ᠯᠦ᠍ ᠰᠢᠶᠦ᠋ᠨ ᠠᠪᠤᠭᠠᠢ ᠶ᠋ᠢᠨ ᠨᠠᠢ᠍ᠮᠠᠨ ᠪᠠᠳᠠᠭ ᠰᠣᠩᠭᠣᠳᠠᠭ ᠦᠭᠡ
352ᠯᠦ᠍ ᠰᠢᠶᠦ᠋ᠨ ᠠᠪᠤᠭᠠᠢ ᠶ᠋ᠢᠨ ᠨᠠᠢ᠍ᠮᠠᠨ ᠪᠠᠳᠠᠭ ᠰᠣᠩᠭᠣᠳᠠᠭ ᠦᠭᠡ
ᠨᠢᠭᠡ᠂ ᠲᠣᠰᠬᠣᠨ ᠤ᠋ ᠦᠵᠦᠭᠦᠷ ᠦ᠋ᠨ ᠨᠣᠬᠠᠢ ᠬᠤᠴᠠᠮᠠᠭᠴᠠ᠂ ᠠᠢᠯ ᠤ᠋ᠨ ᠨᠣᠬᠠᠢ ᠪᠦᠷ ᠲᠡᠭᠡᠨ ᠬᠤᠴᠠᠳᠠᠭ ᠪᠣᠯᠪᠠᠴᠤ ᠲᠡᠳᠡ ᠶᠡᠷᠦᠨᠢ ᠶᠠᠭᠤᠨ ᠳ᠋ᠤ᠌ ᠬᠤᠴᠠᠵᠤ ᠪᠠᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠳᠠᠭ᠃ ᠪᠣᠬᠢᠷᠳᠠᠯ ᠨᠢᠭᠡᠨᠲᠡ ᠡᠩ ᠦ᠋ᠨ ᠦᠵᠡᠭᠳᠡᠯ ᠪᠣᠯᠤᠭᠰᠠᠨ ᠦᠶᠡ ᠳ᠋ᠦ᠍᠂ ᠪᠣᠯᠪᠠᠰᠤᠨ ᠪᠣᠯ ᠨᠢᠭᠡ ᠵᠦᠢᠯ ᠦ᠋ᠨ ᠶᠠᠯᠠᠲᠤ ᠠᠵᠢᠯᠯᠠᠭᠠ ᠪᠣᠯᠤᠨᠠ᠃
ᠬᠣᠶᠠᠷ᠂ ᠬᠥᠯ ᠢ᠋ ᠴᠢᠨᠢ ᠬᠤᠭᠤᠯᠴᠢᠬᠠᠭᠠᠳ ᠴᠢᠮᠠ ᠳ᠋ᠤ᠌ ᠨᠢᠭᠡᠨ ᠬᠣᠣᠰ ᠰᠤᠭᠤ ᠲᠠᠶᠠᠭ ᠬᠠᠶᠠᠵᠤ ᠥᠭᠭᠦᠭᠡᠳ᠂ ᠬᠡᠷᠪᠡ ᠪᠢ ᠦᠭᠡᠢ ᠪᠣᠯ ᠲᠠ ᠠᠯᠬᠤᠬᠤ ᠳ᠋ᠤ᠌ ᠪᠠᠰᠠ ᠬᠦᠴᠢᠷ ᠲᠡᠢ ᠪᠣᠯᠤᠨᠠ ᠰᠢᠦ ᠭᠡᠳᠡᠭ᠃
ᠭᠤᠷᠪᠠ᠂ ᠬᠡᠷᠪᠡ ᠠᠳᠤᠭᠤᠰᠤ ᠮᠠᠯ ᠢᠳᠡᠭᠡᠳ ᠲᠠᠷᠭᠤᠯᠠᠬᠤ ᠦᠭᠡᠢ ᠪᠣᠯ ᠭᠡᠳᠡᠰᠦᠨ ᠳ᠋ᠦ᠍ᠨᠢ ᠯᠠᠪᠲᠠᠢ ᠬᠦᠵᠢ ᠬᠣᠷᠣᠬᠠᠢ ᠪᠠᠢᠨᠠ᠂ ᠬᠡᠷᠪᠡ ᠠᠷᠠᠳ ᠢᠷᠭᠡᠳ ᠨᠢ ᠴᠢᠷᠮᠠᠢᠭᠠᠳ ᠪᠠᠶᠠᠵᠢᠵᠤ ᠳᠡᠢᠯᠬᠦ ᠦᠭᠡᠢ ᠪᠣᠯ ᠨᠡᠢᠭᠡᠮ ᠳ᠋ᠦ᠍ᠨᠢ ᠯᠠᠪᠲᠠᠢ ᠴᠢᠰᠤ ᠰᠤᠷᠤᠭᠴᠢ ᠴᠢᠳᠬᠥᠷ ᠪᠠᠢᠨᠠ᠃
ᠳᠥᠷᠪᠡ᠂ ᠬᠥᠮᠦᠨ ᠦ᠌ ᠴᠢᠨᠠᠷ ᠪᠣᠯ ᠳᠠᠷᠤᠢ ᠵᠣᠭᠣᠰ ᠪᠣᠯᠤᠨ ᠡᠷᠬᠡ ᠲᠡᠢ ᠣᠢᠷᠠᠲᠤᠮᠠᠭᠴᠠ ᠬᠣᠶᠠᠷ ᠨᠢᠳᠦᠨ ᠡᠴᠡ ᠨᠢ ᠭᠡᠷᠡᠯ ᠲᠠᠲᠠᠳᠠᠭ᠃ ᠡᠷᠡ ᠡᠮᠡ ᠶ᠋ᠢᠨ ᠶᠠᠪᠤᠳᠠᠯ ᠢ᠋ ᠵᠣᠭᠣᠭᠳᠠᠮᠠᠭᠴᠠ ᠠᠪᠤᠨ ᠬᠥᠭᠰᠡᠨ ᠪᠠᠶᠠᠷᠯᠠᠳᠠᠭ᠂ ᠭᠡᠲᠡᠯᠡ ᠶᠣᠰᠣ ᠰᠤᠷᠲᠠᠬᠤᠨ᠂ ᠶᠣᠰᠣᠯᠠᠯ ᠬᠦᠨᠳᠦᠳᠬᠡᠯ᠂ ᠤᠬᠠᠮᠰᠠᠷ ᠮᠡᠳᠡᠷᠡᠮᠵᠢ ᠶ᠋ᠢ ᠬᠡᠯᠡᠯᠴᠡᠮᠡᠭᠴᠡ ᠬᠦᠢᠲᠡᠨ ᠦ᠌ ᠭᠦᠷᠭᠡᠯᠵᠢ ᠠᠳᠠᠯᠢ ᠲᠠᠭ ᠳᠤᠭᠤᠢ ᠪᠣᠯᠵᠤ᠂ ᠨᠠᠳᠠ ᠯᠤᠭᠠ ᠬᠠᠮᠢᠶᠠ ᠦᠭᠡᠢ ᠭᠡᠬᠦ ᠪᠤᠶᠤ ᠨᠠᠳᠠ ᠲᠠᠢ ᠬᠣᠯᠪᠣᠭᠳᠠᠬᠤ ᠦᠭᠡᠢ ᠭᠡᠳᠡᠭ᠃
ᠲᠠᠪᠤ᠂ ᠠᠯᠢᠪᠠ ᠪᠠᠲᠤ ᠪᠡᠬᠢ ᠬᠠᠷᠢᠴᠠᠭᠠ ᠭᠡᠳᠡᠭ ᠨᠢ ᠦᠨᠡᠨ ᠳ᠋ᠡᠭᠡᠨ ᠠᠰᠢᠭ ᠲᠤᠰᠠ ᠶ᠋ᠢᠨ ᠡᠮᠦᠨᠡ ᠮᠠᠰᠢ ᠬᠡᠪᠡᠷᠡᠭ ᠶᠦᠮ᠂ ᠪᠦᠳᠦᠷᠢᠭᠰᠡᠨ ᠳᠡᠭᠡᠷᠡ ᠨᠢᠳᠤᠷᠭᠠᠳᠠᠬᠤ ᠨᠢ ᠪᠦᠷ ᠥᠪᠡᠷ ᠦ᠋ᠨ ᠬᠥᠮᠦᠨ ᠪᠣᠯᠤᠨᠠ᠂ ᠬᠠᠵᠠᠭᠤ ᠳ᠋ᠤ᠌ ᠴᠢᠨᠢ ᠱᠣᠭ ᠦᠵᠡᠬᠦ ᠨᠢ ᠮᠥᠨ ᠪᠤᠰᠤᠳ ᠬᠥᠮᠦᠨ ᠪᠢᠰᠢ᠃ ᠴᠢᠨᠦ ᠰᠠᠢᠨ ᠢ᠋ ᠦᠵᠡᠬᠦ ᠳᠤᠷᠠ ᠦᠭᠡᠢ ᠬᠥᠮᠦᠰ ᠪᠣᠯ ᠪᠦᠷ ᠴᠢᠨᠦ ᠳᠡᠷᠭᠡᠳᠡ ᠪᠠᠢᠭᠠ ᠬᠥᠮᠦᠰ ᠶᠦᠮ᠃
ᠵᠢᠷᠭᠤᠭᠠ᠂ ᠨᠣᠶᠠᠨ ᠵᠠᠮ ᠢ᠋ ᠬᠥᠭᠡᠭᠡᠴᠡᠯᠳᠦᠭᠰᠡᠨ ᠬᠥᠮᠦᠰ ᠪᠠᠷᠤᠭ ᠡᠢᠮᠦ ᠯᠡ ᠪᠠᠢᠯᠭᠦᠢ᠂ ᠳᠠᠷᠤᠢ ᠬᠡᠷᠡᠭ ᠦᠭᠡᠢ ᠶᠠᠪᠤᠳᠠᠯ ᠢ᠋ ᠬᠤᠸᠠᠷ ᠭᠠᠷᠲᠠᠯᠠ ᠬᠢᠵᠦ᠂ ᠬᠡᠷᠡᠭ ᠲᠡᠢ ᠶᠠᠪᠤᠳᠠᠯ ᠢ᠋ ᠶᠠᠭᠤ ᠴᠤ᠌ ᠪᠢᠰᠢ ᠬᠢᠳᠡᠭ᠂ ᠠᠰᠢᠭ ᠲᠠᠢ ᠶᠠᠪᠤᠳᠠᠯ ᠢ᠋ ᠢᠳᠡᠪᠬᠢᠲᠡᠢ ᠬᠢᠵᠦ᠂ ᠨᠢᠭᠤᠷ ᠠᠪᠬᠤ ᠦᠭᠡᠢ ᠶᠠᠪᠤᠳᠠᠯ ᠢ᠋ ᠥ ᠰᠡᠪ ᠦᠭᠡᠢ ᠬᠢᠳᠡᠭ᠃
ᠳᠣᠯᠣᠭᠠ᠂ ᠪᠣᠭᠣᠯᠴᠢ ᠴᠢᠨᠠᠷ ᠲᠠᠢ ᠬᠥᠮᠦᠨ ᠪᠣᠯ ᠥᠪᠡᠷ ᠦ᠋ᠨ ᠢᠵᠢᠯᠢ ᠲᠥᠷᠥᠯ ᠳ᠋ᠡᠭᠡᠨ ᠯᠠᠪᠲᠠᠢ ᠪᠠᠯᠠᠮᠠᠳ ᠬᠡᠷᠴᠡᠭᠡᠢ ᠬᠠᠨᠳᠤᠳᠠᠭ᠃ ᠤᠴᠢᠷ ᠨᠢ ᠲᠡᠳᠡ ᠪᠣᠭᠣᠯ ᠤ᠋ᠨ ᠡᠵᠡᠨ ᠦ᠌ ᠲᠡᠨᠳᠡ ᠡᠴᠡ ᠠᠯᠳᠠᠭᠰᠠᠨ ᠨᠡᠷᠡ ᠬᠦᠨᠳᠦ ᠪᠡᠨ ᠢᠵᠢᠯᠢ ᠡᠴᠡ ᠪᠡᠨ ᠨᠥᠬᠥᠨ ᠠᠪᠬᠤ ᠶ᠋ᠢ ᠬᠦᠰᠡᠳᠡᠭ ᠲᠦ᠍ ᠪᠠᠢᠨᠠ᠂ ᠲᠡᠳᠡ ᠳᠡᠭᠡᠭᠰᠢ ᠪᠡᠨ ᠪᠦᠷᠢᠮᠦᠰᠦᠨ ᠪᠣᠭᠣᠯᠴᠢ ᠴᠢᠨᠠᠷ ᠲᠠᠢ ᠳᠣᠭᠣᠭᠰᠢ ᠪᠠᠨ ᠲᠤᠢᠯ ᠤ᠋ᠨ ᠬᠠᠷᠭᠢᠰ ᠬᠡᠷᠴᠡᠭᠡᠢ ᠵᠠᠩ ᠲᠠᠢ ᠶᠤᠮ᠃
ᠨᠠᠢ᠍ᠮᠠ᠂ ᠠᠯᠢ ᠨᠢᠭᠡᠨ ᠡᠳᠦᠷ ᠲᠠᠨ ᠤ᠋ ᠳᠡᠷᠭᠡᠳᠡᠬᠢ ᠬᠥᠮᠦᠰ ᠴᠢᠨᠢ ᠬᠡᠷᠪᠡ ᠶᠡᠬᠡᠯᠡ ᠶᠣᠰᠣᠷᠬᠠᠭ ᠪᠣᠯᠤᠭᠰᠠᠨ ᠪᠣᠯ᠂ ᠡᠨᠡ ᠨᠢ ᠲᠡᠳᠡ ᠭᠡᠨᠡᠳᠲᠡ ᠴᠠᠢᠯᠭᠠᠨ ᠰᠡᠳᠬᠢᠯ ᠲᠡᠢ ᠪᠣᠯᠤᠭᠰᠠᠨ ᠪᠢᠰᠢ᠂ ᠮᠥᠨ ᠨᠢᠭᠡᠨᠲᠡ ᠪᠣᠯᠪᠠᠰᠤᠨ ᠪᠣᠯᠤᠭᠰᠠᠨ ᠢ᠋ ᠬᠠᠷᠠᠭᠤᠯᠵᠤ ᠦᠭᠡᠢ᠂ ᠬᠠᠷᠢᠨ ᠲᠠᠨ ᠤ᠋ ᠴᠢᠳᠠᠯ ᠴᠢᠨᠢ ᠴᠢᠩᠭᠠᠷᠠᠭᠰᠠᠨ ᠢ᠋ ᠬᠠᠷᠠᠭᠤᠯᠵᠤ ᠪᠠᠢᠬᠤ ᠶᠤᠮ᠃
( ᠳᠠᠯᠤ᠂ ᠮᠥᠷᠡᠨ ᠦ᠌ ᠣᠷᠴᠢᠭᠤᠯᠭᠠ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠣᠶᠤᠨᠪᠢᠯᠢᠭ᠌
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ᠂ ᠭᠠᠷᠮᠠ
ᠢᠷᠡᠯᠲᠡ᠄ ᠸᠢᠴᠠᠲ ᠬᠣᠯᠪᠣᠭᠠ