ᠬᠤᠷᠳᠤᠨ ᠬᠡᠭᠡᠷ ᠦ᠋ᠨ ᠳᠣᠮᠣᠭKhurdan kheeriin domogХурдан хээрийн домог
406ᠬᠤᠷᠳᠤᠨ ᠬᠡᠭᠡᠷ ᠦ᠋ᠨ ᠳᠣᠮᠣᠭ
ᠲᠡᠷᠡ ᠨᠢᠭᠡᠨ ᠵᠢᠯ ᠳᠣᠯᠣᠭᠠᠨ ᠬᠣᠰᠢᠭᠤ ᠳᠠᠩᠰᠢᠭ ᠨᠠᠭᠠᠳᠤᠮ ᠳ᠋ᠤ᠌ ᠂ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠮᠣᠷᠢᠯᠠᠨ ᠢᠷᠡᠬᠦ ᠪᠣᠯᠵᠤ ᠭᠡᠨᠡ᠃ ᠬᠠᠭᠠᠳ ᠨᠣᠶᠠᠳ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠳ᠋ᠤ᠌ ᠨᠢᠭᠤᠷ ᠲᠠᠯᠠ ᠵᠠᠰᠠᠬᠤ ᠭᠡᠵᠦ ᠲᠠᠩᠰᠢᠭ ᠨᠠᠭᠠᠳᠤᠮ ᠳ᠋ᠤ᠌᠂ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠤ᠋ ᠮᠣᠷᠢ ᠶ᠋ᠢ ᠲᠡᠷᠢᠭᠦᠯᠡᠬᠦ ᠲᠠᠯᠠ ᠪᠠᠷ ᠪᠣᠭᠳᠠ ᠶ᠋ᠢᠨ ᠯᠣᠨᠳᠣᠨ ᠳ᠋ᠤ᠌ ᠶᠠᠭᠠᠷᠠᠨ ᠭᠠᠷᠭᠠᠭᠤᠯᠵᠠᠢ᠃ ᠬᠠᠷᠢᠨ ᠵᠡᠷᠭᠡᠯᠡᠳᠡᠭᠡ ᠨᠤᠲᠤᠭ ᠲᠠᠭᠠᠨ ᠰᠡᠴᠡᠨ ᠬᠠᠭᠠᠨ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤ᠋ᠨ ᠭᠣᠣᠯ ᠪᠣᠯᠤᠭᠰᠠᠨ ᠮᠣᠷᠢᠨ ᠤ᠋ ᠲᠦᠷᠦᠭᠦᠦ ᠶ᠋ᠢ ᠬᠠᠷᠢ ᠶ᠋ᠢᠨ ᠬᠠᠭᠠᠨ ᠳ᠋ᠤ᠌ ᠬᠦᠴᠦ ᠪᠡᠷ ᠥᠭᠴᠦ ᠪᠠᠢᠳᠠᠭ ᠨᠢ ᠶᠠᠭᠤ ᠪᠢᠯᠡ ᠭᠡᠵᠦ ᠳᠠᠭᠤ ᠦᠭᠡᠢ ᠪᠣᠳᠣᠵᠠᠢ᠃᠂ ᠬᠤᠷᠳᠤᠨ ᠮᠣᠷᠢᠨ ᠤ᠋ ᠰᠢᠨᠵᠢᠭᠡᠴᠢ ᠭᠡᠵᠦ ᠠᠯᠳᠠᠷᠰᠢᠭᠰᠠᠨ ᠨᠢᠭᠡᠨ ᠲᠦᠰᠢᠮᠡᠯ ᠳ᠋ᠦ᠍ ᠭᠤᠴᠢᠨ ᠯᠠᠩ ᠮᠥᠩᠭᠥ ᠥᠭᠴᠦ ᠂᠂ᠪᠣᠯᠬᠤ ᠨᠠᠭᠠᠳᠤᠮ ᠳ᠋ᠤ᠌ ᠲᠡᠷᠢᠭᠦᠯᠡᠬᠦ ᠬᠤᠷᠳᠤᠨ ᠮᠣᠷᠢ ᠶ᠋ᠢ ᠬᠠᠮᠢᠭᠠ ᠪᠠᠢᠭᠠ ᠭᠠᠵᠠᠷ ᠠ᠋ᠴᠠ ᠨᠢ ᠣᠯᠤᠭᠠᠳ ᠢᠷᠡ ᠭᠡᠵᠦ ᠶᠠᠪᠤᠭᠤᠯᠵᠠᠢ ᠭᠡᠨᠡ᠃
ᠰᠢᠨᠵᠢᠭᠡᠴᠢ ᠲᠦᠰᠢᠮᠡᠯ ᠳ᠋ᠦ᠍ ᠬᠤᠷᠳᠤᠨ ᠮᠣᠷᠢ ᠣᠯᠠᠨ ᠲᠠᠭᠠᠷᠠᠯᠳᠤᠭᠰᠠᠨ ᠪᠣᠯᠪᠠᠴᠤ᠂ᠰᠠᠨᠠᠭᠠᠨ ᠳ᠋ᠤ᠌ ᠨᠢ ᠨᠢᠭᠡ ᠯᠡ ᠲᠠᠭᠠᠷᠠᠵᠤ ᠥᠭᠬᠦ ᠦᠭᠡᠢ ᠪᠠᠢᠯᠠ᠃ ᠲᠦᠰᠢᠭᠡᠳ ᠬᠠᠭᠠᠨ ᠤ᠋ ᠨᠤᠲᠤᠭ ᠢ᠋ᠶ᠋ᠠᠷ ᠶᠠᠪᠤᠵᠤ ᠪᠠᠢᠲᠠᠯᠠ ᠬᠣᠨᠢ ᠬᠠᠷᠢᠭᠤᠯᠤᠭᠰᠠᠨ ᠡᠪᠦᠭᠡᠨ ᠲᠡᠢ ᠲᠠᠭᠠᠷᠠᠯᠳᠤᠵᠤ ᠭᠡᠨᠡ᠃ ᠡᠪᠦᠭᠡᠨ ᠦ᠌ ᠤᠨᠤᠭᠰᠠᠨ ᠬᠡᠭᠡᠷ ᠮᠣᠷᠢᠨ ᠳ᠋ᠤᠨᠢ ᠶᠠᠭᠤᠨ ᠴᠤ᠌ ᠦᠭᠡᠢ ᠴᠦ᠍ ᠣᠨᠴᠠᠭᠠᠢ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ ᠮᠣᠷᠢ ᠪᠠᠢᠪᠠ ᠭᠡᠨᠡ᠃ ᠡᠪᠦᠭᠡᠨ ᠳ᠋ᠦ᠍ ᠥᠪᠡᠷ ᠦ᠋ᠨ ᠤᠴᠢᠷ ᠢ᠋ ᠬᠡᠯᠡᠵᠦ᠂ ᠬᠤᠳᠠᠯᠳᠤᠵᠤ ᠶ᠋ᠢ ᠭᠤᠶᠤᠯᠠ ᠂
ᠪᠢ ᠪᠠᠶᠠᠨ ᠠᠢᠯ ᠤ᠋ᠨ ᠬᠣᠨᠢ ᠬᠠᠷᠢᠭᠤᠯᠳᠠᠭ ᠶᠠᠳᠠᠭᠤ ᠬᠥᠮᠦᠨ᠂ ᠡᠨᠡ ᠮᠣᠷᠢ ᠪᠣᠯ ᠡᠵᠡᠨ ᠦ᠌ ᠦᠭᠭᠦᠭᠰᠡᠨ ᠭᠤᠷᠪᠠᠳᠠᠬᠢ ᠤᠨᠤᠭᠠ᠂᠂ ᠤᠷᠢᠳᠤᠬᠢ ᠬᠣᠶᠠᠷ ᠨᠢ ᠳᠠᠷᠠᠭᠠᠯᠠᠨ ᠵᠥᠨᠥᠵᠦ ᠦᠬᠦᠭᠰᠡᠨ᠃ ᠪᠢ ᠬᠥᠭᠰᠢᠨ ᠪᠣᠯᠲᠠᠯᠠ ᠮᠣᠷᠢᠨ ᠤ᠋ ᠬᠤᠷᠳᠤᠨ ᠢ᠋ ᠰᠣᠩᠭᠣᠵᠤ ᠰᠢᠨᠵᠢᠵᠦ ᠶᠠᠪᠤᠭᠠ ᠦᠭᠡᠢ᠂ ᠬᠤᠳᠠᠯᠳᠤᠬᠤ ᠡᠰᠡᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ᠂ ᠡᠵᠡᠨ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠪᠠᠢᠵᠤ ᠭᠡᠵᠡᠢ᠃ ᠲᠦᠰᠢᠮᠡᠯ ᠮᠣᠷᠢᠨ ᠤ᠋ ᠡᠵᠡᠨ ᠦ᠌ ᠳ᠋ᠦ᠍ ᠣᠴᠢᠵᠤ᠂ ᠬᠤᠳᠠᠯᠳᠤᠬᠤ ᠶ᠋ᠢ ᠭᠤᠶᠤᠯᠠ᠃ ᠮᠢᠨᠦ ᠮᠢᠩᠭᠠ ᠲᠦᠮᠡᠨ ᠠᠳᠤᠭᠤᠨ ᠤ᠋ ᠳᠣᠲᠣᠷᠠ ᠠ᠋ᠴᠠ ᠬᠠᠮᠤᠭ ᠤ᠋ᠨ ᠠᠳᠠᠭ ᠨᠢ ᠪᠣᠯᠤᠭᠰᠠᠨ ᠬᠣᠨᠢ ᠬᠠᠷᠢᠭᠤᠯᠳᠠᠭ ᠡᠴᠢᠵᠦ ᠲᠤᠢᠯᠳᠠᠭᠰᠠᠨ ᠡᠨᠡ ᠮᠣᠷᠢ ᠶ᠋ᠢ ᠬᠤᠷᠳᠤᠨ ᠭᠡᠵᠦ ᠬᠡᠨ ᠦᠨᠡᠮᠰᠢᠬᠦ ᠤᠤ᠂ ᠪᠢ ᠡᠭᠦᠨ ᠢ᠋ ᠬᠤᠳᠠᠯᠳᠤᠬᠤ ᠶ᠋ᠢ ᠪᠢᠲᠡᠭᠡᠢ ᠬᠡᠯᠡ᠂ ᠵᠦᠭᠡᠷ ᠥᠭᠬᠦ ᠡᠴᠡ ᠪᠡᠨ ᠪᠦᠷ ᠡᠴᠢᠵᠦ ᠪᠠᠢᠨᠠ ᠭᠡᠯᠡ᠃ ᠲᠦᠰᠢᠮᠡᠯ ᠮᠥᠩᠭᠥ ᠪᠡᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠵᠤ᠂ ᠡᠨᠡ ᠮᠥᠩᠭᠥ ᠡᠵᠡᠨ ᠲᠠᠨ ᠤ᠋ ᠥᠯᠵᠡᠢ ᠪᠣᠯᠤᠭ ᠂ ᠬᠡᠭᠡᠷ ᠮᠣᠷᠢ ᠬᠤᠷᠳᠤᠨ ᠪᠣᠯᠤᠭ ᠭᠡᠵᠦ ᠬᠡᠯᠡᠭᠡᠳ᠂ ᠬᠡᠭᠡᠷ ᠮᠣᠷᠢ ᠪᠠᠨ ᠬᠥᠲᠥᠯᠦᠨ ᠪᠤᠴᠠᠯᠠ᠃ ᠭᠡᠲᠡᠯᠡ ᠰᠡᠴᠡᠨ ᠬᠠᠭᠠᠨ ᠤᠴᠢᠷ ᠦᠭᠡᠢ ᠶᠡᠬᠡ ᠠᠭᠤᠷᠯᠠᠵᠤ ᠭᠡᠨᠡ᠃ ᠬᠠᠯᠬᠠ ᠮᠣᠩᠭᠣᠯ ᠤ᠋ᠨ ᠠᠳᠤᠭᠤᠨ ᠰᠦᠷᠦᠭ ᠦ᠋ᠨ ᠬᠤᠷᠳᠤᠨ ᠨᠢ ᠪᠠᠷᠢᠭᠳᠠᠵᠤ ᠭᠡᠵᠦ ᠪᠣᠳᠣᠭᠠᠳ᠂ ᠡᠨᠡ ᠠᠳᠤᠭᠤ ᠨᠡᠷᠡ ᠲᠡᠢ᠂ ᠠᠯᠤᠬᠠᠨ ᠲᠣᠯᠣᠭᠠᠢ ᠲᠠᠢ ᠶᠠᠭᠤᠮᠠ ᠶ᠋ᠢ ᠠᠪᠴᠢᠷᠠᠵᠤ᠂ ᠮᠢᠨᠦ ᠲᠣᠯᠣᠭᠠᠢ ᠡᠷᠭᠢᠭᠦᠯᠬᠦ ᠭᠡᠵᠦ ᠪᠣᠳᠣᠭᠠᠳ ᠶᠣᠣ ᠂ ᠡᠨᠡ ᠶ᠋ᠢ ᠪᠡᠨ ᠠᠪᠤᠭᠠᠳ ᠵᠠᠢᠯᠠ ᠭᠡᠵᠦ ᠬᠥᠭᠡᠭᠡᠵᠡᠢ ᠭᠡᠨᠡ᠃
ᠲᠦᠰᠢᠮᠡᠯ ᠮᠣᠷᠢ ᠪᠠᠨ ᠬᠥᠲᠥᠯᠵᠦ᠂ ᠲᠥᠪ ᠬᠦᠷᠬᠦ ᠶ᠋ᠢᠨ ᠠᠮᠠᠨ ᠳ᠋ᠤ᠌ ᠢᠷᠡᠵᠦ᠂ ᠪᠠᠷᠠᠭᠠ ᠥᠩᠭᠡ ᠶ᠋ᠢᠨ ᠳᠠᠪᠠᠭᠤ ᠪᠠᠷ ᠪᠢᠲᠡᠭᠦᠦ ᠨᠢᠮᠭᠡᠨ ᠬᠠᠯᠬᠠᠪᠴᠢ ᠬᠢᠵᠦ᠂ ᠤᠰᠤ ᠢᠳᠡᠰᠢ ᠶ᠋ᠢ ᠨᠢ ᠲᠠᠭᠠᠷᠠᠭᠤᠯᠤᠨ᠂ ᠪᠣᠯᠬᠤ ᠭᠡᠵᠦ ᠪᠠᠢᠭᠠ ᠲᠥᠷᠥ ᠶ᠋ᠢᠨ ᠶᠡᠬᠡ ᠨᠠᠭᠠᠳᠤᠮ ᠳ᠋ᠤ᠌ ᠤᠷᠤᠯᠳᠤᠭᠤᠯᠬᠤ ᠪᠠᠷ ᠰᠣᠢᠵᠤ ᠡᠬᠢᠯᠡᠯᠡ᠃ ᠨᠢᠭᠡᠨ ᠡᠳᠦᠷ ᠤᠶᠠᠵᠤ ᠪᠠᠢᠭᠠ ᠪᠦᠬᠦ ᠮᠣᠷᠢᠳ ᠢ᠋ ᠬᠦᠦ ᠨᠣᠭᠣᠭᠠᠨ ᠲᠣᠯᠣᠭᠠᠢ ᠭᠡᠳᠡᠭ ᠭᠠᠵᠠᠷ ᠴᠤᠭᠯᠠᠭᠤᠯᠤᠨ ᠮᠣᠷᠢ ᠰᠢᠨᠵᠢᠶᠡᠭᠡᠴᠢ ᠨᠠᠷ ᠰᠢᠨᠵᠢᠴᠢᠬᠡᠯᠡ᠃ ᠰᠢᠨᠵᠢᠶᠡᠭᠡᠴᠢ ᠨᠠᠷ ᠤ᠋ᠨ ᠳᠣᠲᠣᠷᠠ ᠠ᠋ᠴᠠ ᠪᠥᠭᠲᠦᠭᠡᠷ ᠨᠢᠷᠤᠭᠤ ᠲᠠᠢ᠂ ᠬᠥᠬᠡ ᠡᠪᠦᠭᠡᠨ᠂ ᠠᠢ ᠬᠥᠭᠡᠷᠦᠬᠦᠢ᠂ ᠲᠠᠨ ᠤ᠋ ᠮᠣᠷᠢ ᠠ᠋ᠴᠠ ᠬᠤᠷᠳᠤᠨ ᠮᠣᠷᠢ ᠶᠤᠮ᠃ ᠭᠡᠪᠡᠴᠦ ᠲᠡᠷᠢᠭᠦᠨ ᠨᠠᠭᠠᠳᠤᠮ ᠳ᠋ᠤ᠌ ᠲᠦᠷᠦᠭᠦᠦ ᠪᠤᠯᠢᠶᠠᠵᠤ ᠴᠢᠳᠠᠬᠤ ᠦᠭᠡᠢ ᠨᠢ ᠪᠣᠭᠳᠠ ᠶ᠋ᠢᠨ ᠣᠷᠣᠨ ᠤ᠋ ᠰᠠᠷᠠᠪᠴᠢᠨ ᠳ᠋ᠤ᠌ ᠠᠯᠲᠠᠨ ᠥᠩᠭᠡᠲᠦ ᠨᠥᠮᠥᠷᠭᠡ ᠲᠡᠢ᠂ ᠬᠦᠯᠢᠴᠡᠪᠡᠢ ᠶ᠋ᠢᠨ ᠤᠨᠠᠭᠠ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠤ᠋ ᠬᠤᠷᠳᠤᠨ ᠪᠣᠷᠣ ᠭᠡᠳᠡᠭ᠂ ᠭᠠᠵᠠᠷ ᠭᠢᠰᠬᠢᠬᠦ ᠤᠯᠠᠭᠠᠨ ᠬᠥᠯᠲᠦ ᠠᠮᠢᠲᠠᠨ ᠢ᠋ ᠤᠯᠠ ᠳ᠋ᠠᠭᠠᠨ ᠣᠷᠣᠭᠤᠯᠳᠠᠭ ᠦᠭᠡᠢ᠂ ᠬᠤᠷᠳᠤᠨ ᠮᠣᠷᠢ ᠪᠣᠢ᠂ ᠲᠠᠷᠢᠨ ᠤ᠋ ᠳᠠᠷᠠᠭᠠ ᠯᠠ ᠲᠠᠨ ᠤ᠋ ᠡᠨᠡ ᠬᠡᠭᠡᠷ ᠢᠷᠡᠨᠡ ᠳᠠ ᠭᠡᠵᠦ ᠬᠡᠯᠡᠬᠦ ᠳ᠋ᠦ᠍᠂ ᠲᠦᠰᠢᠮᠡᠯ ᠦᠭᠡᠢ ᠶᠡᠷᠦ ᠬᠠᠯᠬᠠ ᠮᠣᠩᠭᠣᠯᠴᠤᠳ ᠮᠣᠷᠢᠨ ᠤ᠋ ᠪᠠᠨ ᠲᠦᠷᠦᠭᠦᠦ ᠶ᠋ᠢ ᠬᠠᠷᠢ ᠶ᠋ᠢᠨ ᠮᠠᠨᠵᠤ ᠨᠠᠷ ᠲᠤ᠌ ᠠᠯᠳᠠᠬᠤ ᠭᠡᠵᠦ ᠤᠤ ᠭᠡᠵᠦ ᠪᠣᠳᠣᠭᠠᠳ᠂ ᠡᠪᠦᠭᠡᠨ ᠭᠤᠸᠠᠢ ᠮᠢᠨᠦ ᠬᠡᠭᠡᠷ ᠮᠣᠷᠢ᠂ ᠲᠡᠷᠡ ᠪᠣᠷᠣ ᠮᠣᠷᠢᠨ ᠤ᠋ ᠡᠮᠦᠨᠡ ᠣᠷᠣᠬᠤ ᠠᠷᠭᠠ ᠪᠠᠢᠬᠤ ᠦᠭᠡᠢ ᠶᠣᠣ ᠭᠡᠬᠦ ᠳ᠋ᠦ᠍᠂ ᠡᠪᠦᠭᠡᠨ᠂ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠤ᠋ ᠲᠡᠷᠡ ᠮᠣᠷᠢᠨ ᠳ᠋ᠤ᠌ ᠰᠡᠪᠡᠭ ᠲᠦ᠍ ᠨᠢᠭᠡ ᠶᠠᠭᠤᠮᠠ ᠠᠵᠢᠭᠯᠠᠭᠳᠠᠭᠰᠠᠨ ᠃ ᠨᠢᠭᠡ ᠤᠳᠠᠭᠠ ᠶ᠋ᠢᠨ ᠨᠢᠭᠤᠴᠠ ᠦᠰᠦᠷᠦᠭᠡ ᠳ᠋ᠦ᠍ ᠣᠯᠠᠨ ᠬᠥᠮᠦᠨ ᠱᠤᠤᠭᠢᠵᠤ᠂ ᠬᠡᠦᠬᠡᠳ ᠭᠢᠩᠭᠣᠯᠠᠬᠤ ᠳ᠋ᠤ᠌ ᠴᠢᠬᠢ ᠨᠢ ᠰᠣᠷᠲᠣᠯᠵᠠᠵᠤ ᠢᠷᠡᠭᠡᠳ ᠮᠢᠬᠠ ᠨᠢ ᠴᠡᠴᠡᠷᠡᠵᠦ ᠶᠡᠬᠡ ᠯᠡ ᠠᠶᠤᠵᠤ ᠰᠦᠷᠳᠡᠵᠦ ᠪᠠᠢᠭᠰᠠᠨ ᠰᠢᠦ᠃ ᠪᠣᠳᠣᠪᠠᠯ ᠦᠷᠢᠶᠡ ᠳᠠᠭᠠ ᠪᠠᠢᠬᠤ ᠳ᠋ᠠᠭᠠᠨ ᠬᠤᠳᠳᠤᠭ ᠶᠤᠮ ᠤᠤ᠂ ᠤᠰᠤᠨ ᠳ᠋ᠤ᠌ ᠤᠨᠠᠭᠰᠠᠨ ᠪᠠᠢᠵᠤ ᠲᠠᠭᠠᠷᠠᠨᠠ ᠭᠡᠵᠦ ᠪᠣᠳᠣᠭᠰᠠᠨ᠂ ᠭᠡᠵᠦ ᠶᠠᠷᠢᠵᠤ ᠭᠡᠨᠡ᠂
ᠢᠩᠭᠢᠭᠡᠳ ᠨᠠᠭᠠᠳᠤᠮ ᠪᠣᠯᠵᠤ ᠮᠣᠷᠢᠳ ᠭᠠᠷᠬᠤ ᠪᠣᠯᠬᠤ ᠳ᠋ᠤ᠌ ᠲᠦᠰᠢᠮᠡᠯ᠂ ᠴᠤᠪᠤᠭᠠ ᠰᠡᠷᠭᠦᠯᠡᠩ ᠬᠦᠦ ᠣᠯᠵᠤ ᠂ ᠮᠣᠷᠢ ᠪᠠᠨ ᠤᠨᠤᠭᠤᠯᠤᠭᠠᠳ᠂ ᠵᠠ ᠬᠦᠦ ᠮᠢᠨᠢ ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠤ᠋ ᠬᠤᠷᠳᠤᠨ ᠪᠣᠷᠣ ᠮᠣᠷᠢᠨ ᠠ᠋ᠴᠠ ᠪᠢᠲᠡᠭᠡᠢ ᠬᠤᠴᠤᠷᠠ᠂ ᠮᠣᠷᠢ ᠪᠠᠷᠢᠬᠤ ᠬᠥᠮᠦᠰ ᠦ᠋ᠨ ᠪᠠᠷᠠ ᠬᠠᠷᠠᠭᠳᠠᠮᠠᠭᠴᠠ ᠯᠠ ᠪᠠᠢᠳᠠᠭ ᠴᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠤᠸᠠᠭᠯᠠᠭᠠᠷᠠᠢ ᠭᠡᠵᠦ ᠵᠠᠬᠢᠵᠠᠢ ᠭᠡᠨᠡ᠃ ᠮᠠᠨᠵᠤ ᠬᠠᠭᠠᠨ ᠤ᠋ ᠪᠣᠷᠣ ᠂ ᠲᠦᠰᠢᠮᠡᠯ ᠦ᠋ᠨ ᠬᠡᠭᠡᠷ ᠬᠣᠶᠠᠷ ᠂ᠲᠠᠰᠤᠷᠬᠠᠢ ᠭᠠᠷᠴᠤ ᠂ᠬᠣᠢᠨᠠ ᠤᠷᠢᠳᠤ ᠪᠠᠨ ᠣᠷᠣᠭᠰᠠᠭᠠᠷ ᠪᠠᠷᠠᠭᠠᠨ ᠤ᠋ ᠭᠠᠵᠠᠷ ᠣᠢᠷᠠᠳᠠᠬᠤ ᠳ᠋ᠤ᠌᠂ ᠬᠤᠷᠳᠤᠨ ᠬᠡᠭᠡᠷ ᠦ᠋ᠨ ᠬᠦᠦ ᠂ᠬᠡᠳᠦ ᠴᠦ᠍ ᠬᠠᠰᠬᠢᠷᠤᠨ ᠳᠡᠪᠬᠡᠷᠬᠦ ᠳ᠋ᠦ᠍ ᠂ᠮᠠᠨᠵᠤ ᠶ᠋ᠢᠨ ᠬᠠᠭᠠᠨ ᠤ᠋ ᠬᠤᠷᠳᠤᠨ ᠮᠣᠷᠢ ᠶ᠋ᠢ ᠣᠷᠬᠢᠨ ᠂ᠬᠣᠨᠢᠨ ᠤ᠋ ᠬᠡᠭᠡᠷ ᠬᠣᠴᠢ ᠲᠠᠢ ᠬᠤᠷᠳᠤᠨ ᠬᠡᠭᠡᠷ ᠂ᠨᠠᠭᠠᠳᠤᠮ ᠤ᠋ᠨ ᠲᠦᠷᠦᠭᠦᠦ ᠪᠤᠯᠢᠶᠠᠭᠰᠠᠨ ᠭᠡᠳᠡᠭ᠃ ᠡᠨᠡ ᠦᠶᠡ ᠡᠴᠡ ᠡᠬᠢᠯᠡᠨ《 ᠲᠠᠢᠭᠠᠨ ᠳᠣᠣᠷᠠ ᠮᠣᠷᠢ᠂ ᠲᠠᠬᠠᠨ ᠳᠣᠣᠷᠠ ᠡᠷᠡ 》ᠭᠡᠳᠡᠭ ᠶᠠᠷᠢᠶᠠ ᠡᠭᠦᠰᠦᠭᠰᠡᠨ ᠳᠣᠮᠣᠭ ᠲᠠᠢ᠃
ᠦᠰᠦᠭ ᠬᠠᠳᠠᠭᠴᠢ᠄ ᠵᠢᠷᠠᠨᠲᠠᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠬᠢᠨᠠᠭᠴᠢ᠄ ᠤᠤᠭᠠᠨᠵᠢᠳ᠂ ᠵᠢᠷᠠᠨᠲᠠᠢ