ᠪᠢᠳᠡ ᠶᠠᠭᠤ ᠪᠠᠷ ᠳᠤᠲᠠᠵᠤ ᠪᠠᠢᠨᠠБид юугээр дутаж байна
1016ᠪᠢᠳᠡ ᠶᠠᠭᠤ ᠪᠠᠷ ᠳᠤᠲᠠᠵᠤ ᠪᠠᠢᠨᠠ
ᠠᠯᠳᠠᠬᠤ ᠶ᠋ᠢ ᠴᠢᠨᠢ ᠦᠵᠡᠭᠡᠳ ᠬᠡᠯᠡᠬᠦ ᠬᠥᠮᠦᠨ ᠢ᠋ᠶ᠋ᠡᠷ ᠳᠤᠲᠠᠭᠤ
ᠤᠨᠠᠬᠤ ᠶ᠋ᠢ ᠴᠢᠨᠢ ᠦᠵᠡᠭᠡᠳ ᠲᠦᠰᠢᠬᠦ ᠬᠥᠮᠦᠨ ᠢ᠋ᠶ᠋ᠡᠷ ᠳᠤᠲᠠᠭᠤ
ᠤᠨᠲᠠᠬᠤ ᠶ᠋ᠢ ᠴᠢᠨᠢ ᠦᠵᠡᠭᠡᠳ ᠳᠠᠭᠤᠳᠠᠬᠤ ᠬᠥᠮᠦᠨ ᠢ᠋ᠶ᠋ᠡᠷ ᠳᠤᠲᠠᠭᠤ
ᠦᠭᠡᠢᠷᠡᠬᠦ ᠶ᠋ᠢ ᠴᠢᠨᠢ ᠦᠵᠡᠭᠡᠳ ᠲᠤᠰᠠᠯᠠᠬᠤ ᠬᠥᠮᠦᠨ ᠢ᠋ᠶ᠋ᠡᠷ ᠳᠤᠲᠠᠭᠤ
ᠠᠢᠯ ᠠᠢᠮᠠᠭ ᠬᠣᠭᠣᠷᠣᠨᠳᠣ ᠪᠠᠨ ᠪᠦᠯᠬᠦᠮᠳᠡᠯ ᠢ᠋ᠶ᠋ᠡᠷ ᠳᠤᠲᠠᠭᠤ
ᠠᠬᠠ ᠳᠡᠭᠦᠦ ᠬᠣᠭᠣᠷᠣᠨᠳᠣ ᠪᠠᠨ ᠡᠪ ᠢ᠋ᠶ᠋ᠡᠷ ᠳᠤᠲᠠᠭᠤ
ᠠᠷᠠᠳ ᠢᠷᠭᠡᠳ ᠬᠣᠭᠣᠷᠣᠨᠳᠣ ᠪᠠᠨ ᠢᠲᠡᠭᠡᠯ ᠢ᠋ᠶ᠋ᠡᠷ ᠳᠤᠲᠠᠭᠤ
ᠠᠨᠳᠠ ᠨᠥᠬᠥᠳ ᠬᠣᠭᠣᠷᠣᠨᠳᠣ ᠪᠠᠨ ᠵᠢᠷᠤᠮ ᠢ᠋ᠶ᠋ᠠᠷ ᠳᠤᠲᠠᠭᠤ
ᠠᠯᠢᠮᠠ ᠠᠯᠮᠤᠷᠠᠳ ᠭᠡᠵᠦ ᠮᠣᠩᠭᠣᠯ ᠢ᠋ᠶ᠋ᠠᠷ ᠬᠡᠯᠡᠳᠡᠭ ᠬᠥᠮᠦᠨ ᠳᠤᠲᠠᠭᠤ
ᠠᠴᠢ ᠵᠢᠭᠡ ᠭᠡᠵᠦ ᠮᠣᠩᠭᠣᠯ ᠢ᠋ᠶ᠋ᠠᠷ ᠬᠡᠯᠡᠳᠡᠭ ᠠᠬᠠᠮᠠᠳ ᠳᠤᠲᠠᠭᠤ
ᠠᠪᠠᠢ ᠮᠥᠮᠥ ᠭᠡᠵᠦ ᠮᠣᠩᠭᠣᠯ ᠢ᠋ᠶ᠋ᠠᠷ ᠳᠠᠭᠤᠳᠠᠳᠠᠭ ᠬᠡᠦᠬᠡᠳ ᠳᠤᠲᠠᠭᠤ
ᠡᠪᠦᠭᠡ ᠡᠮᠡᠭᠡ ᠭᠡᠵᠦ ᠮᠣᠩᠭᠣᠯ ᠢ᠋ᠶ᠋ᠠᠷ ᠳᠠᠭᠤᠳᠠᠳᠠᠭ ᠣᠮᠪᠣᠯᠣ ᠳᠤᠲᠠᠭᠤ
ᠠᠷᠢᠭᠤᠨ ᠬᠥᠯᠥᠰᠥ ᠪᠡᠨ ᠤᠷᠤᠰᠬᠠᠵᠤ ᠬᠥᠳᠡᠯᠮᠦᠷᠢᠯᠡᠳᠡᠭ ᠡᠷᠡ ᠳᠤᠲᠠᠭᠤ
ᠠᠷᠪᠠᠨ ᠬᠤᠷᠤᠭᠤ ᠪᠠᠨ ᠴᠢᠯᠡᠭᠡᠵᠦ ᠦᠢᠯᠡ ᠣᠶᠣᠳᠠᠭ ᠡᠮᠡ ᠳᠤᠲᠠᠭᠤ
ᠠᠷᠤ ᠭᠡᠷ ᠢ᠋ᠶ᠋ᠡᠨ ᠭᠡᠵᠦ ᠭᠦᠶᠦᠳᠡᠭ ᠬᠦᠷᠭᠡᠨ ᠳᠤᠲᠠᠭᠤ
ᠠᠪᠤ ᠡᠵᠢ ᠪᠡᠨ ᠭᠡᠵᠦ ᠬᠦᠨᠳᠦᠯᠡᠳᠡᠭ ᠪᠡᠷᠢ ᠳᠤᠲᠠᠭᠤ᠁᠃
ᠦᠨᠡᠨ ᠢ᠋ ᠥᠭᠦᠯᠡᠭᠰᠡᠨ ᠡᠨᠡ ᠰᠢᠯᠦᠭ ᠵᠢᠷᠭᠢᠭᠡ ᠪᠡᠷ ᠶᠠᠪᠤᠵᠤ ᠪᠠᠢᠨᠠ
ᠥᠴᠦᠬᠡᠨ ᠪᠢ ᠶᠣᠰᠣᠲᠠᠢ ᠭᠡᠳ ᠡᠨᠳᠡ ᠰᠢᠯᠵᠢᠭᠦᠯᠵᠦ ᠪᠠᠢᠨᠠ
ᠤᠭ ᠢ᠋ ᠨᠢ ᠳ᠋ᠦᠩᠨᠡᠪᠡᠯ ᠮᠣᠩᠭᠣᠯ ᠮᠢᠨᠢ ᠪᠦᠯᠬᠦᠮᠳᠡᠯ ᠢ᠋ᠶ᠋ᠡᠷ ᠳᠤᠲᠠᠭᠤ ᠪᠠᠢᠨᠠ
ᠣᠳᠣ ᠠ᠋ᠴᠠ ᠡᠬᠢᠯᠡᠨ ᠰᠡᠷᠢᠭᠡᠴᠢ ᠭᠡᠵᠦ ᠤᠷᠢᠶᠠᠯᠠᠵᠤ ᠪᠠᠢᠨᠠ
ᠢᠷᠡᠯᠲᠡ᠄ ᠸᠢᠴᠠᠲ ᠬᠣᠯᠪᠣᠭᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠵ᠂ ᠪᠤᠶᠠᠨᠲᠣᠭᠲᠠᠬᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠮᠥᠩᠬᠡ ᠭᠠᠯ