ᠳᠡᠪᠡᠯ- ᠮᠥᠩᠬᠡ ᠶ᠋ᠢᠨ ᠪᠢᠯᠢᠭᠰᠡᠢᠬᠠᠨДээл-Мөнхийн Билэгсайхан
1296ᠳᠡᠪᠡᠯ
ᠮᠥᠩᠬᠡ ᠶ᠋ᠢᠨ ᠪᠢᠯᠢᠭᠰᠡᠢᠬᠠᠨ
ᠳᠡᠪᠡᠯ ᠭᠡᠳᠡᠭ ᠴᠢᠨᠢ
ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ
ᠳᠡᠩᠳᠡᠭᠦᠦ ᠰᠠᠢᠬᠠᠨ ᠬᠤᠪᠴᠠᠰᠤ ᠠ᠋
ᠳᠡᠷᠡᠯᠡᠭᠡᠳ ᠬᠡᠪᠲᠡᠬᠦ ᠳ᠋ᠦ᠍ ᠵᠢᠨᠲᠦᠦ ᠪᠣᠯᠳᠠᠭ
ᠳᠡᠪᠢᠰᠦᠭᠡᠳ ᠲᠠᠯᠪᠢᠬᠤ ᠳ᠋ᠤ᠌ ᠣᠯᠪᠣᠭ ᠪᠣᠯᠳᠠᠭ
ᠨᠥᠮᠥᠷᠦᠭᠡᠳ ᠤᠨᠲᠠᠬᠤ ᠳ᠋ᠤ᠌ ᠬᠥᠨᠵᠢᠯᠡ ᠪᠣᠯᠳᠠᠭ
ᠡᠮᠦᠰᠦᠭᠡᠳ ᠭᠠᠷᠬᠤ ᠳ᠋ᠤ᠌ ᠭᠣᠶᠣᠯ ᠪᠣᠯᠳᠠᠭ ᠶᠤᠮ
ᠡᠵᠡᠨ ᠪᠣᠭᠳᠠ ᠴᠢᠩᠭᠢᠰ ᠳᠡᠪᠡᠯ ᠶᠤᠭᠠ ᠪᠠᠷ ᠭᠤᠶᠤᠭᠰᠠᠨ ᠶᠤᠮ
ᠶᠡᠬᠡ ᠵᠠᠩᠵᠤᠨ ᠰᠦᠬᠡᠪᠠᠭᠠᠲᠤᠷ ᠳᠡᠪᠡᠯ ᠪᠦᠰᠡ ᠪᠡᠷ ᠭᠤᠶᠤᠭᠰᠠᠨ ᠶᠤᠮ
ᠢᠵᠢᠢ ᠮᠢᠨᠢ ᠠᠪᠤ ᠮᠢᠨᠢ ᠳᠡᠪᠡᠯ ᠶᠤᠭᠠ ᠪᠠᠷ ᠭᠤᠶᠤᠭᠰᠠᠨ
ᠡᠨᠡ ᠪᠡᠶᠡ ᠮᠢᠨᠢ ᠳᠡᠪᠡᠯ ᠡᠮᠦᠰᠴᠦ ᠥᠰᠦᠭᠰᠡᠨ ᠶᠤᠮ
ᠳᠡᠪᠡᠯ ᠭᠡᠳᠡᠭ ᠴᠢᠨᠢ
ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ
ᠳᠡᠩᠳᠡᠭᠦᠦ ᠰᠠᠢᠬᠠᠨ ᠬᠤᠪᠴᠠᠰᠤ ᠠ᠋
ᠠᠪᠤ ᠶ᠋ᠢᠨ ᠮᠢᠨᠢ ᠳᠡᠪᠡᠯ ᠴᠡᠯ ᠪᠤᠭᠤᠷᠤᠯ ᠨᠠᠰᠤᠨ ᠤ᠋ ᠦᠨᠦᠷ ᠲᠡᠢ
ᠡᠵᠢ ᠶ᠋ᠢᠨ ᠮᠢᠨᠢ ᠳᠡᠪᠡᠯ ᠴᠠᠭᠠᠨ ᠤᠭᠤᠷᠠᠭ ᠰᠦᠨ ᠦ᠌ ᠦᠨᠦᠷ ᠲᠡᠢ
ᠬᠠᠨᠢ ᠶ᠋ᠢᠨ ᠮᠢᠨᠢ ᠳᠡᠪᠡᠯ ᠬᠠᠢᠯᠭᠠᠨ ᠴᠠᠢᠯᠭᠠᠨ ᠬᠠᠢᠷᠠ ᠶ᠋ᠢᠨ ᠦᠨᠦᠷ ᠲᠡᠢ
ᠦᠷᠡ ᠶ᠋ᠢᠨ ᠮᠢᠨᠢ ᠳᠡᠪᠡᠯ ᠥᠰᠬᠦ ᠪᠠᠭᠠ ᠶ᠋ᠢᠨ ᠰᠡᠪᠡᠯᠭᠡᠨ ᠦ᠌ ᠦᠨᠦᠷ ᠲᠡᠢ
ᠥᠪᠡᠷ ᠦ᠋ᠨ ᠮᠢᠨᠢ ᠳᠡᠪᠡᠯ ᠥᠰᠴᠦ ᠲᠥᠷᠥᠭᠰᠡᠨ ᠨᠤᠲᠤᠭ ᠤ᠋ᠨ ᠮᠢᠨᠢ ᠦᠨᠦᠷ ᠲᠡᠢ
ᠤᠷᠲᠤ ᠬᠣᠷᠮᠣᠢ ᠳ᠋ᠠᠭᠠᠨ ᠤᠨᠠᠭᠠ ᠳᠠᠭᠠ ᠶ᠋ᠢᠨ ᠪᠡᠯᠡᠭ ᠲᠡᠢ
ᠠᠷᠤ ᠬᠣᠷᠮᠣᠢ ᠳ᠋ᠠᠭᠠᠨ ᠠᠳᠤᠭᠤ ᠮᠠᠯ ᠤ᠋ᠨ ᠪᠡᠯᠭᠡᠳᠡᠯ ᠲᠡᠢ
ᠠᠭᠤᠯᠠᠰ ᠠᠯᠳᠠᠯᠠᠵᠤ ᠳᠡᠪᠢᠭᠰᠡᠨ ᠪᠥᠬᠡ ᠬᠥᠮᠦᠨ ᠦ᠌ ᠭᠣᠶᠣᠯ
ᠤᠬᠠᠭᠠᠨᠲᠤ ᠡᠪᠦᠭᠡᠳ ᠡᠴᠡ ᠮᠢᠨᠢ ᠥᠪᠯᠡᠭᠰᠡᠨ ᠪᠦᠲᠦᠨ ᠬᠤᠪᠴᠠᠰᠤ ᠴᠢᠨᠢ ᠳᠡᠪᠡᠯ ᠠ᠋
ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ ᠠᠷᠭᠤᠮᠠᠭ ᠪᠠᠢᠨᠠ
ᠡᠵᠡᠨ ᠬᠥᠮᠦᠨ ᠨᠢ ᠳᠡᠪᠡᠯ ᠲᠡᠢ ᠪᠠᠢᠨᠠ
ᠮᠣᠷᠢ ᠳᠡᠪᠡᠯ ᠢ᠋ᠶ᠋ᠡᠷ ᠭᠤᠶᠤᠬᠤ ᠳᠤᠷᠠᠲᠠᠢ
ᠮᠣᠩᠭᠣᠯ ᠬᠥᠮᠦᠨ ᠭᠡᠳᠡᠭ ᠲᠩᠷᠢ ᠵᠠᠶᠠᠭᠠ ᠲᠠᠢ ᠤᠯᠤᠰ ᠠ᠋
ᠳᠡᠪᠡᠯ ᠭᠡᠳᠡᠭ ᠴᠢᠨᠢ
ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ
ᠳᠡᠩᠳᠡᠭᠦᠦ ᠰᠠᠢᠬᠠᠨ ᠬᠤᠪᠴᠠᠰᠤ ᠠ᠋
ᠦᠷᠡ ᠪᠡᠨ ᠲᠡᠪᠡᠷᠢᠬᠦ ᠳ᠋ᠦ᠍ ᠥᠯᠥᠭᠡᠢ ᠨᠢ ᠪᠣᠯᠳᠠᠭ
ᠡᠮᠦᠰᠦᠭᠡᠳ ᠭᠠᠷᠬᠤ ᠳ᠋ᠤ᠌ ᠵᠢᠪᠠᠷ ᠬᠠᠭᠠᠳᠠᠭ
ᠬᠠᠯᠲᠠᠷ ᠮᠠᠨᠤᠨ ᠬᠥᠭᠡᠷᠭᠡ ᠡᠪᠦᠷ ᠳᠣᠲᠣᠷ ᠨᠢ ᠬᠥᠯᠥᠷᠡᠭᠰᠡᠨ
ᠬᠠᠳᠠ ᠲᠠᠢ ᠬᠡᠲᠡ ᠲᠡᠢ ᠬᠢᠲᠤᠭᠠ ᠪᠦᠰᠡ ᠶᠠᠭᠤ ᠶ᠋ᠢ ᠨᠢ ᠭᠤᠶᠤᠭᠰᠠᠨ
ᠡᠵᠡᠨ ᠬᠥᠮᠦᠨ ᠦ᠌ ᠬᠡᠢᠮᠣᠷᠢ ᠵᠠᠬᠠ ᠶᠠᠭᠤᠨ ᠳ᠋ᠤ᠌ ᠨᠢ ᠶᠠᠪᠤᠳᠠᠭ
ᠡᠬᠡ ᠲᠩᠷᠢ ᠶ᠋ᠢᠨ ᠨᠠᠷᠠᠨ ᠲᠣᠪᠴᠢ ᠰᠢᠯᠪᠢᠨ ᠳᠡᠭᠡᠷᠡ ᠨᠢ ᠣᠢᠳᠠᠭ
ᠪᠦᠰᠡᠭᠦᠢ ᠬᠥᠮᠦᠨ ᠦ᠌ ᠡᠷᠡᠬᠡᠢ ᠶ᠋ᠢᠨ ᠤᠷᠠᠨ ᠰᠢᠩᠭᠡᠭᠰᠡᠨ
ᠪᠦᠰᠡ ᠨᠢ ᠬᠦᠷᠲᠡᠯᠡ ᠨᠠᠷᠠ ᠵᠥᠪ ᠣᠷᠢᠶᠠᠭᠰᠠᠨ
ᠳᠡᠪᠡᠯ ᠭᠡᠳᠡᠭ ᠴᠢᠨᠢ
ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ
ᠳᠡᠩᠳᠡᠭᠦᠦ ᠰᠠᠢᠬᠠᠨ ᠬᠤᠪᠴᠠᠰᠤ ᠠ᠋
ᠤᠷᠠᠯᠠᠵᠤ ᠬᠢᠭᠰᠡᠨ ᠡᠵᠡᠨ ᠢ᠋ ᠨᠢ ᠮᠠᠭᠲᠠᠶᠠ
ᠤᠬᠠᠭᠠᠨ ᠰᠢᠩᠭᠡᠭᠰᠡᠨ ᠤᠴᠢᠷ ᠢ᠋ ᠨᠢ ᠪᠠᠬᠠᠳᠤᠶᠠ
ᠡᠩᠭᠡᠷ ᠢ᠋ ᠨᠢ ᠴᠢᠮᠡᠭᠰᠡᠨ ᠲᠣᠪᠴᠢ ᠶ᠋ᠢ ᠨᠢ ᠮᠠᠭᠲᠠᠶᠠ
ᠡᠮᠵᠢᠶᠡᠷᠢ ᠲᠣᠷᠭᠠ ᠪᠦᠰᠡ ᠶ᠋ᠢ ᠨᠢ ᠴᠦ᠍ ᠮᠠᠭᠲᠠᠶᠠ
ᠡᠵᠡᠨ ᠪᠣᠯᠤᠭᠰᠠᠨ ᠮᠣᠩᠭᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠬᠠᠳᠤᠶᠠ
ᠳᠡᠪᠡᠯ ᠭᠡᠳᠡᠭ ᠴᠢᠨᠢ
ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ
ᠳᠡᠩᠳᠡᠭᠦᠦ ᠰᠠᠢᠬᠠᠨ ᠬᠤᠪᠴᠠᠰᠤ ᠠ᠋
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠣᠳᠣᠨᠭᠡᠷᠡᠯ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠣᠳᠣᠲᠤ ᠬᠠᠪᠤᠷᠵᠢᠶᠠ
ᠬᠢᠨᠠᠭᠴᠢ ᠪᠠᠭᠰᠢ᠄ ᠢᠷᠡᠭᠡᠳᠦᠢ᠂ ᠭᠠᠷᠮᠠ ᠨᠠᠷ