ᠥᠷᠯᠦᠭᠡᠨ ᠤ ᠵᠢᠷᠤᠭ - ᠷ ᠂ ᠴᠣᠢᠨᠣᠮ Өглөөний зураг – Р ᠂ Чойном
263ᠥᠷᠯᠦᠭᠡᠨ ᠤ ᠵᠢᠷᠤᠭ
ᠲᠡᠪᠡᠨᠡ ᠶ᠋ᠢᠨ ᠰᠦᠪᠡ ᠰᠢᠭ ᠪᠢᠴᠢᠬᠠᠨ ᠵᠤᠯᠠ
ᠲᠠᠩᠭᠢᠰ ᠰᠢᠭ᠋ ᠲᠡᠭᠷᠢ ᠶ᠋ᠢ ᠳᠡᠯᠪᠡᠢᠲᠡᠯᠡ ᠡᠷᠭᠦᠪᠡ᠂
ᠵᠡᠭᠦᠦ ᠶ᠋ᠢᠨ ᠦᠵᠦᠭᠦᠷ ᠰᠢᠭ ᠡᠦᠲᠦᠨ ᠰᠦᠷᠦᠭ
ᠵᠡᠭᠦᠨ ᠬᠣᠢᠨᠠ ᠠ᠋ᠴᠠ ᠰᠢᠭᠤᠭᠳᠠᠨ ᠪᠡᠯᠴᠢᠪᠡ᠃
ᠤᠷᠢᠳᠤ ᠰᠥᠨᠢ ᠶ᠋ᠢᠨ ᠰᠡᠭᠦᠯᠴᠢ ᠶ᠋ᠢᠨ ᠬᠠᠷᠠᠩᠭᠤᠢ ᠶ᠋ᠢ
ᠠᠭᠤᠯᠠ ᠲᠤᠯᠤᠭᠠᠳ ᠰᠢᠯᠭᠡᠭᠡᠬᠦ ᠰᠢᠭ ᠥᠨᠳᠡᠢᠪᠡ
ᠤᠰᠤ ᠨᠤᠲᠤᠭ ᠵᠡᠭᠦᠳᠦᠨ ᠦ᠌ ᠰᠣᠨᠢᠨ ᠢ᠋
ᠤᠷᠭᠤᠭᠠ ᠮᠣᠳᠣ ᠰᠢᠪᠡᠨᠡᠬᠦ ᠰᠢᠭ ᠲᠣᠳᠣᠷᠠᠪᠠ᠃
ᠠᠯᠠᠭ ᠨᠢᠳᠦᠨ ᠴᠠᠪᠴᠢᠨ ᠴᠠᠪᠴᠢᠬᠤᠶᠠ
ᠠᠯᠤᠰ ᠤ᠋ᠨ ᠪᠠᠷᠠ ᠨᠡᠮᠡᠨ ᠨᠡᠮᠡᠪᠡ᠂
ᠠᠯᠤᠰ ᠤ᠋ᠨ ᠪᠠᠷᠠ ᠨᠡᠮᠡᠨ ᠨᠡᠮᠡᠬᠦᠶᠡ
ᠠᠢᠯ ᠮᠠᠯ ᠲᠣᠳᠣᠷᠠᠨ ᠲᠣᠳᠣᠷᠠᠪᠠ᠃
ᠬᠥᠬᠡ ᠢᠮᠠᠭᠠ ᠰᠢᠭ᠋ ᠪᠢᠴᠢᠬᠠᠨ ᠭᠡᠷ ᠡᠴᠡ
ᠬᠥᠨᠳᠡᠢ ᠳᠦᠭᠦᠷᠡᠩ ᠤᠲᠤᠭᠠ ᠰᠡᠪᠰᠡᠪᠡ᠂
ᠴᠢᠭᠢᠭ ᠲᠡᠢ ᠠᠷᠭᠠᠯ ᠨᠢ ᠠᠰᠠᠵᠤ ᠥᠭᠬᠦ ᠦᠭᠡᠢ
ᠴᠢᠬᠢ ᠪᠡᠨ ᠱᠤᠤᠭᠢᠲᠠᠯᠠ ᠦᠯᠢᠶᠡᠨ ᠠᠰᠠᠭᠠᠪᠠ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠦᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠰᠠᠨ ᠨᠢ᠄ ᠭᠠᠷᠮᠠ᠂ ᠣᠳᠬᠠᠨᠰᠣᠠ