ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ 10 > Хөх зул – Боржигон Ванжал –" Хоёр ᠂ Төрөл садны дуудлагын бүлэг " 10
305ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ –10
ᠣᠢᠷᠠ ᠰᠦᠯᠪᠡᠭᠡ ᠶ᠋ᠢᠨ ᠬᠣᠭᠣᠷᠣᠨᠳᠤᠬᠢ ᠳᠠᠭᠤᠳᠠᠯᠭᠠ Ойр сүлбээгийн хоорондох дуудлага
ᠪᠡᠷᠢ ᠪᠣᠭᠲᠣᠯᠠᠨ ᠠᠪᠴᠤ᠂ ᠥᠬᠢᠨ ᠢ᠋ᠶ᠋ᠡᠨ ᠪᠠᠭᠤᠯᠭᠠᠨ ᠥᠭᠭᠦᠭᠰᠡᠨ ᠬᠣᠶᠠᠷ ᠡᠲᠡᠭᠡᠳ ᠬᠠᠷᠢᠯᠴᠠᠨ ᠨᠢᠭᠡᠨ ᠨᠢᠭᠡᠨ ᠳ᠋ᠡᠭᠡᠨ ᠬᠣᠲᠠ ᠤᠷᠤᠭ ᠪᠣᠯᠤᠨᠠ᠃
ᠡᠭᠦᠨᠡ ① ᠲᠤᠰ ᠣᠪᠣᠭ ᠤ᠋ᠨ ᠥᠬᠢᠳ ( ᠡᠭᠡᠴᠢ ᠂ ᠥᠬᠢᠨ ᠳᠡᠭᠦᠦ ᠪᠠ ᠠᠪᠠᠭᠠ ᠡᠭᠡᠴᠢ ᠡᠴᠡ ᠳᠡᠭᠡᠭᠰᠢ ᠪᠠᠯᠳᠠᠩ ᠡᠭᠡᠴᠢ ᠡᠮᠡᠭᠡ ᠬᠦᠷᠲᠡᠯᠡ᠂ ᠳᠣᠷᠣᠭᠰᠢ ᠲᠡᠯᠢᠢᠬᠦᠢ ᠥᠬᠢᠨ ᠬᠦᠷᠲᠡᠯᠡ ） ᠶ᠋ᠢᠨ ᠬᠠᠳᠠᠮ᠃
② ᠲᠤᠰ ᠣᠪᠣᠭ ᠲᠤ᠌ ᠪᠠᠭᠤᠯᠭᠠᠨ ᠠᠪᠴᠢᠷᠠᠭᠰᠠᠨ ᠪᠡᠷᠭᠡᠨ᠂ ᠳᠡᠭᠦᠦ ᠪᠡᠷᠢ ᠡᠴᠡ ᠳᠣᠷᠣᠭᠰᠢ ᠦᠶᠡ ᠶ᠋ᠢᠨ ᠪᠡᠷᠢᠶᠡᠳ ᠦ᠋ᠨ ᠲᠥᠷᠬᠥᠮ᠃
③ ᠬᠠᠳᠠᠮ ᠤ᠋ᠨ ᠥᠬᠢᠳ ( ᠳᠡᠭᠡᠭᠰᠢ ᠳᠣᠷᠣᠭᠰᠢ ᠦᠶᠡ ᠶ᠋ᠢᠨ ᠪᠠ ᠪᠡᠶᠡ ᠯᠦ᠍ᠭᠡ ᠢᠵᠢᠯᠢ ᠦᠶᠡ ᠶ᠋ᠢᠨ ᠥᠬᠢᠳ ) ᠦ᠋ᠨ ᠬᠠᠳᠠᠮ᠃ ᠬᠠᠳᠠᠮ ᠤ᠋ᠨ ᠪᠡᠶᠡ ᠯᠦ᠍ᠭᠡ ᠢᠵᠢᠯᠢ ᠦᠶᠡ ᠪᠣᠯᠤᠨ ᠳᠣᠷᠣᠭᠰᠢ ᠦᠶᠡ ᠶ᠋ᠢᠨ ᠪᠡᠷᠢᠶᠡᠳ ᠲᠥᠷᠬᠥᠮ᠃
④ ᠲᠠᠭᠠᠷ ᠠᠬᠠ ᠳᠡᠭᠦᠦ ᠂ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠪᠠ ᠲᠡᠭᠦᠨ ᠡᠴᠡ ᠳᠣᠷᠣᠭᠰᠢ ᠦᠶᠡ ᠶ᠋ᠢᠨ ᠬᠥᠪᠡᠭᠦᠳ ᠥᠬᠢᠳ ᠦ᠋ᠨ ᠬᠠᠳᠠᠮ᠃
⑤ ᠨᠠᠭᠠᠴᠤ ᠶ᠋ᠢᠨ ᠬᠡᠦᠬᠡᠳ ( ᠬᠦᠦ ᠪᠠ ᠥᠬᠢᠨ ᠦ᠌ ᠬᠢᠨ ) ᠦ᠌ ᠬᠠᠳᠠᠮ᠃
⑥ ᠪᠦᠯᠦ ᠠᠬᠠ᠂ ᠳᠡᠭᠦᠦ᠂ ᠡᠭᠡᠴᠢ᠂ ᠥᠬᠢᠨ ᠳᠡᠭᠦᠦ ᠪᠠ ᠲᠡᠭᠦᠨ ᠡᠴᠡ ᠳᠣᠷᠣᠭᠰᠢ ᠦᠶᠡ ᠶ᠋ᠢᠨ ᠬᠥᠪᠡᠭᠦᠨ ᠥᠬᠢᠳ ᠦ᠋ᠨ ᠬᠠᠳᠠᠮ᠃
⑦ ᠵᠢᠭᠡ ᠬᠥᠪᠡᠭᠦᠳ ᠥᠬᠢᠳ ᠦ᠋ᠨ ᠬᠠᠳᠠᠮ᠃
ᠬᠠᠳᠠᠮ
ᠡᠷᠡ ᠡᠮᠡ ᠬᠠᠷᠢᠯᠴᠠᠨ ᠣᠢᠷᠠ ᠰᠠᠳᠤᠨ ᠢ᠋ᠶ᠋ᠠᠨ ᠳᠠᠭᠤᠳᠠᠯᠴᠠᠬᠤ ᠳᠠᠭᠤᠳᠠᠯᠭᠠ᠃ ᠵᠢᠱ᠌ᠢᠶᠡᠯᠡᠪᠡᠯ : ᠡᠷᠡ ᠶ᠋ᠢᠨ ᠲᠥᠷᠥᠯ ᠰᠠᠳᠤᠨ ᠨᠢ ᠡᠮᠡ ᠳ᠋ᠦ᠍ ᠬᠠᠳᠠᠮ ᠪᠣᠯᠬᠤ᠂ ᠡᠮᠡ ᠶ᠋ᠢᠨ ᠲᠥᠷᠥᠯ ᠰᠠᠳᠤᠨ ᠨᠢ ᠡᠷᠡ ᠳ᠋ᠦ᠍ ᠬᠠᠳᠠᠮ ᠪᠣᠯᠤᠨᠠ᠃ ᠬᠠᠳᠠᠮ ᠳ᠋ᠤ᠌ : ᠬᠠᠳᠠᠮ ᠡᠪᠦᠭᠡ᠂ ᠡᠮᠡᠭᠡ᠂ ᠡᠴᠢᠭᠡ᠂ ᠡᠬᠡ᠂ ᠡᠭᠡᠴᠢ᠂ ᠳᠡᠭᠦᠦ᠂ ᠥᠬᠢᠨ ᠳᠡᠭᠦᠦ᠂ ᠬᠦᠦ᠂ ᠥᠬᠢᠨ ᠵᠡᠷᠭᠡ ᠪᠠᠭᠲᠠᠨᠠ᠃ ᠡᠳᠡ ᠨᠠᠷ ᠪᠣᠯ ᠪᠡᠶᠡ ᠳ᠋ᠦ᠍ ᠰᠠᠳᠤᠨ ᠪᠣᠯᠤᠨᠠ᠃ ᠡᠨᠡ ᠰᠠᠳᠤᠳ ᠤ᠋ᠨ ᠲᠥᠷᠬᠥᠮ ᠪᠠ ᠬᠠᠳᠠᠮ ᠤ᠋ᠳ ᠨᠢ ᠪᠡᠶᠡ ᠳ᠋ᠦ᠍ ᠰᠦᠯᠪᠡᠭᠡ ᠪᠣᠯᠤᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ : ᠬᠠᠳᠠᠮ ᠡᠭᠡᠴᠢ ᠶ᠋ᠢᠨ ᠬᠠᠳᠠᠮ᠂ ᠬᠠᠳᠠᠮ ᠪᠡᠷᠭᠡᠨ ᠦ᠌ ᠲᠥᠷᠬᠥᠮ ᠭᠡᠬᠦ ᠮᠡᠲᠦ ᠪᠠᠢᠬᠤ ᠯᠠ᠃
ᠨᠠᠭᠠᠴᠤ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠰᠦᠯᠪᠡᠭᠡ
ᠨᠠᠭᠠᠴᠤ ᠶ᠋ᠢᠨ ᠭᠡᠷ ᠦ᠋ᠨ ᠬᠢ ᠴᠤᠠᠭᠠᠷ ᠢ᠋ᠶ᠋ᠠᠨ ᠪᠡᠶᠡ ᠳ᠋ᠦ᠍ ᠰᠠᠳᠤᠨ ᠪᠣᠯᠤᠨᠠ᠃ ᠲᠡᠳᠡᠨᠦᠰ ᠦ᠋ᠨ ᠬᠠᠳᠠᠮ ᠪᠠ ᠲᠥᠷᠬᠥᠮ ᠦ᠋ᠨ ᠬᠥᠮᠦᠰ ᠨᠢ ᠪᠡᠶᠡ ᠳ᠋ᠦ᠍ ᠰᠦᠯᠪᠡᠭᠡ ᠪᠣᠯᠤᠨᠠ᠃
ᠠᠪᠠᠭᠠ ᠡᠭᠡᠴᠢ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠰᠦᠯᠪᠡᠭᠡ
ᠠᠪᠠᠭᠠ ᠬᠦᠷᠭᠡᠨ ᠠᠬᠠ ( ᠰᠠᠳᠤᠨ ) ᠠ᠋ᠴᠠ ᠪᠤᠰᠤᠳ ᠨᠢ ᠪᠦᠷ ᠪᠡᠶᠡ ᠳ᠋ᠦ᠍ ᠰᠦᠯᠪᠡᠭᠡ ᠪᠣᠯᠤᠨᠠ᠃
ᠨᠠᠭᠠ ( ᠲᠠᠭᠠᠷ ) ᠪᠦᠯᠦ ᠂ ᠵᠢᠭᠡ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠰᠦᠯᠪᠡᠭᠡ
ᠨᠠᠭᠠ ( ᠲᠠᠭᠠᠷ ) ᠪᠦᠯᠦ᠂ ᠵᠢᠭᠡ ᠨᠢ ᠪᠡᠶᠡ ᠳ᠋ᠦ᠍ ᠰᠠᠳᠤᠨ ᠪᠣᠯᠤᠨᠠ᠃ ᠲᠡᠳᠡᠨᠦᠰ ᠦ᠋ᠨ ᠬᠠᠳᠠᠮ ᠤ᠋ᠨ ᠣᠯᠠᠨ ᠬᠥᠮᠦᠰ ᠨᠢ ᠪᠡᠶᠡ ᠳ᠋ᠦ᠍ ᠰᠦᠯᠪᠡᠭᠡ ᠪᠣᠯᠤᠨᠠ᠃