ᠡᠷᠬᠢᠮ ᠳᠡᠭᠡᠳᠦ ᠯᠠᠮᠠЭрхэм дээд лам-ᠣᠷᠳᠣᠰ ᠠᠷᠠᠳ ᠤᠨ ᠳᠠᠭᠤᠤ29
298ᠡᠷᠬᠢᠮ ᠳᠡᠭᠡᠳᠦ ᠯᠠᠮᠠ
ᠣᠷᠳᠣᠰ ᠠᠷᠠᠳ ᠤᠨ ᠳᠠᠭᠤᠤ
ᠡᠷᠬᠢᠮ ᠳᠡᠭᠡᠳᠦ ᠯᠠᠮᠠ ᠶ᠋ᠢ ᠪᠡᠨ
ᠡᠨᠳᠡᠯ ᠦᠭᠡᠢ ᠰᠢᠲᠦᠶᠡ ᠳ᠋ᠣᠣ
ᠡᠨᠡᠬᠡᠨ ᠪᠠᠭᠠ ᠶ᠋ᠢᠨ ᠨᠠᠰᠤᠨ ᠳ᠋ᠠᠭᠠᠨ
ᠡᠷᠳᠡᠮ ᠨᠣᠮ ᠰᠤᠷᠤᠯᠲᠠᠢ
ᠡᠵᠡᠨ ᠬᠠᠭᠠᠨ ᠤ᠋ ᠪᠠᠢᠭᠤᠯᠤᠭᠰᠠᠨ
ᠤᠲᠠᠢ ᠶ᠋ᠢᠨ ᠲᠠᠪᠤᠨ ᠣᠷᠳᠣᠨ ᠪᠠᠢᠨᠠ
ᠡᠨᠳᠡ ᠲᠡᠨᠳᠡ ᠡᠴᠡ ᠬᠠᠷᠠᠬᠤ ᠳ᠋ᠤ᠌
ᠠᠯᠲᠠᠨ ᠰᠢᠷᠭᠠᠯ ᠭᠠᠨᠵᠢᠷᠠ ᠲᠠᠢ
ᠰᠤᠭᠤ ᠰᠤᠭᠤ ᠶ᠋ᠢᠨ ᠳᠠᠪᠠᠭᠠ ᠶ᠋ᠢ
ᠱᠠᠲᠤᠴᠢᠯᠠᠨ ᠳᠠᠪᠠᠶᠠ ᠳ᠋ᠣᠣ
ᠱᠣᠭ ᠴᠤ᠌ ᠨᠠᠭᠠᠳᠤᠮ ᠢ᠋ᠶ᠋ᠠᠨ ᠤᠷᠭᠢᠮᠠᠨ
ᠮᠠᠨᠽᠤᠰᠢᠷᠢ ᠳ᠋ᠤ᠌ ᠮᠥᠷᠭᠥᠶᠡ ᠳ᠋ᠣᠣ
ᠬᠤᠸᠠ ᠯᠢᠩ ᠦ᠋ᠨ ᠳᠠᠪᠠᠭᠠ ᠶ᠋ᠢ
ᠬᠤᠸᠠᠴᠢᠯᠠᠨ ᠳᠠᠪᠠᠶᠠ ᠳ᠋ᠣᠣ
ᠬᠤᠸᠠᠷ ᠶᠣ᠌ ᠨᠠᠭᠠᠳᠤᠮ ᠢ᠋ᠶ᠋ᠠᠨ ᠣᠷᠬᠢᠮᠠᠨ
ᠮᠠᠨᠽᠤᠰᠢᠷᠢ ᠳ᠋ᠤ᠌ ᠮᠥᠷᠭᠥᠶᠡ ᠳ᠋ᠣᠣ
ᠵᠠᠭᠤ ᠨᠠᠢ᠍ᠮᠠᠨ ᠱᠠᠲᠤ ᠶ᠋ᠢ ᠪᠡᠨ
ᠱᠠᠲᠤᠴᠢᠯᠠᠨ ᠳᠠᠪᠠᠶᠠ ᠳ᠋ᠣᠣ
ᠵᠣᠣ ᠪᠣᠭᠳᠠ ᠶ᠋ᠢᠨ ᠭᠡᠭᠡᠨ ᠳ᠋ᠦ᠍ ᠪᠡᠨ
ᠵᠣᠷᠢᠭᠯᠠᠨ ᠬᠦᠷᠴᠦ ᠮᠥᠷᠭᠥᠶᠡ ᠳ᠋ᠣᠣ
ᠵᠢᠭᠦᠷᠲᠦ ᠰᠠᠢᠬᠠᠨ ᠬᠦᠯᠦᠭ ᠢ᠋ ᠪᠡᠨ
ᠵᠢᠳᠬᠦᠭᠦᠯᠦᠭᠡᠳ ᠢᠷᠡᠳᠡᠭ ᠳ᠋ᠣᠣ
ᠵᠢᠷᠦᠬᠡᠨ ᠦ᠌ ᠪᠡᠨ ᠴᠠᠭᠠᠨ ᠢ᠋
ᠬᠥᠮᠦᠨ ᠦ᠌ ᠪᠣᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠶᠦ᠍ᠮ
ᠨᠣᠭᠣᠭᠠᠨ ᠲᠠᠯᠠ ᠶ᠋ᠢᠨ ᠡᠬᠢᠨ ᠳ᠋ᠦ᠍
ᠨᠣᠶᠠᠨ ᠤ᠋ ᠰᠢᠷᠡᠭᠡ ᠶ᠋ᠢ ᠲᠠᠯᠪᠢᠮᠠᠨᠵᠢᠨ
ᠨᠣᠶᠠᠳ ᠲᠠ ᠨᠠᠷ ᠰᠠᠭᠠᠳᠠᠮᠠᠨᠵᠢᠨ
ᠨᠣᠮ ᠤ᠋ᠨ ᠦᠰᠦᠭ ᠦ᠋ᠨ ᠰᠤᠷᠭᠠᠯ ᠲᠠᠢ
ᠭᠡᠷ ᠶᠦ᠍ᠭᠡᠨ ᠲᠦᠰᠢᠵᠦ
ᠭᠢᠩᠭᠢᠨᠡᠭᠦᠯᠵᠦ ᠰᠠᠭᠤᠳᠠᠭ ᠳ᠋ᠣᠣ
ᠭᠡᠨᠡᠳᠲᠡ ᠮᠠᠨ ᠢ᠋ ᠪᠡᠨ ᠪᠣᠳᠣᠬᠤ ᠳ᠋ᠤ᠌
ᠮᠡᠯᠮᠡᠷᠡᠭᠦᠯᠵᠦ ᠰᠠᠭᠤᠳᠠᠭ ᠳ᠋ᠣᠣ
ᠬᠠᠨᠠ ᠶᠤᠭᠠᠨ ᠲᠦᠰᠢᠵᠦ
ᠬᠠᠩᠭᠢᠨᠠᠭᠤᠯᠵᠤ ᠰᠠᠭᠤᠳᠠᠭ ᠳ᠋ᠣᠣ
ᠬᠠᠷᠢᠨ ᠮᠠᠨ ᠢ᠋ ᠪᠡᠨ ᠪᠣᠳᠣᠬᠤ ᠳ᠋ᠤ᠌
ᠮᠡᠯᠮᠡᠷᠡᠭᠦᠯᠵᠦ ᠰᠠᠭᠤᠳᠠᠭ ᠳ᠋ᠣᠣ