ᠠᠮᠪᠠᠨ ᠢᠶᠠᠨ ᠡᠭᠦᠷᠦᠭᠡᠳ ᠲᠦᠷᠦᠴᠢᠬᠡᠪᠡ-ᠮᠣᠩᠭᠣᠯ ᠬᠡᠪᠰᠢᠭᠰᠡᠨ ᠦᠭᠡ ᠶ᠋ᠢᠨ ᠦᠯᠢᠭᠡᠷ02
275ᠠᠮᠪᠠᠨ ᠢᠶᠠᠨ ᠡᠭᠦᠷᠦᠭᠡᠳ ᠲᠦᠷᠦᠴᠢᠬᠡᠪᠡ
ᠮᠣᠩᠭᠣᠯ ᠬᠡᠪᠰᠢᠭᠰᠡᠨ ᠦᠭᠡ ᠶᠢᠨ ᠦᠯᠢᠭᠡᠷ (2)
ᠨᠠᠮᠵᠢᠯ
ᠠᠮᠪᠠᠨ ᠢᠶᠠᠨ ᠡᠭᠦᠷᠦᠭᠡᠳ ᠲᠦᠷᠦᠴᠢᠬᠡᠪᠡ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ ᠰᠢᠭᠢᠷᠡ ᠶᠢᠨ ᠮᠢᠬᠠ ᠪᠠᠨ ᠰᠢᠷᠠᠵᠤ ᠢᠳᠡᠮᠡᠷ ᠠᠯᠵᠠᠭᠤ ᠬᠥᠮᠦᠨ ᠪᠠᠢᠵᠠᠢ ᠭᠡᠨᠡ᠃ ᠲᠡᠷᠡ ᠬᠥᠮᠦᠨ ᠡᠳᠦᠷ ᠲᠤᠵᠢ ᠬᠥᠯ ᠭᠠᠷ ᠬᠥᠳᠡᠯᠬᠦ ᠦᠭᠡᠢ ᠪᠡᠷ ᠬᠠᠮᠤᠭ ᠤᠨ ᠠᠷᠪᠢᠨ ᠠᠵᠢᠯ ᠢ ᠬᠢᠵᠦ᠂ ᠪᠡᠶᠡ ᠠᠮᠤᠷ ᠰᠡᠳᠬᠢᠯ ᠲᠠᠢᠪᠤᠩ ᠮᠥᠷᠲᠡᠭᠡᠨ ᠠᠰᠢᠭ ᠵᠣᠭᠣᠰ ᠡᠯᠪᠡᠭ ᠳᠡᠯᠪᠡᠭ ᠣᠯᠵᠤ ᠠᠮᠢᠳᠤᠷᠠᠬᠤ ᠠᠷᠭᠠ ᠶᠢ ᠪᠣᠳᠣᠯᠬᠢᠯᠠᠨ ᠰᠠᠭᠤᠳᠠᠭ ᠭᠡᠨᠡ᠃ ᠭᠡᠪᠡᠴᠦ ᠲᠡᠷᠡ ᠶᠡᠷᠦ ᠨᠢ ᠡᠢᠮᠦᠷᠬᠦ ᠰᠠᠢᠨ ᠠᠷᠭᠠ ᠣᠯᠤᠭᠰᠠᠨ ᠦᠭᠡᠢ᠃
ᠲᠡᠭᠡᠭᠡᠳ ᠲᠡᠷᠡ ᠭᠠᠵᠠᠷ ᠪᠣᠯᠭᠠᠨ ᠠᠴᠠ ᠠᠯᠵᠠᠭᠤ ᠡᠷᠳᠡᠮ ᠵᠢᠭᠠᠳᠠᠭ ᠪᠠᠭᠰᠢ ᠡᠷᠢᠵᠦ ᠰᠤᠷᠠᠭᠯᠠᠵᠤ ᠪᠠᠢᠭᠠᠳ ᠨᠢᠭᠡ ᠶᠢ ᠣᠯᠵᠤ ᠱᠠᠪᠢ ᠨᠢ ᠪᠣᠯᠪᠠ᠃
ᠨᠢᠭᠡᠨ ᠡᠳᠦᠷ ᠪᠠᠭᠰᠢ ᠶᠢᠨ ᠬᠢᠨᠢ ᠭᠡᠷ ᠲᠦ ᠵᠣᠴᠢᠨ ᠢᠷᠡᠭᠰᠡᠨ ᠭᠡᠨᠡ᠃ ᠪᠠᠭᠰᠢ ᠨᠢ ᠵᠣᠴᠢᠨ ᠳᠠᠭᠠᠨ ᠪᠤᠳᠠᠭᠠ ᠪᠡᠯᠡᠳᠬᠡᠵᠦ ᠥᠭᠬᠦ ᠭᠡᠳ ᠰᠠᠪᠠ ᠬᠡᠷᠡᠭᠰᠡᠯ ᠴᠤᠭᠯᠠᠭᠤᠯᠵᠤ᠄
— ᠮᠢᠨᠦ ᠱᠠᠪᠢ ᠪᠠᠷᠠᠭᠤᠨ ᠭᠡᠷ ᠡᠴᠡ ᠭᠠᠯ ᠲᠣᠭᠣᠭᠠᠨ ᠤ ᠬᠢᠲᠤᠭᠠ ᠵᠢᠭᠡᠯᠡᠭᠡᠳ᠂ ᠵᠡᠭᠦᠨ ᠭᠡᠷ ᠡᠴᠡ ᠠᠮᠪᠠᠨ ᠢ ᠨᠢ ᠵᠢᠭᠡᠯᠡᠭᠡᠳ ᠢᠷᠡ᠂ ᠵᠣᠴᠢᠨ ᠳᠤ ᠪᠤᠳᠠᠭᠠ ᠬᠢᠵᠦ ᠥᠭᠭᠦᠶᠡ ᠭᠡᠰᠡᠨ ᠳᠦ᠄
— ᠪᠠᠭᠰᠢ ᠡ᠂ ᠴᠢᠨᠦ ᠭᠠᠷ ᠴᠢᠨᠢ ᠭᠠᠯ ᠲᠣᠭᠣᠭᠠᠨ ᠤ ᠬᠢᠲᠤᠭᠠ ᠶᠢᠨ ᠣᠷᠣᠨ ᠳᠤ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠂ ᠮᠢᠨᠦ ᠡᠨᠡ ᠨᠢᠷᠤᠭᠤ ᠶᠢ ᠠᠮᠪᠠᠨ ᠤ ᠣᠷᠣᠨ ᠳᠤ ᠬᠡᠷᠡᠭᠯᠡᠵᠦ᠂ ᠳᠡᠭᠡᠷᠡ ᠨᠢ ᠭᠤᠯᠢᠷ ᠨᠤᠬᠤᠪᠠᠯ ᠪᠣᠯᠴᠢᠬᠠᠨᠠ ᠰᠢᠳᠡ ᠭᠡᠵᠦ ᠬᠡᠯᠡᠭᠡᠳ ᠣᠷᠣᠨ ᠳᠠᠭᠠᠨ ᠰᠠᠭᠤᠭᠠᠳ ᠬᠥᠳᠡᠯᠬᠦ ᠦᠭᠡᠢ ᠳᠦ ᠪᠠᠭᠰᠢ ᠨᠢ᠄
— ᠵᠠ᠂ ᠱᠠᠪᠢ ᠮᠢᠨᠢ! ᠴᠢᠨᠦ ᠠᠯᠵᠠᠭᠤ ᠤᠬᠠᠭᠠᠨ ᠨᠢᠭᠡᠨᠲᠡ ᠨᠠᠳᠠ ᠠᠴᠠ ᠳᠠᠪᠠᠵᠠᠢ᠃ ᠪᠢ ᠴᠢᠮᠠ ᠳᠤ ᠵᠢᠭᠠᠮᠠᠷ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠭᠡᠳ ᠭᠡᠷ ᠲᠤᠨᠢ ᠶᠠᠪᠤᠭᠤᠯᠤᠭᠰᠠᠨ ᠭᠡᠨᠡ᠃
ᠬᠣᠵᠢᠮ ᠤᠨ ᠬᠥᠮᠦᠰ ᠡᠨᠡᠬᠦ ᠦᠯᠢᠭᠡᠷ ᠡᠴᠡ ᠰᠡᠳᠦᠪᠯᠡᠵᠦ ᠠᠯᠵᠠᠭᠤ ᠵᠠᠯᠬᠠᠭᠤ ᠬᠥᠮᠦᠨ ᠢ《ᠠᠮᠪᠠᠨ ᠢᠶᠠᠨ ᠡᠭᠦᠷᠦᠭᠡᠳ ᠲᠦᠷᠦᠴᠢᠬᠡᠪᠡ》 ᠭᠡᠵᠦ ᠬᠣᠱᠣᠩᠨᠠᠳᠠᠭ ᠪᠣᠯᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠢᠷᠠᠨᠤᠳ ᠨᠠᠷᠠᠰᠤ
ᠦᠰᠦᠭ ᠬᠢᠨᠠᠭᠴᠢ᠄ ᠮᠣᠩᠭᠤᠯᠬᠦᠦ