ᠬᠣᠷᠤᠭᠠᠨᠴᠠᠢᠳᠠᠮ ᠨᠤᠲᠤᠭ ᠲᠠᠢХороонцайдам нутагтай-ᠣᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤ
399ᠬᠣᠷᠤᠭᠠᠨᠴᠠᠢᠳᠠᠮ ᠨᠤᠲᠤᠭ ᠲᠠᠢ
ᠬᠣᠷᠤᠭᠠᠨᠴᠠᠢᠳᠠᠮ ᠨᠤᠲᠤᠭ ᠲᠠᠢ ᠯᠠ ᠶᠤᠮ
ᠬᠣᠶᠠᠷ ᠨᠣᠮᠤᠭᠤᠨ ᠥᠨᠳᠥᠷ ᠲᠡᠢ ᠯᠡ ᠶᠦ᠍ᠮ
ᠬᠣᠯᠠ ᠶ᠋ᠢᠨ ᠠᠯᠪᠠᠨ ᠳ᠋ᠤ᠌ ᠶᠠᠪᠤᠵᠤ ᠪᠠᠢᠬᠤ ᠳ᠋ᠤ᠌
ᠭᠠᠤᠯᠢᠨ ᠪᠦᠷᠢᠶᠡ ᠬᠣᠶᠠᠭᠤᠯᠠ ᠪᠠᠨ ᠱᠢᠦ
ᠡᠵᠢ ᠡᠴᠡ ᠪᠡᠨ ᠲᠦᠷᠬᠦᠢ ᠳ᠋ᠦ᠍
ᠡᠭᠡᠴᠢ ᠳᠡᠭᠦᠦ ᠬᠣᠶᠠᠷ ᠶᠤᠮ
ᠡᠨᠡ ᠴᠡᠷᠢᠭ ᠦ᠋ᠨ ᠠᠯᠪᠠᠨ ᠳ᠋ᠤ᠌
ᠭᠠᠤᠯᠢᠨ ᠪᠦᠷᠢᠶᠡ ᠬᠣᠶᠠᠭᠤᠯᠠ ᠱᠢᠦ
ᠡᠵᠡᠨ ᠵᠠᠰᠠᠭ ᠤ᠋ᠨ ᠵᠠᠷᠯᠢᠭ ᠢ᠋ᠶ᠋ᠠᠷ
ᠡᠨᠡ ᠪᠡᠶᠡ ᠮᠢᠨᠢ ᠮᠣᠷᠳᠠᠯᠠ
ᠡᠭᠡᠯ ᠪᠢᠳᠡᠨ ᠳᠥᠷᠪᠡᠭᠦᠯᠡ ᠪᠡᠨ
ᠢᠷᠭᠡᠨ ᠬᠢᠲᠠᠳ ᠤ᠋ᠨ ᠮᠠᠲᠠᠯ ᠳ᠋ᠤ᠌ ᠣᠷᠣᠯᠠ
ᠠᠲᠠᠨ ᠠᠲᠠᠨ ᠲᠡᠮᠡᠭᠡ ᠨᠢ
ᠠᠷᠤ ᠬᠠᠩᠬᠠ ᠠ᠋ᠴᠠ ᠢᠷᠡᠭᠰᠡᠨ ᠶᠦ᠍ᠮ
ᠠᠯᠪᠠᠨ ᠤ᠋ ᠪᠢᠳᠡᠨ ᠳᠥᠷᠪᠡᠭᠦᠯᠡ ᠶ᠋ᠢᠨ
ᠠᠯᠤᠰ ᠬᠣᠯᠠ ᠶ᠋ᠢᠨ ᠤᠨᠤᠭᠠ ᠶᠤᠮ
ᠠᠯᠠᠭ ᠮᠣᠷᠢ ᠪᠠᠨ ᠤᠨᠤᠯᠠ ᠳ᠋ᠣᠤ
ᠠᠯᠤᠰ ᠤ᠋ᠨ ᠭᠠᠵᠠᠷ ᠢ᠋ᠶ᠋ᠠᠨ ᠵᠣᠷᠢᠯᠠ ᠳ᠋ᠣᠣ
ᠠᠪᠤ ᠡᠵᠢ ᠬᠣᠶᠠᠷ ᠮᠢᠨᠢ
ᠠᠮᠤᠷ ᠮᠡᠨᠳᠦ ᠰᠠᠭᠠᠲᠠᠵᠤ ᠪᠠᠢ
ᠬᠦᠷᠡᠩ ᠮᠣᠷᠢ ᠪᠠᠨ ᠤᠨᠤᠯᠠ ᠳ᠋ᠣᠤ
ᠬᠥᠨᠳᠡᠢ ᠶ᠋ᠢᠨ ᠵᠠᠮ ᠢ᠋ᠶ᠋ᠠᠷ ᠮᠣᠷᠳᠠᠯᠠ ᠳ᠋ᠣᠣ
ᠬᠦᠨᠳᠦᠲᠦ ᠠᠪᠤ ᠡᠵᠢ ᠬᠣᠶᠠᠷ ᠮᠢᠨᠢ
ᠠᠮᠤᠷ ᠮᠡᠨᠳᠦ ᠰᠠᠭᠠᠲᠠᠵᠤ ᠪᠠᠢ
ᠪᠣᠷᠣ ᠮᠣᠷᠢ ᠪᠠᠨ ᠤᠨᠤᠯᠠ ᠳ᠋ᠣᠤ
ᠪᠤᠭᠤᠲᠤ ᠰᠦᠢᠶᠦᠸᠠᠨ ᠳ᠋ᠤ᠌ ᠮᠣᠷᠳᠠᠯᠠ ᠳ᠋ᠣᠣ
ᠪᠤᠭᠤᠷᠤᠯ ᠠᠪᠤ ᠮᠢᠨᠢ ᠠᠰᠠᠭᠤᠪᠠᠯ
ᠪᠤᠭᠤᠲᠤ ᠰᠦᠢᠶᠦᠸᠠᠨ ᠳ᠋ᠤ᠌ ᠮᠣᠷᠳᠠᠯᠠ ᠳ᠋ᠣᠣ
ᠬᠠᠷᠠ ᠮᠣᠷᠢ ᠪᠠᠨ ᠤᠨᠤᠯᠠ ᠳ᠋ᠣᠤ
ᠬᠠᠩᠭᠢᠨ ᠨᠤᠲᠤᠭ ᠠ᠋ᠴᠠ ᠪᠠᠨ ᠮᠣᠷᠳᠠᠯᠠ ᠳ᠋ᠣᠣ
ᠬᠠᠢᠷᠠᠲᠤ ᠡᠵᠢ ᠮᠢᠨᠢ ᠠᠰᠠᠭᠤᠪᠠᠯ
ᠬᠠᠷᠢ ᠭᠠᠵᠠᠷ ᠲᠤ᠌ ᠰᠠᠭᠤᠵᠤ ᠪᠠᠢᠨᠠ ᠪᠢ
ᠲᠡᠮᠦᠷ ᠵᠠᠮ ᠢ᠋ᠶ᠋ᠠᠷ ᠳᠦᠭᠡᠢᠭᠦᠯᠵᠦ ᠪᠠᠢᠨᠠ
ᠲᠥᠷᠥ ᠶ᠋ᠢᠨ ᠡᠮᠦᠨᠡ ᠵᠢᠳᠭᠦᠵᠦ ᠪᠠᠢᠨᠠ
ᠲᠥᠷᠥᠯ ᠰᠠᠳᠤᠨ ᠮᠢᠨᠢ ᠠᠰᠠᠭᠤᠪᠠᠯ
ᠲᠦᠪᠱᠢᠨ ᠠᠮᠤᠷ ᠰᠠᠭᠤᠵᠤ ᠪᠠᠢᠨᠠ ᠪᠢ
ᠬᠠᠢᠷᠠᠨ ᠪᠡᠶᠡ ᠮᠢᠨᠢ ᠡᠪᠡᠳᠬᠦ ᠳ᠋ᠦ᠍
ᠬᠠᠷᠢᠬᠤ ᠶ᠋ᠢᠨ ᠰᠠᠨᠠᠭᠠ ᠲᠥᠷᠥᠭᠳᠡᠯᠡ
ᠬᠠᠷᠢᠶᠠ ᠭᠡᠵᠦ ᠭᠤᠶᠤᠯᠠ ᠪᠢ
ᠬᠠᠷᠢᠬᠤ ᠶ᠋ᠢᠨ ᠥᠷᠥᠱᠢᠶᠡᠯ ᠦᠭᠭᠦᠭᠰᠡᠨ ᠦᠭᠡᠢ
ᠴᠡᠩᠬᠡᠷ ᠬᠠᠢᠯᠠᠩ ᠵᠢᠶᠦ᠋ᠨ ᠢ1
ᠵᠡᠭᠦᠨ ᠪᠠᠷᠠᠭᠤᠨ ᠬᠠᠷᠮᠠᠨ ᠲᠠᠢ
ᠬᠠᠷᠮᠠᠨ ᠳᠦᠭᠦᠷᠡᠩ ᠴᠠᠭᠠᠰᠤ ᠪᠠᠢᠨᠠ
ᠬᠠᠷᠢᠭᠤ ᠰᠢᠦᠽᠠ2 ᠢ᠋ᠶ᠋ᠠᠨ ᠳᠠᠢᠯᠭᠠᠶᠠ ᠳ᠋ᠣᠣ
ᠤᠯᠠᠭᠠᠨ ᠥᠩᠭᠡ ᠶ᠋ᠢᠨ ᠪᠣᠳᠣᠭ ᠪᠠᠢᠨᠠ
ᠤᠰᠤᠨ ᠦᠵᠦᠭ ᠲᠡᠭᠡᠨ ᠰᠠᠪᠠᠯᠠᠴᠢᠬᠠᠶᠠ
ᠤᠯᠠᠭᠠᠨ ᠱᠤᠭᠤᠮ ᠲᠠᠢ ᠴᠠᠭᠠᠰᠤᠨ ᠳᠡᠭᠡᠷᠡ
ᠤᠴᠢᠷ ᠢ᠋ᠶ᠋ᠠᠨ ᠪᠢᠴᠢᠭᠡᠳ ᠳᠠᠢᠯᠭᠠᠶᠠ ᠳ᠋ᠣᠣ
ᠵᠢᠶᠦ᠋ᠨ ᠢ1------ᠬᠢᠲᠠᠳ ᠦᠭᠡ(军衣) ᠴᠡᠷᠢᠭ ᠦ᠋ᠨ ᠬᠤᠪᠴᠠᠰᠤ
ᠰᠢᠦᠽᠠ2------- ᠬᠢᠲᠠᠳ ᠦᠭᠡ(书子) ᠵᠠᠬᠢᠳᠠᠯ ᠴᠢᠮᠡᠭᠡ