ᠡᠬᠡ ᠬᠡᠯᠡ ᠮᠢᠨᠢ- ᠤ᠊ · ᠳᠠᠰᠢᠪᠠᠯᠪᠠᠷ-ᠳᠡᠯᠡᠬᠡᠢ ᠶᠢᠨ ᠡᠬᠡ ᠬᠡᠯᠡ ᠶᠢᠨ ᠡᠳᠦᠷ ᠲᠤ ᠵᠣᠷᠢᠭᠤᠯᠪᠠЭх хэл минь-о · дашбалбар
1271
ᠡᠬᠡ ᠬᠡᠯᠡ ᠮᠢᠨᠢ
ᠡᠬᠡ ᠬᠡᠯᠡ ᠮᠢᠨᠢ- ᠤ᠊ · ᠳᠠᠰᠢᠪᠠᠯᠪᠠᠷ
ᠤ᠊ · ᠳᠠᠰᠢᠪᠠᠯᠪᠠᠷ
ᠮᠢᠨᠦ ᠬᠠᠮᠤᠭ ᠤ᠋ᠨ ᠦᠨᠡᠨᠴᠢ
ᠨᠠᠳᠠ ᠠ᠋ᠴᠠ ᠬᠡᠵᠢᠶᠡ ᠴᠦ᠍ ᠦᠯᠦ ᠤᠷᠪᠠᠭᠴᠢ
ᠴᠣᠷ ᠤ᠋ᠨ ᠭᠠᠭᠴᠠ ᠨᠥᠬᠥᠷ ᠮᠢᠨᠢ— ᠡᠬᠡ ᠬᠡᠯᠡ
ᠮᠢᠨᠦ ᠵᠡᠪᠰᠡᠭ ᠪᠣᠯᠵᠤ᠂ ᠲᠡᠢᠨ ᠦ᠌ ᠥᠭᠡᠳᠡ ᠡᠴᠡ ᠵᠣᠷᠢᠭᠲᠠᠢ ᠪᠣᠰᠳᠠᠭ ᠢᠯᠳᠦ ᠮᠢᠨᠢ— ᠡᠬᠡ ᠬᠡᠯᠡ
ᠮᠢᠨᠦ ᠦᠷᠡ ᠤᠳᠤᠮ ᠳ᠋ᠤ᠌ ᠪᠠᠨ ᠦᠯᠡᠳᠡᠭᠡᠬᠦ ᠭᠡᠷᠢᠶᠡᠰᠦ᠂ ᠥᠪ— ᠡᠬᠡ ᠬᠡᠯᠡ
ᠮᠢᠨᠦ ᠠᠮᠢᠳᠤ ᠶᠠᠪᠤᠭᠠ ᠶ᠋ᠢᠨ ᠪᠠᠬᠠᠷᠬᠠᠯ᠂ ᠵᠢᠪᠬᠤᠯᠠᠩᠲᠤ ᠠᠶᠠᠯᠭᠤ— ᠡᠬᠡ ᠬᠡᠯᠡ
ᠮᠢᠨᠦ ᠮᠥᠩᠬᠡ ᠶ᠋ᠢᠨ ᠤᠰᠤ᠂ ᠬᠠᠢᠷᠠ ᠶ᠋ᠢᠨ ᠠᠶᠠᠯᠭᠤ— ᠡᠬᠡ ᠬᠡᠯᠡ
ᠮᠢᠨᠦ ᠵᠢᠷᠦᠬᠡᠨ ᠡᠴᠡ ᠲᠥᠷᠥᠵᠦ᠂ ᠮᠢᠨᠦ ᠬᠠᠷᠠᠴᠠᠨ ᠠ᠋ᠴᠠ ᠭᠡᠷᠡᠯᠲᠦᠭᠴᠢ— ᠡᠬᠡ ᠬᠡᠯᠡ
ᠮᠢᠨᠦ ᠷᠠᠪᠵᠠᠢ᠂ ᠮᠢᠨᠦ ᠨᠠᠴᠤᠭᠳᠣᠷᠵᠢ ᠶ᠋ᠢᠨ ᠨᠠᠳᠠᠳᠤ ᠨᠠᠢᠳᠠᠭᠰᠠᠨ ᠡᠬᠡ ᠬᠡᠯᠡ
ᠨᠢᠰᠴᠦ ᠶᠠᠪᠤᠭᠠ ᠪᠦᠷᠭᠦᠳ ᠦ᠋ᠨ ᠳᠠᠯᠠᠪᠴᠢᠨ ᠤ᠋ ᠴᠢᠮᠡᠭᠡ ᠲᠡᠢ
ᠮᠢᠨᠦ ᠡᠵᠢ ᠶ᠋ᠢᠨ᠂ ᠮᠢᠨᠦ ᠠᠪᠤ ᠶ᠋ᠢᠨ᠂ ᠮᠢᠨᠦ ᠡᠪᠦᠭᠡᠳ ᠦ᠋ᠨ ᠡᠬᠡ ᠬᠡᠯᠡ
ᠨᠤᠷᠠᠵᠤ ᠪᠠᠢᠭᠠ ᠶᠡᠬᠡ ᠴᠠᠰᠤᠨ ᠤ᠋ ᠴᠢᠮᠡᠭᠡ ᠲᠡᠢ
ᠮᠢᠨᠦ ᠬᠡᠯᠡ᠂ ᠮᠢᠨᠦ ᠥᠬᠢᠨ ᠦ᠌ ᠡᠬᠡ ᠬᠡᠯᠡ᠂ ᠮᠢᠨᠦ ᠮᠣᠩᠭᠣᠯ ᠬᠡᠯᠡ
ᠤᠷᠭᠤᠵᠤ ᠪᠠᠢᠭᠠ ᠡᠪᠡᠰᠦᠨ ᠦ᠌ ᠰᠢᠪᠡᠨᠡᠭᠡ ᠲᠡᠢ
ᠮᠢᠨᠦ ᠬᠡᠯᠡ᠂ ᠮᠢᠨᠦ ᠬᠦᠦ ᠶ᠋ᠢᠨ ᠡᠬᠡ ᠬᠡᠯᠡ᠂ ᠮᠢᠨᠦ ᠮᠣᠩᠭᠣᠯ ᠬᠡᠯᠡ
ᠣᠷᠣᠵᠤ ᠪᠠᠢᠭᠠ ᠪᠣᠷᠣᠭᠠᠨ ᠤ᠋ ᠰᠢᠪᠡᠨᠡᠭᠡ ᠲᠡᠢ