ᠴᠢᠰᠦ - ᠷ ᠂ ᠴᠣᠢᠨᠣᠮ Цус – Р ᠂ Чойном
263ᠴᠢᠰᠦ
ᠭᠠᠪ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠪᠢ ᠬᠤᠨᠳᠠᠭᠠᠨ ᠳ᠋ᠠᠬᠢ
ᠭᠠᠯ ᠲᠠᠢ ᠳᠠᠷᠠᠰᠤ ᠶ᠋ᠢ ᠲᠣᠩᠭᠣᠢᠯᠭᠠᠪᠠ
ᠭᠠᠨᠢᠬᠠᠷᠠᠭᠰᠠᠨ ᠰᠡᠳᠬᠢᠯ ᠢ᠋ᠶ᠋ᠡᠷ ᠲᠦᠯᠡᠬᠦ ᠭᠡᠵᠦ ᠪᠢ
ᠭᠠᠯᠵᠠᠭᠤ ᠣᠬᠢ ᠶ᠋ᠢ ᠨᠢ ᠵᠠᠯᠭᠢᠯᠠᠪᠠ ᠃
ᠰᠢᠯᠦᠨ ᠬᠤᠨᠳᠠᠭᠠᠨ ᠤ᠋ ᠠᠮᠠᠰᠠᠷ ᠪᠢᠯᠬᠠᠵᠤ
ᠰᠢᠮᠡ ᠶ᠋ᠢᠨ ᠳᠠᠷᠠᠰᠤ ᠪᠢᠰᠢ ᠮᠢᠨᠦ ᠴᠢᠰᠤ ᠪᠠᠢᠪᠠ᠂
ᠰᠢᠩᠭᠡᠨ ᠲᠤᠩᠭᠠᠯᠠᠭ ᠡᠨᠡ ᠵᠠᠯᠠᠭᠤ ᠴᠢᠰᠤ ᠪᠠᠨ
ᠰᠢᠮᠡᠨ ᠤᠤᠭᠤᠭᠠᠳ ᠬᠥᠯᠴᠥᠭᠦᠷᠬᠡᠵᠦ ᠰᠠᠭᠤᠨᠠᠮ ᠃
ᠬᠠᠯᠠᠭᠤᠨ ᠴᠢᠰᠤ ᠮᠢᠨᠢ ᠳᠥᠴᠢᠨ ᠳᠣᠯᠣᠭᠠᠨ
ᠭᠷᠠᠳᠦ᠋ᠰ ᠬᠠᠭᠠᠰ ᠯᠢᠲ᠋ᠷ ᠨᠢ ᠭᠤᠴᠢᠨ ᠲᠥᠭᠥᠷᠢᠭ
ᠬᠠᠯᠠᠭᠠᠰᠤ ᠪᠠᠨ ᠲᠡᠮᠲᠡᠷᠢᠵᠦ ᠴᠢᠰᠤ ᠪᠠᠨ ᠬᠤᠳᠠᠯᠳᠤᠵᠤ ᠠᠪᠤᠭᠠᠳ
ᠬᠠᠨᠢ ᠨᠥᠬᠥᠳ ᠢ᠋ᠶ᠋ᠡᠷ᠂ ᠳᠠᠢᠰᠤᠨ ᠢ᠋ᠶ᠋ᠠᠨ ᠳᠠᠢᠯᠠᠨᠠᠮ ᠪᠢ ᠂
ᠡᠷᠡᠭᠦᠯ ᠡᠩᠬᠡ ᠶ᠋ᠢᠨ ᠴᠢᠨᠢ ᠲᠥᠯᠥᠭᠡ
ᠢᠷᠡᠭᠡᠳᠦᠢ ᠶ᠋ᠢᠨ ᠴᠢᠨᠢ ᠲᠥᠯᠥᠭᠡ
ᠡᠨᠡ ᠴᠢᠰᠤ ᠪᠠᠨ ᠡᠷᠭᠦᠶᠡ !ᠭᠡᠬᠦ ᠦᠭᠡᠢ
ᠠᠭᠢᠨ ᠳᠦᠭᠦᠷᠭᠡᠵᠦ ᠂ ᠳᠠᠬᠢᠨ ᠵᠠᠯᠭᠢᠯᠠᠪᠠ ᠂
ᠳᠠᠷᠠᠭᠠ ᠪᠠᠷ ᠭᠤᠷᠪᠠ ᠬᠥᠨᠲᠥᠷᠪᠡ
ᠳᠠᠷᠠᠰᠤ ᠪᠠᠨ ᠡᠷᠭᠦᠶᠡ ᠭᠡᠳᠡᠭ ᠤᠴᠢᠷ ᠪᠣᠯ
ᠳᠠᠷᠤᠤᠬᠠᠨ ᠴᠡᠪᠡᠷ ᠪᠠᠢᠬᠤ ᠶ᠋ᠢᠨ ᠶᠣᠰᠣᠨ ᠪᠤᠶᠤ
ᠳᠡᠯᠡᠬᠡᠢ ᠳ᠋ᠦ᠍ ᠬᠡᠷᠪᠡ ᠤᠰᠤ ᠪᠠᠢᠳᠠᠭ ᠦᠭᠡᠢ ᠰᠠᠨ ᠪᠣᠯ᠂
ᠡᠨᠡ ᠪᠡᠶᠡ ᠳ᠋ᠦ᠍ ᠮᠢᠨᠢ ᠴᠢᠰᠤ ᠪᠠᠢᠬᠤ ᠦᠭᠡᠢ ᠰᠠᠨ
ᠢᠰᠬᠦᠯᠡᠩ ᠤᠮᠳᠠᠭᠠᠨ ᠳ᠋ᠤ᠌ ᠪᠢᠳᠡ ᠰᠣᠭᠲᠣᠬᠤ ᠦᠭᠡᠢ ᠰᠠᠨ
ᠰᠣᠭᠲᠣᠭᠤᠷᠠᠯ ᠦᠭᠡᠢ ᠰᠠᠨ ᠪᠣᠯ ᠵᠢᠷᠭᠠᠯ ᠵᠣᠪᠠᠯᠠᠩ
ᠰᠣᠨᠢᠷᠬᠠᠯ ᠳᠤᠷᠠᠯᠠᠯ ᠴᠥᠮ ᠪᠠᠢᠬᠤ ᠦᠭᠡᠢ ᠰᠠᠨ᠃
ᠬᠦᠰᠡᠯ ᠬᠢᠰᠠᠯ ᠬᠣᠶᠠᠷ ᠤ᠋ᠨ
ᠵᠥᠷᠢᠶᠡ ᠶᠡᠬᠡ ᠪᠤᠶᠤ
ᠬᠥᠮᠦᠨ ᠠᠳᠤᠭᠤᠰᠤ ᠬᠣᠶᠠᠷ ᠤ᠋ᠨ
ᠢᠯᠭᠠᠭᠠ ᠪᠠᠭᠠ ᠪᠤᠶᠤ
ᠵᠠᠭᠤ ᠵᠠᠭᠤᠨ ᠵᠢᠯ ᠳ᠋ᠦ᠍ ᠡᠪᠦᠭᠡᠳ ᠦ᠋ᠨ ᠴᠢᠰᠤ ᠶ᠋ᠢ
ᠵᠠᠭᠤᠷᠠ ᠵᠠᠭᠤᠷᠠᠬᠠᠨ ᠰᠠᠬᠠᠷᠠᠭᠤᠯᠤᠩᠬᠠᠨ ᠪᠠᠢᠵᠤ ᠠᠪᠤᠭᠰᠠᠨ
ᠵᠤᠷᠪᠤᠰᠬᠠᠨ ᠭᠠᠵᠠᠷ ᠳᠡᠭᠡᠷᠡ ᠪᠡᠨ ᠪᠢᠳᠡ
ᠵᠤᠨ ᠤ᠋ ᠭᠤᠷᠪᠠᠨ ᠰᠠᠷᠠ ᠳ᠋ᠤ᠌ ᠤᠯᠠᠭᠠᠨ ᠪᠤᠭᠤᠳᠠᠢ ᠲᠠᠷᠢᠨᠠᠮ᠃
ᠤᠷᠤᠰᠬᠤ ᠴᠢᠰᠤ ᠲᠣᠭᠠᠴᠢᠬᠤ ᠨᠠᠰᠤ ᠪᠠᠨ ᠬᠣᠷᠣᠭᠠᠵᠤ
ᠤᠯᠠᠭᠠᠨ ᠴᠢᠰᠤ ᠪᠣᠯᠤᠭᠰᠠᠨ
ᠤᠯᠠᠭᠠᠨ ᠪᠤᠭᠤᠳᠠᠢ ᠪᠠᠨ ᠲᠠᠷᠢᠶᠠᠯᠠᠵᠤ
ᠤᠷᠭᠤᠴᠠ ᠪᠠᠷ ᠨᠢ ᠪᠢᠳᠡ ᠬᠠᠲᠠᠭᠤ ᠳᠠᠷᠠᠰᠤ ᠨᠡᠷᠡᠯᠡ᠃
ᠴᠢᠩ ᠦᠨᠡᠨ ᠢ᠋ ᠨᠢ ᠬᠡᠯᠡᠬᠦ ᠪᠡᠷ
ᠴᠢᠬᠢᠨ ᠳ᠋ᠦ᠍ ᠡᠪ ᠦᠭᠡᠢ ᠪᠠᠢᠳᠠᠭ ᠶᠤᠮ᠂ ᠭᠡᠪᠡᠴᠦ ᠶᠠᠭᠠᠬᠢᠬᠤ ᠪᠣᠢ
ᠴᠢᠰᠤ ᠪᠠᠨ ᠤᠤᠭᠤᠵᠤ ᠪᠠᠢᠨᠠ᠂ ᠲᠠ ᠴᠤ᠌ ᠤᠤᠭᠤᠵᠤ ᠪᠠᠢᠨᠠ᠂
ᠴᠢᠰᠤᠨ ᠳ᠋ᠠᠭᠠᠨ ᠬᠤᠨᠳᠠᠭᠠ ᠲᠤᠯᠭᠠᠵᠤ ᠤᠤᠭᠤᠭᠠᠳ ᠰᠣᠭᠲᠣᠶᠠ ᠪᠢ᠃
※ ᠢᠷᠡᠯᠲᠡ᠄
《 ᠷ · ᠴᠣᠶ᠋ᠢᠨᠣᠮ ᠦ᠋ᠨ ᠰᠢᠯᠦᠭ ᠵᠣᠬᠢᠶᠠᠯ ᠬᠤᠷᠢᠶᠠᠬᠤᠢ — 》
— ᠤᠶᠠᠩᠬ᠋ᠠ ᠶ᠋ᠢᠨ ᠰᠢᠯᠦᠭ ᠡᠴᠡ ᠬᠠᠭᠤᠯᠪᠠ ᠃
ᠪᠢ · ᠳᠠᠮᠳᠢᠨᠰᠦ᠋ᠷᠦᠩ ᠡᠮᠬᠢᠤᠠᠬᠡᠨ ᠨᠠᠶ᠋ᠢᠷᠠᠭᠤᠯᠪᠠ
ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠤᠭᠴᠢ ᠄ ᠪᠣᠷᠤᠨᠤᠳ ᠳᠣᠷᠵᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠦᠮᠡᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ