ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ 7 > Хөх зул – Боржигон Ванжал –" Хоёр ᠂ Төрөл садны дуудлагын бүлэг " 7
255ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ - 7
ᠪᠡᠶᠡ ᠡᠴᠡ ᠳᠣᠷᠣᠭᠰᠢᠬᠢ ᠭᠣᠣᠯ ᠤᠭᠰᠠᠭᠠ ᠶ᠋ᠢᠨ ᠬᠤᠭᠤᠷᠤᠨᠳᠤᠬᠢ ᠳᠠᠭᠤᠳᠠᠯᠭᠠ Биеэс дорогших гол угсаагийн хоорондох дуудлага
ᠥᠪᠡᠷ ᠢ᠋ ᠵᠢᠭᠠᠵᠤ ᠪᠣᠢ᠃
ᠪᠡᠷᠢ
ᠥᠪᠡᠷ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠨ ᠪᠠᠭᠤᠯᠭᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠪᠡᠷᠢ ᠭᠡᠳᠡᠭ ᠦᠭᠡᠨ ᠳ᠋ᠦ᠍ ᠬᠣᠶᠠᠷ ᠵᠦᠢᠯ ᠦ᠋ᠨ ᠤᠳᠬᠠ ᠲᠠᠢ᠃
① ᠥᠪᠡᠷ ᠲᠦ᠍ ᠬᠠᠤᠯᠢ ᠪᠠᠷ ᠪᠠᠲᠤᠯᠠᠵᠤ ᠬᠤᠷᠢᠮᠯᠠᠭᠰᠠᠨ ᠭᠡᠷᠭᠡᠢ᠃
② ᠥᠪᠡᠷ ᠡᠴᠡ ᠳᠣᠷᠣᠭᠰᠢᠬᠢ ᠦᠶᠡ ᠨᠢᠭᠡᠪᠦᠷᠢ ᠶ᠋ᠢᠨ ᠬᠠᠤᠯᠢ ᠪᠠᠷ ᠬᠤᠷᠢᠮᠯᠠᠵᠤ ᠪᠠᠭᠤᠯᠭᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠥᠬᠢᠳ ᠲᠦ᠍ ᠬᠣᠯᠪᠣᠭᠳᠠᠭᠰᠠᠨ ᠨᠡᠢᠲᠡ ᠳᠤᠮᠳᠠ ᠶ᠋ᠢᠨ ᠨᠢᠭᠡᠨ ᠳᠠᠭᠤᠳᠠᠯᠭᠠ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠪᠡᠷᠢ ᠂ ᠳᠡᠭᠦᠦ ᠪᠡᠷᠢ ᠂ ᠬᠦᠦ ᠪᠡᠷᠢ ᠁ ᠴᠢᠨᠠᠭᠰᠢᠯᠠᠨ ᠵᠢᠯᠢᠢᠬᠦᠢ ᠪᠡᠷᠢ ᠂ ᠲᠡᠯᠢᠢᠬᠦᠢ ᠪᠡᠷᠢ ᠭᠡᠬᠦ ᠮᠡᠲᠦ᠃ ᠪᠠᠰᠠ ᠡᠮᠡᠭᠲᠡᠢ ᠂ ᠪᠦᠰᠡᠭᠦᠢ ᠂ ᠭᠡᠷᠭᠡᠢ ᠂ ᠡᠬᠡᠨᠡᠷ ( ᠤᠷᠢᠳᠤ ᠬᠠᠭᠠᠳ ᠤ᠋ᠨ ᠰᠤᠯᠠ ᠠ᠋ᠴᠠ ᠬᠦᠦ ᠨᠢ ᠭᠡᠷᠭᠡᠢ ᠪᠣᠯᠭᠠᠨ ᠠᠪᠤᠭᠰᠠᠨ ᠢ᠋ ᠰᠠᠢ ᠡᠬᠡᠨᠡᠷ ᠭᠡᠳᠡᠭ ) ᠃
ᠳᠡᠭᠦᠦ
ᠡᠬᠡ ᠨᠢᠭᠡᠲᠡᠢ ᠪᠤᠶᠤ ᠨᠡᠢᠭᠡᠮ ᠳᠡᠭᠡᠷᠡᠬᠢ ᠪᠡᠶᠡ ᠡᠴᠡ ᠨᠠᠰᠤ ᠪᠠᠷ ᠪᠠᠭᠠ ᠡᠷᠡᠭᠲᠡᠢ ᠶ᠋ᠢ ᠳᠡᠭᠦᠦ ᠭᠡᠨᠡ᠃
ᠲᠥᠷᠥᠭᠰᠡᠨ ᠳᠡᠭᠦᠦ
ᠡᠴᠢᠭᠡ ᠡᠬᠡ ᠨᠢᠭᠡᠲᠡᠢ ᠪᠤᠶᠤ ᠡᠴᠢᠭᠡ ᠨᠢᠭᠡᠲᠡᠢ ᠡᠬᠡ ᠥᠭᠡᠷᠡ ᠲᠡᠢ ᠥᠪᠡᠷ ᠡᠴᠡ ᠨᠠᠰᠤ ᠪᠠᠷ ᠪᠠᠭᠠ ᠡᠷᠡᠭᠲᠡᠢ ᠶ᠋ᠢ ᠲᠥᠷᠥᠭᠰᠡᠨ ᠳᠡᠭᠦᠦ ᠭᠡᠨᠡ ᠃ ᠳᠡᠭᠦᠦ ᠣᠯᠠᠨ ᠪᠣᠯ ᠲᠣᠭᠠ ᠪᠤᠶᠤ ᠪᠡᠶᠡ ᠪᠠᠢᠳᠠᠯ ᠥᠩᠭᠡ ᠵᠢᠰᠦ ᠵᠠᠩ ᠠᠭᠠᠯᠢ ᠪᠠᠷ ᠨᠢ ᠨᠡᠷᠡᠯᠡᠵᠦ ᠢᠯᠭᠠᠨᠠ᠃
ᠳᠡᠭᠦᠦ ᠪᠡᠷᠢ
ᠡᠬᠡ ᠨᠢᠭᠡᠲᠡᠢ ᠳᠡᠭᠦᠦ ᠶ᠋ᠢᠨ ᠬᠤᠷᠢᠮᠯᠠᠨ ᠪᠠᠭᠤᠯᠭᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠣᠯᠠᠨ ᠳᠡᠭᠦᠦ ᠪᠡᠷᠢ ᠲᠡᠢ ᠪᠣᠯ ᠮᠥᠨ ᠲᠣᠭᠠ ᠪᠤᠶᠤ ᠪᠡᠶᠡ ᠭᠠᠯᠪᠢᠷ ᠵᠢᠰᠦ ᠴᠢᠷᠠᠢ ᠂ ᠵᠠᠩ ᠠᠪᠤᠷᠢ ᠵᠡᠷᠭᠡ ᠪᠡᠷ ᠨᠢ ᠨᠡᠷᠡᠯᠡᠨ ᠳᠠᠭᠤᠳᠠᠨᠠ᠃
ᠦᠶᠡᠯᠢᠳ ᠠᠬᠠ ᠳᠡᠭᠦᠦ
ᠡᠪᠦᠭᠡ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ ᠠᠬᠠ ᠳᠡᠭᠦᠦ ᠬᠣᠶᠠᠷ ᠤ᠋ᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠦᠶᠡᠯᠢᠳ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ ᠃ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠬᠤ ᠪᠠᠨ ᠨᠠᠰᠤᠨ ᠤ᠋ ᠶᠡᠬᠡ ᠪᠠᠭᠠ ᠪᠠᠷ ᠲᠣᠭᠲᠠᠭᠠᠨᠠ᠃
ᠦᠶᠡᠯᠢᠳ ᠪᠡᠷᠢᠶᠡᠳ
ᠦᠶᠡᠯᠢᠳ ᠬᠡᠦᠬᠡᠳ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠯᠴᠠᠬᠤ ᠪᠠᠨ ᠨᠠᠰᠤ ᠪᠠᠷ ᠲᠣᠭᠲᠠᠭᠠᠬᠤ ᠪᠢᠰᠢ᠂ ᠬᠠᠷᠢᠨ ᠡᠷᠡ ᠪᠡᠨ ᠳᠠᠭᠠᠵᠤ ᠦᠶᠡ ᠪᠡᠷ ᠲᠣᠭᠲᠠᠭᠠᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ : ᠪᠡᠷᠢ ᠶ᠋ᠢᠨ ᠨᠠᠰᠤ ᠬᠡᠳᠦ ᠶᠡᠬᠡ ᠪᠠᠢᠭᠰᠠᠨ ᠴᠤ᠌ ᠡᠷᠡ ᠶ᠋ᠢ ᠳᠠᠭᠠᠵᠤ ᠨᠠᠰᠤ ᠪᠠᠭᠠ ᠶ᠋ᠢ ᠴᠦ᠍ ᠠᠬᠠ ᠭᠡᠵᠦ ᠳᠠᠭᠤᠳᠠᠨᠠ᠃ ᠪᠡᠷᠭᠡᠨ ᠭᠡᠵᠦ ᠳᠠᠭᠤᠳᠠᠬᠤ ᠨᠢ᠂ ᠲᠡᠷᠡ ᠮᠥᠨ ᠡᠷᠡ ᠶ᠋ᠢᠨ ᠦᠶᠡ ᠶ᠋ᠢ ᠳᠠᠭᠠᠵᠤ ᠨᠠᠰᠤ ᠪᠠᠭᠠ ᠴᠤ᠌ ᠪᠡᠷᠭᠡᠨ ᠭᠡᠵᠦ ᠳᠠᠭᠤᠳᠠᠨᠠ᠃
ᠬᠠᠶᠠᠯᠢᠳ ᠠᠬᠠ ᠳᠡᠭᠦᠦ
ᠡᠯᠦᠨᠴᠡ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ᠃ ᠦᠶᠡᠯᠢᠳ ᠠᠬᠠ ᠳᠡᠭᠦᠦ ᠶ᠋ᠢᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠬᠠᠶᠠᠯᠢᠳ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ᠃ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠬᠤ ᠪᠠᠨ ᠨᠠᠰᠤᠨ ᠤ᠋ ᠶᠡᠬᠡ ᠪᠠᠭᠠ ᠪᠠᠷ ᠲᠣᠭᠲᠠᠭᠠᠨᠠ᠃
ᠬᠠᠶᠠᠯᠢᠳ ᠪᠡᠷᠢᠶᠡᠳ
ᠬᠠᠶᠠᠯᠢᠳ ᠬᠥᠪᠡᠭᠦᠳ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢᠴᠦᠳ᠃ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠯᠴᠠᠬᠤ ᠪᠠᠨ ᠡᠷᠡ ᠪᠡᠨ ᠳᠠᠭᠠᠵᠤ ᠦᠶᠡ ᠪᠡᠷ ᠲᠣᠭᠲᠠᠭᠠᠨᠠ᠃
ᠦᠶᠡ ᠠᠬᠠ ᠳᠡᠭᠦᠦ
ᠬᠤᠯᠤᠨᠴᠠ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ ᠃ ᠬᠠᠶᠠᠯᠢᠳ ᠠᠬᠠ ᠳᠡᠭᠦᠦ ᠶ᠋ᠢᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠦᠶᠡ ᠠᠬᠠ ᠳᠡᠭᠦᠣᠰ ᠪᠣᠯᠤᠯᠴᠠᠨᠠ᠃
ᠦᠶᠡ ᠪᠡᠷᠢᠶᠡᠳ
ᠦᠶᠡ ᠬᠥᠪᠡᠭᠦᠨ ᠳ᠋ᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠠᠪᠢᠰᠤᠨ ᠠᠵᠢᠨ ᠢ᠋ᠶ᠋ᠠᠨ ᠲᠣᠭᠲᠠᠭᠠᠬᠤ ᠨᠢ ᠬᠠᠶᠠᠯᠢᠳ ᠪᠡᠷᠢ ᠲᠡᠢ ᠠᠳᠠᠯᠢ ᠶᠣᠰᠣ᠃
ᠬᠠᠶᠠ ᠠᠬᠠ ᠳᠡᠭᠦᠦ
ᠡᠯᠦᠨ ᠡᠪᠦᠭᠡ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ᠃ ᠦᠶᠡ ᠠᠬᠠ ᠳᠡᠭᠦᠦ ᠶ᠋ᠢᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠬᠠᠶᠠ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ᠃
ᠬᠠᠷᠠ ᠪᠡᠷᠢᠶᠡᠳ
ᠬᠠᠷᠠ ᠬᠥᠪᠡᠭᠦᠳ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠯᠴᠠᠬᠤ ᠪᠠᠨ ᠮᠥᠨ ᠬᠠᠶᠠᠯᠢᠳ ᠪᠡᠷᠢ ᠶ᠋ᠢᠨ ᠶᠣᠰᠣ ᠲᠠᠢ ᠠᠳᠠᠯᠢ᠃
ᠦᠶᠡᠨᠴᠢᠷ ᠠᠬᠠ ᠳᠡᠭᠦᠦ
ᠬᠤᠯᠤᠨ ᠡᠪᠦᠭᠡ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ᠃ ᠬᠠᠶᠠ ᠠᠬᠠ ᠳᠡᠭᠦᠦ ᠶ᠋ᠢᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠦᠶᠡᠨᠴᠢᠷ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ᠃
ᠦᠶᠡᠨᠴᠢᠷ ᠪᠡᠷᠢᠶᠡᠳ
ᠦᠶᠡᠨᠴᠢᠷ ᠬᠥᠪᠡᠭᠦᠳ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠠᠪᠢᠰᠤᠨ ᠠᠵᠢᠨ ᠢ᠋ᠶ᠋ᠠᠨ ᠲᠣᠭᠲᠠᠭᠠᠬᠤ ᠨᠢ ᠮᠥᠨ ᠡᠷᠡᠭᠲᠡᠢ ᠪᠡᠨ ᠳᠠᠭᠠᠵᠤ ᠲᠣᠭᠲᠠᠭᠠᠨᠠ᠃
ᠬᠠᠶᠠᠨᠴᠢᠷ ᠠᠬᠠ ᠳᠡᠭᠦᠦ
ᠬᠣᠯᠪᠣᠭᠠ ᠡᠪᠦᠭᠡ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ᠃ ᠦᠶᠡᠨᠴᠢᠷ ᠠᠬᠠ ᠳᠡᠭᠦᠦ ᠶ᠋ᠢᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠬᠠᠶᠠᠨᠴᠢᠷ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ᠃
ᠬᠠᠶᠠᠨᠴᠢᠷ ᠪᠡᠷᠢᠶᠡᠳ
ᠬᠠᠶᠠᠨᠴᠢᠷ ᠬᠥᠪᠡᠭᠦᠳ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠠᠪᠢᠰᠤᠨ ᠠᠵᠢᠨ ᠢ᠋ᠶ᠋ᠠᠨ ᠲᠣᠭᠲᠠᠭᠠᠬᠤ ᠨᠢ ᠬᠠᠶᠠᠯᠢᠳ ᠪᠡᠷᠢ ᠲᠡᠢ ᠠᠳᠠᠯᠢ ᠲᠣᠭᠲᠠᠭᠠᠨᠠ᠃
ᠲᠥᠷᠥᠯ ᠦ᠋ᠨ ᠠᠬᠠ ᠳᠡᠭᠦᠦ
ᠥᠨᠳᠥᠷ ᠡᠪᠦᠭᠡ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦ᠃ ᠬᠠᠶᠠᠨᠴᠢᠷ ᠠᠬᠠ ᠳᠡᠭᠦᠦ ᠶ᠋ᠢᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠲᠥᠷᠥᠯ ᠦ᠋ᠨ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ᠃
ᠲᠥᠷᠥᠯ ᠦ᠋ᠨ ᠪᠡᠷᠢᠶᠡᠳ
ᠲᠥᠷᠥᠯ ᠦ᠋ᠨ ᠬᠥᠪᠡᠭᠦᠳ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠯᠴᠠᠬᠤ ᠨᠢ ᠮᠥᠨ ᠬᠠᠶᠠᠯᠢᠳ ᠪᠡᠷᠢ ᠶ᠋ᠢᠨ ᠶᠣᠰᠣ ᠲᠠᠢ ᠠᠳᠠᠯᠢ᠃
ᠠᠢᠮᠠᠭ ᠤ᠋ᠨ ᠠᠬᠠ ᠳᠡᠭᠦᠦ
ᠤᠭ ᠳᠡᠭᠡᠳᠦᠰ ᠨᠢᠭᠡᠲᠡᠢ ᠠᠬᠠ ᠳᠡᠭᠦᠦᠰ᠃ ᠲᠥᠷᠥᠯ ᠦ᠋ᠨ ᠠᠬᠠ ᠳᠡᠭᠦᠦ ᠨᠠᠷ ᠤ᠋ᠨ ᠬᠡᠦᠬᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠠᠢᠮᠠᠭ ᠤ᠋ᠨ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ᠃
ᠠᠢᠮᠠᠭ ᠤ᠋ᠨ ᠪᠡᠷᠢᠶᠡᠳ
ᠠᠢᠮᠠᠭ ᠤ᠋ᠨ ᠬᠥᠪᠡᠭᠦᠳ ᠲᠦ᠍ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠪᠤᠰᠤᠳ ᠣᠪᠣᠭ ᠤ᠋ᠨ ᠡᠮᠡᠭᠲᠡᠢ᠃ ᠬᠣᠯᠠ ᠲᠥᠷᠥᠯ ᠦ᠋ᠨ ᠪᠡᠷᠢᠶᠡᠳ ᠪᠣᠯᠤᠨᠠ᠃