ᠪᠢᠯᠠᠭᠤ ᠪᠠᠷ ᠵᠣᠳᠣᠪᠠᠯ ᠢᠨᠢᠶᠡᠵᠦ ᠪᠤᠯᠠᠭᠠ ᠪᠠᠷ ᠵᠦᠯᠭᠦᠪᠡᠯ ᠤᠬᠢᠯᠠᠬᠤ-ᠮᠣᠩᠭᠣᠯ ᠬᠡᠪᠰᠢᠭᠰᠡᠨ ᠦᠭᠡ ᠶ᠋ᠢᠨ ᠦᠯᠢᠭᠡᠷ03
294ᠪᠢᠯᠠᠭᠤ ᠪᠠᠷ ᠵᠣᠳᠣᠪᠠᠯ ᠢᠨᠢᠶᠡᠵᠦ ᠪᠤᠯᠠᠭᠠ ᠪᠠᠷ ᠵᠦᠯᠭᠦᠪᠡᠯ ᠤᠬᠢᠯᠠᠬᠤ
ᠮᠣᠩᠭᠣᠯ ᠬᠡᠪᠰᠢᠭᠰᠡᠨ ᠦᠭᠡ ᠶ᠋ᠢᠨ ᠦᠯᠢᠭᠡᠷ (3)
ᠨᠠᠮᠵᠢᠯ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠨᠢᠭᠡᠨ ᠨᠣᠶᠠᠨ ᠂ ᠬᠠᠲᠤᠨ ᠬᠣᠶᠠᠭᠤᠯᠠ ᠪᠠᠢᠭᠰᠠᠨ ᠭᠡᠨᠡ᠃ ᠬᠠᠲᠤᠨ ᠨᠢ ᠶᠡᠷᠦᠨᠢ ᠬᠡᠪ ᠢ᠋ᠶ᠋ᠡᠨ ᠰᠠᠬᠢᠳᠠᠭ ᠦᠭᠡᠢ ᠭᠠᠵᠢ ᠶᠠᠪᠤᠳᠠᠯᠲᠠᠨ ᠪᠠᠢᠵᠠᠢ ᠭᠡᠨᠡ᠃
ᠡᠨᠡ ᠬᠠᠲᠤᠨ ᠨᠢᠭᠡᠨ ᠰᠥᠨᠢ ᠳᠣᠭᠣᠯᠴᠢ ᠬᠦᠦ ᠲᠡᠢ ᠪᠡᠨ ᠪᠣᠯᠵᠣᠵᠤ᠂ ᠲᠤᠭᠤᠯ ᠤ᠋ᠨ ᠬᠠᠰᠢᠶᠠᠨ ᠤ᠋ ᠳᠡᠷᠭᠡᠳᠡ ᠠᠭᠤᠯᠵᠠᠬᠤ ᠪᠠᠷ ᠪᠣᠯᠵᠠᠢ᠃ ᠲᠡᠭᠡᠭᠡᠳ ᠬᠠᠲᠤᠨ ᠵᠢᠭᠠᠬᠠᠨ ᠣᠰᠣᠯᠳᠠᠵᠤ ᠬᠦᠷᠦᠭᠰᠡᠨ ᠳ᠋ᠦ᠍ ᠳᠤᠭᠤᠯᠴᠢ ᠬᠦᠦ ᠠᠭᠤᠷᠯᠠᠵᠤ᠄
— ᠴᠢ ᠶᠠᠭᠤᠨ ᠳ᠋ᠤ᠌ ᠪᠣᠯᠵᠣᠭᠠᠨ ᠠ᠋ᠴᠠ ᠪᠠᠨ ᠬᠣᠵᠢᠭᠳᠠᠪᠠ ᠭᠡᠵᠦ ᠠᠭᠠᠰᠢᠯᠠᠨ ᠂ ᠪᠢᠯᠠᠭᠤ ᠪᠠᠷ ᠢ᠋ᠶ᠋ᠠᠨ ᠵᠣᠳᠣᠭᠰᠠᠨ ᠳ᠋ᠤ᠌ ᠬᠠᠲᠤᠨ᠄
— ᠴᠢᠨᠦ ᠵᠢᠮᠡᠯᠡᠬᠦ ᠴᠢᠨᠢ ᠮᠠᠰᠢ ᠵᠥᠪ ᠭᠡᠳ ᠢᠨᠢᠶᠡᠭᠰᠡᠨ ᠪᠠᠢᠵᠠᠢ᠃
ᠮᠠᠷᠭᠠᠰᠢ ᠨᠢ ᠨᠣᠶᠠᠨ᠂ ᠬᠠᠲᠤᠨ ᠲᠠᠢ ᠪᠠᠨ ᠰᠢᠷᠡᠭᠡ ᠬᠠᠪᠴᠢᠨ ᠰᠠᠭᠤᠵᠤ ᠨᠠᠭᠠᠳᠤᠮ ᠱᠣᠭ ᠬᠢᠵᠦ ᠪᠠᠢᠭᠠᠳ ᠪᠤᠯᠠᠭᠠᠨ ᠬᠠᠨᠴᠤᠢ ᠪᠠᠷ ᠢ᠋ᠶ᠋ᠠᠨ ᠱᠦᠷᠭᠦᠭᠡᠭᠰᠡᠨ ᠲᠡᠳᠦᠢ ᠳ᠋ᠦ᠍ ᠬᠠᠲᠤᠨ ᠣᠭᠲᠣ ᠡᠪᠡᠳᠦᠭᠰᠡᠨ ᠦᠭᠡᠢ ᠪᠠᠢᠲᠠᠯᠠ ᠡᠨᠡᠯᠦᠨ ᠭᠠᠰᠠᠯᠤᠨ ᠤᠬᠢᠯᠠᠪᠠ ᠭᠡᠨᠡ᠃
ᠬᠣᠵᠢᠮ ᠤ᠋ᠨ ᠬᠥᠮᠦᠰ ᠲᠤᠰ ᠦᠯᠢᠭᠡᠷ ᠢ᠋ ᠦᠨᠳᠦᠰᠦᠯᠡᠵᠦ《 ᠪᠢᠯᠠᠭᠤ ᠪᠠᠷ ᠵᠣᠳᠣᠪᠠᠯ ᠢᠨᠢᠶᠡᠵᠦ᠂ ᠪᠤᠯᠠᠭᠠ ᠪᠠᠷ ᠵᠦᠯᠭᠦᠪᠡᠯ ᠤᠬᠢᠯᠠᠬᠤ》 ᠭᠡᠳᠡᠭ ᠬᠡᠪᠰᠢᠭᠰᠡᠨ ᠦᠭᠡ ᠶ᠋ᠢ ᠵᠣᠬᠢᠶᠠᠵᠠᠢ᠃ ᠡᠭᠦᠪᠡᠷ ᠳᠤᠷᠠ ᠪᠠᠬᠠ ᠲᠠᠢ ᠬᠡᠷᠡᠭ ᠲᠦ᠍ ᠬᠡᠳᠦᠢ ᠬᠦᠴᠢᠷ ᠪᠡᠷᠬᠡ ᠪᠠᠢᠯᠠ ᠴᠤ᠌ ᠭᠡᠰᠡᠨ ᠲᠡᠰᠦᠨ ᠬᠦᠯᠢᠶᠡᠵᠦ᠂ ᠳᠤᠷᠠ ᠦᠭᠡᠢ ᠬᠡᠷᠡᠭ ᠲᠦ᠍ ᠥᠴᠦᠬᠡᠨ ᠲᠡᠳᠦᠢ ᠬᠠᠯᠠ ᠶ᠋ᠢ ᠴᠦ᠍ ᠳᠠᠭᠠᠭᠠᠬᠤ ᠦᠭᠡᠢ ᠭᠡᠳᠡᠭ ᠰᠠᠨᠠᠭᠠ ᠶ᠋ᠢ ᠵᠦᠢᠷᠯᠡᠬᠦ ᠪᠣᠯᠵᠠᠢ᠃ ᠪᠠᠰᠠ ᠵᠠᠷᠢᠮ ᠳ᠋ᠠᠭᠠᠨ ᠬᠥᠮᠦᠨ ᠬᠠᠯᠠ ᠶ᠋ᠢ ᠳᠠᠭᠠᠭᠠᠨᠠ᠂ ᠵᠢᠷᠭᠠᠯ ᠢ᠋ ᠳᠠᠭᠠᠭᠠᠬᠤ ᠦᠭᠡᠢ ᠭᠡᠳᠡᠭ ᠰᠠᠨᠠᠭᠠ ᠶ᠋ᠢ ᠵᠦᠢᠷᠯᠡᠵᠦ ᠬᠡᠯᠡᠳᠡᠭ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠢᠷᠠᠨᠤᠳ· ᠨᠠᠷᠠᠰᠤ
ᠦᠰᠦᠭ᠄ ᠬᠢᠨᠠᠭᠴᠢ᠄ ᠮᠤᠩᠭᠤᠯᠬᠦᠦ