ᠮᠠᠨ ᠤ᠋ ᠬᠢᠳ ᠦᠭᠡ ᠪᠡᠨ ᠬᠡᠯᠡᠵᠦ ᠴᠢᠳᠠᠬᠤ ᠪᠠᠨ ᠪᠣᠯᠢᠵᠤ ᠦᠭᠡ ᠣᠢᠯᠠᠭᠠᠬᠤ ᠦᠭᠡᠢ ᠪᠣᠯᠵᠠᠢМанай хяд үгээ хэлж чадхаа болиж үг ойлгохгүй болжээ
681ᠮᠠᠨ ᠤ᠋ ᠬᠢᠳ ᠦᠭᠡ ᠪᠡᠨ ᠬᠡᠯᠡᠵᠦ ᠴᠢᠳᠠᠬᠤ ᠪᠠᠨ ᠪᠣᠯᠢᠵᠤ ᠦᠭᠡ ᠣᠢᠯᠠᠭᠠᠬᠤ ᠦᠭᠡᠢ ᠪᠣᠯᠵᠠᠢ
ᠵᠠ᠂ ᠥᠨᠥᠳᠥᠷ ᠴᠢᠨᠢ ᠬᠣᠷᠢᠨ ᠳᠣᠯᠣᠳᠠᠬᠢ ᠡᠳᠦᠷ᠂ ᠰᠠᠷᠠ ᠪᠤᠷᠬᠠᠨ ᠤ᠋ ᠬᠣᠷᠢᠨ ᠳᠣᠯᠣᠭᠠᠨ ᠬᠣᠨᠣᠭ ᠰᠠᠭᠤᠭᠰᠠᠨ ᠪᠢᠰᠢ᠂ ᠠᠷᠠᠳ ᠤ᠋ᠨ ᠳᠠᠭᠤᠤ ᠠ᠋ᠴᠠ ᠬᠡᠳᠦᠨ ᠰᠢᠨᠡ ᠳᠠᠭᠤᠤ ᠰᠤᠷᠤᠯᠠ᠃ ᠠ᠂ ᠦᠳᠡ ᠶ᠋ᠢᠨ ᠡᠮᠦᠨᠡ ᠣᠳᠣ ᠡᠨᠡ ᠮᠠᠨ ᠤ᠋ ᠬᠢᠳ ᠨᠢᠭᠡ ᠰᠠᠢᠬᠠᠨ ᠶᠠᠷᠢᠶᠠ ᠥᠷᠨᠢᠭᠦᠯᠭᠡ ᠪᠣᠯᠭᠠᠵᠤ ᠣᠴᠢᠭᠠᠳ ᠲᠡᠭᠡᠭᠡᠳ ᠬᠡᠳᠦᠨ ᠦᠭᠡ ᠶᠠᠷᠢᠭᠠᠳ ᠴᠢᠮᠡᠭᠡ ᠲᠠᠰᠤᠷᠠᠴᠢᠬᠠᠯᠠ᠃
ᠵᠠ᠂ ᠲᠡᠭᠡᠭᠡᠳ《ᠠᠷᠤ ᠰᠢᠯᠢ ᠶ᠋ᠢᠨ ᠳᠣᠮᠣᠭ》 ᠭᠡᠳᠡᠭ ᠳᠠᠭᠤᠤ ᠶ᠋ᠢ ᠳᠠᠭᠤᠯᠠᠴᠢᠬᠠᠶᠠ᠂ ᠡᠨᠡ ᠣᠳᠣ ᠶᠡᠬᠡ ᠰᠠᠢᠬᠠᠨ ᠳᠠᠭᠤᠤ ᠶᠤᠮ ᠠ᠋᠂ ᠦᠨᠡᠬᠡᠷ ᠰᠠᠢᠬᠠᠨ ᠳᠠᠭᠤᠤ ᠶᠤᠮ ᠠ᠋!
ᠡᠩᠭᠡᠷ ᠦ᠋ᠨ ᠭᠠᠭᠴᠠ ᠰᠠᠯᠠᠭᠠᠨ ᠤ᠋ ᠦᠷᠢᠯ ᠮᠣᠢᠯ ᠨᠢ ᠨᠢᠯᠪᠤᠰᠤᠷᠠᠩᠬᠠᠨ᠂
ᠡᠯᠭᠦᠭᠦᠷ ᠮᠥᠩᠭᠥᠨ ᠲᠣᠪᠴᠢᠨ ᠤ᠋ ᠤᠶᠠᠨ ᠰᠠᠨᠵᠢ ᠨᠢ ᠳᠥᠯᠥᠷᠡᠭᠡ ᠤᠤ᠂
ᠡᠮᠡᠭᠡᠯ ᠦ᠋ᠨ ᠬᠣᠶᠠᠷ ᠪᠥᠭᠥᠷᠭᠡᠨ ᠳᠡᠭᠡᠷᠡ ᠣᠳᠣᠨ ᠤ᠋ ᠭᠡᠭᠡ ᠰᠦᠮᠡᠢᠩᠬᠡᠨ᠂
ᠡᠷᠭᠢᠭᠦᠯᠭᠡ ᠭᠠᠩ ᠳᠥᠷᠦᠭᠡᠨ ᠦ᠌ ᠬᠢᠨᠢ ᠲᠡᠮᠦᠷ ᠲᠠᠪᠠᠭ ᠨᠢ ᠡᠯᠡᠭᠳᠡᠭᠡ ᠤᠤ᠂
ᠠᠢ ᠬᠥᠭᠡᠷᠦᠬᠦᠢ ᠠᠪᠤ ᠮᠢᠨᠢ ᠠᠮᠢᠳᠤᠷᠠᠯ ᠤ᠋ᠨ ᠨᠣᠶᠠᠨ ᠨᠢᠷᠤᠭᠤ ᠮᠢᠨᠢ᠂
ᠠᠭᠯᠠᠭᠬᠠᠨ ᠭᠣᠪᠢ ᠳ᠋ᠤ᠌ ᠪᠠᠨ ᠬᠠᠢᠷᠠᠲᠠᠢ ᠶᠠᠪᠤᠭᠰᠠᠨ ᠠᠷᠤ ᠰᠢᠯᠢ ᠶ᠋ᠢᠨ ᠳᠣᠮᠣᠭ ᠮᠢᠨᠢ ᠳᠡ᠃
ᠬᠠᠮᠲᠤᠷᠠᠯ ᠤ᠋ᠨ ᠬᠥᠬᠡ ᠮᠠᠢᠬᠠᠨ ᠤ᠋ ᠥᠷᠭᠡᠨ ᠵᠠᠢᠴᠠ ᠨᠢ ᠳᠡᠷᠪᠡᠩᠬᠡᠨ᠂
ᠬᠠᠩᠭᠠᠢ ᠶ᠋ᠢᠨ ᠰᠢᠷᠭᠠᠯ ᠨᠠᠮᠤᠷ ᠤ᠋ᠨ ᠳᠤᠷᠳᠤᠩ ᠪᠦᠰᠡ ᠨᠢ ᠰᠠᠭᠠᠷᠠᠭᠠ ᠤᠤ᠂
ᠬᠠᠨ ᠠᠭᠤᠯᠠ ᠶ᠋ᠢᠨ ᠪᠤᠷᠭᠠᠰᠤᠨ ᠤ᠋ ᠰᠢᠷᠭᠠᠯ ᠨᠠᠮᠠᠭᠠ ᠨᠢ ᠱᠤᠤᠭᠢᠩᠬᠠᠨ᠂
ᠬᠠᠪᠠᠭᠠᠰᠤ ᠲᠠᠢ ᠪᠣᠷᠣ ᠲᠡᠷᠯᠢᠭ ᠦ᠋ᠨ ᠬᠢᠨᠢ ᠡᠩᠭᠡᠷ ᠲᠣᠬᠣᠢ ᠨᠢ ᠡᠯᠡᠭᠳᠡᠭᠡ ᠤᠤ᠂
ᠠᠢ ᠬᠥᠭᠡᠷᠦᠬᠦᠢ ᠠᠪᠤ ᠮᠢᠨᠢ ᠠᠮᠢᠳᠤᠷᠠᠯ ᠤ᠋ᠨ ᠨᠣᠶᠠᠨ ᠨᠢᠷᠤᠭᠤ ᠮᠢᠨᠢ
ᠠᠭᠯᠠᠭᠬᠠᠨ ᠭᠣᠪᠢ ᠳ᠋ᠤ᠌ ᠪᠠᠨ ᠬᠠᠢᠷᠠᠲᠠᠢ ᠶᠠᠪᠤᠭᠰᠠᠨ ᠠᠷᠤ ᠰᠢᠯᠢ ᠶ᠋ᠢᠨ ᠳᠣᠮᠣᠭ ᠮᠢᠨᠢ ᠳᠡ᠃
ᠵᠠ᠂ ᠬᠥᠭᠡᠷᠦᠬᠦᠢ!
ᠠᠷᠠᠳ ᠤ᠋ᠨ ᠳᠠᠭᠤᠤ ᠭᠡᠵᠦ ᠰᠠᠢᠬᠠᠨ ᠶᠤᠮ ᠠ᠋᠂《ᠠᠷᠤ ᠰᠢᠯᠢ ᠶ᠋ᠢᠨ ᠳᠣᠮᠣᠭ》 ᠭᠡᠳᠡᠭ ᠴᠢᠨᠢ ᠪᠣᠯ ᠣᠳᠣ ᠮᠠᠰᠢ ᠰᠠᠢᠬᠠᠨ ᠵᠣᠬᠢᠶᠠᠭᠰᠠᠨ ᠳᠠᠭᠤᠤ᠂ ᠥᠨᠥ ᠪᠣᠯᠲᠠᠯᠠ ᠮᠠᠨ ᠤ᠋ ᠥᠪᠥᠷ ᠮᠣᠩᠭᠣᠯᠴᠤᠳ ᠡᠨᠡ《ᠠᠷᠤ ᠰᠢᠯᠢ ᠶ᠋ᠢᠨ ᠳᠣᠮᠣᠭ》 ᠢ᠋ ᠲᠡᠭᠡᠭᠡᠳ ᠶᠠᠭᠠᠬᠢᠭᠠᠳ ᠶᠡᠬᠡ ᠥᠷᠭᠡᠨ ᠳᠡᠯᠭᠡᠷᠡᠩᠭᠦᠢ ᠪᠡᠷ ᠳᠠᠭᠤᠯᠠᠳᠠᠭ ᠦᠭᠡᠢ ᠶᠦᠮ ᠪᠣᠢ⁈ ᠭᠡᠪᠡᠯ ᠮᠢᠨᠦ ᠨᠢᠭᠡ ᠪᠣᠳᠣᠬᠤ ᠪᠠᠷ ᠪᠣᠯᠪᠠᠯ ᠠ᠋᠂ ᠮᠠᠨ ᠤ᠋ ᠬᠢᠳ ᠦᠭᠡ ᠪᠡᠨ ᠬᠡᠯᠡᠵᠦ ᠴᠢᠳᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠪᠠᠢᠨᠠ᠃ ᠡᠨᠡ《ᠠᠷᠤ ᠰᠢᠯᠢ ᠶ᠋ᠢᠨ ᠳᠣᠮᠣᠭ》 ᠭᠡᠳᠡᠭ ᠳᠡᠭᠡᠷᠡ ᠪᠣᠯᠪᠠᠯ ᠡᠨᠡ ᠮᠠᠷᠲᠠᠭᠳᠠᠬᠤ ᠪᠠᠨ ᠰᠢᠬᠠᠭᠰᠠᠨ᠂ ᠮᠠᠷᠲᠠᠵᠤ ᠪᠠᠢᠭᠠ ᠮᠠᠨ ᠤ᠋ ᠮᠣᠩᠭᠣᠯ ᠦᠭᠡ ᠶ᠋ᠢ ᠪᠣᠯ ᠡᠨᠡ ᠳᠣᠲᠣᠷᠠ ᠬᠠᠴᠢᠨ ᠰᠡᠴᠡᠨ ᠰᠠᠢᠬᠠᠨ ᠬᠡᠷᠡᠭᠯᠡᠵᠡᠢ᠃
ᠡᠨᠡ ᠦᠭᠡ ᠶ᠋ᠢ ᠨᠢ ᠪᠣᠯᠪᠠᠯ ᠵᠠᠷᠢᠮ ᠮᠠᠨ ᠤ᠋ ᠳᠠᠭᠤᠴᠢᠳ ᠪᠣᠯᠪᠠᠯ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠭᠠ᠂ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠨᠠ᠃ ᠲᠡᠭᠡᠭᠡᠳ ᠲᠡᠷᠡ ᠦᠭᠡ ᠶ᠋ᠢ ᠨᠢ ᠣᠢᠯᠠᠭᠠᠬᠤ ᠦᠭᠡᠢ ᠤᠴᠢᠷ ᠠ᠋ᠴᠠ ᠰᠡᠳᠬᠢᠯ ᠦ᠋ᠨ ᠥᠩᠭᠡ ᠨᠢ ᠲᠡᠷᠡ ᠦᠭᠡᠨ ᠳᠣᠲᠣᠷᠠ ᠰᠢᠩᠭᠡᠭᠰᠡᠨ ᠰᠡᠳᠬᠢᠯ ᠦ᠋ᠨ ᠥᠩᠭᠡ ᠶ᠋ᠢ ᠨᠢ ᠪᠣᠯ ᠣᠯᠵᠤ ᠮᠡᠳᠡᠷᠡᠬᠦ ᠦᠭᠡᠢ ᠪᠠᠢᠨᠠ ᠰᠢᠦ᠂ ᠠ᠂ ᠣᠯᠵᠤ ᠮᠡᠳᠡᠷᠡᠬᠦ ᠦᠭᠡᠢ ᠪᠠᠢᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠲᠡᠷᠡ《ᠡᠯᠭᠦᠭᠦᠷ ᠮᠥᠩᠭᠥᠨ ᠲᠣᠪᠴᠢᠨ ᠤ᠋ ᠤᠶᠠᠨ ᠰᠠᠨᠵᠢ ᠨᠢ ᠳᠥᠯᠥᠷᠡᠭᠡ ᠤᠤ》 ᠭᠡᠵᠦ᠂《ᠤᠶᠠᠨ ᠰᠠᠨᠵᠢ》 ᠭᠡᠵᠦ ᠶᠠᠭᠤ ᠶ᠋ᠢ ᠬᠡᠯᠡᠵᠦ ᠪᠠᠢᠨᠠ⁈ ᠲᠡᠷᠡ ᠮᠥᠩᠭᠥᠨ ᠲᠣᠪᠴᠢᠨ ᠤ᠋ ᠴᠢᠨᠢ ᠳᠣᠣᠷᠠ ᠨᠢ ᠣᠳᠣ ᠪᠠᠷᠢᠵᠤ ᠣᠶᠣᠳᠠᠭ ᠵᠢᠭᠠᠬᠠᠨ ᠭᠠᠷᠠᠬᠠ ᠪᠠᠢᠳᠠᠭ ᠰᠢᠦ᠂ ᠡᠨᠡ《ᠳᠥᠯᠥᠷᠡᠨᠡ》 ᠭᠡᠳᠡᠭ ᠴᠢᠨᠢ ᠵᠠᠪᠠᠯ ᠲᠡᠢᠮᠦ ᠲᠡᠮᠦᠷ ᠮᠥᠩᠭᠥ ᠲᠡᠢᠮᠦ ᠶᠠᠭᠤᠮᠠ ᠪᠠᠷ ᠬᠢᠭᠰᠡᠨ᠂ ᠲᠡᠷᠡ ᠳᠤᠭᠤᠢ ᠭᠠᠷᠠᠬᠠᠨ ᠤ᠋ ᠠᠮᠠ ᠨᠢ ᠢᠩᠭᠢᠭᠡᠳ ᠲᠠᠯᠪᠢᠭᠳᠠᠭᠠᠳ ᠨᠡᠭᠡᠭᠡᠭᠳᠡᠭᠡᠳ ᠳᠥᠯᠥᠷᠡᠬᠦ ᠶ᠋ᠢ ᠪᠣᠯ《ᠳᠥᠯᠥᠷᠡᠨᠡ》 ᠭᠡᠵᠦ ᠬᠡᠯᠡᠨᠡ ᠰᠢᠳᠡ! ᠲᠡᠭᠡᠬᠦᠯᠡᠷ ᠡᠨᠡ ᠦᠭᠡ ᠶ᠋ᠢ ᠨᠢ ᠣᠢᠯᠠᠭᠠᠬᠤ ᠦᠭᠡᠢ ᠪᠣᠯᠬᠤᠯᠠᠷ ᠡᠨᠡ ᠶᠠᠮᠠᠷ ᠤᠳᠬᠠ ᠲᠠᠢ ᠳᠠᠭᠤᠯᠠᠵᠤ ᠪᠠᠢᠬᠤ ᠶ᠋ᠢ ᠨᠢ ᠭᠡᠳᠡᠭ ᠢ᠋ ᠮᠡᠳᠡᠬᠦ ᠦᠭᠡᠢ᠂ ᠲᠡᠭᠡᠭᠡᠳ ᠶᠠᠭᠠᠬᠢᠬᠤ ᠪᠣᠢ ᠳᠠ ᠭᠡᠪᠡᠯ ᠡᠨᠡ ᠳᠠᠭᠤᠤ ᠪᠣᠯᠪᠠᠯ ᠲᠠᠷᠬᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠪᠠᠢᠨᠠ᠃
ᠦᠨᠡᠨ ᠳ᠋ᠦ᠍ ᠪᠡᠨ ᠪᠣᠯ ᠡᠨᠡ ᠮᠠᠰᠢ ᠰᠠᠢᠬᠠᠨ ᠳᠠᠭᠤᠤ ᠶᠤᠮ ᠠ᠋᠂ ᠮᠠᠨ ᠤ᠋ ᠰᠢᠨᠡ ᠵᠣᠬᠢᠶᠠᠮᠠᠯ ᠳᠠᠭᠤᠤ ᠳᠣᠲᠣᠷᠠ ᠪᠣᠯ ᠮᠢᠨᠦ ᠦᠵᠡᠬᠦ ᠪᠡᠷ ᠪᠣᠯ ᠡᠨᠡ ᠪᠣᠯ ᠣᠳᠣ ᠡᠨᠡ ᠮᠣᠩᠭᠣᠯ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠤ᠋ᠨ ᠡᠨᠡ ᠠᠪᠤ ᠬᠥᠮᠦᠨ ᠦ᠌ ᠬᠥᠭᠡᠷᠦᠬᠦᠢ ᠡᠨᠡ ᠨᠢᠭᠡ ᠠᠳᠤᠭᠤ ᠮᠠᠯ ᠳ᠋ᠤ᠌ ᠪᠠᠨ ᠬᠠᠢᠷᠠᠲᠠᠢ ᠶᠠᠪᠤᠭᠰᠠᠨ᠂ ᠠ ᠲᠡᠢᠮᠦ᠂ ᠬᠠᠪᠠᠭᠠᠰᠤᠲᠠᠢ ᠪᠣᠷᠣ ᠲᠡᠷᠯᠢᠭ ᠦ᠋ᠨ ᠬᠢᠨᠢ ᠡᠩᠭᠡᠷ ᠲᠣᠬᠣᠢ ᠨᠢ ᠰᠡᠮᠡᠷᠡᠭᠰᠡᠨ᠂ ᠡᠢᠮᠦ ᠨᠢᠭᠡ ᠡᠪᠦᠭᠡᠨ ᠨᠠᠰᠤᠲᠠᠢ ᠬᠥᠮᠦᠨ ᠲᠡᠢᠮᠦ ᠠ᠋⁈ ᠢᠩᠭᠢᠭᠡᠳ ᠪᠣᠯ ᠮᠠᠯᠴᠢᠨ ᠬᠥᠮᠦᠨ ᠦ᠌ ᠡᠢᠮᠦ ᠨᠢᠭᠡ ᠳᠠᠭᠤᠯᠠᠭᠰᠠᠨ ᠰᠡᠳᠬᠢᠯ ᠦ᠋ᠨ ᠥᠩᠭᠡ ᠶ᠋ᠢ ᠨᠢ ᠪᠣᠯ ᠦᠨᠡᠬᠡᠷ ᠬᠠᠷᠠᠭᠳᠠᠲᠠᠯᠠ ᠭᠠᠷᠭᠠᠵᠤ ᠴᠢᠳᠠᠵᠠᠢ ᠭᠡᠵᠦ ᠪᠢ ᠪᠣᠳᠣᠳᠠᠭ ᠶᠤᠮ᠃
ᠡᠨᠡ ᠰᠠᠢᠬᠠᠨ ᠳᠠᠭᠤᠤ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠬᠠᠳᠠᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠨᠠᠷᠠᠨᠮᠠᠨᠳᠠ᠂ ᠰᠣᠶᠣᠯ᠂ ᠭᠠᠷᠮᠠ᠂ ᠮᠠᠨᠳᠠᠷᠠᠸᠠ