ᠠᠷᠭᠠᠯᠢ ᠬᠣᠨᠢᠨ ᠦ ᠲᠤᠬᠠᠢ ᠰᠣᠨᠢᠷᠬᠠᠯᠲᠠᠢ ᠪᠠᠷᠢᠮᠲᠠ ᠨᠤᠭᠤᠳАргаль хониний тухай сонирхолтой баримтууд
600ᠠᠷᠭᠠᠯᠢ ᠬᠣᠨᠢᠨ ᠦ ᠲᠤᠬᠠᠢ ᠰᠣᠨᠢᠷᠬᠠᠯᠲᠠᠢ ᠪᠠᠷᠢᠮᠲᠠ ᠨᠤᠭᠤᠳ
ᠮᠣᠩᠭᠣᠯ ᠣᠷᠣᠨ ᠤ᠋ ᠴᠢᠮᠡᠭ ᠪᠣᠯᠤᠭᠰᠠᠨ ᠰᠦᠷ ᠵᠢᠪᠬᠤᠯᠠᠩ ᠲᠠᠢ ᠰᠠᠢᠬᠠᠨ ᠠᠮᠢᠲᠠᠳ ᠤ᠋ᠨ ᠨᠢᠭᠡ ᠪᠣᠯᠬᠤ ᠠᠷᠭᠠᠯᠢ ᠬᠣᠨᠢ ᠂ᠡᠷᠡ ᠶ᠋ᠢ ᠨᠢ ᠤᠭᠠᠯᠵᠠ ᠡᠮᠡ ᠶ᠋ᠢ ᠨᠢ ᠬᠣᠨᠢ ᠦᠷᠡ ᠲᠥᠯ ᠢ᠋ ᠨᠢ ᠬᠤᠷᠠᠭᠠ ᠭᠡᠳᠡᠭ ᠂ ᠤᠭ ᠠᠮᠢᠲᠠᠨ ᠨᠢ ᠳᠤᠮᠳᠠᠴᠢ ᠪᠠᠷ ᠠᠷᠪᠠ ᠠ᠋ᠴᠠ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠯᠠᠳᠠᠭ ᠪᠠ ᠵᠥᠪᠬᠡᠨ ᠳᠠᠰᠤᠭᠰᠠᠨ ᠭᠠᠵᠠᠷ ᠤ᠋ᠨ ᠢ᠋ᠶ᠋ᠠᠨ ᠡᠪᠡᠰᠦ ᠤᠷᠭᠤᠮᠠᠯ ᠢ᠋ᠶ᠋ᠠᠷ ᠬᠣᠭᠣᠯᠠᠯᠠᠳᠠᠭ ᠃ ᠬᠤᠷᠳᠤ ᠬᠦᠴᠦ ᠲᠡᠢ ᠬᠦᠳᠡᠷ ᠴᠢᠬᠢᠷᠡᠭ ᠂ ᠨᠢᠭᠡ ᠮᠧᠲ᠋ᠷ ᠳᠥᠴᠢᠨ ᠳᠥᠴᠢᠨ ᠰᠡᠨᠲ᠋ᠢᠮᠧᠲ᠋ᠷ ᠡᠴᠡ ᠨᠢᠭᠡ ᠮᠧᠲ᠋ᠷ ᠲᠠᠪᠢᠨ ᠰᠡᠨᠲ᠋ᠢᠮᠧᠲ᠋ᠷ ᠬᠦᠷᠲᠡᠯᠡᠬᠢ ᠪᠡᠶᠡ ᠶ᠋ᠢᠨ ᠤᠷᠲᠤ ᠲᠠᠢ ᠤᠭ ᠠᠮᠢᠲᠠᠨ ᠨᠠᠰᠤ ᠨᠡᠮᠡᠬᠦ ᠪᠦᠷᠢ ᠳ᠋ᠦ᠍ ᠨᠢᠷᠤᠭᠤᠨ ᠤ᠋ ᠬᠢ ᠦᠰᠦ ᠨᠢ ᠪᠤᠭᠤᠷᠤᠯᠲᠤᠵᠤ ᠲᠣᠳᠣ ᠴᠠᠭᠠᠨ ᠥᠩᠭᠡ ᠲᠡᠢ ᠪᠣᠯᠳᠠᠭ ᠂ ᠤᠭᠠᠯᠵᠠ ᠨᠤᠭᠤᠳ ᠡᠪᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠮᠥᠷᠭᠥᠯᠳᠦᠨ ᠬᠦᠴᠦ ᠪᠡᠨ ᠦᠵᠡᠵᠦ ᠂ ᠥᠪᠡᠷᠰᠡᠳ ᠦ᠋ᠨ ᠪᠢᠷᠠ ᠴᠢᠳᠠᠯ ᠢ᠋ ᠪᠤᠰᠤᠳ ᠲᠤ᠌ ᠪᠠᠨ ᠬᠠᠷᠠᠭᠤᠯᠳᠠᠭ ᠂ᠡᠨᠡ ᠨᠢ ᠠᠯᠢ ᠬᠦᠴᠦᠲᠡᠢ ᠨᠢ ᠪᠡᠶᠡ ᠭᠦᠢᠴᠡᠭᠰᠡᠨ ᠤᠭᠠᠯᠵᠠ ᠪᠣᠯᠵᠤ ᠥᠪᠡᠷ ᠦ᠋ᠨ ᠦᠷᠡ ᠲᠥᠯ ᠢ᠋ ᠦᠯᠡᠳᠡᠭᠡᠬᠦ ᠪᠠᠢᠭᠠᠯᠢ ᠶ᠋ᠢᠨ ᠵᠣᠬᠢᠯᠳᠤᠯᠭᠠ ᠶᠤᠮ ᠂ ᠠᠷᠭᠠᠯᠢ ᠬᠣᠨᠢ ᠠᠶᠤᠯ ᠠ᠋ᠴᠠ ᠵᠢᠭᠤᠲᠠᠬᠤ ᠳ᠋ᠤ᠌ ᠪᠠᠨ ᠪᠠᠷᠲᠠᠭᠠ ᠰᠠᠭᠠᠳ ᠶᠡᠬᠡᠲᠡᠢ ᠂ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠣᠷᠭᠢᠯ ᠥᠭᠡᠳᠡ ᠮᠠᠴᠤᠳᠠᠭ ᠨᠢ ᠲᠡᠭᠦᠨ ᠢ᠋ ᠶᠡᠬᠡ ᠳᠠᠢᠴᠢᠨ ᠠᠮᠢᠲᠠᠨ ᠭᠡᠳᠡᠭ ᠢ᠋ ᠢᠯᠡᠳᠬᠡᠨᠡ᠂ ᠵᠡᠷᠯᠢᠭ ᠬᠣᠨᠢ ᠪᠣᠯᠬᠤ ᠠᠷᠭᠠᠯᠢ ᠨᠢ ᠬᠠᠳᠠᠨ ᠤ᠋ ᠵᠢᠷᠤᠭ ᠳᠡᠭᠡᠷᠡ ᠳᠦᠷᠰᠦᠯᠡᠭᠳᠡᠨ ᠦᠯᠡᠳᠡᠭᠰᠡᠨ ᠪᠠᠢᠳᠠᠭ᠂ ᠳᠡᠯᠡᠬᠡᠢ ᠨᠡᠢᠲᠡ ᠳ᠋ᠦ᠍ ᠠᠷᠭᠠᠯᠢ ᠬᠡᠮᠡᠬᠦ ᠮᠣᠩᠭᠣᠯ ᠨᠡᠷᠡ ᠪᠡᠷ ᠪᠦᠷᠢᠳᠬᠡᠭᠳᠡᠵᠦ ᠂ ᠲᠡᠭᠦᠨᠴᠢᠯᠡᠨ ᠣᠯᠠᠨ ᠲᠥᠷᠥᠯ ᠵᠦᠢᠯ ᠦ᠋ᠨ ᠬᠣᠨᠢ ᠨᠤᠭᠤᠳ ᠤ᠋ᠨ ᠬᠠᠭᠠᠨ ᠢ᠋ᠶ᠋ᠠᠷ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠂ ᠤᠭ ᠠᠮᠢᠲᠠᠨ ᠨᠢ ᠰᠦᠷᠦᠭ ᠢ᠋ᠶ᠋ᠡᠷ ᠠᠮᠢᠳᠤᠷᠠᠳᠠᠭ ᠂ ᠦᠷᠡᠵᠢᠯ ᠦ᠋ᠨ ᠦᠶᠡ ᠳ᠋ᠦ᠍ ᠪᠡᠨ ᠣᠯᠠᠨ ᠢ᠋ᠶ᠋ᠠᠷ ᠨᠢᠭᠡ ᠳᠣᠣᠷᠠ ᠴᠤᠭᠯᠠᠷᠠᠳᠠᠭ ᠨᠢ ᠨᠢᠭᠡᠨ ᠭᠠᠢᠬᠠᠮᠰᠢᠭᠲᠤ ᠦᠵᠡᠭᠳᠡᠯ ᠶᠦ᠍ᠮ᠂ ᠲᠡᠭᠦᠨᠴᠢᠯᠡᠨ ᠬᠡᠭᠡᠯᠲᠦᠭᠰᠡᠨ ᠠᠷᠭᠠᠯᠢ ᠲᠥᠯᠯᠡᠬᠦ ᠦᠶᠡ ᠳ᠋ᠦ᠍ ᠪᠡᠨ ᠠᠯᠢ ᠪᠣᠯᠬᠤ ᠪᠤᠰᠤᠳ ᠠ᠋ᠴᠠ ᠪᠠᠨ ᠵᠢᠭᠤᠲᠠᠭᠠᠵᠤ ᠭᠠᠭᠴᠠ ᠪᠠᠷ ᠢ᠋ᠶ᠋ᠠᠨ ᠲᠥᠯᠯᠡᠭᠡᠳ ᠳᠥᠷᠪᠡᠨ ᠰᠠᠷᠠ ᠶ᠋ᠢᠨ ᠳᠠᠷᠠᠭᠠ ᠰᠦᠷᠦᠭ ᠲᠡᠢ ᠪᠡᠨ ᠨᠡᠢᠯᠡᠳᠡᠭ ᠂ ᠲᠥᠯᠯᠡᠭᠰᠡᠨ ᠬᠣᠨᠢ ᠨᠢ ᠲᠥᠯ ᠳ᠋ᠦ᠍ ᠪᠡᠨ ᠪᠡᠶᠡ ᠳᠠᠭᠠᠭᠠᠨ ᠠᠮᠢᠳᠤᠷᠠᠬᠤ ᠠᠷᠭᠠ ᠤᠬᠠᠭᠠᠨ ᠢ᠋ ᠵᠢᠭᠠᠵᠤ ᠰᠤᠷᠭᠠᠳᠠᠭ ᠂ ᠲᠠᠪᠤ ᠠ᠋ᠴᠠ ᠵᠢᠷᠭᠤᠭᠠᠨ ᠰᠠᠷᠠ ᠲᠠᠢ ᠰᠦᠷᠦᠭ ᠡᠴᠡ ᠪᠡᠨ ᠬᠠᠰᠤᠳᠠᠭ᠂ ᠬᠠᠰᠤᠭᠳᠠᠭᠰᠠᠨ ᠡᠷᠡ ᠲᠥᠯ ᠨᠢ ᠡᠬᠡ ᠳ᠋ᠦ᠍ ᠪᠡᠨ ᠬᠡᠰᠡᠭ ᠬᠣᠷᠭᠣᠳᠠᠭᠠᠳ ᠂ ᠥᠭᠡᠷᠡ ᠡᠷᠡ ᠲᠥᠯ ᠦ᠋ᠳ ᠲᠡᠢ ᠨᠡᠢᠯᠡᠵᠦ ᠰᠦᠷᠦᠭ ᠡᠭᠦᠰᠬᠡᠳᠡᠭ ᠂ ᠮᠣᠩᠭᠣᠯᠴᠤᠳ ᠡᠷᠲᠡ ᠳᠡᠭᠡᠷᠡ ᠦᠶᠡ ᠡᠴᠡ ᠪᠡᠨ ᠠᠷᠭᠠᠯᠢ ᠠᠷᠤ ᠠ᠋ᠴᠠ ᠪᠠᠨ ᠠᠪᠴᠠᠭᠠ ᠲᠠᠢ ᠭᠡᠮᠡᠨ ᠬᠡᠯᠡᠯᠴᠡᠳᠡᠭ ᠪᠠᠢᠭᠰᠠᠨ᠂ ᠠᠷᠭᠠᠯᠢ ᠬᠣᠨᠢᠨ ᠤ᠋ ᠬᠡᠯᠡ ᠬᠠᠷᠠ ᠦᠷᠡ ᠲᠡᠢ ᠤᠴᠢᠷ ᠠ᠋ᠴᠠ ᠠᠮᠢ ᠶ᠋ᠢ ᠨᠢ ᠪᠦᠷᠢᠯᠭᠡᠪᠡᠯ ᠬᠠᠷᠢᠶᠠᠯ ᠳᠠᠭᠠᠭᠤᠯᠤᠨᠠ ᠭᠡᠵᠦ ᠦᠵᠡᠬᠦ ᠲᠡᠢ ᠬᠣᠯᠪᠣᠭᠠ ᠲᠠᠢ ᠂ ᠠᠷᠭᠠᠯᠢ ᠬᠣᠨᠢ ᠨᠢ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠢ᠋ᠶ᠋ᠠᠨ ᠥᠪᠡᠷ ᠢ᠋ᠶ᠋ᠡᠨ ᠪᠣᠢ ᠪᠣᠯᠭᠠᠳᠠᠭ ᠡᠺᠣᠯᠣᠭᠢ ᠶ᠋ᠢᠨ ᠥᠨᠳᠥᠷ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ᠂ ᠢᠳᠡᠳᠡᠭ ᠡᠪᠡᠰᠦ ᠤᠷᠭᠤᠮᠠᠯ ᠤ᠋ᠨ ᠦᠷᠡ ᠶ᠋ᠢ ᠭᠠᠵᠠᠷ ᠲᠤ᠌ ᠲᠠᠷᠬᠠᠭᠠᠵᠤ ᠴᠠᠴᠤᠳᠠᠭ ᠨᠢ ᠡᠪᠡᠰᠦ ᠤᠷᠭᠤᠮᠠᠯ ᠤ᠋ᠨ ᠤᠷᠭᠤᠯᠲᠠ ᠳ᠋ᠤ᠌ ᠰᠠᠢᠨ ᠢ᠋ᠶ᠋ᠠᠷ ᠨᠥᠯᠥᠭᠡᠯᠡᠳᠡᠭ᠂ ᠴᠠᠭ ᠠᠭᠠᠷ ᠤ᠋ᠨ ᠬᠠᠲᠠᠭᠤ ᠰᠢᠷᠦᠭᠦᠨ ᠠᠭᠤᠷ ᠠᠮᠢᠰᠬᠤᠯ ᠢ᠋ ᠳᠠᠪᠠᠨ ᠠᠮᠢᠳᠤᠷᠠᠳᠠᠭ ᠂ ᠠᠷᠭᠠᠯᠢ ᠬᠣᠨᠢ ᠨᠢ ᠬᠠᠤᠯᠢ ᠪᠤᠰᠤ ᠪᠠᠷ ᠠᠩ ᠠᠩᠨᠠᠭᠤᠷ ᠠ᠋ᠴᠠ ᠪᠣᠯᠵᠤ ᠂ ᠬᠦᠢᠲᠡᠨ ᠫᠤᠤ ᠶ᠋ᠢᠨ ᠬᠤᠰᠢᠭᠤᠨ ᠳ᠋ᠤ᠌ ᠠᠮᠢ ᠦᠷᠡᠭᠳᠡᠵᠦ ᠲᠣᠭᠠ ᠲᠣᠯᠣᠭᠠᠢ ᠨᠢ ᠬᠣᠮᠰᠠᠳᠠᠵᠤ ᠪᠠᠢᠨᠠ᠂ ᠲᠡᠭᠦᠨᠴᠢᠯᠡᠨ ᠠᠷᠭᠠᠯᠢ ᠬᠣᠨᠢᠨ ᠤ᠋ ᠢᠳᠡᠰᠢᠯᠡᠨ ᠨᠤᠲᠤᠭᠰᠢᠬᠤ ᠣᠷᠣᠨ ᠵᠠᠢ ᠳ᠋ᠤ᠌ ᠬᠣᠲᠠ ᠠᠢᠯ ᠣᠢᠷᠠᠬᠠᠨ ᠪᠠᠭᠤᠭᠰᠠᠨ ᠤ᠋ ᠤᠯᠠᠮ ᠠ᠋ᠴᠠ ᠪᠠᠯᠴᠢᠷ ᠬᠤᠷᠠᠭᠠ ᠨᠤᠭᠤᠳ ᠭᠡᠷ ᠦ᠋ᠨ ᠨᠣᠬᠠᠢ ᠳ᠋ᠤ᠌ ᠪᠠᠷᠢᠭᠤᠯᠬᠤ ᠨᠢ ᠡᠯᠪᠡᠭ ᠲᠣᠬᠢᠶᠠᠯᠳᠤᠭᠰᠠᠭᠠᠷ ᠪᠠᠢᠭᠠ ᠶᠤᠮ᠂ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠤᠯᠠᠭᠠᠨ ᠨᠣᠮ ᠳ᠋ᠤ᠌ ᠬᠣᠪᠣᠷ ᠠᠮᠢᠲᠠᠨ ᠭᠡᠰᠡᠨ ᠠᠩᠭᠢᠯᠠᠯ ᠢ᠋ᠶ᠋ᠠᠷ ᠪᠦᠷᠢᠳᠬᠡᠭᠳᠡᠭᠰᠡᠨ ᠶᠦᠮ ᠂ ᠤᠰᠠᠳᠴᠤ ᠪᠣᠯᠵᠣᠰᠢ ᠦᠭᠡᠢ ᠠᠷᠭᠠᠯᠢ ᠬᠣᠨᠢ ᠶ᠋ᠢ ᠬᠠᠤᠯᠢ ᠪᠤᠰᠤ ᠪᠠᠷ ᠠᠩᠨᠠᠭᠰᠠᠨ ᠲᠣᠬᠢᠶᠠᠯᠳᠤᠯ ᠳ᠋ᠤ᠌ ᠡᠷᠡᠭᠦᠦ ᠶ᠋ᠢᠨ ᠬᠠᠤᠯᠢ ᠶ᠋ᠢᠨ ᠬᠣᠷᠢᠨ ᠳᠥᠷᠪᠡ ᠶ᠋ᠢᠨ ᠲᠠᠪᠤ ᠳ᠋ᠤ᠌ ᠵᠢᠭᠠᠭᠰᠠᠨ ᠢ᠋ᠶ᠋ᠠᠷ ᠳᠥᠴᠢᠨ ᠰᠠᠶᠠ ᠬᠦᠷᠲᠡᠯᠡᠬᠢ ᠲᠥᠭᠥᠷᠢᠭ ᠢ᠋ᠶ᠋ᠡᠷ ᠲᠣᠷᠭᠣᠬᠤ᠂ ᠡᠰᠡᠬᠦᠯᠡ ᠨᠢᠭᠡ ᠡᠴᠡ ᠲᠠᠪᠤᠨ ᠵᠢᠯ ᠦ᠋ᠨ ᠬᠣᠷᠢᠬᠤ ᠶᠠᠯᠠ ᠡᠳ᠋ᠯᠡᠭᠦᠯᠦᠨᠡ ᠂ ᠲᠠ ᠠᠷᠭᠠᠯᠢ ᠶ᠋ᠢ ᠬᠣᠨᠢᠨ ᠤ᠋ ᠲᠠᠯᠠ ᠪᠠᠷ ᠬᠢ ᠰᠣᠨᠢᠷᠬᠠᠯᠲᠠᠢ ᠮᠡᠳᠡᠭᠡᠯᠡᠯ ᠢ᠋ ᠳᠡᠯᠭᠡᠷᠡᠭᠦᠯᠵᠦ ᠰᠤᠳᠤᠯᠵᠤ᠂ ᠡᠨᠡ ᠲᠠᠯᠠ ᠪᠠᠷ ᠦᠷᠡ ᠬᠡᠦᠬᠡᠳ ᠲᠦ᠍ ᠪᠡᠨ ᠲᠠᠨᠢᠭᠤᠯᠤᠨ ᠮᠡᠳᠡᠭᠦᠯᠵᠦ᠂ ᠪᠤᠰᠤᠳ ᠲᠤ᠌ ᠲᠦᠭᠡᠭᠡᠨ᠂ ᠠᠩ ᠠᠮᠢᠲᠠᠨ ᠢ᠋ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠳ᠋ᠤ᠌ ᠥᠪᠡᠷᠰᠡᠳ ᠦ᠋ᠨ ᠬᠤᠪᠢ ᠨᠡᠮᠡᠷᠢ ᠶ᠋ᠢ ᠣᠷᠣᠭᠤᠯᠤᠭᠠᠷᠠᠢ!
ᠡᠺᠣᠯᠣᠭᠢ ᠶ᠋ᠢᠨ ᠴᠠᠭᠳᠠᠭᠠ ᠶ᠋ᠢᠨ ᠠᠯᠪᠠ
ᠵᠡᠷᠯᠢᠭ ᠠᠮᠢᠲᠠᠳ ᠢ᠋ᠶ᠋ᠠᠨ ᠬᠠᠢᠷᠠᠯᠠᠶᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠭᠠᠸᠠ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ ᠄ᠢᠷᠡᠭᠡᠳᠦᠢ