠡᠴᠢ ᠭᠡᠳᠡᠭ᠃ ᠥᠬᠢᠨ ᠳᠡᠭᠦᠦ ᠮᠥᠨ ᠡᠢᠮᠦ ᠶᠣᠰᠣ᠃
ᠰᠤᠨᠤᠭᠰᠠᠨ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠪᠣᠯ ᠵᠢᠩᠬᠢᠨᠢ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠶ᠋ᠢ ᠣᠷᠣᠯᠠᠭᠰᠠᠨ ᠲᠤᠯᠠ ᠳᠠᠭᠤᠳᠠᠯᠭᠠ ᠳ᠋ᠤ᠌ ᠨᠠᠰᠤ ᠢᠯᠭᠠᠬᠤ ᠦᠭᠡᠢ᠃ ᠰᠤᠨᠤᠭᠰᠠᠨ ᠠᠪᠠᠭᠠ ᠡᠭᠡᠴᠢ
ᠠᠪᠠᠭᠠ ᠡᠭᠡᠴᠢ ᠶ᠋ᠢ ᠦᠬᠦᠭᠰᠡᠨ ( ᠰᠠᠯᠤᠭᠰᠠᠨ ) ᠤ᠋ ᠳᠠᠷᠠᠭᠠ ᠠᠪᠠᠭᠠ ᠬᠦᠷᠭᠡᠨ ᠠᠬᠠ ᠳᠠᠬᠢᠨ ᠤᠷᠤᠭᠯᠠᠭᠰᠠᠨ ᠲᠡᠷᠡ ᠬᠦ᠌ ᠡᠮᠡ ᠶ᠋ᠢ ᠰᠤᠨᠤᠭᠰᠠᠨ ᠠᠪᠠᠭᠠ ᠡᠭᠡᠴᠢ ᠭᠡᠨᠡ ᠃ ᠡᠭᠦᠨᠴᠢᠯᠡᠨ ᠠᠪᠠᠭᠠ ᠡᠮᠡᠭᠡ ᠮᠡᠲᠦᠴᠢᠯᠡᠨ ᠴᠢᠨᠠᠭᠰᠢᠬᠢ ᠦᠶᠡ ᠪᠦᠷᠢ ᠶ᠋ᠢᠨ ᠠᠪᠠᠭᠠ ᠲᠠᠢᠭᠰᠠᠨ ᠠᠬᠠᠮᠠᠳ ᠦᠶᠡ ᠶ᠋ᠢᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠳᠠᠭᠤᠳᠠᠯᠭᠠ ᠠᠳᠠᠯᠢ ᠃
ᠰᠤᠨᠤᠭᠰᠠᠨ ᠥᠬᠢᠨ
ᠥᠬᠢᠨ ᠢ᠋ ᠦᠬᠦᠭᠰᠡᠨ ( ᠰᠠᠯᠤᠭᠰᠠᠨ ) ᠬᠣᠢᠨᠠ ᠬᠦᠷᠭᠡᠨ ᠳᠠᠬᠢᠨ ᠬᠤᠷᠢᠮᠯᠠᠵᠤ ᠠᠪᠤᠭᠰᠠᠨ ᠡᠮᠡ ᠶ᠋ᠢ ᠰᠤᠨᠤᠭᠰᠠᠨ ᠥᠬᠢᠨ ᠭᠡᠨᠡ ᠃ ᠭᠡᠬᠦᠴᠢᠯᠡᠨ ᠳᠣᠷᠣᠭᠰᠢ ᠰᠤᠨᠤᠭᠰᠠᠨ ᠣᠮᠪᠣᠯᠣ ᠂ ᠰᠤᠨᠤᠭᠰᠠᠨ ᠲᠣᠮᠪᠣᠯᠤ ᠁ ᠪᠦᠷ ᠡᠨᠡ ᠶᠣᠰᠣ ᠪᠠᠷ ᠳᠠᠭᠤᠳᠠᠭᠳᠠᠨᠠ᠃
ᠮᠥᠷᠭᠥᠭᠦᠯᠦᠭᠰᠡᠨ ᠡᠴᠢᠭᠡ ᠡᠬᠡ
ᠥᠬᠢᠨ ᠢ᠋ᠶ᠋ᠡᠨ ᠤᠷᠤᠭᠯᠠᠵᠤ ᠦᠰᠦ ᠬᠠᠭᠠᠯᠤᠨ ᠭᠡᠵᠢᠭᠡ ᠣᠷᠢᠶᠠᠬᠤ ᠦᠶᠡ ᠳ᠋ᠦ᠍᠂ ᠬᠠᠷᠠ ᠴᠠᠭᠠᠨ ᠦᠷᠡ ᠲᠡᠭᠰᠢ ( ᠬᠦᠦ ᠥᠬᠢᠨ ᠪᠦᠷᠢᠨ ) ᠡᠮᠡᠭᠲᠡᠢ ᠪᠡᠷ ᠦᠰᠦ ᠶ᠋ᠢ ᠨᠢ ᠬᠠᠭᠠᠯᠤᠭᠤᠯᠤᠨ ᠲᠡᠭᠦᠨ ᠢ᠋ ᠮᠥᠷᠭᠥᠭᠦᠯᠦᠭᠰᠡᠨ ᠡᠬᠡ ᠲᠠᠨᠢᠵᠤ᠂ ᠲᠡᠭᠦᠨ ᠦ᠌ ᠡᠷᠡ ᠶ᠋ᠢ ᠨᠢ ᠮᠥᠷᠭᠥᠭᠦᠯᠦᠭᠰᠡᠨ ᠡᠴᠢᠭᠡ ᠪᠣᠯᠭᠠᠳᠠᠭ᠃ ᠡᠨᠡ ᠨᠢ ᠥᠩᠭᠡᠷᠡᠭᠰᠡᠨ ᠦ᠌ ᠭᠤᠷᠪᠠᠨ ᠬᠣᠣᠰ ᠡᠴᠢᠭᠡ ᠡᠬᠡ ( ᠲᠥᠷᠥᠭᠰᠡᠨ ᠡᠴᠢᠭᠡ ᠡᠬᠡ ᠂ ᠬᠠᠳᠠᠮ ᠡᠴᠢᠭᠡ ᠡᠬᠡ ᠂ ᠮᠥᠷᠭᠦᠯᠦᠭᠰᠡᠨ ᠡᠴᠢᠭᠡ ᠡᠬᠡ ) ᠭᠡᠳᠡᠭ ᠦ᠋ᠨ ᠨᠢᠭᠡ ᠨᠢ ᠪᠣᠯᠤᠨᠠ᠃
ᠮᠥᠷᠭᠥᠭᠦᠯᠦᠭᠰᠡᠨ ᠥᠬᠢᠨ ᠬᠦᠷᠭᠡᠨ
ᠦᠰᠦ ᠪᠡᠨ ᠬᠠᠭᠠᠯᠤᠭᠤᠯᠵᠤ ᠵᠠᠭᠠᠳᠠᠰᠤᠯᠠᠭᠤᠯᠤᠭᠰᠠᠨ ᠥᠬᠢᠨ ᠢ᠋ ᠮᠥᠷᠭᠥᠭᠦᠯᠦᠭᠰᠡᠨ ᠥᠬᠢᠨ ᠭᠡᠵᠦ᠂ ᠲᠡᠭᠦᠨ ᠦ᠌ ᠡᠷᠡ ᠶ᠋ᠢ ᠮᠥᠷᠭᠥᠭᠦᠯᠦᠭᠰᠡᠨ ᠬᠦᠷᠭᠡᠨ ᠭᠡᠳᠡᠭ᠃
ᠨᠠᠢᠵᠢ ᠨᠠᠢᠭᠠᠨ
ᠬᠣᠲᠠ ᠤᠷᠤᠭ ᠪᠣᠯᠤᠯᠴᠠᠭᠰᠠᠨ ᠬᠣᠶᠠᠷ ᠬᠣᠣᠰ ᠡᠴᠢᠭᠡ ᠡᠬᠡ ᠨᠢ ᠰᠠᠢᠬᠢ ᠮᠥᠷᠭᠥᠭᠦᠯᠦᠭᠰᠡᠨ ᠡᠴᠢᠭᠡ ᠡᠬᠡ ᠲᠡᠢ ᠨᠠᠢᠵᠢ ᠨᠠᠢᠭᠠᠨ ᠭᠡᠵᠦ ᠳᠠᠭᠤᠳᠠᠯᠴᠠᠨᠠ ᠃ ᠡᠨᠡ ᠨᠢ ᠥᠬᠢᠨ ᠣ ᠲᠠᠯᠠ ᠪᠠᠷ ᠡᠭᠦᠰᠦᠭᠰᠡᠨ ᠰᠠᠳᠤᠨ ᠰᠦᠯᠪᠡᠭᠡ ᠶ᠋ᠢᠨ ᠳᠠᠭᠤᠳᠠᠯᠭᠠ᠃
ᠨᠠᠢᠵᠢ
ᠥᠬᠢᠳ ᠬᠣᠭᠣᠷᠣᠨᠳᠣ ᠪᠠᠨ ᠰᠠᠢᠬᠠᠨ ᠳᠠᠰᠤᠯᠴᠠᠭᠰᠠᠨ ᠪᠤᠶᠤ ᠥᠭᠡᠷᠡ ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭᠠᠨ ᠢ᠋ᠶ᠋ᠠᠷ ᠨᠢᠭᠡᠨ ᠢ᠋ᠶ᠋ᠡᠨ ᠵᠢᠷᠤᠮ ᠤ᠋ᠨ ᠪᠤᠶᠤ ᠬᠠᠭᠤᠷᠠᠢ ᠡᠭᠡᠴᠢ᠂ ᠥᠬᠢᠨ ᠳᠡᠭᠦᠦ ᠪᠣᠯᠭᠠᠭᠰᠠᠨ ᠢ ᠨᠠᠢᠵᠢ ᠭᠡᠨᠡ᠃
ᠠᠨᠳᠠ
ᠬᠥᠪᠡᠭᠦᠳ ᠬᠣᠭᠣᠷᠣᠨᠳᠣ ᠪᠠᠨ ᠰᠠᠢᠨ ᠪᠣᠯᠤᠯᠴᠠᠭᠰᠠᠨ ᠢ᠋ ᠪᠠ ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭᠠᠨ ᠢ᠋ᠶ᠋ᠠᠷ᠂ ᠨᠢᠭᠡᠨ ᠢ᠋ᠶ᠋ᠡᠨ ᠵᠢᠷᠤᠮ ᠤ᠋ᠨ ᠪᠤᠶᠤ ᠬᠠᠭᠤᠷᠠᠢ ᠠᠬᠠ ᠳᠡᠭᠦᠦ ᠲᠠᠨᠢᠯᠴᠠᠭᠰᠠᠨ ᠢ᠋ ᠠᠨᠳᠠ ᠭᠡᠳᠡᠭ᠃ ᠴᠢᠰᠤ ᠪᠠᠨ ᠤᠤᠭᠤᠯᠴᠠᠨ ᠠᠬᠠ ᠳᠡᠭᠦᠦ ᠲᠠᠨᠢᠯᠴᠠᠭᠰᠠᠨ ᠢ᠋ ᠵᠢᠷᠤᠮ ᠤ᠋ᠨ ᠠᠬᠠ ᠳᠡᠭᠦᠦ ᠭᠡᠨᠡ᠃ ᠪᠠᠰᠠ ᠲᠡᠭᠷᠢ ᠳ᠋ᠦ᠍ ᠮᠥᠷᠭᠥᠭᠰᠡᠨ ᠠᠬᠠ ᠳᠡᠭᠦᠦ ᠭᠡᠳᠡᠭ᠃ ᠬᠠᠳᠠᠭ ᠲᠠᠯᠪᠢᠨ ᠮᠥᠷᠭᠥᠵᠦ ᠠᠬᠠ ᠪᠤᠶᠤ ᠳᠡᠭᠦᠦ ᠪᠣᠯᠭᠠᠭᠰᠠᠨ ᠢ᠋ ᠬᠠᠭᠤᠷᠠᠢ ᠠᠬᠠ ᠳᠡᠭᠦᠦ ᠭᠡᠨᠡ᠃
ᠬᠠᠭᠤᠷᠠᠢ ᠡᠴᠢᠭᠡ ᠡᠬᠡ
ᠠᠮᠢᠳᠤᠷᠠᠯ ᠤ᠋ᠨ ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭᠠᠨ ᠠ᠋ᠴᠠ ᠪᠣᠯᠵᠤ ᠡᠨᠡ ᠬᠦ᠌ ᠬᠣᠶᠠᠷ ᠨᠠᠰᠤᠲᠠᠨ ᠢ᠋ ᠲᠦᠰᠢᠬᠦ ᠴᠢᠬᠤᠯᠠᠲᠠᠢ ᠠ᠋ᠴᠠ ᠪᠣᠯᠵᠤ᠂ ᠬᠠᠳᠠᠭ ᠲᠠᠯᠪᠢᠨ ᠮᠥᠷᠭᠥᠵᠦ ᠡᠴᠢᠭᠡ ᠡᠬᠡ ᠪᠣᠯᠭᠠᠭᠰᠠᠨ ᠢ᠋ ᠬᠠᠭᠤᠷᠠᠢ ᠡᠴᠢᠭᠡ ᠡᠬᠡ ᠭᠡᠳᠡᠭ᠃
ᠳᠡᠭᠡᠷᠡᠬᠢ ᠪᠣᠯ ᠪᠦᠷ ᠰᠦᠯᠪᠡᠭᠡ ᠳ᠋ᠦ᠍ ᠪᠠᠭᠲᠠᠭᠰᠠᠨ ᠣᠢᠷᠠ ᠰᠦᠯᠪᠡᠭᠡᠳᠡᠨ ᠪᠣᠯᠤᠨᠠ᠃