ᠬᠥᠬᠡ ᠵᠤᠯᠠ – ᠪᠣᠷᠵᠢᠭᠢᠨ ᠸᠠᠩᠵᠠᠯ - < ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ 5 > Хөх зул – Боржигон Ванжал –" Хоёр ᠂ Төрөл садны дуудлагын бүлэг " 5
246ᠬᠣᠶᠠᠷ ᠂ ᠲᠥᠷᠥᠯ ᠰᠠᠳᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠪᠦᠯᠦᠭ – 5
ᠪᠡᠶᠡ ᠡᠴᠡ ᠬᠥᠨᠳᠡᠯᠡᠨ ᠦᠶᠡ Биеэс хөндлөн үе
ᠪᠡᠶᠡ
ᠥᠪᠡᠷ ᠢ᠋ ᠵᠢᠭᠠᠵᠤ ᠪᠣᠢ᠃ ᠥᠪᠡᠷ ᠭᠡᠭᠴᠢ ᠮᠣᠩᠭᠣᠯ ᠤ᠋ᠨ ᠦᠶᠡ ᠳᠠᠭᠤᠳᠠᠯᠭᠠ – ᠳᠡᠭᠡᠭᠰᠢ ᠳᠣᠷᠣᠭᠰᠢ 19 ᠦᠶᠡ ᠶ᠋ᠢᠨ ᠲᠥᠪ ᠳᠤᠮᠳᠠᠬᠢ ᠦᠶᠡ ᠳ᠋ᠦ᠍ ᠣᠨᠣᠭᠳᠠᠬᠤ ᠬᠥᠮᠦᠨ ᠢ᠋ ᠬᠡᠯᠡᠵᠦ ᠪᠣᠢ᠃
ᠠᠬᠠ
ᠨᠢᠭᠡ ᠡᠬᠡ ᠡᠴᠡ ᠲᠥᠷᠥᠭᠰᠡᠨ(ᠡᠰᠡᠬᠦᠯᠡ ᠡᠴᠢᠭᠡ ᠨᠢᠭᠡᠲᠡᠢ ᠡᠬᠡ ᠥᠭᠡᠷᠡ ᠪᠤᠶᠤ ᠡᠬᠡ ᠨᠢᠭᠡᠲᠡᠢ ᠡᠴᠢᠭᠡ ᠥᠭᠡᠷᠡ )ᠪᠥᠭᠡᠳ ᠪᠡᠶᠡ ᠡᠴᠡ ᠨᠠᠰᠤ ᠪᠠᠷ ᠶᠡᠬᠡ ᠡᠷᠡᠭᠲᠡᠢ ᠶ᠋ᠢ ᠠᠬᠠ ᠭᠡᠳᠡᠭ᠃
ᠲᠥᠷᠥᠭᠰᠡᠨ ᠠᠬᠠ
ᠡᠷᠬᠡᠪᠰᠢ ᠨᠢᠭᠡ ᠡᠴᠢᠭᠡ ᠡᠬᠡ ᠡᠴᠡ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦ ᠪᠥᠭᠡᠳ ᠨᠠᠰᠤ ᠪᠠᠷ ᠶᠡᠬᠡ ᠡᠷᠡᠭᠲᠡᠢ ᠶ᠋ᠢ ᠲᠥᠷᠥᠭᠰᠡᠨ ᠠᠬᠠ ᠭᠡᠨᠡ᠃
ᠡᠨᠡ ᠬᠦ᠌ ᠭᠣᠣᠯ ᠲᠥᠷᠥᠯ ᠦ᠋ᠨ ᠠᠬᠠ ᠳᠡᠭᠦᠦ ᠡᠴᠡ ᠭᠠᠳᠠᠨᠠ ᠪᠠᠰᠠ ᠡᠳᠦᠢ ᠲᠡᠳᠦᠢ ᠠᠬᠠ ᠳᠡᠭᠦᠦ ᠪᠣᠢ᠃
ᠬᠠᠳᠠᠮ ᠠᠬᠠ ᠄ ᠭᠡᠷᠭᠡᠢ ᠶ᠋ᠢᠨ ᠠᠬᠠ ᠃
ᠵᠢᠷᠤᠮ ᠤ᠋ᠨ ᠠᠬᠠ – ᠴᠢᠰᠤ ᠪᠠᠨ ᠤᠤᠭᠤᠵᠤ ᠠᠳᠠᠭᠠᠢᠯᠠᠭᠰᠠᠨ ᠥᠭᠡᠷᠡ ᠣᠪᠣᠭ ᠤ᠋ᠨ ᠠᠨᠳᠠ ᠃
ᠡᠩ ᠦ᠋ᠨ ᠠᠬᠠ – ᠠᠢᠯ ᠠᠢᠮᠠᠭ᠂ ᠲᠠᠨᠢᠯ ᠳᠠᠰᠤᠯ ᠪᠣᠯᠤᠭᠰᠠᠨ ᠨᠡᠢᠭᠡᠮ ᠳᠡᠭᠡᠷᠡᠬᠢ ᠨᠠᠰᠤ ᠪᠠᠷ ᠶᠡᠬᠡ ᠡᠷᠡᠭᠲᠡᠢ᠃
ᠪᠡᠷᠭᠡᠨ(ᠪᠡᠷᠭᠡᠢ)
ᠠᠬᠠ ᠶ᠋ᠢᠨ ᠪᠦᠰᠡᠭᠦᠢ ᠂ ᠪᠡᠷᠭᠡᠨ ᠭᠡᠳᠡᠭ ᠦᠭᠡᠨ ᠳ᠋ᠦ᠍᠂ ① ᠠᠬᠠ ᠶ᠋ᠢᠨ ᠪᠦᠰᠡᠭᠦᠢ ᠭᠡᠰᠡᠨ ᠭᠣᠣᠯ ᠤᠳᠬᠠ ᠲᠠᠢ ᠃ ② ᠪᠡᠶᠡ ᠦᠶᠡ ᠡᠴᠡ ᠳᠡᠭᠡᠭᠰᠢᠬᠢ ᠣᠯᠠᠨ ᠦᠶᠡ ᠶ᠋ᠢᠨ ᠪᠤᠰᠤᠳ ᠣᠪᠣᠭ ᠠ᠋ᠴᠠ ᠪᠠᠭᠤᠯᠭᠠᠨ ᠠᠪᠤᠭᠰᠠᠨ ᠬᠥᠨᠳᠡᠯᠡᠨ ᠦᠶᠡ ᠶ᠋ᠢᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠨᠡᠢᠲᠡ ᠳᠤᠮᠳᠠ ᠶ᠋ᠢᠨ ᠳᠠᠭᠤᠳᠠᠯᠭᠠ ᠪᠣᠯᠤᠭᠰᠠᠨ ᠪᠠᠰᠠ ᠨᠢᠭᠡ ᠤᠳᠬᠠ ᠪᠣᠢ᠃ ᠵᠢᠱ᠌ᠢᠶᠡᠯᠡᠪᠡᠯ : ᠪᠡᠷᠭᠡᠨ᠂ ᠠᠪᠠᠭᠠ ᠪᠡᠷᠭᠡᠨ᠂ ᠠᠪᠠᠭᠠ ᠪᠡᠷᠭᠡᠨ ᠡᠬᠡ ( ᠳᠥᠭᠥᠮᠴᠢᠯᠡᠭᠡᠳ ᠠᠪᠠᠭᠠ ᠡᠬᠡ ᠭᠡᠵᠦ ᠳᠠᠭᠤᠳᠠᠳᠠᠭ ᠃ ᠡᠮᠡᠭᠡ ᠲᠡᠢ ᠠᠪᠢᠰᠤᠨ ᠠᠵᠢᠨ ᠪᠣᠯᠬᠤ ) ᠭᠡᠬᠦ ᠮᠡᠲᠦ᠃
ᠠᠪᠠᠭᠠ
ᠡᠴᠢᠭᠡ ᠯᠦ᠍ᠭᠡ ᠬᠡᠪᠡᠯᠢ ᠨᠢᠭᠡᠲᠡᠨ ᠬᠡᠬᠡᠢ ᠭᠠᠭᠴᠠᠳᠠᠨ ᠠᠬᠠ ᠳᠡᠭᠦᠦ ᠪᠣᠯᠠᠢ᠃ ᠠᠪᠠᠭᠠ ᠭᠡᠳᠡᠭ ᠦᠭᠡᠨ ᠳ᠋ᠦ᠍ ᠂ ① ᠡᠴᠢᠭᠡ ᠲᠡᠢ ᠨᠢᠭᠡ ᠡᠬᠡ ᠡᠴᠡ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦ ᠦᠶᠡ ᠶ᠋ᠢᠨ ᠬᠢᠨ ᠭᠡᠰᠡᠨ ᠭᠣᠣᠯ ᠤᠳᠬᠠ ᠲᠠᠢ ᠃ ② ᠠᠪᠠᠭᠠ ᠭᠡᠰᠡᠨ ᠦᠭᠡ ᠡᠴᠢᠭᠡ ᠶ᠋ᠢᠨ ᠲᠠᠯᠠ ᠶ᠋ᠢᠨ ᠳᠡᠭᠡᠷᠡ ᠨᠢᠭᠡ ᠦᠶᠡ ᠶ᠋ᠢ ᠵᠢᠭᠠᠭᠰᠠᠨ ᠥᠪᠡᠷᠮᠢᠴᠡ ᠤᠳᠬᠠ ᠲᠠᠢ ᠦᠭᠡ᠃ ᠵᠢᠱ᠌ᠢᠶᠡᠯᠡᠪᠡᠯ : ᠶᠡᠬᠡ ᠠᠪᠠᠭᠠ ᠂ ᠶᠡᠬᠡ ᠠᠪᠠᠭᠠ ᠪᠡᠷᠭᠡᠨ ᠲᠡᠢ ᠢᠷᠡᠯᠡ ᠭᠡᠪᠡᠯ ᠡᠴᠢᠭᠡ ᠶ᠋ᠢᠨ ᠠᠬᠠ ᠪᠦᠰᠡᠭᠦᠢ ᠲᠡᠢ ᠪᠡᠨ ᠬᠠᠮᠲᠤ ᠢᠷᠡᠵᠦ ᠭᠡᠵᠦ ᠣᠢᠯᠠᠭᠠᠬᠤ ᠃ ᠪᠠᠭᠠ ᠠᠪᠠᠭᠠ ᠡᠴᠢᠭᠡ ᠢᠷᠡᠯᠡ ᠭᠡᠪᠡᠯ ᠂ ᠡᠪᠦᠭᠡ ᠶ᠋ᠢᠨ ᠳᠡᠭᠦᠦ ᠢᠷᠡᠵᠦ ᠪᠠᠢᠨᠠ ᠭᠡᠵᠦ ᠮᠡᠳᠡᠬᠦ ᠶ᠋ᠢ ᠰᠢᠨᠵᠢᠮᠦ ᠃ ᠡᠭᠦᠨᠡ ᠠᠪᠠᠭᠠ ᠭᠡᠳᠡᠭ᠂ ᠳᠡᠭᠡᠷᠡ ᠨᠢᠭᠡ ᠦᠶᠡ ᠵᠢᠭᠠᠭᠰᠠᠨ ᠦᠭᠡᠨ ᠳ᠋ᠦ᠍ ᠡᠴᠢᠭᠡ ᠭᠡᠳᠡᠭ ᠮᠥᠨ ᠬᠦ᠌ ᠳᠡᠭᠡᠷᠡ ᠨᠢᠭᠡ ᠦᠶᠡ ᠶ᠋ᠢ ᠵᠢᠭᠠᠭᠰᠠᠨ ᠦᠭᠡ ᠶ᠋ᠢ ᠨᠡᠮᠡᠵᠦ ᠳᠡᠭᠡᠷᠡ ᠬᠣᠶᠠᠷ ᠦᠶᠡ ᠶ᠋ᠢᠨ ᠬᠥᠮᠦᠨ ᠬᠥᠨᠳᠡᠯᠡᠨ ᠬᠠᠷᠢᠴᠠᠭᠠ ᠶ᠋ᠢᠨ ᠳᠠᠭᠤᠳᠠᠯᠭᠠ ᠶ᠋ᠢ ᠪᠦᠲᠦᠭᠡᠭᠰᠡᠨ ᠶᠦᠮ ᠃ ᠡᠢᠨ ᠬᠦ᠌ ᠠᠪᠠᠭᠠ ᠭᠡᠳᠡᠭ ᠦᠭᠡ ᠲᠡᠢ ᠬᠣᠯᠪᠣᠭᠠ ᠦᠭᠡ ᠪᠦᠲᠦᠭᠡᠭᠰᠡᠨ ᠡᠴᠢᠭᠡ ᠡᠴᠡ ᠳᠡᠭᠡᠭᠰᠢᠬᠢ ᠦᠶᠡ ᠨᠢᠭᠡ ᠪᠦᠷᠢ ᠶ᠋ᠢᠨ ᠨᠡᠷᠡ ᠂ ᠪᠦᠷ ᠨᠢᠭᠡ ᠦᠶᠡ ᠠᠬᠢᠵᠤ ᠳᠠᠭᠤᠳᠠᠭᠳᠠᠨᠠ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠠᠪᠠᠭᠠ ᠡᠪᠦᠭᠡ ( ᠡᠯᠦᠨᠴᠡ ᠶ᠋ᠢᠨ ᠠᠬᠠ ᠪᠤᠶᠤ ᠳᠡᠭᠦᠦ ) ᠂ ᠠᠪᠠᠭᠠ ᠡᠯᠦᠨᠴᠡ( ᠬᠤᠯᠤᠨᠴᠠ ᠶ᠋ᠢᠨ ᠠᠬᠠ ᠪᠤᠶᠤ ᠳᠡᠭᠦᠦ) ᠭᠡᠬᠦ ᠮᠡᠲᠦ ᠃ ③ ᠶᠡᠬᠡ ᠡᠠᠪᠠᠭᠠ ᠄ ᠡᠴᠢᠭᠡ ᠲᠡᠢ ᠨᠢᠭᠡ ᠡᠬᠡ ᠡᠴᠡ ᠲᠥᠷᠥᠭᠰᠡᠨ ᠪᠥᠭᠡᠳ ᠡᠴᠢᠭᠡ ᠡᠴᠡ ᠨᠠᠰᠤ ᠪᠠᠷ ᠶᠡᠬᠡ ᠶ᠋ᠢ ᠨᠢ ᠶᠡᠬᠡ ᠠᠪᠠᠭᠠ ᠭᠡᠵᠦ ᠳᠠᠭᠤᠳᠠᠨᠠ ᠃ ᠪᠠᠭᠠ ᠠᠪᠠᠭᠠ ᠄ ᠡᠴᠢᠭᠡ ᠲᠡᠢ ᠡᠬᠡ ᠨᠢᠭᠡᠲᠡᠢ ᠪᠥᠭᠡᠳ ᠡᠴᠢᠭᠡ ᠡᠴᠡ ᠨᠠᠰᠤ ᠪᠠᠷ ᠪᠠᠭᠠ ᠶ᠋ᠢ ᠨᠢ ᠪᠠᠭᠠ ᠠᠪᠠᠭᠠ ᠭᠡᠨᠡ ᠃ ᠬᠡᠷᠪᠡ ᠬᠡᠳᠦ ᠬᠡᠳᠦᠨ ᠶᠡᠬᠡ ᠪᠤᠶᠤ ᠪᠠᠭᠠ ᠠᠪᠠᠭᠠ ᠲᠠᠢ ᠪᠣᠯ ᠲᠡᠳᠡ ᠨᠠᠷ ᠢ᠋ ᠬᠣᠭᠣᠷᠣᠨᠳᠣ ᠨᠢ ᠲᠣᠭᠠ ᠪᠠᠷ ᠪᠤᠶᠤ ᠪᠡᠶᠡ ᠪᠠᠢᠳᠠᠯ ᠂ ᠵᠢᠰᠦ ᠥᠩᠭᠡ ᠂ ᠵᠠᠩ ᠠᠭᠠᠯᠢ ᠵᠡᠷᠭᠡ ᠁ ᠪᠡᠷ ᠨᠢ ᠨᠡᠷᠡᠯᠡᠨ ᠢᠯᠭᠠᠵᠤ ᠳᠠᠭᠤᠳᠠᠳᠠᠭ ᠃ ᠵᠢᠱ᠌ᠢᠶᠡᠯᠡᠪᠡᠯ : ᠭᠤᠷᠪᠠᠳᠤᠭᠠᠷ ᠪᠠᠭᠠ ᠠᠪᠠᠭᠠ ᠃ ᠥᠨᠳᠥᠷ ᠠᠪᠠᠭᠠ ᠂ ᠰᠢᠷᠠᠮᠠᠨ ᠠᠪᠠᠭᠠ ᠂ ᠨᠣᠮᠣᠬᠠᠨ ᠠᠪᠠᠭᠠ ᠭᠡᠬᠦ ᠮᠡᠲᠦ᠃
ᠠᠪᠠᠭᠠ ᠪᠡᠷᠭᠡᠨ
ᠠᠪᠠᠭᠠ ᠶ᠋ᠢᠨ ᠪᠦᠰᠡᠭᠦᠢ᠃ ᠡᠬᠡ ᠲᠡᠢ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠨᠠ᠃
ᠠᠪᠠᠭᠠ ᠡᠭᠡᠴᠢ
ᠡᠴᠢᠭᠡ ᠲᠡᠢ ᠡᠬᠡ ᠨᠢᠭᠡᠲᠦ ᠥᠬᠢᠳ ᠢ᠋ ᠠᠪᠠᠭᠠ ᠡᠭᠡᠴᠢ ᠭᠡᠨᠡ ᠃ ᠡᠴᠢᠭᠡ ᠡᠴᠡ ᠨᠠᠰᠤ ᠪᠠᠷ ᠶᠡᠬᠡ ᠶ᠋ᠢ ᠨᠢ ᠶᠡᠬᠡ ᠠᠪᠠᠭᠠ ᠡᠭᠡᠴᠢ ᠭᠡᠵᠦ ᠂ ᠨᠠᠰᠤ ᠪᠠᠷ ᠪᠠᠭᠠ ᠶ᠋ᠢ ᠨᠢ ᠪᠠᠭᠠ ᠠᠪᠠᠭᠠ ᠡᠭᠡᠴᠢ(ᠶᠠᠰᠤᠨ ᠲᠥᠷᠥᠯ ) ᠭᠡᠳᠡᠭ ᠃ ᠬᠡᠷᠪᠡ ᠶᠡᠬᠡ ᠪᠤᠶᠤ ᠪᠠᠭᠠ ᠠᠪᠠᠭᠠ ᠡᠭᠡᠴᠢ ᠣᠯᠠᠨ ᠪᠠᠢᠪᠠᠯ ᠲᠡᠳᠡ ᠨᠠᠷ ᠢ᠋ ᠲᠣᠭᠠ ᠪᠠᠷ ᠪᠤᠶᠤ ᠡᠰᠡᠬᠦᠯᠡ ᠪᠡᠶᠡ ᠭᠠᠯᠪᠢᠷ ᠂ ᠥᠩᠭᠡ ᠵᠢᠰᠦ ᠂ ᠵᠠᠩ ᠠᠪᠤᠷᠢ ᠵᠡᠷᠭᠡ ᠪᠡᠷ ᠨᠡᠷᠡᠯᠡᠵᠦ ᠳᠠᠭᠤᠳᠠᠨ ᠢᠯᠭᠠᠨᠠ ᠃ ᠪᠠᠰᠠ ᠠᠪᠠᠭᠠᠢᠯᠠᠵᠤ ᠨᠡᠷᠡ ᠥᠭᠴᠦ ᠳᠠᠭᠤᠳᠠᠳᠠᠭ ᠭᠠᠵᠠᠷ ᠴᠤ᠌ ᠪᠣᠢ ᠃ ᠠᠯᠠᠱᠠ ᠪᠣᠯ ᠠᠪᠠᠭᠠᠢᠯᠠᠳᠠᠭ᠃
ᠠᠪᠠᠭᠠ ᠬᠦᠷᠭᠡᠨ ᠠᠬᠠ
ᠠᠪᠠᠭᠠ ᠡᠭᠡᠴᠢ ᠲᠡᠢ ᠬᠠᠤᠯᠢ ᠶᠣᠰᠣ ᠪᠠᠷ ᠬᠤᠷᠢᠮᠯᠠᠭᠰᠠᠨ ᠡᠷᠡᠭᠲᠡᠢ ᠬᠥᠮᠦᠨ᠃ ᠠᠪᠤ ᠶ᠋ᠢᠨ ᠦᠶᠡ ᠶ᠋ᠢᠨ ᠬᠥᠮᠦᠨ᠃
ᠠᠪᠠᠭᠠ ᠡᠴᠢᠭᠡ
ᠡᠪᠦᠭᠡ ᠶ᠋ᠢᠨ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦ ᠪᠣᠯᠬᠤ ᠡᠴᠢᠭᠡ ᠶ᠋ᠢᠨ ᠲᠥᠷᠥᠯ ᠦ᠋ᠨ ᠠᠬᠠᠮᠠᠳ ᠃ ᠬᠡᠳᠦ ᠬᠡᠳᠦᠨ ᠠᠪᠠᠭᠠ ᠡᠴᠢᠭᠡ ᠪᠠᠢᠬᠤ ᠪᠠ ᠲᠡᠭᠦᠨ ᠢ ᠢᠯᠭᠠᠨ ᠳᠠᠭᠤᠳᠠᠬᠤ ᠳᠠᠭᠤᠳᠠᠯᠭᠠ ᠵᠡᠷᠭᠡ ᠨᠢ ᠴᠥᠮ ᠠᠪᠠᠭᠠ ᠶ᠋ᠢᠨ ᠲᠠᠢᠯᠪᠤᠷᠢ ᠲᠠᠢ ᠠᠳᠠᠯᠢ ᠃ ᠭᠠᠭᠴᠠ ᠬᠦ᠌ ᠳᠡᠭᠡᠷᠡ 1 ᠦᠶᠡ ᠪᠣᠯᠬᠤ ᠲᠡᠳᠦᠢ ᠢᠯᠭᠠᠭᠠ ᠪᠣᠢ᠃
ᠠᠪᠠᠭᠠ ᠡᠬᠡ
ᠠᠪᠠᠭᠠ ᠡᠴᠢᠭᠡ ᠶ᠋ᠢᠨ ᠭᠡᠷᠭᠡᠢ ᠃ ᠡᠮᠡᠭᠡ ᠲᠡᠢ ᠨᠢᠭᠡᠨ ᠦᠶᠡ ᠶ᠋ᠢᠨ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠨᠠ᠃
ᠠᠪᠠᠭᠠ ᠡᠪᠦᠭᠡ
ᠡᠯᠦᠨᠴᠡ ᠡᠪᠦᠭᠡ ᠶ᠋ᠢᠨ ᠲᠥᠷᠥᠭᠰᠡᠨ ᠠᠬᠠ ᠲᠡᠭᠦᠦᠰ ᠪᠣᠯᠤᠨᠠ᠃ ᠡᠯᠡ ᠲᠠᠢᠯᠪᠤᠷᠢ᠂ ᠳᠠᠭᠤᠳᠠᠯᠭᠠ ᠠᠪᠠᠭᠠ ᠶ᠋ᠢᠨ ᠲᠠᠢᠯᠪᠤᠷᠢ ᠲᠠᠢ ᠠᠳᠠᠯᠢ ᠭᠠᠭᠴᠠ ᠬᠦ᠌ ᠠᠪᠠᠭᠠ ᠠ᠋ᠴᠠ 2 ᠦᠶᠡ ᠳᠡᠭᠡᠷᠡ ᠪᠣᠯᠬᠤ ᠢᠯᠭᠠᠲᠠᠢ᠃
ᠠᠪᠠᠭᠠ ᠡᠮᠡᠭᠡ
ᠠᠪᠠᠭᠠ ᠡᠪᠦᠭᠡ ᠶ᠋ᠢᠨ ᠭᠡᠷᠭᠡᠢ᠃ ᠡᠯᠦᠨᠴᠡ ᠡᠮᠡᠭᠡ ᠲᠡᠢ ᠨᠢᠭᠡᠨ ᠦᠶᠡ ᠶ᠋ᠢᠨ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠨᠠ᠃
ᠠᠪᠠᠭᠠ ᠡᠯᠦᠨᠴᠡ ᠡᠪᠦᠭᠡ
ᠬᠤᠯᠤᠨᠴᠠ ᠡᠪᠦᠭᠡ ᠶ᠋ᠢᠨ ᠲᠥᠷᠥᠭᠰᠡᠨ ᠠᠬᠠ ᠲᠡᠭᠦᠦᠰ ᠪᠣᠯᠤᠨᠠ ᠃ ᠡᠯᠡ ᠲᠠᠢᠯᠪᠤᠷᠢ ᠳᠠᠭᠤᠳᠠᠯᠭᠠ ᠶ᠋ᠢ ᠠᠪᠠᠭᠠ ᠶ᠋ᠢᠨ ᠲᠠᠢᠯᠪᠤᠷᠢ ᠳ᠋ᠤ᠌ ᠦᠵᠡ ᠃ ᠭᠡᠬᠦ ᠳ᠋ᠡᠭᠡᠨ ᠡᠨᠡ ᠪᠣᠯ ᠠᠪᠠᠭᠠ ᠠ᠋ᠴᠠ 3 ᠦᠶᠡ ᠳᠡᠭᠡᠷᠡ ᠪᠠᠢᠭᠠ ᠶ᠋ᠢ ᠪᠣᠳᠣᠵᠤ ᠳᠠᠭᠠᠷᠠᠭᠤᠯ᠃
ᠠᠪᠠᠭᠠ ᠡᠯᠦᠨᠴᠡ ᠡᠮᠡᠭᠡ
ᠠᠪᠠᠭᠠ ᠡᠯᠦᠨᠴᠡ ᠡᠪᠦᠭᠡ ᠶ᠋ᠢᠨ ᠭᠡᠷᠭᠡᠢ ᠃ ᠬᠤᠯᠤᠨᠴᠠ ᠡᠮᠡᠭᠡ ᠶ᠋ᠢᠨ ᠨᠢᠭᠡᠨ ᠦᠶᠡ ᠶ᠋ᠢᠨ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠨᠠ᠃
ᠠᠪᠠᠭᠠ ᠬᠤᠯᠤᠨᠴᠠ ᠡᠪᠦᠭᠡ
ᠡᠯᠦᠨ ᠡᠪᠦᠭᠡ ᠶ᠋ᠢᠨ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦᠰ ᠪᠣᠯᠤᠨᠠ᠃ ᠡᠯᠡ ᠲᠠᠢᠯᠪᠤᠷᠢ ᠪᠠ ᠳᠠᠭᠤᠳᠠᠯᠭᠠ ᠶ᠋ᠢᠨ ᠤᠬᠠᠭᠳᠠᠬᠤᠨ ᠠᠪᠠᠭᠠ ᠶ᠋ᠢᠨ ᠲᠠᠢᠯᠪᠤᠷᠢ ᠲᠠᠢ ᠠᠳᠠᠯᠢ ᠠᠪᠠᠭᠠ ᠠ᠋ᠴᠠ 4 ᠦᠶᠡ ᠳᠡᠭᠡᠷᠡ ᠪᠣᠢ᠃
ᠠᠪᠠᠭᠠ ᠬᠤᠯᠤᠨᠴᠠ ᠡᠮᠡᠭᠡ
ᠠᠪᠠᠭᠠ ᠬᠤᠯᠤᠨᠴᠠ ᠡᠪᠦᠭᠡ ᠶ᠋ᠢᠨ ᠭᠡᠷᠭᠡᠢ᠃ ᠡᠯᠦᠨ ᠡᠮᠡᠭᠡ ᠶ᠋ᠢᠨ ᠨᠢᠭᠡᠨ ᠦᠶᠡ ᠶ᠋ᠢᠨ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠨᠠ᠃
ᠠᠪᠠᠭᠠ ᠡᠯᠦᠨ ᠡᠪᠦᠭᠡ
ᠬᠤᠯᠤᠨ ᠡᠪᠦᠭᠡ ᠶ᠋ᠢᠨ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦᠰ ᠪᠣᠯᠤᠨᠠ᠃ ᠲᠠᠢᠯᠪᠤᠷᠢ ᠶ᠋ᠢ ᠠᠪᠠᠭᠠ ᠳ᠋ᠤ᠌ ᠦᠵᠡ᠂ ᠭᠡᠬᠦ ᠳ᠋ᠡᠭᠡᠨ ᠠᠪᠠᠭᠠ ᠠ᠋ᠴᠠ 5 ᠦᠶᠡ ᠳᠡᠭᠡᠷᠡ ᠪᠣᠢ᠃
ᠠᠪᠠᠭᠠ ᠡᠯᠦᠨ ᠡᠮᠡᠭᠡ
ᠡᠮᠡᠭᠡ ᠠᠪᠠᠭᠠ ᠡᠯᠦᠨ ᠡᠪᠦᠭᠡ ᠶ᠋ᠢᠨ ᠭᠡᠷᠭᠡᠢ᠃ ᠬᠤᠯᠤᠨ ᠡᠮᠡᠭᠡ ᠶ᠋ᠢᠨ ᠨᠢᠭᠡᠨ ᠦᠶᠡ ᠶ᠋ᠢᠨ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠨᠠ᠃
ᠠᠪᠠᠭᠠ ᠬᠤᠯᠤᠨ ᠡᠪᠦᠭᠡ
ᠬᠣᠯᠪᠣᠭᠠ ᠡᠪᠦᠭᠡ ᠶ᠋ᠢᠨ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦᠰ ᠪᠣᠯᠤᠨᠠ᠃ ᠲᠠᠢᠯᠪᠤᠷᠢ ᠶ᠋ᠢᠨ ᠦᠨᠳᠦᠰᠦᠨ ᠤᠳᠬᠠ ᠶ᠋ᠢ ᠠᠪᠠᠭᠠ ᠳ᠋ᠤ᠌ ᠦᠵᠡ᠃ ᠠᠪᠠᠭᠠ ᠠ᠋ᠴᠠ 6 ᠦᠶᠡ ᠳᠡᠭᠡᠷᠡ ᠪᠣᠯᠤᠨᠠ᠃
ᠠᠪᠠᠭᠠ ᠬᠤᠯᠤᠨ ᠡᠮᠡᠭᠡ
ᠠᠪᠠᠭᠠ ᠬᠤᠯᠤᠨ ᠡᠪᠦᠭᠡ ᠶ᠋ᠢᠨ ᠭᠡᠷᠭᠡᠢ᠃ ᠬᠣᠯᠪᠣᠭᠠ ᠡᠮᠡᠭᠡ ᠲᠡᠢ ᠨᠢᠭᠡᠨ ᠦᠶᠡ ᠶ᠋ᠢᠨ ᠠᠪᠢᠰᠤᠨ ᠠᠵᠢᠨ ᠪᠣᠯᠤᠨᠠ᠃
ᠠᠪᠠᠭᠠ ᠬᠣᠯᠪᠣᠭᠠ ᠡᠪᠦᠭᠡ
ᠥᠨᠳᠥᠷ ᠡᠪᠦᠭᠡ ᠶ᠋ᠢᠨ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦᠰ ᠪᠣᠯᠤᠨᠠ᠃ ᠲᠠᠢᠯᠪᠤᠷᠢ ᠶ᠋ᠢ ᠠᠪᠠᠭᠠ ᠳ᠋ᠤ᠌ ᠦᠵᠡ᠃ ᠠᠪᠠᠭᠠ ᠡᠴᠡ 7 ᠦᠶᠡ ᠳᠡᠭᠡᠷᠡ ᠪᠣᠢ᠃
ᠠᠪᠠᠭᠠ ᠬᠣᠯᠪᠣᠭᠠ ᠡᠮᠡᠭᠡ
ᠠᠪᠠᠭᠠ ᠬᠣᠯᠪᠣᠭᠠ ᠡᠪᠦᠭᠡ ᠶ᠋ᠢᠨ ᠭᠡᠷᠭᠡᠢ᠃ ᠥᠨᠳᠥᠷ ᠡᠮᠡᠭᠡ ᠲᠡᠢ ᠨᠢᠭᠡᠨ ᠦᠶᠡ ᠶ᠋ᠢᠨ ᠠᠪᠢᠰᠤᠨ ᠠᠵᠢᠨ᠃
ᠠᠪᠠᠭᠠ ᠥᠨᠳᠥᠷ ᠡᠪᠦᠭᠡ
ᠤᠭ ᠳᠡᠭᠡᠳᠦᠰ ᠲᠡᠢ ᠲᠥᠷᠥᠭᠰᠡᠨ ᠠᠬᠠ ᠳᠡᠭᠦᠦ ᠪᠣᠯᠤᠯᠴᠠᠨᠠ᠃ ᠠᠪᠠᠭᠠ ᠠ᠋ᠴᠠ ᠳᠡᠭᠡᠷᠡ 8 ᠦᠶᠡ ᠪᠣᠯᠤᠨᠠ᠃
ᠠᠪᠠᠭᠠ ᠥᠨᠳᠥᠷ ᠡᠮᠡᠭᠡ
ᠠᠪᠠᠭᠠ ᠥᠨᠳᠥᠷ ᠡᠪᠦᠭᠡ ᠶ᠋ᠢᠨ ᠭᠡᠷᠭᠡᠢ᠃ ᠠᠪᠠᠭᠠ ᠠ᠋ᠴᠠ ᠳᠡᠭᠡᠭᠰᠢ 8 ᠦᠶᠡ ᠪᠣᠯᠤᠨᠠ᠃