ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ 6 > Хөх зул – Боржигон Ванжал –" Хоёр ᠂ Төрөл садны дуудлагын бүлэг " 6
330ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ - 6
ᠡᠬᠡ ᠶᠢᠨ ᠲᠠᠯᠠ ᠶᠢᠨ ᠲᠥᠷᠥᠯ ᠦᠨ ᠬᠤᠭᠤᠷᠤᠨᠳᠤᠬᠢ ᠳᠠᠭᠤᠳᠠᠯᠭᠠ Эхийн талын төрлийн хоорондох дуудлага
ᠡᠬᠡ ᠲᠡᠢ ᠬᠦᠢ ᠨᠢᠭᠡᠲᠡᠢ ᠡᠷᠡᠭᠲᠡᠢ ᠬᠥᠮᠦᠨ ᠃ ᠨᠠᠭᠠᠴᠤ ᠭᠡᠳᠡᠭ ᠦᠭᠡ ᠮᠥᠨ ᠠᠪᠠᠭᠠ ᠲᠠᠢ ᠠᠳᠠᠯᠢ ᠡᠬᠡ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠳᠡᠭᠡᠷᠡ ᠨᠢᠭᠡ ᠦᠶᠡ ᠶ᠋ᠢ ᠵᠢᠭᠠᠭᠰᠠᠨ ᠨᠡᠷᠡᠢᠳᠦᠯ ᠃ ᠡᠬᠡ ᠡᠴᠡ ᠠᠬᠠ ᠶ᠋ᠢ ᠨᠢ ᠶᠡᠬᠡ ᠨᠠᠭᠠᠴᠤ ᠭᠡᠵᠦ ᠂ ᠡᠬᠡ ᠡᠴᠡ ᠳᠡᠭᠦᠦ ᠶ᠋ᠢ ᠨᠢ ᠪᠠᠭᠠ ᠨᠠᠭᠠᠴᠤ ᠭᠡᠨᠡ ᠃ ᠬᠡᠷᠪᠡ ᠬᠡᠳᠦ ᠬᠡᠳᠦᠨ ᠶᠡᠬᠡ ᠪᠤᠶᠤ ᠪᠠᠭᠠ ᠨᠠᠭᠠᠴᠤ ᠪᠠᠢᠪᠠᠯ ᠂ ᠲᠡᠳᠡ ᠨᠠᠷ ᠤ᠋ᠨ ᠢᠯᠭᠠᠭᠠ ᠶ᠋ᠢ ᠲᠣᠭᠠ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠣᠨᠴᠠᠯᠢᠭ ᠢ᠋ᠶ᠋ᠠᠷ ᠨᠢ ᠨᠡᠷᠡᠯᠡᠵᠦ ᠢᠯᠭᠠᠨ ᠳᠠᠭᠤᠳᠠᠨᠠ ᠃
ᠨᠠᠭᠠᠴᠤ ᠪᠡᠷᠭᠡᠨ
ᠨᠠᠭᠠᠴᠤ ᠲᠠᠢ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠨ ᠰᠠᠭᠤᠭᠰᠠᠨ ᠬᠥᠮᠦᠨ ᠃ ᠡᠬᠡ ᠶ᠋ᠢᠨ ᠪᠡᠷᠭᠡᠨ ᠨᠢ ᠪᠣᠯᠤᠨᠠ᠃
ᠨᠠᠭᠠᠴᠤ ᠠᠪᠤ
ᠡᠬᠡ ᠶ᠋ᠢᠨ ᠡᠴᠢᠭᠡ ᠶ᠋ᠢ ᠬᠡᠯᠡᠨᠡ᠃ ᠪᠠᠰᠠ ᠨᠠᠭᠠ ᠠᠪᠤ ᠭᠡᠳᠡᠭ᠃ ᠡᠨᠡ ᠪᠣᠯ ᠨᠠᠭᠠ ᠨᠢ 《ᠴᠦ᠍ 》ᠦᠭᠡᠢ ᠲᠡᠢᠮᠦ ᠡᠴᠡ ᠲᠠᠭᠠᠷᠠᠨᠠ᠃ ᠨᠠᠬᠠ ᠶᠧ ᠶᠧ ᠭᠡᠵᠦ ᠳᠠᠭᠤᠳᠠᠵᠤ ᠪᠠᠢᠭᠠ ᠪᠣᠯ ᠬᠠᠯᠭᠤᠤ ᠳᠠᠭᠤᠳᠠᠯᠭᠠ ᠃ ᠤᠴᠢᠷ ᠨᠢ ᠨᠠᠭᠠᠴᠤ ᠭᠡᠳᠡᠭ ᠦᠭᠡ ᠂ ᠠᠪᠤ ᠭᠡᠰᠡᠨ ᠳᠡᠭᠡᠷᠡ ᠨᠢᠭᠡ ᠦᠶᠡ ᠶ᠋ᠢ ᠠᠬᠢᠨ ᠨᠢᠭᠡ ᠦᠶᠡ ᠳᠡᠭᠡᠭᠰᠢᠯᠡᠭᠦᠯᠦᠭᠰᠡᠨ ᠳ᠋ᠦ᠍ ᠣᠷᠣᠰᠢᠨᠠ᠃
ᠨᠠᠭᠠᠴᠤ ᠡᠬᠡ
ᠡᠬᠡ ᠶ᠋ᠢᠨ ᠡᠬᠡ ᠪᠣᠯᠤᠨᠠ᠃ ᠪᠠᠰᠠ ᠨᠠᠭᠠ ᠡᠵᠢ ᠭᠡᠳᠡᠭ ᠃ ᠤᠴᠢᠷ ᠶᠣᠰᠣ ᠨᠢ ᠨᠠᠭᠠᠴᠤ ᠠᠪᠤ ᠶ᠋ᠢᠨ ᠬᠢ ᠲᠡᠢ ᠠᠳᠠᠯᠢ ᠃
ᠨᠠᠭᠠᠴᠤ ᠡᠪᠦᠭᠡ
ᠡᠬᠡ ᠶ᠋ᠢᠨ ᠡᠪᠦᠭᠡ ᠨᠢ ᠪᠣᠯᠤᠨᠠ ᠃ ᠥᠪᠡᠷ ᠲᠦ᠍ ᠨᠠᠭᠠᠴᠤ ᠡᠪᠦᠭᠡ ᠪᠣᠯᠤᠨᠠ ᠃ ᠶᠣᠰᠣ ᠨᠢ ᠮᠥᠨ ᠨᠠᠭᠠᠴᠤ ᠭᠡᠳᠡᠭ ᠦᠭᠡ ᠨᠢᠭᠡ ᠦᠶᠡ ᠶ᠋ᠢ ᠳᠡᠭᠡᠭᠰᠢᠯᠡᠭᠦᠯᠵᠡᠢ᠃
ᠨᠠᠭᠠᠴᠤ ᠡᠮᠡᠭᠡ
ᠡᠬᠡ ᠶ᠋ᠢᠨ ᠡᠮᠡᠭᠡ ᠡᠬᠡ ᠪᠣᠯᠤᠨᠠ ᠃ ᠥᠪᠡᠷ ᠲᠦ᠍ ᠨᠠᠭᠠᠴᠤ ᠡᠮᠡᠭᠡ ᠪᠣᠯᠤᠨᠠ ᠃ ᠶᠣᠰᠣ ᠨᠢ ᠮᠥᠨ ᠳᠡᠭᠡᠷᠡᠬᠢ ᠲᠡᠢ ᠠᠳᠠᠯᠢ᠃
ᠡᠭᠦᠨᠴᠢᠯᠡᠨ ᠴᠠᠭᠠᠰᠢ ᠨᠠᠭᠠᠴᠤ ᠡᠯᠦᠨᠴᠡ ᠡᠴᠡ ᠥᠨᠳᠥᠷ ᠡᠪᠦᠭᠡ ᠂ ᠳᠡᠭᠡᠳᠦᠰ ᠬᠦᠷᠲᠡᠯᠡᠬᠢ ᠶ᠋ᠢ ᠨᠠᠷᠢᠨ ᠲᠡᠮᠳᠡᠭᠯᠡᠬᠦ ᠦᠭᠡᠢ ᠴᠦ᠍ ᠤᠩᠰᠢᠭᠴᠢ ᠮᠢᠨᠢ ᠮᠡᠳᠡᠵᠦ ᠪᠣᠯᠬᠤ ᠶ᠋ᠢᠨ ᠤᠴᠢᠷ ᠨᠤᠷᠰᠢᠬᠤ ᠪᠠᠨ ᠪᠣᠯᠢᠶᠠ ᠃
ᠨᠠᠭᠠᠴᠤ ᠡᠭᠡᠴᠢ
ᠡᠬᠡ ᠶ᠋ᠢᠨ ᠡᠭᠡᠴᠢ ᠪᠤᠶᠤ ᠥᠬᠢᠨ ᠳᠡᠭᠦᠦ ᠨᠢ ᠪᠣᠯᠤᠨᠠ ᠃ ᠥᠪᠡᠷ ᠲᠦ᠍ ᠨᠠᠭᠠᠴᠤ ᠡᠭᠡᠴᠢ ᠪᠣᠯᠤᠨᠠ᠃
ᠨᠠᠭᠠᠴᠤ ᠬᠦᠷᠭᠡᠨ ᠠᠬᠠ
ᠨᠠᠭᠠᠴᠤ ᠡᠭᠡᠴᠢ ᠶ᠋ᠢᠨ ᠬᠦᠷᠭᠡᠨ ᠃ ᠡᠬᠡ ᠶ᠋ᠢᠨ ᠳᠡᠭᠦᠦ ᠬᠦᠷᠭᠡᠨ᠃