ᠮᠣᠩᠭᠣᠯ ᠭᠡᠷ ᠦ᠋ᠨ ᠠᠬᠠᠮᠠᠳ ᠬᠢᠭᠡᠳ ᠬᠡᠦᠬᠡᠳ ᠦ᠋ᠨ ᠮᠠᠷᠭᠤᠯᠳᠤᠭᠠᠨМонгол гэрийн ахмад хийгээд хүүхдийн маргалдаан
260ᠮᠣᠩᠭᠣᠯ ᠭᠡᠷ ᠦ᠋ᠨ ᠠᠬᠠᠮᠠᠳ ᠬᠢᠭᠡᠳ ᠬᠡᠦᠬᠡᠳ ᠦ᠋ᠨ ᠮᠠᠷᠭᠤᠯᠳᠤᠭᠠᠨ
ᠵᠠ᠂ ᠮᠠᠨ ᠤ᠋ ᠮᠣᠩᠭᠣᠯ ᠬᠡᠦᠬᠡᠳ ᠦ᠋ᠳ ᠡᠵᠢ ᠠᠪᠤ ᠲᠠᠢ ᠪᠠᠨ ᠳᠠᠩᠰᠠ ᠪᠣᠳᠣᠭᠰᠠᠨ ᠵᠢᠱ᠌ᠢᠶᠡ ᠪᠣᠯ ᠮᠠᠨ ᠤ᠋ ᠣᠢᠷᠠ ᠬᠠᠪᠢ ᠪᠠᠷ ᠠᠷᠪᠢᠨ ᠪᠠᠢᠨᠠ᠃ ᠶᠠᠮᠠᠷ ᠳᠠᠩᠰᠠ ᠶᠤᠮ⁈ ᠭᠡᠪᠡᠯ ᠮᠠᠨ ᠤ᠋ ᠭᠡᠷ ᠦ᠋ᠨ ᠠᠬᠠᠮᠠᠳ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠳᠥᠷᠪᠡᠯᠵᠢᠨ(ᠬᠢᠲᠠᠳ) ᠪᠢᠴᠢᠭ ᠦᠵᠡᠭᠦᠯᠴᠢᠬᠡᠭᠡᠳ᠂ ᠮᠠᠨ ᠤ᠋ ᠬᠡᠦᠬᠡᠳ ᠲᠣᠮᠣ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠨᠡᠢᠭᠡᠮ ᠳᠡᠭᠡᠷᠡ ᠭᠠᠷᠤᠭᠠᠳ ᠠᠷᠪᠢᠨ ᠬᠥᠮᠦᠨ ᠠᠰᠠᠭᠤᠵᠤ ᠪᠠᠢᠨᠠ ᠭᠡᠨᠡ᠄《ᠴᠢ ᠮᠣᠩᠭᠣᠯ ᠬᠥᠮᠦᠨ ᠪᠠᠢᠵᠤ ᠪᠠᠢᠭᠠᠳ ᠶᠠᠭᠠᠬᠢᠭᠠᠳ ᠮᠣᠩᠭᠣᠯ ᠦᠭᠡ ᠶᠠᠷᠢᠵᠤ ᠴᠢᠳᠠᠬᠤ ᠦᠭᠡᠢ᠂ ᠮᠣᠩᠭᠣᠯ ᠳᠠᠭᠤᠤ ᠳᠠᠭᠤᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠮᠣᠩᠭᠣᠯ ᠦᠰᠦᠭ ᠪᠢᠴᠢᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠢ⁈》 ᠭᠡᠵᠦ᠄《ᠠᠷᠪᠢᠨ ᠬᠥᠮᠦᠨ ᠦ᠌ ᠡᠯᠡᠭ ᠪᠣᠯᠵᠤ ᠪᠠᠢᠨᠠ》 ᠭᠡᠵᠦ ᠡᠵᠢ ᠠᠪᠤ ᠲᠠᠢ ᠪᠠᠨ ᠳᠠᠩᠰᠠ ᠪᠣᠳᠣᠳᠠᠭ᠃
ᠲᠡᠭᠡᠴᠢᠬᠡᠭᠡᠳ ᠮᠠᠨ ᠤ᠋ ᠭᠡᠷ ᠦ᠋ᠨ ᠠᠬᠠᠮᠠᠳ ᠪᠠᠰᠠ ᠱᠠᠭᠠᠷᠳᠠᠨᠠ᠄《ᠮᠣᠩᠭᠣᠯ ᠡᠬᠡᠨᠡᠷ ᠠᠪ ᠠ᠋᠂ ᠮᠣᠩᠭᠣᠯ ᠵᠠᠯᠠᠭᠤ ᠳ᠋ᠤ᠌ ᠣᠴᠢ ᠠ᠋!》 ᠭᠡᠵᠦ ᠱᠠᠭᠠᠷᠳᠠᠳᠠᠭ ᠮᠥᠷᠲᠡᠭᠡᠨ ᠬᠦᠰᠡᠳᠡᠭ ᠭᠡᠨᠡ᠃ ᠲᠡᠭᠡᠭᠡᠳ ᠮᠠᠨ ᠤ᠋ ᠬᠢᠨ ᠪᠠᠰᠠ ᠡᠷᠭᠢᠭᠦᠯᠦᠭᠡᠳ ᠠᠰᠠᠭᠤᠳᠠᠭ᠄《ᠨᠠᠳᠠ ᠳ᠋ᠤ᠌ ᠡᠢᠮᠦ ᠣᠷᠴᠢᠨ ᠲᠣᠭᠣᠷᠢᠨ ᠪᠠᠢᠬᠤ ᠦᠭᠡᠢ᠂ ᠨᠠᠳᠠ ᠳ᠋ᠤ᠌ ᠡᠢᠮᠦ ᠨᠥᠬᠥᠴᠡᠯ ᠪᠠᠢᠬᠤ ᠦᠭᠡᠢ᠂ ᠡᠨᠡ ᠴᠢᠨᠢ ᠬᠡᠨ ᠦ᠌ ᠰᠣᠩᠭᠣᠯᠲᠠ ᠠ᠋ᠴᠠ ᠪᠣᠯᠤᠭᠠᠳ ᠡᠢᠮᠦ ᠦᠷᠡ ᠳ᠋ᠦᠩ ᠲᠡᠢ ᠪᠣᠯᠤᠭᠰᠠᠨ ᠪᠣᠢ⁈》 ᠭᠡᠵᠦ ᠡᠵᠢ ᠠᠪᠤ ᠲᠠᠢ ᠪᠠᠨ ᠳᠠᠩᠰᠠ ᠪᠣᠳᠣᠳᠠᠭ᠃
ᠬᠡᠯᠡᠯᠭᠡᠨ ᠦᠭᠡᠢ ᠡᠨᠡ ᠴᠢᠨᠢ ᠮᠠᠨ ᠤ᠋ ᠭᠡᠷ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠰᠣᠩᠭᠣᠯᠲᠠ᠂ ᠮᠠᠨ ᠤ᠋ ᠭᠡᠷ ᠦ᠋ᠨ ᠠᠬᠠᠮᠠᠳ ᠤ᠋ᠨ ᠡᠷᠬᠡ ᠪᠣᠯᠤᠨᠠ᠃ ᠡᠨᠡ ᠨᠢ ᠡᠷᠬᠡ ᠳ᠋ᠦ᠍ ᠪᠢ ᠬᠠᠯᠳᠠᠵᠤ ᠪᠠᠢᠭᠠ ᠪᠢᠰᠢ ᠠ᠋᠂ ᠬᠠᠷᠰᠢᠯᠠᠵᠤ ᠪᠠᠢᠭᠠ ᠪᠢᠰᠢ ᠠ᠋! ᠬᠠᠷᠢᠨ ᠵᠥᠪᠬᠡᠨ ᠮᠣᠩᠭᠣᠯ ᠬᠡᠯᠡ ᠲᠡᠢ ᠪᠣᠯ ᠲᠥᠷᠥᠯᠬᠢ ᠬᠡᠯᠡ ᠲᠡᠢ ᠪᠣᠯ ᠶᠠᠮᠠᠷ ᠳᠠᠪᠠᠭᠤᠯᠢᠭ ᠲᠠᠯᠠ ᠪᠠᠢᠨᠠ ᠤᠤ⁈ ᠭᠡᠰᠡᠨ ᠢ᠋ ᠳᠥᠬᠥᠮᠬᠡᠨ ᠵᠣᠭᠣᠭᠳᠠᠬᠤ ᠰᠠᠨᠠᠭᠠ ᠲᠠᠢ ᠪᠠᠢᠨᠠ᠃
ᠵᠠ᠂ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠮᠣᠩᠭᠣᠯ ᠬᠡᠯᠡ ᠲᠡᠢ ᠪᠣᠯ ᠭᠠᠳᠠᠭᠠᠳᠤ ᠬᠡᠯᠡ᠂ ᠳᠡᠯᠡᠬᠡᠢ ᠶ᠋ᠢᠨ ᠠᠯᠢᠪᠠ ᠬᠡᠯᠡ ᠶ᠋ᠢ ᠪᠣᠯ ᠲᠡᠷᠡ ᠳᠣᠣᠷᠠ ᠨᠢ ᠪᠠᠷᠢᠮᠵᠢᠶᠠ ᠪᠠᠷ ᠠᠪᠢᠶᠠᠯᠠᠵᠤ ᠴᠢᠳᠠᠳᠠᠭ ᠴᠢᠳᠠᠪᠤᠷᠢ ᠲᠠᠢ᠂ ᠡᠨᠡ ᠴᠢᠳᠠᠪᠤᠷᠢ ᠪᠣᠯ ᠲᠥᠷᠥᠯᠬᠢ ᠴᠢᠳᠠᠪᠤᠷᠢ᠂ ᠲᠥᠷᠥᠯᠬᠢ ᠲᠦᠯᠬᠢᠭᠦᠷ᠂ ᠡᠨᠡ ᠲᠦᠯᠬᠢᠭᠦᠷ ᠢ᠋ᠶ᠋ᠡᠨ ᠭᠡᠭᠡᠴᠢᠬᠡᠬᠦ ᠳ᠋ᠦ᠍ ᠬᠦᠷᠪᠡᠯ ᠭᠠᠳᠠᠭᠠᠳᠤ ᠬᠡᠯᠡ ᠰᠤᠷᠬᠤ ᠳ᠋ᠤ᠌ ᠠᠮᠠᠷ ᠦᠭᠡᠢ ᠪᠣᠯᠴᠢᠬᠠᠨᠠ᠃ ᠳᠡᠯᠡᠬᠡᠢ ᠶ᠋ᠢᠨ ᠠᠯᠢᠪᠠ ᠦᠭᠡ ᠬᠡᠯᠡ ᠶ᠋ᠢ ᠰᠤᠷᠬᠤ ᠳ᠋ᠤ᠌ ᠠᠮᠠᠷ ᠦᠭᠡᠢ ᠪᠣᠯᠴᠢᠬᠠᠨᠠ ᠰᠢᠦ᠂ ᠬᠦᠴᠢᠷᠳᠡᠨᠡ᠃
ᠬᠠᠮᠤᠭ ᠤ᠋ᠨ ᠨᠠᠭᠠᠳᠤ ᠵᠠᠬᠠ ᠳ᠋ᠤ᠌ ᠪᠠᠨ《ᠠ᠋ ᠷ᠂ ᠷ᠂ ᠠᠷ᠂ ᠠᠷᠠ》 ᠭᠡᠰᠡᠨ ᠢ᠋ ᠬᠡᠳᠦᠨ ᠰᠠᠷᠠ᠂ ᠬᠡᠳᠦᠨ ᠵᠢᠯ ᠢ᠋ᠶ᠋ᠡᠷ ᠠᠪᠢᠶᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠭᠠᠷᠭᠠᠵᠤ ᠳᠡᠢᠯᠬᠦ ᠦᠭᠡᠢ ᠬᠦᠴᠢᠷᠳᠡᠭᠰᠡᠨ ᠢ᠋ ᠦᠵᠡᠭᠡᠳ ᠦᠨᠡᠨ ᠰᠠᠨᠠᠭᠠ ᠵᠣᠪᠠᠮᠠᠷ ᠪᠠᠢᠨᠠ᠃
ᠬᠣᠶᠠᠷ ᠲᠤ ᠨᠢ ᠪᠣᠯ ᠮᠠᠨ ᠤ᠋ ᠬᠡᠦᠬᠡᠳ ᠦ᠋ᠳ ᠬᠢᠲᠠᠳ ᠬᠡᠯᠡ ᠶ᠋ᠢ ᠪᠣᠯ ᠯᠠᠪᠲᠠᠢ ᠰᠠᠢᠬᠠᠨ ᠰᠤᠷᠴᠤ ᠴᠢᠳᠠᠨᠠ᠂ ᠮᠠᠨ ᠤ᠋ ᠠᠰᠠᠷ ᠠ᠋ᠴᠠ ᠪᠠᠭᠤᠩᠭᠤᠲᠠ ᠭᠤᠳᠤᠮᠵᠢ᠂ ᠴᠠᠬᠢᠯᠭᠠᠨ ᠱᠠᠲᠤᠨ ᠳᠣᠲᠣᠷᠠ ᠠ᠋ᠴᠠ ᠪᠠᠭᠤᠩᠭᠤᠲᠠ ᠡᠢᠮᠦ ᠰᠤᠷᠬᠤ ᠣᠷᠴᠢᠨ ᠲᠣᠭᠣᠷᠢᠨ ᠪᠠᠢᠨᠠ᠃ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠪᠠᠨ ᠣᠴᠢᠪᠠᠯ ᠵᠢᠭᠠᠬᠤ ᠮᠠᠲ᠋ᠧᠷᠢᠶᠠᠯ ᠢ᠋ ᠨᠢ ᠪᠦᠷ ᠠᠳᠠᠯᠢᠬᠠᠨ ᠪᠣᠯᠭᠠᠴᠢᠬᠠᠨᠠ᠂ ᠡᠢᠮᠦ ᠡᠴᠡ ᠰᠠᠨᠠᠭᠠ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ᠂ ᠬᠢᠲᠠᠳ ᠬᠡᠯᠡ ᠶ᠋ᠢ ᠯᠠᠪᠲᠠᠢ ᠰᠠᠢᠨ ᠰᠤᠷᠴᠤ ᠳᠡᠢᠯᠦᠨᠡ᠂ ᠬᠠᠷᠢᠨ ᠲᠥᠷᠥᠯᠬᠢ ᠬᠡᠯᠡ ᠪᠡᠨ ᠶᠠᠭᠠᠬᠢᠵᠤ ᠵᠢᠭᠠᠵᠤ ᠰᠤᠷᠭᠠᠬᠤ ᠳᠡᠭᠡᠷᠡ ᠢᠯᠡᠭᠦᠬᠡᠨ ᠰᠠᠨᠠᠭᠠ ᠲᠠᠯᠪᠢᠵᠤ ᠪᠣᠯᠬᠤ ᠤᠤ⁈
ᠭᠤᠷᠪᠠ ᠳ᠋ᠤ᠌ ᠨᠢ ᠳᠡᠭᠡᠷᠡ ᠡᠴᠡ ᠶᠠᠮᠠᠷ ᠱᠠᠭᠠᠷᠳᠠᠯᠭᠠ ᠲᠠᠢ᠂ ᠶᠠᠮᠠᠷ ᠰᠢᠭᠤᠷᠭᠠᠨ ᠪᠠᠢᠨᠠ᠂ ᠮᠠᠨᠤᠰ ᠪᠦᠷ ᠰᠠᠢᠨ ᠮᠡᠳᠡᠨᠡ ᠰᠢᠲᠠ᠂ ᠭᠡᠲᠡᠯᠡ ᠬᠠᠰᠢ ᠯᠠ ᠬᠡᠦᠬᠡᠳ ᠦ᠋ᠳ ᠢ᠋ᠶ᠋ᠡᠨ ᠮᠣᠩᠭᠣᠯ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠪᠠᠨ ᠬᠦᠷᠭᠡᠴᠢᠬᠡᠪᠡᠯ᠂ ᠮᠠᠨ ᠤ᠋ ᠬᠡᠦᠬᠡᠳ ᠦ᠋ᠳ ᠮᠣᠩᠭᠣᠯ ᠰᠠᠢᠨ ᠨᠠᠢᠵᠠ ᠲᠠᠢ ᠪᠣᠯᠴᠢᠬᠠᠨᠠ᠂ ᠮᠣᠩᠭᠣᠯ ᠬᠠᠮᠲᠤ ᠰᠤᠷᠤᠭᠴᠢ ᠲᠠᠢ ᠪᠣᠯᠴᠢᠬᠠᠨᠠ᠃
ᠬᠣᠵᠢᠮ ᠳ᠋ᠤ᠌ ᠪᠠᠨ ᠮᠣᠩᠭᠣᠯ ᠡᠬᠡᠨᠡᠷ ᠳᠠᠭᠠᠭᠤᠯᠤᠭᠠᠳ ᠢᠷᠡᠴᠢᠬᠡᠨᠡ ᠰᠢᠦ᠂ ᠮᠣᠩᠭᠣᠯ ᠵᠠᠯᠠᠭᠤ( ᠬᠦᠷᠭᠡᠨ) ᠳᠠᠭᠠᠭᠤᠯᠤᠭᠠᠳ ᠢᠷᠡᠴᠢᠬᠡᠨᠡ᠂ ᠮᠣᠩᠭᠣᠯ ᠬᠣᠭᠣᠯᠠ ᠴᠠᠢ᠂ ᠴᠠᠭᠠᠨ ᠢᠳᠡᠭᠡᠨ ᠢ᠋ᠶ᠋ᠡᠨ ᠰᠠᠢᠬᠠᠨ ᠢᠳᠡᠴᠢᠬᠡᠨᠡ᠂ ᠮᠣᠩᠭᠣᠯ ᠳᠡᠪᠡᠯ ᠵᠠᠰᠠᠯ᠂ ᠭᠤᠲᠤᠯ ᠢ᠋ᠶ᠋ᠠᠷ ᠰᠠᠢᠬᠠᠨ ᠭᠣᠶᠣᠯᠠᠴᠢᠬᠠᠨᠠ᠂ ᠮᠣᠩᠭᠣᠯ ᠠᠮᠢᠳᠤᠷᠠᠯ ᠲᠠᠢ᠂ ᠮᠣᠩᠭᠣᠯ ᠰᠡᠳᠬᠢᠬᠦᠢ ᠲᠡᠢ᠂ ᠮᠣᠩᠭᠣᠯ ᠭᠡᠷ ᠪᠦᠯᠢ ᠲᠡᠢ᠂ ᠰᠣᠨᠣᠰᠬᠤ ᠲᠠᠢ ᠵᠡᠷᠭᠡ ᠰᠠᠨᠠᠭᠠᠨ ᠳ᠋ᠤ᠌ ᠰᠠᠢᠬᠠᠨ ᠲᠠᠭᠠᠯᠠᠮᠵᠢᠲᠠᠢ ᠰᠠᠢᠬᠠᠨ ᠰᠠᠨᠠᠭᠳᠠᠵᠤ ᠪᠠᠢᠨᠠ ᠤᠤ⁈
ᠪᠠᠰᠠ ᠨᠢᠭᠡ ᠨᠢ ᠪᠣᠯ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠪᠠᠨ ᠣᠴᠢᠭᠰᠠᠨ ᠤ᠋ ᠳᠠᠷᠠᠭᠠ ᠶᠠᠭᠤ ᠵᠢᠭᠠᠨᠠ ᠤᠤ᠂ ᠶᠠᠭᠤ ᠰᠤᠷᠭᠠᠨᠠ ᠤᠤ᠂ ᠮᠠᠨᠤᠰ ᠬᠠᠮᠢᠶᠠᠷᠴᠤ ᠳᠡᠢᠯᠬᠦ ᠦᠭᠡᠢ᠂ ᠮᠠᠨᠤᠰ ᠤ᠋ᠨ ᠤᠴᠢᠷ ᠪᠢᠰᠢ ᠲᠡᠢᠮᠦ ᠪᠢᠵᠡ⁈ ᠭᠡᠲᠡᠯᠡ ᠭᠡᠷ ᠲᠤ ᠪᠡᠨ ᠬᠠᠷᠢᠵᠤ ᠢᠷᠡᠭᠰᠡᠨ ᠦ᠌ ᠳᠠᠷᠠᠭᠠ ᠮᠣᠩᠭᠣᠯ ᠪᠢᠴᠢᠭ᠂ ᠮᠣᠩᠭᠣᠯ ᠦᠰᠦᠭ᠂ ᠮᠣᠩᠭᠣᠯ ᠤᠷᠠᠨ ᠪᠢᠴᠢᠯᠭᠡ᠂ ᠮᠣᠩᠭᠣᠯ ᠦᠭᠡ ᠶᠠᠷᠢᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠪᠡ ᠤᠤ⁈ ᠬᠡᠯᠡᠭᠰᠡᠨ ᠦᠭᠡᠢ ᠰᠢᠲᠠ᠃
ᠡᠨᠡ ᠪᠣᠯ ᠵᠠᠢ ᠵᠠᠪᠰᠠᠷ᠂ ᠡᠨᠡ ᠵᠠᠢ ᠵᠠᠪᠰᠠᠷ ᠢ᠋ ᠰᠠᠢᠬᠠᠨ ᠠᠰᠢᠭᠯᠠᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠵᠠᠢ ᠵᠠᠪᠰᠠᠷ ᠢ᠋ ᠬᠠᠮᠤᠭ ᠤ᠋ᠨ ᠰᠠᠢᠨ ᠠᠰᠢᠭᠯᠠᠭᠰᠠᠨ ᠨᠢ ᠪᠣᠯ ᠮᠠᠨ ᠤ᠋ ᠯᠢᠶᠣᠤᠨᠢᠩ ᠤ᠋ᠨ ᠮᠣᠩᠭᠣᠯᠴᠤᠳ ᠪᠣᠯᠤᠨᠠ᠃
ᠮᠠᠨ ᠤ᠋ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠤᠷᠠᠨ ᠪᠢᠴᠢᠯᠭᠡ ᠶ᠋ᠢᠨ ᠨᠡᠢᠭᠡᠮᠯᠢᠭ ᠲᠦ ᠠᠯᠳᠠᠷᠲᠠᠢ᠂ ᠨᠡᠷᠡᠲᠡᠢ᠂ ᠴᠣᠯᠠᠲᠠᠢ ᠪᠠᠭᠰᠢ ᠨᠠᠷ ᠠᠷᠪᠢᠨ ᠪᠠᠢᠨᠠ᠃ ᠠᠷᠪᠢᠨ ᠪᠠᠭᠰᠢ ᠨᠠᠷ ᠪᠣᠯ ᠬᠡᠦᠬᠡᠳ ᠦ᠋ᠳ ᠲᠤ ᠪᠡᠨ ᠰᠠᠢᠬᠠᠨ ᠲᠥᠷᠥᠯᠬᠢ ᠬᠡᠯᠡ ᠪᠡᠨ ᠰᠠᠢᠬᠠᠨ ᠵᠢᠭᠠᠵᠤ ᠥᠭᠭᠦᠶᠡ᠂ ᠰᠤᠷᠭᠠᠵᠤ ᠥᠭᠭᠦᠶᠡ᠂ ᠤᠷᠠᠨ ᠪᠢᠴᠢᠯᠭᠡ ᠪᠡᠷ ᠤᠯᠠᠮᠵᠢᠯᠠᠵᠤ ᠥᠭᠴᠦ᠂ ᠵᠠᠯᠭᠠᠮᠵᠢᠯᠠᠵᠤ ᠥᠭᠴᠡᠢ᠃ ᠡᠨᠡ ᠪᠣᠯ ᠮᠢᠨᠦ ᠡᠭᠦᠷᠭᠡ ᠭᠡᠵᠦ ᠪᠣᠳᠣᠵᠤ ᠪᠠᠢᠭᠠ ᠪᠠᠭᠰᠢ ᠨᠠᠷ ᠠᠷᠪᠢᠨ ᠪᠠᠢᠬᠤ ᠮᠥᠷᠲᠡᠭᠡᠨ ᠬᠢᠵᠦ ᠪᠠᠢᠭᠠ ᠪᠠᠭᠰᠢ ᠨᠠᠷ ᠠᠷᠪᠢᠨ ᠪᠠᠢᠨᠠ᠃ ᠡᠨᠡ ᠨᠡᠷᠡᠲᠡᠢ᠂ ᠨᠡᠷᠡᠲᠡᠢ ᠪᠠᠭᠰᠢ ᠨᠠᠷ ᠳᠣᠲᠣᠷᠠ ᠠ᠋ᠴᠠ ᠠᠯᠢ ᠨᠢᠭᠡ ᠶ᠋ᠢ ᠨᠢ ᠡᠷᠢᠭᠡᠳ᠂ ᠬᠡᠦᠬᠡᠳ ᠦ᠋ᠳ ᠲᠤ ᠪᠡᠨ ᠵᠢᠭᠠᠯᠭᠠᠵᠤ ᠪᠣᠯᠤᠨᠠ᠂ ᠰᠤᠷᠭᠠᠵᠤ ᠪᠣᠯᠤᠨᠠ᠂ ᠪᠢᠴᠢᠭᠦᠯᠵᠦ ᠪᠣᠯᠤᠨᠠ᠃
ᠪᠠᠰᠠ ᠨᠢᠭᠡ ᠨᠢ ᠪᠣᠯ ᠲᠡᠦᠬᠡ ᠪᠡᠨ ᠰᠠᠢᠬᠠᠨ ᠮᠡᠳᠡᠵᠦ ᠠᠪ᠂ ᠰᠤᠷᠴᠤ ᠠᠪ᠂ ᠴᠡᠭᠡᠵᠢᠯᠡᠵᠦ ᠠᠪ᠂ ᠣᠳᠣ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠡᠵᠡᠮᠳᠡᠬᠦ ᠦᠭᠡᠢ ᠪᠣᠯ ᠣᠳᠣ ᠪᠤᠯᠢᠶᠠᠭᠳᠠᠭᠠᠳ ᠪᠠᠷᠠᠯᠠ ᠰᠢᠦ!
ᠵᠠ᠂ ᠮᠠᠨ ᠤ᠋ ᠲᠥᠷᠥᠯᠬᠢ ᠬᠡᠯᠡ ᠪᠡᠨ ᠬᠠᠮᠲᠤ ᠪᠠᠷ ᠢ᠋ᠶ᠋ᠠᠨ ᠰᠤᠷᠴᠤ ᠠᠪᠤᠶᠠ᠂ ᠬᠡᠯᠡᠵᠦ ᠠᠪᠤᠶᠠ᠂ ᠪᠢᠴᠢᠵᠦ ᠠᠪᠤᠶᠠ᠂ ᠰᠠᠢᠬᠠᠨ ᠤᠯᠠᠮᠵᠢᠯᠠᠵᠤ ᠠᠪᠤᠶᠠ᠂ ᠣᠨᠴᠠᠭᠠᠢᠯᠠᠨ ᠬᠡᠦᠬᠡᠳ ᠦ᠋ᠳ ᠲᠤ ᠪᠡᠨ ᠡᠨᠡ ᠲᠥᠷᠥᠯᠬᠢ ᠪᠠᠭᠠᠵᠢ᠂ ᠴᠢᠳᠠᠪᠤᠷᠢ᠂ ᠲᠦᠯᠬᠢᠭᠦᠷ ᠢ᠋ᠶ᠋ᠡᠨ ᠭᠡᠭᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ!
ᠵᠠ᠂ ᠪᠠᠶᠠᠷᠲᠠᠢ!
ᠦᠰᠦᠭ ᠬᠠᠳᠠᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ