ᠭᠤᠷᠪᠠᠨ ᠲᠠᠭᠠᠳᠠᠭ ᠮᠣᠩᠭᠣᠯ ᠠᠷᠠᠳ ᠤᠨ ᠦᠯᠢᠭᠡᠷ ᠰᠤᠨᠤᠰᠬᠤГгурван таадаг
492ᠭᠤᠷᠪᠠᠨ ᠲᠠᠭᠠᠳᠠᠭ
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌᠂ ᠨᠢᠭᠡᠨ ᠡᠮᠡᠭᠡᠨ ᠭᠤᠷᠪᠠᠨ ᠳᠠᠭᠠᠳᠠᠭ ᠨᠡᠷᠡ ᠲᠡᠢ᠂ ᠭᠤᠷᠪᠠᠨ ᠬᠦᠦ ᠲᠡᠢ ᠪᠡᠨ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ ᠲᠡᠳᠡᠨ ᠦ᠌ ᠬᠢ ᠭᠠᠭᠴᠠ ᠦᠨᠢᠶᠡ ᠲᠡᠢ ᠶᠦᠮ ᠰᠠᠨᠵᠠᠢ᠂ ᠬᠢ ᠬᠢ
ᠲᠡᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠭᠠᠭᠴᠠ ᠦᠨᠢᠶᠡ ᠨᠢ ᠣᠷᠣ ᠰᠤᠷᠠᠭ ᠦᠭᠡᠢ ᠠᠯᠠᠭᠠ ᠪᠣᠯᠵᠠᠢ᠃ ᠢᠩᠭᠢᠭᠡᠳ ᠭᠤᠷᠪᠠᠨ ᠬᠦᠦ ᠨᠢ ᠦᠨᠢᠶᠡ ᠶ᠋ᠢ ᠨᠢ ᠬᠡᠨ ᠠᠪᠤᠭᠰᠠᠨ᠂ ᠡᠰᠡᠬᠦᠯᠡ ᠴᠢᠨᠣᠠ ᠨᠣᠬᠠᠢ ᠳ᠋ᠤ᠌ ᠢᠳᠡᠭᠦᠯᠦᠭᠰᠡᠨ ᠠᠯᠢ ᠨᠢ ᠪᠣᠯᠬᠤ ᠶ᠋ᠢ ᠮᠡᠳᠡᠬᠦ ᠶ᠋ᠢᠨ ᠲᠤᠯᠠᠳᠠ ᠳᠠᠭᠠᠶᠠ ᠭᠡᠵᠦ ᠰᠡᠢᠤᠡᠴᠡᠬᠡᠵᠡᠢ᠃ ᠲᠣᠮᠣ ᠠᠬᠠ ᠨᠢ᠄《 ᠬᠤᠯᠠᠭᠠᠢᠴᠢ ᠠᠪᠴᠤ ᠶᠠᠪᠤᠭᠰᠠᠨ ᠪᠠᠢᠨᠠ》ᠭᠡᠪᠡᠯ᠂ ᠳᠤᠮᠳᠠ ᠠᠬᠠ ᠨᠢ᠄《 ᠬᠦᠨᠡᠰᠦᠨ ᠳ᠋ᠦ᠍ ᠬᠡᠷᠡᠭᠯᠡᠴᠢᠬᠡᠵᠡᠢ》ᠭᠡᠮᠡᠨ ᠳᠠᠭᠠᠴᠢᠬᠠᠪᠠ᠃ ᠬᠠᠷᠢᠨ ᠤᠳᠬᠤᠨ ᠳᠡᠭᠦᠦ ᠨᠢ᠄《 ᠰᠢᠷᠨᠢᠨ ᠭᠡᠳᠡᠭ ᠬᠥᠮᠦᠨ ᠠᠪᠤᠭᠰᠠᠨ ᠪᠠᠢᠨᠠ》ᠭᠡᠵᠦ ᠳᠠᠭᠠᠯᠠ᠃ ᠲᠡᠭᠡᠭᠡᠳ ᠰᠢᠷᠨᠢᠨ ᠦ᠌ ᠳ᠋ᠦ᠍ ᠣᠴᠢᠵᠤ ᠦᠨᠢᠶᠡ ᠪᠡᠨ ᠨᠡᠬᠡᠵᠦ ᠭᠡᠨᠡ᠃ ᠥᠨᠥᠬᠢ ᠰᠢᠷᠨᠢᠨ᠄《 ᠪᠢ᠂ ᠪᠢ ᠠᠪᠤᠭᠠ ᠦᠭᠡᠢ》ᠭᠡᠵᠦ ᠮᠡᠯᠵᠢᠵᠡᠢ᠃
ᠲᠡᠭᠡᠬᠦ ᠪᠡᠷ ᠨᠢ ᠴᠣᠭᠲᠤ ᠠᠷᠰᠯᠠᠨ ᠬᠠᠭᠠᠨ ᠤ᠋ ᠳ᠋ᠤ᠌ ᠭᠤᠷᠪᠠᠭᠤᠯᠠ ᠪᠠᠨ ᠣᠴᠢᠵᠤ
ᠮᠡᠳᠡᠭᠦᠯᠪᠡ᠃《 ᠲᠠ ᠭᠤᠷᠪᠠ ᠲᠡᠭᠦᠨ ᠢ᠋ ᠢᠳᠡᠭᠰᠡᠨ ᠭᠡᠵᠦ ᠬᠡᠷᠬᠢᠨ ᠮᠡᠳᠡᠭᠰᠡᠨ ᠪᠢᠯᠡ?》ᠭᠡᠵᠦ ᠬᠠᠭᠠᠨ ᠠᠰᠠᠭᠤᠪᠠ᠃《 ᠪᠢᠳᠡ ᠭᠤᠷᠪᠠ ᠳᠠᠭᠠᠵᠤ ᠮᠡᠳᠡᠭᠰᠡᠨ》ᠭᠡᠮᠡᠨ ᠬᠠᠷᠢᠭᠤᠯᠤᠯᠠ᠃《ᠬᠡᠩ᠂ ᠲᠠ ᠭᠤᠷᠪᠠ ᠲᠡᠢᠮᠦ ᠰᠦᠷᠡᠬᠡᠢ ᠳᠠᠭᠠᠵᠤ ᠮᠡᠳᠡᠳᠡᠭ ᠶᠦᠮ ᠪᠣᠯ ᠪᠢ ᠶᠠᠭᠤᠮᠠ ᠲᠠᠭᠠᠯᠭᠠᠵᠤ ᠰᠣᠷᠢᠵᠤ ᠦᠵᠡᠨᠡ ᠬᠦ᠂ ᠠᠯᠢᠪ ᠲᠤᠷ ᠭᠠᠷᠴᠠᠭᠠᠴᠤ ᠪᠠᠢ》ᠭᠡᠳ ᠬᠣᠶᠠᠷ ᠭᠠᠩᠭᠠᠷ ᠱᠠᠭᠠᠵᠠᠩ ᠳ᠋ᠤ᠌ ᠠᠭᠠᠯᠵᠢ ᠬᠢᠭᠡᠳ ᠬᠥᠮᠥᠷᠢᠵᠦ ᠣᠷᠬᠢᠯᠠ᠃《ᠵᠠ᠂ ᠲᠠ ᠭᠤᠷᠪᠠ ᠡᠭᠦᠨ ᠢ᠋ ᠳᠠᠭᠠᠴᠢᠬᠠ》᠂ ᠲᠣᠮᠣ ᠠᠬᠠ ᠨᠢ᠄《ᠠᠷᠵᠠᠢᠭ᠍ᠰᠠᠨ ᠠᠷᠵᠠᠢᠭ᠍ᠰᠠᠨ ᠶᠠᠭᠤᠮᠠ ᠪᠠᠢᠨᠠ》ᠭᠡᠵᠡᠢ᠂ ᠬᠠᠷᠢᠨ ᠳᠤᠮᠳᠠ ᠠᠬᠠ ᠨᠢ《 ᠠᠮᠢᠲᠠᠢ ᠭᠣᠣᠯᠲᠠᠢ ᠯᠠ ᠶᠠᠭᠤᠮᠠ ᠪᠠᠢᠨᠠ ᠳᠠ》ᠭᠡᠳ ᠬᠣᠢᠰᠢ ᠪᠠᠨ ᠤᠬᠤᠷᠢᠯᠠ᠂《ᠠᠷᠵᠠᠢᠭ᠍ᠰᠠᠨ ᠠᠷᠵᠠᠢᠭ᠍ᠰᠠᠨ ᠪᠣᠯᠤᠭᠠᠳ᠂ ᠠᠮᠢᠲᠠᠢ ᠭᠣᠣᠯᠲᠠᠢ ᠶᠠᠭᠤᠮᠠ ᠪᠣᠯ ᠠᠭᠠᠯᠵᠢ ᠯᠠ ᠪᠠᠢᠨᠠ ᠳᠠ》ᠭᠡᠮᠡᠨ ᠤᠳᠬᠤᠨ ᠳᠡᠭᠦᠦ ᠨᠢ ᠳᠠᠭᠠᠵᠠᠢ᠃ ᠭᠡᠲᠡᠯᠡ ᠬᠠᠭᠠᠨ᠄《 ᠲᠠ ᠭᠤᠷᠪᠠ ᠭᠠᠷᠴᠤ ᠪᠠᠢ》 ᠭᠡᠳ ᠨᠥᠭᠦᠭᠡ ᠬᠣᠶᠠᠷ ᠱᠠᠭᠠᠵᠠᠩ ᠠᠶᠠᠭᠠᠨ ᠳ᠋ᠤ᠌ ᠪᠠᠨ ᠴᠢᠪᠠᠭᠠ ᠬᠢᠭᠡᠳ ᠬᠥᠮᠥᠷᠢᠵᠦ ᠲᠠᠯᠪᠢᠯᠠ᠃《 ᠵᠠ᠂ ᠲᠠ ᠭᠤᠷᠪᠠ ᠡᠭᠦᠨ ᠢ᠋ ᠳᠠᠭᠠᠭᠠᠷᠠᠢ!》᠂《ᠤᠯᠠᠭᠠᠨ ᠥᠩᠭᠡᠲᠡᠢ ᠶᠠᠭᠤᠮᠠ ᠪᠠᠢᠨᠠ》ᠭᠡᠵᠦ ᠲᠣᠮᠣ ᠠᠬᠠ ᠨᠢ ᠬᠡᠯᠡᠪᠡ᠂《 ᠭᠣᠣᠯ ᠳ᠋ᠤ᠌ ᠪᠠᠨ ᠶᠠᠰᠤ ᠲᠠᠢ ᠶᠤᠮ ᠤᠤ ᠳᠠ》 ᠭᠡᠵᠦ ᠳᠤᠮᠳᠠ ᠠᠬᠠ ᠨᠢ ᠳᠠᠭᠠᠯᠠ᠂《 ᠤᠯᠠᠭᠠᠨ ᠪᠣᠯᠤᠭᠠᠳ ᠭᠣᠣᠯ ᠳ᠋ᠤ᠌ ᠪᠠᠨ ᠶᠠᠰᠤ ᠲᠠᠢ ᠪᠣᠯ ᠴᠢᠪᠠᠭᠠ ᠯᠠ ᠪᠢᠵᠡ》ᠭᠡᠳ ᠣᠳᠬᠣᠨ ᠳᠡᠭᠦᠦ ᠨᠢ ᠬᠡᠨᠡᠭ ᠦᠭᠡᠢ ᠬᠠᠷᠢᠭᠤᠯᠪᠠ᠃《 ᠬᠠ ᠁ ᠲᠠ ᠭᠤᠷᠪᠠ ᠦᠨᠡᠬᠡᠷ ᠮᠡᠷᠭᠡᠨ ᠶᠦ᠍ᠮ᠂ ᠪᠦᠭᠦᠳᠡ ᠵᠥᠪ ᠳᠠᠭᠠᠯᠠ ᠰᠢᠦ ᠳᠡ! ᠰᠢᠷᠨᠢᠨ ᠠ᠋᠂ ᠴᠢ ᠲᠡᠷᠡ ᠦᠨᠢᠶᠡ ᠶ᠋ᠢ ᠲᠥᠯᠥᠵᠦ ᠥᠭ》ᠭᠡᠵᠦ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠪᠠ᠃ ᠢᠩᠭᠢᠭᠡᠳ ᠭᠤᠷᠪᠠᠨ ᠳᠠᠭᠠᠳᠠᠭ ᠦᠨᠢᠶᠡ ᠪᠡᠨ ᠲᠥᠯᠥᠭᠦᠯᠵᠦ ᠠᠪᠤᠭᠠᠳ ᠭᠡᠷ ᠲᠦ᠍ ᠪᠡᠨ ᠬᠠᠷᠢᠵᠠᠢ᠃
ᠡᠢᠨ ᠬᠦ᠌ ᠣᠨ ᠴᠠᠭ ᠤᠯᠠᠷᠢᠨ ᠥᠩᠭᠡᠷᠡᠵᠦ ᠬᠠᠭᠠᠨ ᠨᠠᠰᠤᠨ ᠡᠴᠦᠰᠯᠡᠬᠦ ᠴᠠᠭ ᠨᠢ ᠪᠣᠯᠵᠤ ᠡᠢᠨ ᠵᠠᠷᠯᠢᠭᠳᠠᠵᠠᠢ ᠭᠡᠨᠡ《ᠮᠢᠨᠦ ᠠᠯᠪᠠᠲᠤ ᠨᠠᠷ ᠲᠤ᠌ ᠭᠤᠷᠪᠠᠨ ᠮᠡᠷᠭᠡᠨ ᠬᠦᠦ ᠪᠣᠢ᠂ ᠲᠡᠳᠡᠨ ᠦ᠌ ᠤᠳᠬᠤᠨ ᠳᠡᠭᠦᠦ ᠪᠡᠷ ᠨᠢ ᠬᠠᠭᠠᠨ ᠰᠠᠭᠤᠯᠭᠠᠭᠠᠷᠠᠢ᠃ ᠬᠣᠶᠠᠷ ᠠᠬᠠ ᠶ᠋ᠢ ᠨᠢ ᠲᠦᠰᠢᠮᠡᠯ ᠨᠣᠶᠠᠨ ᠪᠣᠯᠭᠠᠭᠠᠷᠠᠢ!》 ᠭᠡᠵᠦ ᠵᠠᠬᠢᠶᠠᠰᠤ ᠵᠠᠷᠯᠢᠭ ᠢ᠋ᠶ᠋ᠠᠨ ᠬᠡᠯᠡᠭᠡᠳ ᠨᠠᠰᠤᠨ ᠡᠴᠦᠰᠯᠡᠵᠡᠢ ᠭᠡᠨᠡ᠃ ᠢᠩᠭᠢᠭᠡᠳ ᠠᠬᠠ ᠳᠡᠭᠦᠦ ᠭᠤᠷᠪᠠᠨ ᠳᠠᠭᠠᠳᠠᠭ ᠬᠠᠭᠠᠨ ᠰᠢᠷᠡᠭᠡᠨ ᠳ᠋ᠦ᠍ ᠰᠠᠭᠤᠭᠠᠳ ᠠᠮᠤᠷ ᠰᠠᠢᠬᠠᠨ ᠵᠢᠷᠭᠠᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠡᠠᠴᠢ᠄ ᠲᠦᠮᠡᠡᠴᠡᠴᠡᠭ
ᠦᠰᠦᠭ ᠬᠠᠳᠠᠡᠠᠴᠢ᠄ ᠲᠦᠮᠡᠠᠴᠡᠴᠡᠭ
ᠬᠢᠨᠠᠡᠠᠴᠢ᠄ ᠢᠷᠡᠭᠡᠳᠦᠢ᠂ ᠰᠡᠷᠭᠦᠯᠡᠩ