ᠵᠡᠭᠦᠳᠦ2-ᠷ ᠂ᠴᠣᠢᠨᠣᠮзүүд- Чойном-Choinom - Zuud2
300ᠵᠡᠭᠦᠳᠦ
ᠬᠠᠪᠤᠷ ᠤ᠋ᠨ ᠤᠷᠢᠨ ᠤ᠋ ᠡᠮᠦᠨᠡᠬᠡᠨ
ᠬᠠᠭᠠᠷᠢᠮᠠ ᠬᠦᠢᠲᠡᠨ ᠲᠠᠯᠠ ᠳᠤᠮᠳᠠ
ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢᠨ ᠲᠦᠭᠰᠢᠭᠦᠷᠢ ᠵᠠᠷᠯᠠᠵᠤ
ᠬᠠᠷᠠ ᠨᠣᠬᠠᠢ ᠤᠯᠢᠨ ᠬᠤᠴᠠᠪᠠ
ᠦᠦᠷ ᠭᠡᠢᠬᠦ ᠶ᠋ᠢᠨ ᠡᠮᠦᠨᠡᠬᠡᠨ ᠭᠱᠠᠨ ᠳ᠋ᠤ᠌
ᠦᠨᠡᠭᠡᠨ ᠬᠠᠷᠠᠩᠭᠤᠢ ᠶ᠋ᠢ ᠭᠡᠨᠡᠳᠲᠡ ᠰᠣᠴᠢᠭᠠᠵᠤ
ᠦᠬᠦᠭᠡᠷ ᠦ᠋ᠨ ᠪᠤᠵᠠᠷ ᠮᠠᠭᠤ ᠢᠷᠣᠠ ᠪᠠᠷ
ᠥᠯᠥᠭᠡᠢ ᠲᠡᠢ ᠨᠢᠯᠬᠠᠰ ᠤᠬᠢᠯᠠᠨ ᠴᠢᠷᠠᠯᠠᠪᠠ
ᠲᠠᠯᠠ ᠨᠤᠲᠤᠭ ᠤ᠋ᠨ ᠬᠠᠲᠠᠭᠤ ᠠᠮᠢᠳᠤᠷᠠᠯ ᠳ᠋ᠤ᠌
ᠳᠠᠭᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠰᠢᠭ᠋ ᠲᠣᠬᠢᠶᠠᠯᠳᠤᠳᠠᠭ
ᠲᠠᠴᠢᠷᠬᠠᠨ ᠵᠢᠷᠭᠠᠯ ᠳ᠋ᠠᠭᠠᠨ ᠲᠤᠯᠠᠭᠠᠴᠠᠬᠰᠨᠨ ᠡᠴᠢᠭᠡ
ᠲᠠᠮᠰᠢᠶᠠᠯᠠᠵᠤ ᠬᠥᠷᠪᠡᠭᠡᠭᠡᠳ ᠰᠡᠷᠡᠵᠦ ᠶᠠᠳᠠᠬᠤ ᠳ᠋ᠤ᠌
ᠬᠣᠷᠢᠨ ᠵᠢᠷᠭᠤᠭᠠᠲᠠᠢ ᠡᠬᠡ
ᠬᠣᠨᠢᠨ ᠳᠡᠪᠡᠯ ᠢ᠋ᠶ᠋ᠡᠷ ᠨᠥᠮᠥᠷᠦᠩᠭᠡᠨ
ᠡᠪᠦᠳᠦᠭ ᠨᠤᠭᠤᠯᠤᠨ ᠰᠠᠭᠤᠵᠤ
ᠡᠪᠦᠯ ᠦ᠋ᠨ ᠵᠢᠪᠠᠷ ᠲᠤ᠌ ᠴᠡᠴᠡᠷᠡᠩᠬᠡᠨ
ᠣᠬᠢᠯᠠᠭᠰᠠᠨ ᠬᠦᠦ ᠪᠡᠨ ᠡᠯᠢᠭᠡᠨ ᠳ᠋ᠡᠭᠡᠨ ᠲᠡᠪᠡᠷᠢᠵᠦ
ᠤᠶᠠᠬᠠᠨ ᠬᠣᠭᠣᠯᠠᠢ ᠪᠠᠷ ᠪᠦᠪᠡᠢ ᠠᠶᠠᠯᠪᠠ
ᠬᠥᠬᠥᠨ ᠦ᠌ ᠬᠢᠨᠢ ᠰᠦ ᠬᠦᠦ ᠶ᠋ᠢᠨ ᠨᠢᠳᠦᠨ ᠳᠡᠭᠡᠭᠦᠷ
ᠬᠥᠬᠡ ᠲᠡᠭᠷᠢ ᠶ᠋ᠢᠨ ᠵᠠᠭᠠᠳᠠᠰᠤ ᠰᠢᠭ᠋ ᠴᠠᠢᠷᠠᠪᠠ
ᠪᠦᠪᠡᠢ᠂ ᠪᠦᠪᠡᠢ᠂ ᠪᠦᠪᠡᠢ!
ᠪᠦᠳᠡᠭᠢᠬᠡᠨ ᠲᠦᠪᠡᠷᠭᠡᠨ ᠲᠣᠳᠣᠷᠠᠭᠰᠠᠭᠠᠷ
ᠲᠦᠷᠤᠭᠡ ᠬᠠᠩᠭᠢᠨᠠᠵᠤ ᠨᠣᠬᠠᠢ ᠭᠠᠰᠠᠯᠵᠤ
ᠳᠥᠷᠪᠡᠨ ᠬᠥᠮᠦᠨ ᠣᠷᠣᠭᠠᠳ ᠢᠷᠡᠪᠡ
ᠬᠣᠷᠮᠣᠢ ᠬᠣᠲᠠ ᠪᠠᠷ ᠨᠢ ᠬᠦᠢᠲᠡᠨ ᠵᠢᠪᠠᠷ
ᠬᠣᠢᠮᠣᠷ ᠠᠯᠠᠭᠠᠳᠠᠵᠤ ᠳ᠋ᠧᠩ ᠤᠨᠲᠠᠷᠠᠭᠠᠪᠠ
— ᠪᠤᠰᠢᠭᠤᠯ ᠭᠡᠷᠡᠯ! ᠭᠡᠵᠦ ᠵᠠᠩᠳᠤᠷᠤᠨ
ᠫᠤᠤ ᠶ᠋ᠢᠨ ᠵᠠᠮᠤᠭ ᠲᠠᠴᠢᠭᠢᠨᠠᠪᠠ
ᠥᠭᠡᠳᠡ ᠡᠴᠡ ᠣᠩᠭᠣᠢᠬᠤ ᠫᠤᠤ ᠶ᠋ᠢᠨ ᠠᠮᠠᠨ ᠳᠡᠭᠡᠷᠡ
ᠥᠨᠥᠴᠢᠨ ᠴᠦᠲᠡᠨᠵᠠ ᠴᠢᠴᠢᠨᠡᠩᠬᠡᠨ ᠠᠰᠠᠪᠠ
ᠥᠪᠴᠢ ᠵᠡᠪᠰᠡᠭ ᠲᠡᠢ ᠳᠥᠷᠪᠡᠨ ᠡᠷᠡ
ᠥᠨᠳᠥᠷ ᠳᠠᠭᠤ ᠪᠠᠷ ᠵᠠᠩᠲᠤᠴᠢᠨ ᠲᠤᠰᠢᠶᠠᠪᠠ
— ᠠᠯᠢ ᠨᠢ ᠴᠦ᠍ ᠭᠡᠰᠡᠨ ᠪᠤᠤ ᠬᠥᠳᠡᠯ!
ᠠᠮᠠ ᠨᠡᠭᠡᠭᠡᠵᠦ ᠪᠢᠲᠡᠭᠡᠢ ᠳᠤᠤᠭᠠᠷ
ᠳᠣᠬᠢᠵᠤ ᠵᠠᠩᠭᠠᠵᠤ ᠭᠠᠷ ᠬᠥᠳᠡᠯᠪᠡᠯ
ᠳᠣᠣᠷᠠ ᠴᠢᠨᠢ ᠨᠠᠮ ᠫᠤᠤᠳᠠᠨᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳᠣᠷᠵᠢ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠤᠠᠬᠠᠨᠰᠣᠠ