ᠬᠤᠷᠢᠮ ᠤ᠋ᠨ ᠵᠠᠷ- ᠪᠠᠪᠤᠤ ᠶ᠋ᠢᠨ ᠯᠾᠬᠠᠪᠠᠰᠦᠶ᠋ᠷᠦᠩХуримын зар-бабуугийн Лхагвасүрэн
368ᠬᠤᠷᠢᠮ ᠤ᠋ᠨ ᠵᠠᠷ
ᠪᠠᠪᠤᠤ ᠶ᠋ᠢᠨ ᠯᠾᠬᠠᠪᠠᠰᠦᠶ᠋ᠷᠦᠩ
ᠭᠡᠭᠦᠨ ᠦ᠌ ᠰᠡᠭᠦᠯ ᠬᠥᠯ ᠳᠤᠮᠳᠠᠭᠤᠷ ᠢ᠋ᠶ᠋ᠠᠨ ᠤᠷᠤᠭᠤᠳᠠᠭᠰᠠᠨ ᠨᠠᠮᠤᠷ ᠤ᠋ᠨ ᠡᠳᠦᠷ
ᠬᠢᠯ ᠬᠠᠷᠠ ᠨᠢᠳᠦᠨ ᠴᠢᠨᠦᠬᠢ ᠪᠡᠨ ᠬᠤᠷᠢᠮ ᠤ᠋ᠨ ᠵᠠᠷ ᠢ᠋ ᠣᠯᠠᠨ ᠤ᠋ ᠰᠠᠯᠬᠢᠨ ᠠ᠋ᠴᠠ ᠰᠣᠨᠣᠰᠤᠯᠠ
ᠤᠰᠤ ᠲᠠᠢ ᠬᠠᠪᠴᠠᠭ ᠢ᠋ ᠨᠢ ᠲᠡᠭᠡᠨᠡᠯᠴᠡᠵᠦ ᠶᠠᠪᠤᠭᠰᠠᠨ ᠬᠤᠤᠳᠤᠭ ᠤ᠋ᠨ ᠠᠰᠠᠬᠠᠷ ᠲᠤ᠌ ᠬᠡᠯᠡᠯᠡ
ᠠᠭᠤᠯᠵᠠᠵᠤ ᠤᠴᠠᠷᠠᠵᠤ ᠶᠠᠪᠤᠭᠰᠠᠨ ᠨᠠᠮᠬᠠᠨ ᠲᠤᠯᠤᠭᠠᠳ ᠲᠠᠭᠠᠨ ᠳᠣᠭᠣᠯᠭᠠᠯᠠ
ᠨᠠᠢᠷᠠᠨ ᠳᠡᠭᠡᠷᠡ ᠨᠢ ᠣᠴᠢᠯᠠ
ᠤᠨᠠᠭᠠ ᠲᠠᠮᠠᠭᠠᠯᠠᠭᠰᠠᠨ ᠨᠠᠢᠷ ᠲᠠᠢ ᠳᠠᠪᠬᠤᠴᠠᠭᠰᠠᠨ ᠬᠤᠷᠢᠮ
ᠠᠭᠤᠯᠠ ᠳᠣᠷᠭᠢᠶᠠᠭᠰᠠᠨ ᠨᠢᠵᠢᠭᠡᠷ ᠪᠣᠯᠤᠯᠠ
ᠶᠡᠬᠡ ᠬᠥᠯ ᠲᠡᠢ ᠨᠠᠢᠷᠠᠨ ᠠ᠋ᠴᠠ ᠰᠡᠳᠬᠢᠯ ᠰᠠᠯᠠᠭᠠᠨ ᠭᠠᠷᠪᠠᠯ
ᠡᠮᠡᠭᠡᠯ ᠦ᠋ᠨ ᠮᠢᠨᠢ ᠮᠥᠩᠭᠥᠨ ᠪᠠᠭᠠᠪᠤᠷ ᠳᠡᠭᠡᠷᠡ ᠬᠠᠷᠠ ᠴᠢᠭᠢᠭ ᠤᠨᠠᠵᠠᠢ
ᠡᠨᠡᠲᠡᠭᠡ ᠠᠭᠤᠯᠠ ᠶ᠋ᠢᠨ ᠬᠢᠷᠠ ᠳ᠋ᠤ᠌ ᠠᠵᠠ ᠶ᠋ᠢᠨ ᠴᠣᠯᠮᠣᠨ ᠥᠶᠥᠭᠡᠳᠡᠵᠡᠢ
ᠬᠠᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠬᠥᠭᠡᠷᠦᠬᠦᠨ ᠬᠣᠷᠭᠣᠯᠵᠢᠨ
ᠬᠠᠳᠠᠨ ᠳ᠋ᠤ᠌ ᠴᠠᠪ ᠰᠠᠭᠤᠲᠠᠯᠠ ᠳᠡᠰ ᠳᠡᠰ ᠢᠨᠢᠶᠡᠨᠡ
ᠡᠷᠬᠡᠯᠡᠵᠦ ᠤᠨᠠᠭᠰᠠᠨ ᠨᠠᠮᠤᠷ ᠤ᠋ᠨ ᠮᠠᠨᠠᠨ ᠢ᠋ ᠢᠷᠡᠨ ᠡᠷᠡ ᠪᠣᠷᠣ ᠬᠠᠷᠴᠠᠭᠠᠢ ᠰᠡᠷᠴᠢᠭᠢᠨᠡᠭᠬᠢᠨ ᠵᠠᠮᠬᠠᠷᠠᠨᠠ
ᠤᠭ ᠨᠢ ᠪᠢ ᠲᠡᠳᠡᠨ ᠦ᠌ ᠳ᠋ᠦ᠍ ᠠᠭᠰᠤᠮ ᠲᠠᠯᠪᠢᠶᠠ ᠭᠡᠵᠦ ᠣᠴᠢᠭᠰᠠᠨ ᠶᠤᠮ ᠠ᠋
ᠤᠬᠠᠭᠠᠨᠲᠤ ᠠᠷᠠᠳ ᠤ᠋ᠨ ᠳᠠᠭᠤᠨ ᠳ᠋ᠠᠭᠠᠨ ᠬᠦᠯᠢᠶᠡᠲᠡᠢ ᠪᠠᠢᠭᠠ ᠳ᠋ᠤ᠌ ᠴᠢᠳᠠᠭᠰᠠᠨ ᠦᠭᠡᠢ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ᠄ ᠮᠣᠳᠣᠲᠤ ᠬᠠᠪᠤᠷᠵᠢᠶᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠣᠳᠣᠨᠭᠡᠷᠡᠯ